၅၆
တၢင်းၵႄႇၶျွတ်ႈပုၼ်ႈပိူၼ်ႈတၢင်ႇၵေႃႉ
၁ ထႃႇဝရႃႉၽြႃးမီးဢမိင်ႉဝႆႉၸမ်း၊-ဢွၼ်ၵၼ်ပႂ်ႉတြႃးယူႇလႄႈၵမ်ၵျၢင်ႉသိုဝ်ႈသိုဝ်ႈတေႃႇတေႃႇယူႇတႃႉ။ၵျေးၸူးၵဝ်ဢၼ်ၵႄႇသႄႇၶျွတ်ႈဢဝ်ၼၼ်ႉၸမ်တၵ်းႁွတ်ႈထိုင်လႄႈ တြႃးတၢင်းဢၼ်သိုဝ်ႈတေႃႇၵဝ်ၼၼ်ႉၸမ် တၵ်းထၢင်ႇသႃးယဝ်ႉ။
၂ ၵူၼ်းဢၼ်ႁဵတ်းၸိူဝ်ႉၼင်ၼၼ်ၵူၼ်းဢၼ်ၸွႆးၸပ်းလွင်ႈတၢင်းၼၼ်ႉ မၼ်ႈမၼ်ႈၶိူင်ႇၶိူင်ႇ၊ ၵူၼ်းဢၼ်ယင်းဢမ်ႇၶျႃးဝၼ်းၵမ်သိၼ်တူၵ်းတီႈတႅမ်ႇလႄႈ ပႂ်ႉၵမ်ပႂ်ႉၸွမ်းယူႇ၊ၵူၼ်းဢၼ်ၶျုၵ်ႈမိုဝ်းမၼ်းယူႇ ဢမ်ႇႁႂ်ႈလႆႈႁဵတ်းတူႉၸရိူၵ်ႈၼၼ်ႉ မီးမၢင်ႇ ၵလႃႇဢေႃႈ။
၃ ယႃႇပေႁႂ်ႈၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ၶဝ်ႈၸပ်းၶဝ်ႈဢိင်ယူႇတီႈ ထႃႇဝရႃႉၽြႃးၼၼ်ႉလၢတ်ႈဝႃႈ၊- ထႃႇဝရႃႉၽြႃးတၵ်းၽႄဢဝ်ၵဝ်ဢွၵ်ႇသေၵႃႈၼႂ်းၵူၼ်းမၼ်းၸဝ်ႈတင်းလၢႆဢေႃႈ၊ ဝႃႈၼင်ႇၼႆလႄႈယႃႇပေႁႂ်ႈၵူၼ်းတွၼ်လၢတ်ႈဝႃႈ၊- ၵဝ်ပဵၼ်တူၼ်ႈဢၼ်ယူတ်းလီႁႅင်ႈလီဢေႃႈ၊ဝႃႈၼင်ႇၼႆ။
၄ ထႃႇဝရႃႉၽြႃးမီးဢမိင်ႉ လူၺ်ႈလွင်ႈၵူၼ်းတွၼ်ဢၼ်ဢွၼ်ၵၼ်ပႂ်ႉဝၼ်းၵမ်သိၼ်ၵဝ်ယူႇ၊ ဢၼ်လိူၵ်ႈၵဵပ်းဢဝ်လွင်ႈတၢင်းဢၼ်ထုၵ်ႇၸႂ်ၵျိူၵ်ႈၸႂ်ၵဝ်လႄႈ ၸပ်းဢိင် ပတိၺိၼ်ႇၵဝ်ယူႇၸိူဝ်းၼၼ်ႉၸမ်း၊
