၅၀
ဢပျႅတ်ႈၵူၼ်းမဵဝ်းဢိသရေႇလတင်းတၢင်းဢၼ်ထွမ်ႇဢဝ်ၶႃႈၸဝ်ႈၽြႃး
၁ ထႃႇဝရႃႉၽြႃးမီးဢမိင်ႉဝႆႉၸမ်း၊-လိၵ်ႈဢၼ်ပုတ်းဢၼ်ၶၢတ်ႇမေႈသူဢၼ်ၵဝ်ပွႆႇပႅတ်ႈၼၼ်ႉမီးၵႃႈ လႂ်။ၵဝ်ဢဝ်သူၶၢႆတေႃႇၸဝ်ႈၼီႈၵဝ်ၵေႃႉ လႂ်။တူၺ်းလူ။သူလႆႈၶၢမ်ႇႁဵတ်းၶႃႈၵွပ်ႈပိူဝ်ႈတူႉၸရိူၵ်ႈ ဢၼ်သူႁဵတ်းၸိူဝ်းၼၼ်ႉလႄႈ မေႈသူလႆႈၶၢမ်ႇတၢင်းဢၼ်ပွႆႇပႅတ်ႈၵွပ်ႈပိူဝ်ႈဢ ပျႅတ်ႈသူၸိူဝ်းၼၼ်ႉဢေႃႈ။
၂ မိူဝ်ႈဢၼ်ၵဝ်မႃးၼၼ်ႉၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈဢမ်ႇမီးၵူၼ်း။မိူဝ်ႈဢၼ်ၵဝ်ႁွင်ႉၼၼ်ႉၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ဢမ်ႇမီးၵေႃႉဢၼ်ဢိူဝ်ႈ။ မိုဝ်းၵဝ်ၼႆႉပွတ်းထၼ်ႈပေႃးဢမ်ႇထုတ်ႇဢဝ်လႆႈႁိုဝ်။ ၵဝ်ဢမ်ႇမီးတၼ်းၶူဝ်းဢၼ်ၵႄႇသႄႇၶျွတ်ႈဢဝ်လႆႈႁိုဝ်။ၵဝ်ဢမ်ႇမီးတၼ်းၶူဝ်းဢၼ်ၵႄႇသႄႇၶျွတ်ႈဢဝ်လႆႈႁိုဝ်။တူၺ်းလူ။ၵဝ်သုင်းမႃႉသေလႄႈႁႂ်ႈၼမ်ႉပၢင်ႇလၢႆႇယူတ်းႁႅင်ႈၵႂႃႇဢေႃႈ။ၵဝ်ႁႂ်ႈၼမ်ႉႁွင်ႊၼမ်ႉၵႄးတင်းလၢႆပဵၼ်လိၼ်ပဝ်ႇလိၼ်လၢပ်ႈလႄႈ ပႃတင်း လၢႆမဵၼ်တူႇၵႂႃႇၵွပ်ႈပိူဝ်ႈၼမ်ႉဢမ်ႇမီးၼၼ်ႉဢေႃႈ။
၃ ၶဝ်ဢိုပ်းၼမ်ႉလႄႈတၢႆဢေႃႈ။ၵဝ်ဢဝ်လပ်းသိင်ႇၼုင်ႈပၼ်ႃႉၵၢင်ႁၢဝ်လႄႈဢဝ်ၼင်ပေႃႁဵတ်းၶူဝ်းၼုင်ႈႁူမ်ႇပၼ်ၶဝ်ဢေႃႈ။
၄ ၸဝ်ႈထႃႇဝရႃႉၽြႃး ဢဝ်တၢင်းၵတ်ႉတၢင်းၶၼ်သူပ်းၵူၼ်းမေႃပၼ်တီႈၵဝ် ႁႂ်ႈၵဝ်လႆႈၸၢင်ႊမေႃလူၺ်ႈလွင်ႈဢၼ်တၵ်းလၢတ်ႈၵႂၢမ်းသေလႄႈ ၸွႆႈထႅမ်မႃႉၸႃႉၶဝ်ၸိူဝ်းဢၼ်ယၢပ်ႇၸႂ်ၶၢၼ်ၸႂ်ယဝ်ႉ။မၼ်းၸဝ်ႈပူၵ်းၵဝ်တိုၼ်ႇၸွမ်း ၵႃႈၼင်ႇဢၼ်ၵၢင်ၼႂ်ၸႅၼ်ႇတၢမ်းၵၼ်ၼၼ်ႉလႄႈ မၼ်းၸဝ်ႈ တိုၵ်းယူင်းႁူၵဝ်ႁႂ်ႈလႆႈထွမ်ႇဢဝ်ၸိူဝ်ႉၼင်ႇ ၵေႃႉဢၼ်ၶၢမ်ႇတၢင်းဢၼ်သွၼ်ဢဝ် လိၵ်ႈၼၼ်ႉဢေႃႈ။
