၅၁
တၢင်းၵႄႇၶျွတ်ႈထႃႇဝရႃႉပုၼ်ႈၸိဢုၼ်ႇ
၁ သူၸိူဝ်းဢၼ်ၸွမ်းတြႃး တၢင်းဢၼ်သိုဝ်ႈတေႃႇလႄႈႁႃဢဝ်ထႃႇဝရႃႉၽြႃးၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းၵဝ်တႃႉ။ဢွၼ်ၵၼ်လူတူၺ်းမၢၵ်ႇႁိၼ်တီႈဢၼ်သိဝ်ႇဢဝ်သပ်းဢဝ်သူဢွၵ်ႇၼၼ်ႉ ဢိၵ်ႇတင်းႁူးၶုမ်တီႈ ဢၼ်ၶုတ်းဢဝ်ဝဵၵ်ႉဢဝ်သူဢွၵ်ႇၼၼ်ႉတႃႉ။
၂ ဢွၼ်ၵၼ်လူတူၺ်းပေႃႈသူဢႃႇပႁမ်ႇဢိၵ်ႇတင်းၵေႃႉဢၼ်ၵိူတ်ႇလဵင်ႉသူၸႃႇရႃႇၼၼ်ႉတႃႉ။ၵဝ်ႁွင်ႉဢဝ်ဢႃႇပႁမ်ႇမိူဝ်ႈဢၼ်မၼ်း ယင်းမီးၵေႃႉလဵဝ်ၵူၺ်းမၼ်းၼၼ်ႉလႄႈပၼ်တၢင်းလီသေလႄႈႁႂ်ႈမၼ်းၼမ်ၵိုၼ်းမႃးၼႃႇ လူင်လၢင်ဢေႃႈ။
၃ မႅၼ်ႈၵၼ်တင်းဢၼ်ၼၼ်ႉလႄႈထႃႇဝရႃႉၽြႃး တၵ်းပၼ်ၵတ်းယဵၼ်ၶျၢမ်းသႃႇတီႈဝဵင်းၸိဢုၼ်ႇဢေႃႈ။တၵ်းပၼ်ၵတ်းယဵၼ်ၶျၢမ်းသႃႇတီႈဢၼ်သိတ်ႇဢၼ်ယဵၼ်မၼ်း ၵူႈတီႈၵူႈလႅၼ်ၼၼ်ႉလႄႈတၵ်းႁႂ်ႈထိူၼ်ႇမၼ်း ပဵၼ်ၸိူဝ်ႉၼင်ႇတီႈဢေႇတိၼ်ႇၼၼ်ႉဢိၵ်ႇတင်း တီႈဢၼ်ပဝ်ႇဢၼ်လၢပ်ႈမၼ်းပဵၼ်ၸိူဝ်ႉၼင်ႇဢူးယဵၼ်ႇထႃႇဝရႃႉၽြႃးၼၼ်ႉလႄႈ တၵ်းလႆႈထူပ်းႁၼ် တၢင်းဢၼ်ၸူမ်းသိူဝ်း တၢင်းဢၼ်သႂၢင်ႇၸႂ်၊ တၢင်းဢၼ်ယွင်ႈယေႃးၵျေးၸူးၸဝ်ႈ၊တၢင်းဢၼ်ႁဵတ်းၵႂၢမ်းၵႃႈၼႂ်းဝဵင်းၼၼ်ႉဢေႃႈ။
