၆၁
ၶူပ်ႇၼီႈပီႊမိူင်းၸဝ်ႈၽြႃးဢၼ်မီးမၢင်ႇၵလႃႇ
၁ ဝိၺိၺ်ႇထႃႇဝရႃႉၽြႃး တႄႇယူႇၵႃႈၼိူဝ်ၵဝ်ဢေႃႈ။လွင်ႈမၼ်းၸမ်းထႃႇဝရႃႉၽြႃး ပၼ်ၽိၵ်ႈသိၵ်ႈတီႈၵဝ်ႁႂ်ႈၵဝ်လႆႈမွၵ်ႇလၢတ်ႈ သတၢင်းသိူဝ်းပျေႃႇတီႈၵူၼ်းယၢၵ်ႈၵူၼ်းၽၢၼ်တင်းလၢႆယဝ်ႉ။မၼ်းၸဝ်ႈပွႆႇၸႂ်ႉ ၵဝ်မႃးႁႂ်ႈလႆႈၶဵၼ်းႁေႃႇ တၢင်းၸဵပ်းၶဝ်ၸိူဝ်းဢၼ်ႁူဝ်ၸႂ်တႅၵ်ႇလႅဝ်ၼၼ်ႉဢေႃႈ။ႁႂ်ႈလႆႈမွၵ်ႇလၢတ်ႈတၢင်းဢၼ်ပွႆႇလွတ်ႈၼၼ်ႉတီႈၶဝ်ၸိူဝ်း ဢၼ်လႆႈၶၢမ်ႇတၢင်းဢၼ်တီႉဢဝ်ၶင်ဝႆႉၼၼ်ႉဢိၵ်ႇတင်း တၢင်းဢၼ်ၽုၺ်ႇၽၵ်း တူထွင်ႇပၼ်တီႈ
၂ ၶဝ်ၸိူဝ်းဢၼ်တူၵ်းၵႅၼ်း၊ႁႂ်ႈလႆႈမွၵ်ႇလၢတ်ႈၶူပ်ႇၼီႈပီႊမၢင်ႇၵလႃႇ ထႃႇဝရႃႉၽြႃးဢိၵ်ႇတင်း မိူဝ်ႉဝၼ်းတၢင်းဢၼ်ၽြႃးပဵၼ်ၸဝ်ႈႁဝ်းပၼ်ဢပျႅတ်ႈၼၼ်ႉ၊ ႁႂ်ႈၶဝ်ၸိူဝ်းဢၼ်ၸႂ်ဢမ်ႇသႃႇၶၢင်းၶီၶၢင်းၽၢၼ်ယူႇၵႃႈမီးၼၼ်ႉ လႆႈသၢၵ်ႈသႃႇ၊ႁႂ်ႈလႆႈၸီႇယၢင်ႇပုၼ်ႈၵူၼ်းဝဵင်းၸိဢုၼ်ႇ ဢၼ်ၸႂ်ဢမ်ႇသႃႇၶၢင်းၶီၶၢင်းၽၢၼ်ၸိူဝ်းၼၼ်ႉလႄႈ ဢဝ်မွၵ်ႇႁူဝ်သရ ၽူႇတၢင်တူဝ်တဝ်ႊ၊
၃ ဢဝ်ၼမ်ႉမၼ်းတၢင်းဢၼ်ၸူမ်းသိူဝ်းတၢင်တူဝ်ဢၼ်ငိၼ်းၽၢၼ်၊ ဢဝ်ၶူဝ်းၼုင်ႈတင်းဢၼ်ယွင်ႈယေႃးတၢင်တူဝ်ၸႂ်သၽေႃး ဢၼ်ယၢပ်ႇၸႂ်ၶၢၼ်ၸႂ်ၼၼ်ႉပၼ်တီႈၶဝ် ပုၼ်ႈလွင်ႈၼင်ႇႁိုဝ်ၶဝ်တၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈ တူၼ်ႈမႆႉၼိမ်တၢင်းဢၼ်သိုဝ်ႈတေႃႇ၊ တူၼ်ႈဢၼ်ထႃႇဝရႃႉၽြႃးၽုၵ်ႇသွမ်ႈဝႆႉပုၼ်ႈမူၼ်ႈသရေႇမၼ်းၸဝ်ႈၼၼ်ႉဢေႃႈ။
