၅၈
တၢင်းဢၼ်ၵမ်တၢင်းၵိၼ်ဢၼ်ၸႅတ်ႈမၢၼ်ႇ
၁ သဵင်ယင်းဢမ်ႇသုတ်းဢမ်ႇယွၼ်းလႄႈ ပၢဝ်ႇသေႃႇတႃႉ။ၵိဝ်ႇသဵင်မႂ်းမိူၼ်ၸိူဝ်ႉၼင်ႇသဵင်ၼႄးၶရႃႇၼၼ်ႉသေလႄႈ ၽုၺ်ႇဢွၵ်ႇၼႄပျုႉတူႉၸရိူၵ်ႈၵူၼ်းၵဝ်တင်းလၢႆတီႈတူဝ်ၶဝ်ဢိၵ်ႇတင်း ဢပျႅတ်ႈမဵဝ်းယႃႇၵုပ်ႉတင်းလၢႆ တီႈတူဝ်ၶဝ်တႃႉ။
၂ ၶဝ်ဢွၼ်ၵၼ်ႁႃဢဝ်ၵဝ်ယူႇၵူႈမိုဝ်ႉၵူႈဝၼ်းလႄႈ မူၼ်ႈပျေႃႇယူႇ ၵႃႈၼႂ်းသဵၼ်ႈတၢင်းၵဝ်တင်းလၢႆမိူၼ်ၸိူဝ်ႉၼင်ႇ မဵဝ်းဢၼ်ၵမ်ၵျၢင်ႉၸွမ်းၼင်ႇတြႃး၊မဵဝ်းဢၼ်ဢမ်ႇၸုၼ်ႉပႅတ်ႈ ပိင်းၺၢပ်ႈၽြႃးပဵၼ်ၸဝ်ႈတူဝ်ၸဝ်ႈၵဝ်ႇၼၼ်ႉလူင်ပေႇ။ ၶဝ်ယွၼ်းတွင်ႈယွၼ်းထၢမ် လွင်ႈတၢင်းဢၼ်ၸီႇယၢင်ႇတြႃးဢၼ်သိုဝ်ႈတေႃႇတင်းလၢႆၼၼ်ႉတီႈၵဝ်လႄႈ မူၼ်ႈပျေႃႇယူႇၵႃႈၼႂ်းလွင်ႈတၢင်းဢၼ်သုတ်ႉၸပ်းသုတ်ႉၸူး ၵႃႈတီႈ ၽြႃးပဵၼ်ၸဝ်ႈၼၼ်ႉယူႇလူင်ပေႇ။
၃ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၶႃႈၸဝ်ႈႁဝ်းၶဝ်ႁဵတ်းတၢင်းဢၼ်ၵမ်တၢင်းၵိၼ်ယူႇလႄႈၸဝ်ႈႁဝ်းဢမ်ႇႁၼ်တီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၶႃႈၸဝ်ႈႁဝ်းၶဝ်ၵမ်ၵျၢင်ႉၵႅၼ်ႇၶႅင်ၼႃႇလူင်လၢင်ယူႇလႄႈ ၸဝ်ႈႁဝ်းဢမ်ႇႁူႉဢမ်ႇမၢတ်ႈတီႈၶႃႈ။ၼႂ်းလွင်ႈဢၼ်ဝႃႈၸိူဝ်ႉၼင်ႇၼႆၼၼ်ႉ။တူၺ်းလူ၊ၼႂ်းဝၼ်းဢၼ်သူၵမ်တၢင်းၵိၼ်ၼၼ်ႉ သူႁဵတ်းႁဵတ်းမူၼ်ႈပျေႃႇလႄႈ ႁႂ်ႈၶႃႈသူတင်းလၢႆႁဵတ်းယၢပ်ႇႁဵတ်း ၽိုတ်ႇၼႃႇလူင်လၢင်ဢေႃႈ။
