၂၁
ပျႃႇတိၵ်ႈလွင်ႈမိူင်းပႃႇပုလုၼ်ႇ
၁ ပျႃႇတိၵ်ႈၸဝ်ႈလူၺ်ႈလွင်ႈထိူၼ်ႇပၢင်ႇလၢႆၸမ်း ၸိူဝ်ႉၼင်ႇဢၼ်လူမ်းၽိဝ်ႁုင် ၽၢႆႇတၢင်းၸၢၼ်းထူဝ်းမႃးၼၼ်ႉလုၵ်ႉသေ ၵႃႈတီႈထိူၼ်ႇလူင်မိူင်းဢၼ်လီၵူဝ်လီ ႁႄၼႃႇၼၼ်ႉမႃးဢေႃႈ။
၂ ရူႇပႃႇရူင်ႇဢၼ်ယၢပ်ႇၼႃႇၽိုတ်ႇၼႃႇပေႃႇမႃးတီႈၵဝ်ဢေႃႈ။ ၵေႃႉဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉပႅတ်ႉလႅၼ်ယူႇဢေႃႈ။ၵေႃႉဢၼ်ၸၢင်ႊႁိမ်ႁူင်ႇဢဝ်ၼၼ်ႉႁိမ်ႁူင်ႇဢဝ်ယူႇဢေႃႈ။မိူင်းဢေႇလမ်ႇဢိူၺ်း။ၶိုၼ်ႈၸူးတႃႉ။မိူင်းမေႇတိဢိူၺ်း။လွမ်ႉႁွပ်ႈဝဵင်းဝႆႉတႃႉ။ၵဝ်လႆႈႁႂ်ႈၵႃႈမၼ်းၶင်းၶီၶင်းၽၢၼ် ၼၼ်ႉထၢတ်ႇယဵၼ်ယဝ်ႉ။
၃ ပိူဝ်ႈၼႆလႄႈဢႅဝ်ၵဝ်ၼႆႉၸဵပ်းၼႃႇလႄႈဝူၺ်ႇတၼႃႇႁွတ်ႈထိုင်တီႈၵဝ်မိူၼ်ၸိူဝ်ႉၼင်ႇဝူၺ်ႇတၼႃႇ ဢၼ်မေႈယိင်းၵိူတ်ႇလဵင်ႉလုၵ်ႈလႆႈၶၢမ်ႇၼၼ်ႉဢေႃႈ။ၵဝ်လႆႈၶၢမ်ႇႁႅင်းယႂ်ႇၼႃႇလူင်လၢင်ထၼ်ႈပေႃးၵဝ်ဢမ်ႇငိၼ်းလႆႈဢေႃႈ။ ၵဝ်မီးတၢင်းဢၼ်ၵႂင်ၸႂ်ယုင်ႈၸႂ်ထၼ်ႈပေႃးၵဝ်ဢမ်ႇႁၼ်လႆႈ ဢေႃႈ။
၄ ႁူဝ်ၸႂ်ၵဝ်ၼႆႉဝင်ႇဝီႈဝင်ႇဝိူဝ်ႈယူႇသေလႄႈလွင်ႈတၢင်းဢၼ်လီၵူဝ်လီႁႄၼၼ်ႉ ႁႂ်ႈၵဝ်တူၵ်းၸႂ်ယူႇဢေႃႈ။ၵၢင်ၶိုၼ်းဢၼ်ၵဝ်မူၼ်ႈပျေႃႇၼၼ်ႉ ၶၢႆႉပုတ်ႈယဵၼ်းပဵၼ် တၢင်းဢၼ်ၵူဝ်ႁႄသၼ်ႇဝႆၵႂႃႇယဝ်ႉ။
၅ ၶဝ်မႄးႁႅၼ်းၶူင်ႇတီႈၵိၼ်ဝႆႉယဝ်ႉ။ၶဝ်ဝႆႉၵၢင်ႁႂ်ႈပႂ်ႉယူႇယဝ်ႉ။ၶဝ်ဢွၼ်ၵၼ်ၵိၼ်ယူႇၶူပ်းယူႇဢေႃႈ။ သူၵႃႈဢၼ်ပဵၼ်ၶုၼ်တင်းသဵင်ႈတင်းလူင်ၶဝ်ဢိူၺ်း။ ဢွၼ်ၵၼ်လုၵ်ႉလႄႈဢဝ်ၼမ်ႉ မၼ်းထွၵ်ႇသႂ်ႇၶိူင်ႈႁႄႉလၢၵ်ႈၼၢၵ်ႈတႃႉ။
