၃၄
တၢင်းဢၼ်ၸီႇယၢင်ႇၼိူဝ်ဝၢၼ်ႈမိူင်း
၁ ၵူၼ်းၵူႈၸိူဝ်ႉၵူႈမဵဝ်းတင်းလၢႆၶဝ်ဢိူၺ်း။ဢွၼ်ၵၼ်သုတ်ႉၸပ်းသုတ်ႉၸူးႁႂ်ႈလႆႈငိၼ်းတႃႉ။မဵဝ်းၵူၼ်းတင်းလၢႆၶဝ်ဢိူၺ်း။ဢွၼ်ၵၼ်ထွမ်ႇငိၼ်းတႃႉ။ႁႂ်ႈလိၼ်မိူင်းဢိၵ်ႇတင်းလွင်ႈတၢင်းၵႃႈဢၼ်ပႃးတီႈမၼ်း လေႃးၵထၢတ်ႈဢိၵ်ႇတင်း ၶိူင်ႈပိူင်ၵႃႈဢၼ်ပဵၼ်မႃးတီႈမၼ်းတင်း သဵင်ႈတင်းလူင်ႁႂ်ႈငိၼ်းသေၵမ်းလူၺ်ႈ။
၂ တၢင်းၸႂ်မႆႈထႃႇဝရႃႉၽြႃး ႁွတ်ႈထိုင်တီႈၵူၼ်းၵူႈၸိူဝ်ႉၵူႈမဵဝ်းလႄႈတေႃးသႃႉတၢင်းၶႆႈၸႃႉမၼ်းၸဝ်ႈ ဢၼ်ႁႅင်းယႂ်ႇၼႃႇၼၼ်ႉ တူၵ်းႁွတ်ႈၵႃႈၼိူဝ်မူႇၽုင်မုၵ်ႉၸိူဝ်းၵူၼ်းၶဝ်တင်းသဵင်ႈတင်းလူင်ဢေႃႈ။ မၼ်းၸဝ်ႈယႃႉၽဵဝ်ႈၶဝ်ပႅတ်ႈမူတ်းမူတ်းသဵင်ႈသဵင်ႈလႄႈ ဢၢပ်ႈပၼ်ၵႃႈတီႈတၢင်း ဢၼ်ဢဝ်တၢႆဢေႃႈ။
၃ ၶဝ်ၸိူဝ်းဢၼ်လႆႈၶၢမ်ႇတၢင်းတၢႆၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်ဢွၵ်ႇပႅတ်ႈၵႃႈၼွၵ်ႈလႄႈ တူဝ်တၢႆၶဝ်ၸိူဝ်းၼၼ်ႉတၵ်းမဵၼ်တူႇလႄႈလွႆတင်းလၢႆတၵ်းပဵၼ်ၼမ်ႉၵႂႃႇၵွပ်ႈပိူဝ်ႈလိူတ်ႈၶဝ်ၼၼ်ႉ ဢေႃႈ။
၄ ၶိူင်ႈပိူင်ၵၢဝ်ႁၢဝ်ၵူႈၸိူဝ်ႉၵူႈပိူင်ၼၼ်ႉတၵ်းယွမ်းႁၢႆၵႂႃႇလႄႈ ၾႃႉၵၢင်ႁၢဝ်ၼၼ်ႉတၵ်းမီးတၢင်းဢၼ်ႁမ်းယူႇၸိူဝ်ႉၼင်ႇၽိုၼ်လိၵ်ႈႁမ်းလိၵ်ႈဢေႃႈ။ၶိူင်ႈပိူင်ၵူႈၸိူဝ်ႉၵူႈပိူင်ၼၼ်ႉ တၵ်းႁူင်ႈတူၵ်း မိူၼ်ၸိူဝ်ႉၼင်ႇမႂ်ႊဢၼ်လူၼ်ႇႁူင်ႈတူၵ်းသေ ၵႃႈတီႈတူၼ်ႈၶိူဝ်းမၢၵ်ႇၸပိတ်ႉ ၼၼ်ႉတင်းမၢၵ်ႇလိူဝ်ႇသၢင်းၽေႃးၼၼ်ႉဢေႃႈ။
