၂၀
ပျႃႇတိၵ်ႈလွင်ႈမိူင်းဢေႇၵႅပ်ႉတုတင်းမိူင်းၵုသ
၁ ၼႂ်းပီႊဢၼ်ၶုၼ်ပုဝ်ႇတႃႇတၼ်ႇ ႁွတ်ႈထိုင်ၵႃႈတီႈဝဵင်းဢႃႇၸုတ်ႉ ၼႂ်းမိူဝ်ႈဢၼ်သႃႇၵုၼ်ႇၶုၼ်ႁေႃၶမ်း ဢႃႇသုရိ ပွႆႇၸႂ်ႉမၼ်းလႄႈ မၼ်းတိုၵ်းတေႃးဢဝ်ဝဵင်းဢႃႇၸုတ်ႉ ၼၼ်ႉ၊ထႃႇဝရႃႉၽြႃးမီးဢမိင်ႉတီႈ ဢိသႃႇယ လုၵ်ႈၸၢႆးဢႃႇမုတ်ႉလႄႈဝႃႈ၊-
၂ မႂ်းၵႂႃႇလႄႈပႄႇပႅတ်ႈၶူဝ်းၼုင်ႈ ၼင်ပေႃသေၵႃႈတီႈဢႅဝ်မႂ်းထွတ်ႇသွၵ်းတိၼ်သေၵႃႈတီႈတိၼ်မႂ်းတႃႉ၊ဝႃႈၼင်ႇၼႆလႄႈ မၼ်းႁဵတ်းၸွမ်းၵႃႈၼင်ႇဢၼ်ဝႃႈၼၼ်ႉလႄႈ ယင်းဢမ်ႇၼုင်ႈၶူဝ်းၼုင်ႈ ယင်းဢမ်ႇတိုဝ်းသွၵ်းတိ်ၼ်လႄႈၵႂႃႇမႃးယူႇ ဢေႃႈ။
၃ ထႃႇဝရႃႉၽြႃးၵေႃႈမီးဢမိင်ႉလႄႈဝႃႈ၊-ၸိူဝ်ႉၼင်ႇဢၼ်ၶႃႈၵဝ် ဢိသႃႇယ ယင်းဢမ်ႇၼုင်ႈၶူဝ်းယင်းဢမ်ႇတိုင်းသွၵ်းတိၼ်လႄႈ ၵႂႃႇမႃးယူႇသၢမ်ပီႊတဵမ်တဵမ်ႁႂ်ႈလႆႈၼႄပျုႉပူၵ်ႉပႃႉၼီႈမိၵ်ႈ၊ လွင်ႈတၢင်းဢၼ် လီဢၢမ်းတီႈမိူင်းဢေႇၵႅပ်ႉတု
၄ တင်းမိူင်းၵုသၼၼ်ႉ၊မိူၼ်ၸိူဝ်ႉၼင်ႇၼၼ်ၶုၼ်ႁေႃၶမ်းဢႃႇသုရိ တၵ်းသိမ်းဢဝ်ၵူၼ်းဢေႇၵႅပ်ႉတု တင်းၵူၼ်းၵုသဢၼ်လႆႈၶၢမ်ႇတၢင်းဢၼ်တီႉဢဝ်ၶျုၵ်ႈဝႆႉၸဵမ်လဵၵ်ႉၸဵမ်ယႂ်ႇ ၵႂႃႇတူဝ်ပူၺ်ႁႂ်ႈယင်းဢမ်ႇပႃးသွၵ်းတိၼ်၊ ယင်းဢမ်ႇႁႂ်ႈမီးတီႈဢၼ်ႁူမ်ႇၵုမ်ႇၵူၼ်ႈၶဝ် ႁႂ်ႈလႆႈယႃႉသရေႇ မိူင်းဢေႇၵႅပ်ႉတုဢေႃႈ။
၅ ၶဝ်တၵ်းဢွၼ်ၵၼ်ၵူဝ်ႁႄလႄႈဢူၵ်းဢၢႆၵွပ်ႈပိူဝ်ႈမိူင်းၵုသ ဢၼ်ၶဝ်ၸႂ်ႉဢိင်ၸႂ်ႉပိုင်ႈဢိၵ်ႇတင်းမိူင်း ဢေႇၵႅပ်ႉတုဢၼ်ၶဝ်ဢုပ်ႇဢၢတ်ႇၼၼ်ႉဢေႃႈ။
၆ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ ၵေႃႉဢၼ်ယူႇၵႃႈတီႈႁိမ်းၽင်ႇ ၽၢႆၼႆႉၼၼ်ႉတၵ်းလၢတ်ႈလႄႈဝႃႈ၊-တူၺ်းလူ။တီႈဢၼ်ႁဝ်းမုင်ႈမွင်းယူႇ၊ တီႈဢၼ်ႁဝ်းပၢႆႈၸူးလႄႈသွၼ်ႈပိုင်ႈယူႇႁႂ်ႈလႆႈလွတ်ႈသေ ၵႃႈၼႂ်းမိုဝ်းၶုၼ်ႁေႃၶမ်းဢႃႇသုရိ ၼၼ်ႉပဵၼ်ၸိူဝ်ႉၼင်ႇၼႆဝႆႉယဝ်ႉလူင်ပေႇ။ႁဝ်းၼႆႉတၵ်းႁဵတ်းၸိူဝ်ႉၼင်ႇႁိုဝ်လွတ်ႈလႆႈ၊ ဝႃႈၼင်ႇၼႆဢေႃႈ။