၂၉
တၢင်းၵိၼ်ႇလႃႇၼိူဝ်ဝဵင်းတႃႇဝိတ်ႉ
၁ ၼႄႈ။ၼႄႈ။ဝဵင်းဢရေႇလဢိူၺ်း။ဝဵင်းဢရေႇလဢၼ်ၶုၼ်တႃႇဝိတ်ႉၶျႃးတီႈယူႇၼႆႉဢိူၺ်း။ ပီႊၼိုင်ႈထၢပ်ႈထႅင်ႈၵႃႈၼိူဝ်ပီႊၼိုင်ႈယူႇတႃႉ။ၶၢမ်ႇပွႆးပဵၼ်လႄႉပဵၼ်ၵမ်းယူႇတႃႉ။
၂ ၵူၺ်းၵႃႈၵဝ်တၵ်းႁႂ်ႈဝဵင်းဢရေႇလၶၢၼ်ၸႂ်ၵႅၼ်းၸႂ်လႄႈ ပိၵ်ႉသမ်ႉမီးတၢင်းဢၼ်ငိၼ်းၽၢၼ်ဢိၵ်ႇတင်းတၢင်းဢၼ်မႆႈၸႂ်ၶီၸႂ်သေၵေႃႈ တၵ်းလႆႈပဵၼ်ၵႃႈတီႈ ၽၢႆႇၼႃႈၵဝ်ၸိူဝ်ႉၼင်ႇ ဝဵင်းဢရေႇလၼၼ်ႉ ဢေႃႈ။
၃ ၵဝ်တၵ်းၶျႃးတပ်ႉယူႇၵႃႈတီႈႁိမ်းႁွမ်းလဵပ်ႈႁွပ်ႈမႂ်းဢေႃႈ။ တၵ်းဢဝ်တႅၼ်ႈလိၼ်လွမ်ႉႁွပ်ႈမႂ်းဝႆႉလႄႈ ၶုတ်းႁဵတ်းလမ်းတပ်ႉယူႇၽၢႆႇၼိုင်ႈတင်းမႂ်းဢေႃႈ။
၄ မႂ်းတၵ်းလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇသေလႄႈယူႇၵႃႈၼႂ်းလိၼ်လၢတ်ႈဢေႃႈ။ တၵ်းလႆႈယူႇၵႃႈၼႂ်းမုၼ်ႈလိၼ်ႁဵတ်းသဵင်လဵၵ်ႉသဵင်ဢွၼ်ႇ သေလႄႈလၢတ်ႈဢွၵ်ႇသူပ်းဢေႃႈ။သဵင်ဢၼ်မႂ်းလၢတ်ႈၼၼ်ႉတၵ်းလႆႈဢွၵ်ႇမႃး ၵႃႈၼႂ်းလိၼ်မိူင်းၸိူဝ်ႉၼင်ႇသဵင်ၵေႃႉဢၼ်ၽီၶဝ်ႈလၢတ်ႈၼၼ်ႉလႄႈ မႂ်းတၵ်းလႆႈယူႇၵႃႈၼႂ်းမုၼ်ႈလိၼ် ႁဵတ်းသဵင်သေးဢွၼ်ႇသွပ်ႉသႅပ်ႉလၢတ်ႈ ဢွၵ်ႇသူပ်းဢေႃႈ။
၅ ၵူၺ်းၵႃႈၵူၼ်းတၢင်ႇဝၢၼ်ႈတၢင်ႇမိူင်းမႂ်းၸိူဝ်းၼၼ်ႉ တၵ်းလႆႈၼမ်ၼႃႇပဵၼ်ၸိူဝ်ႉၼင်ႇမုၼ်ႈလိၼ်ဢၼ်သေးဢွၼ်ႇၼၼ်ႉလႄႈ ၶဝ်ၸိူဝ်းဢၼ်လီၵူဝ်လီႁႄမႂ်းၼၼ်ႉတၵ်းလႆႈၼမ်ၼႃႇ ပဵၼ်ၸိူဝ်ႉၼင်ႇၵဵပ်ႇဢၼ်ဝႅၼ်သဵၼ်ၵႂႃႇၼၼ်ႉလႄႈဢမူႉတၵ်းၶီႉၶႃႉ ႁွတ်ႈထိုင်ၵမ်းလဵဝ်ဢေႃႈ။
