၆၆
တၢင်းဢၼ်ၸီႇယၢင်ႇတၢင်းမုင်ႈမွင်း
၁ ထႃႇဝရႃႉၽြႃးမီးဢမိင်ႉဝႆႉၸမ်း၊-ၾႃႉၵၢင်ႁၢဝ်ပဵၼ်ပလၢင်ႇၵဝ်လႄႈ လိၼ်မိူင်းပဵၼ်ၶူင်ႇတီႈတၢင်ႇတိၼ်ၵဝ်ဢေႃႈ။သူတၵ်းတႄႇႁဵတ်းႁိူၼ်းၸိူဝ်ႉၼင်ႁိုဝ်ပုၼ်ႈၵဝ်။တီႈ လႂ်တၼ်း လႂ်ၼၼ်ႉတၵ်းပဵၼ်တီႈဢၼ်ၵဝ် ၵိင်းၼွၼ်း။
၂ မိုဝ်းၵဝ်ႁဵတ်းပဵၼ်လွင်ႈတၢင်းၵႃႈမီးၸိူဝ်းၼၼ်ႉလႄႈလွင်ႈတၢင်းၸိူဝ်းၼၼ်ႉပဵၼ်မႃးဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။ ၵဝ်တၵ်းလူတူၺ်းၵေႃႉၼႆႉဢၼ်ဝႃႈ ၵေႃႉဢၼ်မီးတၢင်းဢၼ်ၸႂ်ၶျႃးတႅမ်ႇ၊ တၢင်းဢၼ်ႁူဝ်ၸႂ်တႅၵ်ႇလႅဝ်၊တၢင်းဢၼ်သၼ်ႇဝႆၵွပ်ႈပိူဝ်ႈၵႂၢမ်းၵဝ်ၼၼ်ႉၵူၺ်းဢေႃႈ။
၃ ၵေႃႉဢၼ်ဢဝ်ဝူဝ်းတၢႆၼၼ်ႉ မိူၼ်ၸိူဝ်ႉၼင်ႇၵေႃႉဢၼ်ဢဝ်ၵူၼ်းတၢႆဢေႃႈ။ ၵေႃႉဢၼ်ဢဝ်သူဝ်းဢွၼ်ႇပုၵ်ႉၸေႃႇယိၸ်ႉၼၼ်ႉ မိူၼ်ၸိူဝ်ႉၼင်ႇၵေႃႉဢၼ်တႅပ်းၶေႃးမႃဢေႃႈ။ ၵေႃႉဢၼ်လူႇတၢၼ်းတႃႇၼႃႉတၢင်းလူႇၼၼ်ႉ မိူၼ်ၸိူဝ်ႉၼင်ႇ ၵေႃႉဢၼ်လူႇတၢၼ်းလိူတ်ႈမူဢေႃႈ။ ၵေႃႉဢၼ်ဢဝ်လေႃႇပၢၼ်ႇတုတ်ႇၽႆးၼၼ်ႉမိူၼ်ၸိူဝ်ႉၼင်ႇၵေႃႉဢၼ်ပၼ်တၢင်းလီတီႈရုၵ်ႉထူႉဢေႃႈ။ၶဝ်ၼၼ်ႉလိူၵ်ႈၵဵပ်းဢဝ်သဵၼ်ႈတၢင်းတူဝ်ၸဝ်ႈၵဝ်ႇတင်းလၢႆလႄႈ ႁူဝ်ၸႂ်ၶဝ်ၼၼ်ႉမူၼ်ႈပျေႃႇယူႇၵႃႈၼႂ်း လွင်ႈတၢင်းဢၼ်လီႁင်ႈဢဵတ်ႇသဵတ်ႇတူဝ်ၸဝ်ႈ ၵဝ်ႇၸိူဝ်းၼၼ်ႉဢေႃႈ။
