၄၅
၁ ထႃႇဝရႃႉၽြႃးမီးဢမိင်ႉတီႈၶုၼ်ၵုရု ဢၼ်ပဵၼ်ၵူၼ်းမၼ်းၸဝ်ႈ ဢၼ်ၶၢမ်ႇၽိၵ်ႈသိၵ်ႈဢၼ်မၼ်းၸဝ်ႈၵမ်ႉထွၵ်ႈမိုဝ်းၶွၼ်ၶႂႃမၼ်းႁႂ်ႈမၼ်းလႆႈဢဝ်တိၼ်ယဵပ်ႇၶၢမ်ႈယူႇၵူႈသိုင်ႇၵူႈမိူင်းၵႃႈတီႈၽၢႆႇၼႃႈမၼ်း၊ ႁႂ်ႈမၼ်းလႆႈၽုၺ်ႇၽၵ်းတူးဢၼ်မီးသွင်မႂ်ႊလႄႈ ဢမ်ႇဢိူတ်း လႆႈၼၼ်ႉၸမ်း၊-
၂ ၵဝ်တၵ်းၵႂႃႇဢွၼ်တၢင်းမႂ်းလႄႈႁႂ်ႈတီႈဢၼ်သုင်တင်းလၢႆပဵင်းဢေႃႈ။ ၵဝ်တၵ်းၵႄႈႁၵ်းပႅတ်ႈၽၵ်းတူတွင်းလိူင်တင်းလၢႆလႄႈတႅပ်းၵိူၼ်ႇ လဵၵ်းပႅတ်ႈပဵၼ်ပွတ်းပဵၼ်တွၼ်ႈဢေႃႈ။
၃ ၵဝ်ဢဝ်ၽၼ်ႇတႃႇဢၼ်မီးၵႃႈတီႈလပ်းသိင်ႇ၊ ၶွင်ၶူဝ်းဢၼ်သိူပ်ႇလပ်ႉ ဝႆႉလွတ်ႈလွတ်ႈလီလီၸိူဝ်းၼၼ်ႉ ပၼ်တီႈမႂ်းႁႂ်ႈမႂ်းလႆႈႁူႉလွင်ႈဢၼ်ဝုႈၵဝ် ထႃႇဝရႃႉၽြႃးဢၼ်ႁွင်ႉၸိုဝ်ႁွင်ႉသဵၼ်မႂ်းၼၼ်ႉ ပဵၼ်ၽြႃးပဵၼ်ၸဝ်ႈ ဢိသရေႇလ ၼၼ်ႉဢေႃႈ။
၄ ပုၼ်ႈယႃႇၵုပ်ႉဢၼ်ပဵၼ်ၶႃႈၵဝ် ဢိသရေႇလဢၼ်ၵဝ်လိူၵ်ႈၵဵပ်းဢဝ်ၼၼ်ႉၸိုင် ၵဝ်ဢဝ်ၸိုဝ်မႂ်းသဵင်မႂ်းႁွင်ႉႁိၵ်ႈမႂ်းဢေႃႈ။ပိၵ်ႉသမ်ႉမႂ်းဢမ်ႇႁူႉၵဝ်သေၵေႃႈၵဝ် ထၢပ်ႈပၼ်ၸိုဝ်သဵင်ဢၼ်မႂ်ႇတီႈမႂ်းဢေႃႈ။
၅ ၵဝ်သူႇလဵဝ်ပႃးလဵဝ်ၵူၺ်းပဵၼ်ထႃႇဝရႃႉၽြႃးဢေႃႈ။ၼွၵ်ႈသေၵဝ်ၼႆႉၽြႃးပဵၼ်ၸဝ်ႈတၢင်ႇသူႇတၢင်ႇပႃးဢမ်ႇမီး။ပိၵ်ႉသမ်ႉမႂ်းဢမ်ႇႁူႉၸၵ်းၵဝ်သေၵေႃႈ ၵဝ်တၵ်းႁတ်ႉပၼ်ဢႅဝ် မႂ်းဢေႃႈ။