၆ လွင်ႈမၼ်းၸမ်းၸဝ်ႈၽြႃးမီးဢမိင်ႉတီႈၵဝ်လႄႈဝႃႈ၊-မႂ်းၵႂႃႇလႄႈဝႆႉၵၢင်ႁႂ်ႈပႂ်ႉယူႇတႃႉ။ႁႂ်ႈမၼ်းမွၵ်ႇလၢတ်ႈၵႃႈဢၼ်မၼ်း ႁၼ်ၼၼ်ႉတႃႉ၊ဝႃႈၼင်ႇၼႆဢေႃႈ။
၇ မိူဝ်ႈဢၼ်မၼ်းၼၼ်ႉႁၼ်တပ်ႉမႃႉဢၼ်ၶီႇ ယေႈသွင်တူဝ်ယေႈသွင်တူဝ်တပ်ႉၼိုင်ႈ၊ တပ်ႉလီႈတပ်ႉၼိုင်ႈ၊ တပ်ႉၵလႃႈဢုၵ်ႉတပ်ႉၼိုင်ႈ၊မႃးၼၼ်ႉၸိုင်မၼ်းႁဵတ်းသတိ လူတူၺ်းထွမ်ႇငိၼ်းၸေးၸေး ၸွတ်ႇၸွတ်ႇသေလႄႈႁွင်ႉသႅၼ်ႇမိူၼ် ၸိူဝ်ႉၼင်ႇသၢင်ႇသီႈၼၼ်ႉလႄႈဝႃႈ၊-
၈ ၸဝ်ႈႁဝ်းတီႈၶႃႈဢိူၺ်း။ ၶႃႈၸဝ်ႈၼႆႉၶိင်ႇၵၢင်ဝၼ်းၸုၵ်းယူႇၵႃႈၼိူဝ်ၶဵင်ႇမုင်းၵင်ႈယူႇသေႇသေႇလႄႈ ၶိင်ႇၵၢင်ၶိုၼ်းတင်းၶိုၼ်းၵေႃႈပႂ်ႉၵင်ႈယူႇတီႈၶႃႈဢေႃႈ၊ ဝႃႈၼင်ႇၼႆဢေႃႈ။
၉ တူၺ်းတီႈၶႃႈလူ။တပ်ႉၵူၼ်းသိုၵ်းၶီႇမႃႉဢၼ်ၶီႇယေႈသွင်တူဝ်ယေႈသွင်တူဝ်ၼၼ်ႉ မႃးယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။မၼ်းသမ်ႉထၢပ်ႈထႅင်ႈလႄႈလၢတ်ႈဝႃႈ၊-ဝဵင်းပႃႇပလုၼ်ႇလူမ်ႉပင်းယဝ်ႉ။လူမ်ႉပင်းယဝ်ႉ။ရုၵ်ႉထူႉသၢင်းထူႉၽြႃးမၼ်းၵႃႈမီးၼၼ်ႉလႆႈၶၢမ်ႇတၢင်းဢၼ်ႁၵ်းႁိၵ်းတူၵ်းပႅတ်ၵႃႈၼိူဝ်လိၼ်ယဝ်ႉ၊ ဝႃႈၼင်ႇ ၼႆဢေႃႈ။
၁၀ ၶဝ်ႈပိူၵ်ႇဢၼ်ၵဝ်ယဵပ်ႇၼူတ်ႈလႄႈဢွၵ်ႇၵႃႈၼႂ်းတလၢင်းယဵပ်ႇၶဝ်ႈၵဝ်ဢိူၺ်း၊
၁၁ ၵဝ်ဢဝ်ၵႃႈဢၼ်ၵဝ်လႆႈငိၼ်းလွင်ႈဢၼ် ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၼၼ်ႉသင်ႇလၢတ်ႈဝႆႉတီႈသူဢေႃႈ။
ပျႃႇတိၵ်ႉလၺ်ႈလွင်ႈမိူင်းတုမႃႇ
၁၁ ပျႃႇတိၵ်ႈၸဝ်ႈလူၺ်ႈလွင်ႈမိူင်းတုမႃႇၸမ်း ၵေႃႉၼိုင်ႈယူႇၵႃႈၼိူဝ်လွႆၸိရသေလႄႈႁွင်ႉသႅၼ်ႇၸူးတီႈၵဝ်လႄႈဝႃႈ၊-ၵေႃႉဢၼ်ပႂ်ႉၵၢင်ဢိူၺ်း။လွင်ႈၶိင်ႇၵၢင်ၶိုၼ်းၸမ်းပဵၼ်ၸိူဝ်ႉၼင်ႇႁိုဝ်။ၵေႃႉဢၼ်ပႂ်ႉၵၢင်ဢိူၺ်း။လွင်ႈၶိင်ႇၵၢင်ၶိုၼ်းၸမ်းပဵၼ်ၸိူဝ်ႉၼင်ႇႁိုဝ်၊ဝႃႈၼင်ႇၼႆ ဢေႃႈ။
