၁
ၵူၼ်းမဵဝ်းဢၼ်လုၵ်ႉၽိုၼ်ႉၸဝ်ႈၽြႃး
၁ ပျႃႇတိၵ်ႈၸဝ်ႈဢၼ်ဢိသႃႇယ၊ လုၵ်ႈၸၢႆးဢႃႇမုတ်ႉ၊လႆႈၶၢမ်ႇဢဝ်လူၺ်ႈလွင်ႈ ဝဵင်းယေႇရုသလႅမ်ႇတင်းမိူင်းယုတ၊ၼႂ်းၸူဝ်ႈပၢၼ်ၶုၼ်ဢုဝ်ႇၸိယ၊ ၶုၼ်ယုဝ်ႇထမ်ႇ၊ၶုၼ်ဢႃႇၶတ်ႉ၊ ၶုၼ်ႁေႇၸၵိၶုၼ်ႁေႃၶမ်းယုတ ၸိူဝ်း ၼၼ်ႉၸမ်း၊-
၂ ၵွပ်ႈပိူဝ်ႈဢၼ်ထႃႇဝရႃႉၽြႃးမီးဢမိင်ႉလႄႈ၊ၵၢင်ႁၢဝ်ဢိူၺ်းထွမ်ႇငိၼ်းတႃႉ။လိၼ်မိူင်းဢိူၺ်းႁႄႈႁူတႃႉ။ဢၼ်မၼ်းၸဝ်ႈမီးဢမိင်ႉလႄႈဝႃႈၸမ်း၊-ၵဝ်လဵင်ႉလူလုမ်းလႃးလုၵ်ႈလၢင်းလႄႈလုၵ်ႈလၢင်း ၸိူဝ်းၼၼ်ႉလုၵ်ႉၽိုၼ်ႉတေႃႇၵဝ်ယဝ်ႉ။
၃ ဝူဝ်းၵေႃႈႁူႉၸၵ်းၸဝ်ႈမၼ်းယူႇဢေႃႈ။ မႃႉလီႈၵေႃႈႁူႉၸၵ်းၶွၵ်ႈမႃႉလီႈၸဝ်ႈမၼ်းယူႇဢေႃႈ။ မဵဝ်းဢိသရေႇလၸမ်းဢမ်ႇႁူႉၸၵ်းၵဝ်။မဵဝ်းၵူၼ်းဢၼ်ဢမ်ႇၸၢင်ႊၶႆႈၸႂ်ဝူၼ်ႉၸႂ်လူင် ပေႇ။
၄ ပဵၼ်မဵဝ်းဢၼ်ႁၢႆႉဢၼ်ယုတ်ႈ၊မုၵ်ႉၵူၼ်းၸိူဝ်းၵူၼ်းဢၼ်ဢဝ်ၶူဝ်းႁၢပ်ႇတူႉၸရိူၵ်ႈ တဵင်ႁၢပ်ႇၸိူဝ်ႉၶိူဝ်းဢၼ်ႁဵတ်းဢၼ်ဢမ်ႇတြႃး၊ လုၵ်ႈလၢင်းဢၼ်ၽွၵ်ႈပျၢၼ်ႇၶိုၼ်းလူင်ပေႇ။ၶဝ်ၸုၼ်ႉပႅတ်ႈထႃႇဝရႃႉၽြႃးယဝ်ႉ။ၶဝ်ႁဵတ်းဢမ်ႇရူဝ်ႇသေႇၵူဝ်ယမ် ၽြႃးဢၼ်မူတ်းၸၢင်ႇမဵဝ်းဢိသရေႇလလႄႈပႄႇပႅတ်ႈယဝ်ႉ။ၶဝ်ဢွၼ်ၵၼ်ဝၢႆႇလၢင်ၵွင်လင်ပၼ်လႄႈၽၢတ်ႇၵႂႃႇယဝ်ႉ။
၅ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ သူၶိုၼ်းလုၵ်ႉၽိုၼ်ႉထႅင်ႈသေလႄႈ ယင်းၶၢမ်ႇတၢင်းဢၼ်ပၼ်တၢမ်ႇထႅင်ႈယူႇလူးၵွၼ်ႇၸိူဝ်ႉၼင်ႇႁိုဝ်။ ၵွၵ်းႁူဝ်မီးတၢင်းဢၼ်ၸဵပ်းဢၼ်သႅပ်ႇၵူၺ်းၵူၺ်းလႄႈႁူဝ်ၸႂ်ၵေႃႈဢူၼ်ႈၵႂႃႇ ၸွပ်ႈၵႂႃႇဢေႃႈ။