၄ တူၺ်းလူ။သူထဵင်ၵၼ်ၽိတ်းၵၼ်ယူႇ၊ ဢဝ်တင်းတႃမိုဝ်းဢႃႉထမ်ႇမႃႉပေႃႉယႅၼ်ႉၵၼ်ယူႇသေလႄႈၵမ်တၢင်းၵိၼ်ဢေႃႈ။ သူၵမ်တၢင်းၵိၼ်ၼႂ်းဝၼ်းမိူဝ်ႈၼႆႉ ႁႂ်ႈသဵင်သူငိၼ်းၵႂႃႇႁွတ်ႈ ထိုင်ၵႃႈတီႈဢၼ်သုင်ၼၼ်ႉဢမ်ႇၸႂ်ႈ။
၅ တၢင်းဢၼ်ၵမ်သိၼ်ဢၼ်ၵဝ်ထုၵ်ႇၸႂ်ၵျိူၵ်ႈၸႂ်ၼၼ်ႉ ပဵၼ်ၸိူဝ်ႉၼင်ႇၼၼ်ႁိုဝ်။ပဵၼ်ဝၼ်းဢၼ်ၵူၼ်းၵမ်ၵျၢင်ႉၵႅၼ်ႇၶႅင်ၼႃႇလူင်လၢင်ဝၼ်းၼိုင်ႈၵူၺ်းႁိုဝ်။ပဵၼ်တၢင်းဢၼ်ဝၢင်းႁူဝ်ၵူမ်ႈႁူဝ်မိူၼ်ၸိူဝ်ႉၼင်ႇတူၼ်ႈၶႅမ်၊ တင်းဢၼ်ဢဝ်ၼင်ပေႃဢိၵ်ႇတင်း တဝ်သိူဝ်ႇဝႆႉပုၼ်ႈတီႈၼွၼ်းၼၼ်ႉႁိုဝ်။မႂ်းတေလႆႈဝႃႈ ပဵၼ်တၢင်းဢၼ်ၵမ်တၢင်းၵိၼ်ဢၼ် ထႃႇဝရႃႉၽြႃးထုၵ်ႇၸႂ်ၵျိူၵ်ႈၸႂ်ဝႃႈၼင်ႇၼႆႁိုဝ်။
၆ တၢင်းဢၼ်ၵမ်တၢင်းၵိၼ် ဢၼ်ၵဝ်ထုၵ်ႇၸႂ်ၵျိူၵ်ႈၸႂ်ၸမ်းပဵၼ်တၢင်းဢၼ်ပူတ်းထွတ်ႇ ဢၼ်မတ်ႉဢၼ်ၽုၵ်ႈဢၼ်ဢမ်ႇတြႃး၊တၢင်းဢၼ်ၶျႃးၶူဝ်းႁၢပ်ႇဢၼ်ၼၵ်းၼႃ တၢင်းဢၼ်ပွႆႇၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးလွတ်ႈ၊တၢင်းဢၼ်ႁၵ်း ႁိၵ်းပႅတ်ႈၵၢၼ်းႁၢပ်ႇၵႃႈမီးၼၼ်ႉဢမ်ႇၸႂ်ႈႁိုဝ်။
၇ ပဵၼ်တၢင်းဢၼ်လဵင်ႉပၼ် တၢင်းၵိၼ်တၢင်းၶူပ်းတီႈၵေႃႉဢၼ်တွင်ႉမႆႈသႆႈလိူတ်ႇ၊တၢင်းဢၼ်ဢဝ်ၶဝ်ၸိူဝ်းဢၼ်ယၢၵ်ႈၽၢၼ် ဢမ်ႇမီးတီႈယူႇတီႈသဝ်းၼၼ်ႉမႃးၵႃႈတီႈႁိူၼ်းတူဝ်ၸဝ်ႈၵဝ်ႇ၊ တၢင်းဢၼ်ဢဝ်ၶူဝ်းၼုင်ႈပၼ် ၼႂ်းမိူဝ်ႈဢၼ်ႁၼ်ၵေႃႉဢၼ်ဢမ်ႇမီးၶူဝ်းၼုင်ႈ၊တၢင်းဢၼ်ယင်းဢမ်ႇသိူင်ႇဢမ်ႇမႅပ်းတူဝ်ၸဝ်ႈၵဝ်ႇဝႆႉသေ တီႈၶဝ်ၸိူဝ်းဢၼ်ပဵၼ်ၼိူဝ်ႉပဵၼ်လိူတ်ႈတူဝ်ၸဝ်ႈ ၵဝ်ႇၼၼ်ႉလႄႈယူႇၼၼ်ႉဢမ်ႇၸႂ်ႈႁိုဝ်။
