၁၈
ပျႃႇတိၵ်ႉလွင်ႈဢိသယေႃႇပိ
၁ ၼႄႈ။ၼႄႈ။မိူင်းဢၼ်မီးပိၵ်ႇဢၼ်ၸၢင်ႊသဵင်လင်ႊသဵင်မေႃး ဢၼ်မီးၵႃႈတီႈၽၢႆႇပုၼ်ႉၼမ်ႉႁွင်ႊၼမ်ႉမေႇဢိသယေႃႇပိ၊
၂ ဢၼ်ၸၢင်ႊပွႆႇၸႂ်ႉသၢၼ်ႇတမၢၼ်ႇတင်းလၢႆၵႂႃႇၸွမ်းသဵၼ်ႈတၢင်းပၢင်ႇလၢႆႇဢၼ်ဝႃႈ ၵႃႈၼႂ်းႁိူဝ်းၵမႃႇၼိူဝ်ၼမ်ႉၼၼ်ႉဢိူၺ်း။သၢၼ်ႇတမၢၼ်ႇဢၼ်ၶၼ်ဢၼ်ၽႂ်းၶဝ်ဢိူၺ်း။ ဢွၼ်ၵၼ်ၵႂႃႇၸူးၵႃႈတီႈၵူၼ်းမဵဝ်းဢၼ်ၵႅၼ်ႇၶႅင်ႁၢဝ်ႈၵျၢမ်းၼႃႇလႄႈ ပဵၼ်လွင်ႈဢၼ်လီၵူဝ်လီႁႄ ၸႃႉၸဵမ်မိူဝ်ႈဢွၼ်တၢင်းႁူဝ်ပိုင်းတေႃႇထိုင်ႁွတ်ႈမိူဝ်ႈလဵဝ်ဢၼ်ႁႅင်းယႂ်ႇၼႃႇလႄႈၸၢင်ႊတဵၵ်းယဵပ်ႇဢၼ်ယူႇ ၵႃႈတီႈလိၼ်တီႈယူႇ ဢၼ်ၼမ်ႉႁွင်ႊၼမ်ႉၵႄးၸၢၵ်ႇၽႄၼၼ်ႉတႃႉ။
၃ ၵူၼ်းဢၼ်ယူႇသၢင်ႈၵႃႈၼႂ်းလေႃးၵႃႉၼႆႉၶဝ်ဢိူၺ်း။ၵူၼ်းဢၼ်တူၵ်းတီႈယူႇတီႈသဝ်း ၵႃႈၼိူဝ်လိၼ်မိူင်းၼႆႉၶဝ်ဢိူၺ်း။ဢွၼ်ၵၼ်လူတူၺ်းမိူဝ်ႈဢၼ်ပူၵ်းလၢမ်ႇၵႃႈၼိူဝ်လွႆၼၼ်ႉတႃႉ။ဢွၼ်ၵၼ်ထွမ်ႇငိၼ်းမိူဝ်ႈဢၼ်ပဝ်ႇတိုင်ႈၼႄးၶရႃႇၼၼ်ႉတႃႉ။
၄ ထႃႇဝရႃႉၽြႃးမီးဢမိင်ႉတီႈၵဝ်ၸမ်း၊-ၵဝ်တၵ်းၵိင်းဝပ်ႈလႄႈယူႇၵႃႈၼႂ်းတီႈယူႇၵဝ်သေလႄႈ လူတူၺ်းမိူၼ်ၸိူဝ်ႉၼင်ႇတၢင်းဢၼ်မႆႈႁွၼ်ႉဢၼ်ပၢင်ႇၸိုၼ်ႈၵႃႈၼိူဝ်တူၼ်ႈၵႃႈတင်းလၢႆ ဢိၵ်ႇတင်းၸိူဝ်ႉၼင်ႇၽႃႈၽူၼ်ႈ ဢၼ်တဵမ်ဝႆႉတင်းၼမ်ႉၼၢႆးၼႂ်းၶိင်ႇမိူဝ်ႈဢၼ်မႆႈႁွၼ်ႈ မိူဝ်ႈဢၼ်သိမ်းဢဝ်မၢၵ်ႇ ႁူင်းၼၼ်ႉဢေႃႈ။
