၄၇
တၢင်းဢၼ်မိူင်းပႃႇပုလုၼ်ႇလူႉသုမ်း
၁ ၵၢၼ်ႇၺႃႇလုၵ်ႈယိင်းပုႇပုလုၼ်ႇဢိူၺ်း။လူင်းလႄႈၼင်ႈယူႇၵႃႈၼႂ်းမုၼ်ႈလိၼ်တႃႉ။
လုၵ်းယိင်းၶႃႇလတေႇဢိူၺ်း။ယင်းဢမ်ႇမီးရႃႇၸႃႉပလၢင်ႇလႄႈၼင်ႈယူႇၵႃႈၼိူဝ်လိၼ်တႃႉ။ၵမ်းလိုၼ်းမႂ်းဢမ်ႇလႆႈၶၢမ်ႇ တၢင်းဢၼ်ႁွင်ႉႁိၵ်ႈဝႃႈၵေႃႉဢၼ်ၼုမ်ႇလီၼုတ်းလီလႄႈဢူၼ်ႈလီဢွၼ်ႇလီဝႃႈၼင်ႇၼႆ ၼၼ်ႉ။
၂ ဢဝ်လုၺ်ၶိုတ်ႈၶဝ်သေလႄႈၶိုတ်ႈၶဝ်တႃႉ။ၽုၺ်ႇပိုတ်ႇၽႃႈႁူမ်ႇၼႃႈမႂ်းပႅတ်ႈလႄႈ ထွတ်ႇသိူဝ်ႈဢၼ်ယၢဝ်းမႂ်းပႅတ်ႈတႃႉ။ ဝူတ်ႈၶူဝ်းၼုင်ႈၶႃႈမႂ်းသေလႄႈၶၢမ်ႈၼမ်ႉႁွင်ႊတႃႉ။
၃ မႂ်းတၵ်းလႆႈယူႇတူဝ်ပူၺ်လႄႈၶၢမ်ႇတၢင်းဢၼ်ဢူၵ်းဢၼ်ဢၢႆဢေႃႈ။ၵဝ်တၵ်းပၼ်တၢမ်ႇဢပျႅတ်ႈလႄႈ တၵ်းဢမ်ႇႁဵတ်းမိၵ်ႈသႁႃႇယႃႉ တၢင်းဢၼ်ထုၵ်ႇၵၼ်တင်းၽူႈ လႂ်။
၄ ၸဝ်ႈဢၼ်ထုတ်ႇဢဝ်ႁဝ်းၼၼ်ႉၸမ်းမီးၼႃႇမႃႉၸိုဝ်ႈသဵင်ဢၼ်ဝႃႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ၽြႃးဢၼ်မူတ်းၸၢင်ႇမဵဝ်းဢိသရေႇလဢေႃႈ။
၅ လုၵ်ႈယိင်းၶႃႇလတေႇဢိူၺ်း။ၼင်ႈယူႇတဵတ်ႇတဵတ်ႇယဵၼ်ယဵၼ်တႃႉ။ၵႂႃႇၵႃႈတီႈဢၼ်လပ်းသိင်ႇလပ်းငုမ်းတႃႉ။ၵမ်းလိုၼ်းမႂ်းဢမ်ႇလႆႈၶၢမ်ႇတၢင်းဢၼ်ႁွင်ႉႁိၵ်ႈ ဝႃႈၼင်ႇၸဝ်ႈသိုင်ႇၸဝ်ႈမိူင်းဝႃႈၼင်ႇၼႆဢေႃႈ။
၆ ၵဝ်ၸႂ်မႆႈၶႆႈၸႃႉတီႈၵူၼ်းၵဝ်တင်းလၢႆလႄႈၵဝ်ဢဝ်ဢမူၺ်ႇၵဝ်ၶျႃးတူၵ်းတီႈတႅမ်ႇသေလႄႈ ဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းမႂ်းလႄႈ မႂ်းဢမ်ႇမီးၸႂ်ဢၼ်ဢိတ်းလူၶဝ်၊ မႂ်းဢဝ်ၵၢၼ်းဢၼ်ၼၵ်းၼႃတၢင်ႇသႂ်ႇပၼ်ၵႃႈ ၼိူဝ်ၶဝ်ၸိူဝ်းဢၼ်ဢသၢၵ်ႈၵႄႇထဝ်ႈၼၼ်ႉယဝ်ႉ။
