၁၄
၁ လွင်ႈမၼ်းၸမ်း ထႃႇဝရႃႉၽြႃး တၵ်းဢိတ်းလူမဵဝ်းယႃႇၵုပ်ႉလႄႈသမ်ႉၶိုၼ်းလိူၵ်ႈၵဵပ်းဢဝ်ၵူၼ်းမဵဝ်း ဢိသရေႇလသေယဝ်ႉ တၵ်းၶျႃးတီႈယူႇၶဝ်ပၼ်ၵႃႈၼႂ်းမိူင်းဢၼ်ၶဝ်ယူႇၵဝ်ႇၵဝ်ႇၼၼ်ႉဢေႃႈ။ၵူၼ်းတၢင်ႇဝၢၼ်ႈတၢင်ႇမိူင်းတၵ်းဢွၼ်ၵၼ် ႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်လႄႈ သုတ်ႉၶဝ်ႈၸပ်းၶဝ်ႈၸူးၵႃႈတီႈမဵဝ်း ယႃႇၵုပ်ႉဢေႃႈ။
၂ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတၵ်းဢွၼ်ၵၼ် ဢဝ်ၶဝ်သူင်ႇႁွတ်ႈထိုင်ၵႃႈတီႈဢၼ်ၶဝ်ယူႇၵဝ်ႇၵဝ်ႇၼၼ်ႉလႄႈၵူၼ်းမဵဝ်းဢိသရေႇလ တင်းလၢႆတၵ်းဢဝ်ၶဝ်ဝႆႉ ၵႃႈၼႂ်းဢရႃႇၶႃႈၵူၼ်းယိင်းၶႃႈၵူၼ်းၸၢႆးၵႃႈၼႂ်း မိူင်းထႃႇဝရႃႉၽြႃးၼၼ်ႉသေလႄႈၸႂ်ႉသွႆၵိၼ်ဢေႃႈ။ ၶဝ်တၵ်းၶိုၼ်းသိမ်းဢဝ်ၶဝ်ၸိူဝ်းဢၼ် ယၢမ်ႈလႆႈၶၢမ်ႇသိမ်းဢဝ်ၶဝ်ၵႂႃႇၸိူဝ်းၼၼ်ႉမႃးလႄႈ ဢုပ်ႉပိူင်ႇၶဝ်ၸိူဝ်းဢၼ်ယၢမ်ႈၼိၵ်ႈၸၢၵ်ႈငႅၼ်းသေးၶဝ်ၼၼ်ႉဢေႃႈ။
၃ ၼႂ်းမိူဝ်ႉဝၼ်းၼၼ်ႉထႃႇဝရႃႉၽြႃး တၵ်းၼုၵ်ႈဢဝ်မႂ်းဢွၵ်ႇသေၵႃႈၼႂ်းတၢင်းဢၼ်မႆႈၸႂ်ယၢပ်ႇၸႂ် တၢင်းဢၼ်ၵူဝ်ဢၼ်ႁႄ တၢင်းဢၼ်လႆႈၶၢမ်ႇႁဵတ်းၶႃႈလႄႈပိူၼ်ႈၸႂ်ႉၵိၼ်သွႆၵိၼ်ၼၼ်ႉသေလႄႈ ပၼ်ၵတ်းယဵၼ် ၶျၢမ်းသႃႇဢေႃႈ။
၄ မႂ်းတၵ်းလႆႈဢဝ်ၵႂၢမ်းဢပုမ်ႇၸိူဝ်ႉၼင်ႇၼႆတႅၵ်ႈၶုၼ်ႁေႃၶမ်းပႃႇပုလုၼ်ႇသေလႄႈ ဢွၵ်ႇသူပ်းဝႃႈၸမ်း၊- ၵေႃႉဢၼ်ႁဵတ်းတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉသုမ်းၸွမ်းယဝ်ႉလူင်ပေႇ။ဝဵင်းၶၢမ်းၸဝ်ႈ ၼၼ်ႉသုမ်းၸွမ်းယဝ်ႉလူင်ပေႇ။
