၅၄
မူၼ်ႈၵုင်ႇဝဵင်းၸိဢုၼ်ႇမိူဝ်းၼႃႈ
၁ မေႈမၼ်ဢၼ်ဢမ်ႇၵိူတ်ႇလဵင်ႉလုၵ်ႈဢိူၺ်း။ႁဵတ်းသဵင်ဢၼ်သႂၢင်ႇသိူဝ်းသေလႄႈႁွင်ႉသႅၼ်ႇတႃႉ။ မေႈယိင်းဢၼ်ဢမ်ႇပႆႇၶၢမ်ႇဝူၺ်ႇတၼႃႇတၢင်းဢၼ်ၵိူတ်ႇလဵင်ႉလုၵ်ႈဢိူၺ်း။ၵိဝ်သဵင်သေလႄႈပၢဝ်ႇသေႃႇတႃႉ။လွင်ႈမၼ်းၸမ်း လုၵ်ႈလၢင်းမေႈယိင်းဢၼ်လႆႈၶၢမ်ႇတၢင်းဢၼ်ၸုၼ်ႉပႅတ်ႈဝႆႉၼၼ်ႉ ယိင်ႈၶႅၼ်းၼမ်ၼႃႇသေလုၵ်ႈလၢင်းမေႈယိင်းဢၼ်မီးၽူဝ်ၼၼ်ႉယဝ်ႉ၊ ဝႃႈ ၼင်ႇၼႆ ထႃႇဝရႃႉၽြႃးမီးဢမိင်ႉဢေႃႈ။
၂ ႁႂ်ႈၵႃႈတီႈသုမ်ႉထဵင်မႂ်းၵႃႈမီးၼၼ်ႉၵႂၢင်ႈတႃႉ။ ၶဵင်ႈမုင်းၽႃႈၵင်ႈတီႈယူႇမႂ်းၸိူဝ်းၼၼ်ႉထႅင်ႈလူးၵွၼ်ႇတႃႉ။ ယႃႇပေမီးၸႂ်ဢၼ်သေလၢႆ ႁဵတ်းႁႂ်ႈၸိူၵ်ႈမႂ်းတင်းလၢႆယဝ်ႉထႅင်ႈလႄႈႁႂ်ႈသဝ်မႂ်းတင်းလၢႆမၼ်ႈလီၶိူင်ႇလီတႃႉ။
၃ လွင်ႈမၼ်းၸမ်း မႂ်းတၵ်းယႂ်ႇၽႄႈမႃး ၵႃႈတီႈၽၢႆႇတၢင်းၶႂႃၵႃႈတီႈၽၢႆႇတၢင်းသၢႆႉဢေႃႈ။မဵဝ်းၸိူဝ်ႉၶိူဝ်းမႂ်းတၵ်းၶၢမ်ႇဢမူၺ်ႇ ၵူၼ်းတၢင်ၸိူဝ်ႉတၢင်ၶိူဝ်းတင်းလၢႆလႄႈ ႁဵတ်းႁႂ်ႈဝဵင်းဢၼ်သိတ်ႇဢၼ်ယဵၼ်ၸိူဝ်းၼၼ်ႉ လႆႈမီးၽူႈမီးၵူၼ်းဢေႃႈ။
၄ ယႃႇပေမႆႈၸႂ်။မႂ်းတၵ်းဢမ်ႇလႆႈႁွတ်ႈထိုင်တၢင်းဢၼ်ဢူၵ်းဢၼ်ဢၢႆ။ယႃႇပေၵႂင်ၸႂ်ယုင်ႈၸႂ်။ မႂ်းတၵ်းဢမ်ႇလႆႈၶၢမ်ႇတၢင်းဢၼ်ၵူဝ်ဢၼ်ဢၢႆ။မႂ်းတၵ်းလူင်လိုမ်းပႅတ်ႈတၢင်းဢၼ်ဢူၵ်းဢၼ်ဢၢႆဢၼ်မႂ်းလႆႈၶၢမ်ႇ ၼႂ်းမိူဝ်ႈဢၼ်ဢသၢၵ်ႈမႂ်းယင်းတိုၵ်ႉၼုမ်ႇယူႇၼၼ်ႉလႄႈၵမ်းလိုၼ်းမႂ်းဢမ်ႇလႆႈၶုၵ်းၸႂ်လႆႈၶႆႈၸႂ်ထူပ်း တၢင်းဢၼ်မႂ်းပဵၼ်မေႈမုၵ်ႉမေႈမၢႆႈလႄႈလႆႈၶၢမ်ႇတၢင်းဢၼ်သေႉသွမ်းၼၼ်ႉ။
