၁၆
၁ ဢွၼ်ၵၼ်ဢဝ်သူဝ်းဢွၼ်ႇ ပၼ်ၵႂႃႇပုၼ်ႈၸဝ်ႈဢၼ်ဢုပ်ႉမိူင်းပိူင်ႇမိူင်းဢဝ်ၵႃႈတီႈဝဵင်းယေႇလ ၵႂႃႇတေႃႇထိုင်ႁွတ်ႈထိူၼ်ႇၼၼ်ႉ ၸူးၵႃႈတီႈလွႆလုၵ်ႈယိင်းၸိ ဢုၼ်ႇၼၼ်ႉသေတႃႉ။
၂ ၸိူဝ်ႉၼင်ႇၼူၵ်ႉဢၼ်လႄႇၵႂႃႇယူႇဢိၵ်ႇတင်းၸိူဝ်ႉၼင်ႇႁၢင်းမၼ်း ဢၼ်ၸုၼ်ႉပႅတ်ႈၼၼ်ႉလႄႈ လုၵ်ႈယိင်းမေႃႇၽတင်းလၢႆဢွၼ်ၵၼ်မီးယူႇၵႃႈတီႈႁိမ်းတိုဝ်ႉတႃႈ ဢၼ်ၶၢမ်ႈၼမ်ႉဢႃႇၼုၼ်ႇ ၼၼ်ႉဢေႃႈ။
၃ ပၼ်တၢင်းၵျၢမ်ႇတၢင်းပွင်လႄႈၸီႇယၢင်ႇၸွမ်းၼင်ႇတြႃးတႃႉ။ႁႂ်ႈႁူမ်ႈၵွင်ႉငဝ်းမႂ်းပဵၼ်ၸိူဝ်ႉၼင်ႇၵၢင်ၶိုၼ်းၵႃႈၼႂ်း ဢၼ်လႅင်းၵၢင်ဝၼ်းတဵင်ႈၼၼ်ႉတႃႉ။ဢဝ်ၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈၼၼ်ႉသိူင်ႇမႅပ်းဝႆႉတႃႉ။ ယႃႇပေၼႄပျုႉၶဝ်ၸိူဝ်း ဢၼ်ဢွၵ်ႇပၢႆႈဢွၵ်ႇၼီၼၼ်ႉ။
၄ မေႃႇၽဢိူၺ်း။ႁႂ်ႈၵူၼ်းၵဝ်ဢၼ်လႆႈၶၢမ်ႇတၢင်းဢၼ် ႁေႃႈဢွၵ်ႇပႅတ်ႈၸိူဝ်းၼၼ်ႉယူႇလူၺ်ႈၵၼ်တင်းမႂ်းတႃႉ။ပဵၼ်တီႈဢၼ်ႁူမ်ႇမုင်းၶဝ်ယူႇ ႁႂ်ႈၶဝ်လႆႈလွတ်ႈသေၼႃႈၶဝ်ၸိူဝ်းဢၼ်ယႃႉပႅတ်ႈၼၼ်ႉတႃႉ။ၵေႃႉဢၼ်ၼိၵ်ႈၸၢၵ်ႈငႅၼ်းသေးၼၼ်ႉဢမ်ႇမီးယဝ်ႉ။ၵေႃႉဢၼ်ယႃႉပႅတ်ႈၼၼ်ႉထၢတ်ႇယဵၼ်ယဝ်ႉ။ ၶဝ်ၸိူဝ်းဢၼ်တဵတ်ႇမႅပ်းၼၼ်ႉလႆႈၶၢမ်ႇတၢင်းဢၼ်ပႄႇၽဵဝ်ႈပႅတ်ႈသေၵႃႈၼႂ်းမိူင်းယဝ်ႉ။
၅ ရႃႇၸႃႉပလၢင်ႇ တၵ်းတႄႇယူႇၵႃႈၼႂ်းၵရူႉၼႃႇလႄႈၸဝ်ႈဢၼ်တဵမ်ဝႆႉတင်းသႅတ်ႉၸႃႇၼၼ်ႉ တၵ်းၼင်ႈယူႇၵႃႈၼိူဝ်မၼ်း ၵႃႈၼႂ်းသုမ်ႉထဵင် ၶုၼ်တႃႇဝိတ်ႉလႄႈၸႅတ်ႈထၢမ်သိုဝ်ႈသိုဝ်ႈတေႃႇတေႃႇယူႇ၊ တႅပ်းတတ်းတြႃးၶၼ်ၶၼ်ၽႂ်းၽႂ်းယူႇသေလႄႈ ၸီႇယၢင်ႇတြႃး ဢေႃႈ။