၅ ထႃႇဝရႃႉၽြႃးႁၵ်းႁိၵ်းၶွၼ်ႉတဝ်ႉၶဝ်ၸိူဝ်းဢၼ်ႁၢႆႉဢၼ်မိူၵ်ႈ၊ ၵၼ်းႁွၵ်ႇရႃႇၸႃႉၶဝ်ၸိူဝ်းဢၼ်ဢုပ်ႉတင်းလၢႆ ဢၼ်ႁဵတ်းတၢင်းဢၼ်ၸႂ်မႆႈၶႆႈၸႃႉဢွၵ်ႇသေလႄႈ ပေႃႉယႅၼ်ႉၵူၼ်းသတ်ႉတဝႃႇ ယူႇတႃႇသေႇဢမ်ႇထၢတ်ႇဢိၵ်ႇတင်း တၢင်းဢၼ်ၸႂ်မႆႈၸႂ်လိူတ်ႇလႄႈ
၆ ပႃးဢဝ်တၢင်းဢၼ်ၼိၵ်ႈၸၢၵ်ႈငႅၼ်းသေး ဢၼ်ၽူႈ လႂ်ဢမ်ႇႁႄႉၶႅၼ်လႆႈၼၼ်ႉသေလႄႈ ဢုပ်ႉပိူင်ႇၵူၼ်းၵူႈၸိူဝ်ႉၵူႈမဵဝ်းၼၼ်ႉပႅတ်ႈယဝ်ႉ။
၇ လိၼ်မိူင်းတင်းသဵင်ႈတင်းမူတ်း မီးတၢင်းဢၼ်တႄႇလီၼိမ်လီလႄႈၵတ်းယဵၼ်ၶျၢမ်းသႃႇဢေႃႈ။ၶဝ်ဢွၼ်ၵၼ်ဢဝ်သဵင်ဢၼ်ႁဵတ်းၵႂၢမ်း သႂၢင်ႇသႂၢင်ႇသိူဝ်းသိူဝ်း ၼၼ်ႉသေလႄႈႁွင်ႉသႅၼ်ႇဢေႃႈ။
၈ တူၼ်ႈပႅၵ်ႇဢိၵ်ႇတင်းတူၼ်ႈဢႃႇရိတ်ႉလေႇပၼုၼ်ႇ တင်းလၢႆ ဢွၼ်ၵၼ်ၸူမ်းသိူဝ်းလႄႈလၢတ်ႈဝႃႈ၊-လိုၼ်းသေဢၼ်မႂ်းလူမ်ႉယဝ်ႉၼၼ်ႉ ၵေႃႉဢၼ်တၵ်းတီပွမ်ႈၽၼ်းႁဝ်းလူမ်ႉၼၼ်ႉဢမ်ႇလႆႈၶိုၼ်းမႃးယႃႉႁဝ်းယဝ်ႉ၊ဝႃႈၼင်ႇၼႆဢေႃႈ။
၉ မိူင်းမရၼႃႉ ၵႃႈတီႈၽၢႆႇတၢင်းတႂ်ႈၼၼ်ႉတူင်ႉတိုၼ်ႇႁႂ်ႈလႆႈႁပ်ႉႁူဝ်တၢင်းမႂ်း ၼႂ်းမိူဝ်ႈဢၼ်မႂ်းႁွတ်ႈထိုင်ၼၼ်ႉလႄႈ တိုၵ်းယူင်း ၵူၼ်းပႃႇႁဵဝ်ႈသၢင်းၶႅင်းတင်းလၢႆဢၼ်ဝႃႈ ၶုၼ်လေႃးၵီႇတင်းသဵင်ႈတင်းလူင်ပုၼ်ႈမႂ်းသေလႄႈ ႁႂ်ႈၶုၼ်ႁေႃၶမ်းၵူႈသိုင်ႇၵူႈမိူင်းၵႃႈမီး လုၵ်ႉသေ ၵႃႈတီႈရႃႇၸႃႉပလၢင်ႇၶဝ်ဢေႃႈ။
၁၀ ၶဝ်တင်းသဵင်ႈတင်းလူင်ၼၼ်ႉ တၵ်းဢွၼ်ၵၼ်တၵ်ႉလၢတ်ႈတီႈမႂ်းလႄႈဝႃႈ၊-မႂ်းၼႆႈၵေႃႈႁႅင်းလဵၵ်ႉႁႅင်းၵေႇမိူၼ်ၸိူဝ်ႉၼင်ႇႁဝ်းယဝ်ႉလူင်ပေႇ။မႂ်းပဵၼ်မိူၼ်ၵၼ်တင်းႁဝ်းယဝ်ႉလူင်ပေႇ။