၆ ႁႂ်ႈၶဝ်ၸိူဝ်းဢၼ်ယူႇၸႃႉၸဵမ်တီႈဢၼ်ၵၢင်ဝၼ်းဢွၵ်ႇတေႃႇထိုင်ႁွတ်ႈ တီႈဢၼ်ၵၢင်ဝၼ်းတူၵ်းၼၼ်ႉ လႆႈႁူႉလွင်ႈဢၼ်ၼွၵ်ႈသေၵဝ်ၼႆႉဢမ်ႇမီးၽြႃးတၢင်ႇသူႇတၢင်ႇပႃးလႄႈ ၵဝ်သူႇလဵဝ်ပႃးလဵဝ်ၵူၺ်း ပဵၼ်ထႃႇဝရႃႉၽြႃးၼၼ်ႉဢေႃႈ။
၇ ၵဝ်ႁဵတ်းပဵၼ်ဢၼ်လႅင်းလႄႈ ဢၼ်လပ်းသိင်ႇၵေႃႈ ၵဝ်ၽၢၼ်ႇသၢင်းဢေႃႈ။ၵဝ်ႁႂ်ႈတၢင်းဢၼ်ၼိမ်ဢၼ်လီပဵၼ်မႃးလႄႈဢႃႉမၢင်ႇၵလႃႇၵေႃႈၵဝ်ၽၢၼ်ႇသၢင်းဢေႃႈ။ၵဝ်ပဵၼ်ထႃႇဝရႃႉၽြႃး ဢၼ်ႁဵတ်းလွင်ႈတၢင်း ၵႃႈမီးတင်းသဵင်ႈတင်းလူင်ၸိူဝ်းၼႆႉဢေႃႈ။
၈ ၾႃႉၵၢင်ႁၢဝ်ၶဝ်ဢိူၺ်း။ႁူဝ်ႈယွတ်ႇတၢင်းသိုဝ်ႈတေႃႇသေၵႃႈတီႈၼိူဝ်လိၼ်တႃႉ။ႁႂႃ်ႈႉၽူၼ်ၸိူဝ်းၼၼ်ႉတူၵ်းၽူၼ်တြႃးသေ။ႁႂ်ႈလိၼ်မိူင်းၼႆႉၽုၺ်ႇပိုတ်ႇလႄႈမၢၵ်ႇ မၢၵ်ႇတၢင်းဢၼ်ၵႄႇသႄႇၶျွတ်ႈဢဝ်ၼၼ်ႉသေ။ႁႂ်ႈတြႃးဢၼ်သိုဝ်ႈတေႃႇၼၼ်ႉ ဢွၵ်ႇမႃးၽွမ်ႉၵမ်းလဵဝ်ၵၼ်သေ။ ၵဝ်ထႃႇဝရႃႉၽြႃးၽၢၼ်ႇသၢင်းၸိူဝ်ႉၼင်ႇ ၼၼ်ဢေႃႈ။
၉ ၵေႃႉဢၼ်ႁဵတ်းၶတ်းၵၼ်တင်းၸဝ်ႈဢၼ်ၽၢၼ်ႇသၢင်းႁဵတ်းပဵၼ်မၼ်းၼၼ်ႉ မီးဢႃႉမၢင်ႇၵလႃႇဢေႃႈ။မၼ်းပဵၼ်ၽၢၵ်ႇမေႃႈၵႃႈၼႂ်းၽၢၵ်ႇမေႃႈလိၼ်တင်းလၢႆလူင်ပေႇ။လိၼ်မေႃႈတၵ်းလႆႈထၢမ်တီႈၵေႃႉဢၼ်ဢဝ်မၼ်းႁဵတ်းၼၼ်ႉလႄႈဝႃႈ၊-မႂ်းဢဝ်ႁဵတ်းၵႃႈသင်၊ဝႃႈၼင်ႇၼႆႁိုဝ်။ လွင်ႈတၢင်းဢၼ်မႂ်းႁဵတ်းၼၼ်ႉတၵ်းလႆႈလၢတ်ႈလႄႈဝႃႈ၊-ၵေႃႉဢၼ်ႁဵတ်းၵဝ် ၼၼ်ႉဢမ်ႇမီးမိုဝ်းၵူၺ်း၊ဝႃႈၼင်ႇၼႆႁိုဝ်။
