၃၀
တၢင်းၵိၼ်ႇလႃႇၼိူဝ်ၸိူဝ်းဢၼ်လုၵ်ႉၽိုၼ်ႉၸဝ်ႈၽြႃး
၁ ထႃႇဝရႃႉၽြႃးမီးဢမိင်ႉၸမ်း၊- ၵူၼ်းမဵဝ်းဢၼ်လုၵ်ႉၽိုၼ်ႉၸိူဝ်းၼၼ်ႉမီးဢႃႉမၢင်ႇၵလႃႇဢေႃႈ။ၶဝ်ၼၼ်ႉယင်းဢမ်ႇဢိင်ၵဝ်သေလႄႈ တိူင်ႇပၢင်ႇလၢတ်ႈၸႃၵၼ်ယူႇဢေႃႈ။ ၶဝ်ယင်းဢမ်ႇမီးဢၶႂၢင်ႉဝိၺိၺ်ႇၵဝ်လႄႈ တေႃးႁုၵ်ႇတမ်ႇၵၢမ်းပဵၼ်ဢၼ်လဵဝ်ၵၼ်ႁႂ်ႈလႆႈဢဝ်ဢပျႅတ်ႈထၢပ်ႈသႂ်ႇထႅင်ႈယူႇတိၵ်းတိၵ်းဢေႃႈ။
၂ ၶဝ်ယင်း ဢမ်ႇလဝ်ႈယွၼ်းဢဝ် ဢၶႂၢင်ႉဢၼ်ဢွၵ်ႇသူပ်းၵဝ်လႄႈ ဢွၼ်ၵၼ်လူင်းၸူးၵႃႈတီႈမိူင်းဢေႇၵႅပ်ႉတု ႁႂ်ႈလႆႈဢိင်ပိုင်ႈမူၼ်ႈၽုင်းၶူၼ်ၶုၼ်ၽႃႇရေႃးၼၼ်ႉ တၵ်းပဵၼ်ဢၼ်ဢူၵ်းဢၼ်ဢၢႆ တီႈသူလႄႈတၢင်းဢၼ်သွၼ်ႈပိုင်ႈယူႇၼႂ်းႁူမ်ႈဢေႇၵႅပ်ႉတုၼၼ်ႉ ဢေႃႈ။
၃ ပိူဝ်ႈၼႆလႄႈတၢင်းသူဢိင်ပိုင်ႈမူၼ်ႈၽုင်းၶုၼ်ၽႃႇရေႃးၼၼ်ႉ တၵ်းပဵၼ်ဢၼ်ဢူၵ်းဢၼ်ဢၢႆတီႈသူလႄႈ တၢင်းဢၼ်သွၼ်ႈပိုင်ႈယူႇၼႂ်းႁူမ်ႈဢေႇၵိပ်ႉတုၼၼ်ႉတၵ်းပဵၼ်တၢင်းဢၼ်ၼႃႈလူႉတီႈသူဢေႃႈ။
၄ ၶုၼ်မၼ်းၸိူဝ်းၼၼ်ႉဢွၼ်ၵၼ်မီးယူႇၵႃႈတီႈဝဵင်းၸေႃႇၼယဝ်ႉ။သၢၼ်ႇတမၢၼ်ႇမၼ်းၸိူဝ်းၼၼ်ႉဢွၼ်ၵၼ်ႁွတ်ႈထိုင်ၵႃႈတီႈဝဵင်းႁႃႇၼိတ်ႉယဝ်ႉ။
၅ ၶဝ်ၵႃႈမီးၼၼ်ႉတၵ်းဢွၼ်ၵၼ်ဢူၵ်းဢၢႆလူၺ်ႈလွင်ႈ ၵူၼ်းမဵဝ်းဢၼ်ယင်းဢမ်ႇၶဝ်ႈဢသုင်းဢမ်ႇပၼ်ဢၼ်ၸွႆႈဢၼ်ထႅမ်၊ ဢမ်ႇႁဵတ်းၵျေးၸူးလႆႈလႄႈ ပဵၼ်လွင်ႈဢၼ်လီဢူၵ်းလီဢၢႆဢိၵ်ႇတင်း လွင်ႈဢၼ်သရေႇလူႉၵူၺ်းၼၼ်ႉဢေႃႈ။