၈ ပေႃးႁဵတ်းၸိူဝ်ႉၼင်ႇၼၼ်ၸိုင် ဢၼ်လႅင်းမႂ်းတၵ်းပေႃႇဢွၵ်ႇတႆႈႁိူဝ်ႈမိူၼ်ၸိူဝ်ႉၼင်ႇဢၼ်လႅင်းၵၢင်ၼႂ်ၼၼ်ႉလႄႈ တၢင်းဢၼ်ယူႇလီမႂ်းၼၼ်ႉ တၵ်းပဵၼ်မႃးၶၼ်ၶၼ်ၽႂ်းၽႂ်းဢေႃႈ။ပႃႇရမီႇတၢင်းဢၼ်သိုဝ်ႈတေႃႇမႂ်းၼၼ်ႉတၵ်းဢွၼ်ႁူဝ်မႂ်းၵႂႃႇလႄႈ မူၼ်ႈၽုင်းထႃႇဝရႃႉၽြႃးတၵ်းပဵၼ်ဢၼ်ႁႄႉဢၼ်ၵင်ႈယူႇ ၵႃႈတီႈၽၢႆႇလင်မႂ်းဢေႃႈ။
၉ ပေႃးႁဵတ်းၸိူဝ်ႉၼင်ႇၼၼ်ၸိုင်မႂ်းႁွင်ႉႁႃလႄႈ ထႃႇဝရႃႉၽြႃးတၵ်းဢိူဝ်ႈဢေႃႈ။ မႂ်းသႅၼ်ႇႁွင်ႉလႄႈမၼ်ၸဝ်ႈတၵ်းမီးဢမိင်ႉလႄႈဝႃႈ၊-ၵဝ်မီးယူႇ၊ဝႃႈၼင်ႇၼႆဢေႃႈ။ပေႃးမႂ်းပေႉၵၢၼ်းႁၢပ်ႇ၊ တၢင်းဢၼ်ဢဝ်ၼိဝ်ႉမိုဝ်းၸီႉၼႄ၊ တၢင်းဢၼ်လၢတ်ႈၵႂၢမ်းဢၼ်သေႉဢၼ်သွမ်း ပႅတ်ႈသေၵႃႈၼႂ်းမႂ်းလႄႈ
၁၀ မီးတင်းၸႂ်ဢိတ်းလူၵေႃႉဢၼ်တွင်ႉမႆႈသႆႈလိူတ်ႇၼၼ်ႉလႄႈ ပၼ်ၵတ်းယဵၼ်ၶျၢမ်းသႃႇ တီႈၵေႃႉဢၼ်လႆႈၶၢမ်ႇတၢင်းဢၼ်ယၢၵ်ႈဢၼ်ၽၢၼ်ၼၼ်ႉၸိုင် ဢၼ်လႅင်းမႂ်းတၵ်းပေႃႇဢွၵ်ႇတႆႈႁိူဝ်ႈ ၵႃႈၼႂ်းလွင်ႈတၢင်းဢၼ် ဢမ်ႇပၢင်ႇဢမ်ႇၸိုၼ်ႈၼၼ်ႉလႄႈ ဢၼ်လပ်းသိင်ႇမႂ်းၼၼ်ႉတၵ်းပဵၼ် ၸိူဝ်ႉၼင်ႇဢၼ်လႅင်းၵၢင်ဝၼ်းတဵင်ႈဢေႃႈ။
၁၁ ထႃႇဝရႃႉၽြႃးတၵ်းၼႄပျုႉ သဵၼ်ႈတၢင်းတီႈမႂ်းယူႇတႃႇသေႇဢေႃႈ။မၼ်းၸဝ်ႈတၵ်းလဵင်ႉလူမႂ်းဢိမ်ႇဢိမ်ႇတဵမ်တဵမ်ၵႃႈၼႂ်းတီႈဢၼ်ႁႅင်ႈဢၼ်ႁွင်ၼၼ်ႉလႄႈ ႁႂ်ႈလုပ်ႇမႂ်းတင်းလၢႆမၼ်ႈၶိူင်ႇယူႇဢေႃႈ။မႂ်းတၵ်းပဵၼ်ၸိူဝ်ႉၼင်ႇသူၼ်ဢူးယဵၼ်ဢၼ်ႁူတ်းၼမ်ႉၼၼ်ႉ ဢိၵ်ႇတင်းၸိူဝ်ႉၼင်ၼမ်ႉဢွၵ်ႇႁူး ဢၼ်ၼမ်ႉဢမ်ႇထၢတ်ႇလႆႈၼၼ်ႉ ဢေႃႈ။