၅ ၵဝ်တၵ်းဢဝ်တီႈယူႇတီႈသဝ်းဢိၵ်ႇတင်း ၼႃႇမႃႉၸိုဝ်သဵင်ဢၼ်မျၢတ်ႈၼႃႇသေ လုၵ်ႈၸၢႆးလုၵ်ႈယိင်းတင်းလၢႆၼၼ်ႉပၼ်တီႈၶဝ်ၵႃႈၼႂ်းႁိူၼ်းၵဝ်ဢိၵ်ႇတင်းတမ်ႇတိူင်းၵဝ်ဢေႃႈ။ၵဝ်တၵ်းဢဝ်ၼႃႇမႃႉၸိုဝ်သဵင်ထႃႇဝရႃႉ ဢၼ်ဢမ်ႇႁူႉ လႆႈၼၼ်ႉပၼ်တီႈၶဝ်ဢေႃႈ။
၆ ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ၸပ်းဢိင်ယူႇတီႈ ထႃႇဝရႃႉၽြႃးႁႂ်ႈလႆႈမီးတၢင်းဢၼ်ပွင်ႁဵတ်းဢမူႉမၼ်းၸဝ်ႈ၊ တၢင်းဢၼ်ႁၵ်ႉၼႃႇမႃႉၸိုဝ်ႈသဵၼ်မၼ်းၸဝ်ႈ၊ တၢင်းဢၼ်ပဵၼ်ၶႃႈမၼ်းၸိူဝ်းၼၼ်ႉဢိၵ်ႇတင်း ၶဝ်ၸိူဝ်းဢၼ်ယင်းဢမ်ႇၶျႃးဝၼ်းၵမ်သိၼ်တူၵ်းတီႈတႅမ်ႇလႄႈ ပႂ်ႉၵမ်ပႂ်ႉၸွမ်းယူႇ၊ၸွႆးၸပ်းပတိၺိၼ်ႇၵဝ်ယူႇၼၼ်ႉ၊ၵဝ်တၵ်းဢဝ်မႃးၵႃႈတီႈလွႆဢၼ်မူတ်းၸၢင်ႇၵဝ်လႄႈ ႁႂ်ႈၶဝ်ၸူမ်းသိူဝ်းယူႇၵႃႈၼႂ်းႁိူၼ်းပထၼႃႇၵဝ်ဢေႃႈ။
၇ ၵဝ်တၵ်းႁပ်ႉတုင်းဢဝ် ယိၸ်ႉဢၼ်တုတ်ႇၽႆးၶဝ် ဢိၵ်ႇတင်းယိၸ်ႉ ၶဝ်ၵူႈၸိူဝ်ႉၵူႈပိူင်ၵႃႈၼိူဝ်ယိၸ်ႉပလၢင်ႇၵဝ်ဢေႃႈ။ႁိူၼ်းၵဝ်ၸိုင်တၵ်းလႆႈ ၶၢမ်ႇတၢင်းဢၼ်ႁွင်ႉႁိၵ်ႈႁိူၼ်းတီႈဢၼ်ၵူၼ်းၵူႈၸိူဝ်ႉၵူႈမဵဝ်းသူးတွင်းဢေႃႈ။
၈ ၸဝ်ႈထႃႇဝရႃႉၽြႃး ဢၼ်ႁႂ်ႈၵူၼ်းမဵဝ်းဢိသရေႇလဢၼ်ၽၢတ်ႇၽႄၵၼ်ၵႂႃႇ ၵူႈတီႈၵူႈလႅၼ်ၼၼ်ႉလႆႈၸူႉၵၼ်တုမ်ၵၼ်ၼၼ်ႉမီးဢမိင်ႉဝႆႉၸမ်း၊-ၼွၵ်ႈသေၶဝ်ၸိူဝ်းဢၼ်ၸူႉၵၼ်တုမ်ၵၼ် ၼၼ်ႉၵဝ်တၵ်းႁႂ်ႈပိူၼ်ႈၸူႉၵၼ်တုမ်ၵၼ်တီႈမၼ်းထႅင်လူးၵွၼ်ႇဢေႃႈ၊ ဝႃႈၼင်ၼႆဢေႃႈ