၆ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းပႃးဢဝ်တင်းတၢင်းဢၼ်ၾႃႉလင်၊တၢင်းဢၼ်ဢိင်ႇသၼ်ႇ၊ တၢင်းဢၼ်သဵင်လင်သဵင်မေႃး၊ လူမ်းၽိဝ်ႁုင်၊ၽူၼ်လူင်လူမ်းလူင်၊ပိဝ်ၽႆးဢၼ်မႆႈၵိၼ်ပႅတ်ႈၼၼ်ႉသေလႄႈ ပၼ်ဢပျႅတ်ႈဢေႃႈ။
၇ ၵူၼ်းဢၼ် လုၵ်ႉသေၵႃႈတီႈ ၵူႈသိုင်ႇၵူႈမိူင်းမႃးၼမ်ၼႃႇလႄႈတိုၵ်းတေႃးဝဵင်းဢရေႇလ ဢၼ်ဝႃႈၶဝ်ၸိူဝ်းဢၼ်တိုၵ်းတေႃးဝဵင်းဢရေႇလ ဢိၵ်ႇတင်းတိူၵ်ႈတီႈတိုၵ်းသိုၵ်းမၼ်းလႄႈ ၼိၵ်ႈၸၢၵ်ႈငႅၼ်းသေးတင်းသဵင်ႈတင်းလူင်ၼၼ်ႉ တၵ်းလႆႈပဵၼ်ၸိူဝ်ႉၼင်ႇတၢင်းဢၼ်ၼွၼ်းၽၼ်ႁၼ်ဢၼ်ဝႃႈ ရူႇပႃႇရူင်ႇၶိင်ႇၵၢင်ၶိုၼ်း ၼၼ်ႉဢေႃႈ။
၈ ၵူၼ်းဢၼ်လုၵ်ႉသေၵႃႈတီႈၵူႈသိုင်ႇၵူႈမိူင်းမႃးၼမ်ၼႃႇလႄႈ တိုၵ်းတေႃးလွႆၸိဢုၼ်ႇၼၼ်ႉၸိူဝ်းၼၼ်ႉတၵ်းလႆႈပဵၼ်ၸိူဝ်ႉၼင်ႇ ၵေႃႉဢၼ်တွင်ႉမႆႈၼွၼ်းၽၼ်ၼၼ်ႉလႄႈ ထၢင်ႇဝႃႈလႆႈၵိၼ်ယဝ်ႉဝႃႈၼင်ႇၼႆသေၵေႃႈယၢမ်းမိူဝ်ႈဢၼ်တိုၼ်ႇမႃးၼၼ်ႉၸိုင်တၢင်းဢၼ်တွင်ႉမႆႈမၼ်း ဢမ်ႇပျေႇဢမ်ႇႁၢႆဢိၵ်ႇတင်းၸိူဝ်ႉၼင်ႇ ၵေႃႉဢၼ်ယၢၵ်ႇၼမ်ႉၼၼ်ႉၼွၼ်းၽၼ်လႄႈထၢင်ႇဝႃႈ လႆႈၵိၼ်ယဝ်ႉ ဝႃႈၼင်ႇၼႆသေၵေႃႈယၢမ်း မိူဝ်ႈဢၼ်တိုၼ်ႇမႃးၼၼ်ႉမီးတၢင်းဢၼ်ဢူၼ်ႈယူႇဢွၵ်ႇၸႂ်ယူႇၼၼ်ႉဢေႃႈ။
၉ ဢွၼ်ၵၼ်ၶၢႆႉမိုဝ်ႈၶၢႆႉဝၼ်းလႄႈဢၢမ်းၼႃႇတႃႉ။မူၼ်ႈပျေႃႇလႄႈတႃမွတ်ႇယူႇတႃႉ။ၶဝ်ယင်းဢမ်ႇသူတ်ႉၼမ်ႉၸပိတ်ႉလႄႈမီးတၢင်းဢၼ်မဝ်းယူႇဢေႃႈ။ ၶဝ်ယင်းဢမ်ႇၵိၼ်လဝ်ႈမဝ်းၵမ်လႄႈ မီးတၢင်းဢၼ်ဝင်ႇဝီႈဝင်ႇ ဝိူဝ်ႈယူႇဢေႃႈ။
