၄၃
ၽူႈဢၼ်ၵႄႇၶျွတ်ႈၵူၼ်းမဵဝ်းဢိသရေႇလ
၁ မဵဝ်းယႃႇၵုပ်ႉ မဵဝ်းထႃႇဝရႃႉၽြႃး ဢၼ်ၽၢၼ်ႇသၢင်းမႂ်းဢိသရေႇလဢိူၺ်း။ၸဝ်ႈႁဵတ်းပၼ်မႂ်းၼၼ်ႉမီးဢမိင်ႉဝႆႉၸမ်းယႃႇပေမႆႈၸႂ်ၶီၸႂ်။ၵဝ်ထုတ်ႇဢဝ်မႂ်းယဝ်ႉ။ၵဝ်ဢဝ်ၼႃႇမႃႉၸိုဝ်သဵင်ၵဝ်ႁွင်ႉႁိၵ်ႈတီႈမႂ်းယဝ်ႉ။ မႂ်းပဵၼ်တီႈ ဢၼ်ၵဝ်ပိူင်ႇဢေႃႈ။
၂ မိူဝ်ႈဢၼ်မႂ်းယၢင်ႈၵႂႃႇပႆၵႂႃႇၼႂ်းၼမ်ႉၼၼ်ႉၵဝ်တၵ်းမီးယူႇလူၺ်ႈၵၼ်တင်းမႂ်းလႄႈမိူဝ်ႈဢၼ်ယၢင်ႈၵႂႃႇပႆၵႂႃႇၵႃႈၼႂ်းၼမ်ႉႁွင်ႊၼမ်ႉၵႄးတင်းလၢႆၼၼ်ႉၶဝ်တၵ်းဢမ်ႇလႆႈထူမ်ႈမႂ်းႁူမ်ႇမႂ်း။မိူဝ်ႈဢၼ်မႂ်းယဵပ်ႇၵႂႃႇယၢင်ႈၵႂႃႇ ၵႃႈၼႂ်းၽႆးၼၼ်ႉမႂ်းဢမ်ႇ လႆႈၶၢမ်ႇတၢင်းဢၼ်ၽႆးမႆႈ။
၃ ပိဝ်ၽႆးဢမ်ႇလႆႈႁုပ်ႇသႂ်ႇတိူဝ်ႉသႂ်ႇမႂ်း။ လွင်ႈမၼ်းၸမ်းၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈမႂ်း၊ၽြႃးဢၼ်မူတ်းၸၢင်ႇမဵဝ်း ဢိသရေႇလ၊ၸဝ်ႈဢၼ်ၵႄႇသႄႇၶျွတ်ႈဢဝ်မႂ်းဢေႃႈ။ ၵဝ်ဢဝ်မိူင်းဢေႇၵႅပ်ႉတု ပၼ်ပုၼ်ႈဢၼ်တၵ်းထုတ်ႇဢဝ်မႂ်းလႄႈ ဢဝ်မိူင်းၵုသတင်းမိူင်းသေႇၽပၼ်ပုၼ်ႈတၢင် တူဝ်မႂ်းယဝ်ႉ။
၄ ၵွပ်ႈပိူဝ်ႈဢၼ်မႂ်းပဵၼ်တီႈဢၼ်ထိူၵ်ႈၵႃႈထိူၵ်ႈၶၼ်သိုဝ်ႈၼႃႈတႂ်ႈတႃၵဝ်လႄႈ မီးသရေႇယဝ်ႉၼၼ်ႉလႄႈၵဝ်ႁၵ်ႉမႂ်းဢေႃႈ။ပိူဝ်ႈၼႆလႄႈၵဝ်တၵ်းဢဝ်ၵူၼ်းတင်းလၢႆပၼ်ပုၼ်ႈတၢင်တူဝ်မႂ်းလႄႈ ဢဝ်မဵဝ်းၵူၼ်းတင်းလၢႆ ပၼ်ပုၼ်ႈတၢင်ႇတူဝ်ဢသၢၵ်ႈမႂ်းဢေႃႈ။