၄ ၵူၼ်းၵဝ်တင်းလၢႆၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းၵဝ်ယူႇတႃႉ။မဵဝ်းၵူၼ်းၵဝ်ဢိူၺ်း။ဢွၼ်ၵၼ်ဝၢႆႇႁူတေႃႇၵဝ်တႃႉ။တြႃးတၵ်းဢွၵ်ႇသေၵႃႈတီႈၵဝ်လႄႈၵဝ်တၵ်းႁႂ်ႈတၢင်းဢၼ် ၵဝ်ၸီႇယၢင်ႇၼၼ်ႉ တႄႇယူႇပုၼ်ႈဢၼ်တၵ်းပဵၼ် ဢၼ်လႅင်းတီႈမဵဝ်းၵူၼ်းတင်းလၢႆ ဢေႃႈ။
၅ တြႃးတၢင်းဢၼ်သိုဝ်ႈတေႃႇၵဝ်ၼၼ်ႉမီးယူႇၵႃႈတီႈၸမ်လႄႈ တြႃးတၢင်းဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉဢွၵ်ႇၵႂႃႇၸူးယဝ်ႉ။ၶႅၼ်ၵဝ်ၼႆႉတၵ်းၸီႇယၢင်ႇဢမူႉတြႃး ၵႃႈၼႂ်းမဵဝ်းၵူၼ်းတင်းလၢႆလႄႈၵူၼ်းၼႂ်းၼမ်ႉတင်းလၢႆ တၵ်းဢွၼ်ၵၼ်မုင်ႈမွင်းၵဝ်ယူႇသေ လႄႈၸႂ်လီၸႂ်ပိုင်ႈလူၺ်ႈၶႅၼ်ၵဝ်ဢေႃႈ။
၆ ဢွၼ်ၵၼ်ႁႅၼ်တႃသူတူၺႃ်းႉၵၢင်ႁၢဝ်တႃႉ။လိၼ်မိူင်းၵေႃႈဢွၼ်ၵၼ်ၵူမ်ႈလႄႈတူၺ်းတႃႉ။ၾႃႉၵၢင်ႁၢဝ်တၵ်းလပ်ႉႁၢႆၵႂႃႇမိူၼ်ၸိူဝ်ႉၼင်ႇၵွၼ်းၽႆးလႄႈ လိၼ်မိူင်းတၵ်းၵဝ်ႇမွင်ၵႂႃႇမိူၼ်ၸိူဝ်ႉၼင်ႇၶူဝ်းၼုင်ႈၼၼ်ႉဢေႃႈ။ၵူၼ်းလိၼ်မိူင်းတင်းလၢႆ တၵ်းလႆႈတၢႆမိူၼ်ၸိူဝ်ႉၼင်ႇၼၼ်ဢေႃႈ။တြႃးတၢင်းဢၼ် ၵႄႇသႄႇၶျွတ်ႈဢဝ်ၵဝ်ၸမ်းတၵ်းတႄႇယူႇသေႇသေႇလႄႈတြႃး တၢင်းဢၼ်သိုဝ်ႈတေႃႇ ၵဝ်ၵေႃႈဢမ်ႇမီးတၢင်းဢၼ်ႁၢႆလၢႆၵႂႃႇလႆႈ။
၇ သူၸိူဝ်းဢၼ် ႁူႉတြႃးတၢင်းဢၼ်သိုဝ်ႈတေႃႇဢၼ်ဝႃႈမဵဝ်းၵူၼ်း ဢၼ်ဢဝ်တြႃးၵဝ် သႂၢင်းသႂ်ႇဝႆႉၵႃႈၼႂ်းႁူဝ်ၸႂ်မႅၼ်ႈၶဝ်ဢိူၺ်း။ ဢွၼ်ၵၼ်ထွမ်ႇငိၼ်းၵႂၢမ်းၵဝ်တႃႉ။ယႃႇပေမႆႈၸႂ်လူၺ်ႈ လွင်ႈဢၼ်ၵူၼ်းတင်းလၢႆတၵ်းတၢင်ႇဢပျႅတ်ႈၼၼ်ႉ။ယႃႇပေၵူဝ်ပေႁႄတၢင်းဢၼ်ၶဝ် သေႉသွမ်းၼၼ်ႉ။
