၃၆
ၶုၼ်သၼႃႇၶႃႇရိပ်ႉ လေႃႇငိုပ်ႈဝဵင်းယေႇရုသလႅမ်ႇ
၁ ၼႂ်းပီႊဢၼ်ၶုၼ်လူင်ႁေႇၸၵိ ၸၢမ်ႇႁၢင်ႈၸၢမ်ႇႁေႃသိပ်းပီႊၼၼ်ႉ သၼႃႇၶႃႇရိပ်ႉၶုၼ်ႁေႃၶမ်းဢႃႇသုရိၶီႇသိုၵ်းၶိုၼ်ႈၸူးတီႈဝဵင်း ဢၼ်မၼ်ႈၶိူင်ႇၵႃႈဢၼ်မီး ၵႃႈၼႂ်းမိူင်းယုတလႄႈတိုၵ်းဢဝ်လႆႈဢေႃႈ။
၂ လိုၼ်းၼၼ်ႉၶုၼ်ႁေႃၶမ်းဢႃႇသုရိ ၼၼ်ႉပွႆႇၸႂ်ႉရႃႇပသႃႇၶဢိၵ်ႇလူၺ်ႈၵၼ်တင်း ပူဝ်ႇပႃႇၵူၼ်းသိုၵ်းဢၼ်ၼမ်ၼႃႇလူင်လၢင်သေၵႃႈတီႈဝဵင်းလႃႇၶိသ မႃးၸူးၵႃႈတီႈၶုၼ်လူင်ႁေႇၸၵိ ၵႃႈတီႈဝဵင်းယေႇရုသလႅမ်ႇလႄႈၶုၼ်ပူဝ်ႇၶျုၵ်ႈၼၼ်ႉႁွတ်ႈထိုင်လႄႈ ၸုၵ်းယူႇၵႃႈတီႈပၢၵ်ႇတေႃႇၼမ်ႉၼွင်လုၵ်ႈၵႃႈၼိူဝ်ဢၼ်မီးၵႃႈတီႈ သဵၼ်ႈတၢင်းၵႂၢၵ်ႈလိၼ်ၵူၼ်းသၵ်ႉၶူဝ်းၼၼ်ႉဢေႃႈ။
၃ မိူဝ်ႈၼၼ်ႉဢေႇလျႃႇၵိမ်ႇလုၵ်ႈၸၢႆးႁိလၵိ ၵေႃႉဢၼ်ဢုပ်ႉၵႃႈၼိူဝ်ႁေႃၶမ်းဢိၵ်ႇတင်း ၸရေးလူင်သေႇပၼ၊ ဢတႂၢင်းဝုၼ်ႇယေႃႇဢႃႇ လုၵ်ႈၸၢႆးဢႃႇသပ်ႉၸိူဝ်းၼၼ်ႉ ဢွၵ်ႇၵႂႃႇၸူးၵႃႈတီႈမၼ်းသေယဝ်ႉ ရႃႇပသႃႇၶလၢတ်ႈတီႈၶဝ်လႄႈဝႃႈ၊-
၄ သူၶိုၼ်းလဝ်ႈလၢတ်ႈတီႈႁေႇၸၵိလႄႈဝႃႈ၊-ၸဝ်ႈမႁႃႇၶုၼ်လူင်ၶုၼ်ႁေႃၶမ်းဢႃႇသုရိ မီးဢမိင်ႉၸဝ်ႈလႄႈဝႃႈၸမ်း၊-
၅ တီႈဢိင်ပိုင်ႈဢၼ်မႂ်းဢိင်ပိုင်ႈယူႇၼၼ်ႉၸမ်းပဵၼ်ၸိူဝ်ႉၼင်ႇႁိုဝ်။မႂ်းလၢတ်ႈၵႂၢမ်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်လႄႈဝႃႈ၊-ၵဝ်ၼႆႉတဵမ်ဝႆႉတင်းၺၢၼ်ႇ တၢင်းၵတ်ႉတၢင်းၶၼ်တၼ်းၶူဝ်းတၢင်းၵတ်ႉတၢင်းၶၼ်ႁႂ်ႈလႆႈတိုၵ်းသိုၵ်းဢေႃႈ၊ဝႃႈၼင်ႇၼႆလူင်ပေႇ။မိူဝ်ႈလဵဝ်ၼႆႉမႂ်းဢိင်ပိုင်ႈၽူႈ လႂ်သေလႄႈလုၵ်ႉၽိုၼ်ႉၵဝ်။