ၽြႃးပဵၼ်ၸဝ်ႈတၢင်ႇဢပျႅတ်ႈၼိူဝ်ၶဝ်ၸိူဝ်းဢၼ်ႁၢႆႉမိူၵ်ႈ
၉ တူဝ်ဢၼ်မီး ၵႃႈၼႂ်းပၢင်ႇတူင်ႈႁႆႊတူင်ႈၼႃးတင်းသဵင်ႈတင်းလူင်ၶဝ်ဢိူၺ်း။ တူဝ်ႁၢႆႉၵႃႈၼႂ်းထိူၼ်ႇၼႂ်းၶိူဝ်းတင်းသဵင်ႈတင်းလူင်ၶဝ်ဢိူၺ်း။ဢွၼ်ၵၼ်မႃးႁႂ်ႈလႆႈ ၶူပ်းလႆႈၵိၼ်တႃႉ။
၁၀ ၶဝ်ၸိူဝ်းဢၼ်ပႂ်ႉၵၢင်ႇမၼ်းၼၼ်ႉတႃမွတ်ႇလႄႈ ၶဝ်ၵႃႈမီးတင်းသဵင်ႈတင်းလူင်ၼၼ်ႉဢမ်ႇမီးတၢင်းဢၼ်ႁူႉဢၼ်ၸႅင်ႈလႃးလႃး။ၶဝ်ၵႃႈမီးၼၼ်ႉပဵၼ်မႃဢၼ်ဢႃႉလႄႈ ဢမ်ႇႁဝ်ႇလႆႈ၊မႃဢၼ်ၵႂင်မႃႇဢၼ်ၼွၼ်းယူႇလႄႈ တႃၼွၼ်းယႂ်ႇၼႃႇလူင် လၢင်ၼၼ်ႉဢေႃႈ။
၁၁ မႃၸိူဝ်းၼၼ်ႉၶႂ်ႈၵိၼ်ၶႂ်ႈၶူပ်းၼႃႇလူင်လၢင်လႄႈ တွင်ႉၶဝ်ဢမ်ႇဢိမ်ႇဢမ်ႇတဵမ်လႆႈ။ၶဝ်ပဵၼ်ၵူၼ်းဢၼ်လဵင်ႉသူဝ်းထိင်းသူဝ်း ဢၼ်ဢမ်ႇၸၢင်ႊၸၵ်းၽႄလႄႈႁူႉၼၼ်ႉဢေႃႈ။ ၶဝ်ၵႃႈမီးၼၼ်ႉဢွၼ်ၵၼ်ဝႄႈဢွၵ်ႇလႄႈ ၸွမ်းသဵၼ်ႈတၢင်းတူဝ်ၸဝ်ႈၵဝ်ႇၵႂႃႇဢေႃႈ။ၶဝ်ဢွၼ်ၵၼ်ယူႇၵႃႈတီႈၽႂ်ၵႃႈတီႈမၼ်းသေလႄႈ ႁႃဢဝ်ဢၵျူဝ်းတၢင်းဢၼ်ပဵၼ်တိုၼ်းပဵၼ် ႁွၼ်းၶဝ်ဢေႃႈ။
၁၂ ၶဝ်လၢတ်ႈလႄႈဝႃႈ၊-မႃးမႃးဢိူၺ်း။ၵဝ်တၵ်းဢဝ်ၼမ်ႉၸပိတ်ႉမႃးလႄႈ ႁဝ်းတၵ်းဢွၼ်ၵၼ်ၵိၼ်လဝ်ႈမဝ်းၵမ်ဢိမ်ႇဢိမ်ႇတဵမ်တဵမ်ဢေႃႈ။ဝၼ်းမိူဝ်ႈၽုၵ်ႈၵေႃႈ တၵ်းပဵၼ်ၸိူဝ်ႉၼင်ႇဝၼ်းမိူဝ်ႈၼႆႉလႄႈ လိူဝ်သေၼၼ်ႉဢမ်ႇၵႃး တၵ်းယိင်ႈၶႅၼ်းတဵမ်ထူၼ်ႈလိူင်ႇၸႂ်ဢေႃႈ၊ဝႃႈၼင်ႇၼႆဢေႃႈ။