၃၉
ၽူႈတၢင်ႈတူဝ်မိူင်းပႃႇပုလုၼ်ႇ
၁ မိူဝ်ႈၶိင်ႇၼၼ်ႉ မေႇပႃႇတၢပ်ႉပႃႇလ တၢၼ်ႇလုၵ်ႈၸၢႆးပႃႇလတၢၼ်ႇၶုၼ်လူင်ပႃႇပုလုၼ်ႇၼၼ်ႉ ပွႆႇၸႂ်ႉလိၵ်ႈမႅတ်ႉတႃႇဢိၵ်ႇတင်း လၢၵ်ႈသွင်ႇမႃးတီႈႁေႇၸၵိၵွပ်ႈပိူဝ်ႈဢၼ်မၼ်းငိၼ်း လွင်ႈဢၼ်မၼ်းပဵၼ်ၸဵပ်းလႄႈ ၸိုဝ်ႈမႃးၶႅၼ်းမႃးၼၼ်ႉဢေႃႈ။
၂ ႁေႇၸၵိၸူမ်းသိူဝ်းၵွပ်ႈပိူဝ်ႈၶဝ်ၼၼ်ႉလႄႈ ၼႄပျႃႉၸႃႉၸဵမ်တိူၵ်ႈၽၼ်ႇတႃႇတီႈဢၼ်ဝႆႉ ၶိူင်ပိူင်ဢၼ်ထိူၵ်ႈၵႃႈထိူၵ်ႈၶၼ်ၼၼ်ႉလႄႈငိုၼ်း၊ၶမ်း၊ မဵဝ်းၼၢမ်ႇသႃႇ၊ၼမ်ႉမၼ်းၼၢမ်ႇသႃႇဢၼ်လီဢၼ်ငၢမ်း၊တိူၵ်ႈလၢၵ်ႈၼၢၵ်ႈဢိၵ်ႇတင်း ၵႃႈဢၼ်ပႃးၼႂ်းၽၼ်ႇတႃႇၸဝ်ႈ ၵူႈၸိူဝ်ႉႉၵူႈပိူင်ၼၼ်ႉတီႈၶဝ်ၼၼ်ႉဢေႃႈ။ ၸႃႉၸဵမ်ၵႃႈၼႂ်းႁေႃၶမ်းလႄႈမိူင်းၸဝ်ႈၵူႈတီႈၵူႈလႅၼ်ၼၼ်ႉ လွင်ႈတၢင်းဢၼ်ၶုၼ်ႁေႇၸၵိ ဢမ်ႇၼႄပျုႉတီႈၶဝ်ၼၼ်ႉဢမ်ႇမီးသေၸိူဝ်ႉသေ ပိူင်။
၃ မိူဝ်ႈၼၼ်ႉပရေႃးၽႅတ်ႈဢိသႃႇယမႃးတီႈၶုၼ်ႁေႃၶမ်း ႁေႇၸၵိလႄႈလဝ်ထၢမ်ဝႃႈ၊- ၵူၼ်းၸိူဝ်းၼႆႉလၢတ်ႈၸိူဝ်ႉၼင်ႇႁိုဝ်တီႈၶႃႈ။ၶဝ်လုၵ်ႉသေၵႃႈတီႈမိူင်း လႂ်မႃးတီႈၸဝ်ႈႁဝ်းတီႈၶႃႈဝႃႈၼင်ႇၼႆသေယဝ်ႉ၊ ႁေႇၸၵိၶိုၼ်းလၢတ်ႈလႄႈဝႃႈ၊-ၶဝ်လုၵ်ႉသေၵႃႈတီႈဢၼ်ၵႆၼႃႇဢၼ်ဝႃႈမိူင်းပႃႇပုလုၼ်ႇပုၼ်ႉမႃးဢေႃႈ၊ ဝႃႈ ၼင်ႇၼႆဢေႃႈ။
