၁၂
ၵႂၢမ်းယွင်ႈယေႃး
၁ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ မႂ်းတၵ်းလႆႈဢွၵ်ႇသူပ်းဝႃႈၸမ်း၊-ထႃႇဝရႃႉၽြႃးတီႈၶႃႈ။ၶႃႈၸဝ်ႈတၵ်းယွင်ႈယေႃးမူၼ်ႈၵျေးၸူးၸဝ်ႈႁဝ်းတီႈၶႃႈဢေႃႈ။ပိၵ်ႉသမ်ႉၸဝ်ႈႁဝ်း ၸႂ်မႆႈၶႆႈၸႃႉတေႃႇၶႃႈၸဝ်ႈသေၵေႃႈတၢင်းၸႂ်မႆႈၶႆႈၸႃႉၸဝ်ႈႁဝ်းၼၼ်ႉထၢတ်ႇယဵၼ်လႄႈ ၸဝ်ႈ ႁဝ်းႁႂ်ႈၶႃႈၸဝ်ႈပျေႇၸႂ်ၼိမ်ၸႂ်တီႈၶႃႈဢေႃႈ။
၂ ၽြႃးပဵၼ်ၸဝ်ႈၸဝ်ႈဢၼ်ၵႄႇသႄႇၶျွတ်ႈဢဝ်ၵဝ်ဢေႃႈ။ၸဝ်ႈထႃႇဝရႃႉၽြႃး ပဵၼ်ႁႅင်းတၼ်းၶူဝ်းၵဝ်တီႈဢၼ်ၵဝ်ႁဵတ်းၵႂၢမ်း ၊ ၸဝ်ႈဢၼ်ၵႄႇသႄႇၶျွတ်ႈဢဝ်ၵဝ် ဢေႃႈ။
၃ သူတၵ်းမီးၸႂ်ဢၼ်ၸူမ်းဢၼ်သိူဝ်းသေလႄႈတဵၵ်းဢဝ်ၼမ်ႉ ၵႃႈတီႈၼမ်ႉမေႃႇဢွၵ်ႇႁူးဢၼ်ၸၢပ်ႈသႅင်ႇၵၼ်တင်း တၢင်းဢၼ်ၵႄႇသႄႇၶျွတ်ႈဢဝ်ၸိူဝ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၄ ၼႂ်းမိူဝ်ႉဝၼ်းၼၼ်ႉ မႂ်းတၵ်းလႆႈဢွၵ်ႇသူပ်းဝႃႈၸမ်း၊-ဢွၼ်ၵၼ်ယွင်ႈယေႃးထႃႇဝရႃႉၽြႃးတႃႉ။ဢွၼ်ၵၼ်ႁဵတ်းပထၼႃႇ တီႈၼႃႇမႃႉၸိုဝ်သဵင်မၼ်းၸဝ်ႈတႃႉ။ဢွၼ်ၵၼ်ၽုၺ်ႇဢွၵ်ႇၼႄပျုႉဢမူႉမၼ်းတင်းလၢႆ ၵႃႈၼႂ်းၵူၼ်းတင်းလၢႆတႃႉ။ဢွၼ်ၵၼ်ႁႂ်ႈၶဝ်ၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ၼႃႇမႃႉၸိုဝ်ႈသဵင်မၼ်းၸဝ်ႈယႂ်ႇ မျၢတ်ႈၼႃႇၼၼ်ႉတႃႉ။
၅ ဢွၼ်ၵၼ်ႁဵတ်းၵႂၢမ်းထေႃးပၼႃႇတီႈထႃႇဝရႃႉၽြႃးတႃႉ။ မၼ်းၸဝ်ႈႁဵတ်းလွင်ႈတၢင်းဢၼ်တၵ်းလႆႈယဝ်ႉ။ဢွၼ်ၵၼ်ႁႂ်ႈလွင်ႈတၢင်းၸိူဝ်းၼႆႉႁူင်ႁၢင်းသႃႈၸွတ်ႇၵႃႈၼိူဝ်လိၼ်မိူင်း တင်း သဵင်ႈတင်းမူတ်းတႃႉ။
၆ လုၵ်ႈယိင်းၸိဢုၼ်ႇဢိူၺ်း။ႁွင်ႉပၢဝ်ႇႁွင်ႉလၢတ်ႈတႃႉ။ ၸူမ်းသိူဝ်းသေလႄႈႁွင်ႉသႅၼ်ႇတႃႉ။လွင်ႈမၼ်းၸမ်းၽြႃးဢၼ်မူတ်းၸၢင်ႇမဵဝ်းဢိသရေႇလ ၼၼ်ႉမူၼ်ႈၽုင်းယႂ်ႇၼႃႇၵႃႈၼႂ်းၵၢင်မႂ်းဢေႃႈ၊ဝႃႈၼင်ႇၼႆဢေႃႈ။