၄၈
ၵူၼ်းမဵဝ်းဢိသရေႇဢၼ်ႁူဝ်ၶႅင်
၁ သူၸိူဝ်းဢၼ်ပဵၼ်မဵဝ်းယႃႇၵုပ်ႉ ဢၼ်လႆႈၶၢမ်ႇတၢင်းဢၼ်ႁွင်ႉႁိၵ်ႈၸိုဝ်ဢိသရေႇလ ဢၼ်လႆႈဢွၵ်ႇမႃးၵႃႈၼႂ်းၼမ်ႉဢွၵ်ႇႁူးယုတ၊ ဢၼ်ဢဝ်ၼႃႇမႃႉၸိုဝ်ႈသဵင်ထႃႇဝရႃႉၽြႃးသေလႄႈ ၵိၼ်ႇဝႃႈဢၼ်ယင်းဢမ်ႇမီးသႅတ်ႉၸႃႇယင်းဢမ်ႇမႅၼ်ႈၵၼ်တင်းတြႃးတၢင်းဢၼ်သိုဝ်ႈတေႃႇလႄႈ
၂ ယွင်ႈယေႃးၽြႃးပဵၼ်ၸဝ်ႈမဵဝ်း ဢိသရေႇလ၊ ဢၼ်ႁွင်ႉႁိၵ်ႈတူဝ်ၸဝ်ႈၵဝ်ၸွမ်းလူၺ်ႈဝဵင်းၸဝ်ႈဢၼ်မူတ်းၸၢင်ႇ၊ ဢၼ်သွၼ်ႈပိုင်ႈၽြႃးပဵၼ်ၸဝ်ႈမဵဝ်းဢိသရေႇလ ဢၼ်မီးၼႃႇမႃႉၸိုဝ်သဵင်ဝႃႈၸဝ်ႈပူဝ်ႇပႃၵၢင်ႁၢဝ်ထႃႇဝရႃႉၽြႃး ဝႃႈၼင်ႇၼႆၼၼ်ႉ ၶဝ်ဢိူၺ်း၊ဢွၼ်ၵၼ်ထွမ်ႇငိၼ်းတႃႉ။
၃ ၵဝ်ဢဝ်လွင်ႈတၢင်းဢၼ်ယၢမ်ႈပဵၼ်မႃးယဝ်ႉၸိူဝ်းၼၼ်ႉ မွၵ်ႇလၢတ်ႈတီႈသူၸႃႉၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉယဝ်ႉ။ လွင်ႈတၢင်ႇၸိူဝ်းၼၼ်ႉဢွၵ်ႇသေၵႃႈတီႈသူပ်းၵဝ်လႄႈ ၵဝ်ႁႂ်ႈငိၼ်းယဝ်ႉ။ၵွပ်ႈပိူဝ်ႈဢၼ်ၵဝ်ၶီႉၶႃႉႁဵတ်းလွင်ႈတၢင်းၸိူဝ်းၼၼ်ႉလႄႈ လွင်ႈတၢင်းၸိူဝ်းၼၼ်ႉပဵၼ်မႃးဢေႃႈ။
၄ ၵွပ်ႈပိူဝ်ႈဢၼ်ၵဝ်ႁူႉ လွင်ႈဢၼ်မႂ်းမီးၸႂ်သၽေႃးဢၼ်ၵႅၼ်ႇၶႅင်၊ၶေႃးတႅင်ႈလဵၵ်း၊ ၼႃႈၽၢၵ်ႇတွင်းလိူင်လႄႈ၊ၵဝ်မွၵ်ႇလၢတ်ႈပၼ်တီႈမႂ်း ၸႃႉၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉယဝ်ႉ။ၵဝ်ၽုၺ်ႇဢွၵ်ႇၼႄပျုႉၸႃႉၸဵမ်မိူဝ်ႈၸူဝ်ႈ ဢၼ်ဢမ်ႇပႆႇပဵၼ်ၼၼ်ႉယဝ်ႉ။