၅ လွင်ႈမၼ်းၸမ်း ၵေႃႉဢၼ်ႁဵတ်းပဵၼ်မႂ်းၼၼ်ႉပဵၼ်ၽူဝ်မႂ်းလႄႈၼႃႇမႃႉၸိုဝ်သဵင်မၼ်းၸဝ်ႈၸမ်း ပဵၼ်ပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢေႃႈ။ၽြႃးဢၼ်မူတ်းၸၢင်ႇတီႈမဵဝ်းဢိသရေႇလပဵၼ်ၸဝ်ႈဢၼ်ထုတ်ႇဢဝ်မႂ်းလႄႈ မၼ်းၸဝ်ႈလႆႈၶၢမ်ႇ တၢင်းဢၼ်ႁွင်ႉႁိၵ်ႈၽြႃးဢၼ်လႆႈဢုပ်ႉပိူင်ႇလိၼ်မိူင်းတင်းသဵင်ႈတင်းမူတ်း ဢေႃႈ။
၆ ထႃႇဝရႃႉၽြႃးႁွင်ႉဢဝ်မႂ်းၸိူူဝ်ႉၼင်ႇမေႈယိင်းဢၼ် လႆႈၶၢမ်ႇတၢင်းဢၼ်ၸုၼ်ႉပႅတ်ႈလႄႈၶၢၼ်ၸႂ်၊မေႈယိင်းဢၼ်ပဵၼ်မေးမႂ်း ၼႂ်းမိူဝ်ႈဢၼ်ယင်းလဵၵ်ႉယင်းဢွၼ်ႇၼၼ်ႉလႄႈၵမ်းလိုၼ်းလႆႈၶၢမ်ႇတၢင်းဢၼ်တွပ်ႇထဵင်ပႄႇပႅတ်ႈၼၼ်ႉဢေႃႈ၊ ဝႃႈၼင်ႇၼႆၽြႃးပဵၼ်ၸဝ်ႈမႂ်းမီးဢမိင်ႉဢေႃႈ။
၇ ၵဝ်ၸုၼ်ႉပႅတ်ႈမႂ်းၵမ်းဢွၼ်ႇၼိုင်ႈၵူၺ်းလႄႈ တၵ်းသမ်ႉဢဝ်တင်းၵရူႉၼႃႇ ဢၼ်ယႂ်ႇၼမ်ၼႃႇၶိုၼ်းသိမ်းဢဝ်မႂ်းဢေႃႈ။
၈ တေႃးသႃႉတၢင်းၸႂ်မႆႈၶႆႈၸႃႉ ဢွၵ်ႇႁႅင်းယႂ်ႇၼႃႇလူင်လၢင်လႄႈၵဝ်ဝၢႆႇၼႃႈပႅတ်ႈမႂ်းၵမ်းဢွၼ်ႇၼိုင်ႈၵူၺ်းလႄႈ တၵ်းဢဝ်တင်းမိတ်ႉတႃႇထႃႇဝရႃႉ ဢိတ်းလူၸွႆႈထႅမ်မႂ်းလူးၵွၼ်ႇဢေႃႈ၊ ဝႃႈၼင်ႇၼႆထႃႇဝရႃႉၽြႃးၸဝ်ႈဢၼ် ထုတ်ႇဢဝ်မႂ်းၼၼ်ႉမီးဢမိင်ႉဢေႃႈ။
