၃၃
တၢင်းဢၼ်ၵၢဝ်ႇတိူင်ႇႁွင်ႉႁႃလႄႈတၢင်းၸွႆႈထႅမ်
၁ မႂ်း ဢၼ်ယင်းဢမ်ႇပႆႇၶၢမ်ႇ တၢင်းဢၼ်ပိူၼ်ႈႁိမ်ဢဝ်ႁူင်ႇဢဝ်လႄႈၸၢင်ႊႁိမ်ၸၢင်ႊႁူင်ႇဢဝ်တီႈပိူၼ်ႈ၊မႂ်း ဢၼ်ယင်းဢမ်ႇၶၢမ်ႇတၢင်းဢၼ်ပိူၼ်ႈပႅတ်ႉလႅၼ်လႄႈ ၸၢင်ႊပႅတ်ႉလႅၼ်ပိုၼ်ႈၼႆႉ မီးဢႃႉမၢင်ႇၵလႃႇဢေႃႈ။မိူဝ်ႈဢၼ်မႂ်းထၢတ်ႇသေတၢင်းဢၼ်မႂ်းႁိမ်ဢဝ်ႁူင်ႇဢဝ်ၼၼ်ႉ မႂ်းတၵ်းလႆႈၶၢမ်ႇတၢင်းဢၼ်ႁိမ်ဢဝ်ႁူင်ႇဢဝ်လႄႈ မိူဝ်ႈဢၼ်မႂ်းၵိုတ်းသေတၢင်းဢၼ်မႂ်းပႅတ်ႉ မႂ်း လႅၼ်ၼၼ်ႉၶဝ်တၵ်းဢွၼ်ၵၼ်ပႅတ်ႉလႅၼ်မႂ်းဢေႃႈ။
၂ ထႃႇဝရႃႉၽြႃးတီႈၶႃႈ။ၶႅၼ်းတေႃႈဢိတ်းလူၶႃႈၸဝ်ႈႁဝ်းၶဝ်သေၵမ်းတီႈၶႃႈ။ၶႃႈၸဝ်ႈႁဝ်းၶဝ်မုင်ႈမွင်းၸဝ်ႈႁဝ်းယူႇတီႈၶႃႈဢေႃႈ။ၶႅၼ်းတေႃႈပဵၼ်ၶႅၼ်ပဵၼ်မိုဝ်းၶဝ်ယူႇၵူႈၼႂ်သေၵမ်းတီႈၶႃႈ။ၶႅၼ်းတေႃႈပဵၼ်တၢင်းဢၼ်ၵႄႇသႄႇၶျွတ်ႈဢဝ် ၶႃႈၸဝ်ႈႁဝ်းၶဝ်ၼႂ်းမိူဝ်ႈဢၼ်ၽေးႁွတ်ႈထိုင်ၼၼ်ႉသေၵမ်းတီႈၶႃႈ။
၃ မဵဝ်းၵူၼ်းတင်းလၢႆ ဢွၼ်ၵၼ်ပၢႆႈၵွပ်ႈပိူဝ်ႈသဵင်ဢၼ်ဢူၼ်ဢဵၼ်မေႃးမေးလႄႈ ၵူၼ်းၵူႈၸိူဝ်ႉၵူႈမဵဝ်းလႆႈၶၢမ်ႇတၢင်းဢၼ်ၽူင်ႉပၢႆႈယၢႆႈၼီၵႂႃႇ ၼႂ်းမိူဝ်ႈဢၼ်ၸဝ်ႈ ႁဝ်းလုၵ်ႉၼၼ်ႉဢေႃႈ။
၄ ၶွင်ၶူဝ်းသူဢၼ်ႁိမ်ဢဝ်ႁူင်ႇဢဝ်လႄႈလႆႈၼၼ်ႉ တၵ်းလႆႈၶၢမ်ႇတၢင်းဢၼ်သိမ်းဢဝ်မိူၼ်ၸိူဝ်ႉၼင်ႇဢၼ်မႅင်းၵႅင်းသိမ်းဢဝ်ၼၼ်ႉဢေႃႈ။ၶဝ်တၵ်းလႅၼ်ႈဢႅၼ်ႇၵႂႃႇဢႅၼ်ႇမႃးယူႇ ၵႃႈၼိူဝ်ၶွင်ၶူဝ်းသူမိူၼ်ၸိူဝ်ႉၼင်ႇဢၼ် မႅင်းၵႅင်းတင်းလၢႆလႅၼ်ႈဢႅၼ်ႇၵႂႃႇဢႅၼ်ႇမႃးၼၼ်ႉဢေႃႈ။