၅ ယႃႇပေမႆႈၸႂ်ၶီၸႂ်။ၵဝ်မီးယူႇလူၺ်ႈၵၼ်တင်းမႂ်းဢေႃႈ။ၵဝ်တၵ်းဢဝ်မဵဝ်းၸိူဝ်ႉၶိူဝ်းမႂ်းသေ ၵႃႈတီႈၼႃႈဝၼ်းဢွၵ်ႇမႃးလႄႈ တၵ်းၸူႉသိမ်းဢဝ်မႂ်းသေၵႃႈတီႈၼႃႈ ဝၼ်းတူၵ်းမႃးဢေႃႈ။
၆ ၵဝ်တၵ်းလၢတ်ႈတီႈၼႃႈတၢင်းႁွင်ႇလႄႈဝႃႈ၊-ဢၢပ်ႈပၼ်တႃႉ၊ဝႃႈၼင်ႇၼႆလႄႈလၢတ်ႈတီႈၼႃႈတၢင်းၸၢၼ်းလႄႈဝႃႈ၊-ယႃႇပေထိမ်ႇပေဢမ်။ဢဝ်လုၵ်ႈၸၢႆးၵဝ်ဢၼ်ယူႇၵႃႈတီႈဢၼ်ၵႆ၊လုၵ်ႈယိင်းၵဝ်ဢၼ်ယူႇၵႃႈတီႈ လႅၼ်သုတ်းလိၼ်မိူင်း၊ ဢၼ်ဝႃႈၶဝ်ၵႃႈဢၼ်ၶၢမ်ႇတၢင်းဢၼ်ႁွင်ႉႁိၵ်ႈလူၺ်ႈၼႃႇမႃႉၸိုဝ်ႈသဵင်ၵဝ် ဢၼ်ၵဝ်ၽၢၼ်ႇသၢင်းႁဵတ်းပဵၼ်ဝႆႉပုၼ်ႈမူၼ်ႈသရေႇၵဝ် ၸိူဝ်းၼၼ်ႉမႃးတႃႉ။
၇ ၵဝ်ႁဵတ်းပဵၼ်မၼ်းဝႆႉလႄႈ ပွင်ႁႅၼ်းမၼ်းဝႆႉဢမၢၼ်ႇၶၢၼ်ပဵၼ်ယဝ်ႉဝႃႈၼင်ႇၼႆဢေႃႈ။
၈ ဢဝ်ၶဝ်ၸိူဝ်းဢၼ် တႃမွတ်ႇလႄႈ မီးမၢၵ်ႇတႃယူႇဢိၵ်ႇတင်း ၶဝ်ၸိူဝ်းဢၼ်ႁူၼူၵ်ႇလႄႈ မီးႁူယူႇၼၼ်ႉ မႃးတႃႉ။
၉ ႁႂ်ႈၵူၼ်းၵူႈၸိူဝ်ႉၵူႈမဵဝ်းၸူႉၵၼ်တုမ်ၵၼ်လႄႈႁႂ်ႈမဵဝ်းၵူၼ်းတင်းလၢႆ ႁဵတ်းမုၵ်ႉလဵဝ်ၸိူဝ်းလဵဝ်ၵၼ်သေၵမ်းလူၺ်ႈ။ၼႂ်းၶဝ်ၼၼ်ႉၽူႈ လႂ်တၵ်းၽုၺ်ႇဢွၵ်ႇၼႄပျုႉဢမူႉၼႆႉလႆႈ။ ၽူႈ လႂ်တၵ်းမွၵ်ႇလၢတ်ႈလွင်ႈတၢင်းဢၼ်တၵ်းပဵၼ်မႃးယဝ်ႉၸိူဝ်းၼၼ်ႉလႆႈ။လွင်ႈၼင်ႇႁိုဝ်ၶဝ်တၵ်းၵၢင်းလွတ်ႈတင်းဢၶႂၢင်ႉ တၢင်းဢၼ်တၢင်ႇဢပျႅတ်ႈၸိုင် ႁႂ်ႈၶဝ်ၼႄပျုႉသၢၵ်ႈသေႇၶဝ်သေၵမ်းလူၺ်ႈ။ပေႃးဢမ်ႇၼၼ်ႁႂ်ႈၶဝ်ထွမ်ႇငိၼ်းလႄႈ ဢွၼ်ၵၼ်ႁပ်ႉတုင်းဢဝ်လႄႈဝႃႈ ဢၼ်ၼႆႉၸိုဝ်ႈၸႂ်ႈယဝ်ႉဝႃႈၼင်ႇၼႆသေၵမ်းလူၺ်ႈ။
