၆၃
ဝၼ်းဢၼ်ၽြႃးပဵၼ်ၸဝ်ႈပၼ်တၢမ်ႇလႄႈၵႄႇသႄႇၶျွတ်ႈဢဝ်
၁ ၵေႃႉဢၼ်ၼုင်ႈၶူဝ်ႈၼုင်ႈ ဢၼ်ယွမ်ႉလႅင်ႊယူႇ၊ႁၢင်ႈၶိူင်ႈၶူဝ်းၼုင်ႈတၢင်းမႆႊဢၼ်ႁၢင်ႊလီႁၢင်ႊငၢမ်းယူႇ၊ ငွၵ်းႁူဝ်ယိုၼ်းၶေႃး ၵွပ်ႈပိူဝ်ႈတၼ်းၶူဝ်းဢၼ်ယႂ်ႇၼႃႇယူႇသေလႄႈ လုၵ်ႉၵႃႈတီႈဝဵင်းပေႃႇၸရမိူင်းဢေႇတုမ်ႇ မႃးၼႆႉၸမ်းပဵၼ်ၽူႈ လႂ်။ပဵၼ်ၵဝ်ဢၼ်ႁေႃးလၢတ်ႈတြႃးတၢင်းဢၼ်သိုဝ်ႈတေႃႇလႄႈတၼ်းၶူဝ်းယႂ်ႇၼႃႇပုၼ်ႈလွင်ႈၼင်ႇႁိုဝ် တၵ်းလႆႈၵႄႇသႄႇၶျွတ်ႈဢဝ်ၼႆႉ ဢေႃႈ။
၂ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းၼုင်ႈၶူဝ်းၼုင်ႈဢၼ်လႅင်ႊ၊ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၶူဝ်းၼုင်ႈၸဝ်ႈႁဝ်းၼၼ်ႉမိူၼ်ၵၼ်တင်းၶူဝ်းၼုင်ႈၵေႃႉဢၼ်ယဵပ်ႇၼူတ်ႈယူႇ ၵႃႈၼႂ်းတီႈဢၼ်ယဵပ်ႇၼူတ်ႈၸပိတ်ႉ ၼၼ်ႉၼင်ႇႁိုဝ်တီႈၶႃႈ။
၃ ၵဝ်ၵေႃႉလဵဝ်ၵူၺ်းလႆႈယဵပ်ႇၼူတ်ႈ ၵႃႈၼႂ်းတီႈဢၼ်ယဵပ်ႇၼူတ်ႈ မၢၵ်ႇၸပိတ်ႉၼၼ်ႉယဝ်ႉ။မဵဝ်းၵူၼ်းတင်းလၢႆၼၼ်ႉဢမ်ႇပႃးလူၺ်ႈၵၼ်တင်းၵဝ်သေၵေႃႉသေၵူၼ်း။တၢင်းၸႂ်မႆႈၶႆႈၸႃႉၵဝ်တၵ်းဢွၵ်ႇလႄႈၵဝ်တၵ်းယဵပ်ႇယမ်ႈၶဝ်ဢေႃႈ။တေႃးသႃႉၵဝ်ဢၼ်ႁႅင်းၼႃႇတၵ်းဢွၵ်ႇလႄႈ ၵဝ်တၵ်းယဵပ်ႇၶိုတ်ႈၶဝ်ဢေႃႈ။လိူတ်ႈၶဝ်ၼၼ်ႉတၵ်းၽူင်ႉသႂ်ႇၵႃႈၼိူဝ်ၶူဝ်းၼုင်ႈၵဝ်လႄႈ ၵဝ်တၵ်းယွမ်ႉၶူဝ်းၼုင်ႈတၢင်းမႆႊၵဝ် ၵႃႈမီးဢေႃႈ။