၅ လွင်ႈမၼ်းၸမ်း လၢပ်ႇၵဝ်လႅဝ်းၵဝ်ၼႆႉၵိၼ်ဢိမ်ႇၵိၼ်တဵမ်ၵႃႈၼိူဝ်ၵၢင်ႁၢဝ်ယဝ်ႉလႄႈ သမ်ႉတၵ်းတူၵ်းႁွတ်ႈၵႃႈၼိူဝ်မိူင်းဢေႇတုမ်ႇဢိၵ်ႇတင်း ၵူၼ်းဢၼ်ၵဝ်ၵိၼ်ႇဝႃႈၸိူဝ်း ၼၼ်ႉထႅင်ႈႁႂ်ႈလႆႈပၼ်တၢမ်ႇဢေႃႈ။
၆ လၢပ်ႇထႃႇဝရႃႉၽြႃးၼၼ်ႉဢိမ်ႇတဵမ်ဝႆႉတင်းလိူတ်ႈယဝ်ႉ။ပီးမၼ်းဝႆႉတင်းၵွၼ်ႈၶႆၵွၼ်ႈမၼ်းယဝ်ႉ။ ပီးမၼ်းဝႆႉတင်းလိူတ်ႈသူဝ်းဢွၼ်ႇဢိၵ်ႇတင်း ပႄႉတင်းလၢႆတင်းၵွၼ်ႈၶႆၵွၼ်ႈမၼ်းမၢၵ်ႇလၼ်းသူဝ်းပေႃႈတင်းလၢႆယဝ်ႉ။လွင်ႈမၼ်းၸမ်းထႃႇဝရႃႉၽြႃးၶၢမ်ႇပွႆးယိတ်ႉၵႃႈတီႈဝဵင်းပေႃႇၸရ ဢိၵ်ႇတင်း ပွႆးတၢင်းဢၼ်ဢဝ်တၢႆဢၼ်ယႂ်ႇၼႃႇၵႃႈတီႈ မိူင်းဢေႇတုမ်ႇဢေႃႈ။
၇ ၸူင်ဢိၵ်ႇတင်းဝူဝ်းဢုၵ်ႉသၽတင်းဝူဝ်းငၢၼ်တင်းလၢႆ တၵ်းလူမ်ႉတူၵ်းလူၺ်ႈၵၼ်တင်းၶဝ်ၼၼ်ႉလႄႈ လိၼ်တီႈဢၼ်ၶဝ်ယူႇၼၼ်ႉတၵ်းမဝ်းလူၺ်ႈလိူတ်ႈၶဝ်လႄႈ မုၼ်ႈလိၼ်တီႈဢၼ်ၶဝ်ယူႇၼၼ်ႉၵေႃႈ တၵ်းပီးလူၺ်ႈၵွၼ်ႈၶႆၵွၼ်ႈမၼ်းဢေႃႈ။
၈ ဝၼ်းဢၼ်ထႃႇဝရႃႉၽြႃးပၼ်တၢမ်ႇ၊ ပီႊမိူင်းဢၼ်မၼ်းၸဝ်ႈပႂ်ႉဢမူႉ ဝဵင်းၸိဢုၼ်ႇလႄႈ ပၼ်ဢပျႅတ်ႈ ၼၼ်ႉႁွတ်ႈထိုင်ယဝ်ႉ။