၁၂ ၵေႃႉဢၼ်ပႂ်ႉၵၢင်ၵေႃႈလၢတ်ႈလႄႈဝႃႈ၊-ၶိင်ႇၵၢင်ၼႂ်မႃးယူႇဢေႃႈ။ၶိင်ႇၵၢင်ၼႂ်မႃးယူႇဢေႃႈ။ပေႃးသူၶႆႈတွင်ႉထၢမ်ၸိုင်တွင်ႈထၢမ်တႃႉ။ၶိုၼ်းမိူဝ်းတႃႉ။မႃးတႃႉ၊ဝႃႈၼင်ႇၼႆဢေႃႈ။
ပျႃႇတၵ်ႈလူၺ်ႈလွင်ႈမိူင်းဢႃႇရေႇပျႃႉ
၁၃ ပျႃႇတိၵ်ႈၸဝ်ႈလူၺ်ႈလွင်ႈမိူင်းဢႃႇရေႇပျႃႇ ၸမ်းမုၵ်ႉၵူၼ်းၸိူဝ်းၵူၼ်းတေႇ တၼ်ႇဢၼ်ၵႂႃႇတၢင်းပႆတၢင်းၶဝ်ဢိူၺ်း။သူတၵ်းလႆႈႁႂ်ႈပူၼ်ႉၶိုၼ်ႈၵႃႈၼႂ်းထိူၼ်ႇ ဢႃႇရေႇပျႃႇဢေႃႈ။
၁၄ ၶဝ်ၸိူဝ်းဢၼ်ယူႇၵႃႈတီႈမိူင်းတေႇမ ၼၼ်ႉ ဢွၼ်ၵၼ်ဢဝ်ၼမ်ႉမႃးပုၼ်ႈၶဝ်ၸိူဝ်းဢၼ်ယၢၵ်ႈၼမ်ႉၼၼ်ႉလႄႈ ဢဝ်ၶဝ်ႈမုၼ်းပုၼ်းၶဝ် ၸိူဝ်းဢၼ်ႁႄႉႁပ်ႉၶဝ်ၼၼ်ႉဢေႃႈ။
၁၅ လွင်ႈမၼ်းၸမ်းၶဝ်ၼၼ်ႉဢွၼ်ၵၼ်ဢွၵ်ႇပၢႆႈသေၵႃႈတီႈ ၽေးလၢပ်ႇ၊ၵႃႈတီႈလၢပ်ႇဢၼ်ထွတ်ႇဝႆႉ ၵၢင်ႇဢၼ်ဝူတ်ႈဝႆႉ ဢမူႉသိုၵ်းဢၼ်ယၢပ်ႇၼႃႇၽိုတ်ႇၼႃႇလူင်လၢင် ၼၼ်ႉဢေႃႈ။
၁၆ ထႃႇဝရႃႉၽြႃးမီးဢမိင်ႉတီႈၵဝ်ၸမ်း၊-ၸွမ်းၵႃႈၼင်ႇဢၼ်ၵေႃႉဢၼ်ၵိၼ်ၵႃႈၸၢင်ႊၶၼ်ငႃၼၼ်ႉ ၼပ်ႉဢၢၼ်ႇပီႊၼၼ်ႉၼႂ်းပီႊၼိုင်ႈၵူၺ်းသေယဝ်ႉ မူၼ်ႈသရေႇမိူင်းၵေႇတႃႇ ၵႃႈမီးတၵ်းလပ်ႉႁၢႆၵႂႃႇၵႂႃႇလႄႈ ၶဝ်ၸိူဝ်းဢၼ်ၵိုတ်းဝႆႉၵျၢၼ်ႇဝႆႉ တီႈၵူၼ်းသိုၵ်းဢၼ်ပႃးၵၢင်ႇလႄႈ ႁႅင်းယႂ်ႇၼႃႇၼႂ်းၵူၼ်းမဵဝ်းၵေႇတႃႇၸိူဝ်းၼၼ်ႉတၵ်းပဵၼ်ဢၼ်ၵေႇၼႃႇလူင်လၢင်ဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃးၽြႃးပဵၼ်ၸဝ်မဵဝ်းဢိသရေႇလၼၼ်ႉမီးဢမိင်ႉဢေႃႈ။