၄ ၵဝ်ၵေႃႈတၵ်းလိူၵ်ႈၵဵပ်းဢဝ်တၢင်းၵျၢမ်ႇတၢင်းပွင်ၶဝ်လႄႈတၵ်းႁႂ်ႈလွင်ႈတၢင်းဢၼ်ၶဝ်ၵူဝ်ႁႄၼၼ်ႉႁွတ်ႈထိုင်ၵႃႈၼိူဝ်ၶဝ်ဢေႃႈ။လွင်ႈမၼ်းၸမ်း ယၢမ်းမိူဝ်ႈဢၼ်ၵဝ်ႁွင်ႉၼၼ်ႉၽူႈ လႂ်ဢမ်ႇဢိူဝ်ႈသေၵေႃႉသေၵူၼ်း။ယၢမ်းမိူဝ်ႈဢၼ်ၵဝ်လၢတ်ႈၼၼ်ႉၶဝ်ဢမ်ႇထွမ်ႇဢမ်ႇဢဝ်။ၶဝ်ၵမ်ၵျၢင်ႉတၢင်းၵမ်တၢင်းၵျၢင်ႉ ဢၼ်ဢမ်ႇလီသိုဝ်ႈၼႃႈတႂ်ႈတႃၵဝ်လႄႈ လိူၵ်ႈၵဵပ်းဢဝ် လွင်ႈတၢင်းဢၼ်ၵဝ်ဢမ်ႇ ထုၵ်ႇၸႂ်ၵျိူၵ်ႈၸႂ်ၼၼ်ႉဢေႃႈ။
၅ သူၸိူဝ်းဢၼ်သၼ်ႇဝႆၵွပ်ႈပိူဝ်ႈၵႂၢမ်းၼုၵ်ႈၵပၢတ်ႈ ထႃႇဝရႃႉၽြႃးၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းမၼ်းၸဝ်ႈတႃႉ။ပိၵ်ႉသမ်ႉပီႈၼွင်ႉသူဢၼ်ၸင်းသူလႄႈ ႁေႃႈသူဢွၵ်ႇပႅတ်ႈၵွပ်ႈပိူဝ်ႈၼႃႇမႃႉၸိုဝ်သဵင်ၵဝ်ၼၼ်ႉ ဢွၼ်ၵၼ်လၢတ်ႈလႄႈဝႃႈႁႂ်ႈထႃႇဝရႃႉၽြႃး မူၼ်ႈၽုင်းထၢင်ႇသႃးပေႃႇမႃးႁႂ်ႈႁဝ်းလႆႈႁၼ် တၢင်းဢၼ်ၸူမ်းဢၼ်သိူဝ်းသူၼၼ်ႉသေၵမ်း ဝႃႈၼင်ႇၼႆသေၵေႃႈၶဝ်တၵ်းလႆႈဢူၵ်းလႆႈဢၢႆ ဢေႃႈ။
၆ ပဵၼ်သဵင်ဢၼ်ဢူၼ်ဢဵၼ်မေႃးမေးၵႃႈတီႈဝဵင်း၊သဵင်ဢၼ်ဢွၵ်ႇသေ ၵႃႈၼႂ်းပိၵ်ႉမၢၼ်ႇၸဝ်ႈ၊သဵင်ထႃႇဝရႃႉၽြႃး ဢၼ်ပၼ်ဢၵျူဝ်းဢပျႅတ်ႈတီႈရၢၼ်ႇသူႇ မၼ်းၸဝ်ႈတင်းလၢႆဢေႃႈ။
၇ မၼ်းၵိူတ်ႇလဵင်ႉလုၵ်ႈၸူဝ်ႈဢၼ်မၼ်းဢမ်ႇပႆႇလႆႈၶၢမ်ႇဝူၺ်ႇတၼႃႇ တၢင်းဢၼ်ၵိူတ်ႇလဵင်ႉလုၵ်ႈၼၼ်ႉလႄႈ ႁၼ်ၼႃႈလုၵ်ႈၸၢႆးၸူဝ်ႈဢၼ်ဢမ်ႇပႆႇႁွတ်ႈထိုင် ၶိင်ႇဢၼ်မၼ်းလႆႈၶၢမ်ႇဝူၺ်ႇ တၼႃႇၼၼ်ႉဢေႃႈ။
