၂၂
ပျႃႇတိၵ်ႉလူၺ်ႈလွင်ႈဝဵင်းယေႇရုသလႅမ်ႇ
၁ ပျႃႇတိၵ်ႈၸဝ်ႈ လူၺ်ႈလွင်ႈပၢင်ႇႁူၺ်ႈပျႃႇတိၵ်ႉရူႇပႃႇရူင်ၼၼ်ႉၸမ်း လွင်ႈဢၼ်သူလႆဢွၼ်ၵၼ်ၶိုၼ်ႈၵႃႈၼိူဝ်မူင်းႁိူၼ်းၼၼ်ႉၸိုင်သူပဵၼ်ၸိူဝ်ႉၼင်ႇႁိုဝ်ယဝ်ႉ။
၂ ဝဵင်းဢၼ်သူပ်းၼမ်သဵင်ၼမ်၊ ဝဵင်းဢၼ်ၸၢင်ႊႁဵတ်းဢူၼ်ဢဵၼ်မေႃးမေး၊ ဝဵင်းဢၼ်သႂၢင်ႇသိူဝ်းဢိူၺ်း။ၵူၼ်းတၢႆၸိူဝ်းၼၼ်ႉ သုမ်းလူၺ်ႈလၢပ်ႇလူၺ်ႈလႅဝ်း ဢမ်ႇၸႂ်ႈ၊တၢႆၵႃႈတီႈဢၼ်တိုၵ်းသိုၵ်းဢမ်ႇၸႂ်ႈ။
၃ ၶုၼ်မႂ်းတင်းသဵင်ႈတင်းလူင်ၼၼ်ႉ ဢွၵ်ႇပၢႆႈလူၺ်ႈၵၼ်လႄႈလႆႈၶၢမ်ႇတၢင်းဢၼ်မတ်ႉၽုၵ်ႇယူႇ ၵႃႈၼႂ်းမိုဝ်းမေႃၵၢင်ႇဢေႃႈ။ၵူၼ်းသူၵႃႈဢၼ်ပိူၼ်ႈထူပ်းႁၼ်ၼၼ်ႉလႆႈၶၢမ်ႇတၢင်းဢၼ်မတ်ႉၽုၵ်ႇဝႆႉလူၺ်ႈၵၼ်လႄႈ ပဵၼ်ၵေႃႉ ဢၼ်ဢွၵ်ႇပၢႆႈၵႂႃႇၵႃႈတီႈဢၼ်ၵႆဢေႃႈ။
၄ ပိူဝ်ႈၼႆလႄႈၵဝ်ဝႃႈၸမ်းဝၢႆႇၼႃႈပႅတ်ႈသေၵဝ်တႃႉ။ ၵဝ်တၵ်းလႆႈႁႆႈလႆႈႁွင်ႉႁႅင်းယႂ်ႇၼႃႇဢေႃႈ။ယႃႇပေၵႆႉၵျူဝ်းၸႃးႁႂ်ႈၵဝ်လႆႈပျေႇ ၵွပ်ႈပိူဝ်ႈဢၼ်လုၵ်ႈယိင်းမဵဝ်းၵဝ်လူႉလႅဝ် ၼၼ်ႉသေၵမ်း။
၅ မိူဝ်ႉဝၼ်းတီႈဢၼ်ၶၢမ်ႇတုၵ်ႉၶႃႉတၢင်းၽၢၼ်တီႈဢၼ်ယဵပ်ႇၶၢမ်ႈ၊ တီႈဢၼ်ၵႂင်ၸႂ်ယုင်ႈၸႂ်၊တီႈဢၼ်ၵိူၼ်ႇယႃႉလမ်းဝဵင်းလႄႈ သႅၼ်ႇႁွင်ႉၸူးၵႃႈတီႈလွႆတင်းလၢႆၼၼ်ႉ ပဵၼ်မႃးတီႈၸဝ်ႈပူဝ်ႇပႃႇၵၢင်ႁၢဝ်ၸဝ်ႈထႃႇဝရႃႉၽြႃး ၵႃႈၼႂ်းပၢင်ႇႁူၺ်ႈပျႃႇတိၵ်ႈရူႇ ပႃႇရူင်ႇၼၼ်ႉဢေႃႈ။
၆ မဵဝ်းဢေႇလမ်ႇၼၼ်ႉပႃးဢဝ်ပိူၼ်ႈသေလႄႈ မႃးလူၺ်ႈၵၼ်တင်းၵူၼ်းသိုၵ်းၶီႇရထႃး လႂ်တင်းၵူၼ်းသိုၵ်းၶီႇမႃႉ လႂ်ဢေႃႈ။မဵဝ်းၵိရၼၼ်ႉဢဝ်ၶိူင်ႈႁႄႉလၢၵ်ႈၼၢၵ်ႈဢွၵ်ႇဢေႃႈ။