၆ တူၺ်းလူ။မႂ်းဢိင်ပိုင်ႈၶွၼ်ႉတဝ်ႉလႅမ်မႆႉဢေႃႈ ဢၼ်ႁၵ်းဢၼ်ဝႃႈမိူင်းဢေႇၵႅပ်ႉတုၼၼ်ႉလူင်ပေႇ။ မႆႉဢေႃႈၼၼ်ႉတၵ်းတမ်တႅင်းမိုဝ်းၵေႃႉဢၼ်ဢိင်ပိုင်ႈၼၼ်ႉသေလႄႈပွင်ႇပိဝ်ၵႂႃႇဢေႃႈ။ၶုၼ်လူင်ဢေႇၵႅပ်ႉတုၶုၼ်ႁေႃၶမ်းၽႃႇရေႃ ၼၼ်ႉတၵ်းႁဵတ်းတီႈၶဝ်ၵႃႈဢၼ်ဢိင်ပိုင်ႈမၼ်းၸိူဝ်ႉၼင်ႇၼၼ်ဢေႃႈ။
၇ ပေႃးမႂ်းၶိုၼ်းလၢတ်ႈတီႈၵဝ်လႄႈဝႃႈ၊- ႁဝ်းဢိင်ပိုင်ႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းဢေႃႈ၊ ဝႃႈၼင်ႇၼႆၸိုင် မၼ်းၸဝ်ႈၼၼ်ႉ ပဵၼ်ၽြႃးဢၼ်ႁေႇၸၵိပႄႇၽဵဝ်ႈထႃႇၼႃႉတီႈသုင်မၼ်းၸဝ်ႈဢိၵ်ႇတင်း ယိတ်ႉပလၢင်ႇမၼ်းၸဝ်ႈတင်းလၢႆပႅတ်ႈသေလႄႈ သင်ႇလၢတ်ႈတီႈၵူၼ်းမိူင်းယုတတင်းၵူၼ်းဝဵင်းယေႇရုသလႅမ်ႇ ၸိူဝ်းၼၼ်ႉလႄႈဝႃႈ၊-သူတၵ်းလႆႈၵူဝ်းၵႂၢႆႇၵႃႈတီႈၽၢႆႇၼႃႈယိတ်ႉပလၢင်ႇဢၼ်ၼႆႉၵူၺ်းဢေႃႈ၊ ဝႃႈၼင်ႇၼႆၼၼ်ႉ ဢမ်ႇၸႂ်ႈႁိုဝ်။
၈ ပိူဝ်ႈၼႆလႄႈမိူဝ်ႈလဵဝ်ၼႆႉပၼ်ၶဝ်ၸိူဝ်းဢၼ်တၵ်းႁပ်ႉတုင်းဢဝ်တီႈၸဝ်ႈၵဝ်ၶုၼ်ႁေႃၶမ်းဢႃႇသုရိၼၼ်ႉတႃႉ။ပေႃးၵူၼ်းသိုၵ်းၶီႇမႃႉမီးတီႈမႂ်းထၼ်ႈပေႃး ၵုမ်ႇလုမ်ႇၸိုင် ၵဝ်တၵ်းပၼ်မႃႉသွင်ႁဵင်ဢေႃႈ။