၈ လွင်ႈမၼ်းၸမ်းမူင်ႈတၵ်းၶူပ်းၵိၼ်ၶဝ်မိူၼ်ၸိူဝ်ႉၼင်ႇၶူဝ်းၼုင်ႈၼၼ်ႉလႄႈ မႅင်းတၵ်းၶူပ်းၵိၼ်ၶဝ်မိူၼ်ၸိူဝ်ႉၼင်ႇၶူဝ်းၼုင်ႈၶူၼ်သူဝ်းၼၼ်ႉဢေႃႈ။တြႃးတၢင်းဢၼ်သိုဝ်ႈတေႃႇၵဝ်ၸမ်း ပဵၼ်ၼိၵ်ႉၸႃႉထႃႇဝရႃႉလႄႈ တြႃးတၢင်းဢၼ်ၵႄႇသႄႇၶျွတ်ႈဢဝ်ၵဝ်ၵေႃႈတၵ်းတႄႇယူႇၵူႈၸူဝ်ႈၵူႈပၢၼ် သိုပ်ႇသိုပ်ႇတၢမ်ႈတၢမ်ႈဢေႃႈ။
၉ ၶႅၼ်မိုဝ်းထႃႇဝရႃႉၽြႃးတီႈၶႃႈဢိူၺ်း။တိုၼ်ႇမႃးသေၵမ်းတီႈၶႃႈ။တိုၼ်ႇမႃးလႄႈဢဝ်ႁႅင်းသေၵမ်းတီႈၶႃႈ။တိုၼ်ႇမႃးမိူၼ်ၸိူဝ်ႉၼင်ႇမိူဝ်ႈၵွၼ်ႇဢွၼ်ၼႆႉၼၼ်ႉ ဢိၵ်ႇတင်းမိူဝ်ႈမိုၼ်ႉၸိုၼ်ႉသိုၼ်း ဢၼ်ယၢမ်ႈပူၼ်ႉမႃးယဝ်ႉၼၼ်ႉသေၵမ်းတီႈၶႃႈ။ၸဝ်ႈႁဝ်းပဵၼ်ၸဝ်ႈဢၼ်တႅပ်းၽၼ်းရႃႇၶပ်ႉပႅတ်ႈလႄႈ တႅင်းသႂ်ႇၼၵႃးပႅတ်ႈၼၼ်ႉ ဢမ်ႇၸႂ်ႈတီႈၶႃႈႁိုဝ်။
၁၀ ၸဝ်ႈႁဝ်းပဵၼ်ၸဝ်ႈဢၼ်ႁႂ်ႈၼမ်ႉပၢင်ႇလၢႆ၊ၼမ်ႉတီႈဢၼ်လိုၵ်ႉဢၼ်လမ်ႇတင်းလၢႆယုတ်းႁႅင်ႈလႄႈ ႁႂ်ႈတီႈဢၼ်လိုၵ်ႉဢၼ်လမ်ႇပၢင်ႇလၢႆႇတင်းလၢႆပဵၼ်သဵၼ်ႈတၢင်း တီႈဢၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ထုတ်ႇဢဝ်ၼမ်ၼႃႇ တၵ်းၸွမ်း ၵႂႃႇၼၼ်ႉဢမ်ႇၸႂ်ႈတီႈၶႃႈႁိုဝ်။