၅ ပိူဝ်ႈၼႆလႄႈမႂ်းမီးဢၶႂၢင်ႉဢၼ်လႆႈလၢတ်ႈလႄႈဝႃႈ ရုၵ်ႉထူႉၵဝ်ႁဵတ်းလွင်ႈတၢင်းၸိူဝ်းၼၼ်ႉယဝ်ႉ။ရုၵ်ႉထူႉဢၼ်ၵဝ်တွင်ႈႁဵတ်းၶႅၵ်းႁဵတ်း၊ရုၵ်ႉထူႉ ဢၼ်ၵဝ်သွၼ်းႁဵတ်းလေႃႇ ႁဵတ်းၼၼ်ႉၸီႇယၢင်ႇလွင်ႈတၢင်းၸိူဝ်းၼၼ်ႉယဝ်ႉ ဝႃႈၼင်ႇၼႆၼၼ်ႉ။
၆ မႂ်းလႆႈငိၼ်းယဝ်ႉ။ လူတူၺ်းလွင်ႈတၢင်းၵူႈၸိူဝ်ႉၵူႈပိူင်ၼႆႉတႃႉ။သူယင်းဢမ်ႇမွၵ်ႇထိုင်လၢတ်ႈထိုင်တီႈပိူၼ်ႈလႄႈတၵ်းဢွၼ်ၵၼ်ယူႇႁိုဝ်။ၸႃႉၸဵမ်မိူဝ်ႈလဵဝ်ၼႆႉလႄႈၵဝ်ၽုၺ်ႇဢွၵ်ႇၼႄပျုႉ လွင်ႈတၢင်းဢၼ်မႂ်ႇ၊ လွင်ႈတၢင်းဢၼ်သိူင်ႇဝႆႉလပ်ႉဝႆႉ၊ လွင်ႈတၢင်းဢၼ်မႂ်းဢမ်ႇ ပႆႇႁူႉၸိူဝ်းၼၼ်ႉဢေႃႈ။
၇ လွင်ႈတၢင်းၸိူဝ်းၼၼ်ႉလႆႈၶၢမ်ႇတၢင်းဢၼ်ၽၢၼ်ႇသၢင်းႁဵတ်းပဵၼ် မိူဝ်ႈလဵဝ်ၼႆႉဢေႃႈ။လႆႈၶၢမ်ႇတၢင်းဢၼ် ၽၢၼ်ႇသၢင်းႁဵတ်းပဵၼ်မိူဝ်ႈၵွၼ်ႇဢွၼ်ၼႆႉၼၼ်ႉဢမ်ႇၸႂ်ႈ။တေႃႇထိုင်ႁွတ်ႈမိူဝ်ႈလဵဝ်ၼႆႉလႄႈမႂ်းဢမ်ႇပႆႇယၢမ်ႈတွၼ်ႉငိၼ်း။ပိူဝ်ႈၼႆလႄႈမႂ်းဢမ်ႇမီးဢၶႂၢင်ႉဢၼ်လႆႈလၢတ်ႈလႄႈဝႃႈ ၵဝ်ႁူႉဝႆႉထႃႈယဝ်ႉ ဝႃႈၼင်ႇၼႆၼၼ်ႉ။
၈ မႂ်းဢမ်ႇတွၼ်ႉငိၼ်းဢမ်ႇတွၼ်ႉႁူႉ။ႁူမႂ်းဢမ်ႇတွၼ်ႉၽုၺ်ႇတွၼ်ႉပိုတ်ႇ ၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉ။ လွင်ႈမၼ်းၸမ်းၵဝ်ႁူႉလွင်ႈဢၼ်မႂ်းသႅတ်ႉၸႃႇတၵ်းလူႉလႄႈ လႆႈၶၢမ်ႇတၢင်းဢၼ်ႁွင်ႉႁိၵ်ႈဝႃႈၵေႃႉဢၼ်လုၵ်ႉၽိုၼ်ႉဝႃႈၼင်ႇၼႆၼၼ်ႉ ၸႃႉၸဵမ်မိူဝ်ႈ ဢၼ်ၸႃႉၵိူတ်ႇလဵင်ႉမႃးၼၼ်ႉဢေႃႈ။