၄ မၼ်းၼၼ်ႉသမ်ႉထၢမ်လႄႈဝႃႈ၊-ၵႃႈၼႂ်းႁေႃၶမ်း ၸဝ်ႈႁဝ်ၼႆႉၶဝ်ႁၼ်ၵႃႈသင်တီႈၶႃႈဝႃႈၼင်ႇၼႆသေယဝ်ႉႁေႇၸၵိၶိုၼ်းလၢတ်ႈလႄႈဝႃႈ၊-ၵႃႈဢၼ်မီးၵႃႈၼႂ်းႁေႃၶမ်းၼႆႉၶဝ်လႆႈႁၼ်ယဝ်ႉ။ ၵႃႈၼႂ်းၽၼ်ႇတႃႇၸဝ်ႈၼၼ်ႉလွင်ႈတၢင်းဢၼ်ၵဝ်ဢမ်ႇၼႄပျႃႉ တီႈၶဝ်ဢမ်ႇမီးသေၸိူဝ်ႉသေပိူင်၊ ဝႃႈၼင်ႇၼႆ ဢေႃႈ။
၅ မိူဝ်ႈၼၼ်ႉဢိသႃႇယလၢတ်ႈတီႈႁေႇၸၵိလႄႈဝႃႈ၊- ထွမ်ႇငိၼ်းၼုၵ်ႈၵပၢတ်ႈၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးတႃႉ။
၆ ၶိင်ႇၵႃႇလႃႉမိူဝ်ႉဝၼ်းဢၼ်ၵႃႈဢၼ်မီးၵႃႈတီႈႁေႃၶမ်းဢိၵ်ႇတင်း ၵႃႈဢၼ်ပူႇၸဝ်ႈမွၼ်ႇၸဝ်ႈၸူႉသိမ်းဝႆႉ တေႃႇထိုင်ႁွတ်ႈဝၼ်းမိူဝ်ႈၼႆႉတင်းသဵင်ႈတင်းလူင်ၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈ ပႃႇပုလုၼ်ႇပုၼ်ႉၼၼ်ႉတၵ်းႁွတ်ႈထိုင်ဢေႃႈ။ဢမ်ႇလႆႈၵိုတ်းလႆႈၵျၢၼ်ႇဝႆႉသေၸိူဝ်ႉသေပိူင်ဝႃႈၼင်ႇၼႆလႄႈထႃႇဝရႃႉၽြႃးမီးဢမိင်ႉဢေႃႈ။
၇ ၶဝ်တၵ်းဢဝ် လုၵ်ႈၸဝ်ႈလၢၼ်ၸဝ်ႈဢၼ်သိုပ်ႇဢွၼ်ႇတိူၼ်းဢွၵ်ႇတီႈၸဝ်ႈၸိူဝ်းၼၼ်ႉၵႂႃႇလႄႈ ၶဝ်တၵ်းလႆႈပဵၼ်ၵူၼ်းပႂ်ႉၵူၼ်း ထိင်းၵႃႈၼႂ်းႁေႃၶမ်းၶုၼ်ႁေႃၶမ်းပုႇပုလုၼ်ႇပုၼ်ႉဢေႃႈဝႃႈၼင်ႇၼႆဢေႃႈ။
၈ ႁေႇၸၵိလၢတ်ႈတီႈဢိသႃႇယလႄႈဝႃႈ၊ ၼုၵ်ႈၵပၢတ်ႈထႃႇဝရႃႉၽြႃး ဢၼ်မႂ်းလႆႈပျၢၼ်ႇလႆႈလၢတ်ႈၼႆႉလီယဝ်ႉ၊ဝႃႈၼင်ႇၼႆဢေႃႈ။မၼ်းသမ်ႉလၢတ်ႈထႅင်ႈလႄႈဝႃႈ၊- ၼႂ်းၸူဝ်ႈပၢၼ်ၵဝ်ၼႆႉတၵ်းမီးတၢင်းဢၼ်ၼိမ်ဢၼ်လီဢိၵ်ႇတင်း တၢင်းဢၼ်ပႂ်ႉသႅတ်ႉၸႃႇယူႇ ဢမၢၼ်ႇၶၢၼ်ပဵၼ်ဢေႃႈ၊ဝႃႈၼင်ႇၼႆဢေႃႈ။