၅ ၸဝ်ႈထႃႇဝရႃႉၽြႃးၽုၺ်ႇပိုတ်ႇႁူၵဝ်လႄႈ ၵဝ်ၵေႃႈဢမ်ႇတွပ်ႇဢမ်ႇထဵင်။ ၵဝ်ဢမ်ႇသုတ်ႈၶိုၼ်းတၢင်းလင်။ၵဝ်ဢဝ်လင်ၵဝ်ဢၢပ်ႈပၼ်တီႈၶဝ်ၸိူဝ်းဢၼ်ပေႃႉယႅၼ်ႉၼၼ်ႉလႄႈ ဢဝ်ၵႅမ်ႈၵဝ်ပၼ်တီႈၶဝ်ၸိူဝ်းဢၼ် ၸၵ်ႉထူၺ်ႈၼူတ်ႇၵဝ်ၼၼ်ႉဢေႃႈ။
၆ ၵဝ်ဢမ်ႇဝၢႆႇၼႃႈၵဝ် ပႅတ်ႈသေၵႃႈတီႈတၢင်းဢၼ်ယႃႉသရေႇဢိၵ်ႇတင်း တၢင်းဢၼ်ထူမ်ႇၼမ်ႉလၢႆးသႂ်ႇ ၼၼ်ႉ။
၇ ၸဝ်ႈထႃႇဝရႃႉၽြႃးတၵ်းပွႆႇပႂ်ႉၸွႆႈပႂ်ႉထႅမ်ၵဝ်ယူႇဢေႃႈ။ ပိူဝ်ႈၼႆလႄႈ ၵဝ်ဢမ်ႇလႆႈၶၢမ်ႇတၢင်းဢၼ်သုမ်း။ ၵဝ်ဝၢႆႇၼႃႈၵဝ်ယူႇမိူၼ်ၸိူဝ်ႉၼင်ႇမၢၵ်ႇႁိၼ်ပၢႆႆးၼၼ်ႉလႄႈ ၵဝ်ႁူႉလွင်ႈဢၼ်ၵဝ်ဢမ်ႇလႆႈႁွတ်ႈထိုင် တၢင်းဢၼ်ဢူၵ်းဢၼ်ဢၢႆၼၼ်ႉယူႇဢေႃႈ။
၈ ၵေႃႉဢၼ်ပွႆႇဢပျႅတ်ႈၵဝ်လွတ်ႈၼၼ်ႉ မီးယူႇၵႃႈတီႈဢၼ်ၸမ်ၵဝ်လႄႈၽူႈ လႂ်တၵ်းထူပ်းတြႃးၵၼ်တင်းၵဝ်။ၶႄႉၶဵင်ႇၵၼ်လႄႈယူႇတႃႉႁဝ်း။ၽူႈ လႂ်ပဵၼ်ၵေႃႉဢၼ်ႁဵတ်းၶတ်းၵၼ်တင်းၵဝ်။ႁႂ်ႈၵေႃႉၼၼ်ႉသုတ်ႉၸပ်းသုတ်ႉၸူးတီႈၵဝ်သေ။တူၺ်းလူ။ၸဝ်ႈထႃႇဝရႃႉၽြႃးတၵ်းပႂ်ႉၸွႆႈပႂ်ႉထႅမ် ၵဝ်ယူႇဢေႃႈ။
၉ ၽူႈ လႂ်တၵ်းႁႂ်ႈၵဝ်သုမ်းတြႃးၼင်ႇၼၼ်လႄႈၶဝ် တင်းသဵင်ႈတင်းလူင်တၵ်းႁွတ်ႈထိုင်တၢင်းဢၼ်ၵဝ်ႇမွင်ၵႂႃႇ မိူၼ်ၸိူဝ်ႉၼင်ႇၶူဝ်းၼုင်ႈၼၼ်ႉလႄႈ မူင်ႈတၵ်းၶူပ်းၵိၼ်ၶဝ်ပႅတ်ႈဢေႃႈ။
၁၀ ၼႂ်းသူၽူႈ လႂ်ၵူဝ်ႁႄထႃႇဝရႃႉၽြႃးလႄႈ ထွမ်ႇဢဝ်ၵႂၢမ်းၶႃႈမၼ်းၸဝ်ႈယူႇသေလႄႈ ယင်းဢမ်ႇမီးဢၼ်လႅင်းလႄႈ ၵႂႃႇမႃးယူႇၵႃႈၼႂ်းလပ်းသိင်ႇၼၼ်ႉ။ႁႂ်ႈၵေႃႉၼၼ်ႉသွၼ်ႈပိုင်ႈၼႃႇမႃႉၸိုဝ်သဵင်ထႃႇဝရႃႉၽြႃးလႄႈ ဢဝ်ၽြႃးပဵၼ်ၸဝ်ႈမၼ်းႁဵတ်းတီႈဢိင်တီႈပိုင်ႈယူႇသေၵမ်းလူၺ်ႈ။
၁၁ တူၺ်းလူ။သူၸိူဝ်းဢၼ်ဢဝ်ၽႆးၸပႆ်းးတုတ်ႇသေလႄႈ ဢဝ်ထၢၼ်ႇၽႆးႁတ်ႉဢႅဝ်တူဝ်ၸဝ်ႈၵဝ်ႇယူႇတင်းသဵင်ႈတင်းလူင်ၶဝ်ဢိူၺ်း။ ဢွၼ်ၵၼ်ၵႂႃႇမႃးယူႇၵႃႈၼႂ်းပိဝ်ၽႆးသူဢိၵ်ႇတင်း ၵႃႈၼႂ်းထၢၼ်ႇၽႆးဢၼ်သူသႂ်ႇသူၸပ်းၼၼ်ႉယူႇတႃႉ။ ဢၵျူဝ်းဢၼ်လႆႈၶၢမ်ႇဢဝ်တီႈမိုဝ်းၵဝ်ၼၼ်ႉၸမ်း သူတၵ်းလႆႈမႆႈၸႂ်ယၢပ်ႇၸႂ်ယူႇသေလႄႈၼွၼ်းဢေႃႈ။