၃၈
ၶုၼ်ႁေႇၸၵိမီးတၢင်းၶႆႈတၢင်းပဵၼ်
၁ ၼႂ်းၶိင်ႇမိူဝ်ႉဝၼ်းၸိူဝ်းၼၼ်ႉ ႁေႇၸၵိ ပဵၼ်တၢင်းၶႆႈတၢင်းပဵၼ် ဢၼ်မၼ်းတၵ်းတၢႆၸွမ်းလႄႈ ပရေႃးၽႅတ်ႈဢိသႃႇယလုၵ်ႈၸၢႆးဢႃႇမုတ်ႉ ၼၼ်ႉမႃးၸူးတီႈမၼ်းလႄႈၶိုၼ်းလၢတ်ႈဢမိင်ႉၸဝ်ႈလႄႈဝႃႈ၊-ထႃႇဝရႃႉၽြႃးမီးဢမိင်ႉလႄႈဝႃႈၸမ်း၊-ၸီႇယၢင်ႇမႄးႁႅၼ်းဢမူႉႁိူၼ်းမႂ်းဝႆႉတႃႉ။မႂ်းတၵ်းလႆႈတၢႆဢေႃႈ။
၂ ဢသၢၵ်ႈ မႂ်းဢမ်ႇလႆႈလိပ်း၊ဝႃႈၼင်ႇၼႆဢေႃႈ။ႁေႇၸၵိၵေႃႈဝၢႆႇၼႃႈၸူးၽႃသေလႄႈသူးတွင်းတီႈထႃႇဝရႃႉၽြႃး လႄႈဝႃႈ၊-
၃ ထႃႇဝရႃႉၽြႃးတီႈၶႃႈ။ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ၶႃႈၸဝ်ႈပႂ်ႉသႅတ်ႈၸႃႇပႃးတင်းႁူဝ်ၸႂ်ဢၼ်ၸေးၸုင်ႇယူႇသေလႄႈ ၵႂႃႇမႃးယူႇၵႃႈတီႈၽၢႆႇၼႃႈၸဝ်ႈႁဝ်းလႄႈၵမ်ၵျၢင်ႉဢၼ်လီဢၼ်ငၢမ်းသိုဝ်ႈၼႃႈတႂ်ႈတႃၸဝ်ႈႁဝ်းၼၼ်ႉ သေၵမ်းတီႈၶႃႈ။ၶႃႈၸဝ်ႈတွင်းပၢၼ်ႇတီႈၶႃႈဢေႃႈ၊ ဝႃႈၼင်ႇၼႆယူႇလႄႈ ႁေႇၸၵိႁႆႈႁွင်ႉၼႃႇလူင်လၢင်ယူႇဢေႃႈ။
၄ လၢႆးသမ်ႉၼုၵ်ႈၵပၢတ်ႈထႃႇဝရႃႉၽြႃး ႁွတ်ႈထိုင်တီႈဢိသႃႇယလႄႈဝႃႈ၊- မႂ်းၵႂႃႇလႄႈလၢတ်ႈတီႈႁေႇၸၵိလႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈပေႃႈမႂ်းတႃႇဝိတ်ႉ ၼၼ်ႉမီးဢမိင်ႉလႄႈဝႃႈၸမ်း၊-
၅ ၵဝ်ငိၼ်း ၵႂၢမ်းသူးတွင်းပထၼႃႇမႂ်းယဝ်ႉ။ၼမ်ႉတႃမႂ်းၵေႃႈၵဝ်ႁၼ်ယဝ်ႉ။ၵဝ်တၵ်းသိုပ်ႇဢသၢၵ်ႈမႂ်းပၼ်ထႅင်ႈသိပ်းႁႃႈပီႊ ဢေႃႈ။