၁၀ ၵေႃႉဢၼ်လၢတ်ႈတီႈပေႃႈမၼ်းဝႃႈ၊-မႂ်းတၵ်းႁႂ်ႈပဵၼ်ဢၼ်ၸိူဝ်ႉၼင်ႇႁိုဝ်၊ဝႃႈၼင်ႇၼႆလႄႈ လၢတ်ႈတီႈမေးမၼ်းဝႃႈ၊-မႂ်းတၵ်းၵိူတ်ႇလဵင်ႉၸိူဝ်ႉၼင်ႇႁိုဝ်မႃး၊ ဝႃႈၼင်ႇၼႆၼၼ်ႉမီးဢႃႉမၢင်ႇၵလႃႇဢေႃႈ။
၁၁ ထႃႇဝရႃႉၽြႃးၸဝ်ႈ ဢၼ်မူတ်းၸၢင်ႇမဵဝ်းဢိသရေႇလ ၸဝ်ႈဢၼ်ၽၢၼ်ႇသၢင်းႁဵတ်းပဵၼ်မဵဝ်းၼၼ်ႉမီးဢမိင်ႉဝႆႉၸမ်း၊- သူဢွၼ်ၵၼ်တွင်ႈထၢမ်လူၺ်ႈလွင်ႈတၢင်းဢၼ်တၵ်းပဵၼ်မႃးၸိူဝ်းၼၼ်ႉတီႈၵဝ်တႃႉ။ဢွၼ်ၵၼ်ၸီႇယၢင်ႇၵဝ်လူၺ်ႈလွင်ႈလုၵ်ႈလၢင်းၵဝ် ဢိၵ်ႇတင်း လူၺ်ႈလွင်ႈတၢင်းဢၼ်မိုဝ်းၵဝ်ႁဵတ်းၼၼ်ႉတႃႉ။
၁၂ ၵဝ်ႁဵတ်းလိၼ်မိူင်းဝႆႉယဝ်ႉ။ၵဝ်ၽၢၼ်ႇသၢင်းႁဵတ်းပဵၼ်ၵူၼ်းၵႃႈၼိူဝ်မၼ်းဝႆႉယဝ်ႉ။ၵဝ်ဢၼ်ဝႃႈမိုဝ်းၵဝ်ၼႆႉၶဵင်ႈမုငႃ်းႉၵၢင်ႁၢဝ်ဝႆႉလႄႈ ၸီႇယၢင်ႇၶၢၼ်းၶိူင်ႈပိူင်မၼ်း တင်းသဵင်ႈတင်းလူင်ဝႆႉယဝ်ႉ။
၁၃ ၵဝ်ႁႂ်ႈမၼ်းထၼ်ႈပေႃးဢွၵ်ႇမႃး ၸွမ်းၵႃႈၼင်ႇဢၼ်တြႃးတၢင်းသိုဝ်ႈတေႃႇမီးၼၼ်ႉလႄႈ ၵဝ်တၵ်းႁႂ်ႈသဵၼ်ႈတၢင်းၵႃႈဢၼ်မၼ်းၵႂႃႇမၼ်းပႆၼၼ်ႉသိုဝ်ႈဢေႃႈ။ မၼ်းတၵ်းတႄႇႁဵတ်းဝဵင်းၵဝ်လႄႈ မၼ်းယင်းဢမ်ႇဢဝ်ၵႃႈမၼ်းၶၼ်မၼ်း၊ယင်းဢမ်ႇၶၢမ်ႇဢဝ်သူးဢဝ်လၢပ်ႈလႄႈ တၵ်းပွႆႇၵူၼ်းၵဝ်ဢၼ်လႆႈၶၢမ်ႇတၢင်းဢၼ်သိမ်းဢဝ်ၶျုၵ်ႈဝႆႉၸိူဝ်းၼၼ်ႉလွတ်ႈဢေႃႈ ဝႃႈၼင်ႇၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၁၄ ထႃႇဝရႃႉၽြႃးသမ်ႉမီးဢမိင်ႉထႅင်ႈၸမ်း၊-တၢင်းဢၼ်မိူင်းဢေႇၵႅပ်ႉတုႁဵတ်းၵႃႉႁဵတ်းၶၢႆတင်းဢၼ်မိူင်း