၁၁ မူၼ်ႈသရေႇမႂ်းဢိၵ်ႇတင်း သဵင်မဵဝ်းတူႇရီ့ယႃႇမႂ်းၸိူဝ်းၼၼ်ႉလႆႈၶၢမ်ႇတၢင်းဢၼ် ၶျႃးတူၵ်းသႂ်ႇၵႃႈၼႂ်းမိူင်းမရၼႃႉယဝ်ႉလူင်ပေႇ။ၵႃႈတီႈမႂ်းမီးတၢင်းဢၼ်တူဝ်မူင်ႈတင်းလၢႆသိူဝ်ႇဝႆႉယူႇၵႃႈတီႈၼိူဝ်ႉမႂ်း မီးတၢင်းဢၼ်တိူၵ်ႇလိူၼ်တင်းလၢႆ ႁူမ်ႇသုမ်ႇဝႆႉယူႇယဝ်ႉလူင်ပေႇ၊ဝႃႈၼင်ႇၼႆဢေႃႈ။
၁၂ ၵူၼ်းၵၢင်ၼႂ်၊လၢဝ်မိူင်းလႅင်းဢိူၺ်း။မႂ်းၼႆႉတူၵ်းသေၵႃႈၼိူဝ်ၵၢင်ႁၢဝ်ယဝ်ႉလူင်ပေႇ။မႂ်းဢၼ်ၼိၵ်ႈၸၢၵ်ႈငႅၼ်းသေးၵူႈသိုင်ႇၵူႈမိူင်းၼႆႉလႆႈၶၢမ်ႇတၢင်းဢၼ်ပွမ်ႈလူမ်ႉတေႃႇထိုင်ႁွတ်ႈလိၼ်ယဝ်ႉလူင်ပေႇ။
၁၃ မႂ်းမီးၸႂ်ဢၼ်ၵျၢမ်ႇပွင်လႄႈဝႃႈ၊-ၵဝ်တၵ်းၶိုၼ်ႈၵႃႈၼိူဝ်ၾႃႉၵၢင်ႁၢဝ်ဢေႃႈ။ၵဝ်တၵ်းယုၵ်ႉယွင်ႈပလၢင်ႇၵဝ်ဝႆႉၵႃၼိူဝ်လၢဝ်ၽြႃးပဵၼ်ၸဝ်ႈၸိူဝ်းၼၼ်ႉဢေႃႈ။ၵဝ်တၵ်းၼင်ႈယူႇၵႃႈၼိူဝ်လွႆပရိၵ်ႈသၢတ်ႈၸဝ်ႈ ၵႃႈတီႈၽၢႆႇတၢင်းႁွင်ႇ ၼၼ်ႉဢေႃႈ။
၁၄ ၵဝ်တၵ်းၶိုၼ်ႈၵႃႈၼိူဝ်ၸိၵ်းၸွမ်းၽႃႈၽူၼ်လႄႈ တၵ်းယူႇမိူၼ်ၸိူဝ်ႉၼင်ႇၽြႃးဢၼ်သုင်ၼႃႇသေပိူၼ်ႈၼၼ်ႉဢေႃႈ၊ ဝႃႈၼင်ႇၼႆဢေႃႈ။
၁၅ ၵူၺ်းၵႃႈ မႂ်းလႆႈၶၢမ်ႇတၢင်းဢၼ်ၶျႃးတူၵ်းၵႃႈၼႂ်းမိူင်းမရၼႃႉၵႃႈတီႈၶုမ်ပႃႇႁဵဝ်ႈသၢင်းၶႅင်းယဝ်ႉ။
၁၆ ၶဝ်ၸိူဝ်းဢၼ်ႁၼ်မႂ်းၼၼ်ႉ တၵ်းယဵၵ်ႉတူၺ်းမႂ်းၸေးၸေးၸွတ်ႇၸွတ်ႇလႄႈ ၶႆႈၸႂ်ဝူၼ်ႉၸႂ်လူၺ်ႈလွင်ႈမႂ်းသေလႄႈလၢတ်ႈလႄႈဝႃႈ၊-
