၂
လွႆႈၸဝ်ႈၽြႃး
၁ ၵႂၢမ်းပျႃႇတိၵ်ႈဢၼ်ၸဝ်ႈဢိသႃႇယ လုၵ်ႈၸၢႆးဢႃႇမုတ်ႉ လႆႈၶၢမ်ႇဢဝ်လူၺ်ႈလွင်ႈမိူင်းယုတ တင်းဝဵင်း ယေႇရုသလႅမ်ႇလႄႈဝႃႈၼၼ်ႉၸမ်း၊-
၂ ၶိင်ႇၵႃႇလႃႉမိူဝ်ႉဝၼ်းလိုၼ်းလင်သုတ်းၼၼ်ႉ လွႆႁိူၼ်းထႃႇဝရႃႉၽြႃးတၵ်းတႄႇယူႇၵႃၼိူဝ် ပၢႆၸိၵ်းလွႆယႂ်ႇလွႆလူင်တင်းလၢႆလႄႈ လႆႈၶၢမ်ႇတၢင်းဢၼ်ယုၵ်ႉယွင်ႈသုင်ၼႃႇသေၵႃႈၼိူဝ်လွႆလဵၵ်ႉလွႆၼွႆႉတင်းလၢႆဢေႃႈ။ၵူၼ်းၵူႈၸိူဝ်ႉၵူႈမဵဝ်း တၵ်းၸူႉၵၼ်တုမ်ၵၼ်ၵႃႈတီႈလွႆၼၼ်ႉဢေႃႈ။
၃ ၵူၼ်းၼမ်ၼႃႇၵေႃႈတၵ်းပေႃႇဢွၵ်ႇမႃးလႄႈ လၢတ်ႈလႄႈဝႃႈ၊-မႃးမႃးဢိူၺ်း။ၶိုၼ်ႈၵႃႈၼိူဝ်လွႆထႃႇဝရႃႉၽြႃးၸူးၵႃႈတီႈႁိူၼ်းၽြႃးပဵၼ်ၸဝ်ႈမဵဝ်းယႃႇၵုပ်ႉ ၼၼ်ႉတႃႉႁဝ်း။မၼ်းၸဝ်ႈတၵ်းသင်ႇသွၼ်ၼႄပျုႉသဵၼ်ႈတၢင်းမၼ်းတင်းလၢႆလႄႈ ႁဝ်းတၵ်းၵႂႃႇမႃးၵႃႈၼႂ်းႁွႆးတၢင်းမၼ်းၸဝ်ႈဢေႃႈ၊ဝႃႈၼင်ႇၼႆဢေႃႈ။ လွင်ႈမၼ်းၸမ်းတြႃးၸဝ်ႈတၵ်းပေႃႇဢွၵ်ႇမႃး ၵႃႈၼႂ်းလွႆၸိဢုၼ်ႇလႄႈ ၼုၵ်ႈၵပၢတ်ႈထႃႇဝရႃႉၽြႃးတၵ်းပေႃႇ ဢွၵ်ႇမႃးၵႃႈၼႂ်းဝဵင်းယေႇရုသလႅမ်ႇဢေႃႈ။
၄ မၼ်းၸဝ်ႈတၵ်းၸီႇယၢင်ႇတြႃးၼႂ်းၵူၼ်းမဵဝ်းတင်းလၢႆလႄႈ သင်ႇသွၼ်သုင်းမႃႉၵူၼ်းမဵဝ်းၼမ်ၼႃႇဢေႃႈ။ၶဝ်တၵ်းဢဝ်လၢပ်ႇၶဝ်လႅဝ်းၶဝ်ထုပ်ႉႁဵတ်းသိၵ်ႈထိူၼ်ႇသိၵ်ႈၽိူဝ်လႄႈဢဝ်ႁွၵ်ႇၶဝ်ထုပ်ႉႁဵတ်းၶဵဝ်းဢေႃႈ။မိူင်းၼိုင်ႈတၵ်းဢမ်ႇတိုၵ်းဢမ်ႇတေႃးတီႈမိူင်းၼိုင်ႈ။တၢင်းဢၼ်တိုၵ်းသိုၵ်းၵေႃႈ ၵမ်းလိုၼ်းၶဝ်တၵ်းဢမ်ႇလႆႈသွၼ်ဢဝ်။