ၵုသပဵၼ်တိုၼ်းပဵၼ်ႁွၼ်း ဢိၵ်ႇတင်းၵူၼ်းမဵဝ်း မေႃႇၽဢၼ်တူဝ်ယႂ်ႇတူဝ်သုင်ၸိူဝ်းၼၼ်ႉ တၵ်းလႆႈႁွတ်ႈမႃးၵႃႈတီႈမႂ်းလႄႈပဵၼ်ၶွင်ၶူဝ်းမႂ်းဢေႃႈ။ ၶဝ်ၼၼ်ႉတၵ်းလႆႈၸွမ်းပႃႈလင်မႂ်းလႄႈ ၶၢမ်ႇတၢင်းဢၼ်ၸိူၵ်ႈလဵၵ်းမတ်ႉၽုၵ်ႈယူႇသေလႄႈထွမ်ႇဢေႃႈ။ ၶဝ်တၵ်းဢွၼ်ၵၼ်ၶုပ်ႉမူပ်ႇၵႃႈတီႈၽၢႆႇၼႃႈမႂ်းလႄႈ တွင်းပၢၼ်ႇတီႈမႂ်းလႄႈဝႃႈ၊-ၽြႃးပဵၼ်ၸဝ်ႈမီးတီႈၸဝ်ႈႁဝ်းဢမၢၼ်ႇၶၢၼ်ပဵၼ်ၶႃႈဢေႃႈ။ၼွၵ်ႈသေၽြႃးၼၼ်ႉဢမ်ႇမီးၽြႃးတၢင်ႇသူႇတၢင်ႇပႃးၶႃႈယဝ်ႉ၊ ဝႃႈၼင်ႇၼႆဢေႃႈ။
၁၅ ၽြႃးပဵၼ်ၸဝ်ႈမဵဝ်းဢိသရေႇလ၊ ၸဝ်ႈဢၼ်ၵႄႇသႄႇၶျွတ်ႈဢဝ်တီႈၶႃႈ။ၸဝ်ႈႁဝ်းပဵၼ်ၽြႃးပဵၼ်ၸဝ်ႈဢၼ် သိူင်ႇလပ်ႉတူဝ်ၸဝ်ႈၵဝ်ႇဝႆႉတီႈၶႃႈဢေႃႈ။
၁၆ ၶဝ်ၵႃႈဢၼ်ႁဵတ်းရုၵ်ႉထူႉ ၸိူဝ်းၼၼ်ႉတၵ်းဢွၼ်ၵၼ်ဢူၵ်းဢၢႆသေလႄႈၵႂင်ၸႂ်ယုင်ႈၸႂ်လႄႈ တၵ်းလႆႈႁွတ်ႈထိုင်ၵႂႃႇၵႃႈၼႂ်းတၢင်းဢၼ်ၸႂ်မၢၵ်ႇၸႂ်မိူဝ်ၼၼ်ႉ ၽွမ်ႉမိူဝ်ႈလဵဝ်ၵမ်း လဵဝ်ၵၼ်ဢေႃႈ။
၁၇ မဵဝ်းဢိသရေႇလၸမ်းတၵ်းႁွတ်ႈထိုင်တၢင်းဢၼ် ထႃႇဝရႃႉၽြႃးၵႄႇသႄႇၶျွတ်ႈဢဝ်ထႃႇဝရႃႉၼၼ်ႉလႄႈ ၵၢင်းလွတ်ႈတင်းတၢင်းဢၼ်ဢူၵ်းဢၼ်ဢၢႆ တၢင်းဢၼ်ၵႂင်ၸႂ်ယုင်ႈၸႂ်ယူႇၵူႈၵမႃ်ႇႇသိုပ်ႇသိုပ်ႇတၢမ်းတၢမ်းဢေႃႈ။
