၄၆
ၽြႃးမိူင်းပႃႇပုလုၼ်ႇတင်းလၢႆ
၁ ပေႇလၵွမ်းၵႂႃႇယဝ်ႉ။ၼေႇပေႃႇမူပ်ႇၵႂႃႇယဝ်ႉ။ရုၵ်ႉထူႉၶဝ်ၼၼ်ႉၸၢပ်ႈသႅင်ႇၵၼ်တင်းသတ်း ဢိၵ်ႇတင်းတရိၵ်ႈသၢၼ်ႇတင်းလၢႆဢေႃႈ။ ၶိူင်ႈပိူင်ဢၼ်သူယၢမ်ႈႁၢပ်ႇၸိူဝ်းၼၼ်ႉ လႆႈပဵၼ်ၶူဝ်းၼၵ်းၶူဝ်းၼႃဢၼ်ဝႃႈၶူဝ်းဢၼ်တၢင်ႇသႂ်ႇၵႃႈၼိူဝ်တရိၵ်ႈသၢၼ်ႇ ဢၼ်ယၢပ်ႇၸႂ် ၽိုတ်ႇၸႂ်ၸိူဝ်းၼၼ်ႉၵႂႃႇယဝ်ႉ။
၂ ၶဝ်ၼၼ်ႉမူပ်ႇယူႇၵွမ်းယူႇလူၺ်ႈၵၼ်သေလႄႈ ယင်းဢမ်ႇၵႄႇသႄႇၼုၵ်ႈဢဝ်ၶူဝ်းၶဝ်ယၢမ်ႈႁၢပ်ႇၼၼ်ႉလႆႈလႄႈ လႆႈၶၢမ်ႇတၢင်းဢၼ်သိမ်းဢဝ်ၵႂႃႇယဝ်ႉလူင်ပေႇ။
၃ မဵဝ်းယႃႇၵုပ်ႉဢိူၺ်း။ထွမ်ႇဢဝ်ၵႂၢမ်းၵဝ်တႃႉ။ၵူၼ်းမဵဝ်းဢိသရေႇလ ဢၼ်ယင်းၵိုတ်းယင်းၵျၢၼ်ႇ ဢၼ်ၵဝ်လႆႈႁပ်ႉယူႇၸဵမ်မိူဝ်ႈၼႂ်းတွင်ႉမေႈမႂ်း၊ ဢၼ်ၵဝ်လႆႈႁွပ်ႇဢုမ်ႈဢဝ်ၸဵမ်မိူဝ်ႈၸႃႉၵိူတ်ႇလဵင်ႉမႃးၼၼ်ႉ တင်းသဵင်ႈ တင်းလူင်ၶဝ်ဢိူၺ်း။
၄ ၵဝ်ပဵၼ်ၵေႃႉၸိူဝ်ႉၼင်ႇၼၼ်တေႃႇထိုင်ႁွတ်ႈဢသၢၵ်ႈသူယႂ်ႇၵေႇယဝ်ႉလႄႈ တၵ်းႁွပ်ႇဢုမ်ႈဢဝ်သူယူႇ တေႃႇထိုင်ႁွတ်ႈၶူၼ်ႁူဝ်သူထၼ်ႈပေႃးႁွၵ်ႇဢေႃႈ။ၵဝ်ႁဵတ်းမႃးယဝ်ႉလႄႈတၵ်းႁပ်ႉယူႇဢေႃႈ။ၵဝ်တၵ်းႁွပ်ႇဢုမ်ႈဢဝ်သူလႄႈၵႄႇသႄႇၼုၵ်ႈဢဝ်သူ ဢေႃႈ။
၅ သူတၵ်းဢဝ်ၵဝ်တႅၵ်ႈၵၼ်တင်းၽူႈ လႂ်လႄႈႁႂ်ႈမိူၼ်ၵၼ်တင်းၽူႈ လႂ်။ တၵ်းဢဝ်ၵဝ်တႅၵ်ႈၵၼ်တိူင်း ၵၼ်တင်းၽူႈ လႂ်ႁႂ်ႈထၼ်ႈပေႃးမိူၼ်။
၆ ၶဝ်ၸိူဝ်းဢၼ်ဢဝ်ၶမ်းၼမ်ၼႃႇဢွၵ်ႇသေၵႃႈၼႂ်းထူင်လႄႈ ဢဝ်ယွႆးၸင်ႈႁိဝ်ႈငိုၼ်းၼၼ်ႉ ၸၢင်ႊငႃႈၸၢင်ႊၶမ်းလႄႈ ႁႂ်ႈႁဵတ်းၽြႃးသေယဝ်ႉ တၵ်းဢွၼ်ၵၼ်ၶုပ်ႉမူပ်ႇၵူဝ်းၵႂၢႆႇလူင် ပေႇ။
၇ ၶဝ်ဢဝ်ဢၼ်ၼၼ်ႉႁၢပ်ႇတၢင်ႇသႂ်ႇၵႃႈၼိူဝ်ႁူဝ်မႃႇလႄႈ ဢဝ်ၵႂႃႇသေလႄႈ ဢဝ်ဝႆႉၵႃႈတီႈတီႈယူႇမၼ်းဢေႃႈ။မၼ်းၵေႃႈၸင်ႇၸုၵ်းယူႇဢေႃႈ။မၼ်းဢမ်ႇၶၢႆႉသေၵႃႈတီႈယူႇမၼ်းၼၼ်ႉလႆႈ။ပိၵ်ႉသမ်ႉသေၵေႃႉသေၵူၼ်းသႅၼ်ႇႁွင်ႉတီႈမၼ်းသေၵေႃႈမၼ်းဢမ်ႇဢိူဝ်ႈလႆႈ။ မၼ်းဢမ်ႇၵႄႇသႄႇၼုၵ်ႈဢဝ်ၵေႃႉၼၼ်ႉဢွၵ်ႇ သေၵႃႈၼႂ်းတုၵ်ႉၶႃႉတၢင်းၽၢၼ်လႆႈ။