၆ ပျႃႇတိၵ်ႈၸဝ်ႈလူၺ်ႈလွင်ႈတရိၵ်ႈသၢၼ်ႇ ၵႃႈၼႂ်းမိူင်းပွတ်းတၢင်းၸၢၼ်းၼၼ်ႉၸမ်း ၵႃႈၼႂ်းမိူင်းဢၼ်ယၢပ်ႇၽိုတ်ႇလႄႈယၢၵ်ႈၽၢၼ် တီႈဢၼ်သၢင်ႇသီႈလူင်သၢင်ႇသီႈၼုမ်ႇ၊ ငူးႁၢႆႉ၊ ငူးၽႆးဢၼ်ၸၢင်ႊမိၼ်တင်းလၢႆမီးၼၼ်ႉ ၶဝ်ဢွၼ်ၵၼ်ဢဝ်ၶွင်ၶူဝ်းၸေးၸိမ်ႇၶဝ်တၢင်ႇသႂ်ႇၵႃႈၼိူဝ်ႁူဝ်မႃႇလီႈၼုမ်ႇ တင်းလၢႆလႄႈဢဝ်ၽၼ်ႇတႃႇၶဝ်ၼမ်ၼႃႇ တၢင်ႇသႂ်ႇၵႃႈၼိူဝ်ၼွၵ်ႇၵလႃႈဢုၵ်ႉတင်းလၢႆသေလႄႈ ၵႂႃႇၸူးၵႃႈတီႈၵူၼ်းမဵဝ်းဢၼ်ဢမ်ႇႁဵတ်းၵျေးၸူးတီႈၶဝ်လႆႈၼၼ်ႉ လူင်ပေႇ။
၇ မိူင်းဢေႇၵႅပ်ႉတုၼၼ်ႉယင်းဢမ်ႇပၼ်ဢၵျူဝ်းလႆႈလႄႈၸွႆႈထႅမ်မႃႉၸႃႉလၢႆလၢႆလွၵ်ႇလွၵ်ႇၵူၺ်း။ပိူဝ်ႈၼႆလႄႈ ၵဝ်တၵ်းႁွင်ႉႁိၵ်ႈၸိုဝ်မၼ်းရႃႇၶပ်ႉဢၼ်ယင်း ဢမ်ႇတူင်ႉဢမ်ႇၼိုင်ၼၼ်ႉဢေႃႈ။
၈ တေႃႈလဵဝ်ၼႆႉလွင်ႈဢၼ်တၵ်းလႆႈၵႂႃႇလႄႈ တႅမ်ႈသႂ်ႇဝႆႉၵႃႈၼႂ်းသၢင်ႇပုၼ်းၵႃႈတီႈၽၢႆႇၼႃႈၶဝ် လွင်ႈဢၼ်တၵ်းလႆႈၸႅၼ်ႇလိၵ်ႈသေလႄႈ မၢတ်ႈမၢႆဝႆႉႁႂ်ႈလႆႈတႄႇယူႇၶိင်ႇၵႃႇလႃႉၵမ်းလိုၼ်းသိုပ်ႇသိုပ်ႇ တၢမ်းတၢမ်းတႃႇသေႇဢမ်ႇထၢတ်ႇ ၼၼ်ႉၸမ်း
၉ ၵူၼ်းမဵဝ်းၼႆႉ ပဵၼ်မဵဝ်းဢၼ်ၸၢင်ႊလုၵ်ႉၽိုၼ်ႉမဵဝ်းဢၼ်ၸၢင်ႊသုင်းမူႉသႃႇ၊ မဵဝ်းဢၼ်ဢမ်ႇမီးဢလူဝ်ႇၶႆႈထွမ်ႇဢဝ်တြႃးထႃႇဝရႃႉၽြႃးလႄႈ ၸၢင်ႊလၢတ်ႈတီႈၵူၼ်း ဢၼ်ႁူပွင်ႇတႃလႅင်းတင်းလၢႆလႄႈ ဝႃႈ၊-
