၁၉
ပျႃႇတိၵ်ႉလွင်ႈမိူင်းဢေႇၵႅပ်ႉတု
၁ ပျႃႇတိၵ်ႈၸဝ်ႈ လူၺ်ႈလွင်ႈမိူင်းဢေႇၵႅပ်ႉတုၸမ်းတူၺ်းလူ။ထႃႇဝရႃႉၽြႃးၶီႇၽႃႈၽူၼ်ဢၼ်ၶၼ်ဢၼ်ၽႂ်းၼၼ်ႉသေလႄႈ ၵႂႃႇၵႃႈတီႈမိူင်းဢေႇၵႅပ်ႉတုၼၼ်ႉဢေႃႈ။ရုၵ်ႉထူႉသၢင်းထူႉမိူင်းဢေႇၵႅပ်ႉတု တင်းလၢႆတၵ်းလႆႈမီးတၢင်းဢၼ်သၼ်ႇၶွၼ်းဝႆ ၵႃႈတီႈၽၢႆႇၼႃႈမၼ်းၸဝ်ႈလႄႈႁူဝ်ၸႂ်မိူင်းဢေႇၵႅပ်ႉတု ၼၼ်ႉတၵ်းလႆႈမီးတၢင်း ဢၼ်ၸိုမ်းယၢႆႈၵႂႃႇယူႇၵႃၼႂ်းမၼ်းဢေႃႈ။
၂ ၵဝ်တိုၵ်းယူင်းၵူၼ်းဢေႇၵႅပ်ႉတု တေႃႇၵူၼ်းဢေႇၵႅပ်ႉတုႁႂ်ႈၶဝ်ၵေႃႉၼိုင်ႈလႄႈၵေႃႉၼိုင်ႈ ၼင်ႇၵၼ်ၵၼ်ၽိတ်းၵၼ်လႄႈၶဝ်ၼၼ်ႉ ပီႈၼွင်ႉၵၼ်ၵေႃႉၼိုင်ႈလႄႈၵေႃႉၼိုင်ႈ၊ၵူၼ်းႁိူၼ်းၸမ်ၵၼ်ၵေႃႉၼိုင်ႈလႄႈၵေႃႉၼိုင်ႈ၊ ဝဵင်းၼိုင်ႈလႄႈဝဵင်းၼိုင်ႈ၊မိူင်းၼိုင်ႈလႄႈ မိူင်းၼိုင်ႈတၵ်းတိုၵ်း ၵၼ်တေႃးၵၼ်ဢေႃႈ။
၃ ၸႂ်မိူင်းဢေႇၵႅပ်ႉတုၼၼ်ႉတၵ်းလူႉၵႃႈၼႂ်းမၼ်းဢေႃႈ။ၵဝ်တၵ်းယႃႉတၢင်းၵျၢမ်ႇတၢင်းပွင်မၼ်းပႅတ်ႈလႄႈၶဝ်ၼၼ်ႉတၵ်းဢွၼ်ၵၼ်သုတ်ႉၸပ်းသုတ်ႉၸူးတီႈရူၵ်ႉထူႉ လႂ်၊ တီႈၵူၼ်းဢၼ်ၸၢင်ႊၸေႃႉၸၢင်ႊႁဵတ်း လႂ် တီႈၵူၼ်းဢၼ်ၽီၶဝ်ႈ လႂ်တီႈၽိူဝ်ႉ ၶဝ် လႂ်ၼၼ်ႉဢေႃႈ။
၄ ၶဝ်တၵ်းဢဝ်ၵူၼ်းဢေႇၵႅပ်ႉတုတင်းလၢႆဢၢပ်ႈပၼ်ၵႃႈၼႂ်းမိုဝ်းၸဝ်ႈ ဢၼ်ၵျၢမ်းထၢမ်းၼႃႇၼၼ်ႉလႄႈ ၶုၼ်ႁေႃၶမ်း ဢၼ်ႁၢဝ်ႈၵျၢမ်းၼႃႇပႃးၼိုင်ႈ တၵ်းဢုပ်ႉပိူင်ႇၶဝ်ဢေႃႈ၊ဝႃႈၼင်ႇၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၅ မိူဝ်ႈၼၼ်ႉၼမ်ႉပၢင်ႇလၢႆႇတၵ်းၶၢတ်ႇၵႂႃႇလႄႈ ၼမ်ႉႁွင်ႊၼမ်ႉ ၵႄးၵေႃႈတၵ်းယွမ်းလႄႈယူတ်းႁႅင်ႈၵႂႃႇဢေႃႈ။ၼမ်ႉႁွင်ႊတင်းလၢႆတၵ်းတူႇၼဝ်ႈၵႂႃႇလႄႈၼမ်ႉၵႄး ဢၼ်တႅၵ်ႇၵႂႃႇၽႄၵႂႃႇၼႂ်းမိူင်းဢေႇၵႅပ်ႉတုၸိူဝ်းၼၼ်ႉ တၵ်းၶၢတ်ႇၵႂႃႇလႄႈ ယူတ်းႁႅင်ႈၵႂႃႇသေယဝ်ႉတူၼ်ႈမႆႉဢေႃႈ တင်းတူၼ်ႈၶႅမ်တင်းလၢႆတၵ်းႁဵဝ်ႇႁႅင်ႈၵႂႃႇဢေႃႈ။
၇ ၸႃႉၸဵမ်ပၢင်ႇတူင်ႈၼႃးၵႃႈႁိမ်းၼမ်ႉႁွင်ႊလႄႈ ၵႃႈႁိမ်းသူပ်းၼမ်ႉႁွင်ႊဢိၵ်ႇတင်း ၵေႃႉဢၼ်ၽုၵ်ႇသွမ်ႈၵႃႈႁိမ်းၼမ်ႉႁွင်ႊၸိူဝ်းၼၼ်ႉ တၵ်းႁဵဝ်ႇႁႅင်ႈလူႉလႅဝ်ႁၢႆလၢႆၵႂႃႇဢေႃႈ။
၈ တမ်ႇငႃႈတင်းလၢႆ တၵ်းဢွၼ်ၵၼ်ၶၢင်းၶီၶၢင်းၽၢၼ်လႄႈၶဝ်ၸိူဝ်းဢၼ် ဢဝ်ဝဵတ်းတွတ်ႈတူၵ်းၵႃႈၼႂ်းၼမ်ႉႁွင်ႊၵႃႈမီးၼၼ်ႉတၵ်းဢွၼ်ၵၼ်ပွင်ႉၶၢင်းလႄႈ ၶဝ်ၸိူဝ်းဢၼ်ၸၢင်ႊဢဝ် ၼႅင်ႈၶဝ်ၶေၽႄႇၵီႈ ၵႃႈၼိူဝ်ၼမ်ႉ ၸိူဝ်းၼၼ်ႉတၵ်းၸႂ်လူႉဢေႃႈ။
၉ ၶဝ်ၸိူဝ်းဢၼ်ႁဵတ်းပၼ်ဢိၵ်ႇတင်း ၶဝ်ၸိူဝ်းဢၼ်တေႃးပိၵ်ႉၶျေႃးၼၼ်ႉၵေႃႈ တၵ်းဢွၼ်ၵၼ်ယုင်ႈၸႂ်ၵႂင်ၸႂ်ဢေႃႈ။
၁၀ သဝ်တီႈဢိင်တီႈပိုင်ႈမၼ်းတင်းလၢႆတၵ်းလူႉလႄႈ ၶဝ်ၸိူဝ်းဢၼ်ၵိၼ်ၵႃႈၸၢင်ႈၶၼ်ငႃ တင်းသဵင်ႈတင်းလူင်ၼၼ်ႉ တၵ်းဢွၼ်ၵၼ်မီးၸႂ်ဢၼ်ႁဵဝ်ႇဢၼ်ၸွပ်ႈဢေႃႈ။
၁၁ ၶုၼ်ၸေႃႇၼ တင်းလၢႆပဵၼ်ၵူၼ်းယွင်ႇၵူၼ်းမႃႈၵႂႃႇလႄႈ တၢင်းၵျၢမ်ႇတၢင်းပွင်ဢၼ်မူးမၢတ်ႈၽွင်းမိူင်းဢၼ်တိူင်ႇပၢင်ႇၶုၼ်ၽႃႇရေႃး ၸိူဝ်းၼၼ်ႉပၼ်ၼၼ်ႉပဵၼ်ဢၼ်မိူၵ်ႈလပ်းသိင်ႇဢေႃႈ။သူၸဝ်ႈလၢတ်ႈတီႈၶုၼ်ၽႃႇရေႃးလႄႈဝႃႈ၊-ၶႃႈၸဝ်ႈပဵၼ်မဵဝ်းပိင်ႇၺႃႇသိၸိူဝ်ႉၶိူဝ်းၶုၼ်ႁေႃၶမ်း မိူဝ်ႈဢွၼ်ၼႆႉၼၼ်ႉတီႈၶႃႈ ဢေႃႈ၊ဝႃႈၸိူဝ်ႉၼင်ႇၼႆၼင်ႇႁိုဝ်။
