၃၁
တၢင်းၵိၼ်ႇလႃႇၼိူဝ်ၸိူဝ်းဢၼ်ဢိင်ႈပိူင်မိူင်းဢေႇၵႅပ်ႉတု
၁ ၶဝ်ၸိူဝ်းဢၼ် လူင်းၵႂႃႇၵႃႈတီႈ မိူင်းဢေႇၵႅပ်ႉတု ႁႂ်ႈယွၼ်းဢဝ်သိုၵ်းၸွႆႈသိုၵ်းထႅမ်လႄႈ ၸႂ်လီလူၺ်ႈမႃႉတင်းလၢႆယူႇ၊ ၸႂ်ပိူင်ႈလူၺ်ႈလေႃႉရထႃးတင်းလၢႆၵွပ်ႈပိူဝ်ႈဢၼ်ၼမ်ၼႃႇဢိၵ်ႇတင်း ၵူၼ်းသိုၵ်းၶီႇမႃႉဢၼ်ႁႅင်းယႂ်ႇၼႃႇၸိူဝ်းၼၼ်ႉယူႇလႄႈ၊ ယင်းဢမ်ႇမုင်ႈမွင်းၽြႃးဢၼ်မူတ်းၸၢင်ႇမဵဝ်းဢိသရေႇလ ဢမ်ႇႁႃထႃႇ ဝရႃႉၽြႃးၼၼ်ႉမီးဢႃႉမၢင်ႇၵလႃႇဢေႃႈ။
၂ မၼ်းၸဝ်ႈၺၢၼ်ႇၵႂၢင်ႈလႄႈ တၵ်းႁႂ်ႈၽေးတုၵ်ႉၶႃႉတူၵ်းႁွတ်ႈထိုင်ၵႃႈၼိူဝ်ၶဝ်ဢေႃႈ။ မၼ်းၸဝ်ႈယင်းဢမ်ႇၼုၵ်ႈဢမ်ႇထွၼ်ၵႂၢမ်းမၼ်းၸဝ်ႈလႄႈ မၼ်းၸဝ်ႈတၵ်းလုၵ်ႉယူႇၽၢႆႇၼိုင်ႈတင်း မဵဝ်းၵူၼ်းဢၼ်ႁၢႆႉဢၼ်မိူၵ်ႈတင်းလၢႆဢိၵ်ႇတင်း တၢင်းဢၼ်ၶဝ်ၸိူဝ်းဢၼ်ႁဵတ်းဢမ်ႇတြႃး ၼၼ်ႉၸွႆႈထႅမ်ၼၼ်ႉဢေႃႈ။
၃ ၵူၼ်းမိူင်းဢေႇၵႅပ်ႉတုၸိူဝ်းၼၼ်ႉဢမ်ႇပဵၼ်ၽြႃး။ပဵၼ်ၵူၼ်းလၢႆလၢႆၵူၺ်းဢေႃႈ။မႃႉၶဝ်လဵဝ်ၼၼ်ႉၵေႃႈ ဢမ်ႇပဵၼ်ဝိၺိၺ်ႇပဵၼ်ၼိူဝ်ႉလၢႆလၢႆၵူၺ်းဢေႃႈ။ယၢမ်းမိူဝ်ႈဢၼ်ထႃႇဝရႃႉၽြႃးယဵတ်ႇမိုဝ်းမၼ်းၸဝ်ႈၼၼ်ႉၸိုင် ၵေႃႉဢၼ်ၸၢင်ႊၸွႆႈထႅမ်မႃႉၸႃႉၼၼ်ႉတၵ်းလူမ်ႉလႄႈ ၵေႃႉဢၼ်ၶၢမ်ႇတၢင်းဢၼ်ၸွႆႈထႅမ်မႃႉၸႃႉၼၼ်ႉၵေႃႈတၵ်းသုမ်းဢေႃႈ။ ၶဝ်ၵႃႈမီးၼၼ်ႉ တၵ်းလႆႈႁွတ်ႈထိုင်တၢင်းဢၼ်လူႉလႅဝ် လူၺ်ႈၵၼ်ဢေႃႈ။
၄ ထႃႇဝရႃႉၽြႃးမီးဢမိင်ႉတီႈၵဝ်ၸမ်း၊-ၸိူဝ်ႉၼင်ႇဢၼ်သၢင်ႇသီႈဢိၵ်ႇတင်းသၢင်ႇသီႈတူဝ်ၼုမ်ႇ ႁွင်ႉၶၢင်းၵႃႈၼိူဝ်တူဝ်တၢႆဢၼ်မၼ်းႁိမ်ဢဝ်လႆႈၼၼ်ႉလႄႈ ဢမ်ႇၵူဝ်သဵင်ႈတၢင်းမူႇၽုင်မုၵ်ႉၸိူဝ်းၵူၼ်းဢၼ်လဵင်ႉသူဝ်းထိင်းသူဝ်းဢၼ်ႁွင်ႉပၢဝ်ႇႁွင်ႉသႅၼ်ႇႁိုတ်းသဵင်လွၵ်ႇ ႁႂ်ႈလႆႈႁႄႉၶႅၼ်ၼၼ်ႉၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းလူင်းမႃးႁႂ်ႈလႆႈတိုၵ်းသိုၵ်းၽၢႆႇလွႆမၼ်းၸဝ်ႈဢၼ်ဝႃႈလွႆၸိဢုၼ်ႇ ၼၼ်ႉ ဢေႃႈ။