၉ မႂ်းတၵ်းႁဵတ်းၸိူဝ်ႉၼင်ႇႁိုဝ်သေလႄႈႁႂ်ႈၼႃႈပူဝ်ႇဢၼ်လဵၵ်ႉသေပိူၼ်ႈ ၵႃႈၼႂ်းၶႃႈၵူၼ်းၸဝ်ႈၵဝ်ၸိူဝ်းၼၼ်ႉဝၢႆႇၶိုၼ်းလႄႈ တၵ်းသွၼ်ႈပိုင်ႈမိူင်းဢေႇၵႅပ်ႉတုပုၼ်ႈလေႃႉရထႃး လႂ်ဢိၵ်ႇတင်း ၵူၼ်းသိုၵ်းၶီႇမႃႉ လႂ် ၸိူဝ်းၼၼ်ႉၼင်ႇႁိုဝ်။
၁၀ ဢၶႂၢင်ႉထႃႇဝရႃႉၽြႃးယင်းဢမ်ႇမီးလႄႈၵဝ်မႃးႁႂ်ႈလႆႈယႃႉမိူင်းၼႆႉပႅတ်ႈႁိုဝ်။ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-ၶီႇသိုၵ်းၶိုၼ်ႈၸူးၵႃႈတီႈမိူင်းၼၼ်ႉသေလႄႈ ယႃႉပႅတ်ႈတႃႉ၊ ဝႃႈၼင်ႇၼႆယဝ်ႉ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၁၁ မိူဝ်ႈၼၼ်ႉ ဢေႇလျႃႇၵိမ်ႇ၊သေႇပၼ၊ယေႃႇဢႃႇၸိူဝ်းၼၼ်ႉလၢတ်ႈတီႈရႃႇပသႃႇၶလႄႈ ဢဝ်ၽႃႇသႃႇၵႂၢမ်းဢႃႇရမိ မီးဢမိင်ႉတီႈၶႃႈၸဝ်ႈႁဝ်းၸိူဝ်းၼႆႉသေၵမ်း။ၶႃႈၸဝ်ႈႁဝ်းၸိူဝ်းၼႆႉႁူႉၵႂၢမ်းၼၼ်ႉယူႇၶႃႈဢေႃႈ။ယႃႇပေဢဝ်ၽႃႇသႃႇၵႂၢမ်းယုတ မီးဢမိင်ႉတီႈၶႃႈၸဝ်ႈႁဝ်းၸိူဝ်းၼႆႉႁႂ်ႈႁွတ်ႈထိုင်ႁူၶဝ်ၸိူဝ်းဢၼ်မီးယူႇ ၵႃႈၼိူဝ်လမ်းဝဵင်းၼၼ်ႉသေၵမ်း၊ ဝႃႈၼင်ႇၼႆသေယဝ်ႉ၊ရႃႇပ သႃႇၶလၢတ်ႈလႄႈဝႃႈ၊-
၁၂ ၸဝ်ႈၵဝ်ၼၼ်ႉပွႆႇၸႂ်ႉၵဝ်မႃးႁႂ်ႈၵဝ်လႆႈဢဝ်ၵႂၢမ်းၼႆႉ လၢတ်ႈတေႃႇၵၼ်တင်းၸဝ်ႈမႂ်းတင်းမႂ်းၵူၺ်းႁိုဝ်။ မၼ်းၸဝ်ႈပွႆႇၸႂ်ႉၵဝ်မႃးၵႃႈတီႈၶဝ်ၸိူဝ်းဢၼ်ၼင်ႈၵႃႈၼိူဝ်လမ်းဝဵင်း ႁႂ်ႈၶဝ်လႆႈၵိၼ်ၽၢႆႈလူင်ၶဝ်လႄႈ သူတ်ႉၽၢႆႈဢွၼ်ႇၶဝ်ယူႇလူၺ်ႈၵၼ်တင်းသူၸိူဝ်းၼၼ်ႉဢမ်ႇၸႂ်ႈႁိုဝ်၊ ဝႃႈၼင်ႇၼႆသေယဝ်ႉ၊ရႃႇပသႃႇၶၼၼ်ႉၸုၵ်းယူႇသေလႄႈ ဢဝ်ၽႃႇသႃႇၵႂၢမ်း ယုတႁဵတ်းသဵင်ဢၼ်ယႂ်ႇႁွင်ႉပၢဝ်ႇလႄႈဝႃႈ၊-