၆ ၵဝ်တၵ်းၵႄႇသႄႇၼုၵ်ႈဢဝ်မႂ်းဢိၵ်ႇတင်းဝဵင်းၼႆႉလွတ်ႈသေၵႃႈၼႂ်းမိုဝ်း ၶုၼ်ႁေႃၶမ်းဢႃႇသုရိဢေႃႈ။ ၵဝ်တၵ်းၵႅတ်ႇၶႄႁႄႉၵင်ႈဝဵင်းၼႆႉဢေႃႈ။လၢၵ်ႈၶၼႃႇသၢၵ်ႈသေႇ ဢၼ်ထႃႇဝရႃႉၽြႃးတၵ်းပၼ်တီႈမႂ်းလူၺ်ႈလွင်ႈဢၼ် ထႃႇဝရႃႉၽြႃးတၵ်းႁဵတ်းၸွမ်းၵႃႈၼင်ႇ ဢၼ်မၼ်းၸဝ်ႈမီးဢမိင်ႉဝႆႉၼၼ်ႉၸမ်း၊-
၈ တူၺ်းလူ။ၵဝ်တၵ်းႁႂ်ႈၵွင်ႉငဝ်း ဢၼ်ၶၢႆႉၵႂႃႇယူႇၵႃႈတီႈၼိူဝ်ၼႃႇရီႇၵၢင်ဝၼ်းဢႃႇၶတ်ႉ ဢၼ်လူင်းၵႂႃႇယဝ်ႉၼၼ်ႉသုတ်ႉၶိုၼ်းသိပ်းၵမ်းဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။ ၵႃႈၼင်ႇဢၼ်ဝႃႈၼၼ်ႉၵွင်ႉငဝ်းၼၼ်ႉသုတ်ႉၶိုၼ်းသိပ်းၵမ်းၵႃႈၼိူဝ်ၼႃႇရီႇ ဢၼ်လႆႈလူင်းၵႂႃႇယဝ်ႉ ၼၼ်ႉဢေႃႈ။
၉ လိၵ်ႈဢၼ်ႁေႇၸၵိၶုၼ်ႁေႃၶမ်းယုတတႅမ်ႈဝႆႉၼႂ်းမိူဝ်ႈဢၼ် မၼ်းမီးတၢင်းၶႆႈတၢင်းပဵၼ်လႄႈလုၵ်ႉဢွၵ်ႇသေၵႃႈၼႂ်း တၢင်းၶႆႈတၢင်းပဵၼ်ၼၼ်ႉၸမ်း၊ၵဝ်လႆႈလၢတ်ႈလႄႈ ဝႃႈၼႂ်းမိူဝ်ႈဢၼ်ၵဝ်ယင်းတိုၵ်ႉလႆႈယူႇၼိမ်ၼိမ်လီလီယူႇၼႆႉၸိုင် ၵဝ်တၵ်းလႆႈၶဝ်ႈၵႃႈ ၼႂ်းႁူးၽၵ်းတူမိူင်းမရၼႃႉလူင်ပေႇ။
၁၀ ၵဝ်လႆႈသုမ်းၸွမ်းပီႊဢၼ်ၵိုတ်းၵျၢၼ်ႇဝႆႉတီႈၵဝ်ၸိူဝ်းၼၼ်ႉယဝ်ႉ၊ ဝႃႈၼင်ႇ ၼႆဢေႃႈ။ၵဝ်လႆႈလၢတ်ႈလႄႈဝႃႈ၊-
၁၁ ၵဝ်ဢမ်ႇလႆႈႁၼ်ထႃႇဝရႃႉၽြႃး ၵႃႈၼႂ်းတီႈဢၼ်ၶဝ်ၸိူဝ်းဢၼ်ဢသၢၵ်ႈလိပ်းယူႇၸိူဝ်းၼၼ်ႉ။ၵမ်းလိုၼ်းၵဝ်ဢမ်ႇလႆႈယူႇလူၺ်ႈၵၼ်တင်း ၵူၼ်းလေႃးၵႃႉတင်းလၢႆၼႆႉသေလႄႈႁၼ်ၵူၼ်း။ႁိူၼ်းဢၼ်ၵဝ်ယူႇၼႆႉလႆႈၶၢမ်ႇတၢင်းဢၼ်ထွတ်ႇထူၺ်ႈလႄႈဢဝ်ၵႂႃႇပႅတ်ႈတၢင်ႇတီႈတၢင်ႇလႅၼ်မိူၼ်ၸိူဝ်ႉၼင်ႇသုမ်ႉထဵင် ၵူၼ်းဢၼ်လဵင်ႉသူဝ်း ထိင်းသူဝ်းၼၼ်ႉယဝ်ႉ။