၅ ၸိူဝ်ႉၼင်ႇဢၼ်ၼူၵ်ႉသိတ်ႈၵႂႃႇသိတ်ႈမႃးယူႇၵႃႈၼိူဝ်ႁၢင်မၼ်းၼၼ်ႉ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးတၵ်းႁူမ်ႇငမ်းဝဵင်းယေႇရုသလႅမ်ႇဝႆႉလႄႈ တၵ်းႁူမ်ႇငမ်းၵႄႇသႄႇၼုၵ်ႈဢဝ်လႄႈ ငမ်းၵႂႃႇငမ်းမႃးၵႄႇသႄႇၶျွတ်ႈဢဝ်ဢေႃႈ။
၆ ဢွၼ်ၵၼ်ၶိုၼ်းမႃးၸူး ၵႃႈတီႈမၼ်းၸဝ်ႈဢၼ်ၵူၼ်းမဵဝ်း ဢိသရေႇလ တင်းလၢႆဢွၼ်ၵၼ်လုၵ်ႉၽိုၼ်ႉပႄႇပႅတ်ႈၼႃႇလူင်လၢင်ၼၼ်ႉတႃႉ။
၇ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉၵူၼ်းၵႃႈမီး တၵ်းဢွၼ်ၵၼ်ပႄႇၽဵဝ်ႈပႅတ်ႈရုၵ်ႉထူႉငိုၼ်းရုၵ်ႉထူႉၶမ်းဢၼ်သူဢဝ်တင်းမိုဝ်းသူႁဵတ်းႁင်းၽႂ်ႁင်းမၼ်း ဢၼ်တၵ်းႁႂ်ႈၽိတ်းပိူင်ႈၸိူဝ်းၼၼ်ႉ ဢေႃႈ။
၈ ၵူၼ်းဢႃႇသုရိၵေႃႈတၵ်းလႆႈသုမ်းလူၺ်ႈလၢပ်ႇလႅဝ်း ဢၼ်ဢမ်ႇၸႂ်ႈလၢပ်ႇလႅဝ်းၵူၼ်းဢၼ်မျၢတ်ႈၼၼ်ႉလႄႈလၢပ်ႇလႅဝ်းဢၼ်ဢမ်ႇၸႂ်ႈလႅဝ်းၵူၼ်းဢၼ်ယုတ်ႈၼၼ်ႉတၵ်းၵိၼ်မၼ်းပႅတ်ႈဢေႃႈ။မၼ်းတၵ်းလႆႈဢွၵ်ႇပၢႆႈသေ ၵႃႈတီႈၽေးလၢပ်ႇလႄႈၵူၼ်းၼုမ်ႇၵူၼ်းၵမ်မၼ်းၸိူဝ်းၼၼ်ႉ တၵ်းလႆႈဢွၼ်ၵၼ် ၶၢမ်ႇတၢင်းဢၼ်သၢၵ်ႈၶွၼ်ႇပၼ်ၶွၼ်ႇဢေႃႈ။
၉ မၢၵ်ႇႁိၼ်မၢၵ်ႇၽႃမၼ်းၼၼ်ႉတၵ်းပူၼ်ႉၵႂႃႇႁၢႆၵႂႃႇ ၵွပ်ႈပိူဝ်ႈတၢင်းဢၼ်ၵူဝ်ဢၼ်ႁႄလႄႈ မူးမၢတ်းၽွင်းမိူင်းၸိူဝ်းၼၼ်ႉ တၵ်းဢွၼ်ၵၼ်ၸႂ်လူႉၵွပ်ႈပိူဝ်ႈလၢမ်ႇဢၼ်ပုၵ်းဝႆႉၼၼ်ႉဢေႃႈ၊ဝႃႈၼင်ႇၼႆလႄႈ ထႃႇဝရႃႉၽြႃးဢၼ်မီးပိဝ်ၽႆးၵႃႈၼိူဝ်ၸိဢုၼ်ႇ ဢိၵ်ႇတင်းမုၵ်ႈၽႆးၵႃႈၼိူဝ်ဝဵင်းယေႇရုသလႅမ်ႇ ၼၼ်ႉမီးဢမိင်ႉၸိူဝ်ႉၼင်ႇၼၼ်ဢေႃႈ။