၁၀ ယႃႇပေႁၼ်သေၵမ်း ဝႃႈၼင်ႇၼႆလႄႈၸင်ႇလၢတ်ႈတီႈပရေႃးၽႅတ်ႈတင်းလၢႆလႄႈဝႃႈ ယႃႇပေဢဝ်ၵႂၢမ်းဢၼ်မၢၼ်ႇဢၼ်မႅၼ်ႈၼၼ်ႉ ႁေႃးပၼ်တီႈႁဝ်းသေၵမ်း။လၢတ်ႈၵႂၢမ်းဢၼ်ၶျေႃးဝွၼ်းၼၼ်ႉၵူၺ်း သေၵမ်း။
၁၁ ဢဝ်ၵႂၢမ်းဢၼ်ပႅတ်ႉလႅၼ်ၼၼ်ႉႁေႃးပၼ်သေၵမ်း။ဝႄႈပိူင်ႈသဵၼ်ႈတၢင်းသေၵမ်း။ငိၵ်းဢွၵ်ႇသေၵႃႈၼႂ်းႁွႆးတၢင်းၼၼ်ႉသေၵမ်း။ႁႄႉၵင်ႈႁႄႉလပ်ႉၽြႃးဢၼ်မူတ်းၸၢင်ႇမဵဝ်းဢိသရေႇလ ၼၼ်ႉသေၵႃႈတီႈၽၢႆႇ ၼႃႈႁဝ်းသေၵမ်း၊ဝႃႈၼင်ႇၼႆဢေႃႈ။
၁၂ ပိူဝ်ႈၼႆလႄႈၽြႃးဢၼ်မူတ်းၸၢင်ႇမဵဝ်းဢိသရေႇလ မီးဢမိင်ႉၸမ်းၵွပ်ႈပိူဝ်ႈဢၼ်သူပႄႇပႅတ်ႈ ၼုၵ်ႉၵပၢတ်ႈၸဝ်ႈသေလႄႈသွၼ်ႈပိုင်ႈၸပ်းၸွမ်း တၢင်းဢၼ်ၼိၵ်ႈၸၢၵ်ႈငႅၼ်း သေးတၢင်းဢၼ်ၸႂ်ၵူတ်ႉၸႂ်ငေႃးၼၼ်ႉလႄႈ
၁၃ ဢပျႅတ်ႈသူၼၼ်ႉ တၵ်းပဵၼ်ၸိူဝ်ႉၼင်ႇႁွႆးတႅၵ်ႇႁွႆးလူႉလမ်းဢုတ်ႇဢၼ်ၸမ်တၵ်းၵိူၼ်ႇတူၵ်းပင်းတူၵ်း ဢၼ်ငၢၵ်ႈဢွၵ်ႇၵွင်ႇဢွၵ်ႇဢမ်ႇပဵင်းဢမ်ႇၽဵင်ႇ ၵႃႈတီႈဢုတ်ႇဢၼ်သုင်ၼၼ်ႉလႄႈ တၢင်းဢၼ်မၼ်းပင်းလူႉၼၼ်ႉတၵ်းၶီႉ ၶႃႉပဵၼ်ၵမ်းလဵဝ်ၼၼ်ႉဢေႃႈ။
၁၄ တၵ်းလႆႈတႅၵ်ႇၸိူဝ်ႉၼင်ႇမေႃႈလိၼ်တႅၵ်ႇၼၼ်ႉလႄႈ ယင်းဢမ်ႇမီးတၢင်းဢၼ်သေလၢႆလႄႈ တၵ်းလႆႈၶၢမ်ႇ တၢင်းဢၼ်ဢဝ်တႅၵ်ႇပႅတ်ႈထၼ်ႈပေႃး ဢမ်ႇလႆႈထူပ်းလႆႈႁၼ်ၽၢၵ်ႇမေႃႈပုၼ်ႈဢၼ်တၵ်းၸေႃႉဢဝ်ထၢၼ်ႇၽႆးၵႃႈၼႂ်းၽီးၽႆးဢိၵ်ႇတင်း ပုၼ်ႈဢၼ်တၵ်းတဵၵ်းၼမ်ႉၵႃႈၼႂ်းၼမ်ႉၼွင်ၼၼ်ႉသေၽၢၵ်ႇသေဢၼ်ၼၼ်ႉဢေႃႈ။