၁၂ မဵဝ်းၸိူဝ်ႉၶိူဝ်းမႂ်းၼၼ်ႉတၵ်းမႄးၵုမ်းမႄးႁဵတ်းႁွႆးဢၼ်ၵိူၼ်ႇလူႉမိူဝ်ႈဢွၼ်ၼႆႉၸိူဝ်းၼၼ်ႉဢေႃႈ။မႂ်းတၵ်းထၢပ်ႈထႅင်ႈသေလႄႈတႄႇႁဵတ်းၵႃႈၼိူဝ်ငဝ်ႈႁၢၵ်ႈတိူၵ်ႈဢၼ် ယၢမ်ႈတႄႇႁဵတ်းမိူဝ်ႈၵွၼ်ႇမိူဝ်ႈမိုၼ်ႉၼၼ်ႉၸိူဝ်းၼၼ်ႉဢေႃႈ။ မႂ်းတၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈၸိုဝ်ၵေႃႉဢၼ်မႄးၵုမ်းမႄးႁဵတ်း၊ လမ်းဝဵင်းဢၼ်ၵိူၼ်ႇလူႉ၊ ၵေႃႉဢၼ်ပွင်မႄးသဵၼ်ႈတၢင်းတီႈယူႇတီႈ သဝ်းၵူၼ်းတင်းလၢႆဢေႃႈ။
၁၃ ပေႃးမႂ်းတၵ်းဢမ်ႇႁႂ်ႈတိၼ်မႂ်းဝၢႆႇၶိုၼ်းၵႂႃႇသေၵႃႈတီႈဝၼ်းၵမ်သိၼ်ဢမ်ႇၸွမ်း ဢလူဝ်ႇတူဝ်ၸဝ်ႈၵဝ်ႇၼႂ်းဝၼ်းဢၼ်မူတ်းၸၢင်ႇၵဝ်လႄႈ ႁွင်ႉဝၼ်းၵမ်းသိၼ်ဝႃႈဝၼ်းတီႈဢၼ်မူၼ်ႈပျေႃႇဝၼ်းဢၼ်မူတ်းၸၢင်ႇ ပုၼ်ႈထႃႇဝရႃႉၽြႃး၊ ဝၼ်းဢၼ်လီရူဝ်ႇသေႇၵူဝ်ယမ်၊ ဝႃႈၼင်ႇၼႆလႄႈ ယင်းဢမ်ႇႁဵတ်းၸွမ်းသဵၼ်ႈတၢင်းတူဝ်ၸဝ်ႈၵဝ်ႇ၊ဢမ်ႇၸွမ်းဢလူဝ်ႇတူဝ်ၸဝ်ႈၵဝ်ႇ၊ ဢမ်ႇလၢတ်ႈၵႂၢမ်းတူဝ်ၸဝ်ႈၵဝ်ႇလႄႈ ရူဝ်ႇသေႇၵူဝ်ယမ်ဝၼ်းၼၼ်ႉယူႇၸိုင်၊မႂ်းတၵ်းလႆႈမူၼ်ႈပျေႃႇယူႇၵႃႈၼႂ်းထႃႇဝရႃႉၽြႃး ဢေႃႈ။
၁၄ ၵဝ်တၵ်းႁႂ်ႈမႂ်းၶီႇၵႃႈၼိူဝ်တီႈဢၼ်သုင်ၵႃႈတီႈလိၼ်မိူင်းတင်းလၢႆလႄႈ ဢဝ်ဢမူၺ်ႇၶွင်ၶူဝ်းပေႃႈမႂ်းယႃႇၵုပ်ႉၼၼ်ႉလဵင်ႉလူမႂ်းဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢွၵ်ႇသူပ်းမၼ်းၸဝ်ႈဢေႃႈ။