၅ ထႃႇဝရႃႉၽြႃးမီးတၢင်းဢၼ်ယုၵ်ႉယွင်ႈယူႇဢေႃႈ။လွင်ႈမၼ်းၸမ်းမၼ်းၸဝ်ႈယူႇၵႃႈတီႈဢၼ်သုင်ၼၼ်ႉဢေႃႈ။မၼ်းၸဝ်ႈႁႂ်ႈဝဵင်းၸိဢုၼ်ႇတဵမ်ဝႆႉတင်းတၢင်း ဢၼ်တႅပ်းတတ်းၸွမ်းၼင်ႇတြႃးဢိၵ်ႇတင်းတၢင်းဢၼ်ၸီႇယၢင်ႇ သိုဝ်ႈသိုဝ်ႈတေႃႇတေႃႇဢေႃႈ။
၆ တၵ်းလႆႈ မီးတၢင်းဢၼ်တႄႇၼိမ်မၼ်ႈၶိူင်ႇၼႂ်းၸူဝ်ႈပၢၼ်မႂ်းတၢင်းဢၼ်ၵႄႇသႄႇၶျွတ်ႈဢဝ် ဢၼ်လိူင်ႇၼမ်ၼႃဢိၵ်ႇတင်းၺၢၼ်ႇ တင်းတၢင်းဢၼ်ႁူႉဢၼ်ၸၢင်ႊလႄႈ တၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉတၵ်းပဵၼ်ၽၼ်ႇတႃႇမႂ်းဢေႃႈ။
၇ တူၺ်းလူ။ၵူၼ်းႁတ်းၵူၼ်းႁၢၼ်မႂ်းၸိူဝ်းၼၼ်ႉဢွၼ်ၵၼ်သႅၼ်ႇႁွင်ႉယူႇၵႃႈတီႈၽၢႆႇၼွၵ်ႈလႄႈ သၢၼ်ႇတမၢၼ်ႇၸဝ်ႈ ဢၼ်လၢတ်ႈၵႂၢမ်းမိၵ်ႈသႁႃႇယႃႉၸိူဝ်းၼၼ်ႉ ဢွၼ်ၵၼ်ႁႆႈႁွင်ႉယူႇ ႁႅင်းယႂ်ႇၼႃႇလူင်လၢင် ဢေႃႈ။
၈ သဵၼ်ႈတၢင်းလူင်းတင်းလၢႆပဵၼ်ဢၼ်သိတ်ႇဢၼ် ယဵၼ်ဝႆႉလႄႈ ဢမ်ႇမီးၵေႃႉဢၼ်ၵႂႃႇဢၼ်မႃး။ၶုၼ်ၼၼ်ႉသႅတ်ႉၸႃႇလူႉယဝ်ႉ။ မၼ်းႁဵတ်းဢမ်ႇပေႃး ၼင်ႇႁိုဝ်တီႈဝဵင်းတင်းလၢႆယဝ်ႉ။
၉ မၼ်းဢမ်ႇၸၢင်ႊတူၺ်းၼႃႈၽူႈ လႂ်။မိူင်းၸဝ်ႈတမ်ႇၼွႆႉမွင်ၸႂ်လႄႈႁႅင်းဢူၼ်ႈယူႇဢေႃႈ။ထိူၼ်ႇလေႇပၼုၼ်ႇဢူၵ်းဢၢႆလႄႈႁဵဝ်ႇၵႂႃႇၸွပ်ႈၵႂႃႇယူႇဢေႃႈ။တီႈသႃႇရုၼ်ႇၼၼ်ႉပဵၼ်ၸိူဝ်ႉၼင်ႇထိူၼ်ႇၼင်ႇၶိူဝ်းလႄႈ လွႆပႃႇသုၼ်ႇဢိၵ်ႇတင်းလွႆၵရႃႉမေႇလၽိတ်ႈ သၼ်ႇမႂ်ႊၶဝ်ၼၼ်ႉပႅတ်ႈယူႇဢေႃႈ။