၁၅ ၸဝ်ႈထႃႇဝရႃႉၽြႃးၽြႃးဢၼ်မူတ်းၸၢင်ႇမဵဝ်းဢိသရေႇလမီးဢမိင်ႉၸမ်း၊-သူတၵ်းႁွတ်ႈထိုင်တၢင်းဢၼ်ၵႄႇသႄႇၶျွတ်ႈဢဝ်ၼႂ်းတၢင်းဢၼ်ၶၢႆႉပုတ်ႈဢိၵ်ႇတင်း ၼႂ်းတၢင်းဢၼ်ယူႇၼိမ်ၼိမ်လီလီၼၼ်ႉလႄႈတၵ်းလႆႈတၢင်းၵတ်ႉတၢင်းၶၼ် ဢဵၼ်ႁႅင်းၼႂ်းတၢင်းဢၼ်ယူႇၼိမ်ၼိမ်လီလီဢိၵ်ႇတင်း တၢင်းဢၼ်ယုမ်ႇမၢတ်ႈၼၼ်ႉဢေႃႈ။ၵူၺ်းၵႃႈသူဢမ်ႇမီးဢ လူဝ်ႇၶႆႈလႆႈၸိူဝ်ႉၼင်ႇၼၼ်။
၁၆ သူဢွၼ်ၵၼ်လၢတ်ႈလႄႈဝႃႈ၊-ႁဝ်းဢမ်ႇယူႇၸိူဝ်ႉၼင်ႇၼၼ်။ တၵ်းၶီႇမႃႉသေလႄႈဢွၵ်ႇပၢႆႈဢေႃႈ၊ဝႃႈၼင်ႇၼႆဢေႃႈ။ပိူဝ်ႈၼႆလႄႈသူတၵ်းလႆႈဢွၼ်ၵၼ်ဢွၵ်ႇပၢႆႈဢေႃႈ။သူဢွၼ်ၵၼ်လၢတ်ႈလႄႈဝႃႈ၊-ႁဝ်းတၵ်းၶီႇတူဝ်ဢၼ်ၶၼ်ဢၼ်ၽႂ်းဢေႃႈ၊ဝႃႈၼင်ႇၼႆဢေႃႈ။ ပိူဝ်ႈၼႆလႄႈၶဝ်ၸိူဝ်းဢၼ်လိုပ်ႈၸွမ်းလမ်းၸွမ်းသူၼၼ်ႉတၵ်းၶၼ်ၽႂ်း ဢေႃႈ။
၁၇ သူႁဵင်ၼိုင်ႈတၵ်းလႆႈဢွၵ်ႇပၢႆႈၵွပ်ႈပိူဝ်ႈတၢင်းဢၼ်ၵူၼ်းၵေႃႉၼိုင်ႈလွၵ်ႇငိူတ်ႈၼၼ်ႉလႄႈ သူၼမ်ၼႃႇ တၵ်းဢွၵ်ႇပၢႆႈၵွပ်ႈပိူဝ်ႈဢၼ်ၵူၼ်းႁႃၵေႃႉလွၵ်ႇငိူတ်ႈၼၼ်ႉတေႃႇထိုင်ႁွတ်ႈထၼ်ႈပေႃး ႁႂ်ႈသူလႆႈပဵၼ်ၸိူဝ်ႉၼင်ႇသဝ်မၢတ်ႈသဝ်တွင်း ဢၼ်ပုၵ်းဝႆႉၵႃႈၼိူဝ်ပၢႆလွႆၸိၵ်းလွႆဢိၵ်ႇတင်း ၸိူဝ်ႉၼင်ႇလၢမ်ႇဢၼ်ပုၵ်းဝႆႉၵႃႈၼိူဝ်လွႆၼိူဝ်ၵုင်းၼၼ်ႉဢေႃႈ။