၉ ၵူၺ်းၵႃႈၵဝ်တၵ်းၶျႃးတၢင်းၸႂ်မႆႈၶႆႈၸႃႉၵဝ်ဝႆႉ ပုၼ်ႈၼႃႇမႃႉၸိုဝ်သဵင်ၵဝ်ယိူၼ်ႉၶၢမ်ႇဢမူႉမႂ်းပုၼ်ႈၵုင်ႇသရေႇၵဝ် ႁႂ်ႈၵဝ်ဢမ်ႇလႆႈ ပႄႇၽဵဝ်ႈမႂ်းပႅတ်ႈမူတ်းမူတ်းဢေႃႈ။
၁၀ တူၺ်းလူ။ၵဝ်ၸႅတ်ႈၶႃႈမႂ်းယဝ်ႉ။ၼႂ်းဝႃႈၼၼ်သေၵေႃႈ ၸိူဝ်ႉၼင်ႇဢၼ်ၸႅတ်ႈငိုၼ်းၶႃႈငိုၼ်းၼၼ်ႉဢမ်ႇၸႂ်ႈ။ၵဝ်ၸၢမ်း တူၺ်းမႂ်းၵႃႈၼႂ်းမိူင်းတုၵ်ႉၶႃႉမႃးယဝ်ႉ။
၁၁ ပုၼ်ႈတူဝ်ၸဝ်ႈၵဝ်ႇၸိုင်ၵဝ်တၵ်းႁဵတ်းလူးၵွၼ်ႇဢေႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၼႃႇမႃႉၸိုဝ်သဵင်ၵဝ် တၵ်းလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇ။ ၵဝ်တၵ်းဢမ်ႇဢဝ်မူၼ်ႈၵုင်ႇသရေႇၵဝ်ပၼ်တီႈပိူၼ်ႈ။
ၵူၼ်းမဵဝ်းဢိသရေႇလလွတ်ႈလႅဝ်း
၁၂ ယႃႇၵုပ်ႉဢိူၺ်း။ဢိသရေႇလဢၼ်ၵဝ်ႁွင်ႉဢိူၺ်း။ထွမ်ႇငိၼ်းၵႂၢမ်းၵဝ်တႃႉ။ၵဝ်ပဵၼ်မၼ်းၸဝ်ႈဢေႃႈ။ၵဝ်ပဵၼ်ၵေႃႉဢၼ်ဢွၼ်တၢင်းသုတ်း၊ ၵေႃႉဢၼ်လိုၼ်း လင်သုတ်းဢေႃႈ။
၁၃ မိုဝ်းၵဝ်ၼႆႉတႄႇႁဵတ်းငဝ်ႈႁၢၵ်ႈလိၼ်မိူင်းယဝ်ႉ။မိုဝ်းၶွၼ်ၶႂႃၵဝ်ၼႆႉၶဵင်ႈမုငႃ်းႉၵၢင်ႁၢဝ်ယဝ်ႉ။ၵဝ်ႁွင်ႉဢဝ်ၶဝ်လႄႈ ၶဝ်ၼၼ်ႉပေႃႇပဵၼ်မႃးၽွမ်ႉၵၼ်မိူဝ်ႈလဵဝ်ဢေႃႈ။