၁၂ ၶဝ်ၼၼ်ႉမီးၵႃႈ လႂ်။ပိင်ၺႃႇသိမႂ်းၸိူဝ်းၼၼ်ႉမီးၵႃႈ လႂ်။ဢွၼ်ၵၼ်လၢတ်ႈမိူဝ်ႈလဵဝ်ၼႆႉလႄႈ ၽုၺ်ႇဢွၵ်ႇၼႄပျုႉလွင်ႈဢၼ်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ၵျၢမ်ႇပွင်လူၺ်ႈလွင်ႈ မိူင်းဢေႇၵႅပ်ႉတုၸိူဝ်ႉၼင်ႇႁိုဝ်ၼၼ်ႉသေၵမ်း။
၁၃ ၶုၼ်ၸေႃႇၼၸိူဝ်းၼၼ်ႉပဵၼ်ၵူၼ်းယွင်ႇၵူၼ်းမႃႈၵႂႃႇယဝ်ႉ။ၶုၼ်ၼေႃႇၽ ၸိူဝ်းၼၼ်ႉလႆႈၶၢမ်ႇတၢင်းဢၼ်ပႅတ်ႉလႅၼ်ယဝ်ႉ။ၶဝ်ဢၼ်ပဵၼ်ၸဵင်ႇတိူၵ်ႈမဵဝ်းၸိူဝ်ႉၶိူဝ်းမိူင်းဢေႇၵႅပ်ႉ တုၼၼ်ႉၵေႃႈႁႂ်ႈမၼ်းၽိတ်းပိူင်ႈဢေႃႈ။
၁၄ ထႃႇဝရႃႉၽြႃးဢဝ်ၸႂ်သၽေႃးဢၼ်ၵႂင်ၸႂ်ယုင်ႈၸႂ်လေႃးလေး သႂ်ႇၵႃႈၼႂ်းမၼ်းလႄႈ ၶဝ်ႁႂ်ႈမိူင်းဢေႇၵႅပ်ႉတုၽိတ်းၵႂႃႇပိူင်ႈၵႂႃႇၵႃႈၼႂ်းၵႃႈဢၼ်ၶဝ်သၢင်ႈၶဝ်ႁဵတ်းၼၼ်ႉ မိူၼ်ၸိူဝ်ႉၼင်ႇၵေႃႉဢၼ်မဝ်းလဝ်ႈ လူမ်ႉသႂ်ႇၵႃႈၼိူဝ်ႁၢၵ်ႈမၼ်း ၼၼ်ႉဢေႃႈ။
၁၅ လွင်ႈတၢင်းဢၼ်ၵွၵ်းႁူဝ်၊ဢမ်ႇၼၼ်ႁွင်ႊၼမ်ႉထၢၼ်၊ ဢမ်ႇၼၼ်တူၼ်ႈၶႅမ်ႁဵတ်းလႆႈၼၼ်ႉတၵ်း ဢမ်ႇမီးၵႃႈၼႂ်းမိူင်းဢေႇၵႅပ်ႉတုလႃးလႃး။
၁၆ ၼႂ်းမိူဝ်ႉဝၼ်းၼၼ်ႉမိူင်းဢေႇၵႅပ်ႉတု တၵ်းပဵၼ်ၸိူဝ်ႉၼင်ႇမေႈယိင်းလႄႈ ၵူဝ်ႁႄသၼ်ႇဝႆၵွပ်ႈပိူဝ်ႈတၢင်းဢၼ်ပူဝ်ႇပႃႇၵၢင်ႁၢဝ်ထႃႇဝရႃႉၽြႃး သၼ်ႇၶွၼ်းမိုဝ်းမၼ်းၸဝ်ႈဢၼ်မၼ်းၸဝ်ႈသၼ်ႇၶွၼ်းၵႃႈၼိူဝ်ၶဝ်ၼၼ်ႉဢေႃႈ။
၁၇ မိူင်းယုတ တၵ်းပဵၼ်လွင်ႈဢၼ်လီၵူဝ်လီႁႄတီႈမိူင်းဢေႇၵႅပ်ႉတုလႄႈ ၶဝ်ၵႃႈဢၼ်လႆႈငိၼ်းပိူၼ်ႈလၢတ်ႈလွင်ႈမၼ်းၼၼ်ႉၵူႈၵေႃ ႉၵူႈၵူၼ်းတၵ်းဢွၼ်ၵၼ်ၵူဝ်ႁႄၵွပ်ႈပိူဝ်ႈတၢင်းၵျၢမ်ႇတၢင်းပွင် ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢၼ်မၼ်းၸဝ်ႈၵျၢမ်ႇပွင် လွင်ႈမၼ်း ၼၼ်ႉဢေႃႈ။