၄ မိူဝ်ႉဝၼ်းဢၼ်ပၼ်တၢမ်ႇဢပျႅတ်ႈၼၼ်ႉမီးတၢင်းဢၼ်တွင်းဝႆႉယူႇၵႃႈၼႂ်းႁူဝ်ၸႂ်ၵဝ်လႄႈ ၶူပ်ႇပီႊၶဝ်ၸိူဝ်းဢၼ်ၵဝ်ထုတ်ႇဢဝ်ၼၼ်ႉႁွတ်ႈမႃးယဝ်ႉ။ၵဝ် လူတူၺ်းလႄႈဢမ်ႇမီးၵေႃႉဢၼ်ၸွႆႈထႅမ်မႃႉၸႃႉ။
၅ ၵဝ်မိုင်ငဝ်ၶႆႈၸႂ်ဝူၼ်ႉၸႂ် လူၺ်ႈလွင်ႈဢၼ် ဢမ်ႇမီးၵေႃႉဢၼ်ၵမ်ႉဢၼ်ထွၵ်ႈၼၼ်ႉ။ပိူဝ်ႈၼႆလႄႈၶႅၼ်မိုဝ်းၵဝ်ၼႆႉႁဵတ်းတၢင်းဢၼ်ၵႄႇသႄႇၶျွတ်ႈဢဝ်ပုၼ်ႈၵဝ်ယဝ်ႉ။
၆ တေႃးသႃႉတၢင်းၸႂ်မႆႈၵဝ်ၼႆႉၵမ်ႉထွၵ်ႈၵဝ်ယဝ်ႉ။တၢင်းၸႂ်မႆႈၶႆႈၸႃႉၵဝ်တၵ်းဢွၵ်ႇလႄႈ ၵဝ်တၵ်းယဵပ်ႇယမ်ႈမဵဝ်းၵူၼ်းတင်းလၢႆဢေႃႈ။တေႃးသႃႉၵဝ်ဢၼ်ႁႅင်းယႂ်ႇၼႃႇတၵ်းဢွၵ်ႇလႄႈ ၵဝ်တၵ်းႁႂ်ႈၶဝ်မဝ်းမိင်းလိုမ်းတူဝ်ၵႂႃႇဢေႃႈ။ ၵဝ်တၵ်းဢဝ်လိူတ်ႈထွၵ်ႇသႂ်ႇၵႃႈၼိူဝ်လိၼ် ဢေႃႈ။
၇ ၵဝ်တၵ်းႁႂ်ႈၶုၵ်းၸႂ်လႆႈၶႆႈၸႂ်ထူပ်းမႁႃႇမိတ်ႉတႃႇထႃႇဝရႃႉၽြႃးဢိၵ်ႇတင်း ၵျေးၸူးထႃႇဝရႃႉၽြႃးၸွမ်းၵႃႈၼင်ႇဢၼ် ထႃႇဝရႃႉၽြႃးဢိတ်းလူပၼ်တီႈႁဝ်းဢိၵ်ႇတင်းမႁႃႇၵျေးၸူး ဢၼ်မၼ်းၸဝ်ႈႁဵတ်းတီႈမဵဝ်းဢိသရေႇလဢၼ်မၼ်းၸဝ်ႈပၼ်တီႈၶဝ်ၸွမ်းၵႃႈၼင်ႇၵျေးၸူးၵရူႉၼႃႇမၼ်းၸဝ်ႈၼၼ်ႉဢိၵ်ႇတင်းၸွမ်းၵႃႈၼင်ႇမႁႃႇမိတ်ႉတႃႇမၼ်းၸဝ်ႈ ၵူႈၸိူဝ်ႉၵူႈပိူင် ၼၼ်ႉဢေႃႈ။
၈ မၼ်းၸဝ်ႈမီးဢမိင်ႉလႄႈဝႃႈ၊-ၶဝ်ၼၼ်ႉပဵၼ်ၵူၼ်းဢမၢၼ်ႇၶၢၼ်ပဵၼ်လႄႈ ပဵၼ်လုၵ်ႈလၢင်းဢၼ်သႅတ်ႉၸႃႇဢမ်ႇလူႉၼၼ်ႉဢေႃႈ ဝႃႈၼင်ႇၼႆသေယဝ်ႉမၼ်းၸဝ်ႈပဵၼ်ၸဝ်ႈ ဢၼ်ၵႄႇသႄႇၶျွတ်ႈဢဝ် ၶဝ်ဢေႃႈ။