၁၁ ပိူဝ်ႈၼႆလႄႈၶဝ်ၸိူဝ်းဢၼ်ထႃႇဝရႃႉၽြႃး ထုတ်ႇဢဝ်ၼၼ်ႉတၵ်းဢွၼ်ၵၼ်ၶိုၼ်းမႃးလႄႈႁဵတ်းၵႂၢမ်းယူႇသေလႄႈ ႁွတ်ႈထိုင်ၵႃႈတီႈဝဵင်းၸိဢုၼ်ႇလႄႈတိုဝ်းသရၽူႇတၢင်းဢၼ်ၸူမ်းသိူဝ်းထႃႇဝရႃႉသေလႄႈ လႆႈဢၶႂၢင်ႉတၢင်းဢၼ်ၸူမ်းသိူဝ်း တၢင်းဢၼ်သႂၢင်ႇၸႂ်လႄႈတၢင်းဢၼ်မႆႈၸႂ်ၶီၸႂ်ဢိၵ်ႇတင်း တၢင်းဢၼ်ၶၢင်းၶီၶၢင်းၽၢၼ်ၸိူဝ်းၼၼ်ႉတၵ်းဢွၼ်ၵၼ်ဢွၵ်ႇပၢႆႈၵႂႃႇဢေႃႈ။
၁၂ ၵဝ်ၼႆႉယဝ်ႉ ၵဝ်ၼႆႉယဝ်ႉ ပဵၼ်ၵေႃႉဢၼ်ႁႂ်ႈၸႂ်သူသၢၵ်ႈသႃႇဢေႃႈ။မႂ်းပဵၼ်ၵူၼ်းၸိူဝ်ႉၼင်ႇႁိုဝ်လႄႈမႂ်းၵူဝ်ႁႄၵူၼ်းဢၼ်ၸၢင်ႊတၢႆ၊ လုၵ်ႈၵူၼ်းဢၼ်ၸၢင်ႊပဵၼ်ၸိူဝ်ႉၼင်ႇ တူၼ်ႈယိူဝ်ႈတူၼ်ႈယႃႈ ဢၼ်လူင်လိုမ်းထႃႇဝရႃႉၽြႃး ဢၼ်ႁဵတ်းပဵၼ်မႂ်းဢၼ်ၶဵင်ႈမုင်းၾႃႉၵၢင်ႁၢဝ်ဢၼ်တႄႇႁဵတ်းလိၼ်းမိူင်းၼၼ်ႉ ပႅတ်ႈသေလႄႈ တူၵ်းၸႂ်တိုၼ်ႇယူႇတင်းဝၼ်းတင်းဝၼ်းၵွပ်ႈပိူဝ်ႈတေႃးသႃႉတၢင်းၸႂ်မႆႈၶႆႈၸႃႉ ၵေႃႉဢၼ်ၼိၵ်ႈၸၢၵ်ႈငႅၼ်းသေးၼၼ်ႉ မိူဝ်ႈဢၼ်မႄးႁႅၼ်းႁႂ်ႈလႆႈယႃႉပႅတ်ႈ ၼၼ်ႉ။
၁၃ မိူဝ်ႈလဵဝ်ၼႆႉတေႃးသႃႉတၢင်းၸႂ်မႆႈၶႆႈၸႃႉၵေႃႈဢၼ်ၼိၵ်ႈၸၢၵ်ႈငႅၼ်းသေးၼၼ်ႉမီးၵႃႈ လႂ်။
၁၄ ၵေႃႉဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၼၼ်ႉ တၵ်းႁွတ်ႈထိုင်တၢင်းဢၼ်ၵႄႇသႄႇၼုၵ်ႈဢဝ် ၶၼ်ၶၼ်ၽႂ်းၽႂ်းလႄႈတၵ်းဢမ်ႇလႆႈတၢႆၵႃႈၼႂ်းထွင်ႇ။တၢင်းၵိၼ်တၢင်းၶူပ်းၶဝ်တၵ်းဢမ်ႇလႆႈထၢတ်ႇလႆႈပျၢတ်ႈ။