၁၀ ထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းလုၵ်ႉမိူဝ်ႈလဵဝ်ၼႆႉဢေႃႈ။ၵဝ်တၵ်းယုၵ်ႉယွင်ႈတူဝ်ၸဝ်ႈၵဝ်ႇလႄႈၶၢမ်ႇတၢင်းဢၼ်ယုၵ်ႉယွင်ႈတေႃႈလဵဝ်ၼႆႉဢေႃႈ။
၁၁ သူတၵ်းလႆႈပႃးပတိၵ်ႉသၼ်ႇထေႇၵႅပ်ႇလႄႈ ၵိူတ်ႇလဵင်ႉမုၼ်ႈဢၢင်ဢၢၵ်ႇဢေႃႈ။တၢင်းဢၼ်ထူၺ်ႈၸႂ်သူတၵ်း ပဵၼ်ၽႆးဢၼ်တၵ်းမႆႈသူပႅတ်ႈဢေႃႈ။
၁၂ မဵဝ်းၵူၼ်းတင်းလၢႆတၵ်းပဵၼ်ၸိူဝ်ႉၼင်ႇဢၼ်ၽဝ်မၢၵ်ႇႁိၼ်ထုၼ်ၼၼ်ႉဢိၵ်ႇတင်း ၸိူဝ်ႉၼင်ႇဢၼ်တီႈၽၼ်းတူၼ်ႈ ၼၢမ်သေလႄႈတုတ်ႇၽႆးၼၼ်ႉဢေႃႈ။
၁၃ သူၸိူဝ်းဢၼ်မီးတီႈၵႆၶဝ်ဢိူၺ်း။ဢွၼ်ၵၼ်ထွမ်ႇငိၼ်းလွင်ႈတၢင်းဢၼ်ၵဝ်ႁဵတ်းယဝ်ႉၼၼ်ႉတႃႉ။ သူၸိူဝ်းဢၼ်မီးတီႈၸမ်ႈ ၶဝ်ဢိူၺ်း။ဢွၼ်ၵၼ်ႁပ်ႉတုင်းဢဝ်တၼ်းၶူဝ်း ၵဝ်တႃႉ။
၁၄ ၵူၼ်းဝဵင်းၸိဢုၼ်ႇဢၼ်မီးဢပျႅတ်ႈၸိူဝ်းၼၼ်ႉ ဢွၼ်ၵၼ်မီးတင်းဢၼ်ၵူဝ်ႁႄလႄႈ တၢင်းဢၼ်တူၵ်းၸႂ်သၼ်ႇဝႆႁွတ်ႈထိုင်ၵႃႈၼိူဝ်ၶဝ်ၸိူဝ်းဢၼ်ႁဵတ်းဢမ်ႇတြႃးၼၼ်ႉဢေႃႈ။ ၼႂ်းႁဝ်းၼႆႉၽူႈ လႂ်တၵ်းလႆႈယူႇၵႃႈၼႂ်းၽႆးဢၼ်မႆႈၼၼ်ႉ။ၼႂ်းႁဝ်းၼႆႉၽူႈ လႂ်တၵ်းလႆႈယူႇၵႃၼႂ်းၽႆးထႃႇဝရႃႉ။