၇ ပၢင်ႇႁူၺ်ႈသူဢၼ်မျၢတ်ႈလီသေပိူၼ်ႈၸိူဝ်းၼၼ်ႉမီးတဵမ်ဝႆႉတင်းလေႃႉရထႃးလႄႈ ၵူၼ်းသိုၵ်းၶီႇမႃႉၸိူဝ်းၼၼ်ႉဢွၼ်ၵၼ်ၶျႃးတပ်ႉ ယူႇၵႃႈတီႈၽၢႆႇၼႃႈၽၵ်းတူဝဵင်းဢေႃႈ။
၈ မၼ်းၽုၺ်ႇပိုတ်ႇၽႃႈႁူမ်ႇၼႃႈမိူင်းယုတ ပႅတ်ႈလႄႈ သူလႆႈလူတူၺ်း ၸူးတီႈႁေႃၶမ်းထိူၼ်ႇတီႈဢၼ်သိမ်းဝႆႉလၢၵ်ႈၼၢၵ်ႈၸုမ်းၼၼ်ႉၼႂ်းမိူဝ်ႉဝၼ်းၼၼ်ႉဢေႃႈ။
၉ သူႁၼ်တီႈဢၼ်ၵိူၼ်ႇဢၼ်လူႉဝဵင်းတႃႇဝိတ်ႉ ၼၼ်ႉမီးၼမ်ၼႃႇၼၼ်ႉလႄႈ သူႁႂ်ႈၼမ်ႉဢၼ်ဢွၵ်ႇသေၵႃႈတီႈၼမ်ႉၼွင်ၼၼ်ႉၸူႉၵၼ်တုမ်ၵၼ်ၵုးတႂ်ႈၼၼ်ႉဢေႃႈ။
၁၀ သူဢွၼ်ၵၼ်ၼပ်ႉဢၢၼ်ႇတူၺ်းႁူၼ်း ဝဵင်းယေႇရုသလႅမ်ႇတင်းလၢႆလႄႈ သူၵိူၼ်ႇယႃႉႁိူၼ်းၸိူဝ်းၼၼ်ႉပႅတ်ႈ ႁႂ်ႈလႆႈ မႄးႁဵတ်းလမ်းဝဵင်းဢေႃႈ။
၁၁ သူဢွၼ်ၵၼ်ႁဵတ်းတီႈဢၼ်ၼမ်ႉတၵ်းၸူႉတၵ်းတုမ် ၵႃႈၼႂ်းၵႄႈလမ်းဝဵင်းသွင်ထၢပ်ႈၼၼ်ႉ ပုၼ်ႈၼမ်ႉဢၼ်ဢွၵ်ႇသေၵႃႈၼႂ်းၼမ်ႉၼွင်ၵဝ်ႇၵဝ်ႇၼၼ်ႉဢေႃႈ။ၼႂ်းဝႃႈၼၼ်သေၵေႃႈသူဢမ်ႇၸၢင်ႊတူၺ်းၸၢင်ႊမၢတ်ႈ ၵေႃႉဢၼ်ၸီႇယၢင်ႇႁဵတ်းလွင်ႈတၢင်းၼၼ်ႉဝႆႉၼၼ်ႉ။သူဢမ်ႇၸၢင်ႊႁူႉၸၢင်ႊႁၼ်ၵေႃႉ ဢၼ်ႁဵတ်းပဵၼ်မိူဝ်ႈဢွၼ်တၢင်းၼႆႉၼၼ်ႉ။
၁၂ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉပိၵ်ႉသမ်ႉၸဝ်ႈပူဝ်ႇပႃႇၵၢင်ႁၢဝ် ၸဝ်ႈထႃႇဝရႃႉၽြႃး ႁႂ်ႈသူလႆႈမီးတၢင်းဢၼ်ႁႆႈႁွင်ႉ၊တၢင်းဢၼ်ၶၢင်းၶီၶၢင်းၽၢၼ်၊တၢင်းဢၼ်ထႃၶူၼ်ႁူဝ်၊တၢင်းဢၼ်ၼုင်ႈၼႆၶူဝ်းၼုင်ႈၼင်ပေႃၼၼ်ႉ သေၵေႃႈ တူၺ်းလူ။
၁၃ ၶဝ်ဢွၼ်ၵၼ်ႁဵတ်းတၢင်းဢၼ်ၸူမ်းသိူဝ်းသႂၢင်ႇၸႂ်၊တၢင်းဢၼ်ၵိၼ်ၼိူဝ်ႉ၊ တၢင်းဢၼ်ၵိၼ်ၼမ်ႉၸပိတ်ႉယူႇသေလႄႈလၢတ်ႈဝႃႈ၊-ၵိၼ်ၶူပ်းတႃႉႁဝ်း။သူတ်ႉဢိုၼ်တႃႉႁဝ်း။ဝၼ်းမိူဝ်ႈၽုၵ်ႈတၵ်းလႆႈတၢႆယဝ်ႉ၊ ဝႃႈၼင်ႇၼႆလူင်ပေႇ။