၁၅ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈမႂ်းဢၼ်ယႃႉတဝ်းၼမ်ႉသမ်ႇမုၵ်ႉတြႃႇလႄႈ ႁႂ်ႈလႅင်းၼမ်ႉပိူပ်ႇၼမ်ႉမၼ်းဢူၼ်ဢဵၼ်မေႃးမေးဢေႃႈ။ ၼႃႇမႃႉၸိုဝ်သဵင်မၼ်းၸဝ်ႈၼၼ်ႉၸမ်း ပဵၼ်ပူဝ်ႇပႃႇၸဝ်ႈၵၢင်ႁၢဝ်ထႃႇဝရႃႉ ၽြႃးဢေႃႈ။
၁၆ ၵဝ်ဢဝ်ၵႂၢမ်းၵဝ်သႂ်ႇဝႆႉၵႃၼႂ်းသူပ်းမႂ်းလႄႈဢဝ်မႂ်းဝႆႉၵႃႈတႂ်ႈႁူမ်ႈၵွင်ႉငဝ်းမိုဝ်းၵဝ်ႁႂ်ႈၵဝ်လႆႈႁဵတ်းပဵၼ်ၾႃႉၵၢင်ႁၢဝ်လႄႈ ၶျႃးငဝ်ႈႁၢၵ်ႈတိူၵ်ႈလိၼ်မိူင်းဝႆႉဢိၵ်ႇတင်းႁႂ်ႈလႆႈလၢတ်ႈတီႈဝဵင်းၸိဢုၼ်ႇလႄႈဝႃႈမႂ်းပဵၼ်မဵဝ်းၵူၼ်းၵဝ်ဢေႃႈ၊ ဝႃႈၼင်ႇၼႆၼၼ်ႉယဝ်ႉ။
ဝၢၼ်ႇၵွၵ်းတၢင်းၸႂ်မႆႈၽြႃးပဵၼ်ၸဝ်ႈ ဝဵင်းယေႇရုသလႅမ်ႇ ဢၼ်သူတ်ႉၵိၼ်ၵွၵ်းတေႃးသႃႉတၢင်းၸႂ်မႆႈၶႆႈၸႃႉတီႈမိုဝ်းထႃႇဝရႃႉၽြႃးဢိူၺ်း။တိုၼ်ႇမႃးတႃႉ။
၁၇ တိုၼ်ႇမႃးလႄႈလုၵ်ႉတႃႉ။မႂ်းသူတ်ႉၵိၼ်ၵွၵ်းဝၢၼ်ႇတၢင်းဢၼ်ဝင်ႇဢၼ်ဝိူဝ်ႈၼၼ်ႉမႃးယဝ်ႉ။ယိူဝ်ႇမၼ်းယေႈမၼ်းၵေႃႈမႅပ်ႇမႃးယဝ်ႉ။
၁၈ ၼႂ်းလုၵ်ႈလၢင်းၵႃႈဢၼ်မၼ်းၵိူတ်ႇလဵင်ႉမႃးၸိူဝ်းၼၼ်ႉ ဢမ်ႇမီးၵေႃႉဢၼ်ၼႄပၼ်တၢင်းတီႈမၼ်းသေၵေႃႉသေၵူၼ်း။ၼႂ်းလုၵ်ႈလၢင်းၵႃႈဢၼ်မၼ်းလဵင်ႉလူၸိူဝ်းၼၼ်ႉ ဢမ်ႇမီးၵေႃႉဢၼ်တိုတ်ႉၸုင် ဢဝ်မိုဝ်းမၼ်းသေၵေႃႉသေၵူၼ်း။
၁၉ ၽေးသွင်ပႃးဢၼ်ဝႃႈတၢင်းဢၼ်သိတ်ႇၵူၼ်းယဵၼ်ၵူၼ်းလႄႈ လူႉလႅဝ်၊တၢင်းဢၼ်ဢိုပ်းယၢၵ်ႈလႄႈ ယႃႉပႅတ်ႈလူၺ်ႈလၢပ်ႇလူၺ်ႈလႅဝ်းၼၼ်ႉႁွတ်ႈထိုင်ၵႃႈၼိူဝ်မႂ်းလႄႈ ၽူႈ လႂ်တၵ်းႁွင်ႉႁႆႈပွင်ႉၶၢင်းပုၼ်ႈမႂ်း။ၵဝ်တၵ်းပၼ်ၵတ်းယဵၼ် ၶျၢမ်းသႃႇလႆႈၸိူဝ်ႉၼင်ႇႁိုဝ်။
