၃၂
ၶုၼ်ႁေႃၶမ်းဢၼ်သိုဝ်ႈတေႃႇ
၁ တူၺ်းလူ။ၶုၼ်ႁေႃၶမ်းပႃးၼိုင်ႈတၵ်းဢုပ်ႉပိူင်ႇမႅၼ်ႈၸွမ်းတၢင်းဢၼ်သိုဝ်ႈတေႃႇလႄႈ မူးမၢတ်ႈၽွင်းမိူင်းတင်းလၢႆတၵ်းဢွၼ်ၵၼ် ၸီႇယၢင်ႇၸွမ်းၼင်ႇတြႃး ဢေႃႈ။
၂ ၶုၼ်ၼၼ်ႉ တၵ်းပဵၼ်ၸိူဝ်ႉၼင်ႇတီႈဢၼ်ႁႄႉလူမ်းၵင်ႈလူမ်းတီႈဢၼ်လပ်ႉၽူၼ်လူင်လူမ်းလူင်ဢိၵ်ႇတင်း ၸိူဝ်ႉၼင်ႇၼမ်ႉႁွင်ႊၼမ်ႉၵႄးဢၼ်လႆႈယူႇၵႃႈတီႈလိၼ်ဢၼ်ႁႅင်ႈဢၼ်ႁွင် တင်းၸိူဝ်ႉၼင်ႇငဝ်ႈႁူမ်ႈမၢၵ်ႇႁိၼ်လူင် ၵႃႈၼႂ်းမိူင်းတီႈဢၼ်ၵူၼ်းႁိူဝ်ႉၵူၼ်း ဢူၼ်ႈၼၼ်ႉဢေႃႈ။
၃ မၢၵ်ႇတႃၶဝ်ၸိူဝ်းဢၼ်ႁၼ်ၼၼ်ႉတၵ်းဢမ်ႇလႆႈလိူမ်ႈလႆႈမူဝ်းလႄႈႁူၶဝ်ၸိူဝ်းဢၼ် ငိၼ်းၼၼ်ႉတၵ်းထွမ်ႇဢဝ်ဢေႃႈ။
၄ ႁူဝ်ၸႂ်ၶဝ်ၸိူဝ်းဢၼ်ဢမ်ႇမီးသတိၼၼ်ႉ တၵ်းႁူႉၸႅင်ႈပိင်ႇၺႃႇလႄႈ လိၼ်ႉၶဝ်ၸိူဝ်းဢၼ်ဢႃႉဢၼ်ၵၵ်းၼၼ်ႉၵေႃႈ တၵ်းၸၢင်ႊ လၢတ်ႈၵႂၢမ်းႁႂ်ႈပေႃးပီႇလီမႅၼ်ႈလီဢေႃႈ။
၅ ၵမ်းလိုၼ်းၵေႃႉဢၼ်ယုတ်ႈၼၼ်ႉ ဢမ်ႇလႆႈၶၢမ်ႇတၢင်းဢၼ်ႁွင်ႉႁိၵ်ႈဝႃႈၵေႃႉဢၼ်မျၢတ်ႈ။ၵေႃႉဢၼ်ထီႇၼဵဝ်ၵေႃႈဢမ်ႇလႆႈၶၢမ်ႇတၢင်းဢၼ်ႁွင်ႉႁိၵ်ႈဝႃႈ ၵေႃႉဢၼ်ယိုၼ်ႈမႅင်ႇ။
၆ လွင်ႈမၼ်းၸမ်း ၵေႃႉဢၼ်ယုတ်ႈၼၼ်ႉတၵ်းလၢတ်ႈၵႂၢမ်းဢၼ်ယုတ်ႈလႄႈႁူဝ်ၸႂ်းမၼ်းတၵ်းၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ဢမ်ႇလီဢမ်ႇငၢမ်းႁႂ်ႈလႆႈႁဵတ်းဢႃႉထမ်ႇမႃႉသေလႄႈ ဢဝ်တင်းသူပ်းၽိတ်းပိူင်ႈထႃႇဝရႃႉၽြႃးယူႇ၊ ႁႂ်ႈလႆႈၶဝ်ၸိူဝ်းဢၼ်ဢိုပ်းဢၼ်ယၢၵ်ႈၼၼ်ႉယိင်ႈၶႅၼ်းတွင်ႉမႆႈသႆႈလိူတ်ႈယူႇ၊ ႁႂ်ႈၶဝ်ၸိူဝ်းဢၼ်ယၢၵ်ႈၼမ်ႉၶေႃးႁွင်ႉၼၼ်ႉ ဢမ်ႇလႆႈၵိၼ်ၼမ်ႉ ယူႇဢေႃႈ။