၇ မႂ်းလႆႈလၢတ်ႈလႄႈဝႃႈၵဝ်တၵ်းႁဵတ်းၸဝ်ႈၼင်ႈယူႇတႃႇသေႇဢေႃႈ၊ဝႃႈၼင်ႇၼႆယူႇတေႃႇထိုင်ႁွတ်ႈထၼ်ႈပေႃး မႂ်းဢမ်ႇၶႆႈၸႂ်ဝူၼ်ႉၸႂ်လူၺ်ႈလွင်ႈတၢင်းၸိူဝ်းၼႆႉလႄႈမႂ်းဢမ်ႇၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းဢၼ်တၵ်းပဵၼ်မႃးလိုၼ်းလင်သုတ်းၸိူဝ်း ၼၼ်ႉ။
၈ ပိူဝ်ႈၼႆလႄႈၵေႃႉဢၼ်မူၼ်ႈပျေႃႇယူႇၼႂ်းၵႃႇမႃႉၵုင်ႇလႄႈယင်းဢမ်ႇၶႆႈၸႂ်လူၺ်ႈလွင်ႈၽေးရၢၼ်ႇလႄႈယူႇဢၼ်ထၢင်ႇၼႂ်းၸႂ်လႄႈ ဝႃႈၵဝ်မီးယူႇဢေႃႈ။ၼွၵ်ႈသေၵဝ်ၼႆႉဢမ်ႇမီးၽူႈ လႂ်သေၵေႃႉသေၵူၼ်း။ၵဝ်ဢမ်ႇလႆႈၼင်ႈသေလႄႈ ယူႇၸိူဝ်ႉၼင်ႇမေႈမုၵ်ႉမေႈမၢႆႈ။ၵဝ်ဢမ်ႇလႆႈၶၢမ်ႇ တၢင်းဢၼ်လုၵ်ႈလၢင်းတၢႆ ဝႃႈ ၼင်ႇၼႆၼၼ်ႉဢိူၺ်း။
၉ ထွမ်ႇငိၼ်းတႃႉ။ၼႂ်းဝၼ်းၼိုင်ႈၵူၺ်းၽေးသွင်ပႃးဢၼ်ဝႃႈ တၢင်းဢၼ်လုၵ်ႈလၢင်းတၢႆဢိၵ်ႇတင်း တၢင်းဢၼ်ၽူဝ်တၢႆၼၼ်ႉတၵ်းႁွတ်ႈထိုင်ၵႃႈၼိူဝ်မႂ်းဢေႃႈ။တၵ်းႁွတ်ႈထိုင်ၵႃႈၼိူဝ်မႂ်းတင်းသဵင်ႈတင်းမူတ်း ထူၼ်ႈထူၼ်ႈတဵမ်တဵမ် ၼႂ်းတၢင်းဢၼ်မႂ်းလုမ်းလႃး ဢတၢတ်ႈဢၼ်ႁဵတ်းတီႈပိူၼ်ႈတင်းလၢႆၼမ်ၼႃႇဢိၵ်ႇတင်း တၢင်းဢၼ်မႂ်းႁဵတ်းဢတၢတ်ႈၽီဝိၵ်ႉၸႃႇ ၼမ်ၼႃႇလူင်လၢင် ၸိူဝ်းၼၼ်ႉ ဢေႃႈ။
၁၀ မႂ်းသွၼ်ႈပိုင်ႈတၢင်းဢၼ်ႁၢႆႉဢၼ်ႁုၵ်းဢၼ်မႂ်းႁဵတ်းၼၼ်ႉယဝ်ႉ။မႂ်းလဝ်ႈလၢတ်ႈလႄႈဝႃႈၽူႈ လႂ်ဢမ်ႇႁၼ်ၵဝ်သေၵေႃႉသေၵူၼ်းဝႃႈၼင်ႇၼႆယဝ်ႉယဝ်ႉ ၺၢၼ်ႇမႂ်းဢိၵ်ႇတင်း ဢတၢတ်ႈပိင်ႇၺႃႇမႂ်းၼၼ်ႉၶႂၢမ်ႈပိၼ်ႈၸႂ်မႂ်းပႅတ်ႈလႄႈ မႂ်းလၢတ်ႈၼႂ်းၸႂ်မႂ်းလႄႈဝႃႈၵဝ်မီးယူႇဢေႃႈ။ၼွၵ်ႈသေၵဝ်ၼႆႉဢမ်ႇမီးၽူႈ လႂ်သေၵေႃႉသေ ၵူၼ်းဝႃႈၼင်ႇၼႆယဝ်ႉယဝ်ႉ။