၈ ၽူႈ လႂ်ယၢမ်ႈငိၼ်းလွင်ႈတၢင်းၸိူဝ်ႉၼင်ႇၼၼ်။ ၽူႈ လႂ်ယၢမ်ႈႁၼ်လွင်ႈတၢင်းၸိူဝ်ႉၼင်ႇၼၼ်ၸိူဝ်းၼၼ်ႉ။ ၸၢင်ႊၵိူတ်ႇလဵင်ႉသိုင်ႇၸိုင်ႈဝၢၼ်ႈမိူင်းမႃးၼႂ်းဝၼ်းၼိုင်ႈၵူၺ်းႁိုဝ်။ၸၢင်ႊၵိူတ်ႇလဵင်ႉၵူၼ်းဝၢၼ်ႈၵူၼ်းမိူင်းတင်းလၢႆ မႃးၽွမ်ႉမိူဝ်ႈလဵဝ်ၵမ်းလဵဝ်ၵၼ်ႁိုဝ်။ ၸိဢုၼ်ႇလႆႈၶၢမ်ႇဝူၺ်ႇတၼႃႇတၢင်းဢၼ်ၵိူတ်ႇလဵင်ႉလႄႈ ၵိူတ်ႇလဵင်ႉလုၵ်ႈလၢင်းတင်းလၢႆ မႃးလူင်ပေႇ။
၉ ၵဝ်ၸီႇယၢင်ႇႁႂ်ႈၵိူတ်ႇလဵင်ႉမႃးလႄႈယင်းဢမ်ႇႁႂ်ႈၵိူတ်ႇလဵင်ႉမႃးလႄႈ တၵ်းလႆႈယူႇႁိုဝ်ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။ၵဝ်ပၼ်ပတိၵ်ႉသၼ်ႇထေႇယဝ်ႉလႄႈ တၵ်းလႆႈၶျႃးဝႆႉထၼ်ႈပေႃးဢမ်ႇၵိူတ်ႇလဵင်ႉမႃးလႆႈႁိုဝ်ဝႃႈၼင်ႇၼႆ ၽြႃးပဵၼ်ၸဝ်ႈမီးဢမိင်ႉ ဢေႃႈ။
၁၀ သူၸိူဝ်းဢၼ်ႁၵ်ႉဝဵင်းယေႇရုသလႅမ်ႇတင်းသဵင်ႈတင်း လူင်ၶဝ်ဢိူၺ်း။ဢွၼ်ၵၼ်ၸူမ်းသိူဝ်းလူၺ်ႈၵၼ်တင်းမၼ်းလႄႈသႂၢင်ႇၸႂ်ၵွပ်ႈပိူဝ်ႈမၼ်းတႃႉ။သူၸိူဝ်းဢၼ်ႁူဝ်ၸႂ်ဢမ်ႇသႃႇ ၶၢင်းၶီၶၢင်းၽၢၼ်ၵွပ်ႈပိူဝ်ႈမၼ်းတင်းသဵင်ႈတင်းလူင်ၶဝ်ဢိူၺ်း။ဢွၼ်ၵၼ်ၸူမ်းသိူဝ်း လူၺ်ႈၵၼ်တင်းမၼ်းၼႃႇလူင်လၢင်တႃႉ။
၁၁ ပေႃးႁဵတ်းၸိူဝ်ႉၼင်ႇၼၼ်ၸိုင် သူတၵ်းလႆႈၸုပ်ႇၵိၼ်ၼူမ်းတၢင်းဢၼ်ၵတ်းယဵၼ်ၶျၢမ်းသႃႇမၼ်းသေလႄႈ ဢိမ်ႇတဵမ်ဢေႃႈ။ သူတၵ်းမိပ်ႇဢဝ်ၼမ်ႉၼူမ်းမၼ်းလႄႈမူၼ်ႈပျေႃႇယူႇ ၵႃႈၼႂ်းတၢင်းဢၼ်မူၼ်ႈၽုင်းၸေးၸိမ်ႇမၼ်းလိူင်ႇၼမ်ၼၼ်ႉဢေႃႈ။
၁၂ ထႃႇဝရႃႉၽြႃးမီးဢမိင်ႉဝႆႉၸမ်း ၵဝ်တၵ်းႁႂ်ႈၵတ်းယဵၼ်ၶျၢမ်းသႃႇ ႁွတ်ႈထိုင်တီႈမၼ်းမိူၼ်ၸိူဝ်ႉၼင်ႇၼမ်ႉႁွင်ႊလႄႈ ႁႂ်ႈၸေးၸိမ်ႇၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆႁွတ်ႈထိုင်တီႈမၼ်း