၇ ၶိူင်ႈပိူင်ဢၼ်ၵေႃႉဢၼ်ထီႇၼဵဝ်သုင်းသွင်ႇၼၼ်ႉပဵၼ်ဢၼ်ႁၢႆႉၼႃႇလႄႈ ပိၵ်ႉသမ်ႉၵေႃႉဢၼ်ၸုတ်ႈဢၼ်လုတ်ႈၼၼ်ႉလၢတ်ႈမၢၼ်ႇမၢၼ်ႇမႅၼ်ႈမႅၼ်ႈသေၵေႃႈ မၼ်းၸၢင်ႊၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ဢမ်ႇလီဢမ်ႇငၢမ်း ႁႂ်ႈလႆႈဢဝ်တင်းၵႂၢမ်းမူႉသႃႇယႃႉၽဵဝ်ႈ ၵေႃႉဢၼ်ၽၢၼ်ဢၼ်ၵႅၼ်းၼၼ်ႉ ပႅတ်ႈ ဢေႃႈ။
၈ ၵေႃႉဢၼ်မီးၸေႇတၼႃႇၸမ်းၸၢင်ႊၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ၸၢပ်ႈသႅင်ႇၵၼ်တင်းၸေႇတၼႃႇၼၼ်ႉလႄႈ တၵ်းလႆႈတႄႇယူႇၼႂ်းလွင်ႈတၢင်းဢၼ်ၸၢပ်ႈသႅင်ႇၵၼ်တင်းၸေႇတၼႃႇဢေႃႈ။
မေႈယိင်းယေႇရုသလႅမ်ႇ
၉ မေႈယိင်းဢၼ်ယူႇတႄႇတႄႇၼိမ်ၼိမ်ၶဝ်ဢိူၺ်း။ဢွၼ်ၵၼ်လုၵ်ႉလႄႈထွမ်ႇငိၼ်းသဵင်ၵႂၢမ်းဢၼ်ၵဝ်လၢတ်ႈၼႆႉတႃႉ။လုၵ်ႈယိင်းဢၼ်ဢမ်ႇမီးသတိၶဝ် ဢိူၺ်း။
၁၀ ဢွၼ်ၵၼ်ဝၢႆႇႁူတေႃႇၵႂၢမ်းၶဝ်တႃႉ။မေႈယိင်းဢၼ်ဢမ်ႇမီးသတိၶဝ်ဢိူၺ်း။တေႃႇထိုင်ႁွတ်ႈပီႊၼိုင်ႈလိူဝ်လိူဝ်လႄႈသူတၵ်းယၢပ်ႇၸႂ်ယုင်ႈၸႂ်ဢေႃႈ။လွင်ႈမၼ်းၸမ်း တၢင်းဢၼ်သိမ်းဢဝ်မၢၵ်ႇၸပိတ်ႉၼၼ်ႉတၵ်းထၢတ်ႇၵႂႃႇလႄႈ ၶိင်ႇဢၼ်သိမ်းဢဝ်မၢၵ်ႇၶဝ်ႁူင်း ၶဝ်ၼၼ်ႉတၵ်းဢမ်ႇလႆႈႁွတ်ႈလႆႈထိုင်။
၁၁ မေႈယိင်းဢၼ်ယူႇတႄႇတႄႇၼိမ်ၼိမ်ၶဝ်ဢိူၺ်း။ဢွၼ်ၵၼ်သၼ်ႇဝႆတႃႉ။သူၸိူဝ်းဢၼ်ဢမ်ႇမီးသတိၶဝ်ဢိူၺ်း။ဢွၼ်ၵၼ်မီးတၢင်းဢၼ်ယၢပ်ႇၸႂ်ယုင်ႈၸႂ်တႃႉ။ထွၼ်ႇၶူဝ်းၼုင်ႈတၢင်းမႆႊသူပႅတ်ႈသေလႄႈ ဢဝ်ၶူဝ်းၼုင်ႈၼင်ပေႃႁတ်ႉ ဢႅဝ်သူတႃႉ။
၁၂ ၶဝ်တၵ်းမီးတၢင်းဢၼ်တူပ်းဢူၵ်းယႅၼ်ႉဢူၵ်းပုၼ်ႈႁႆႊၼႃးဢၼ်သႃႇယႃႇဢိၵ်ႇတင်းတူၼ်ႈ ၶိူဝ်းမၢၵ်ႇၸပိတ်ႉဢၼ်မၢၵ်ႇၼမ်ၼႃႇဢေႃႈ။
၁၃ တူၼ်ႈၼၢမ်ၵူႈၸိူဝ်ႉၵူႈပိူင်တၵ်း ဢွၵ်ႇၵႃႈၼိူဝ်လိၼ်ၵူၼ်းၵဝ်တင်းလၢႆဢိၵ်ႇတင်း ၵႃႈၼိူဝ်ႁိူၼ်းဢၼ်ၸူမ်းပျေႃႇၵႃႈမီးၵႃႈၼႂ်းဝဵင်းဢၼ်သႂၢင်ႇသိူဝ်းၼၼ်ႉလႄႈ မုင်းႁူမ်ႇဝႆႉ ဢေႃႈ။