၁၅ ၵေႃႉဢၼ်ၵမ်ၵျၢင်ႉၸွမ်းၼင်ႇတြႃးၼၼ်ႉလႄႈ လၢတ်ႈသိုဝ်ႈသိုဝ်ႈရူဝ်းရူဝ်း၊ ၵေႃႉဢၼ်လီႁင်ႈဢဵတ်ႇသဵတ်ႇငိုၼ်းဢၼ်လႆႈ ၵွပ်ႈပိူဝ်ႈတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉလႄႈၽႅတ်းပႅတ်ႈသၼ်ႇပႅတ်ႈ လၢၵ်ႈသွင်ႇသေၵႃႈတီႈမိုဝ်းမၼ်း၊ၵေႃႉဢၼ်ဢိုတ်းႁူပႅတ်ႈသေတၢင်းဢၼ်လႆႈငိၼ်း လွင်ႈဢၼ်ထွၵ်ႇလိူတ်ႈပိူၼ်ႈပႅတ်ႈလႄႈ လပ်းတႃပႅတ်ႈလႄႈတၢင်းဢၼ်ႁၼ်လွင်ႈဢၼ်ႁၢႆႉဢၼ်မိူၵ်ႈၼၼ်ႉ တၵ်းလႆႈယူႇၵႃႈတီႈဢၼ် သုင်ဢေႃႈ။
၁၆ တီႈဢၼ်မၼ်းသွၼ်ႈပိုင်ႈၼၼ်ႉတၵ်းလႆႈပဵၼ်မၢၵ်ႇႁိၼ်မၢၵ်ႇၽႃ တီႈဢၼ်မၼ်ႈဢၼ်ၶိူင်ႇၼၼ်ႉဢေႃႈ။မၼ်းတၵ်းလႆႈၶၢမ်ႇဢဝ်တၢင်းဢၼ်ပၼ်တၢင်းၵိၼ်တၢင်းၶူပ်းတီႈမၼ်းယူႇလႄႈ ၼမ်ႉၵိၼ်မၼ်းၵေႃႈ တၵ်းလႆႈမီးယူႇသေႇသေႇဢေႃႈ။
၁၇ မၢၵ်ႇတႃမႂ်းတၵ်းလႆႈႁၼ်သရေႇ တၢင်းဢၼ်ႁၢင်ႊလီႁၢင်ႊငၢမ်းၶုၼ်ႁေႃၶမ်းလႄႈ တူၺ်းႁၼ်မိူင်းဢၼ်ၵႆၼႃႇၼၼ်ႉဢေႃႈ။
၁၈ ႁူဝ်ၸႂ်မႂ်းတၵ်းၶုၵ်းၸႂ်လႆႈၶႆႈထူပ်း လွင်ႈတၢင်းဢၼ်လီၵူဝ်လီႁႄၼၼ်ႉဢေႃႈ။ၵေႃႉဢၼ်ၼပ်ႉဢၢၼ်ႇဢဝ်ၸရၢင်းၼၼ်ႉမီးယူႇၵႃႈ လႂ်ႈ။ၵေႃႉဢၼ်ၸင်ႈႁိဝ်ႈဢဝ်ၶွၼ်ႇဢဝ်ၸဵင်ၼၼ်ႉမီးယူႇၵႃႈ လႂ်။ၵေႃႉဢၼ်ၼပ်ႉဢၼ်ႇထဵင် လၢင်းတင်းလၢႆၼၼ်ႉမီးယူႇၵႃႈ လႂ်။
၁၉ မႂ်းတၵ်းဢမ်ႇလႆႈတူၺ်းႁၼ်ၵူၼ်းမဵဝ်းဢၼ်လၢတ်ႈၵႂၢမ်းဢၼ်လိုၵ်ႉဢၼ်လမ်ႇထၼ်ႈပေႃး ဢမ်ႇၶဝ်ႈႁူမ်ႈလႆႈ၊ၵႂၢမ်းဢၼ် ယၢပ်ႇၽိုတ်ႇၼႃႇထၼ်ႈပေႃးမႂ်းဢမ်ႇႁူႉလႆႈၼၼ်ႉ။