၁၀ လွင်ႈမၼ်းၸမ်းထႃႇဝရႃႉၽြႃးဢဝ်သၽေႃး ဢၼ်ၶႆႈၼွၼ်းသႂၢင်းသႂ်ႇပၼ်တီႈသူလႄႈဢိုတ်းမၢၵ်ႇတႃပရေႃးၽႅတ်ႈတင်းလၢႆၼၼ်ႉဝႆႉယဝ်ႉ။ႁူမ်ႇသုမ်ႇၵူၼ်း ဢၼ်ပဵၼ်ႁူဝ်သူဢၼ်ဝႃႈၵူၼ်းဢၼ်ႁူ ပွင်ႇတႃႇလႅင်းတင်းလၢႆၼၼ်ႉဝႆႉယဝ်ႉ။
၁၁ ပျႃႇတိၵ်ႈၸဝ်ႈၵႃႈမီးၼၼ်ႉ ပဵၼ်တီႈသူမိူၼ်ၸိူဝ်ႉၼင်ႇၽိုၼ်လိၵ်ႈဢၼ်တွၵ်ႇတၼ်းသိၵ်ႈ ဢၼ်ဢဝ်ပၼ်တီႈၵေႃႉဢၼ်မေႃလိၵ်ႈလႄႈလၢတ်ႈတီႈမၼ်းၼၼ်ႉလႄႈဝႃႈ၊-ၽတ်းလိၵ်ႈၼႆႉသေၵမ်း ဝႃႈၼင်ႇၼႆသေယဝ်ႉမၼ်းၼၼ်ႉၸင်ႇ ၶိုၼ်းလၢတ်ႈလႄႈဝႃႈ၊-
၁၂ ၵဝ်ဢမ်ႇၽတ်းလႆႈ။မီးတၢင်းဢၼ်တွၵ်ႇတၼ်းသိၵ်ႈဝႆႉယဝ်ႉ၊ ဝႃႈၼင်ႇၼႆလႄႈ သမ်ႉဢဝ်ၽိုၼ်လိၵ်ႈၼၼ်ႉပၼ်တီႈၵေႃႉဢၼ်ဢမ်ႇမေႃလိၵ်ႈလႄႈလၢတ်ႈတီႈမၼ်းၼၼ်ႉလႄႈဝႃႈ၊-ၽတ်းလိၵ်ႈၼႆႉသေၵမ်း၊ ဝႃႈၼင်ႇၼႆသေယဝ်ႉ မၼ်းၼၼ်ႉၸင်ႇၶိုၼ်းလၢတ်ႈလႄႈဝႃႈ၊- ၵဝ်ဢမ်ႇမေႃလိၵ်ႈဝႃႈၼင်ႇၼႆၼၼ်ႉဢေႃႈ။
၁၃ ထႃႇဝရႃႉၽြႃးမီးဢမိင်ႉလႄႈဝႃႈ၊- ၵူၼ်းမဵဝ်းၼႆႉဢဝ်တင်းသူပ်းသုတ်ႉၸပ်းသုတ်ႉၸပ်းၸူးတီႈၵဝ်လႄႈ ဢဝ်တင်းသီႇသူပ်းရူဝ်ႇသေၵူဝ်ယမ်ႇၵဝ်ဢေႃႈ။ၵူၺ်းၵႃႈႁူဝ်ၸႂ်ၶဝ်ၵႆၵၼ်တင်းၵဝ်ဢေႃႈ။တၢင်းဢၼ်ၶဝ်ၵူဝ်ႁႄၵဝ်ၼၼ်ႉ ပဵၼ်ပိင်းၺၢပ်ႈၵူၼ်းဢၼ်ၸီႇယၢင်ႇသွၼ်ပၼ် တီႈၶဝ်ၼၼ်ႉဢေႃႈ။
၁၄ ပိူဝ်ႈၼႆလႄႈၵဝ်တၵ်းသမ်ႉႁဵတ်းဢမူႉဢၼ်လီဢၢမ်းၼႃႇဢၼ်ဝႃႈ ဢမူႉဢၼ်လီဢၢမ်းၼႃႇလႄႈ လီၵူဝ်လီႁႄၼၼ်ႉတီႈၵူၼ်းမဵဝ်းၼႆႉထႅင်ႈလူးၵွၼ်ႇဢေႃႈ။ ပိင်ႇၺႃႇၶဝ်ၸိူဝ်းဢၼ်မီးပိင်ႇၺႃႇၵႃႈၼႂ်းၶဝ်ၼၼ်ႉၵဝ်တၵ်းႁႂ်ႈလူႉလႅဝ်လႄႈ ၺၢၼ်ႇၶဝ်ၸိူဝ်းဢၼ်ၺၢၼ်ႇလီၼၼ်ႉၵေႃႈ ၵဝ်တၵ်းလပ်ႉႁၢႆၵႂႃႇဢေႃႈ၊ ဝႃႈၼင်ႇၼႆဢေႃႈ။