၁၄ လွင်ႈမၼ်းၸမ်းႁေႃၶမ်းတၵ်းလႆႈၶၢမ်ႇတၢင်းဢၼ်ၸုၼ်ႉပႅတ်ႈလႄႈ ဝဵင်းဢၼ်ၵူၼ်းၼမ်ၵူၼ်းၵိုၼ်းၼၼ်ႉတၵ်းသိတ်ႇယဵၼ်ၵႂႃႇဢေႃႈ။ၵုင်းဢိၵ်ႇတင်းတိူၵ်ႈတီႈတိုၵ်းသိုၵ်းတင်းလၢႆ တၵ်းပဵၼ်တီႈၶုမ်ပဵၼ်ႁူးတီႈဢၼ်လီဢၼ်ရိူၵ်းတင်းလၢႆမူၼ်ႈပျေႃႇ တီႈဢၼ်ၽုင် သူဝ်းလႄႇၵိၼ်ၼၼ်ႉၵႂႃႇ၊
၁၅ တေႃႇထိုင်ႁွတ်ႈၶိင်ႇမိူဝ်ႈဢၼ်ဝိၺိၺ်ႇၸဝ်ႈ လႆႈၶၢမ်ႇတၢင်းဢၼ်သွၼ်းလေႃႇသေၵႃႈၼိူဝ်ၵၢင်ႁၢဝ်လူင်းမႃး သႂ်ႇၵႃႈၼိူဝ်ႁဝ်းလႄႈထိူၼ်ႇပဵၼ်တူင်ႈႁႆႈတူင်ႈၼႃး ဢၼ်မၢၵ်ႇၼမ်ႁူင်းၼမ်ၼၼ်ႉ လႆႈၶၢမ်ႇတၢင်းဢၼ်မတ်ႉပဵၼ်ၸိူဝ်ႉၼင်ႇပႃႇမႆႉ ပႃႇၸိင်ၼၼ်ႉဢေႃႈ။
၁၆ မိူဝ်ႈၼၼ်ႉတၢင်းဢၼ်ၸီႇယၢင်ႇၸွမ်းၼင်ႇတြႃးတၵ်းလႆႈတႄႇယူႇၵႃႈတီႈထိူၼ်ႇလႄႈ ပႃႇရမီႇတၢင်းဢၼ်သိုဝ်ႈတေႃႇၼၼ်ႉတၵ်းတူၵ်းတီႈတူၵ်းလႅၼ်ယူႇၵႃႈၼႂ်းတူင်ႈၼႃး ဢၼ်မၢၵ်ႇၼမ် ႁူင်းၼမ်ၼၼ်ႉဢေႃႈ။
၁၇ တၢင်းဢၼ်တြႃးတၢင်းဢၼ်သိုဝ်ႈတေႃႇပွင်ႁဵတ်းၼၼ်ႉ တၵ်းပဵၼ်တၢင်းဢၼ်ၼိမ်ဢၼ်လီလႄႈ ဢၵျူဝ်းတၢင်းဢၼ်သိုဝ်ႈတေႃႇၼၼ်ႉတၵ်းပဵၼ်တၢင်းဢၼ်တႄႇဢၼ်ၼိမ်ဢိၵ်ႇတင်းတၢင်းဢၼ်လွတ်ႈၽေးလွတ်ႈရၢၼ်ႇယူႇ သေႇသေႇ ဢေႃႈ။
၁၈ ၵူၼ်းၵဝ်တင်းလၢႆတၵ်းလႆႈယူႇၵႃႈၼႂ်းတီႈယူႇဢၼ်တႄႇလီၼိမ်လီ ၵႃႈၼႂ်းႁိူၼ်းတီႈဢၼ်လွတ်ႈၽေးလွတ်ႈရၢၼ်ႇ၊ ၵႃႈၼႂ်းတီႈဢၼ်ၵတ်းယဵၼ်ၶျၢမ်းသႃႇၼိမ်လီၼိမ်ငၢမ်းၸိူဝ်းၼၼ်ႉဢေႃႈ။
၁၉ ၵူၺ်းၵႃႈမၢၵ်ႇႁဵပ်းတၵ်းတူၵ်း ၼႂ်းမိူဝ်ႈဢၼ်ပႃႇမႆႉပႃႇၸိင်လူၼ်ႉၼၼ်ႉလႄႈ ဝဵင်းၵေႃႈတၵ်းလႆႈၶၢမ်ႇတၢင်းဢၼ်ၵိူၼ်ႇယႃႉ တူၵ်းၽဵင်ႇပဵင်းၵၼ်တင်းလိၼ်ဢေႃႈ။
၂၀ သူၸိူဝ်းဢၼ်ၸၢင်ႊဝၢၼ်ႇၸိူဝ်ႉဝၢၼ်ႇၽၼ်းၵႃႈတီႈႁိမ်းၼမ်ႉ ၵူႈတီႈၵူႈလႅၼ်လႄႈပွႆႇတိၼ်ဝူဝ်း ဢိၵ်ႇတင်းတိၼ်လီႈၸိူဝ်းၼၼ်ႉမီးမၢင်ႇၵလႃႇဢေႃႈ။