၉ ဢၼ်ၼႆႉပဵၼ်ၸိူဝ်ႉၼင်ႇၼမ်ႉဢၼ်ထူမ်ႈႁူမ်ႇၼႂ်းပၢၼ်ၼုဝ်းဢႃႇ ၼၼ်ႉတီႈၵဝ်ဢေႃႈ။ ၸိူဝ်ႉၼင်ႇဢၼ်ၵဝ်ႁဵတ်းတၢင်ဢၼ်တိူင်ႇလႄႈဝႃႈ ၵမ်းလိုၼ်းၼမ်ႉဢမ်ႇလႆႈထူမ်ႈႁူမ်ႇလိၼ်မိူင်းဝႃႈၼင်ႇၼႆၼၼ်ႉ။ ၵဝ်ႁဵတ်းတၢင်းဢၼ်တိူင်ႇလႄႈဝႃႈ၊-ၵဝ်တၵ်းဢမ်ႇၸႂ်မႆႈၶႆႈၸႃႉတီႈမႂ်းလႄႈ သင်ႇသွၼ်သုင်းမႃႉမႂ်းဝႃႈၼင်ႇၼႆယဝ်ႉ။
၁၀ ပိၵ်ႉသမ်ႉလွႆလူင်တင်းလၢႆသုတ်ႉၶၢႆႉလႄႈ လွႆဢွၼ်ႇတင်းလၢႆသၼ်ႇၶွၼ်းသေၵေႃႈ ၵျေးၸူးမိတ်ႉတႃႇၵဝ်ဢမ်ႇသုတ်ႉၶၢႆႉသေၵႃႈတီႈမႂ်း။ပတိၺိၼ်ႇတၢင်းဢၼ်ၼိမ်ၵဝ်ၵေႃႈဢမ်ႇလႆႈသၼ်ႇလႆႈၶွၼ်းဝႃႈၼင်ႇၼႆ ထႃႇဝရႃႉၽြႃးဢၼ်မီးၸႂ်ၵရူႉၼႃႇ တၢင်းဢၼ်ဢိတ်းလူတီႈမႂ်းၼၼ်ႉမီးဢမိင်ႉ ဢေႃႈ။
၁၁ မႂ်းဢမ်ႇလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးဢိၵ်ႇတင်း တၢင်းဢၼ်ၽူၼ်လူင်လူမ်းလူင်ပတ်ႉထူဝ်းလႄႈ ဢမ်ႇႁွတ်ႈထိုင်တၢင်းဢၼ်သၢၵ်ႈသႃႇလႆႈၼႆႉဢိူၺ်း။ၵဝ်တၵ်းဢဝ်မၢၵ်ႇႁိၼ်တိူၵ်ႉမႂ်းၸိူဝ်းၼၼ်ႉၸပ်းသႂ်ႇလူၺ်ႈဢၢင်းၵတေႇႁၢၼ်ႉလႄႈ ဢဝ်ၼီႇလႃႇ တႄႇႁဵတ်းငဝ်ႈႁၢၵ်ႈတိူၵ်ႈမႂ်းၸိူဝ်းၼၼ်ႉဢေႃႈ။
၁၂ ၵဝ်တၵ်းႁႂ်ႈလၢင်းၸီႇမႂ်းၸိူဝ်းၼၼ်ႉ ယဝ်ႉတူဝ်ႈလူၺ်ႈသႅင်လႅင်တင်းလၢႆ၊ ၽၵ်းတူမႂ်းၸိူဝ်းၼၼ်ႉယဝ်ႉတူဝ်ႈလူၺ်ႈရတ်ႇတၼႃႇဢၼ်ႁိူဝ်ႈလႅင်းတင်းလၢႆ၊ လမ်းဝဵင်းဢၼ်လဵပ်ႈႁွပ်ႈမႂ်းၼၼ်ႉယဝ်ႉတူဝ်ႈလူၺ်ႈသႅင်မျၢတ်ႈတင်းလၢႆ ဢေႃႈ။