မိူၼ်ၸိူဝ်ႉၼင်ႇၼမ်ႉၵေးဢၼ်လႆယူႇၼၼ်ႉဢေႃႈ။သူတၵ်းလႆႈၸုပ်ႇၵိၼ်ၼမ်ႉၼူမ်းလႄႈ ၶၢမ်ႇတၢင်းဢၼ် ဢုမ်ႈႁွပ်ႇသႂ်ႇၵႃႈၼိူဝ်ဢႅင်ႈၼိူဝ်ဢႅဝ်၊တၢင်း ဢၼ်ဢဝ်ယွပ်ႇဢဝ်ၵႃႈၵႃႈၼိူဝ်ၶဝ်ႇ ၼိူဝ်ၶႃဢေႃႈ။
၁၃ ၵဝ်တၵ်းႁႂ်ႈသူၸႂ်သၢၵ်ႈသႃႇမိူၼ်ၸိူဝ်ႉၼင်ႇလုၵ်ႈဢွၼ်ႇ ဢၼ်မေႈမၼ်း ႁႂ်ႈၸႂ်သၢၵ်ႈသႃႇၼၼ်ႉလႄႈ သူတၵ်းလႆႈတၢင်းဢၼ်ၸႂ်သၢၵ်ႈသႃႇၵႃႈ ၼႂ်းဝဵင်းယေႇရုသလႅမ်ႇဢေႃႈ။
၁၄ ၼင်ႇၼၼ်လႄႈသူတၵ်းထူပ်းႁၼ်လႄႈ ႁူဝ်ၸႂ်သူတၵ်းသႂၢင်ႇသိူဝ်းလႄႈလုပ်ႇသူတင်းလၢႆ တၵ်းပူၵ်ႇလီႁႅင်းလီမိူၼ်ၸိူ်ဝ်ႉၼင်ႇတူၼ်ႈဢၼ်ၶဵဝ်လီတင်ႈလီၼၼ်ႉဢေႃႈ။မိုဝ်းထႃႇဝရႃႉၽြႃးတၵ်းထၢင်ႇသႃးၵႃႈတီႈၶႃႈမၼ်းၸဝ်ႈတင်းလၢႆလႄႈ တၢင်းၸႂ်မႆႈၶႆႈၸႃႉမၼ်းၸဝ်ႈတၵ်းဢွၵ်ႇၸူးၵႃႈတီႈရၢၼ်ႇသူႇမၼ်းၸဝ်ႈတင်းလၢႆဢေႃႈ။
၁၅ တူၺ်းလူ။ထႃႇဝရႃႉၽြႃးတၵ်းမႃးၸိူဝ်ႉၼင်ႇၽႆးလႄႈၶီႇလေႃႉရထႃးတင်းလၢႆ မိူၼ်ၸိူဝ်ႉၼင်ႇလူမ်းၽိဝ်ႁုင်ႁႂ်ႈလႆႈဢဝ်ဢၢႆႁႅင်း ဢၼ်ႁၢဝ်ႈၵျၢမ်းၼႃႇၼႄပျုႉတေႃးသႃႉတၢင်းၸႂ်မႆႈမၼ်းၸဝ်ႈဢိၵ်ႇတင်း ႁႂ်ႈလႆႈဢဝ်ပိဝ်ႆး ၼႄပျုႉတၢင်းဢၼ်သင်ႇသွၼ်သုင်းမႃႉမၼ်းၸဝ်ႈ ၼၼ်ႉဢေႃႈ။
၁၆ ထႃႇဝရႃႉၽြႃးတၵ်းဢဝ်ၽႆးတင်းလၢပ်ႇပၼ်ဢပျႅတ်ႈတီႈၵူၼ်းသတ်ႉတဝႃႇ တင်းသဵင်ႈတင်းလူင်လႄႈ ၶဝ်ၸိူဝ်းဢၼ် ထႃႇဝရႃႉၽြႃးၶႃႈၽၼ်း ပႅတ်ႈၼၼ်ႉတၵ်းၼမ်ၼႃႇဢေႃႈ။