၉ ၵႃႈၼႂ်းၵႃႈဢၼ်ၶဝ်လႆႈၶၢမ်ႇတုၵ်ႉၶႃႉတၢင်းၽၢၼ်ဢၼ်မၼ်းၸဝ်ႈလႆႈၶၢမ်ႇ တုၵ်ႉၶႃႉတၢင်းၽၢၼ်လႄႈ တမၢၼ်ႇၵၢင်ႁၢဝ်ဢၼ်မီးၵႃႈတီႈၽၢႆႇၼႃႈမၼ်းၸဝ်ႈၼၼ်ႉၵႄႇသႄႇၶျွတ်ႈဢဝ်ၶဝ်လႄႈ ၸွမ်းၵႃႈၼင်ႇဢၼ်မိတ်ႉတႃႇၵရူႉၼႃႇမၼ်းၸဝ်ႈမီးၼၼ်ႉ မၼ်းၸဝ်ႈထုတ်ႇၼုၵ်ႈဢဝ်ၶဝ်ဢေႃႈ။ မၼ်းၸဝ်ႈႁွပ်ႇဢုမ်ႈၶဝ်သေလႄႈ ဢဝ်ၶဝ်ႈၵႂႃႇၼႂ်းၶိင်ႇမိူဝ်ႈၵွၼ်ႇဢွၼ်ၼႆႉၼၼ်ႉတဵမ်တဵမ်ဢေႃႈ။
၁၀ ၵူၺ်းၵႃႈၶဝ်ၼၼ်ႉဢွၼ်ၵၼ်လုၵ်ႉၽိုၼ်ႉမၼ်းၸဝ်ႈလႄႈ ႁႂ်ႈဝိၺိၺ်ႇဢၼ်မူတ်းၸၢင်ႇမၼ်းၸဝ်ႈၸဵပ်းၸႂ်ဢေႃႈ။ ပိူဝ်ႈၼႆလႄႈမၼ်းၸဝ်ႈဝႆႉႁဵတ်းတၢင်းဢၼ်ၶတ်းၵၼ်တင်းၶဝ်လႄႈ တိုၵ်းတေႃးၶဝ် ဢေႃႈ။
၁၁ မိူဝ်ႈၼၼ်ႉမၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းၶိင်ႇမိူဝ်ႈၵွၼ်ႇဢွၼ်ၼႆႉၼၼ်ႉ ဢိၵ်ႇတင်း မုဝ်းသေႇ တင်းၵူၼ်းမၼ်းၸဝ်ႈၸိူဝ်းၼၼ်ႉလႄႈဝႃႈ၊- ၸဝ်ႈဢၼ်ဢဝ်ၶဝ်ၼၼ်ႉ ဢွၵ်ႇသေၵႃႈၼႂ်းပၢင်ႇလၢႆႇမႃးလူၺ်ႈၵၼ်တင်း ၵေႃႉဢၼ်လဵင်ႉသူဝ်းထိင်းသူဝ်းမၼ်းၸဝ်ႈ ၼၼ်ႉမီးၵႃႈ လႂ်။
၁၂ ၸဝ်ႈဢၼ်ဢဝ်ဝိၺိၺ်ႇဢၼ်မူတ်းၸၢင်ႇမၼ်းၸဝ်ႈသႂၢင်းသႂ်ႇပၼ်ၵႃႈၼႂ်းၵူၼ်းမၼ်းၸဝ်ႈယူႇ ဢၼ်ႁႂ်ႈၶႅၼ်မိုဝ်းမၼ်းၸဝ်ႈဢၼ်မူၼ်ႈၽုင်းယႂ်ႇၼႃႇၼၼ်ႉမီးယူႇၵႃႈတီႈမိုဝ်းၶွၼ်ၶႂႃႇမုဝ်းသေႇ သေလႄႈ ဢဝ်ၶဝ်သူင်ႇယူႇ ဢၼ်ၽႃႇၼမ်ႉၵႃႈတီႈၽၢႆႇၼႃႈၶဝ် ႁႂ်ႈမူၼ်ႈသရေႇၼႃႇမႃႉၸိုဝ်သဵင်မၼ်းတင်း လၢႆထၢင်ႇသႃးတႃႇသေႇယူႇ။