၄ ၶဝ်တၵ်းဢွၼ်ၵၼ်မႄးၵုမ်းမႄးႁဵတ်းတီႈဢၼ်ၵိူၼ်ႇပင်းလူႉလႅဝ်မိူဝ်ႈၵွၼ်ႇဢွၼ်ၼႆႉၼၼ်ႉလႄႈ တႄႇႁဵတ်းတီႈဢၼ်ပႄႇၽဵဝ်ႈပႅတ်ႈ မိူဝ်ႈမိုၼ်ႉၸိုင်ႉသိုၼ်းၼၼ်ႉဢေႃႈ။ၶဝ်တၵ်းဢွၼ်ၵၼ်လုမ်းလႃးသၢင်ႈႁဵတ်းတီႈဝဵင်ႈဢၼ်သိတ်ႇဢၼ်ယဵၼ်တင်းလၢႆ၊ တီႈဢၼ်ၸုၼ်ႉ ပႅတ်ႈၸႅၼ်ႇၸႅၼ်ႇသၢၵ်ႈသၢၵ်ႈၸိူဝ်းၼၼ်ႉဢေႃႈ။
၅ ၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆ တၵ်းဢွၼ်ၵၼ်ၸုၵ်းယူႇသေလႄႈ လဵင်ႉထိင်းၽုင်သူဝ်းသူလႄႈၵူၼ်းတၢင်ႇသိုင်ႇတၢင်ႇမိူင်းတင်းလၢႆ တၵ်းဢွၼ်ၵၼ်ပဵၼ်ၶဝ်ၸိူဝ်းဢၼ်ထႆၼႃးသူ လႂ် ၶဝ်ၸိူဝ်းဢၼ်လုမ်းလႃးသူၼ်ဢူး ယဵၼ်ႇၸပိတ်ႉသူ လႂ်ဢေႃႈ။
၆ သူၸမ်းတၵ်းလႆႈၸိုဝ်လႆႈသဵင်ယိတ်ႉပရေႃးႁိၵ်ႈထႃႇဝရႃႉၽြႃးလႄႈ ၵူၼ်းတင်းလၢႆတၵ်းလႆႈႁွင်ႉႁိၵ်ႈသူဝႃႈ ၵူၼ်းဢၼ်ႁၢပ်ႇဢမူႉၽြႃးပဵၼ်ၸဝ်ႈႁဝ်းဝႃႈၼင်ႇၼႆဢေႃႈ။ သူတၵ်းၵိၼ်ၸေးၸိမ်ႇၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ ဢဝ်တူဝ်ၸဝ်ႈၵဝ်ႇၶၢၼ်းဝႆႉ ၼႂ်းဢရႃႇမူၼ်ႈသရေႇၶဝ်ၼၼ်ႉ ဢေႃႈ။
၇ ပုၼ်ႈတၢင်တူဝ်လွင်ႈတၢင်းဢၼ်သူဢူၵ်းဢၢႆၼၼ်ႉသူတၵ်းၶၢမ်ႇဢဝ်ဢၵျူဝ်းသွင်ပုၼ်ႈလႄႈ ပုၼ်ႈတၢင်တူဝ်သရေႇလူႉၼၼ်ႉၵေႃႈ ၶဝ်တၵ်းၸၢမ်ႇၸႃးၸူမ်းသိူဝ်းယူႇၼႂ်းပုၼ်ႈၶဝ်တႃႇၶဝ်ၼၼ်ႉဢေႃႈ။ ၶဝ်တၵ်းလႆႈၶၢမ်ႇဢဝ်ဢမူၺ်ႇ ဢၼ်ပဵၼ်သွင်ပုၼ်ႈၵႃႈၼႂ်းမိူင်းၶဝ်လႄႈ တဵမ်ထူၼ်ႈဝႆႉတင်းတၢင်းဢၼ်ၸူမ်း သိူဝ်းထႃႇဝရႃႉဢေႃႈ။
