၁၅
ပျႃႇတိၵ်ႈမေႃႇၽ
၁ ပျႃႇတိၵ်ႈၸဝ်ႈ လူၺ်ႈလွင်ႈမိူင်းမေႃႇၽၸမ်း ၼႂ်းၶိုၼ်းၼိုင်ႈၵူၺ်းဝဵင်းဢႃႇရမိူင်းမေႃႇၽ တၵ်းလူႉလႅဝ်လႄႈယဵၼ်ႁၢႆၵႂႃႇဢေႃႈ။ ၼႂ်းၶိုၼ်းၼိုင်ႈၵူၺ်းဝဵင်းၵိရမိူင်း မေႃႇၽလူႉလႅဝ်လႄႈယဵၼ်ႁၢႆၵႂႃႇဢေႃႈ။
၂ မၼ်းၶိုၼ်းၵႂႃႇၵႃႈတီႈဝဵင်းပႃႇယိတ်ႉတင်းဝဵင်းတိၽုၼ်ႇ ၸူးၵႃႈတီႈထႃႇၼႃႉတီႈသုင်တင်းလၢႆႁႂ်ႈလႆႈႁႆႈႁွင်ႉဢေႃႈ။
မိူင်းမေႃႇၽ တၵ်းၶၢင်းၶီၶၢင်းၽၢၼ်ၵႃႈၼိူဝ်ဝဵင်းၼေႇပေႃႇတင်းဝဵင်းမေႇတၽ ၼၼ်ႉလႄႈၵႃႈတီႈႁူဝ်ၶဝ်ဢမ်ႇမီး ၶူၼ်ႁူဝ်။
၃ ၼူတ်ႇၵၢင်းၶဝ်ၵေႃႈ လႆႈၶၢမ်ႇတၢင်းဢၼ်ထႃပႅတ်ႈယဝ်ႉ။ ၶဝ်ဢွၼ်ၵၼ်ၼုင်ႈၼင်ပေႃယူႇၵႃႈၼႂ်းၶူၼ်တၢင်းတင်းလၢႆလႄႈ ၶဝ်ၵႃႈမီးတင်းသဵင်ႈတင်းလူင်ဢွၼ်ၵၼ် ၼမ်ႉတႃတူၵ်းၼမ်ၼႃႇလူင်လၢင်ယူႇသေလႄႈ ႁွင်ႉႁႆႈပွင်ႉၶၢင်းယူႇၵႃႈၼိူဝ်မုင်းႁိူၼ်းတင်းလၢႆဢိၵ်ႇတင်းၵႃႈၼႂ်းၶူၼ်တၢင်းလူင်တင်းလၢႆဢေႃႈ။
၄ ဝဵင်းႁေႇသၽုၼ်ႇ ဢိၵ်ႇတင်းဝဵင်းဢေႇလႃႇလေႇၸိူဝ်းၼၼ်ႉၵေႃႈဢွၼ်ၵၼ်ႁွင်ႉႁႆႈလႄႈသဵင်ႁႆႈၼၼ်ႉ လႆႈငိၼ်းၵႂႃႇတေႃႇထိုင်ႁွတ်ႈဝဵင်းယႃႇႁတ်ႉဢေႃႈ။ပိူဝ်ႈၼႆလႄႈၵူၼ်းသိုၵ်းမေႃႇၽ တင်းလၢႆဢွၼ်ၵၼ်ႁွင်ႉႁႆႈလႄႈမီးႁူဝ်ၸႂ်ဢၼ်သၼ်ႇဝႆဝႆႉဢေႃႈ။ႁူဝ်ၸႂ်ၵဝ်ႁွင်ႉႁႆႈပုၼ်ႈ မေႃႇၽဢေႃႈ။
၅ ၶဝ်ၸိူဝ်းဢၼ်ဢွၵ်ႇပၢႆႈၼၼ်ႉဢွၼ်ၵၼ်ၵႂႃႇတေႃႇထိုင်ႁွတ်ႈဝဵင်းတေႃႇရ မိူၼ်ၸိူဝ်ႉၼင်ႇဝူဝ်းမေႈ