၅ ၵူၼ်းမဵဝ်းယႃႇၵုပ်ႉၶဝ်ဢိူၺ်း။မႃးတႃႉ။ၵႂႃႇၵႂႃႇမႃးမႃးယူႇၵႃႈၼႂ်းဢၼ်လႅင်းထႃႇဝရႃႉၽြႃးတႃႉႁဝ်း။
မိူဝ်ႉဝၼ်းၽြႃးပဵၼ်ၸဝ်ႈ
၆ ၸဝ်ႈႁဝ်း ၸၼ်ပႅတ်ႈၵူၼ်းၸဝ်ႈႁဝ်းဢၼ်ဝႃႈၵူၼ်းမဵဝ်းယႃႇၵုပ်ႉၸိူဝ်းၼၼ်ႉ ဢမၢၼ်ႇၶၢၼ်ပဵၼ်တီႈၶႃႈယဝ်ႉ။လွင်ႈမၼ်းၸမ်း၊ၶဝ်ၼၼ်ႉတဵမ်ထူၼ်ႈဝႆႉတင်းတၢင်းမေႃတၢင်းၸၢင်ႊ မိူင်းဝၼ်းဢွၵ်ႇလႄႈပဵၼ်သြႃႇဢၼႃႇၵတ်ႉတိမိူၼ်ၸိူဝ်ႉၼင်ၵူၼ်းၽိလိတ်ႉတိ ၸိူဝ်းၼၼ်ႉဢေႃႈ။ၶဝ်တူပ်းမိုဝ်းၵၼ်တင်းၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉဢေႃႈ။
၇ မိူင်းၶဝ်တဵမ်ထူၼ်ႈဝႆႉတင်းငိုၼ်းၶမ်းလႄႈ ၶွင်ၶူဝ်းၼမ်ၼႃႇဢမ်ႇႁူႉၼမ် လႂ်ဢေႃႈ။မိူင်းၶဝ်တဵမ်ဝႆႉတင်းမႃႉတင်းလၢႆလႄႈ လေႃႉရထႃးမႃႉ ၼမ်ၼႃႇဢမ်ႇႁူႉၼမ် လႂ်ဢေႃႈ။
၈ မိူဝ်းၶဝ်တဵမ်ဝႆႉတင်းရုၵ်ႉထူႉသၢင်းထူႉလႄႈၶဝ်ဢွၼ်ၵၼ်ၵူဝ်းၵႂၢႆႇဝႆသုလွင်ႈတၢင်းဢၼ်ၶဝ်ဢဝ်မိုဝ်းၶဝ်ႁဵတ်း၊ လွင်ႈတၢင်းဢၼ်ၶဝ်ဢဝ်ၼိဝ်ႉမိုဝ်းၶဝ် ႁဵတ်းပဵၼ်မႃးၸိူဝ်ႉၼၼ်ႉလူင်ပေႇ။
၉ ၵေႃႉဢၼ်ယုတ်ႉယွမ်းၼၼ်ႉ တၵ်းလႆႈၶၢမ်ႇတၢင်းဢၼ်ၵူမ်ႈၵွမ်းႁူဝ်လႄႈ ၵေႃႉဢၼ်မျၢတ်ႈလီၵေႃႈတၵ်းလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇဢေႃႈ။ ပိူဝ်ႈၼႆလႄႈၸဝ်ႈႁဝ်းယႃႇပေပွႆႇလွတ်ႈဢပျႅတ်ႈၶဝ်ၼၼ်ႉသေၵမ်းတီႈၶႃႈ။