၁၃ ဢွၼ်ၵၼ်ထွမ်ႇငိၼ်း ဢမိင်ႉၸဝ်ႈမႁႃႇၶုၼ်လူင် ၶုၼ်ႁေႃၶမ်း ဢႃႇသုရိတႃႉ။ၶုၼ်ႁေႃၶမ်းမီးဢမိင်ႉလႄႈဝႃႈၸမ်း၊-
၁၄ ယႃႇပေႁႂ်ႈႁေႇလၵိလႆႈပႅတ်ႉလႅၼ်ယူႇ။မၼ်းဢမ်ႇတတ်ႈၼိုင်ႈႁႂ်ႈလႆႈၵႄႇသႄႇၼုၵ်ႈဢဝ်သူ။ယႃႇပေႁႂ်ႈႁေႇၸၵိတိုၵ်းသူၼ်းႁႂ်ႈသူ လႆႈဢိင်ပိုင်ႈထႃႇဝရႃႉၽြႃးသေလႄႈလၢတ်ႈဝႃႈ၊-
၁၅ ထႃႇဝရႃႉၽြႃးတၵ်းၵႄႇသႄႇ ၼုၵ်ႈဢဝ်ႁဝ်းဢွၵ်ႇဢမၢၼ်ႇၶၢၼ်ပဵၼ်လႄႈ ဝဵင်းၼႆႉတၵ်းလႆႈႁွတ်ႈထိုင်ၵႃႈၼႂ်းမိုဝ်းၶုၼ်ႁေႃၶမ်း ဢႃႇသုရိၵူၺ်း၊ဝႃႈၼင်ႇၼႆသေၵမ်း။ ယႃႇပေထွမ်ႇဢဝ်ၵႂၢမ်း ႁေႇၸၵိသေၵမ်း။
၁၆ ၶုၼ်ႁေႃၶမ်းဢႃႇသုရိ မီးဢမိင်ႉလႄႈဝႃႈၸမ်း၊-ၵူၵေႃႉၵူၵူၼ်းႁဵတ်းမိၵ်ႈသႁႃႇယႃႉတင်းဢၼ်ထုၵ်ႇၵၼ်တင်းၵဝ်သေလႄႈ ဢွၼ်ၵၼ်ၵိၼ်မၢၵ်ႇၵႃႇတီႈတူၼ်ႈမၢၵ်ႇၸပိတ်ႉ၊ မၢၵ်ႇလိူဝ်သၢင်းၽေႃးၵႃႈတီႈ တူၼ်ႈမၢၵ်ႇလိူဝ်သၢင်းၽေႃးၼၼ်ႉသေလႄႈ
၁၇ သူတ်ႉၵိၼ်ၼမ်ႉၵႃႈတီႈၼမ်ႉၼွင်မၼ်းႁင်းၽႂ်ႁင်းမၼ်း၊တေႃႇထိုင်ႁွတ်ႈၵဝ်မႃးဢဝ်သူၵႂႃႇသူင်ႇ ၵႃႈတီႈမိူင်းဢၼ်မိူၼ်ၸိူဝ်ႉၼင်ႇမိူင်းသူဢၼ်ဝႃႈ မိူင်းဢၼ်တဵမ်ဝႆႉတင်းၶဝ်ႈပိူၵ်ႇၶဝ်ႈသၢၼ်တင်းၼမ်ႉၸပိတ်ႉ မိူင်းဢၼ်တဵမ်ဝႆႉတင်းၶဝ်ႈမုၼ်း တင်းသူၼ်ဢူးယဵၼ်ႇၸပိတ်ႉၼမ်ၼႃႇ ၼၼ်ႉတႃႉ။