၁၂ ၵဝ်ၵဵၼ်ႁမ်းဢသၢၵ်ႈၵဝ်ယူႇမိူၼ်ၸိူဝ်ႉၼင်ႇ ဢၼ်ၵူၼ်းတေႃးႁုၵ်ႇႁဵတ်းၼၼ်ႉလႄႈမၼ်းၸဝ်ႈတၵ်းတႅပ်းဢဝ်ဢွၵ်ႇသေ ၵႃႈတီႈၵီႇဢေႃႈ။ၼႂ်းဝၼ်းၼိုင်ႈလႄႈၶိုၼ်းၼိုင်ႈၵူၺ်း ၸဝ်ႈႁဝ်းတၵ်းႁႂ်ႈၶႃႈၸဝ်ႈသုမ်းၸွမ်းပႅတ်ႈတီႈၶႃႈဢေႃႈ၊ဝႃႈၼင်ႇၼႆဢေႃႈ။
၁၃ ၵဝ်ႁဵတ်းႁႂ်ႈၸႂ်ၵဝ်တႄႇလီၼိမ်လီယူႇတေႃႇထိုင်ႁွတ်ႈၶိင်ႇၵၢင်ၼႂ်လႄႈ မၼ်းၸဝ်ႈႁၵ်းႁိၵ်းလုပ်ႇၵဝ်ၵႃႈမီးပႅတ်ႈမိူၼ်ၸိူဝ်ႉၼင်ႇသၢင်ႇသီႈၼၼ်ႉဢေႃႈ။ၼႂ်းဝၼ်းၼိုင်ႈလႄႈ ၶိုၼ်းၼိုင်ႈၵူၺ်းၸဝ်ႈႁဝ်းတၵ်းႁႂ်ႈၶႃႈၸဝ်ႈ သုမ်းၸွမ်းပႅတ်ႈတီႈၶႃႈဢေႃႈ။
၁၄ ၵဝ်လႆႈပွင်ႉၶၢင်းပွင်ႉမိူၼ်ႇယူႇမိူၼ်ၸိူဝ်ႉၼင်ႇ ၼူၵ်ႉဢႅၼ်ၾတင်းၵွၼ်ႇၼၼ်ႉလႄႈ လႆႈဢိုတ်ႇယူႇႁွင်ႉယူႇ မိူၼ်ၸိူဝ်ႉၼင်ႇၼူၵ်ႉတူႈဢေႃႈ။မၢၵ်ႇတႃၵဝ်ႁႅၼ်တူၺ်းလႄႈႁႅင်းဢူၼ်ႈယွမ်းၵႂႃႇယဝ်ႉ။ထႃႇဝရႃႉၽြႃးတီႈၶႃႈ။ ၶႃႈၸဝ်ႈတၵ်းလႆႈၶၢမ်ႇ တၢင်းဢၼ်ၼိၵ်ႈၸၢၵ်ႈငႅၼ်းသေးတီႈၶႃႈယဝ်ႉ။ၶႅၼ်းတေႃႈယူႇၽၢႆႇၶႃႈၸဝ်ႈသေၵမ်းတီႈၶႃႈ။
၁၅ ၵဝ်တၵ်းလႆႈလၢတ်ႈၸိူဝ်ႉၼင်ႇႁိုဝ်။မၼ်းၸဝ်ႈပၼ်ၵတိတီႈၵဝ်ယဝ်ႉ။မၼ်းၸဝ်ႈႁဵတ်းၸွမ်းၵႃႈၼင်ႇဢၼ်ၵတိၸဝ်ႈမီးၼၼ်ႉယဝ်ႉ။ၵဝ်တၵ်းၵူၺ်းတဵင်ႇၵႂႃႇတဵင်ႇပႆၼႂ်းၸူဝ်ႈၶူပ်ႇပီႊ ဢၼ်ၵိုတ်းၵျၢၼ်ႇဝႆႉတီႈၵဝ်ၵႃႈမီးၼၼ်ႉတဵမ်တဵမ်ၵွပ်ႈပိူဝ်ႈဢၼ်တၢင်းဢၼ် ၵဝ်ၶီၸႂ်ၶူမ်ၸႂ်ၼၼ်ႉ ဢေႃႈ။ၸဝ်ႈၽြႃးတီႈၶႃႈ။
၁၆ ၵွပ်ႈပိူဝ်ႈလွင်ႈတၢင်းၸိူဝ်ႉၼင်ႇႁိုဝ်လႄႈ ဢသၢၵ်ႈၵူၼ်း လႆႈလိပ်းယူႇတီႈၶႃႈဢေႃႈ။ၵႃႈၼႂ်းလွင်ႈတၢင်းၵႃႈမီးၸိူဝ်းၼၼ်ႉဢသၢၵ်ႈဝိၺိၺ်ႇၶႃႈၸဝ်ႈလႆႈတႄႇယူႇတီႈၶႃႈဢေႃႈ။ၸဝ်ႈႁဝ်းတၵ်းႁႂ်ႈ တၢင်းၶႆႈတၢင်းပဵၼ်ၶႃႈၸဝ်ႈယဵၼ်လႄႈ ႁႂ်ႈ ဢသၢၵ်ႈၶႃႈၸဝ်ႈလိပ်းတီႈၶႃႈဢေႃႈ။
