၂၃
ပျႃႇတိၵ်ႈလူၺ်ႈလွင်ႈဝဵင်းတုရု
၁ ပျႃႇတိၵ်ႈၸဝ်ႈလူၺ်ႈလွင်ႈဝဵင်းတုရုၸမ်း ႁိူဝ်းသၢင်းၽေႃးတႃႇသုၶဝ်ဢိူၺ်း။ဢွၼ်ၵၼ်ႁွင်ႉႁႆႈပွင်ႉၶၢင်းတႃႉ။လူႉလႅဝ်ၵႂႃႇမူတ်းမူတ်းသဵင်ႈသဵင်ႈ တေႃႇထိုင်ႁွတ်ႈထၼ်ႈပေႃး ဢမ်ႇမီးႁိူၼ်းဢမ်ႇမီးတီႈဢၼ်သွၼ်ႈပိုင်ႈယဝ်ႉ။လႆႈငိၼ်းသတၢင်းသဵင်ၶၢဝ်ႇသေၵႃႈတီႈမိူင်း ၶိတ်ႉ တိမ်ႇၼၼ်ႉဢေႃႈ။
၂ သူၸိူဝ်းဢၼ်ယူႇၵႃႈတီႈႁိမ်းၽၢင်ႇၽၢႆႇၼႆႉဢၼ်ၵူၼ်းၵႃႉၵူၼ်းၶၢႆ ၸိတုမ်ႇ ဢၼ်ၸၢင်ႊၶၢမ်ႈပၢင်ႇလၢႆႇၸိူဝ်းၼၼ်ႉ ႁႂ်ႈတဵမ်ဝႆႉလိူင်ႇၸႂ်ၶဝ်ဢိူၺ်း။
၃ ဢွၼ်ၵၼ်ယူႇတဵတ်ႇတဵတ်ႇယဵၼ်ယဵၼ်တႃႉ။ၵႃႈၼိူဝ်ၼမ်ႉဢၼ်ယႂ်ႇၵႂၢင်ႈၼမ်ၼႃႇၼၼ်ႉ ၸိူဝ်ႉၽၼ်းသိႁေႃႇရမၵ်ႇႁူင်းၼမ်ႉႁွင်ႊၼိယပဵၼ်ၶွၼ်ႇမၼ်းလႄႈ မၼ်းၼၼ်ႉပဵၼ်ၵၢတ်ႇၵူႈသိုင်ႇၵူႈမိူင်းယဝ်ႉ။
၄ ဝဵင်းၸိဢုၼ်ႇဢိူၺ်း။ မီးတၢင်းဢၼ်ဢူၵ်းဢၢႆတႃႉ။လွင်ႈမၼ်းၸမ်း လမ်းဝဵင်းပၢင်ႇလၢႆႇဢၼ်ႁႅင်းယႂ်ႇၼႃႇၼၼ်ႉလၢတ်ႈဝႃႈ၊-ၵဝ်ၼႆႉဢမ်ႇလႆႈပႃးတွင်ႉဢမ်ႇလႆႈလဵင်ႉလုၵ်ႈလဵင်ႉလၢင်း၊ ဢမ်ႇလႆႈလဵင်ႉလႆႈလူၽူႈမၢဝ်ႇ ၽူႈသၢဝ်တင်းလၢႆဝႃႈၼင်ႇၼႆဢေႃႈ။
၅ မိူဝ်ႈဢၼ်သတၢင်းသဵင်ၶၢဝ်ႇႁွတ်ႈထိုင်ၵႃႈတီႈမိူင်းဢေႇၵႅပ်ႉတု ၼၼ်ႉၸိုင်ၶဝ်တၵ်းဢွၼ်ၵၼ် မီးတၢင်းဢၼ်မႆႈၸႂ်ႁွၼ်ႉၸႂ်လူၺ်ႈလွင်ႈ သတၢင်းသဵင်ၶၢဝ်ႇဝဵင်းတုရုၼၼ်ႉဢေႃႈ။
၆ ဢွၼ်ၵၼ်ၶၢမ်ႈၵႂႃႇၸူးၵႃႈတီႈမိူင်းတႃႇသုတႃႉ။သူၸိူဝ်း ဢၼ်ယူႇၵႃႈတီႈႁိမ်းၽၢင်ႇၽၢႆႇၼႆႉၶဝ်ဢိူၺ်း။
၇ ဢွၼ်ၵၼ်ႁႆႈႁွင်ႉပွင်ႉၶၢင်းတႃႉ။ဝဵင်းၼႆႉပဵၼ်ဝဵင်းသူဢၼ်တႄႇပဵၼ်မိူဝ်ႈၵွၼ်ႇဢွၼ်ၼႆႉၼၼ်ႉလႄႈ ၸူမ်းသိူဝ်းသႂၢင်ႇၸႂ်ဢၼ်တိၼ်မၼ်း ဢဝ်မၼ်းၵႂႃႇၸူးၵႃႈတီႈဢၼ်ၵႆႁႂ်ႈ လႆႈသွၼ်ႈပိုင်ႈၼၼ်ႉႁိုဝ်။