၁၃ ဢၼ်ႁႂ်ႈၶဝ်ယင်းဢမ်ႇမီးတၢင်းဢၼ်ၶီႈလိုတ်းလႄႈလူမ်ႉလႄႈ ပႆလတ်းၵႂႃႇၵႃႈတီႈဢၼ်လိုၵ်ႉဢၼ်လမ်ႇတင်းလၢႆမိူၼ်ၸိူဝ်ႉၼင်ႇဢၼ်ႁေႃႈမႃႉၵႂႃႇၵႃႈၼႂ်းပၢင်ႇပဵင်းၼၼ်ႉယူႇၼၼ်ႉမီး ၵႃႈ လႂ်၊ဝႃႈၼင်ႇၼႆဢေႃႈ။
၁၄ ၸိူဝ်ႉၼင်ႇဢၼ်ၽုင်သူဝ်းၽုင်ဝူဝ်း လူင်းၸူးၵႃႈၼႂ်း တီႈၶူင်ႈတီႈႁူၺ်ႈၼၼ်ႉဝိၺိၺ်ႇထႃႇဝရႃႉၽြႃး ပၼ်ဢၶႂၢင်ႉဢၼ်ၶဝ်လႆႈတႄႇယူႇၼိမ်ယူႇဢေႃႈ။ ၼင်ႇၼၼ်လႄႈၸဝ်ႈႁဝ်းဢဝ်ၵူၼ်းၸဝ်ႈႁဝ်းတင်းလၢႆ သူင်ႇၵႂႃႇႁႂ်ႈမူၼ်ႈၽုုင်းၼႃႇမႃႉၸိုဝ်ႈသဵင်ၸဝ်ႈႁဝ်းထၢင်ႇသႃးတီႈၶႃႈဢေႃႈ။
၁၅ ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ် ၵူမ်ႈတူၺ်းသေၵမ်းတီႈၶႃႈ။ၶႅၼ်းတေႃႈယူႇၵႃႈၼိူဝ်တီႈယူႇဢၼ်မူတ်းၸၢင်ႇၸဝ်ႈႁဝ်းလႄႈမူၼ်ႈၽုင်းယႂ်ႇၼႃႇၼၼ်ႉလူတူၺ်းသေၵမ်းတီႈၶႃႈ။တၢင်းဢၼ်ၸႂ်ၸဝ်ႈႁဝ်းႁႅင်းယႂ်ႇဢိၵ်ႇတင်း တၢင်းဢၼ်ၸဝ်ႈႁဝ်းၼႄပျုႉတၼ်းၶူဝ်းၼၼ်ႉမီးၵႃႈ လႂ်တီႈၶႃႈ။တၢင်းဢၼ်တွင်ႉၸဝ်ႈႁဝ်းတူင်ႉၼိုင်ၶွၼ်းၶႅၼ်းဢိၵ်ႇတင်း တၢင်းဢၼ်ၸဝ်ႈႁဝ်းဢိတ်းလူႁဵတ်းၵျေးၸူးတီႈၶႃႈၸဝ်ႈၼၼ်ႉ လႆႈၶၢမ်ႇ တၢင်းဢၼ်ၶျုၵ်ႈဝႆႉယဝ်ႉတီႈၶႃႈဢေႃႈ။