၈ ဢွၼ်ၵၼ်ၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းၼႆႉ လႄႈၼႄပျုႉၵုင်ႇၵူၼ်းၸၢႆးတႃႉ။သူၸိူဝ်းဢၼ်ၽွၵ်ႈပျၢၼ်ႇၶိုၼ်းၶဝ်ဢိူၺ်း။ဢွၼ်ၵၼ်ႁဵတ်းတင်းသတိလႄႈဝူၼ်ႉၼႂ်းၸႂ်တႃႉ။
၉ ဢွၼ်ၵၼ်ၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းဢၼ်ယၢမ်ႈပဵၼ်မႃးမိူဝ်ႈၵွၼ်ႇဢွၼ်ၼႆႉၸိူဝ်းၼၼ်ႉတႃႉ။ၵဝ်ပဵၼ်ၽြႃးပဵၼ်ၸဝ်ႈဢေႃႈ။ ၼွၵ်ႈသေၵဝ်ၼႆႉဢမ်ႇမီး ၽြႃးတၢင်ႇသူႇတၢင်ႇပႃး။
၁၀ ၵဝ်ပဵၼ်ၽြႃးပဵၼ်ၸဝ်ႈဢေႃႈ။ ဢမ်ႇမီးၸဝ်ႈဢၼ်မိူၼ်ၵၼ်တင်းၵဝ်ဢၼ်ၽုၺ်ႇ ဢွၵ်ႇၼႄပျုႉၸႃႉၸဵမ်မိူဝ်ႈၵေႃႇၸႃႉႁူဝ်ပိုင်းတေႃႇထိုင်ႁွတ်ႈတီႈသုတ်းတီႈၵွႆဢိၵ်ႇတင်း ၸႃႉၸဵမ်မိူဝ်ႈမိုၼ်ႉၸိုၼ်ႉသိုၼ်းၼၼ်ႉလႄႈ လွင်ႈတၢင်းဢၼ်ဢမ်ႇပႆႇပဵၼ်မႃးၸိူဝ်းၼၼ်ႉလႄႈ လၢတ်ႈဝႃႈ တၢင်းၵျၢမ်ႇတၢင်းပွင်ၵဝ်တၵ်းတႄႇယူႇဢေႃႈ။ ၵဝ်တၵ်းႁႃဢၼ်ၵဝ်မီးဢလူဝ်ႇၼၼ်ႉတဵမ်ဝႆႉဢေႃႈ၊ဝႃႈၼင်ႇၼႆယူႇသေလႄႈ၊
၁၁ ႁွင်ႉဢဝ်ၼူၵ်ႉႁၢႆႉဢၼ်ဝႃႈ ၵေႃႉဢၼ်ထွၵ်ႈဢၼ်ၵမ်ႉၵဝ်ၼၼ်ႉဢွၵ်ႇသေၵႃႈတီႈၼႃႈဝၼ်းဢွၵ်ႇတီႈဢၼ်ၵႆၼၼ်ႉမႃးဢေႃႈ။တၵ်းလႆႈဢွၵ်ႇသူပ်းဝႃႈလႄႈတၵ်းႁဵတ်းၸွမ်းဢေႃႈ။ၵဝ်လႆႈၵျၢမ်ႇပွင်ယဝ်ႉလႄႈတၵ်းၸီႇယၢင်ႇၸွမ်းဢေႃႈ။
၁၂ သူၸိူဝ်းဢၼ်ၸႂ်ၵႅၼ်ႇၶႅင်လႄႈ ၵႆၵၼ်တင်းတြႃးတၢင်းဢၼ်သိုဝ်ႈတေႃႇၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းၵဝ်တႃႉ။
၁၃ ၵဝ်တၵ်းဢဝ်တြႃးတၢင်းဢၼ်သိုဝ်ႈတေႃႇၵဝ်မႃးၸူးၵႃႈတီႈဢၼ်ၸမ်ဢေႃႈ။ဢမ်ႇလႆႈယူႇၵႃႈတီႈဢၼ်ၵႆ။ၵျေးၸူးတၢင်းဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉၵေႃႈဢမ်ႇလႆႈၵွႆႈလႆႈထိူင်း။ၵဝ်တၵ်းဢဝ်ၵျေးၸူးတၢင်းဢၼ် ၵႄႇသႄႇၶျွတ်ႈဢဝ်ၵဝ်ၼၼ်ႉ ဝႆႉၵႃႈၼိူဝ်လွႆၸိဢုၼ်ႇပုၼ်ႈမဵဝ်းၵူၼ်းဢိသရေႇလ ဢၼ်ပဵၼ်မူၼ်ႈၽုင်းၵဝ်ၼၼ်ႉဢေႃႈ။