၁၀ သူဢွၼ်ၵၼ်ၶဝ်ႈၵႃႈၼႂ်းမၢၵ်ႇႁိၼ်မၢၵ်ႇၽႃလႄႈတဵတ်ႇမႅပ်းယူႇၵႃႈၼႂ်းမုၼ်ႈလိၼ်သေ ၵႃႈတီႈဢၢႆႁႅင်းတၢင်းဢၼ်ၵူဝ်ႁႄထႃႇဝရႃႉၽြႃး ဢိၵ်ႇတင်းဢၢႆႁႅင်းမူၼ်ႈတၼ်းၶူဝ်းဢႃႇၼူႉၽေႃႇမၼ်းၸဝ်ႈ ၼၼ်ႉတႃႉ။
၁၁ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ ၼႃႈၵူၼ်းဢၼ်ႁႅၼ်ဢႃႇၵႃႇၼၼ်ႉ တၵ်းလႆႈၶၢမ်ႇတၢင်းဢၼ်ၵူမ်ႈတူၵ်းတီႈတႅမ်ႇဢိၵ်ႇတင်း မႃႇၼႃႉၸႂ်သုင်ၵူၼ်းတင်းလၢႆၵေႃႈတၵ်းလႆႈၶၢမ်ႇတၢင်းဢၼ် ၶျႃးတူၵ်းတီႈတႅမ်ႇလႄႈထႃႇဝရႃႉၽြႃးသူႇလဵဝ်ပႃးလဵဝ်ၵူၺ်းတၵ်းႁွတ်ႈထိုင် တၢင်းဢၼ်ယုၵ်ႉယွင်ႈဢေႃႈ။
၁၂ ၼႂ်းမိူဝ်ႉဝၼ်းၶိင်ႇၵႃႇလႃႉၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉ တၵ်းလႆႈမီးတၢင်းဢၼ်ႁႄႉဢၼ်ၶႅၼ် ၵႃႈဢၼ်ယႂ်ႇၼႃႇသုင်ၼႃႇဢိၵ်ႇတင်းၵႃႈဢၼ်သူတ်ႇဢၼ်ၸွၼ်ၸိူဝ်းၼၼ်ႉလႄႈ လွင်ႈတၢင်းၸိူဝ်းၼၼ်ႉ တၵ်းလႆႈၶၢမ်ႇတၢင်း ဢၼ်ၶျႃးတူၵ်းတီႈတႅမ်ႇဢေႃႈ။
၁၃ တၵ်းလႆႈမီးတၢင်းဢၼ်ႁႄႉဢၼ်ၶႅၼ်တူၼ်ႈဢႃႇရိတ်ႉလေႇပၼုၼ်ႇဢၼ်ယႂ်ႇၼႃႇသုင်ၼႃႇၵႃႈမီး တူၼ်ႈမႆႉၼိမ်ပႃႇသၢၼ်ႇ ၵႃႈမီး၊
၁၄ လွႆလူင်ဢၼ်သုင်ၼႃႇၵႃႈမီး၊ လွႆဢၼ်သူတ်ႇၸွၼ်ၵႃႈမီး၊ တိူၵ်ႈတီႈတိုၵ်းသိုၵ်းဢၼ်သုင်ၼႃႇၵႃႈမီး၊
၁၅ လမ်းဝဵင်းဢၼ်မၼ်ႈၶိူင်ႇၵႃႈမီး၊ ႁိူဝ်းသၢင်းၽေႃးတႃႇသုၵႃႈမီးဢိၵ်ႇတင်း ပုင်ႇႁၢင်ႊဢၼ်လီထုၵ်ႇၸႂ်ၵျိူၵ်ႈၸႂ် ၵူႈၸိူဝ်ႉၵူႈပိူင်ၸိူဝ်းၼၼ်ႉဢေႃႈ။
၁၆ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉတၢင်းဢၼ်ၼႃႈႁႅၼ်ဢႃႇၵႃႇၼၼ်ႉ တၵ်းလၢႆႈ ၶၢမ်ႇတၢင်းဢၼ်ၶျႃးတူၵ်းတီႈတႅမ်ႇ