၆ ဢဝ်ၵႃႈတီႈၽႃႇတိၼ်တေႃႇထိုင်ႁွတ်ႈၵွၵ်းႁူဝ်ဢမ်ႇမီးတၢင်းဢၼ်ယူႇလီလႄႈ မီးတၢင်းၸဵပ်းဢၼ်သဵပ်ႇမၢတ်ႇ၊ တၢင်းၸဵပ်းဢၼ်တိူဝ်ႉထုၵ်ႇလႄႈၵႂ်ႈ၊ တၢင်းၸဵပ်းဢၼ်ပဵၼ်ၵႃႉပဵၼ်ၵီႉဝႆႉၼၼ်ႉၵူၺ်း ၵူၺ်းဢေႃႈ။
၇ တၢင်းၸဵပ်းၸိူဝ်းၼၼ်ႉဢမ်ႇပႆႇလႆႈၶၢမ်ႇတၢင် ဢၼ်မိပ်ႇ၊ ဢမ်ႇပႆႇလႆႈၶၢမ်ႇတၢင်းဢၼ်ဢဝ်ၶူဝ်းလဵင်ႊမတ်ႉၵွပ်ႈမတ်ႉၶဵၼ်း၊ ဢမ်ႇပႆႇလႆႈၶၢမ်ႇတၢင်းဢၼ်ဢဝ်ၼမ်ႉမၼ်း ႁႂ်ႈဢူၼ်ႈမႃးၶႅၼ်းမႃး၊မိူင်းသူမီးတၢင်းဢၼ်သိတ်ႇၵူၼ်းယဵၼ်ၵူၼ်းယူႇလႄႈ ဝဵင်းသူၸိူဝ်းၼၼ်ႉ လႆႈၶၢမ်ႇတၢင်းဢၼ်ၽႆးမႆႈပႅတ်ႈယဝ်ႉ။
၈ ၼမ်ႉသူလိၼ်သူၼၼ်ႉၵေႃႈ ၵူၼ်းဝၢၼ်ႈၵူၼ်းမိူင်းဢွၼ်ၵၼ်ၵိၼ်သိုဝ်ႈၼႃႈတႂ်ႈတႃသူလႄႈမီးတၢင်းဢၼ်သိတ်ႇၵူၼ်းယဵၼ်ၵူၼ်းယူႇ မိူၼ်ၸိူဝ်ႉၼင်ႇဢၼ်ရၢၼ်ႇ သူႇယႃႉၽဵဝ်ႈပႅတ်ႈၼၼ်ႉဢေႃႈ။လုၵ်ႈယိင်းၸိဢုၼ်ႇၼၼ်ႉ ၵိုတ်းၵျၢၼ်ႇဝႆႉၸိူဝ်ႉၼင်ႇသုမ်ႉၵႃႈၼႂ်းသူၼ်ဢူးယဵၼ်ႇၸပိတ်ႉၸိူဝ်ႉၼင်ႇထဵင်လင်ၵႃႈၼႂ်းႁႆႊတႅင်၊ ၸိူဝ်ႈ ၼင်ႇဝဵင်းဢၼ်ရၢၼ်ႇသူႇလွမ်ႉႁွပ်ႈဝႆႉၼၼ်ႉဢေႃႈ။
၉ သင်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ဢမ်ႇႁႂ်ႈၶဝ်ၸိူဝ်းဢၼ်ၵိုတ်းၵျၢၼ်ႇဝႆႉ ဢၼ်လဵၵ်ႉဢၼ်ၵေႇၼႃႇၼႆႉၵိုတ်းၵျၢၼ်ႇဝႆႉတီႈႁဝ်းၸိုင် ႁဝ်းလႆႈပဵၼ်ၸိူဝ်ႉၼင်ႇဝဵင်းသေႃးတုမ်ႇလႄႈ မိူၼ်ၸိူဝ်ႉၼင်ႇဝဵင်းၵေႃးမေႃ:ရၼၼ်ႉယဝ်ႉ။
၁၀ ၶုၼ်ဢၼ်ဢုပ်ႉပိူင်ႇဝဵင်းသေႃးတုမ်ႇၶဝ်ဢိူၺ်း။ ထွမ်ႇငိၼ်းၼုၵ်ႈၵပၢတ်ႈတြႃးထႃႇဝရႃႉၽြႃးတႃႉ။ၵူၼ်းဝဵင်းၵေႃးမေႃ:ရၶဝ်ဢိူၺ်း ၊ႁႄႈႁူၸူးတီႈတြႃးၽြႃးပဵၼ်ၸဝ်ႈ ႁဝ်းတႃႉ။