၉ ၼမ်ႉႁွင်ႊၼမ်ႉၵႄးမၼ်းၼၼ်ႉတၵ်းပဵၼ်ယၢင်ပႅၵ်ႇၵႂႃႇ၊ မုၼ်ႈလိၼ်မၼ်းၵေႃႈတၵ်းပဵၼ်ၵၢၼ်ႉၵႂႃႇ၊ မိူင်းတင်းမိူင်းတၵ်းပဵၼ်ယၢင်ဢၼ်ၽႆး မႆႈၼၼ်ႉၵႂႃႇဢေႃႈ။
၁၀ ၶိုၼ်းၶိုၼ်းဝၼ်းဝၼ်း ၽႆးၼၼ်ႉဢမ်ႇလႆႈထၢတ်ႇလႆႈယဵၼ်လႄႈ ၵွၼ်းၽႆးတၵ်းၶိုၼ်ႈယူႇသေႇသေႇဢေႃႈ။မိူဝ်ႈၼၼ်ႉတၵ်းသိတ်ႇယဵၼ်ၵႂႃႇၵူႈၸူဝ်ႈၵူႈပၢၼ်သိုပ်ႇသိုပ်ႇတၢမ်းတၢမ်းလႄႈ ၽူႈ လႂ်သေၵေႃႉသေၵူၼ်း ဢမ်ႇလႆႈလတ်းၵႂႃႇတႆႇၵႂႃႇၵႃႈၼႂ်း မၼ်းၵူႈၶိင်ႇၵူႈမိူဝ်ႈတႃႇသေႇဢမ်ႇထၢတ်ႇ။
၁၁ ၼူၵ်ႉဝၢမ်ႇပူဝ်ႇဢိၵ်ႇတင်းမႅၼ်ႇတင်းလၢႆ တၵ်းၶၢမ်ႇဢဝ်ဢမူၺ်ႇမိူၵ်းၼၼ်ႉလႄႈ တီးတုတ်ႈဢိၵ်ႇတင်း ၵႃလူင်တင်းလၢႆတၵ်းယူႇၵႃႈၼႂ်းမၼ်းဢေႃႈ။မၼ်းၸဝ်ႈတၵ်းဢဝ်ၸိူၵ်ႈမၢႆမီႈတင်းဢၼ်ယႃႉပႅတ်ႈ ဢိၵ်ႇတင်းၶိူင်ႈဢၼ် ႁွႆႈမၢႆမီႈတင်းဢၼ်သုမ်းၸွမ်းၼၼ်ႉ ၶဵင်ႈၵႃႈၼိူဝ်မၼ်းဢေႃႈ။
၁၂ ဢမ်ႇလႆႈမီးမူးမၢတ်ႈၽွင်းမိူင်းဢၼ်လႆႈယုၵ်ႉယွင်ႈဝႆႉၵႃႈၼႂ်းဢရႃႇၶုၼ်ၼၼ်ႉၵႃႈတီႈၼၼ်ႉ။ၶိူဝ်းၶုၼ် တၵ်းလႆႈၶၢတ်ႇၵႂႃႇဢေႃႈ။
၁၃ တူၼ်ႈၼၢမ်တင်းလၢႆတၵ်းဢွၵ်ႇၵႃႈတီႈ ႁေႃၶမ်းမၼ်းၸိူဝ်းၼၼ်ႉလႄႈ တူၼ်ႈၼၢမ်ဢိၵ်ႇတင်း တူၼ်ႈၼၢမ်လိၼ်တင်းလၢႆ တၵ်းဢွၵ်ႇၵႃႈတီႈတိူၵ်ႈတီႈတိုၵ်းသိုၵ်းမၼ်းၸိူဝ်းၼၼ်ႉဢေႃႈ။တၵ်းလႆႈပဵၼ်တီႈဢၼ်မႃလိၼ်သွၼ်ႈပိုင်ႈ၊တီႈဢၼ်ၼူၵ်ႉၵလႃႈဢုၵ်ႉယူႇဢေႃႈ။