၂၀ လုၵ်ႈလၢင်းမႂ်းၸိူဝ်းၼၼ်ႉလိုမ်းတူဝ်လိုမ်းႁၢင်ႈယူႇဢေႃႈ။ၶဝ်ဢွၼ်ၵၼ်ၼွၼ်းယူႇၵႃႈတီႈသူပ်းတႃႈသူပ်းတၢင်း ၵႃႈမီးမိူၼ်ၸိူဝ်ႉၼင်ႇတိုင်ဢၼ်ထုၵ်ႇၶဵၼ်းမႅၼ်ႈ တူင်ႇႁဵဝ်ၼၼ်ႉလႄႈဢိမ်ႇတဵမ်ဝႆႉတင်းတေႃးသႃႉ တင်းၸႂ်မႆႈၶႆႈၸႃႉထႃႇဝရႃႉၽြႃးဢၼ်ဝႃႈ တၢင်းဢၼ်ၽြႃးပဵၼ်ၸဝ်ႈမႂ်းသင်ႇသွၼ်သုင်းမႃႉၼၼ်ႉဢေႃႈ။
၂၁ ပိူဝ်ႈၼႆလႄႈ မႂ်းဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးမဝ်းလဝ်ႈ ၼွၵ်ႈသေၼမ်ႉၸပိတ်ႉၼၼ်ႉဢိူၺ်း။
၂၂ ၸဝ်ႈမႂ်းထႃႇဝရႃႉၽြႃး ၽြႃးပဵၼ်ၸဝ်ႈမႂ်းဢၼ်ပႂ်ႉဢမူႉၵူၼ်းမၼ်းၸဝ်ႈတင်းလၢႆယူႇၼၼ်ႉ မီးဢမိင်ႉဝႆႉၸမ်း၊-တူၺ်းလူ။ၵဝ်ၼုၵ်ႈဢဝ်ၵွၵ်းတၢင်းဢၼ်ဝင်ႇဝိူဝ်ႈဢၼ်ဝႃႈၵွၵ်းဝၢၼ်ႇတေႃးသႃႉတၢင်းၸႂ်မႆႈၶႆႈၸႃႉၵဝ်ၼၼ်ႉဢွၵ်ႇသေၵႃႈၼႂ်းမိုဝ်းမႂ်းလႄႈၵမ်းလိုၼ်းမႂ်း ဢမ်ႇလႆႈ ၵိၼ်လႆႈသူတ်ႉမၼ်း။
၂၃ ၵဝ်တၵ်းဢဝ်ၵွၵ်းၼၼ်ႉဝႆႉၵႃႈၼႂ်းမိုဝ်း ၶဝ်ၸိူဝ်းဢၼ် ၼိၵ်ႈၸၢၵ်ႈငႅၼ်းသေးမႂ်းလႄႈလၢတ်ႈတီႈဝိၺိၺ်ႇမႂ်းလႄႈဝႃႈ ၵူမ်ႈမူပ်ႇယူႇႁႂ်ႈႁဝ်းလႆႈယဵပ်ႇၶၢမ်ႈၵႂႃႇၵႃႈၼိူဝ်မႂ်းတႃႉ၊ ဝႃႈၼင်ႇၼႆလႄႈမႂ်းလႆႈၼွၼ်းၶႂၢမ်ႈယဵတ်ႇတဵတ်ႇယူႇပဵၼ်ၸိူဝ်ႉၼင်ႇၽႅၼ်ႇလိၼ်ဢိၵ်ႇတင်း ပဵၼ်ၸိူဝ်ႉၼင်ႇသဵၼ်ႈတၢင်းၼၼ်ႉတီႈၶဝ်ၸိူဝ်းဢၼ် ၵႂႃႇတၢင်းပႆတၢင်းၼၼ်ႉဢေႃႈ။