၂၀ လူတူၺ်းဝဵင်းၸိဢုၼ်ႇ ဝဵင်းတီႈဢၼ်ႁဝ်းၶၢမ်ႇပွႆးၼၼ်ႉတႃႉ။မၢၵ်ႇတႃမႂ်းလႆႈႁၼ်ဝဵင်းယေႇရုသလႅမ်ႇတီႈယူႇဢၼ်တဵတ်ႇလီၼိမ်လီဢၼ်ဝႃႈ သုမ်ႉထဵင်ဢၼ်ဢမ်ႇလႆႈၶၢမ်ႇတၢင်းဢၼ်ပူတ်း ဢၼ်ၶျႃးလႃးလႃးဢၼ်သဝ်မၼ်းဢမ်ႇလႆႈၶၢႆႉသေ လႅမ်ႈဢၼ်ၸိူၵ်ႈမၼ်းဢမ်ႇ လႆႈၶၢတ်ႇသေသဵၼ်ႈၼၼ်ႉဢေႃႈ။
၂၁ ၵႃႈၼႂ်းဝဵင်းၼၼ်ႉထႃႇဝရႃႉၽြႃးတၵ်း
ႁႅင်းယႂ်ႇၼႃႇပုၼ်ႈႁဝ်းလႄႈပဵၼ်တီႈၼမ်ႉႁွင်ႊၼမ်ႉၶႄး ဢၼ်ၵႂၢင်ႈလီတင်းလၢႆမီးယူႇၵႃႈတီႈသွင်ၽၢႆႇႁဝ်းဢေႃႈ။ ၵႃႈတီႈၼၼ်ၼၼ်ႉႁိူဝ်းဢၼ်တိုၵ်းသိုၵ်းဢၼ်ဢဝ်လၢမ်ႈၽၢႆးၽၢႆးဢဝ်၊ ႁိူဝ်းသၢင်းၽေႃးဢၼ်ႁႅင်းယႂ်ႇၼႃႇ ဢမ်ႇလႆႈလတ်းလႆႈ ၵွႃႇသေလင်သေလမ်း။
၂၂ လွင်ႈမၼ်းၸမ်းထႃႇဝရႃႉၽြႃးပဵၼ်ၵူၼ်းလူင်ဢၼ်ၸီႇယၢင်ႇတြႃးႁဝ်းလႄႈ ထႃႇဝရႃႉၽြႃးပဵၼ်ၸဝ်ႈပိင်းၺၢပ်ႈတြႃးႁဝ်းဢေႃႈ။ ထႃႇဝရႃႉၽြႃးပဵၼ်ၶုၼ်ႁေႃၶမ်းႁဝ်းလႄႈ မၼ်းၸဝ်ႈတၵ်းၵႄႇသႄႇၶျွတ်ႈဢဝ်ႁဝ်းဢေႃႈ။
၂၃ ၸိူၵ်ႈသဝ်လၢင်းယၢၼ်းမႂ်းလုတ်ႈၵႂႃႇဢေႃႈ။ၶဝ်ဢမ်ႇမတ်ႉဝႆႉၼွင်ႇဝႆႉသဝ်လၢင်းယၢၼ်း မၼ်ႈမၼ်ႈၶိူင်ႇၶိူ်င်ႇလႆႈ။မႂ်ႊလၢင်းယၢၼ်းၵေႃႈၶဝ်ဢမ်ႇၵီႈဢမ်ႇပိုတ်ႇလႆႈ။မိူဝ်ႈၼၼ်ႉ လႆႈႁိမ်ႁူင်ႇဢဝ်ၶွင်ၶူဝ်းၼမ်ၼႃႇမႅင်ႇပၼ်လႄႈ ၵေႃႉဢၼ်တိၼ်ၵႅင်ႉၼၼ်ႉ လႆႈႁိမ်ဢဝ်ၶွင်ၶူဝ်း တၢင်းဢၼ်ႁိမ်ဢဝ်ၼၼ်ႉဢေႃႈ။
၂၄ ၵူၼ်းဝဵင်းၼၼ်ႉၵေႃႈတၵ်းဢမ်ႇလႆႈလၢတ်ႈလႄႈဝႃႈ ၵဝ်မီးတၢင်းၶႆႈတၢင်းပဵၼ်ဢေႃႈ၊ဝႃႈၼင်ႇၼႆၼၼ်ႉ။ၶဝ်ၸိူဝ်းဢၼ်ယူႇၵႃႈၼႂ်းဝဵင်းၼၼ်ႉၸိူဝ်းၼၼ်ႉ လႆႈႁွတ်ႈထိုင်တၢင်းဢၼ်ၵၢင်းလွတ်ႈတင်းဢပျႅတ်ႈဢေႃႈ။