၁၈ ထႃႇဝရႃႉၽြႃး ဢၼ်ၽၢၼ်ႇသၢငႃ်းႉၵၢင်ႁၢဝ်၊ၽြႃးပဵၼ်ၸဝ်ႈဢၼ်ပွင်မႄးႁဵတ်းပဵၼ်လိၼ်မိူင်းလႄႈ ႁႂ်ႈတႄႇယူႇမၼ်ႈမၼ်ႈၶိူင်ႇၶိူင်ႇ၊ ၸဝ်ႈဢၼ်ၽၢၼ်ႇသၢင်းႁဵတ်းပဵၼ်မၼ်းပဝ်ႇဝႆႉလၢပ်ႈဝႆႉဢမ်ႇၸႂ်ႈ။ ဢၼ်ပွင်မႄးမၼ်းဝႆႉ ႁႂ်ႈပဵၼ်ပုၼ်ႈဢၼ်သတ်ႉတဝႃႇတၵ်းလႆႈယူႇလႆႈသဝ်းၼၼ်ႉမီးဢမိင်ႉဝႆႉၸမ်း၊-ၵဝ်ပဵၼ်ထႃႇဝရႃႉၽြႃး ဢေႃႈ။
၁၉ ၼွၵ်ႈသေၵဝ်ၼႆႉဢမ်ႇမီးၽြႃးတၢင်ႇသူႇတၢင်ႇပႃး။ၵဝ်ဢမ်ႇႁေႃးလၢတ်ႈၼႂ်းတီႈဢၼ်တဵတ်ႇဢၼ်မႅပ်း၊တီႈဢၼ်လပ်းသိင်ႇၵႃႈၼႂ်းလိၼ်မိူင်း၊ၵဝ်ဢမ်ႇလၢတ်ႈတီႈမဵဝ်းယႃႇၵုပ်ႉလႄႈဝႃႈ၊-သူၼႆႉယင်းဢမ်ႇမီးဢၵျူဝ်းလႄႈႁႃဢဝ်ၵဝ်တႃႉ၊ဝႃႈၼင်ႇၼႆၼၼ်ႉ။ ၵဝ်ထႃႇဝရႃႉၽြႃးၸင်ႇမွၵ်ႇလၢတ်ႈတၢင်းဢၼ်သိုဝ်ႈဢၼ်တေႃႇလႄႈ ႁေႃးလၢတ်ႈလွင်ႈတၢင်းဢၼ်ၸိုဝ်ႈ ဢၼ်ၸႂ်ႈဢေႃႈ။
၂၀ သူၵေႃႈၸူႉၵၼ်တုမ်ၵၼ်သေလႄႈမႃးတႃႉ။သူၸိူဝ်းဢၼ်လွတ်ႈသေၽေးၵူႈသိုင်ႇၵူႈမိူင်းၶဝ်ဢိူၺ်း။ ဢွၼ်ၵၼ်သုတ်ႉၸပ်းသုတ်ႉၸူးတီႈၵၼ်တႃႉ။ ၶဝ်ၸိူဝ်းဢၼ်ဢဝ်ၼိူဝ်ႉမႆႉရုၵ်ႉထူႉဢၼ်ၶဝ်တွင်ႈႁဵတ်းၶႅၵ်းႁဵတ်းၼၼ်ႉၵႂႃႇလႄႈ သူးတွင်းႁဵတ်းပထၼႃႇတီႈၽြႃးဢၼ်ဢမ်ႇၵႄႇသႄႇၶျွတ်ႈဢဝ်လႆႈၼၼ်ႉ ၸိူဝ်းၼၼ်ႉဢမ်ႇမီးပိင်ႇၺႃႇ။
၂၁ ဢွၼ်ၵၼ်မွၵ်ႇလၢတ်ႈလႄႈၽုၺ်ႇဢွၵ်ႇၼႄပျုႉတႃႉ။ ႁႂ်ႈၶဝ်တိူင်ႇပၢင်ႇၵၼ်သေ။ ၽူႈ လႂ်ၽုၺ်ႇဢွၵ်ႇၼႄပျုႉလွင်ႈတၢင်းၼႆႉၸႃႉၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉ။ၽူႈ လႂ်မွၵ်ႇလၢတ်ႈမိူဝ်ႈမိုၼ်ႉၸိုၼ်ႉသိုၼ်းၼၼ်ႉ။ၵဝ်ထႃႇဝရႃႉၽြႃးမွၵ်ႇလၢတ်ႈဢမ်ႇၸႂ်ႈႁိုဝ်။ၼွၵ်ႈသေၵဝ်ၼႆႉဢမ်ႇမီးၽြႃးတၢင်ႇသူႇတၢင်ႇပႃး။ၵဝ်ပဵၼ်ၽြႃးဢၼ်သိုဝ်ႈတေႃႇ၊ၽြႃးဢၼ်ၵႄႇသႄႇၶျွတ်ႈဢဝ်ဢေႃႈ။ ၼွၵ်ႈသေၵဝ်ၼႆႉဢမ်ႇမီး ၽြႃးတၢင်ႇသူႇတၢင်ႇပႃး။