၁၄ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးပၼ်ပျႃႇတိၵ်ႈၵႃႈၼႂ်းႁူးႁူၵဝ်ၸမ်း၊ဢပျႅတ်ႈသူၼၼ်ႉဢမ်ႇလႆႈၽႄႇလႆႈလွတ်ႈ တေႃႇထိုင်ႇႁွတ်ႈၸူဝ်ႈဢၼ်ထၼ်ႈပေႃးတၢႆဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸိူဝ်ႉၼင်ႇၼၼ်ဢေႃႈ။
၁၅ ၸဝ်ႈပူဝ်ႇပႃႇၵၢင်ႁၢဝ်ၸဝ်ႈထႃႇဝရႃႉၽြႃး မီးဢမိင်ႉၸမ်း၊-ၵႂႃႇလႄႈသုတ်ႉၸပ်းသုတ်းၸူးၵႃႈတီႈၽၼ်ႇတႃႇၸူဝ်းဢၼ်ဝႃႈသေႇပၼ ၵေႃႉဢၼ်ဢုပ်ႉၵႃႈၼိူဝ် ႁေႃၶမ်းၼၼ်ႉလႄႈလၢတ်ႈဝႃႈ၊-
၁၆ မႂ်းႁဵတ်းၵႃႈသင်ၵႃႈတီႈၼႆႉ။မႂ်းမီးၽူႈ လႂ်ၵႃႈတီႈၼႆႉႁႂ်ႈမႂ်းလႆႈၶုတ်းၶုမ်သၢင်းၶႅင်းပုၼ်ႈမႂ်းၵႃႈတီႈၼႆႉ။မႂ်းပဵၼ်ၵေႃႉဢၼ်ၶုတ်းၶုမ်သၢင်းၶႅင်းၵႃႈတီႈဢၼ်သုင်ၼႃႇလႄႈ တွင်ႈႁဵတ်းတီႈယူႇပုၼ်ႈတူဝ်ၸဝ်ႈၵဝ်ႇ ၵႃႈၼႂ်းမၢၵ်ႇႁိၼ်မၢၵ်ႇၽႃလူင် ပေႇ။တူၺ်းလူ။
၁၇ ထႃႇဝရႃႉၽြႃးတၵ်းဢဝ်တင်းဢၼ်ႁေႃႈဢွၵ်ႇ ဢၼ်ႁၢဝ်ႈၵျၢမ်းၼႃႇလူင်လၢင်ၼၼ်ႉႁႃႈမႂ်းဢွၵ်ႇလႄႈ ႁူမ်ႇသုမ်ႇမႂ်းဝႆႉဢမၢၼ်ႇၶၢၼ်ပဵၼ်ဢေႃႈ။
၁၈ မၼ်းၸဝ်ႈတၵ်းဢဝ်မႂ်းၵိင်းယူႇ မိူၼ်ၸိူဝ်ႉၼင်ႇမၢၵ်ႇၵူင်ႇၵွၼ်လႄႈ ဢဝ်ပိုတ်းၵႂႃႇၵႃႈၼႂ်းမိူင်းဢၼ်ယႂ်ႇၵႂၢင်ႈသေဢေႃႈ။မႂ်းတၵ်းလႆႈတၢႆၵႃႈတီႈမိူင်းၼၼ်ႉလႄႈ လေႃႉရထႃးမႂ်း ဢၼ်မီးမူၼ်ႈသရေႇၸိူဝ်းၼၼ်ႉ တၵ်းလႆႈပဵၼ်တီႈဢၼ်လီဢူၵ်းလီဢၢႆ တီႈမဵဝ်းၸဝ်ႈမႂ်းၵႃႈမႂ်း မိူင်းၼၼ်ႉဢေႃႈ။
၁၉ ၵဝ်တၵ်းၼုၵ်ႈဢဝ်ဢရႃႇမႂ်းလႄႈ ၶျႃးမႂ်းတူၵ်းပႅတ်ႈသေၵႃႈတီႈတီႈယူႇမႂ်းဢေႃႈ။