၁၄ သူၵႃႈဢၼ်မီးၶဝ်ဢိူၺ်း။ၸူႉၵၼ်တုမ်ၵၼ်လႄႈထွမ်ႇငိၼ်းတႃႉ။ၼႂ်းၶဝ်ၼၼ်ႉၽူႈ လႂ်မွၵ်ႇလၢတ်ႈလွင်ႈတၢင်းၸိူဝ်းၼႆႉယဝ်ႉ။ထႃႇဝရႃႉၽြႃးႁၵ်ႉၵေႃႉၼၼ်ႉလႄႈမၼ်းၼၼ်ႉတၵ်းႁႂ်ႈ ဢလူဝ်ႇမၼ်းၸဝ်ႈတဵမ်ဝႆႉၵႃႈတီႈဝဵင်းပႃႇပုလုၼ်ႇဢေႃႈ။မိုဝ်းမၼ်းၼၼ်ႉၵေႃႈတၵ်းႁွတ်ႈထိုင် ၵႃႈၼိူဝ်ၵူၼ်းၶႃႇလတေႇတင်းလၢႆဢေႃႈ။
၁၅ ၵဝ်ၼႆႉယဝ်ႉၵဝ်ၼႆႉယဝ်ႉမီးဢမိင်ႉယဝ်ႉယဝ်ႉ။ၵဝ်ႁွင်ႉဢဝ်မၼ်းဢမၢၼ်ႇၶၢၼ်ပဵၼ်ယဝ်ႉ။ၵဝ်ဢဝ်မၼ်းမႃးယဝ်ႉ။မၼ်းႁႂ်ႈတၢင်းဢၼ်မၼ်းၵႂႃႇၼၼ်ႉမီးမၢင်ႇၵလႃႇဢေႃႈ။
၁၆ သုတ်ႉၸပ်းသုတ်ႉၸူးတီႈၵဝ်လႄႈထွမ်ႇငိၼ်းၵႂၢမ်းၵဝ်ၼႆႉတႃႉ။ၸႃႉၸဵမ်မိူဝ်ႈၵေႃႇၸႃႉႁူဝ်ပိုင်းၼၼ်ႉလႄႈ ၵဝ်ဢမ်ႇတဵတ်ႇတဵတ်ႇမွၵ်ႇလၢတ်ႈၸႃႉၸဵမ်မိူဝ်ႈဢၼ်လွင်ႈတၢင်းၼၼ်ႉၸႃႉပဵၼ်မႃးၼၼ်ႉလႄႈၵဝ်မီးယူႇဢေႃႈ။မိူဝ်ႈလဵဝ်ၼႆႉၸဝ်ႈထႃႇဝရႃႉၽြႃးဢိၵ်ႇတင်း ဝိၺိၺ်ႇမၼ်းၸဝ်ႈၼၼ်ႉပွႆႇၸႂ်ႉၵဝ်ဢေႃႈ။
၁၇ ထႃႇဝရႃႉၽြႃးၸဝ်ႈဢၼ်ထုတ်ႇဢဝ်မႂ်း၊ၽြႃးဢၼ်မူတ်းၸၢင်ႇမဵဝ်းဢိသရေႇလမီးဢမိင်ႉဝႆႉၸမ်း ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈ မႂ်းဢၼ်သင်ႇသွၼ်ပၼ်လွင်ႈတၢင်းဢၼ်ပွင်ဢၵျူဝ်းမႂ်းလႄႈ ဢဝ်မႂ်းသူင်ႇၵႃႈ ၼႂ်းသဵၼ်ႈတၢင်းဢၼ်မႂ်းထုၵ်ႇၵႂႃႇၼၼ်ႉဢေႃႈ။
၁၈ သင်မႂ်းလႆႈပႂ်ႉၵမ်ပႂ်ႉၸွမ်း ပိင်းၺၢပ်ႈၵဝ်တင်းလၢႆၸိုင် ၵတ်းယဵၼ်ၶျၢမ်းသႃႇမႂ်း တၵ်းပဵၼ်ၸိူဝ်ႉၼင်ႇၼမ်ႉႁွင်ႊၼမ်ႉၵႄးလႄႈ ပႃႇရမီႇတၢင်းဢၼ်သိုဝ်ႈတေႃႇမႂ်းတၵ်းပဵၼ်ၸိူဝ်ႉၼင်ႇလႅင်းၼမ်ႉပိူပ်ႇၼမ်ႉ ၼမ်ႉသမ်ႇမုၵ်ႉတြႃႇၼၼ်ႉ ယဝ်ႉ။