၂၂ သူၸိူဝ်းဢၼ်ယူႇၵႃႈတီႈသုတ်း လႅၼ်လိၼ်မိူင်းတင်းသဵင်ႈတင်းလူင်ၶဝ်ဢိူၺ်း။ႁႅၼ်တူၺ်းၵဝ်လႄႈ ၶၢမ်ႇဢဝ်ၵျေးၸူးတၢင်းဢၼ်ၵႄႇသႄႇၶျွတ်ႈဢဝ်တႃႉ။ၵဝ်ၼႆႉပဵၼ်ၽြႃးပဵၼ်ၸဝ်ႈဢေႃႈ။
၂၃ ၼွၵ်ႈသေၵဝ်ၼႆႉဢမ်ႇမီးၽြႃးတၢင်ႇသူႇတၢင်ႇပႃး။ၵဝ်ဢဝ်တူဝ်ၸဝ်ႈၵဝ်ႇတိူင်ႇဝႃႈလႄႈ ၵႂၢမ်းလႆႈဢွၵ်ႇသူပ်းၵဝ်ၸွမ်းၼင်ႇတြႃးတၢင်းဢၼ်သိုဝ်ႈတေႃႇၼၼ်ႉလႄႈဝႃႈ၊-ၵူႈၵေႃႉၵူႈၵူၼ်းတၵ်းလႆႈၶုပ်ႉၶဝ်ႇၵႃႈတီႈၽၢႆႇၼႃႈၵဝ်ဢေႃႈ။ၵူႈၵေႃႉၵူႈၵူၼ်းတၵ်းလႆႈဢဝ်တင်းသူပ်းၶဝ်ၶၢမ်ႇသႅတ်ႉၸႃႇဢေႃႈ၊ ဝႃႈၼင်ႇၼႆယဝ်ႉလႄႈယင်း ဢမ်ႇတဵမ်ႈလႄႈဢမ်ႇလႆႈယူႇ။
၂၄ ၵူႈၵေႃႉၵူႈၵူၼ်းတၵ်းလႆႈဢွၼ်ၵၼ်လဝ်ႈလၢတ်ႈတီႈၵဝ်လႄႈဝႃႈ၊-ၵႃႈၼႂ်းထႃႇဝရႃႉၽြႃးၵူၺ်း မီးတၢင်းဢၼ်သိုဝ်ႈတေႃႇဢိၵ်ႇတင်းတၢင်း ဢၼ်ၵတ်ႉဢၼ်ၶၼ်ဢေႃႈ၊ဝႃႈၼင်ႇၼႆဢေႃႈ။ၵူၼ်းတင်းလၢႆ တၵ်းဢွၼ်ၵၼ်မႃး တီႈမၼ်းၸဝ်ႈလႄႈ ၶဝ်ၸိူဝ်းဢၼ်ဢမ်ႇၼႃႇလူဝ်ႇမၼ်းၸဝ်ႈတင်းသဵင်ႈတင်းလူင်ၼၼ်ႉ တၵ်းဢွၼ်ၵၼ်ႁွတ်ႈထိုင်တၢင်း ဢၼ်ဢူၵ်းဢၼ်ဢၢႆဢေႃႈ။
၂၅ ၵူၼ်းမဵဝ်းဢိသရေႇလတင်းသဵင်ႈတင်းလူင် တၵ်းဢွၼ်ၵၼ်ႁွတ်ႈထိုင်တၢင်းဢၼ်သိုဝ်ႈတေႃႇၵႃႈၼႂ်းထႃႇဝရႃႉၽြႃးလႄႈ ဢုပ်ႇဝၢဝ်းဢေႃႈ။