၁၇ ၵေႃႉဢၼ်ႁႂ်ႈလိၼ်မိူင်းသၼ်ႇဝႆလႄႈ ၶွၼ်းၶဝ်ႇသိုင်ႇၸိုင်ႈမိူင်းတင်းလၢႆၵေႃႉဢၼ်ႁႂ်ႈလိၼ်မိူင်း ပဵၼ်ၸိူဝ်ႉၼင်ႇထိူၼ်ႇၶိူဝ်းလႄႈယႃႉၽဵဝ်ႈဝဵင်းမၼ်းတင်းလၢႆပႅတ်ႈ၊ ၵေႃႉဢၼ်ဢမ်ႇပွႆႇၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၼၼ်ႉ ၶိုၼ်း မိူဝ်းၸူးၵႃႈတီႈတီႈယူႇၶဝ်ၼၼ်ႉၸမ်း၊-
၁၈ ပဵၼ်ၵေႃႉၼႆႉႁိုဝ်။ၶုၼ်ႁေႃၶမ်း ၵူႈသိုင်ႇၵူႈမိူင်းတင်းသဵင်ႈတင်းလူင်ၼၼ်ႉဢွၼ်ၵၼ်ပႃးဢဝ်မူၼ်ႈသရေႇလႄႈ ၼွၼ်းၵႃႈၼႂ်းၶုမ် ၶဝ်ႁင်းၽႂ်ႁင်းမၼ်းဢေႃႈ။
၁၉ မႂ်းၸမ်းလႆႈၶၢမ်ႇတၢင်းဢၼ်ဢဝ်ဢွၵ်ႇပႅတ်ႈသေ ၵႃႈၼႂ်းပႃႇႁဵဝ်ႈသၢင်းၶႅင်းမႂ်းမိူၼ်ၸိူဝ်ႉၼင်ႇၵိင်ႇမႆႉၶႃႊမႆႉ ဢၼ်လီႁင်ႈဢဵတ်ႇသဵတ်ႇၼၼ်ႉလႄႈ ပဵၼ်ၸိူဝ်ႉၼင်ႇၶူဝ်းၼုင်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၶႃႈၽၼ်းဢဝ်တၢႆပႅတ်ႈလႄႈ မိတ်ႈတႅင်းသႂ်ႇသေယဝ်ႉ ဢဝ်ၶျႃးတူၵ်းသႂ်ႇၵႃႈၼႂ်းပႃႇၵွၼ်ႈႁိၼ်ၵႃႈတီႈပႃႇႁဵဝ်ႈသၢင်းၶႅင်းၼၼ်ႉလႄႈ ပဵၼ်ၸိူဝ်ႉၼင်ႇ တူဝ်တၢႆဢၼ်တိၼ်ယဵပ်ႇၶၢမ်ႈၼၼ်ႉဢေႃႈ။
၂၀ မႂ်းဢမ်ႇလႆႈၶၢမ်ႇတၢင်းဢၼ် သၢင်းၵျူဝ်ႇလူၺ်ႈၵၼ်တင်းၶဝ်ၼၼ်ႉ။လွင်ႈမၼ်းၸမ်းမႂ်းယႃႉမိူင်းမႂ်းပႅတ်ႈယဝ်ႉ။မႂ်းဢဝ်ၵူၼ်းဝၢၼ်ႈၵူၼ်းမိူင်းမႂ်းတၢႆယဝ်ႉ။ၸိူဝ်ႉၶိူဝ်းၶဝ်ၸိူဝ်းဢၼ်ႁဵတ်းဢႃႉထမ်ႇမႃႉၼၼ်ႉ ဢမ်ႇလႆႈႁူင်ႁၢင်းသႃႈၸွတ်ႇလႃးလႃးဝႃႈၼင်ႇၼႆဢေႃႈ။
၂၁ မႄးပွင်မႄးႁဵတ်းတၢင်းဢၼ်ဢဝ်တၢႆဝႆႉပုၼ်ႈလုၵ်ႈပုၼ်ႈလၢင်းမၼ်း ၵွပ်ႈပိူဝ်ႈဢပျႅတ်ႈပူႇမွၼ်ႇၶဝ်ၼၼ်ႉတႃႉ။ ယႃႇပေႁႂ်ႈၶဝ်လုၵ်ႉလႄႈပိူင်ႇလိၼ်မိူင်းႁႂ်ႈၼႃႈ လိၼ်မိူင်းတဵမ်ဝႆႉတင်းဝဵင်းၶဝ်သေၵမ်း။