၁၀ ထႃႇဝရႃႉၽြႃးမီးဢမိင်ႉဝႆႉၸမ်း၊- သူပဵၼ်သၢၵ်ႈသေႇၵဝ်ၶႃႈၵဝ်ဢၼ်လိူၵ်ႈၵဵပ်းဢဝ် ႁႂ်ႈသူလႆႈႁူႉၸၵ်းယုမ်ႇမၢတ်ႈၵဝ်လႄႈ ႁူႉၸႅင်ႈလွင်ႈဢၼ်ၵဝ်ပဵၼ်မၼ်းၸဝ်ႈၼၼ်ႉဢေႃႈ။ဢွၼ်တၢင်းၵဝ်ၼၼ်ႉဢမ်ႇမီးၽြႃးပဵၼ်ၸဝ်ႈဢၼ်လႆႈၶၢမ်ႇတၢင်းဢၼ်ႁဵတ်းပဵၼ်ဝႆႉၼၼ်ႉ။ဢမ်ႇမီးသေၸဝ်ႈသပေႃး။ လိုၼ်းၵဝ်ၵေႃႈတၵ်းဢမ်ႇမီးသေၸဝ်ႈသပေႃး။
၁၁ ၵဝ်ၼႆႉယဝ်ႉ။ၵဝ်ၼႆႉယဝ်ႉ။ပဵၼ်ထႃႇဝရႃႉၽြႃးလႄႈလိူဝ်သေၵဝ်ၼႆႉဢမ်ႇမီးၸဝ်ႈ ဢၼ်ၵႄႇသႄႇၶျွတ်ႈဢဝ်။
၁၂ ၵဝ်ဝႆႉပျႃႇတိၵ်ႈလႄႈၵႄႇသႄႇၶျွတ်ႈဢဝ်ယဝ်ႉယဝ်ႉ။ၵဝ်ၽုၺ်ႇဢွၵ်ႇၼႄပျုႉယဝ်ႉယဝ်ႉ။ၽြႃးတၢင်ႇသူႇတၢင်ႇပႃးဢမ်ႇမီးၵႃႈၼႂ်းသူ။ သူပဵၼ်သၢၵ်ႈသေႇၵဝ်ဢေႃႈ။ၵဝ်ပဵၼ်ၽြႃးပဵၼ်ၸဝ်ႈယဝ်ႉ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၃ ၵဝ်ပဵၼ်ၽြႃးၸဵမ်မိူဝ်ႈၸူဝ်ႈဢၼ်မိူဝ်ႉဝၼ်းၶိင်ႇၵႃႇလႃႉဢမ်ႇပႆႇပဵၼ်ပႆႇမီးၼၼ်ႉဢေႃႈ။ၽူႈ လႂ်ဢမ်ႇၵႄႇသႄႇၼုၵ်ႈဢဝ်ၵႃႈၼႂ်းမိုဝ်းၵဝ်လႆႈ။ၵဝ်တၵ်းႁဵတ်းလႄႈၽူႈ လႂ်တၵ်းႁႄႉၶႅၼ်။
ၵရုၼႃႇၽြႃးပဵၼ်ၸဝ်ႈတင်းၵူၼ်းဢိသရေႇလဢၼ်ဢမ်ႇမီးသႅတ်ႈၸႃႇ
၁၄ ထႃႇဝရႃႉၽြႃးၸဝ်ႈ ဢၼ်ထုတ်ႇဢဝ်သူ၊ၽြႃးဢၼ်မူတ်းၸၢင်ႇမဵဝ်းဢိသရေႇလမီးဢမိင်ႉဝႆႉၸမ်း၊-ၵဝ်လႆႈပွႆႇၸႂ်ႉၵႂႃႇၵႃႈတီႈဝဵင်းပႃႇပုလုၼ်ႇၼၼ်ႉပုၼ်ႈသူလႄႈ ႁႂ်ႈၶဝ်ၵႃႈမီးဢၼ်ဝႃႈၵူၼ်းၶႃႇလတေႇ တင်းလၢႆလူင်းၸူးၵႃႈတီႈႁိူဝ်းသၢင်းၽေႃး တီႈဢၼ်ၶဝ်မူၼ်ႈပျေႃႇၼၼ်ႉမိူၼ်ၸိူဝ်ႉၼင်ႇၶဝ်ၸိူဝ်းဢၼ်ဢွၵ်ႇပၢႆႈၼၼ်ႉဢေႃႈ။
၁၅ ၵဝ်ပဵၼ်ထႃႇဝရႃႉၽြႃးၽြႃးဢၼ်မူတ်းၸၢင်ႇသူႇၸဝ်ႈဢၼ်ၽၢၼ်ႇသၢင်းႁဵတ်းပဵၼ် မဵဝ်းဢိသရေႇလ၊ၶုၼ်ႁေႃၶမ်းသူဢေႃႈ။