၅ ၸူဝ်ႈဢၼ်ဢမ်ႇပႆႇထိုင်ၶိင်ႇမိူဝ်ႈဢၼ်သိမ်းဢဝ်မၢၵ်ႇၸပိတ်ႉၼၼ်ႉ ၼႂ်းမိူဝ်ႈဢၼ်တုမ်ႇမၼ်းၸေးၸုင်ႇလႄႈ မွၵ်ႇမၼ်းၸႃႉႁႃပဵၼ်မၢၵ်ႇဢၼ်မူၼ်းယူႇၼၼ်ႉၸိုင် မၼ်းၸဝ်ႈတၵ်းဢဝ်ၶဵဝ်းပၢတ်ႇယွတ်ႈမၼ်းၼမ်ၼႃႇလႄႈ ပႄႇၽဵဝ်ႈၵိင်ႇမၼ်းၶႃႈမၼ်းပႅတ်ႈ လႄႈတႅပ်းၽၼ်းပႅတ်ႈဢေႃႈ။
၆ ၶဝ်ၼၼ်ႉတၵ်းလႆႈၵိုတ်းလႆႈၵျၢၼ်ႇဝႆႉပုၼ်ႈၼူၵ်ႉႁၢႆႉ ဢၼ်ၸၢင်ႊယူႇၵႃႈၼိူဝ်လွႆတင်းလၢႆဢိၵ်ႇတင်းတူဝ်ထိူၼ်ႁၢႆႉတင်းလၢႆလႄႈ ၼူၵ်ႉႁၢႆႉၸိူဝ်းၼၼ်ႉ တၵ်းဢွၼ်ၵၼ်ယူႇၵႃႈၼိူဝ်ၶဝ်ၼၼ်ႉၼႂ်းၵိင်ႇမႆႉၶႃႈမႆႉ၊ တူဝ်ထိူၼ်ႇႁၢႆႉတင်းသဵင်ႈတင်းလူင်တၵ်းဢွၼ်ၵၼ်ယူႇၵႃႈၼိူဝ်ၶဝ်ၼၼ်ႉၼႂ်းမိူဝ်ႈၶိင်ႇၵတ်း ဢေႃႈ။
၇ မိူဝ်ႈၼၼ်ႉတၵ်းလႆႈဢဝ်လၢၵ်ႈသွင်ႇဢၼ်ဝႃႈမဵဝ်းၵူၼ်းဢၼ်ၵႅၼ်ႇၶႅင်ၵျၢမ်းႁၢဝ်ႈၼႃႇလႄႈ ပဵၼ်လွင်ႈဢၼ်လီၵူဝ်လီႁႄ ၸႃႉၸဵမ်မိူဝ်ႈဢွၼ်တၢင်းႁူဝ်ပိုင်းၼၼ်ႉ တေႃႇထိုင်ႁွတ်ႈမိူဝ်ႈလဵဝ်ၼႆႉဢၼ်ႁႅင်းယႂ်ႇၼႃႇလႄႈၸၢင်ႊတဵၵ်းယဵပ်ႇ၊ ဢၼ်ယူႇၵႃႈတီႈလိၼ်တီႈယူႇဢၼ်ၼမ်ႉႁွင်ႊၼမ်ႉၵႄး ၸၵ်းၽႄၼၼ်ႉၸိူဝ်းၼၼ်ႉမႃးၸူးတီႈၸဝ်ႈပူဝ်ႇပႃႇၵၢင်ႁၢဝ် ၵႃႈတီႈလွႆၸိဢုၼ်ႇတီႈဢၼ်ၼႃႉမႃႉၸိုဝ်ႈသဵင်ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးတႄႇယူႇၼၼ်ႉဢေႃႈ။