၈ ၽူႈ လႂ်ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ၼႆႉယူႇၽၢႆႇၼိုင်ႈတင်းဝဵင်းတုရု ဢၼ်ၸၢင်ႊပၼ်သရၽူႇရႃႇၸႃႉ ဢၼ်ၸဝ်ႈၵုၼ်ႇၸဝ်ႈၶူဝ်းမၼ်းတင်းလၢႆပဵၼ်ၶုၼ်၊ ဢၼ်ၵူၼ်းဢၼ်သိုဝ်ႉဢၼ် ၶၢႆမၼ်းတင်းလၢႆပဵၼ်မူးမၢတ်ႈၽွင်းမိူင်းၼၼ်ႉ။
၉ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးၼၼ်ႉၵျၢမ်ႇပွင်ၸိူဝ်ႉၼင်ႇၼၼ် ႁႂ်ႈလႆႈယႃႉသရေႇမႃႇၼႃႉမူၼ်ႈၽုင်းၵႃႈမီးလႄႈႁႂ်ႈလႆႈၶျႃးမူးမၢတ်ႈလိၼ်မိူင်းတင်းသဵင်ႈတင်းလူင် တူၵ်းတီႈတႅမ်ႇဢေႃႈ။
၁၀ လုၵ်ႈယိင်းဝဵင်းတႃႇသုဢိူၺ်း။လႆႈၵႂႃႇၵႃႈၼႂ်းမိူင်းမႂ်းမိူၼ်ၸိူဝ်ႉၼင်ႇ ၼမ်ႉႁွင်ႊၼိလၼၼ်ႉတႃႉ။ သၢႆဢႅဝ်ဢၼ်ႁတ်ႉမႂ်းဝႆႉၼၼ်ႉဢမ်ႇမီးယဝ်ႉ။
၁၁ မၼ်းၸဝ်ႈ ယဵတ်ႇမိုဝ်းမၼ်းၸဝ်ႈၵႃႈၼိူဝ်ပၢင်ႇလၢႆႇလႄႈ သၼ်ႇၶွၼ်းသိုင်ႇၸိုင်ႈဝၢၼ်ႈမိူင်းတင်းလၢႆဢေႃႈ။ထႃႇဝရႃႉၽြႃး မီးဢမိင်ႉလူၺ်ႈလွင်ႈမိူင်းၶႃႇၼၢၼ်ႇႁႂ်ႈလႆႈယႃႉၽဵဝ်ႈတီႈဢၼ်မၼ်ႈဢၼ်ၶိူင်မၼ်းပႅတ်ႈ ဢေႃႈ။
၁၂ မၼ်းၸဝ်ႈမီးဢမိင်ႉလႄႈဝႃႈ၊-လုၵ်ႈၸိဢုၼ်ႇ၊ၵၢၼ်ႇၺႃႇ ဢၼ်လႆႈၶၢမ်ႇတၢင်းဢၼ် ၼိၵ်ႈၸၢၵ်ႈငႅၼ်းသေးဢိူၺ်း။မႂ်းၼႆႉၵမ်းလိုၼ်းဢမ်ႇလႆႈမီးတၢင်းဢၼ်သႂၢင်ႇဢၼ်သိူဝ်းထႅင်ႈ။လုၵ်ႉလႄႈၶၢမ်ႈၵႂႃႇၸူးၵႃႈတီႈမိူင်းၶိတ်ႉတိမ်ႇတႃႉ။ၵႃႈတီႈၼၼ်ႈၵေႃႈဢမ်ႇလႆႈမီးတၢင်းဢၼ်ၼိမ်ဢၼ်လီတီႈမႂ်း ဝႃႈၼင်ႇၼႆဢေႃႈ။
၁၃ လူတူၺ်းမိူင်းတီႈယူႇၵူၼ်းမဵဝ်းၶႃႇလတေႇ ၼၼ်ႉတႃႉ။ၵူၼ်းမဵဝ်းၼၼ်ႉဢမ်ႇမီးလႃးလႃး။ၶုၼ်ဢႃႇသုရိတႄႇႁဵတ်းမၼ်းဝႆႉ ပုၼ်ႈဢၼ်ၵူၼ်းၼႂ်းထိူၼ်ႇၼႂ်းၶိူဝ်းတင်းလၢႆတၵ်းလႆႈယူႇလႆႈသဝ်းဢေႃႈ။ၶဝ်ပူၵ်းႁဵတ်းထဵင်လင်မၼ်းတင်းလၢႆလႄႈ ၵိူၼ်ႇလူမ်ႉႁေႃၶမ်းတင်းလၢႆပႅတ်ႈသေယဝ်ႉႁႂ်ႈမၼ်းပဵၼ်တီႈဢၼ်လူႉဢၼ်ပင်းပႅတ်ႈ မူတ်းမူတ်းသဵင်ႈသဵင်ႈဢေႃႈ။