ဢၼ်ဢသၢၵ်ႈလႆႈသၢမ်ပီႊၼၼ်ႉဢေႃႈ။ၶဝ်ဢွၼ်ၵၼ်မီးတၢင်းဢၼ်ၼမ်ႉတႃတူၵ်းယူႇသေလႄႈ ၶိုၼ်ႈၵႃႈၼိူဝ်လွႆလုႁိတ်ႉ လႄႈ ဢွၼ်ၵၼ်ပွႆႇသဵင်တၢင်းဢၼ်သုမ်းဢၼ်ၸွမ်း ၵႃႈၼႂ်းသဵၼ်ႈတၢင်းဢၼ်ၵႂႃႇၵႃႈတီႈ ဝဵင်းႁေႃႇရၼိမ်ႇၼၼ်ႉဢေႃႈ။
၆ လွင်ႈမၼ်းၸမ်းၼမ်ႉၼွင်ၼိမ်ႇရိမ်ႇ ၸိူဝ်းၼၼ်ႉမီးတၢင်းဢၼ်သိတ်ႇယဵၼ်လႄႈ တူၼ်ႈယိူဝ်ႈတူၼ်ႈယႃႈႁဵဝ်ႇၵႂႃႇႁႅင်ႈၵႂႃႇယဝ်ႉ။တူၼ်ႈၵႃႈတူၼ်ႈၵဵင်ၵေႃႈလွၵ်ႇၵႂႃႇတၢႆၵႂႃႇယဝ်ႉ။တူၼ်ႈဢၼ်ၼုမ်ႇလီၶဵဝ်လီဢမ်ႇမီးသေတူၼ်ႈသေဢၼ်။
၇ ပိူဝ်ႈၼႆလႄႈ ၶဝ်တၵ်းဢွၼ်ၵၼ်ဢဝ်ဢုၵ်ႉၸႃႇဢၼ်ၶဝ်ၵဵပ်းႁွမ်တွမ်ဝႆႉဢိၵ်ႇတင်း ၽၼ်ႇတႃႇဢၼ်ၶဝ်မႅတ်ႇဝႆႉသိမ်းဝႆႉၼၼ်ႉ ၵႂႃႇၸူးၵႃႈတီႈၶူင်ႈႁူၺ်ႈတူၼ်ႈမူဝ်မၶၼၼ်ႉဢေႃႈ။
၈ သဵင်ဢၼ်ႁွင်ႉႁႆႈၼၼ်ႉၸွတ်ႇတူဝ်ႈမိူင်းမေႃႇၽ လႄႈသဵင်ဢၼ်ၶၢင်းၶီၶၢင်းၽၢၼ်ၼၼ်ႉၽႅဝ်ၵႂႃႇတေႃႇထိုင်ႁွတ်ႈဝဵင်းဢေႇၵလိမ်ႇ ဢိၵ်ႇတင်းတေႃႇ ထိုင်ႁွတ်ႈဝဵင်းပေႇရႃႉဢေႇလိမ်ႇဢေႃႈ။
၉ လွင်ႈမၼ်းၸမ်းၼမ်ႉဝဵင်းတိမုၼ်ႇ ၸိူဝ်းၼၼ်ႉတဵမ်ဝႆႉတင်းလိူတ်ႈဢေႃႈ။ၵဝ်တၵ်းႁႂ်ႈၽေးႁွတ်ႈထိုင် ၵႃႈၼိူဝ်ဝဵင်းတိမုၼ်ႇၼၼ်ႉလႄႈ တၵ်းႁႂ်ႈသၢင်ႇသီႈႁွတ်ႈထိုင်ၵႃႈၼိူဝ်ၵူၼ်းမိူင်းမေႃႇၽ ဢၼ်ဢွၵ်ႇပၢႆႈလႄႈလွတ်ႈၽေးလွတ်ႈရၢၼ်ႇဢိၵ်ႇတင်းၵႃႈၼိူဝ်ၵူၼ်းဝၢၼ်ႈၵူၼ်းမိူင်း ဢၼ်ၵိုတ်းဢၼ်ၵျၢၼ်ႇဝႆႉၸိူဝ်းၼၼ်ႉဢေႃႈ။