၁၈ ၵူၺ်းၵႃႈထႃႇဝရႃႉၽြႃး တၵ်းမုင်ႈမွင်းယူႇႁႂ်ႈလႆႈႁဵတ်းၵျေးၸူးတီႈသူလႄႈ ၶၢမ်ႇတၢင်းဢၼ်ယုၵ်ႉယွင်ႈႁႂ်ႈလႆႈႁဵတ်းၵရူႉၼႃႇတီႈသူဢေႃႈ။လွင်ႈမၼ်းၸမ်းထႃႇဝရႃႉၽြႃးပဵၼ်ၽြႃးပဵၼ်ၸဝ်ႈဢၼ်ၸွမ်းတြႃးဢေႃႈ။ၶဝ်ၸိူဝ်းဢၼ်မုင်ႈမွင်းမၼ်းၸဝ်ႈယူႇ ၵႃႈမီးတင်းသဵင်ႈ တင်းလူင်ၼၼ်ႉမီးမၢင်ႇၵလႃႇဢေႃႈ။
၁၉ ၵူၼ်းတင်းလၢႆတၵ်းလႆႈယူႇၵႃႈၼႂ်းၸိဢုၼ်ႇၵႃႈတီႈဝဵင်း ယေႇရုသလႅမ်ႇဢေႃႈ။ၵမ်းလိုၼ်းမႂ်းတၵ်းဢမ်ႇလႆႈႁႆႈလႆႈႁွင်ႉ။မၼ်းၸဝ်ႈ တၵ်းထွမ်ႇဢဝ်သဵင်ဢၼ်မႂ်းသႅၼ်ႇႁွင်ႉၼၼ်ႉ လႄႈဢိတ်းလူၵႄႇသႄႇဢဝ်မႂ်းဢေႃႈ။
၂၀ မိူဝ်ႈဢၼ်မၼ်းၸဝ်ႈငိၼ်းသဵင်ၼၼ်ႉၸိုင် မၼ်းၸဝ်ႈတၵ်းဢိူဝ်ႈဢေႃႈပိၵ်ႉသမ်ႉထႃႇဝရႃႉၽြႃးဢဝ်ၶဝ်ႈမုၼ်းတုၵ်ႉၶႃႉတၢင်းၽၢၼ်ဢိၵ်ႇတင်းဝူၺ်ႇတၼႃႇလဵင်ႉလူမႂ်းသေၵေႃႈသြႃႇမႂ်းၸိူဝ်းၼၼ်ႉ ၵမ်းလိုၼ်း တၵ်းဢမ်ႇလႆႈတဵတ်ႇမႅပ်းလႄႈယူႇ။မႂ်းတၵ်းလႆႈဢဝ်မၢၵ်ႇတႃမႂ်းႁၼ်သြႃႇမႂ်း ၸိူဝ်းၼၼ်ႉဢေႃႈ။
၂၁ ပေႃးမႂ်းၽိတ်းပိူင်ႈသဵၼ်ႈတၢင်းၵႂႃႇၵႃႈတီႈၽၢႆႇၶႂႃၵႃႈတီႈၽၢႆႇသၢႆႉၸိုင် မႂ်းတၵ်းလႆႈငိၼ်းသဵင်ၵႂၢမ်းဢၼ်လၢတ်ႈ ၵႃႈတီႈၽၢႆႇလင်မႂ်းလႄႈဝႃႈသဵၼ်ႈတၢင်းဢၼ်ၼႆႉၸိုဝ်ႈၸႂ်ႈဢေႃႈ။ ၸွမ်းသဵၼ်ႈတၢင်းၼႆႉတႃႉ၊ဝႃႈၼင်ႇၼႆဢေႃႈ။