၂၀ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉၵဝ်တၵ်းႁွင်ႉဢဝ်ၶႃႈၵဝ် ဢေႇ လျႃႇၵိမ်ႇလုၵ်ႈၸၢႆးႁိလၶိမႃးလႄႈ၊-
၂၁ ႁႂ်ႈမၼ်းၼုင်ႈမႆသိူဝ်ႈယၢဝ်းမႂ်းယူႇ၊ ဢဝ်သၢႆဢႅဝ်မႂ်းပၼ်ဢဵၼ်ပၼ်ႁႅင်းတီႈမၼ်းယူႇသေလႄႈ ဢဝ်ဢၶႂၢင်ႉဢၼ်လႆႈဢုပ်ႉပိူင်ႇတီးမႂ်းၼၼ်ႉဢၢပ်ႈပၼ်ၵႃႈၼႂ်းမိုဝ်းမၼ်းလႄႈ မၼ်းၼၼ်ႉ တၵ်းပဵၼ်ပေႃႈၶဝ်ၸိူဝ်းဢၼ်ယူႇၵႃႈၼႂ်းဝဵင်းယေႇရုသလႅမ်ႇဢိၵ်ႇတင်း ၵူၼ်းမဵဝ်းယုတတင်းလၢႆ ဢေႃႈ။
၂၂ ၵဝ်တၵ်းဢဝ်သေႃးၽၵ်းတူမဵဝ်းတႃႇဝိတ်ႉၼၼ်ႉတၢင်ႇသႂ်ႇပၼ်ၵႃႈၼိူဝ်ႁူဝ်မႃႇမၼ်းလႄႈ မၼ်းၼၼ်ႉတၵ်းၽုၺ်ႇဝႆႉလႄႈၽူႈ လႂ်ဢမ်ႇလႆႈဢိုတ်း။မၼ်းၼၼ်ႉ တၵ်းဢိုတ်းဝႆႉလႄႈၽူႈ လႂ်ဢမ်ႇလႆႈၽုၺ်ႇ။
၂၃ ၵဝ်တၵ်းႁႂ်ႈမၼ်းၸပ်းယူႇမိူၼ်ၸိူဝ်ႉၼင်ႇဢၼ်မၢႆႇၼႃး သဵပ်ႇၸပ်းယူႇ ၵႃႈတီႈဢၼ်မၼ်ႈဢၼ်ၶိူင်ႇၼၼ်ႉလႄႈ မၼ်းၼၼ်ႉ တၵ်းပဵၼ်ပုၼ်ႈပလၢင်ႇ ဢၼ်မူၼ်ႈၽုင်းယႂ်ႇၼႃႇၼၼ်ႉတီႈႁိူၼ်းပေႃႈမၼ်းဢေႃႈ။
၂၄ ၶဝ်တၵ်းဢဝ်မူၼ်ႈသရေႇ ၵႃႈဢၼ်မီးၵႃႈတီႈႁိူၼ်းပေႃႈမၼ်း၊မဵဝ်းၸိူဝ်ႉၶိူဝ်းဢၼ်ယုတ်ႈဢၼ်မျၢတ်ႈ၊ ၵွၵ်းၵႃႈမီးၸႃႉၸဵမ်ဝၢၼ်ႇလႄႈ မေႃႈၵူႈၸိူဝ်ႉၵူႈပိူင်ၸိူဝ်းၼၼ်ႉႁႂ်ႈသႂ်ႇဝႆႉတီႈ မၼ်းဢေႃႈ။
၂၅ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉမၢႆႇၼႃးဢၼ်ၸပ်းယူႇ ၵႃႈတီႈဢၼ်မၼ်ႈဢၼ်ၶိူင်ႇဝႆႉၼၼ်ႉတၵ်းလႆႈၶၢႆႉတီႈလႄႈ လႆႈၶၢမ်ႇတၢင်းဢၼ်ၽၼ်းလူမ်ႉပႅတ်ႈလႄႈၶွင်ၶူဝ်းဢၼ်ႁွႆႈသႂ်ႇဝႆႉ ၵႃႈတီႈမၼ်းၼၼ်ႉတၵ်းလႆႈၶၢမ်ႇတၢင်းဢၼ် တႅပ်းၽၼ်းပႄႇၽဵဝ်ႈပႅတ်ႈဢေႃႈ၊ဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉၸိူဝ်းၼင်ႇၼၼ်ႉဢေႃႈ။