၂၆
ၵႂၢမ်းဢၼ်ယွင်ႈယေႃးၽြႃးပဵၼ်ၸဝ်ႈ
၁ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ ၵႂၢမ်းဢၼ်တၵ်းလႆႈႁဵတ်းၵႃႈၼႂ်းမိူင်းယုတ ၸမ်းႁဝ်းမီးဝဵင်းဢၼ်မၼ်ႈၶိူင်ႇဢေႃႈ။မၼ်းၸဝ်ႈတၵ်းၸီႇယၢင်ႇၶၢၼ်းၵျေးၸူးတၢင်းဢၼ်မၼ်းၸဝ်ႈၵႄႇသႄႇၶျွတ်ႈဢဝ်ၼၼ်ႉ ဝႆႉပဵၼ်ပုၼ်ႈလမ်းဝဵင်းဢိၵ်ႇတင်း ထဵင်လၢင်းတင်းလၢႆ ဢေႃႈ။
၂ ၽုၺ်ႇပိုတ်ႇၽၵ်းတူႁႂ်ႈမဵဝ်းၵူၼ်းဢၼ်ပႂ်ႉသႅတ်ႉ ၸႃႇလႄႈသိုဝ်ႈတေႃႇၼၼ်ႉလႆႈၶဝ်ႈတႃႉ။
၃ ၸဝ်ႈႁဝ်းတၵ်းပႂ်ႉလူပႂ်ႉတူၺ်းယူႇ ႁႂ်ႈၵေႃႉဢၼ်ႁူဝ်ၸႂ်တႄႇလီၼိမ်လီၼၼ်ႉ လႆႈမီးတၢင်းဢၼ်တႄႇၼိမ်ၵူၺ်းၵူၺ်းၵွပ်ႈပိူဝ်ႈဢၼ် မၼ်းဢိင်ႇပိုင်ႈၸဝ်ႈႁဝ်းယူႇၼၼ်ႉတီႈၶႃႈ ဢေႃႈ။
၄ ဢွၼ်ၵၼ်ဢိင်ပိုင်ႈထႃႇဝရႃႉၽြႃးယူႇတႃႇသေႇဢမ်ႇထၢတ်ႇတႃႉ။ၸဝ်ႈထႃႇဝရႃႉၽြႃးပဵၼ်တီႈဢၼ် သွၼ်ႈပိုင်ႈၼိၵ်ႉၸႃႉထႃႇဝရႃႉဢေႃႈ။
၅ မၼ်းၸဝ်ႈႁႂ်ႈၶဝ်ၸိူဝ်းဢၼ်ယူႇၵႃႈတီႈဢၼ်သုင်ၼၼ်ႉၶတူၵ်းသေလႄႈ ၵိူၼ်ႇယႃႉဝဵင်းဢၼ်သုင်မျၢတ်ႈၼၼ်ႉၶျႃးတူၵ်းၸူးတီႈလိၼ်သေလႄႈ ႁဵတ်းႁႂ်ႈတဵမ်ႇတေႃႇထိုင်ႁွတ်ႈ မုၼ်ႈလိၼ်ဢေႃႈ။
၆ တိၼ်ဢၼ်ဝႃႈတိၼ်ၶဝ်ၸိူဝ်းဢၼ်ၽၢၼ်ဢၼ်ၵႅၼ်းဢိၵ်ႇတင်းယၢင်ႈတိၼ်ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ တၵ်းဢွၼ်ၵၼ်ယဵပ်ႇ ၶၢမ်ႈမၼ်းဢေႃႈ။
၇ သဵၼ်ႈတၢင်းၵေႃႉဢၼ်သိုဝ်ႈတေႃႇၼၼ်ႉပဵၼ်ဢၼ်သိုဝ်ႈလီဢေႃႈ။ၸဝ်ႈႁဝ်းဢၼ်သိုဝ်ႈတေႃႇၼႆႉတၵ်းပွင်ႁဵတ်းပွင်မႄး သဵၼ်ႈတၢင်းၵေႃႉဢၼ် သိုဝ်ႈတေႃႇၼၼ်ႉတီႈၶႃႈဢေႃႈ။