၁၇ ၶဝ်ၸိူဝ်းဢၼ်ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇလႄႈ ႁႂ်ႈတူဝ်ၸဝ်ႈၵဝ်ႇမူတ်းသႂ်ၵႃႈၼႂ်းသူၼ်ဢူးယဵၼ်ႇတင်းလၢႆ ၸွမ်းလင်ၵေႃႉၼိုင်ႈၵႃႈၼႂ်းၵၢင်မၼ်းယူႇသေလႄႈ ၵိၼ်ၼိူဝ်ႉမူဢိၵ်ႇတင်းလွင်ႈတၢင်းဢၼ် လီႁင်ႈဢဵတ်ႇသဵတ်ႇတင်းၼိူဝ်ႉၼူၼၼ်ႉတၵ်းႁွတ်ႈထိုင် တၢင်းဢၼ်လူႉလႅဝ်ၽွမ်ႉမိူဝ်ႈလဵဝ်ၵမ်းလဵဝ်ၵၼ်ဢေႃႈ၊ ဝႃႈၼင်ႇၼႆထႃႇဝရႃႉၽြႃး မီး ဢမိင်ႉဢေႃႈ။
၁၈ လွင်ႈမၼ်းၸမ်းၵဝ်ႁူႉတၢင်းၵမ်တၢင်းၵျၢင်ႉၶဝ်ဢိၵ်ႇတင်း တၢင်းၵျၢမ်ႇတၢင်းပွင်ၶဝ်ၸိူဝ်းၼၼ်ႉယူႇဢေႃႈ။ ၶိင်ႇမိူဝ်ႈဢၼ်ၵဝ်တၵ်းႁႂ်ႈၵူၼ်းၵူႈၸိူဝ်ႉၵူႈမဵဝ်းတင်းသဵင်ႈတင်းလူင် ဢိၵ်ႇတင်းၽႃႇသႃႇဢၼ်ပႅၵ်ႇပိူင်ႈၵၼ်ၸိူဝ်းၼၼ်ႉၸူႉၵၼ်တုမ်ၵၼ်ၼၼ်ႉ ႁွတ်ႈထိုင်လႄႈ ၶဝ်ၼၼ်ႉတၵ်းဢွၼ်ၵၼ်မႃးလႄႈႁၼ်မူၼ်ႈၽုင်းၵဝ်ဢေႃႈ။
၁၉ ၵဝ်တၵ်းပူၵ်းလၢမ်ႇၵႃႈၼႂ်းၶဝ်လႄႈၵဝ်တၵ်းဢဝ်ၶဝ်ၸိူဝ်းဢၼ်ၵၢင်းလွတ်ႈတင်းၽေးၼၼ်ႉပွႆႇၸႂ်ႉၸူးၵႃႈတီႈၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆဢၼ်ဝႃႈမိူင်းတႃႇသု၊ မိူင်းၽုသ၊မိူင်းလုတဢၼ်ၸၢင်ႊသုင်းသွင်ႇလၢၵ်ႈၼၢၵ်ႈၵၢင်ႇ၊ မိူင်းတုပလ၊မိူင်းယႃႇဝၢၼ်ႇ၊ၵူၼ်းၼႂ်းၼမ်ႉဢၼ်ၵႆၼႃႇ၊ ဢၼ်ဢမ်ႇလႆႈငိၼ်းသတၢင်းသဵင်ၶၢဝ်ႇၵဝ် ဢၼ်ဢမ်ႇႁၼ်မူၼ်ႈၽုင်းၵဝ်ၸိူဝ်းၼၼ်ႉလႄႈ ၶဝ်ၼၼ်ႉတၵ်းဢွၼ်ၵၼ်ႁေႃးလၢတ်ႈမူၼ်ႈၽုင်းၵဝ် ၵႃႈၼႂ်းၵူၼ်းတၢင်ႇၸိူဝ်ႉ တၢင်ႇမဵဝ်းတင်းလၢႆဢေႃႈ။