၂၂ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းလုၵ်ႉယူႇၽၢႆႇၼိုင်ႈတင်းၶဝ်လႄႈ ပႄႇၽဵဝ်ႈၼႃႇမႃႉၸိုဝ်သဵင်တၢင်းဢၼ်ၵိုတ်းဢၼ်ၵျၢၼ်ႇ လုၵ်ႈလၢင်းတင်းလၢႆပႅတ်ႈသေၵႃႈတီႈပႃႇပုလုၼ်ႇဢေႃႈ၊ ဝႃႈၼင်ႇၼႆဢေႃႈ။
၂၃ လၢႆးသမ်ႉ ၵဝ်တၵ်းႁႂ်ႈဝဵင်းၼၼ်ႉပဵၼ်တီႈယူႇတီႈဢၼ်ၼမ်ႉထူမ်ႈဢေႃႈ။ၵဝ်တၵ်းဢဝ်ယူးဢၼ်ယႃႉပႅတ်ႈၼၼ်ႉပတ်းမၼ်းပႅတ်ႈဢေႃႈ၊ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
ပျႃႇတိၵ်ႈဢႃႇသုရိ
၂၄ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တိူင်ႇဝႃႈလႄႈမီးဢမိင်ႉၸမ်း၊-ၸွမ်းၵႃႈၼင်ႇဢၼ်ၵဝ်ၵျၢမ်ႇပွင်ၼၼ်ႉတၵ်းလႆႈပဵၼ်ဢေႃႈ။ၸွမ်းၵႃႈၼင်ႇဢၼ်ၵဝ်ၸီႇယၢင်ႇ ဝႆႉၼၼ်ႉတၵ်းလႆႈတႄႇဢေႃႈ။
၂၅ ဢၼ်ၵဝ်ၵျၢမ်ႇပွင်ၸမ်း၊-ၵဝ်တၵ်းႁၵ်းႁိၵ်းၶုၼ်ဢႃႇသုရိ ပႅတ်ႈၵႃႈၼႂ်းမိူင်းၵဝ်လႄႈဢဝ်တိၼ်ၵဝ်ယဵပ်ႇၶၢမ်ႈမၼ်းၵႃႈၼိူဝ်လွႆၵဝ်တင်းလၢႆဢေႃႈ။မိူဝ်ႈၼၼ်ႉၵၢၼ်းႁၢပ်ႇမၼ်းၼၼ်ႉတၵ်းၶၢႆႉသေၵႃႈတီႈၶဝ်လႄႈ ၶူဝ်းႁၢပ်ႇမၼ်းၼၼ်ႉတၵ်းလႆႈၶျႃးလူင်းသေၵႃႈၼိူဝ်ႁူဝ်မႃႇၶဝ်ဢေႃႈ၊ ဝႃႈၼင်ႇၼႆ ဢေႃႈ။
၂၆ တၢင်းၵျၢမ်ႇတၢင်းပွင်ၸိူဝ်ႉၼင်ႇၼႆၼၼ်ႉပဵၼ်တၢင်းဢၼ်မၼ်းၸဝ်ႈၵျၢမ်ႇပွင်ၵႃႈၼိူဝ်လိၼ်မိူင်းတင်းသဵင်ႈတင်းမူတ်းဢေႃႈ။မိုဝ်းမၼ်းၸဝ်ႈၸိူဝ်ႉၼင်ႇၼႆၼၼ်ႉ ပဵၼ်မိုဝ်းဢၼ်ယဵတ်ႇယူႇ ၵႃႈၼိူဝ်ၵူၼ်းၵူႈသိုင်ႇၵူႈမိူင်းတင်းသဵင်ႈတင်းလူင်ဢေႃႈ။