၈ ထႃႇဝရႃႉၽြႃးတီႈၶႃႈ။ ၶႃႈၸဝ်ႈႁဝ်းၶဝ်ၸွမ်းသဵၼ်ႈတၢင်းတၢင်းဢၼ်ၸဝ်ႈႁဝ်း ၸႅတ်ႈထၢမ်ၸီႇယၢင်ႇၸိူဝ်းၼၼ်ႉယူႇသေလႄႈမုင်ႈမွင်းၸဝ်ႈႁဝ်းယူႇလႄႈႁူဝ်ၸႂ် ၶႃႈၸဝ်ႈႁဝ်းၶဝ်တိူင်ႇႁႃၵၢဝ်ႇႁႃၼႃႇမႃႉၸိုဝ်သဵင်ၸဝ်ႈႁဝ်း ဢိၵ်ႇတင်းတၢင်းဢၼ်ၶုၵ်းၸႂ်လႆႈ ၶႆႈၸႂ်ထူပ်းၸဝ်ႈႁဝ်းၼၼ်ႉယူႇ တီႈၶႃႈဢေႃႈ။
၉ ၶိင်ႇၵၢင်ၶိုၼ်းႁူဝ်ၸႂ်တိူင်ႇႁႃၵၢဝ်ႇႁႃၸဝ်ႈႁဝ်းယူႇလႄႈ ၶိင်ႇၵၢင်ၼႂ် ဝိၺိၺ်ႇၶႃႈၸဝ်ႈႁႃၸဝ်ႈႁဝ်းယူႇတီႈၶႃႈဢေႃႈ။ ယၢမ်းမိူဝ်ႈဢၼ်တၢင်းဢၼ်ၸဝ်ႈႁဝ်း ၸႅတ်ႈထၢမ်ၸီႇယၢင်ႇၸိူဝ်းၼၼ်ႉမီးၵႃႈၼိူဝ်လိၼ်မိူင်းၼၼ်ႉၸိုင် ၵူၼ်းလေႃးၵီႇတင်းလၢႆဢွၼ်ၵၼ်သွၼ်ဢဝ်တြႃးတၢင်းဢၼ်သိုဝ်ႈတေႃႇ ဢေႃႈ။
၁၀ ၵေႃႉဢၼ်ဢမ်ႇတြႃးၼၼ်ႉပိၵ်ႉသမ်ႉလႆႈၶၢမ်ႇၵျေးၸူးသေၵေႃႈ ဢမ်ႇၸၢင်ႊသွၼ်ဢဝ်တြႃးတၢင်းဢၼ်သိုဝ်ႈတေႃႇတီႈၶႃႈ။မၼ်းႁဵတ်းမိူၵ်ႈႁဵတ်းရိူင်းယူႇၵႃႈၼႂ်းမိူင်းဢၼ်ၵမ်ၵျၢင်ႉတြႃးယူႇၼၼ်ႉလႄႈ ဢမ်ႇၸၢင်ႊႁူႉၸၢင်ႊႁၼ်မူၼ်ႈၽုင်းထႃႇဝရႃႉၽြႃးတီႈၶႃႈ။
၁၁ ထႃႇဝရႃႉၽြႃးတီႈၶႃႈ။ပိၵ်ႉသမ်ႉၸဝ်ႈႁဝ်းယုၵ်ႉမိုဝ်းၸဝ်ႈႁဝ်းဝႆႉသေၵေႃႈၶဝ်ၼၼ်ႉဢမ်ႇႁူႉဢမ်ႇႁၼ်တီႈၶႃႈ။ၼႂ်းဝႃႈၼၼ်သေၵေႃႈ ႁႂ်ႈၶဝ်ၼၼ်ႉ လႆႈႁူႉလႆႈႁၼ်လွင်ႈဢၼ်ၸဝ်ႈႁဝ်းႁႅင်းယႂ်ႇၼႃႇ ပုၼ်ႈၵူၼ်းၸဝ်ႈႁဝ်းတင်းလၢႆၼၼ်ႉလႄႈ ႁႂ်ႈၶဝ်လႆးဢူၵ်းဢၢႆသေၵမ်းတီႈၶႃႈ။ၽႆးတၵ်းမႆႈ ရၢၼ်ႇသူႇၸဝ်ႈႁဝ်းတင်းလၢႆပႅတ်ႈတီႈၶႃႈဢေႃႈ။
၁၂ ထႃႇဝရႃႉၽြႃးတီႈၶႃႈ။ၸဝ်ႈႁဝ်းတၵ်းပၼ်တၢင်းဢၼ်ၼိမ်ဢၼ်လီတီႈၶႃႈၸဝ်ႈႁဝ်းၶဝ်တီႈၶႃႈဢေႃႈ။လွင်ႈမၼ်းၸမ်း ၸဝ်ႈႁဝ်းႁဵတ်းဢမူႉၶႃႈၸဝ်ႈႁဝ်းၶဝ်ၵႃႈမီး ၼၼ်ႉပုၼ်ႈၶႃႈၸဝ်ႈႁဝ်းၶဝ်တီႈၶႃႈဢေႃႈ။