၁၈ ယႃႇပေႁႂ်ႈႁေႇၸၵိတိုၵ်းယူင်းၸူဝ်းဢဝ်သူလႄႈဝႃႈ၊- ထႃႇဝရႃႉၽြႃးတၵ်းၵႄႇသႄႇၼုၵ်ႈဢဝ်ႁဝ်းဢွၵ်ႇဢေႃႈ၊ဝႃႈၼင်ႇၼႆၼၼ်ႉသေၵမ်း။ ၽြႃးၵူႈသိုင်ႇၵူႈမိူင်းသေၸဝ်ႈသေပႃး ယၢမ်ႈၵႄႇသႄႇၼုၵ်ႈဢဝ်မိူင်းတူဝ်ၸဝ်ႈၵဝ်ႇဢွၵ်ႇသေၵႃႈၼႂ်းမိုဝ်း ၶုၼ်ႁေႃ ၶမ်းဢႃႇသုရိယဝ်ႉႁိုဝ်။
၁၉ ၽြႃးမိူင်းႁႃႇမတ်ႉဢိၵ်ႇတင်းမိူင်းဢႃႇပတ်ႉၸိူဝ်းၼၼ်ႉမီးၵႃႈ လႂ်။ၽြႃးမိူင်းသေႇၽရဝိမ်ႇၸိူဝ်းၼၼ်ႉမီးၵႃႈ လႂ်။ၶဝ်ၼၼ်ႉၵႄႇသႄႇၼုၵ်ႈဢဝ် မိူင်းသမႃႇရိလွတ်ႈသေၵႃႈၼႂ်းမိူဝ်းၵဝ်ယဝ်ႉႁိုဝ်။
၂၀ ၼႂ်းၽြႃးၵူႈသိုင်ႇၵူႈမိူင်းၼၼ်ႉ ၽြႃးသူႇ လႂ်ပႃး လႂ်ယၢမ်ႈတွၼ်ႉၵႄႇသႄႇၼုၵ်ႈဢဝ်မိူင်းတူဝ်ၸဝ်ႈၵဝ်ႇ လွတ်ႈသေၵႃႈၼႂ်းမိုဝ်းၵဝ်လႄႈထႃႇဝရႃႉၽြႃးၼၼ်ႉ တၵ်းၵႄႇသႄႇၼုၵ်ႈဢဝ်ဝဵင်းယေႇရုသလႅမ်ႇ လွတ်ႈသေၵႃႈၼႂ်းမိုဝ်း ၵဝ်၊ဝႃႈၼင်ႇၼႆဢေႃႈ။
၂၁ ၵူၺ်းၵႃႈၶဝ်ၼၼ်ႉဢမ်ႇတၵ်းသဵင်လႄႈ ဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။လွင်ႈမၼ်းၸမ်း ၶုၼ်ႁေႃၶမ်းမီးဢမိင်ႉလႄႈဝႃႈ၊-ယႃႇပေၶိုၼ်းလၢတ်ႈ၊ဝႃႈၼင်ႇၼႆဢေႃႈ။
၂၂ မိူဝ်ႈၼၼ်ႉ ဢေႇလျႃႇၵိမ်ႇလုၵ်ႈၸၢႆးႁိလၵိၵေႃႉဢၼ်ဢုပ်ႉၵႃႈၼိူဝ်ႁေႃၶမ်းဢိၵ်ႇတင်း ၸရေးလူင်သေႇပၼ၊ဢတႂၢင်းဝုၼ်ႇယေႃႇဢႃႇ လုၵ်ႈၸၢႆးဢႃႇသပ်ႉၸိူဝ်းၼၼ်ႉၸၵ်ႉသိၵ်ႇၶူဝ်းၼုင်ႈတူဝ်ၸဝ်ႈၵဝ်ႇသေလႄႈသုတ်ႉမႃးၵႃႈတီႈႁေႇၸၵိလႄႈ ဢဝ်ၵႂၢမ်းရႃႇပသႃႇၶၼၼ်ႉလဝ်ႈလၢတ်ႈဢေႃႈ။