၁၃ လုၵ်ႈလၢင်းမႂ်းတင်းသဵင်ႈတင်းလူင်တၵ်းပဵၼ်ၵေႃႉဢၼ်ထႃႇဝရႃႉၽြႃးသင်ႇသွၼ်ပၼ်လႄႈ တဵမ်ဝႆႉတင်းၵတ်းယဵၼ်ၶျၢမ်းသႃႇ တၢင်းဢၼ်ၼိမ်ဢၼ်လီ ၼမ်ၼႃႇဢေႃႈ။
၁၄ မႂ်းတၵ်းတႄႇယူႇၼႂ်းတြႃးတၢင်းဢၼ်သိုဝ်ႈတေႃႇလႄႈ မႂ်းတၵ်းလႆႈယၢၼ်ၵၼ်တင်းတၢင်းဢၼ်ၼိၵ်ႈၸၢၵ်ႈငႅၼ်းသေးလႄႈ ဢမ်ႇလႆႈၵူဝ်လႆႈႁႄ။တၵ်းလႆႈယၢၼ်ၵၼ်တင်းဢၼ်လူႉဢၼ်လႅဝ်လႄႈဢၼ်ၼၼ်ႉဢမ်ႇလႆႈႁွတ်ႈထိုင်ၵႃႈတီႈႁိမ်းမႂ်း။
၁၅ ဢၶႂၢင်ႉၵဝ်ယင်းဢမ်ႇမီးလႄႈၶဝ်တၵ်းၸူႉၵၼ်တုမ်ၵၼ်ဢေႃႈ။ၽူႈ လႂ်သေဢမ်ႇဝႃႈၵေႃႉဢၼ်ၸူႉၵၼ်တုမ်ၵၼ်ယူႇၽၢႆႇၼိုင်ႈတင်းမႂ်းၼၼ်ႉ တၵ်းၶဝ်ႈပဵၼ်ၽၢႆႇ မႂ်းဢေႃႈ။
၁၆ တူၺ်းလူ။ၵဝ်ၽၢၼ်ႇသၢင်းႁဵတ်းပဵၼ်ၸၢင်ႊလဵၵ်းဢၼ်ထူဝ်းၽႆးလႄႈႁဵတ်းလၢၵ်ႈၼၢၵ်ႈပုၼ်ႈတၢင်းႁဵတ်းမၼ်းၼၼ်ႉလႄႈ ၵဝ်ၽၢၼ်ႇသၢင်းႁဵတ်းပဵၼ်ၵေႃႉဢၼ်ယႃႉပႅတ်ႈ ပုၼ်ႈလွင်ႈၼင်ႇႁိုဝ်တၵ်းယႃႉ ပႅတ်ႈၼၼ်ႉဢေႃႈ။
၁၇ လၢၵ်ႈၼၢၵ်ႈဢၼ်ႁဵတ်းယူႇၽၢႆႇၼိုင်ႈတင်းမႂ်းၼၼ်ႉ တၵ်းဢမ်ႇလႆႈႁွတ်ႈထိုင်တၢင်းဢၼ်တဵမ်ထူၼ်ႈသေၸိူဝ်ႉသေပိူင်လႄႈ မႂ်းတၵ်းလႆႈၸီႇယၢင်ႇတႅပ်းတတ်းသူပ်းလိၼ်ႉ ၶဝ်ၵႃႈဢၼ်ထူပ်းတြႃးၵၼ်တင်းမႂ်းၼၼ်ႉဢေႃႈ။ဢၼ်ၼႆႉၸမ်းပဵၼ်ဢမူၺ်ႇၶႃႈထႃႇဝရႃႉၽြႃးတင်းလၢႆဢိၵ်ႇတင်း တၢင်းဢၼ်သိုဝ်ႈတေႃႇၶဝ်ဢၼ်ပဵၼ်ၵွပ်ႈပိူဝ်ႈၵဝ်ၼၼ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။