၁၆ ပိၵ်ႉသမ်ႉဢႃႇပႁမ်ႇ ဢမ်ႇႁူႉၶႃႈၸဝ်ႈႁဝ်းၶဝ်၊ ဢိသရေႇလ ဢမ်ႇႁပ်ႉတုင်းဢဝ်ၶႃႈၸဝ်ႈႁဝ်းၶဝ်သေၵေႃႈၸဝ်ႈႁဝ်းပဵၼ်ပေႃႈ ၶႃႈၸဝ်ႈႁဝ်းၶဝ်ဢမၢၼ်ႇၶၢၼ်ပဵၼ်တီႈၶႃႈဢေႃႈ။ထႃႇဝရႃႉၽြႃးတီႈၶႃႈ။ ၸဝ်ႈႁဝ်းပဵၼ်ပေႃႈၶႃႈၸဝ်ႈႁဝ်းၶဝ်တီႈၶႃႈဢေႃႈ။ၸဝ်ႈႁဝ်းပဵၼ်ၸဝ်ႈဢၼ်ထုတ်ႇၼုၵ်ႈဢဝ်ၶႃႈၸဝ်ႈႁဝ်းၶဝ်လႄႈ ၼႃႇမႃႉၸိုဝ်သဵင်ၸဝ်ႈႁဝ်းပဵၼ်ၸႃႉၸဵမ်မိူဝ်ႈၵွၼ်ႇ မိူဝ်ႈမိုၼ်ႉထႃႇဝရႃႉၼၼ်ႉတီႈၶႃႈဢေႃႈ။
၁၇ ထႃႇဝရႃႉၽြႃးတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸဝ်ႈႁဝ်းႁႂ်ႈၶႃႈၸဝ်ႈႁဝ်းၶဝ်ပိူင်ႈသေၵႃႈတီႈသဵၼ်ႈတၢင်းၸဝ်ႈႁဝ်းၵႂႃႇလႄႈ ႁႂ်ႈႁူဝ်ၸႂ်ၶႃႈၸဝ်ႈႁဝ်းၶဝ်ၵႅၼ်ႇၶႅင် ႁႂ်ႈဢမ်ႇၵူဝ်ဢမ်ႇႁႄၸဝ်ႈႁဝ်းၼင်ႇႁိုဝ်တီႈၶႃႈ။ၶႅၼ်းတေႃႈၶိုၼ်းမႃးပုၼ်ႈၶႃႈၸဝ်ႈႁဝ်းတင်းလၢႆ၊ ပုၼ်ႈၸိူဝ်ႉၶိူဝ်းဢၼ်ပဵၼ်ဢမူၺ်ႇၸဝ်ႈႁဝ်းၸိူဝ်းၼၼ်ႉသေၵမ်းတီႈၶႃႈ။ ၵူၼ်းဢၼ်မူတ်းၸၢင်ႇၸဝ်ႈႁဝ်းတင်းလၢႆ လႆႈဢုပ်ႉပိူင်ႇၵမ်းဢွၼ်ႇၼိုင်ႈၵူၺ်းလႄႈရၢၼ်ႇသူႇၶႃႈၸဝ်ႈႁဝ်းၶဝ် ဢွၼ်ၵၼ်ယဵပ်ႇယမ်ႈထႃႇ ၼႃႉတီႈမူတ်းၸၢင်ႇၸဝ်ႈႁဝ်းတီႈၶႃႈဢေႃႈ။
၁၈ ၶႃႈၸဝ်ႈႁဝ်းၶဝ် ပဵၼ်ၸိူဝ်ႉၼင်ႇၶဝ်ၸိူဝ်းဢၼ်ၸဝ်ႈႁဝ်းဢမ်ႇတွၼ်ႉဢုပ်ႉပိူင်ႇဢိၵ်ႇတင်းၸိူဝ်ႉၼင်ႇၶဝ်ၸိူဝ်းဢၼ်ဢမ်ႇတွၼ်ႉၶၢမ်ႇ တၢင်းဢၼ်ဢဝ်ၼႃႇမႃႉၸိုဝ်သဵင်ၸဝ်ႈႁဝ်းႁွင်ႉႁိၵ်ႈၼၼ်ႉတီႈၶႃႈဢေႃႈ။