၂၂ သူတၵ်းလႆႈႁဵတ်း ငိုၼ်းဢၼ်ဢုမ်ႇႁေႃႇရုၵ်ႉထူႉဢၼ်တွင်ႈႁဵတ်းၶႅၵ်းႁဵတ်းတင်းတီႈၶမ်းဢုမ်ႇႁေႃရုၵ်ႉထူႉဢၼ်သွၼ်းလေႃႇႁဵတ်းၼၼ်ႉၵူဝ်ႈၵိူၵ်ႇလႄႈ ပႄႇပႅတ်ႈၸိူဝ်ႉၼင်ႇၶူဝ်းလဵင်း ဢၼ်ၵူဝ်ႈၵိူၵ်ႇၼၼ်ႉယူႇသေလႄႈ ဝႃႈၵႂႃႇတႃႉမႂ်း၊ဝႃႈၼင်ႇၼႆဢေႃႈ။
၂၃ မၼ်းၸဝ်ႈတၵ်းႁႂ်ႈၽူၼ်တူၵ်းပုၼ်ႈ ၸိူဝ်ႉၽၼ်းဢၼ်မႂ်းဝၢၼ်ႇပိုၼ်ဝႆႉၵႃႈတီႈၼႃႈလိၼ်ၼၼ်ႉလႄႈ ပၼ်ၶဝ်ႈမုၼ်းဢၼ်ပဵၼ်မႃးၵႃႈတီႈမၢၵ်ႇလိၼ်ႁူင်းလိၼ်ၼၼ်ႉလႄႈတဵမ်ဝႆႉလိူင်ႇၸႂ်ၼမ်ၼႃႇလူင်လၢင်ဢေႃႈ။ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ သူဝ်းဝူဝ်းမႂ်းတင်းလၢႆတၵ်းလႆႈၵိၼ်ယူႇ ၵႃႈၼႂ်းတီႈဢၼ်ၵႂၢင်ႈလီလႃးလီဢေႃႈ။
၂၄ ဝူဝ်းဢိၵ်ႇတင်းလီႈ ဢၼ်ႁဵတ်းၵႃႈတီႈလိၼ်ၸိူဝ်းၼၼ်ႉၵေႃႈတၵ်းလႆႈၵိၼ်ၶဝ်ႈပိူၵ်ႇ ဢၼ်လေႃးလူၺ်ႈၵိူဝ်၊ဢၼ်ဢဝ်တင်းလူင်ႈဢိၵ်ႇတင်းၶိုင်ၽတ်းဢဝ်ၶိုင်ဢဝ်ၼၼ်ႉၵူၺ်း ဢေႃႈ။
၂၅ ၼမ်ႉမေႈတီႈဢၼ်ၼမ်ႉလႆယူႇဢိၵ်ႇတင်းၼမ်ႉႁွင်ႊၼမ်ႉၵႄးတင်းလၢႆ တၵ်းမီးၵႃႈၼိူဝ်လွႆဢၼ်သုင်ၵႃႈမီးဢိၵ်ႇတင်းၵႃႈၼိူဝ်ၵုင်းဢၼ်ထၢင်ႇသႃးၵႃႈမီးၼၼ်ႉ ၼႂ်းမိူဝ်ႉဝၼ်းဢၼ်ဢဝ်ၵူၼ်းၼမ်ၼႃႇလႆႈၶၢမ်ႇတၢင်းဢၼ်ဢဝ်တၢႆလႄႈ တိူၵ်ႈတီႈတိုၵ်းသိုၵ်း တင်းလၢႆလႆႈလူမ်ႉပင်းၼၼ်ႉဢေႃႈ။