၁၈ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉတၵ်းလႆႈမီးဝဵင်းႁႃႈဝဵင်း ဢၼ်လၢတ်ႈၵႂၢမ်းၽႃႇသႃႇၶႃႇၼၢၼ်ႇလႄႈ ၶၢမ်ႇဢဝ်သႅတ်ႉၸႃႇၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉၵႃႈၼႂ်းမိူင်းဢေႇၵိပ်ႉတူႉလႄႈ ဝဵင်းဝဵင်းၼိုင်ႈ တၵ်းလႆႈၶၢမ်ႇတၢင်းဢၼ် ႁွင်ႉႁိၵ်ႈၸိုဝ်ဝဵင်း တၢင်းလူႉတၢင်းလႅဝ်ဢေႃႈ။
၁၉ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ တၵ်းလႆႈမီးယိၸ်ႉလူင်ပုၼ်ႈထႃႇဝရႃႉၽြႃးၵႃႈၼႂ်းၵၢင်မိူင်းဢေႇၵႅပ်ႉတု ဢိၵ်ႇတင်းသဝ်တီႈမၢတ်ႈတီႈတွင်းပုၼ်ႈထႃႇဝရႃႉၽြႃး ၵႃႈတီႈၶွပ်ႇၼမ်ႉလႅၼ်လိၼ် မၼ်းဢေႃႈ။
၂၀ ဢၼ်ၼၼ်ႉတၵ်းပဵၼ်ၼီႈမိၵ်ႈလၵ်ႈၶၼႃႇဢိၵ်ႇတင်း သၢၵ်ႈသေႇပုၼ်ႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၵႃႈၼႂ်းမိူင်းဢေႇၵႅပ်ႉတုၼၼ်ႉဢေႃႈ။ လွင်ႈမၼ်းၸမ်း ၼႂ်းၶဝ်ၼၼ်ႉတၵ်းဢွၼ်ၵၼ်ႁွင်ႉသႅၼ်ႇႁွင်ႉႁႃထႃႇဝရႃႉၽြႃး ၵွပ်ႈပိူဝ်ႈၶဝ်ၸိူဝ်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉလႄႈ မၼ်းၸဝ်ႈတၵ်းပွႆႇၸႂ်ႉၵေႃႉဢၼ်ၵႄႇသႄႇၶျွတ်ႈဢဝ် ၵေႃႉဢၼ်ယႂ်ႇလူင်ယႂ်ႇလၢင်ၼၼ်ႉၸူးတီႈၶဝ်လႄႈ မၼ်းၵႄႇသႄႇၼုၵ်ႈဢဝ်ၶဝ်ဢေႃႈ။