၁၉ မဵဝ်းၸိူဝ်ႉၶိူဝ်းမႂ်းတၵ်းပဵၼ်ၸိူဝ်ႉၼင်ႇမဵတ်ႉႁိၼ်မဵတ်ႉသၢႆးလႄႈ လုၵ်ႈလၢင်းဢၼ်ဢွၵ်ႇမႃးၵႃႈၼႂ်းတွင်ႉမႂ်းၸိူဝ်းၼၼ်ႉ တၵ်းပဵၼ်ၸိူဝ်ႉၼင်ႇမၢၵ်ႇႁိၼ်ႁႄႈၼမ်ႉသမ်ႇမုၵ်ႉတြႃႇၼၼ်ႉယဝ်ႉ။ၼႃႇမႃႉၸိုဝ်သဵင်မၼ်းၼၼ်ႉဢမ်ႇလႆႈထၢတ်ႇ၊ ဢမ်ႇလႆႈလူႉလႅဝ်သေၵႃႈတီႈၽၢႆႇၼႃႈ ၵဝ်ယဝ်ႉ။
၂၀ သူဢွၼ်ၵၼ်ဢွၵ်ႇသေၵႃႈၼႂ်းဝဵင်းပုႇပုလုၼ်ႇတႃႉ။ဢွၼ်ၵၼ်ဢွၵ်ႇပၢႆႈသေၵႃႈတီႈၵူၼ်းၶႃႇလတေႇတင်းလၢႆတႃႉ။ဢွၼ်ၵၼ်ပႃးတင်းသဵင်ႁဵတ်းၵႂၢမ်းဢၼ်ၸူမ်းသိူဝ်းၼႃႇလူင်လၢင်လႄႈ ဢွၵ်ႇသူပ်းဝႃႈလွင်ႈၼၼ်ႉယူႇ၊မွၵ်ႇလၢတ်ႈယူႇသေလႄႈ ၵိဝ်ႇသဵင်တေႃႇထိုင်ႁွတ်ႈတီႈႁိမ်းလိၼ်သုတ်းပုၼ်ႉတႃႉ။ ဢွၼ်ၵၼ်လၢတ်ႈလႄႈဝႃႈထႃႇဝရႃႉၽြႃး ထုတ်ႇဢဝ်ၶႃႈမၼ်ႈ ၸဝ်ႈယႃႇၵုပ်ႉၼၼ်ႉယဝ်ႉယဝ်ႉ၊ဝႃႈၼင်ႇၼႆတႃႉ။
၂၁ ၶဝ်ၼၼ်ႉဢမ်ႇလႆႈဢိုပ်းလႆႈယၢၵ်ႈၼမ်ႉ ၼႂ်းမိူဝ်ႈဢၼ် မၼ်းၸဝ်ႈဢဝ်ၶဝ်သူင်ႇၵႂႃႇၵႃႈၼႂ်းသဵၼ်ႈတၢင်းထိူၼ်ႇၼၼ်ႉလႄႈ မၼ်းၸဝ်ႈႁႂ်ၼမ်ႉဢွၵ်ႇသေၵႃႈၼႂ်းမၢၵ်ႇႁိၼ်လႆမႃးပုၼ်ႈၶဝ်ဢေႃႈ။မၼ်းၸဝ်ႈၽႃႇမၢၵ်ႇႁိၼ် တႅၵ်ႇလႄႈၼမ်ႉၽုတ်းဢွၵ်ႇမႃးဢေႃႈ။
၂၂ ၵတ်းယဵၼ်ၶျၢမ်းသႃႇ ဢမ်ႇမီးတီႈၶဝ်ၸိူဝ်းဢၼ်ဢမ်ႇတြႃးၼၼ်ႉလႃးလႃး၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။