၂၆ ဢၼ်လႅင်းလိူၼ်ၼၼ်ႉတၵ်းပဵၼ်ၸိူဝ်ႉၼင်ႇ ဢၼ်လႅင်းၵၢင်ဝၼ်းလႄႈဢ ၼ်လႅင်းၵၢင်ဝၼ်းၼၼ်ႉတၵ်းယိင်ႈၶႅၼ်းလႅင်းမႃးၸဵတ်းပုၼ်ႈ ပဵင်းတၢၼ်ႇဢၼ်လႅင်းၸဵတ်းဝၼ်းၼႂ်းမိူဝ်ႉဝၼ်းဢၼ်ထႃႇဝရႃႉၽြႃး ပွင်မႄးႁွႆးလူႉႁွႆးႁၵ်းၵူၼ်းမၼ်းၸဝ်ႈတင်းလၢႆလႄႈ ႁႂ်ႈႁွႆးတၢမ်ႇၶဝ်ႁၢႆၼၼ်ႉဢေႃႈ။
၂၇ တူၺ်းလူ။ၼႃႉမႃႉၸိုဝ်ႈသဵင်ထႃႇဝရႃႉၽြႃးလုၵ်ႉသေၵႃႈတီႈဢၼ်ၵႆမႃးလႄႈ တၢင်းၸႂ်မႆႈၶႆႈၸႃႉမၼ်းၸဝ်ႈႁုပ်ႇမႆႈလႄႈပဵၼ်ၵႂၼ်းဢွၵ်ႇၶိုၼ်ႈယူႇဢေႃႈ။ သူပ်းမၼ်းၸဝ်ႈၼၼ်ႉတဵမ်ဝႆႉတင်းတၢင်းၸႂ်မႆႈၶႆႈၸႃႉလႄႈ လိၼ်ႉမၼ်းၸဝ်ႈၼၼ်ႉ ပဵၼ်ၸိူဝ်ႉၼင်ႇၽႆးဢၼ်တုတ်ႇယူႇ ဢေႃႈ။
၂၈ တၢင်းဢၼ်ထူၺ်ႈၸႂ်ဢွၵ်ႇမၼ်းၸဝ်ႈၵေႃႈပဵၼ်ၸိူဝ်ႉၼင်ႇ ၼမ်ႉဢၼ်ထူမ်ႈႁူမ်ႇၶိုတ်းထိုင်ၵႃႈတီႈၶေႃးႁႂ်ႈလႆႈဢဝ်ၶိူင်ႈမူႉသႃႇ ၶိူင်ႈႁွင်ႉမဵဝ်းၵူၼ်းတင်းလၢႆပႅတ်ႈလႄႈ ၵၵ်းဢၼ်ႁႂ်ႈပိူင်ႈတၢင်းၵႂႃႇၼၼ်ႉတင်းလၢႆမီးၵႃႈၼႂ်းသူပ်းၶဝ်ဢေႃႈ။
၂၉ သူတၵ်းလႆႈမီး တၢင်းဢၼ်ႁဵတ်းၵႂၢမ်းမိူၼ်ၸိူဝ်ႉၼင်ႇဢၼ်မီး ၼႂ်းၶမ်ႈဝၼ်းဢၼ်ၶၢမ်ႇပွႆးဢၼ်မူတ်းၸၢင်ႇၼၼ်ႉလႄႈတၵ်းလႆႈၸူမ်းသိူဝ်းမိူၼ်ၸိူဝ်ႉၼင်ႇၵေႃႉဢၼ်ပဝ်ႇပီႇသေလႄႈ ၵႂႃႇၸူးၵႃႈတီႈထႃႇဝရႃႉၽြႃးမၢၵ်ႇႁိၼ်မၢၵ်ႇၽႃမဵဝ်းဢိသရေႇလၼၼ်ႉဢေႃႈ။