၁၄ တူဝ်ထိူၼ်ႇႁၢႆႉတင်းလၢႆတၵ်းႁူပ်ႉထူပ်းၵၼ်တင်း မႃထိူၼ်တင်းလၢႆၵႃႈတီႈၼၼ်ႉလႄႈ တူဝ်ဢၼ်ၶူၼ်ၽူင်းၶူၼ်ယၢဝ်းၸိူဝ်းၼၼ်ႉတူဝ်ၼိုင်ႈတၵ်းႁွင်ႉၸူးတီႈတူဝ်ၼိုင်ႈဢေႃႈ။ၼူၵ်ႉၵၢင်ၶိုၼ်းတၵ်းလိုဝ်ႈၵႃႈတီႈၼၼ်ႉလႄႈ ထူပ်းတီႈဢၼ် မၼ်းတၵ်းသွၼ်ႈပိုင်ႈဢေႃႈ။
၁၅ ငူးဢၼ်ၸၢင်ႊဝႅၼ်ၼၼ်ႉတၵ်းႁဵတ်းႁၢင်းၵႃႈတီႈၼၼ်ႉလႄႈ ၶႆႇသေယဝ်ႉ၊ ၶႆႇမၼ်းၼၼ်ႉတၵ်းတႅၵ်ႇဢွၵ်ႇလႄႈ မၼ်းတၵ်းၸူႉသိမ်းဢဝ်ငူးဢွၼ်ႇတင်းလၢႆ ဝႆႉၵႃႈတီႈတႂ်ႈငဝ်ႈႁူမ်ႈတူဝ်မၼ်းဢေႃႈ။ယဵဝ်ႈၸွၵ်ႇတင်းလၢႆတူဝ်ၽူႈတူဝ်မေႈပဵၼ်ၵူပ်းပဵၼ်ၵူႈၵၼ်ယူႇသေလႄႈ တၵ်းၸူႉၵၼ်တုမ်ၵၼ်ၵႃႈတီႈၼၼ်ႉဢေႃႈ။
၁၆ သူဢွၼ်ၵၼ်လူတူၺ်း ၵႃႈၼႂ်းၵျၢမ်းလိၵ်ႈထႃႇဝရႃႉၽြႃးလႄႈၽတ်းတႃႉ။တူဝ်ၸိူဝ်းၼၼ်ႉဢမ်ႇလႆႈသုတ်ႈၵႂႃႇယွမ်းၵႂႃႇသေတူဝ်လႄႈတူဝ်မေႈဢမ်ႇလႆႈလူဝ်ႇထႅင်ႈၵေႃႉသေႈမၼ်းသေတူဝ်။ဢမိင်ႉဢၼ်ဢွၵ်ႇသူပ်းၵဝ်မီးယဝ်ႉလႄႈ ဝိၺိၺ်ႇမၼ်းၸဝ်ႈႁႂ်ႈၶဝ်ၸူႉၵၼ်တုမ် ၵၼ်ဢေႃႈ။
၁၇ မၼ်းၸဝ်ႈႁဵတ်းတၢင်းဢၼ်တူၵ်းၸႃႇၵွၵ်ႈပုၼ်ႈၶဝ်ယူႇ၊ ဢဝ်တင်းမိုဝ်းမၼ်းၸဝ်ႈၶဵင်ႈၸိူၵ်ႈမၢႆမီႈယူႇသေလႄႈၽႄတီႈယူႇမႅင်ႇပၼ်တီႈၶဝ်ဢေႃႈ။ၶဝ်ၼၼ်ႉတၵ်းလႆႈၶၢမ်ႇဢဝ်ဢမူၺ်ႇမိူင်းၼၼ်ႉယူႇတႃႇသေႇဢမ်ႇထၢတ်ႇလႄႈ ယူႇၵႃႈၼႂ်းမၼ်းယူႇၵူႈၸူဝ်ႈၵူႈပၢၼ်သိုပ်ႇသိုပ်ႇတၢမ်ႈတၢမ်ႈဢေႃႈ။