၂၀ ၶဝ်ၼၼ်ႉတၵ်းဢွၼ်ၵၼ်ဢဝ်ပီႈၼွင်ႉသူတင်းသဵင်ႈတင်းလူင်ၵႃႈၼိူဝ်မႃႉ လႂ်၊ လေႃႉရထႃး လႂ်၊ ၶဵင်ႇဢၼ်ႁၢပ်ႇ လႂ်၊ လေႃႉလႃး လႂ်၊ ၵလႃႈဢုၵ်ႉ လႂ် ဢွၵ်ႇသေၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းမႃးၸူးၵႃႈတီႈလွႆဢၼ်မူတ်းၸၢင်ႇၵဝ်၊ ဝဵင်းယေႇရုသလႅမ်ႇၼၼ်ႉ ပုၼ်ႈဢၼ်တၵ်းပုၵ်ႉၸေႃႇ ၵႃႈတီႈထႃႇဝရႃႉၽြႃးၼၼ်ႉမိူၼ်ၸိူဝ်ႉၼင်ႇဢၼ်ၵူၼ်းမဵဝ်း ဢိသရေႇလတင်းလၢႆဢဝ်ၶိူင်ႈပုၵ်ႉၸေႃႇသႂ်ႇ ၵႃႈၼႂ်းၵွၵ်းဢၼ်မူတ်းသႂ်မႃးၸူးၵႃႈတီႈ ႁိူၼ်းထႃႇဝရႃႉၽြႃးၼၼ်ႉဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၁ ၵဝ်တၵ်းဢဝ်ၵႃႈၼႂ်း ဢရႃႇယိၸ်ႉပရေႃးႁိၵ်ႈတင်းဢရႃႇၵူၼ်းလေႇဝိဢေႃႈ၊ ဝႃႈၼင်ႇၼႆလႄႈထႃႇဝရႃႉၽြႃးမီးဢ မိင်ႉဢေႃႈ။
၂၂ ၸိူဝ်ႉၼင်ႇဢၼ်ၾႃႉၵၢင်ႁၢဝ်ဢၼ်မႂ်ႇဢိၵ်ႇတင်းလိၼ်မိူင်းဢၼ်မႂ်ႇ ဢၼ်ၵဝ်ႁဵတ်းဝႆႉၼၼ်ႉတႄႇဝႆႉမီးယူႇၵႃႈတီႈၽၢႆႇၼႃႈၵဝ်ၼႆႉၼၼ်ႉ မဵဝ်းၸိူဝ်ႉၶိူဝ်းသူဢိၵ်ႇတင်း ၼႃႇမႃႉၸိုဝ်သဵင်သူ တၵ်းလႆႈတႄႇယူႇ ဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၃ ၵူၼ်းသတ်ႉတဝႃႇတင်းသဵင်ႈတင်းလူင် တၵ်းဢွၼ်ၵၼ်မႃးဝၼ်းလိုၼ်းမႂ်းၵူႈဝၼ်းဢိၵ်ႇတင်း ဝၼ်းၵမ်သိၼ်ၵူႈဝၼ်းႁႂ်ႈလႆႈၵူဝ်းၵႂၢႆႇၵႃႈတီႈၽၢႆႇၼႃႈၵဝ်ဢေႃႈ၊ ဝႃႈ ၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၄ ၶဝ်ၼၼ်ႉတၵ်းဢွၼ်ၵၼ်ဢွၵ်ႇလႄႈ လူတူၺ်းတူဝ်တၢႆၶဝ်ၸိူဝ်းဢၼ်ၽိတ်းပိူင်ႈၵဝ်ၼၼ်ႉဢေႃႈ။မူင်ႈၶဝ်ၼၼ်ႉတၵ်းဢမ်ႇတၢႆလႆႈ။ၽႆးၶဝ်ၵေႃႈတၵ်းဢမ်ႇမွတ်ႇလႆႈ။ၶဝ်တၵ်းလႆႈပဵၼ်တီႈဢၼ်လီႁင်ႈဢဵတ်ႇသဵတ်ႇ တီႈၵူၼ်းသတ်ႉတဝႃႇတင်းသဵင်ႈတင်းလူင်ဢေႃႈ။