၂၁ တၵ်းဢွၼ်ၵၼ်ႁူႉထႃႇဝရႃႉၽြႃး ၵႃႈၼႂ်းမိူင်းဢေႇၵႅပ်ႉတုလႄႈၵူၼ်းဢေႇၵႅပ်ႉတုတင်း လၢႆတၵ်းႁူႉထႃႇဝရႃႉၽြႃးၼႂ်းမိူဝ်ႉဝၼ်းၼၼ်ႉလႄႈ ဢွၼ်ၵၼ်ဢဝ်ၶိူင်ႈပုၵ်ႉၸေႃႇဢိၵ်ႇတင်းတႃႇၼႃႉတၢင်းလူႇ သၢၵ်ႈၵၢပ်ႈႁဵတ်းဝတ်ႈဢေႃႈ။တၵ်းဢွၼ်ၵၼ်ဝႆႉၵတိသႅတ်ႉၸႃႇတီႈထႃႇဝရႃႉၽြႃးလႄႈႁဵတ်းၸွမ်းၵႃႈၼင်ႇဢၼ်ဝႆႉၼၼ်ႉ ဢေႃႈ။
၂၂ ထႃႇဝရႃႉၽြႃးတၵ်းပၼ်တၢမ်ႇမိူင်းဢေႇၵႅပ်ႉတုသေယဝ်ႉၶိုၼ်းႁႂ်ႈႁွႆးတၢမ်ႇၶႅၼ်းမႃးလႄႈဢေႃႈ။ မိူဝ်ႈၼၼ်ႉ ၶဝ်တၵ်းၶၢႆႉပုတ်ႈမႃးၸူးတီႈထႃႇဝရႃႉၽြႃးလႄႈမၼ်းၸဝ်ႈ တၵ်းထွမ်ႇဢဝ်တၢင်းဢၼ်ၶဝ်တွင်းပၢၼ်ႇၼၼ်ႉလႄႈ ႁႂ်ႈႁွႆးတၢမ်ႇၶဝ်ၶႅၼ်းမႃးဢေႃႈ။
၂၃ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ တၵ်းမီးသဵၼ်ႈတၢင်းလူင်ဢဝ်ၵႃႈတီႈမိူင်းဢေႇၵႅပ်ႉတု တေႃႇထိုင်ႁွတ်ႈမိူင်းဢႃႇသုရိၼၼ်ႉဢေႃႈ။ၵူၼ်းဢႃႇသုရိတၵ်းၶဝ်ႈၸူးတီႈမိူင်းဢေႇၵႅပ်ႉတု။ၵူၼ်းဢေႇၵႅပ်ႉတုတၵ်းၶဝ်ႈၸူးတီႈမိူင်းဢႃႇသုရိလႄႈၵူၼ်းဢေႇၵႅပ်ႉတုတင်း လၢႆတၵ်းဢွၼ်ၵၼ်ႁဵတ်းဝတ်ႈႁူမ်ႈလူၺ်ႈၵၼ်တင်း ၵူၼ်းဢႃႇသုရိတင်းလၢႆဢေႃႈ။
၂၄ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ မဵဝ်းဢိသရေႇလတၵ်းႁူမ်ႈပွင်းလူၺ်ႈၵၼ်တင်းမဵဝ်းဢေႇၵႅပ်ႉတုတင်းမဵဝ်း ဢႃႇသုရိလႄႈပဵၼ်မဵဝ်းတတိယ ဢၼ်ဝႃႈမဵဝ်းဢၼ်ႁဵတ်းမၢင်ႇၵလႃႇၵႃႈၼႂ်းလိၼ်းမိူင်းဢေႃႈ။
၂၅ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းပၼ်တၢင်းလီတီႈၶဝ်လႄႈဝႃႈ၊-ႁႂ်ႈမဵဝ်းဢေႇၵႅပ်ႉတုဢၼ်ပဵၼ်ၵူၼ်းၵဝ်၊ မဵဝ်းဢႃႇသုရိဢၼ်ၵဝ်ဢဝ်မိုဝ်းၵဝ်ပွင်ႁဵတ်းပွင်မႄး၊ မဵဝ်းဢိသရေႇလ ဢၼ်ပဵၼ်ဢမူၺ်ႇၵဝ်ၸိူဝ်းၼၼ်ႉ မီးမၢင်ႇၵလႃႇသေၵမ်းလူၺ်ႈ၊ဝႃႈၼင်ႇၼႆဢေႃႈ။