၁၁ ပိူဝ်ႈၼႆလႄႈၽေးဢူးပၢတ်ႈဢၼ်မႂ်းဢမ်ႇႁူႉဢမ်ႇႁၼ် တီႈသုတ်းတီႈၵွႆလႆႈၼၼ်ႉတၵ်းႁွတ်ႈထိုင်ၵႃႈၼိူဝ်မႂ်းလႄႈ တၢမ်ႇဢပျႅတ်ႈဢၼ်မႂ်းဢမ်ႇၽႄႇလႆႈၼၼ်ႉ တၵ်းတူၵ်းႁွတ်ႈၵႃႈၼိူဝ်မႂ်းဢေႃႈ။တၢင်းဢၼ်ယႃႉၽဵဝ်ႈပႅတ်ႈဢၼ်မႂ်းဢမ်ႇမုင်ႈ မွင်းၼၼ်ႉ တၵ်းၶီႉၶႃႉႁွတ်ႈထိုင်ၵႃႈၼိူဝ်မႂ်းဢေႃႈ။
၁၂ ဢိင်ဢတၢတ်ႈၽီဝိၵ်ႉၸႃႇမႂ်း ဢိၵ်ႇတင်းဢတၢတ်ႈဢၼ်မႂ်းႁဵတ်းတီႈပိူၼ်ႈၼမ်ၼႃႇၵူႈၸိူဝ်ႉၵူႈပိူင် ဢၼ်မႂ်းၵႆႉၵျူဝ်းၸႃးၸႃႉၸဵမ်မိူဝ်ႈဢၼ် ဢသၢၵ်ႈဢရွႆႇမႂ်းယင်းလဵၵ်ႉယင်းဢွၼ်ႇၼၼ်ႉၸိူဝ်းၼၼ်ႉသေလႄႈ တႄႇယူႇတႃႉ။ပေႃးလီလႆႈဢၵျူဝ်းၸိုင်ၸၢင်ႊၶေးတၵ်းလႆႈဢေႃႈ။
၁၃ မႂ်းယၢပ်ႇၸႂ်ၶၢၼ်ၸႂ်ၼႃႇလူင်လၢင်ၵွပ်ႈပိူဝ်ႈတၢင်းဢၼ်မႂ်းတိူင်ႇပၢင်ႇၵၼ်ၼမ်ၼႃႇၼၼ်ႉယဝ်ႉ။ ႁႂ်ႈၶဝ်ၸိူဝ်းဢၼ်လူတူၺႃ်းႉၵၢင်ႁၢဝ် လႂ်၊ ၶဝ်ၸိူဝ်းဢၼ်မၢတ်ႈတွင်းလွင်ႈလၢဝ်ႈၼၢၵ်ႈၶၢတ်ႈ လႂ်၊ ၶဝ်ၸိူဝ်းဢၼ်ၸၢင်ႊတူၺ်းႁၢင်ႊၽၢင်လိူၼ်ၼၼ်ႉသေလႄႈ ႁေႃးလၢတ်ႈ လွင်ႈတၢင်းဢၼ်တၵ်းပဵၼ်မႃးမိူဝ်ႈ လႂ်ၸိူဝ်းၼၼ်ႉလုၵ်ႉလႄႈၵႄႇသႄႇၶျွတ်ႈဢဝ်မႂ်းမိူဝ်ႈလဵဝ်ၼႆႉ သေၵမ်းလူၺ်ႈ။
၁၄ တူၺ်းလူ။ၶဝ်ၼၼ်ႉတၵ်းလႆႈပဵၼ်ၸိူဝ်ႉၼင်ႇမုၼ်ႈဢၢင်ဢၢၵ်ႇလႄႈ ၽႆးတၵ်းမႆႈၶဝ်ပႅတ်ႈဢေႃႈ။ၶဝ်ဢမ်ႇလႆႈၵႄႇသႄႇၼုၵ်ႈဢဝ်တူဝ်ၶဝ်ၵႃႈၼႂ်းပိဝ်ၽႆးၼၼ်ႉ။တၵ်းဢမ်ႇပဵၼ်ထၢၼ်ႇၽႆးပုၼ်ႈဢၼ် တၵ်းဢုၼ်ႇ၊ၽႆးပုၼ်ႈဢၼ်တၵ်းဢွမ်ႇလႃးလႃး။
၁၅ ၶဝ်ၸိူဝ်းဢၼ်ၽွမ်ႉႁူမ်ႈလူၺ်ႈၵၼ်တင်းမႂ်းသေလႄႈသၢင်ႈႁဵတ်းၵၢၼ်ငၢၼ်းၼၼ်ႉတၵ်းပဵၼ်ၸိူဝ်ႉၼင်ႇၼၼ်ၵႃႈတီႈမႂ်းလႄႈ ၶဝ်ၸိူဝ်းဢၼ်ၵႃႉၶၢႆလူၺ်ႈၵၼ်တင်းမႂ်းၸႃႉၸဵမ်မိူဝ်ႈဢၼ်မႂ်း ယင်းလဵၵ်ႉယင်းဢွၼ်ႇၼၼ်ႉ တၵ်းဢွၼ်ၵၼ်ဝႄႈၵႂႃႇၸူးၵႃႈတီႈဢၼ်ၶဝ်ယူႇၼၼ်ႉႁင်းၽႂ်ႁင်းမၼ်းလႄႈ ဢမ်ႇလႆႈမီးၵေႃႉဢၼ်ၵႄႇသႄႇၶျွတ်ႈဢဝ်မႂ်းသေၵေႃႉသေၵူၼ်း။