၁၃ ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၶႃႈ။ ၼွၵ်ႈသေၸဝ်ႈႁဝ်းၼႆႉၸဝ်ႈတၢင်ႇၵေႃႉတၢင်ႇၵူၼ်း လႆႈဢွၼ်ၵၼ်ဢုပ်ႉပိူင်ႇၶႃႈၸဝ်ႈႁဝ်းၶဝ်တီႈၶႃႈယဝ်ႉ။ၵူၺ်းၵုႈႁဝ်းၶုႈတၵ်းဢွၼ်ၵၼ်ယွင်ႈယေႃး ၼႃႇမႃႉၸိုဝ်ႈသဵင်ၸဝ်ႈႁဝ်းၵူၺ်းတီႈ ၶႃႈဢေႃႈ။
၁၄ ၸဝ်ႈၸိူဝ်းၼၼ်ႉတၢႆယဝ်ႉတီႈၶႃႈယဝ်ႉ။ၵမ်းလိုၼ်းဢသၢၵ်ႈဢမ်ႇလႆႈၶိုၼ်းလိပ်းတီႈၶႃႈ။ပဵၼ်ၵူၼ်းပႃႇႁဵဝ်ႈသၢင်းၶႅင်းလႄႈ ဢမ်ႇလႆႈမီးတၢင်းဢၼ်လုၵ်ႉၶိုၼ်းတီႈၶႃႈ။ပိူဝ်ႈၼႆလႄႈၸဝ်ႈႁဝ်းမႃးလူမႃးတူၺ်းၶဝ်လႄႈ ယႃႉၶဝ်ပႅတ်ႈသေလႄႈႁဵတ်းႁႂ်ႈတီႈမၢတ်ႈတီႈတွင်းၶဝ်လူႉလႅဝ်ႁၢႆလၢႆၵႂႃႇ မူတ်းမူတ်းသဵင်ႈသဵင်ႈတီႈ ၶႃႈယဝ်ႉ။
၁၅ ထႃႇဝရႃႉၽြႃးတီႈၶႃႈၸဝ်ႈႁဝ်းႁႂ်ႈၵူၼ်းမဵဝ်းၶႃႈၸဝ်ႈႁဝ်းၶဝ် ယႂ်ႇၽႄႈၼမ်ၵိုၼ်းမႃးတီႈၶႃႈယဝ်ႉ။ၸဝ်ႈႁဝ်း ႁႂ်ႈမူၼ်ႈၽုင်းၸဝ်ႈႁဝ်းယႂ်ႇၼႃႇတီႈၶႃႈယဝ်ႉ။ၸဝ်ႈႁဝ်း ႁႂ်ႈၶွပ်ႇၼမ်ႉလႅၼ်လိၼ်မိူင်းၸဝ်ႈၵႂၢင်ႈလီတီႈၶႃႈယဝ်ႉ။
၁၆ ထႃႇဝရႃႉၽြႃးတီႈၶႃႈ။ၶဝ်ဢွၼ်ၵၼ်သုတ်ႉၸပ်းသုတ်ႉၸူးတီႈၸဝ်ႈႁဝ်း ၼႂ်းမိူဝ်ႈဢၼ်ၶဝ်ႈလႆႈၶၢမ်ႇတုၵ်ႉၶႃႉတၢင်းၽၢၼ်ၼၼ်ႉဢေႃႈ။ၼႂ်းမိူဝ်ႉဝၼ်းဢၼ်ၸဝ်ႈႁဝ်းသင်ႇသွၼ်သုင်းမႃႉၼၼ်ႉ ၶဝ်ယင်းဢမ်ႇဢဝ်ၵႂၢမ်းသူး တွင်းပထၼႃႇတီႈၶႃႈ။
၁၇ ၸိူဝ်ႉၼင်ႇဢၼ်မေႈယိင်းဢၼ်ပႃးတွင်ႉလႄႈ ၸဵပ်းၶိုၼ်ႈၼႂ်းမိူဝ်ႈဢၼ်ၸမ်ၶိင်ႇဢၼ်တၵ်းၵိူတ်ႇတၵ်းလဵင်ႉလုၵ်ႈလဵင်ႉလၢင်းၼၼ်ႉ ႁဝ်းၶုးသႅၼ်ႇႁွင်ႉၵုးတီႈၽၢႆႇၼုႈထႃႇဝရႃႉၽြႃး တီႈၶႃႈယဝ်ႉ။