၃၀ ထႃႇဝရႃႉၽြႃး တၵ်းပွႆႇသဵင်မၼ်းၸဝ်ႈဢၼ်မူၼ်ႈယႂ်ႇၼၼ်ႉလႄႈၼႄပျုႉတၢင်းဢၼ်ၶႅၼ်မိုဝ်းမၼ်းၸဝ်ႈတူၵ်းႁွတ်ႈဢိၵ်ႇလူၺ်ႈၵၼ်တင်း တၢင်းဢၼ်တေႃးသႃႉတၢင်းၶႆႈၸႃႉမၼ်းၸဝ်ႈ ဢွၵ်ႇႁႅင်းၼႃႇ တၢင်းဢၼ်ပိဝ်ၽႆးမႆႈဢိၵ်ႇတင်း ၽူၼ်လူင်လူမ်းလူင်ဢၼ် ပႃးမၢၵ်ႇႁဵပ်းၸိူဝ်းၼၼ်ႉဢေႃႈ။
၃၁ ပိူဝ်ႈၼႆလႄႈၵူၼ်းဢႃႇသုရိ ၼၼ်ႉတၵ်းလႆႈၶၢမ်ႇတၢင်းဢၼ်သဵင်ထႃႇဝရႃႉၽြႃး ဢဝ်ၶျႃးတူၵ်းပႅတ်ႈဢိၵ်ႇတင်းတၢင်းဢၼ် ၵၼ်းႁွၵ်ႇမၼ်းၸဝ်ႈပၼ်တၢမ်ႇၼၼ်ႉဢေႃႈ။
၃၂ ၵႂၢမ်းတၢမ်ႇ ၵႃႈဢၼ်ၵၼ်းႁွၵ်ႇဢၼ်ထႃႇဝရႃႉၽြႃး ၸီႇယၢင်ႇလႄႈ ၶျႃးသႂ်ႇဝႆႉၵႃႈၼိူဝ်မၼ်းႁွတ်ႈထိုင်ၵူႈပွၵ်ႈၵူႈၵမ်းၼၼ်ႉတၵ်းပဵၼ်ပႃးလူၺ်ႈၵၼ်တင်းတၢင်းဢၼ်လဵတ်းတိင်ႇႁႆႇၵွင်ၶဵတ်ႇဢေႃႈ။မၼ်းၸဝ်ႈတၵ်းတိုၵ်းတေႃးမၼ်းၼႂ်းပွႆးတိုၵ်းသိုၵ်း ဢၼ်ႁႅင်းယႂ်ႇၼႃႇ တင်းလၢႆဢေႃႈ။
၃၃ လွင်ႈမၼ်းၸမ်းတီႈတေႃႇၽိတ်ႉၼၼ်ႉလႆႈမီးတၢင်းဢၼ် ၸီႇယၢင်ႇပွင်ႁဵတ်းဝႆႉယဝ်ႉမိူဝ်ႈၵွၼ်ႇဢွၼ်ၼႆႉၼၼ်ႉလႄႈ မီးတၢင်းဢၼ်မႄးႁႅၼ်းဝႆႉပုၼ်ႈၶုၼ်ႁေႃၶမ်းဢမၢၼ်ႇၶၢၼ်ပဵၼ်ဢေႃႈ။ မၼ်းၸဝ်ႈႁဵတ်း ႁႂ်ႈပဵၼ်ဢၼ်လိုၵ်ႉလမ်ႇယႂ်ႇၵႂၢင်ႈၼႃႇလႄႈတီႈဢၼ်ၵွင်းဢၼ်သုင်မၼ်းၵေႃႈ ပဵၼ်ၽႆး ဢိၵ်ႇတင်းၼမ်ႉၽိုင်ႈၼမ်ၼႃႇဢေႃႈ။တၢင်းဢၼ်ထူၺ်ႈၸႂ်ဢွၵ်ႇထႃႇဝရႃႉၽြႃးၼၼ်ႉ တၵ်းလႆးဢဝ်ၽႆးတုတ်ႇမၼ်းၼၼ်ႉမိူၼ်ၸိူဝ်ႉၼင်ႇ ၵၢၼ်ႉဢၼ်ၶိုဝ်ႇပႅၼ်ၼမ်ႉၼၼ်ႉဢေႃႈ။