၁၅ ၶဝ်ၸိူဝ်းဢၼ်ၵျၢမ်ႇပွင် လိုၵ်ႉလိုၵ်ႉလမ်ႇလမ်ႇႁႂ်ႈလႆႈသိူင်ႇမႅပ်းတၢင်းၵျၢမ်ႇတၢင်းပွင်ၶဝ်သေ ၵႃႈတီႈထႃႇဝရႃႉၽြႃးလႄႈ ႁဵတ်းသၢင်ႈယူႇ ၵႃႈၼႂ်းဢၼ်လပ်းသိင်ႇသေလႄႈလၢတ်ႈဝႃႈ၊-ၽူႈ လႂ်တၵ်းႁၼ်ႁဝ်း။ၽူႈ လႂ်တၵ်းႁူႉႁဝ်း၊ ဝႃႈၼင်ႇၼႆၸိူဝ်ႉၼၼ်ႉမီးဢႃႉမၢင်ႇၵလႃႇဢေႃႈ။
၁၆ သူဢွၼ်ၵၼ် ဢဝ်ၵူႈၸိူဝ်ႉၵူႈပိူင် ပိၼ်ႈၽိူၼ်ၵႂႃႇယဝ်ႉလူင်ပေႇ။ တၵ်းလႆႈမၢတ်ႈၵေႃႉဢၼ်ႁဵတ်းမေႃႈၼၼ်ႉပဵၼ်ၸိူဝ်ႉၼင်ႇလိၼ်မေႃႈႁိုဝ်။ၶိူင်ႈပိူင်ဢၼ်ႁဵတ်းဝႆႉၼၼ်ႉတၵ်းလၢတ်ႈလူၺ်ႈလွင်ႈ ၵေႃႉဢၼ်ၸၢင်ႊႁဵတ်းမၼ်းၼၼ်ႉလႄႈဝႃႈ၊-ၵေႃႉၼႆႉဢမ်ႇႁဵတ်းၵဝ်ၵူၺ်း၊ဝႃႈၼင်ႇၼႆႁိုဝ်။ၶိူင်ႈပိူင်ဢၼ်ႁဵတ်းပဵၼ်ၼၼ်ႉတၵ်းလၢတ်ႈလူၺ်ႈလွင်ႈၵေႃႉဢၼ်ႁဵတ်းပဵၼ်မၼ်းၼၼ်ႉ လႄႈဝႃႈၵေႃႉၼႆႉဢမ်ႇမီးပိင်ႇၺႃႇ တၢင်းဢၼ်ၸၢင်ႊဢၼ်မေႃၵူၺ်း၊ဝႃႈၼင်ႇၼႆႁိုဝ်။
၁၇ ၶိင်ႇမိူဝ်ႈဢၼ်လွႆလေႇပၼုၼ်ႇ တၵ်းလႆႈပဵၼ်ၸိူဝ်ႉၼင်ႇပၢင်ႇတူင်ႁႆႊတူင်ၼႃး ဢၼ်မၢၵ်ႇၼမ်ႉႁူင်းၼမ်ႉၼၼ်ႉလႄႈ ပၢင်ႇတူင်ၼႃးဢၼ်မၢၵ်ႇၼမ်ႉႁူင်းၼၼ်ႉတၵ်းလႆႈပဵၼ်ၸိူဝ်ႉၼင်ႇ ပႃႇမႆႉပႃႇၸိင်ၼၼ်ႉၸမ်မႃးယဝ်ႉ ဢမ်ႇၸႂ်ႈႁိုဝ်။
၁၈ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉၶဝ်ၸိူဝ်းဢၼ်ႁူၼူၵ်ႇၼၼ်ႉတၵ်းလႆႈငိၼ်းၵႂၢမ်းၵျၢမ်းလိၵ်ႈလႄႈ ၶဝ်ၸိူဝ်းတႃမွတ်ႇၼၼ်ႉတၵ်းယူႇၵႃႈၼႂ်း တၢင်းဢၼ်ၽိူမ်ႈဢမ်မူဝ်းဢိၵ်ႇတင်း တၢင်းဢၼ်လပ်းသိင်ႇ သေလႄႈႁၼ်ဢေႃႈ။