၂၇ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးတၢင်းၵျၢမ်ႇတၢင်းပွင်ယဝ်ႉလႄႈၽူႈ လႂ်တၵ်းယႃႉ။မၼ်းၸဝ်ႈယဵတ်ႇမိုဝ်းယိုၼ်းမိုဝ်းမၼ်းၸဝ်ႈလႄႈ ၽူႈ လႂ်တၵ်းပၢၵ်ႈပႅတ်ႈဢီးပႅတ်ႈ။
ပျႃႇတိၵ်ႈၽိလိတ်ႉတိ
၂၈ ပျႃႇတိၵ်ႈၸဝ်ႈ ဢၼ်လႆႈၶၢမ်ႇၼႂ်းပီႊဢၼ်ၶုၼ်ဢႃႇၶတ်ႉႁွတ်ႈဢၼိၵ်ႈၸႃႉၼၼ်ႉၸမ်း၊-မိူင်းၽိလိတ်ႉတိတင်းမိူင်းဢိူၺ်း။
၂၉ ယႃႇပထွေၵ်ႈလူၺ်ႈလွင်ႈဢၼ်ၶွၼ်ႉဝၢႆဢၼ်ပေႃႉယႅၼ်ႉမႂ်းၼၼ်ႉႁၵ်းၵႂႃႇၼၼ်ႉသေလႄႈၸူမ်းသိူဝ်း။ၵႃႈၼႂ်းမဵဝ်းငူးႁၢႆႉတၵ်းပေႃႇဢွၵ်ႇမႃးလႄႈၶိူဝ်းမၼ်းၼၼ်ႉၵေႃႈ တၵ်းပဵၼ်ငူးႁၢႆႉဢၼ်ၸၢင်ႊမိၼ် ဢေႃႈ။
၃၀ လုၵ်ႈတူၼ်ႈၶဝ်ၸိူဝ်းဢၼ်ၽၢၼ်ဢၼ်ၵိၼ်းၼၼ်ႉတၵ်းလႆႈၵိၼ်လႆႈၶူပ်းလႄႈ ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ တၵ်းလႆႈၼွၼ်းလုင်ႉလီလွတ်ႈလီဢေႃႈ။ ၵဝ်တၵ်းဢဝ်တၢင်းဢၼ်ဢိုပ်းဢၼ်ယၢၵ်ႈလႄႈ ဢဝ်ႁၢၵ်ႈမႂ်းတၢႆလႄႈ ၶႃႈၽၼ်းတၢင်းဢၼ်ၵိုတ်းဢၼ်ၵျၢၼ်ႇတီႈမႂ်းၼၼ်ႉပႅတ်ႈဢေႃႈ။
၃၁ ၽၵ်းတူဢိူၺ်း။ၶၢင်းၶီၶၢင်းၽၢၼ်တႃႉ။ ဝဵင်းဢိူၺ်း။ႁႆႈႁွင်ႉပွင်ႉၶၢင်းတႃႉ။မိူင်းၽိလိတိတင်းမိူင်းဢိူၺ်း။မႂ်းမီးတၢင်းဢၼ်လိူမ်ႈၵႂႃႇယဝ်ႉ။ၵွၼ်းၽႆးဢွၵ်ႇသေၵႃႈတီႈၽၢႆႇတၢင်းႁွင်ႇမႃးလႄႈၵႃႈၼႂ်းမုၵ်ႉၸိူဝ်းၼၼ်ႉဢမ်ႇမီးၵေႃႉဢၼ်လႆႈယူႇယေႈၵေႃႉယေႈတီႈ။
၃၂ တၵ်းလႆႈၶိုၼ်းလၢတ်ႈတီႈသၢၼ်ႇတမၢၼ်ႇ ဢၼ်လုၵ်ႉသေႇၵႃႈတီႈတၢင်ႇသိုင်ႇတၢင်ႇမိူင်းမႃးၸိူဝ်းၼၼ်ႉ ၸိူဝ်ႉၼင်ႇႁိုဝ်ဝႃႈၼႆၸမ်း၊-ထႃႇဝရႃႉၽြႃးလႆႈတႄႇႁဵတ်းဝဵင်းၸိဢုၼ်ႇ လႄႈ ၵူၼ်းယၢၵ်ႈၵူၼ်းၽၢၼ်မၼ်းၸဝ်ႈတင်းလၢႆၸႂ်ဢိင်ၸႂ်ပိုင်ႈဝဵင်းၼၼ်ႉဢေႃႈ။