၁၆ ထႃႇဝရႃႉၽြႃးႁဵတ်းပဵၼ်သဵၼ်ႈတၢင်းၵႃႈၼႂ်းပၢင်ႇလၢႆႇဢိၵ်ႇတင်း ႁွႆးတၢင်းၵႃႈၼႂ်းၼမ်ႉဢၼ်ၸႅဝ်ႈၼႃႇႁႅင်းၼႃႇ၊ဢၼ်ဢဝ်လေႃႉရထႃး လႂ်မႃႉ လႂ် ဢိၵ်ႇတင်း မူႇၽုင်ၵူၼ်းသိုၵ်း လႂ်ႁႅင်းတၼ်းၶူဝ်း လႂ်မႃး၊
၁၇ ဢၼ်ႁႂ်ႈၶဝ်လူမ်ႉၼွၼ်းပႅတ်ႈၽွမ်ႉၵမ်းလဵဝ်ၵၼ် ထၼ်ႈပေႃးဢမ်ႇလုၵ်ႉလႆႈလႄႈ ဢဝ်မွတ်ႇပႅတ်ႈမိူၼ်ၸိူဝ်ႉၼင်ႇတဵၼ်းၵႃႈတီႈတဵၼ်ၽႆးၼၼ်ႉမီးဢမိင်ႉဝႆႉၸမ်း၊ယႃႇပေၶုၵ်းၸႂ်လႆႈၶႆႈၸႂ်ထူပ်း လွင်ႈတၢင်းဢၼ်ယၢမ်ႈပဵၼ်မႃးယဝ်ႉ ၸိူဝ်းၼၼ်ႉ။
၁၈ ယႃႇပေႁဵတ်းပမႃႇၼႃႉတီႈလွင်ႈတၢင်းမိူဝ်ႈ ၵွၼ်ႇဢွၼ်ၼႆႉၸိူဝ်းၼၼ်ႉ။
၁၉ တူၺ်းလူ။ၵဝ်တၵ်းႁဵတ်းလွင်ႈတၢင်းဢၼ်မႂ်ႇလႄႈ ဢၼ်ၼၼ်ႉတၵ်းပေႃႇမႃးမိူဝ်ႈလဵဝ်ၼႆႉဢေႃႈ။သူတၵ်းလႆႈႁူႉႁၼ်မၼ်းဢမ်ႇၸႂ်ႈႁိုဝ်။ၵဝ်တၵ်းပွင်ႁဵတ်းသဵၼ်ႈတၢင်းၵႃႈၼႂ်းထိူၼ်ႇဢိၵ်ႇတင်းၼမ်ႉႁွင်ႊၼမ်ႉၵႄးၵႃႈၼႂ်းတီႈပၢင်ႇတီႈပဵင်းဢ မၢၼ်ႇၶၢၼ်ပဵၼ်ဢေႃႈ။
၂၀ ၸႃႉၸဵမ်မႃလိၼ်ဢိၵ်ႇတင်းၼူၵ်ႈၵလႃႈဢုၵ်ႉတင်းလၢႆလႄႈ တူဝ်ထိူၼ်ႇႁၢႆႉတင်းလၢႆ တၵ်းဢွၼ်ၵၼ်ယွင်ႈယေႃးၵုင်ႇၵျေးၸူးၵဝ်ဢေႃႈ။လွင်ႈမၼ်းၸမ်း ၵဝ်လႆႈဢဝ်ၼမ်ႉၼမ်ၼႃႇဝႆႉၵႃႈၼႂ်းထိူၼ်ႇၼႂ်းၶိူဝ်းဢိၵ်ႇတင်း ၼမ်ႉႁွင်ႊၼမ်ႉၵႄးတင်းလၢႆဝႆႉၵႃႈၼႂ်းတီႈပၢင်ႇတီႈပဵင်း ႁႂ်ႈၵူၼ်းၵဝ်ၶဝ်ႈၸိူဝ်းဢၼ် ၵဝ်လိူၵ်ႈၵဵပ်းဢဝ်တင်းလၢႆလႆႈၵိၼ်တႃႉ။
၂၁ ၵူၼ်းမဵဝ်းၼၼ်ႉပဵၼ်ဢၼ်ၵဝ်ႁဵတ်းပဵၼ်ပုၼ်ႈၵဝ် ႁႂ်ႈၶဝ်လႆႈၼႄပျုႉၵုင်ႇ ၵျေးၸူးၵဝ်ဢေႃႈ။