၁၉ ၶဝ်ၸိူဝ်းဢၼ်ႁူဝ်ၸႂ်ၶျႃးတႅမ်ႇၼၼ်ႉ တၵ်းႁႂ်ႈတၢင်းဢၼ်ၶဝ်ၸူမ်းသိူဝ်းယူႇၼႂ်းထႃႇဝရႃႉၽြႃးၼၼ်ႉ ယႂ်ႇၽႄႈတူဝ်းတွၼ်းမႃးလႄႈ ၶဝ်ၸိူဝ်းဢၼ်ၸုတ်ႈဢၼ်လုတ်ႈၼႂ်းၵူၼ်းတင်းလၢႆၼၼ်ႉတၵ်း ဢွၼ်ၵၼ်သႂၢင်ႇသိူဝ်းယူႇၼႂ်းၽြႃးဢၼ်မူတ်းၸၢင်ႇမဵဝ်းဢိသရေႇလၼၼ်ႉဢေႃႈ။
၂၀ လွင်ႈမၼ်းၸမ်း ၵေႃႉဢၼ်လီၵူဝ်လ ီႁႄၼၼ်ႉလႆႈသုမ်းလႆႈၸွမ်းၵႂႃႇလႄႈ ၵေႃႉဢၼ်လႃႇဢၼ်လင်ၼၼ်ႉလႆႈႁၢႆၵႂႃႇ ဢေႃႈ။
၂၁ ၶဝ်ၵႃႈဢၼ်လွမ်ႁႃလွမ်တူၺ်းဢပျႅတ်ႈပိူၼ်ႈဢၼ်ႁႂ်ႈၵေႃႉဢၼ်ထူပ်းတြႃးၼၼ်ႉ ႁွတ်ႈထိုင်ဢပျႅတ်ႈဢၼ်ႁဵတ်းႁႂ်ႈၸဝ်ႈဢမူႉ ၵႃႈၼႂ်းႁူးၽၵ်းတူဝဵင်းၼၼ်ႉထုၵ်ႇၶဵၼ်းမႅၼ်ႈ၊ ဢၼ်ဢဝ်တင်းတၢင်းဢၼ်ဢမ်ႇတြႃး ႁႂ်ႈၶဝ်ၸိူဝ်းဢၼ်ဢမ်ႇမီးဢပျႅတ်ႈသုမ်းၼၼ်ႉတၵ်းလႆႈၶၢမ်ႇတၢင်းဢၼ်ပႄႇၽဵဝ်ႈပႅတ်ႈဢေႃႈ။
၂၂ ပိူဝ်ႈၼႆလႄႈ ထႃႇဝရႃႉၽြႃးဢၼ်ထုၵ်ႇၼုၵ်ႈဢဝ်မဵဝ်းဢႃႇပႁမ်ႇ ၼၼ်ႉမီးဢမိင်ႉလူၺ်ႈလွင်ႈမဵဝ်း ယႃႇၵုပ်ႉၸမ်း မဵဝ်းယႃႇၵုပ်ႉၼၼ်ႉၵမ်းလိုၼ်းလႆႈမီးတၢင်းဢၼ် ဢူၵ်းဢၼ်ဢၢႆ တၢင်းဢၼ်ၼႃႈလူႉၼႃႈႁႅတ်ႇၼႂ်းမိူဝ်ႈဢၼ်မၼ်းႁၼ်လုၵ်ႈမၼ်းလၢင်းမၼ်း ဢၼ်မိုဝ်းၵဝ်ႁဵတ်းဝႆႉၸိူဝ်းၼၼ်ႉ ၵႃႈၼႂ်းၵႄႈမၼ်းၵၢင်မၼ်းၼၼ်ႉၸိုင်ၶဝ်တၵ်းဢွၼ်ၵၼ် ႁႂ်ႈၼႃႇမႃႉၸိုဝ်သဵင်ၶဝ်မူတ်းၸၢင်ႇဢေႃႈ။
၂၃ ၶဝ်တၵ်းဢွၼ်ၵၼ်ႁႂ်ႈၽြႃးဢၼ်မူတ်းၸၢင်ႇမဵဝ်းယႃႇၵုပ်ႉၼၼ်ႉမူတ်းၸၢင်ႇလႄႈ ၵူဝ်ႁႄၽြႃး ပဵၼ်ၸဝ်ႈမဵဝ်းဢိသရေႇလဢေႃႈ။
၂၄ ၶဝ်ၸိူဝ်းဢၼ်ၸႂ်သၽေႃးပိူင်ႈၵႂႃႇၼၼ်ႉ တၵ်းဢွၼ်ၵၼ်လႆႈပိင်ႇၺႃႇသတိလႄႈ ၶဝ်ၸိူဝ်းဢၼ်ၶတ်းၶဵင်ႇႁႅင်းတႃႉၼၼ်ႉၵေႃႈတၵ်းဢွၼ်ၵၼ် ထွမ်ႇဢဝ်ၵႂၢမ်းသုင်းမႃႉဢေႃးဝႃႇတႃႉဢေႃႈ။