၁၈ ပိၵ်ႉသမ်ႉၶႃႈၸဝ်ႈၶဝ်ပႃးတွင်ႉလႄႈ လႆႈၶၢမ်ႇဝူၺ်ႇတၼႃႇတၢင်းဢၼ်ၸဵပ်းၶိုၼ်ႈသေၵေႃႈ ပဵၼ်ၸိူဝ်ႉၼင်ႇဢၼ် ၵိူတ်ႇလဵင်ႉလူမ်းမႃးၼၼ်ႉယဝ်ႉတီႈၶႃႈလူင်ပေႇ။ၶႃႈၸဝ်ႈႁဝ်းၶဝ် ဢမ်ႇႁႂ်ႈၵူၼ်းမိူင်းတင်းလၢႆႁွတ်ႈထိုင်တၢင်းဢၼ်ၵႄႇသႄႇ ၶျွတ်ႈဢဝ်လႆႈလႃးလႃးတီႈၶႃႈ။ ၵူၼ်းလေႃးၵီႇတင်းလၢႆယင်းဢမ်ႇလူမ်ႉတီႈၶႃႈ ယဝ်ႉ။
၁၉ ၵူၼ်းတၢႆၸဝ်ႈႁဝ်းတင်းလၢႆဢသၢၵ်ႈတၵ်းလိပ်းတီႈၶႃႈဢေႃႈ။ တူဝ်တၢႆၶဝ်တင်းလၢႆၵေႃႈတၵ်းလုၵ်ႉၶိုၼ်းတီႈၶႃႈဢေႃႈ။ သူၸိူဝ်းဢၼ်ယူႇၵႃႈၼႂ်းမုၼ်ႈလိၼ်ၶဝ်ဢိူၺ်း။တိုၼ်ႇမႃးလႄႈဢွၼ်ၵၼ်ႁဵတ်းၵႂၢမ်းတႃႉ။လွင်ႈမၼ်းၸမ်းၼမ်ႉၼၢႆးၸဝ်ႈႁဝ်းပဵၼ်ၸိူဝ်ႉၼင်ႇၼမ်ႉၼၢႆးဢၼ်ႁႂ်ႈတူၼ်ႈယိူဝ်ႈဢွၵ်ႇၼၼ်ႉလႄႈ လိၼ်ၼႆႉၵေႃႈ တၵ်းဢဝ်ၵူၼ်းပႃႇႁဵဝ်ႈသၢင်းၶႅင်းမၼ်းတင်းလၢႆဢွၵ်ႇဢေႃႈ။
၂၀ ၵူၼ်းမဵဝ်းၵဝ်ဢိူၺ်း။မႃးတႃႉ။ၶဝ်ႈၵႃႈၼႂ်းလုၵ်းတၢင်းၼႂ်းမႂ်းသေလႄႈ ဢိုတ်းႁပ်းၽၵ်းတူဢၼ်ႁႄႉၵင်ႈမႂ်းၸိူဝ်းၼၼ်ႉဝႆႉတႃႉ။တဵတ်ႇမႅပ်းယူႇၵမ်းဢွၼ်ႇၼိုင်ႈတေႃႇထိုင်ႁွတ်ႈ တၢင်းၸႂ်မႆႈၶႆႈၸႃႉၸဝ်ႈပူၼ်ႉၵႂႃႇၼၼ်ႉတႃႉ။
၂၁ လွင်ႈမၼ်းၸမ်း ထႃႇဝရႃႉၽြႃးဢွၵ်ႇသေၵႃႈၼႂ်းထႃႇၼႃႉမၼ်းၸဝ်ႈမႃး ႁႂ်ႈလႆႈပၼ်ဢပျႅတ်ႈတီႈၵူၼ်းလိၼ်မိူင်းတင်းလၢႆၵွပ်ႈပိူဝ်ႈတူႉၸရိူၵ်ႈၶဝ်ဢေႃႈ။မိူဝ်ႈၼၼ်ႉလိၼ်မိူင်းတၵ်းၽုၺ်ႇဢွၵ်ႇၼႄပျႃႉ လိူတ်ႈဢၼ်မီးၵႃႈတီႈမၼ်းလႄႈ ၵမ်းလိုၼ်း ဢမ်ႇလႆႈႁူမ်ႇဝႆႉလပ်ႉဝႆႉၶဝ်ၸိူဝ်းဢၼ်လႆႈၶၢမ်ႇတၢႆတီႈမၼ်းၸိူဝ်းၼၼ်ႉ။