၁၇ ၶႃႈၸဝ်ႈလႆႈမီးဝူၺ်ႇတၼႃႇ တၢင်းဢၼ်ယၢပ်ႇၸႂ်ၶူမ်ၸႂ်ပုၼ်ႈတင်းတူဝ်တၢင်းဢၼ်ၼိမ်လီယဵၼ်လီမႃးယဝ်ႉလႄႈ ၸဝ်ႈႁဝ်းဢိတ်းလူဝိၺိၺ်ႇၶႃႈၸဝ်ႈလႄႈ ၵႄႇသႄႇၼုၵ်ႈဢဝ်ဢွၵ်ႇသေ ၵႃၼႂ်းၶုမ်ၼႂ်းလုၵ်းတီႈဢၼ်လူႉလႅဝ်ၼၼ်ႉတီႈၶႃႈယဝ်ႉ။ၸဝ်ႈႁဝ်းဢဝ်ဢပျႅတ်ႈၶႃႈၸဝ်ႈၵႃႈမီးထိမ်ႈပႅတ်ႈ ၵႃႈတီႈၽၢႆႇတၢင်းလင်ၸဝ်ႈႁဝ်းတီႈၶႃႈ ယဝ်ႉ။
၁၈ မိူင်းမရၼႃႉတၵ်းဢမ်ႇယွင်းယေႃးၸဝ်ႈႁဝ်းလႆႈလႄႈ ၵေႃႉဢၼ်တၢႆယဝ်ႉၼၼ်ႉတၵ်းဢမ်ႇႁဵတ်းၵႂၢမ်းထေႃးပၼႃႇတီႈၸဝ်ႈႁဝ်းလႆႈတီႈၶႃႈ။ၶဝ်ၸိူဝ်းဢၼ်လူင်းၵႂႃႇ ၵႃႈၼႂ်းၶုမ်ၼႂ်းလုၵ်းၼၼ်ႉတၵ်းဢမ်ႇမုင်ႈမွင်း သႅတ်ႉၸႃႇၸဝ်ႈႁဝ်းလႆႈတီႈၶႃႈ။
၁၉ ၵေႃႉဢၼ်ဢသၢၵ်ႈလိပ်းၼၼ်ႉၵူၺ်း တၵ်းလႆႈယွင်ႈယေႃးၸဝ်ႈႁဝ်းမိူၼ်ၸိူဝ်ႉၼင်ႇဢၼ်ၶႃႈၸဝ်ႈႁဵတ်း ဝၼ်းမိူဝ်ႈၼႆႉတီႈၶႃႈဢေႃႈ။ၵေႃႉဢၼ်ပဵၼ်ပေႃႈတၵ်းလႆႈၽုၺ်ႇဢွၵ်ႇၼႄပျႃႉသႅတ်ႉၸႃႇၸဝ်ႈႁဝ်း တီႈလုၵ်ႈတီႈလၢင်းတီႈၶႃႈ ဢေႃႈ။
၂၀ ထႃႇဝရႃႉၽြႃးၼၼ်ႉၵႄႇသႄႇၶျွတ်ႈဢဝ်ၵဝ်ယဝ်ႉ။ ပိူဝ်ႈၼႆလႄႈႁဝ်းတၵ်းဢွၼ်ၵၼ်လဵတ်းတိင်ႇသေလႄႈ ႁဵတ်းၵႂၢမ်းၵႃႈၼႂ်းႁိူၼ်းထႃႇဝရႃႉၽြႃးယူႇၸူဝ်ႈဢသၢၵ်ႈႁဝ်းဢေႃႈ။
၂၁ ဢိသႃႇယလၢတ်ႈလႄႈဝႃႈ၊- ႁႂ်ႈၶဝ်ဢဝ်မၢၵ်ႇလိူဝ်ႇသၢင်းၽေႃး ဢၼ်ပဵၼ်ၵွၼ်ႈပဵၼ်မမ်ႈဝႆႉၼၼ်ႉၼူတ်ႈသေယဝ်ႉ ဢဝ်ဢၼ်ၼၼ်ႉဢုမ်ႇသႂ်ႇတီႈတုမ်ႇၸဵပ်းၼၼ်ႉတႃႉ။မၼ်းတၵ်းသၢၵ်ႈသႃႇၶႅၼ်းမႃးဢေႃႈ။
၂၂ ႁေႇၸၵိၵေႃႈထၢမ်လႄႈဝႃႈ၊-လၢၵ်ႈၶၼႃႇသၢၵ်ႈသေႇဢၼ်ၵဝ်တၵ်းလႆႈ ၶိုၼ်ႈႁိူၼ်းထႃႇဝရႃႉၽြႃးၼၼ်ႉတၵ်းမီးၸိူဝ်ႉၼင်ႇႁိုဝ်၊ဝႃႈၼင်ႇၼႆဢေႃႈ။