၈ လွင်ႈမၼ်းၸမ်းၵဝ်ထႃႇဝရႃႉၽြႃးထုၵ်ႇၸႂ်ၵျိူၵ်ႈၸႂ် တၢင်းဢၼ်ၸီႇယၢင်ႇၸွမ်းၼင်ႇတြႃးလႄႈၸင်းလွင်ႈတၢင်းဢၼ်ႁဵတ်းဢႃႉထမ်ႇမႃႉႁိမ်ဢဝ်ၼၼ်ႉဢေႃႈ။ ၵဝ်တၵ်းပၼ်ဢၵျူဝ်းတီႈၶဝ်ၸွမ်းၼင်ႇသႅတ်ႉၸႃႇလႄႈ ႁဵတ်းပတိၺိၼ်ႇ ထႃႇဝရႃႉလူၺ်ႈၵၼ်တင်းၶဝ်ဢေႃႈ။
၉ မဵဝ်းၸိူဝ်ႉၶိူဝ်းၶဝ်တၵ်းႁူင်ႁၢင်း ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ၊ၸူဝ်ႈလုၵ်ႈပၢၼ်လၢၼ်ၶဝ် တၵ်းႁူင်းႁၢင်းၵႃႈၼႂ်းမဵဝ်းၵူၼ်းတင်းလၢႆလႄႈ ၶဝ်ၵႃႈဢၼ်ႁၼ်ၶဝ်ၼၼ်ႉတၵ်းဢွၼ်ၵၼ်ႁပ်ႉတုင်း ဢဝ်ၶဝ်လႄႈဝႃႈၶဝ်ၼႆႉပဵၼ်မဵဝ်းၸိူဝ်ႉၶိူဝ်းဢၼ်ထႃႇဝရႃႉၽြႃးပၼ်တၢင်းလီၼၼ်ႉ ဢေႃႈ၊ဝႃႈၼင်ႇၼႆဢေႃႈ။
၁၀ ၵဝ်တၵ်းၸူမ်းပျေႃႇယူႇၵႃႈၼႂ်းထႃႇဝရႃႉၽြႃးၼႃႇလူင်လၢင်ႈလႄႈ ဝိၺိၺ်ႇၵဝ်တၵ်းသႂၢင်ႇသိူဝ်းယူႇ ၵႃႈၼႂ်းၽြႃးပဵၼ်ၸဝ်ႈၵဝ်ဢေႃႈ။လွင်ႈမၼ်းၸမ်း မၼ်းၸဝ်ႈဢဝ်ၶူဝ်းၼုင်ႈတၢင်းမႆႊတၢင်းဢၼ်ၵႄႇသႄႇၶျွတ်ႈဢဝ်ၼၼ်ႉ ၼုင်ႈႁၢင်ႈၶိူင်ႈပၼ်ၵဝ်လႄႈ ဢဝ်သိူဝ်ႈယၢဝ်းတင်းဢၼ်သိုဝ်ႈတေႃႇၼၼ်ႉႁူမ်ႇမႆႊပၼ်ၵဝ်မိူၼ်ၸိူဝ်ႉၼင်ႇၵေႃႉဢၼ်သွင်ႇမၢင်ႇၵလႃႇတိုဝ်းမွၵ်ႇႁူဝ်သရၽူႇၼၼ်ႉ ဢိၵ်ႇတင်းၸိူဝ်ႉၼင်ႇလုၵ်ႈယိင်းသၢဝ် ဢၼ်သွင်ႇမၢင်ႇၵလႃႇၶိူင်ႈၶမ်း ၶိူင်ႈသႅင်တိူဝ်းႁၢင်ႈၶိူင်ႈၼၼ်ႉယဝ်ႉ။
၁၁ ၸိူဝ်ႉၼင်ႇဢၼ်လိၼ်မိူင်းႁႂ်ႈတူၼ်ႈဢွၵ်ႇၼၼ်ႉ ဢိၵ်ႇတင်းၸိူဝ်ႉၼင်ႇဢၼ်ႁႆႊၼႃးႁႂ်ႈၸိူဝ်ႉၽၼ်းဢၼ်ၽုၵ်ႇသႂ်ႇၵႃႈၼႂ်းမၼ်းဢွၵ်ႇငူင်းၼၼ်ႉထႃႇဝရႃႉၽြႃးတၵ်းႁႂ်ႈတၢင်းဢၼ်သိုဝ်ႈတေႃႇဢိၵ်ႇတင်း တၢင်းဢၼ်ယွင်ႈယေႃးပေႃႇဢွၵ်ႇၵႃႈတီႈၽၢႆႇၼႃႈၵူၼ်း ၵူႈၸိူဝ်ႉၵူႈမဵဝ်းမိူၼ်ၸိူဝ်ႉၼင်ႇၼၼ်ဢေႃႈ။