၁၄ ႁိူဝ်းသၢင်းၽေႃးတႃႇသုၶဝ်ဢိူၺ်း။ ဢွၼ်ၵၼ်ႁွင်ႉႁႆႈပွင်ႉၶၢင်းတႃႉ။တီႈဢၼ်မၼ်ႈဢၼ်ၶိူင်ႇသူၼၼ်ႉလူႉလႅဝ်ယဝ်ႉ။
၁၅ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ ၸွမ်းလူၺ်ႈၸူဝ်ႈသိုပ်ႇၶုၼ်သိုပ်ႇၼိုင်ႈလႄႈဝဵင်းတုရု တၵ်းလႆႈၶၢမ်ႇတၢင်းဢၼ်ပိူၼ်ႈလူင်လိုမ်းပႅတ်ႈ ၸဵတ်းသိပ်းပီႊတဵမ်တဵမ်လႄႈပူၼ်ႉၸဵတ်းပီႊသေယဝ်ႉ တၵ်းပဵၼ်ၵႃႈၼင်ႇဢၼ်တၢင်းဢၼ်မေႈမွၵ်ႇယႃႈႁဵတ်းၵႂၢမ်းဝႃႈၼၼ်ႉ တီႈဝဵင်း တုရုဢေႃႈ။
၁၆ မေႈမွၵ်ႇယႃႈဢၼ်ပိူၼ်ႈလူင်လိုမ်းပႅတ်ႈဢိူူၺ်း။ယိပ်းၵမ်ဢဝ်တိင်ႇသေလႄႈလႄႇၵႂႃႇလႄႇမႃးယူႇၵႃႈၼႂ်းဝဵင်းတႃႉ။ ဢဝ်တင်းသဵင်ဢၼ်သႃႇယႃႇလဵတ်းလႄႈ ႁဵတ်းၵႂၢမ်းၼမ်ၼႃႇလူင်လၢင်ႁႂ်ႈပိူၼ်ႈၶုၵ်း ၸႂ်လႆႈၶႆႈၸႂ်ထူပ်းမႂ်းတႃႉ။
၁၇ မိူဝ်ႈဢၼ်ပူၼ်ႉၸဵတ်းသိပ်းပီႊယဝ်ႉၼၼ်ႉထႃႇဝရႃႉၽြႃးတၵ်းမႃးလူမႃးတူၺ်း မိူင်းတုရု လႄႈမၼ်းတၵ်းသမ်ႉၶိုၼ်းၸွမ်းတၢင်းဢၼ်မၼ်းလႆႈဢမႅတ်ႈၼၼ်ႉသေလႄႈ ႁဵတ်းမေႇထုင်ႇဢၼ်ဢမ်ႇတြႃးလူၺ်ႈၵၼ်တင်း မိူင်းလေႃးၵီႇၵႃႈဢၼ်မီး ၵႃႈၼိူဝ်ၼႃႈလိၼ်မိူင်းၼႆႉၸိူဝ်းၼၼ်ႉဢေႃႈ။
၁၈ ၼႂ်းဝႃႈၼၼ်သေၵေႃႈ လွင်ႈတၢင်းဢၼ်ၵႃႉၶၢႆမၼ်း လွင်ႈတၢင်းဢၼ်လႆႈဢမႅတ်ႈမၼ်းၸိူဝ်းၼၼ်ႉ တၵ်းလႆႈပဵၼ်ဢၼ်မူတ်းၸၢင်ႇပုၼ်ႈထႃႇဝရႃႉၽြႃးလႄႈ ဢမ်ႇလႆႈၶၢမ်ႇတၢင်းဢၼ်ၵဵပ်းႁွမ်သိမ်းပႅင်းဝႆႉၶွင်ၶူဝ်းမၼ်းဢၼ်ၵႃႉဢၼ်ၶၢႆလႄႈလႆႈၼၼ်ႉ။တၵ်းလႆႈပဵၼ်ပုၼ်ႈၶဝ်ၸိူဝ်းဢၼ် ယူႇၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉႁႂ်ႈၶဝ်လႆႈၵိၼ်ဢိမ်ႇၵိၼ်တဵမ်လႄႈၼုင်ႈၶူဝ်း ၼုင်ႈမၼ်းဢၼ်မၼ်ႈဢၼ်ၶိူင်ႇဢေႃႈ။