၂၂ ၼႂ်းဝႃႈၼၼ်သေၵေႃႈမဵဝ်းယႃႇၵုပ်ႉဢိူၺ်း။မႂ်းဢမ်ႇႁွင်ႉဢမ်ႇႁႃၵဝ်။ မဵဝ်းဢိသရေႇလ ဢိူၺ်း။မႂ်းၼႆႉမိူဝ်ႇၸၢၼ်ႈၵဝ်ယဝ်ႉလူင်ပေႇ။
၂၃ မႂ်းဢမ်ႇဢဝ်သူဝ်းဢွၼ်ႇဢၼ်ပဵၼ်ပုၼ်ႈ ယိၸ်ႉဢၼ်တၵ်းတုတ်ႇၽႆးၼၼ်ႉမႃးတီႈၵဝ်။မႂ်းဢမ်ႇဢဝ်တၢင်းဢၼ်ပုၵ်ႉၸေႃႇယိတ်ႉယုၵ်ႉယွင်ႈယဝ်ႉ။ၵဝ်ဢမ်ႇႁႂ်ႈမႂ်းဢဝ်တႃႇၼႃႉတၢင်းလူႇႁၢပ်ႇဢမူႉၵဝ်။ ၵဝ်ဢမ်ႇယွၼ်းဢဝ်လေႃႇ ပၢၼ်ႇလႄႈႁႂ်ႈမႂ်းယၢပ်ႇၸႂ်ၶၢၼ်ၸႂ်။
၂၄ မႂ်းဢမ်ႇဢဝ်ငိုၼ်းသိုဝ်ႉဢဝ်ဢွႆႈဢၼ်ႁွမ်ၼၼ်ႉမႃးပုၼ်ႈၵဝ်။မႂ်းဢမ်ႇဢဝ်တင်းၵွွၼ်ႈၶႆၵွၼ်ႈမၼ်းတူဝ်ယိတ်ႉမႂ်း ႁႂ်ႈၵဝ်ဢိမ်ႇတဵမ်။မႂ်းဢဝ်တင်းဢပျႅတ်ႈတူႉၸရိူၵ်ႈမႂ်း ႁႂ်ႈၵဝ်ႁၢပ်ႇဢမူႉယဝ်ႉလူင်ပေႇ။မႂ်းဢဝ်တင်းဢၼ်မႂ်းႁဵတ်းၸိူဝ်းၼၼ်ႉႁႂ်ႈၵဝ် ယၢပ်ႇၸႂ်ၶၢၼ်ၸႂ်ယဝ်ႉလူင်ပေႇ။
၂၅ ၵဝ်ၼႆႉယဝ်ႉ၊ၵဝ်ၼႆႉယဝ်ႉပဵၼ်ၵေႃႉဢၼ် ၽေႇဢပျႅတ်ႈမႂ်းမွတ်ႇပႅတ်ႈပုၼ်ႈၵဝ်လႄႈဢမ်ႇၶုၵ်းၸႂ်လႆႈၶႆႈၸႂ်ထူပ်းဢမူႉတူႉၸရိူၵ်ႈမႂ်း ၸိူဝ်းၼၼ်ႉ။
၂၆ ပၼ်သတိတီႈၵဝ်တႃႉ။ထူပ်းတြႃးတီႈၵၼ်တႃႉႁဝ်း။ လၢတ်ႈဢမူႉမႂ်းႁႂ်ႈမႂ်းလႆႈၵၢင်းလွတ်ႈတင်း ဢပျႅတ်ႈတႃႉ။
၂၇ ပေႃႈမႂ်းဢၼ်ပဵၼ်ပေႃႈပထမၼၼ်ႉႁဵတ်းတူႉၸရိူၵ်ႈယဝ်ႉ။သြႃႇမႂ်းၸိူဝ်းၼၼ်ႉဢွၼ်ၵၼ်ၽိတ်း ပိူင်ႈၵဝ်ယဝ်ႉ။
၂၈ ပိူဝ်ႈၼႆလႄႈၵဝ်တၵ်းဢဝ်ၶုၼ်ထႃႇၼႃႉတီႈမူတ်းၸၢင်ႇတင်းလၢႆၶျႃးတူၵ်းတီႈတႅမ်ႇလႄႈႁဵတ်းႁႂ်ႈမဵဝ်းယႃႇၵုပ်ႉႉ ပဵၼ်တီႈဢၼ်ၵိၼ်ႇလႃႇ ဢိၵ်ႇတင်းႁႂ်ႈမဵဝ်း ဢိသရေႇလပဵၼ်တီႈဢၼ်သေႉသွမ်းဢေႃႈ။