၁၇ ဢိၵ်ႇတင်းမႃႇၼႃႉၸႂ်သုင်ၵူၼ်းတင်းလၢႆၼၼ်ႉတၵ်းလႆႈၶၢမ်ႇတၢင်းဢၼ်ၵူမ်ႈတူၵ်းတီႈတႅမ်ႇလႄႈ ထႃႇဝရႃႉၽြႃးသူႇလဵဝ်ပႃးလဵဝ်ၵူၺ်း တၵ်းႁွတ်ႈထိုင်တၢင်းဢၼ်ယုၵ်ႉယွင်ႈဢေႃႈ။
၁၈ ရုၵ်ႉထူႉသၢင်းထူႉတင်းလၢႆတၵ်းလႆႈလပ်ႉႁၢႆၵႂႃႇ မူတ်းမူတ်းသဵင်ႈသဵင်ႈဢေႃႈ။
၁၉ ၵူၼ်းတင်းလၢႆတၵ်းဢွၼ်ၵၼ်ၶဝ်ႈၵႃႈၼႂ်းၵူင်ၼႂ်းႁူးမၢၵ်ႇႁိၼ်မၢၵ်ၽႃ ၵႃႈၼႂ်းၶုမ်လိၼ်လုၵ်းလိၼ်သေ ၵႃႈတီႈဢၢႆႁႅင်းတၢင်းဢၼ်ၵူဝ်ႁႄထႃႇဝရႃႉၽြႃး ဢိၵ်ႇတင်းမူၼ်ႈတၼ်းၶူဝ်းဢႃႇၼူႉၽေႃႇမၼ်းၸဝ်ႈၼၼ်ႉ ၼႂ်းမိူဝ်ႈဢၼ်မၼ်းၸဝ်ႈလုၵ်ႉ ႁႂ်ႈလႆႈလွၵ်ႇငိူတ်ႈလိၼ်မိူင်းၼၼ်ႉဢေႃႈ။
၂၀ ၼႂ်းမိူဝ်ႉဝၼ်းၶိင်ႇၵႃႇလႃႉ မိူဝ်ႈဢၼ်မၼ်းၸဝ်ႈလုၵ်ႉႁႂ်ႈလႆႈလွၵ်ႇငိူတ်ႈလိၼ်မိူင်းၼၼ်ႉၵူၼ်းၵူႈၵေႃႈၵူႈၵူၼ်းတၵ်းဢဝ် ရုၵ်ႉထူႉငိုၼ်းရုၵ်ႉထူႉၶမ်း ဢၼ်ၶဝ်ႁဵတ်းပုၼ်ႈဢၼ်ၶဝ်တၵ်း ၵူဝ်းၵႂၢႆႇဝႆသုၸိူဝ်းၼၼ်ႉ
၂၁ ပႅတ်ႈဝႆႉတီႈတွၼ်ႇ လႂ်ဢိၵ်ႇတင်းတီႈမိင်ႇ လႂ်၊ ႁႂ်ႈၶဝ်လႆႈၵႂႃႇၶဝ်ႈၵႃႈၼႂ်းၵူင်ၼႂ်းႁူးမၢၵ်ႇႁိၼ်မၢၵ်ႇၽႃဢိၵ်ႇတင်း ၵႃႈၼႂ်းငိူပ်ႇလွႆၵႄႈလွႆသေၵႃႈတီႈဢၢႆႁႅင်း တၢင်းဢၼ်ၵူဝ်ႁႄထႃႇဝရႃႉၽြႃးဢိၵ်ႇတင်းမူၼ်ႈတၼ်းၶူဝ်းဢႃႇၼူႉၽေႃႇ မၼ်းၸဝ်ႈၼၼ်ႉ ဢေႃႈ။
၂၂ ယႃႇပေဢိင်ပိုင်ႈၵူၼ်းသတ်ႉတဝႃႇဢၼ်ၸၢင်ႊဢဝ်တင်းၶူႈလင်ထူၺ်ႈၸႂ်ၼၼ်ႉ။မီးတီႈလီႁဵတ်းပမႃႇၼႃႉတီႈၵေႃႉၸိူဝ်ႉၼင်ႇၼၼ်ၼၼ်ႉၸိူဝ်ႉၼင်ႇႁိုဝ်။