၆ ႁဝ်းလႆႈငိၼ်းလွင်ႈမႃႇၼႃႉမေႃႇၽဢၼ်ၸႂ်သုင်ၼႃႇလူင်လၢင် တၢင်းဢၼ်ပူၵ်းပႅၼ်မၼ်းတၢင်းဢၼ်ၸွၵ်ႈၵႃးမၼ်း၊ တၢင်းဢၼ်တေႃးသႃႉတၢင်းၸႂ်မႆႈၶႆႈၸႃႉမၼ်းဢွၵ်ႇ၊တၢင်းဢၼ်မၼ်းလၢတ်ႈၵႂၢမ်းဢၼ်ဢုပ်ႇဢၢတ်ႇ ဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ၼၼ်ႉယဝ်ႉ။
၇ ပိူဝ်ႈၼႆလႄႈမေႃႇၽၼၼ်ႉတၵ်းလႆႈႁွင်ႉႁႆႈပွင်ႉၶင်းပုၼ်ႈမေႃႇၽ လႄႈၵူၼ်းဝၢၼ်ႈၵူၼ်းမိူင်းၵႃႈမီးတင်းသဵင်ႈတင်းလူင် တၵ်းလႆႈဢွၼ်ၵၼ်ႁွင်ႉႁႆႈပွင်ႉၶင်းဢေႃႈ။သူတၵ်းၶၢင်းၶီၶၢင်းၽၢၼ်ပုၼ်ႈယူဝ်ႇမၢၵ်ႇၸပိတ်ႉၵိရႁရိတ်ႉ ၼၼ်ႉလႄႈ လႆႈၶၢမ်ႇတၢင်းဢၼ် ပၼ်တၢမ်ႇၼႃႇလူင်လၢင်ဢေႃႈ။
၈ ပၢင်ႇတူင်ႈၼႃးႁေႇသၽုၼ်ႇၸိူဝ်းၼၼ်ႉ ဢိၵ်ႇတင်းယွတ်ႈၶိူဝ်းတူၼ်ႈမၢၵ်ႇၸပိတ်ႉၸိပမႃႇ ႁႅင်ႈၵႂႃႇယူတ်းၵႂႃႇလႄႈ ၶုၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ဢွၼ်ၵၼ်ႁၵ်းတူၼ်ႈဢၼ်လီမျၢတ်ႈၵႃႈၼႂ်းမၼ်းပႅတ်ႈယဝ်ႉ။ယွတ်ႈၸိူဝ်းၼၼ်ႉ ႁဵဝ်ႇၵႂႃႇတေႃႇထိုင်ႁွတ်ႈဝဵင်းယႃႇၸႃႇ လႄႈလႄႇယူႇၵႃႈၼႂ်းထိူၼ်ႇၼႂ်းၶိူဝ်းဢေႃႈ။ၵိင်ႇတူၼ်ႈမၼ်းၸိူဝ်းၼၼ်ႉယိုၼ်းယၢဝ်းလႄႈပူၼ်ႉပၢင်ႇလၢႆႇဢေႃႈ။
၉ ပိူဝ်ႈၼႆလႄႈ ၸိူဝ်ႉၼင်ႇဢၼ်ၼမ်ႉတႃၵဝ်တူၵ်းပုၼ်ႈဝဵင်းယႃႇၸႃႇ ၼၼ်ႉၼမ်ႉတႃၵဝ်တူၵ်းပုၼ်ႈတူၼ်ႈၶိူဝ်းမၢၵ်ႇၸပိတ်ႉၸိပမႃႇဢေႃႈ။ဝဵင်းႁေႇသၽုၼ်ႇတင်းဝဵင်းဢေႇလႃႇလေႇဢိူၺ်း။ ၵဝ်တၵ်းမီးတၢင်းဢၼ်ၼမ်ႉတႃႇတူၵ်းယူႇသေလႄႈႁူတ်းၼမ်ႉတီႈမႂ်းဢေႃႈ။လွင်ႈမၼ်းၸမ်း သဵင်တိုၵ်းသိုၵ်းႁွတ်ႈထိုင်ၵႃႈၼိူဝ်မၢၵ်ႇမႆႉ
၁၀ ဢိၵ်ႇတင်း ၵႃႈၼိူဝ်ႁူင်းၶဝ်ႈမႂ်းၸိူဝ်းၼၼ်ႉယဝ်။တၢင်းဢၼ်ၸူမ်းသိူဝ်းတၢင်းဢၼ်သႂၢင်ႇၸႂ်ထၢတ်ႇၵႂႃႇ ၵႃႈၼႂ်းပၢင်ႇတူင်ႈၼႃး ဢၼ်တဵမ်ဝႆႉတင်းမၢၵ်ႇႁူင်းၼၼ်ႉယဝ်ႉ။ၵႃႈၼႂ်းသူၼ်ဢူးယဵၼ်ႇၸပိတ်ႉၼၼ်ႉဢမ်ႇလႆႈမီးတၢင်းဢၼ်ႁဵတ်းၵႂၢမ်း။ ဢမ်ႇလႆႈမီးတၢင်းဢၼ်ႁွင်ႉပၢဝ်ႇႁွင်ႉသေႃႇ။ၵေႃႉဢၼ်ယဵပ်ႇမၢၵ်ႇၸပိတ်ႉၼၼ်ႉဢမ်ႇလႆႈယဵပ်ႇ ၵႃႈၼႂ်းတီႈဢၼ်ၼူတ်ႈမၢၵ်ႇၸပိတ်ႉၼၼ်ႉ။ၵဝ်ႁႂ်ႈသဵင်ဢၼ်ႁွင်ႉပၢဝ်ႇႁွင်ႉသေႃႇၼၼ်ႉ ထၢတ်ႇယဝ်ႉ။
၁၁ ပိူဝ်ႈၼႆလႄႈ ပုမ်ၵဝ်ၼႆႉတၵ်းလႆႈလင်ႊၸိူဝ်ႉၼင်ႇတိင်ႇၼၼ်ႉပုၼ်ႈမိူင်းမေႃႇၽလႄႈ သႆႈၵဝ်ၼႆႉတၵ်းလႆႈလင်ႊ ၸိူဝ်ႉၼင်ႇတိင်ႇၼၼ်ႉပုၼ်ႈဝဵင်းၵိရႁဢေႃႈ။
၁၂ မိူဝ်ႈၼၼ်ႉမိူဝ်ႈဢၼ်မေႃႇၽသုတ်ႉၸပ်းသုတ်ႉၸူးသေလႄႈ ႁိူဝ်ႉၸႂ်ယၢပ်ႇၸႂ်ယူႇ ၵႃႈၼိူဝ်ထႃႇၼႃႉတီႈသုင်ၼၼ်ႉလႄႈၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇမၼ်း ႁႂ်ႈလႆႈႁဵတ်းပထၼႃႇၼၼ်ႉၸိုင် တၢင်းၵျၢမ်ႇတၢင်းပွင်မၼ်းဢမ်ႇပဵၼ်လႆႈ။
၁၃ ဢၼ်ၼႆႉၸမ်းပဵၼ်ၵႂၢမ်းဢၼ်ထႃႇဝရႃႉၽြႃးမီးဢမိင်ႉဝႆႉလူၺ်ႈလွင်ႈမိူင်းမေႃႇၽ မိူဝ်ႈဢွၼ်ၼႆႉၼၼ်ႉဢေႃႈ။
၁၄ လၢႆးသမ်ႉမိူဝ်ႈလဵဝ်ၼႆႉထႃႇဝရႃႉၽြႃးမီးဢမိင်ႉၸမ်း၊-ၸွမ်းၵႃႈၼင်ႇဢၼ်ၵေႃႉဢၼ်ၵိၼ်ၵႃႈၸၢင်ႊၶၼ်ငႃၼၼ်ႉၼပ်ႉဢၢၼ်ႇပီႊၼၼ်ႉလႄႈ ပၼ်သၢမ်ပီႊသေယဝ်ႉ မူၼ်ႈၽုင်းသရေႇမိူင်းမေႃႇၽ ၼၼ်ႉတၵ်းႁွတ်ႈထိုင်တၢင်းဢၼ်ၶျႃးတူၵ်းတီႈတႅမ်ႇ ပႃးလူၺ်ႈၵၼ်တင်းမူႇၽုင်မုၵ်ႉၸိူဝ်းမၼ်းဢၼ်ယႂ်ႇၼႃႇ ၵႃႈမီးၼၼ်ႉဢေႃႈ။ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇၼၼ်ႉတၵ်းပဵၼ်ဢၼ်ၵေႇၼႃႇလူင်လၢင်လႄႈ ၸေႃႉၸေႉမဝ်မၢင်ၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။