၁၁ ထႃႇဝရႃႉၽြႃးမီးဢမိင်ႉဝႆႉၸမ်း၊-ၵဝ်ၸၢပ်ႈသႅင်ႇၵၼ်တင်းယိၸ်ႉ ဢၼ်ပုၵ်ႉၸေႃႇၸိူဝ်းၼၼ်ႉၸိူဝ်ႉၼင်ႇႁိုဝ်။ ၵဝ်ဢိမ်ႇတဵမ်ဝႆႉတင်းတူဝ်သူဝ်းဢၼ်တုတ်ႇၽႆးလႄႈပုၵ်ႉၸေႃႇ ဢိၵ်ႇတင်းၵွၼ်ႈၶႆၵွၼ်ႈမၼ်းတရိၵ်ႈသၢၼ်ႇဢၼ်လဵင်ႉႁႂ်ႈပီးႁႂ်ႈမၼ်းၸိူဝ်းၼၼ်ႉယဝ်ႉ။ၵဝ်ဢမ်ႇထုၵ်ႇၸႂ်ၵျိူၵ်ႈၸႂ်လိူတ်ႈသူဝ်းဢွၼ်ႇ လိူတ်ႈပႄႉပေႃႈၸိူဝ်းၼၼ်ႉ။
၁၂ မိူဝ်ႈဢၼ်သူမႃးႁႂ်ႈလႆႈၼႄပျႃႉၼႃႈတီႈၽၢႆႇၼႃႈၵဝ်ၼၼ်ႉၸိုင် ၽူႈ လႂ်ယွၼ်းဢဝ်ဝၢတ်ႈၸိူဝ်ႉၼင်ႇၼၼ်ၼၼ်ႉတီႈသူ ႁႂ်ႈလႆႈယဵပ်ႇ ၶၢမ်ႈတမ်ႇတိူင်းၵဝ်။
၁၃ ၵမ်းလိုၼ်းယႃႇပေထၢပ်ႈထႅင်ႈလႄႈ ဢဝ်ၶိူင်ႈပုၵ်ႉၸေႃႇဢၼ်ဢမ်ႇပွင်ႇလွင်ႈၵႃႈသင်ၼၼ်ႉမႃး။ ၼၢမ်ႇသႃႇဢၼ်သူတုတ်ႇၽႆးၼၼ်ႉပဵၼ်တီႈဢၼ်ၵဝ်လီႁင်ႈဢဵတ်ႇသဵတ်ႇဢေႃႈ။ဝၼ်းလိူၼ်မႂ်ႇ၊ဝၼ်းၵမ်သိၼ်၊ဝၼ်း ဢၼ်ပရိၵ်ႈသၢတ်ႈၸူႉၵၼ်တုမ်ၵၼ်ၼၼ်ႉၵေႃႈၵဝ်လီႁင်ႈဢေႃႈ။ ၵဝ်ဢမ်ႇယိူၼ်ႉၶၢမ်ႇတၢင်းဢၼ် ၸူႉဢၼ်တုမ်ထမ်ႇမႃႉဢၼ်လေႃးလေး ၵၼ်တင်းဢမူႉဢႃႉထမ်ႇမႃႉၼၼ်ႉလႆႈ။
၁၄ ဝိၺိၺ်ႇၵဝ်ၸင်းဝၼ်းလိူၼ်မႂ်ႇသူ ဢိၵ်ႇတင်း ပွႆးသူၸိူဝ်းၼၼ်ႉလႄႈပဵၼ်လွင်ႈဢၼ်ယႃႉယူၵ်ႉၵဝ်ဢေႃႈ။ၵဝ်ယၢပ်ႇၸႂ်ၽိုတ်ႇၸႂ်လူၺ်ႈ လွင်ႈတၢင်းဢၼ်ယိူၼ်ႉၶၢမ်ႇလွင်ႈတၢင်း ၸိူဝ်းၼၼ်ႉဢေႃႈ။
၁၅ ယၢမ်းမိူဝ်ႈဢၼ်သူတူပ်းမိုဝ်းဢႃႈမိုဝ်းၼၼ်ႉၸိုင် ၵဝ်တၵ်းဢဝ်မၢၵ်ႇတႃၵဝ်ဝႄႈပိူင်ႈပႅတ်ႈသူသေလႄႈ ယၢမ်းမိူဝ်ႈဢၼ်သူႁဵတ်းပထၼႃႇၼမ်ၼႃႇလူင်လၢင်ၼၼ်ႉၸိုင် ၵဝ်တၵ်းဢမ်ႇထွမ်ႇဢမ်ႇဢဝ်။မိုဝ်းသူၼၼ်ႉမီးတဵမ်ဝႆႉတင်းလိူတ်ႈဢေႃႈ။
၁၆ တူဝ်ၸဝ်ႈၵဝ်ႇဢွၼ်ၵၼ်သုၵ်ႈပွတ်ႈတူဝ်ၸဝ်ႈၵဝ်ႇတႃႉ။တူဝ်ႈၸဝ်ႈၵဝ်ႇႁႂ်ႈတူဝ်ၸဝ်ႈၵဝ်ႇမူတ်းသႂ်တႃႉ။ပႄႇတူႉၸရိူၵ်ႈ ဢၼ်သူႁဵတ်းၸိူဝ်းၼၼ်ႉပႅတ်ႈသေၵႃႈတီႈသိုဝ်ႈၼႃႈတႂ်ႈတႃၵဝ်တႃႉ။ တႅပ်းတၢင်းၵမ်တၢင်းၵျၢင်ႉ ဢၼ်ဢမ်ႇလီဢမ်ႇငၢမ်းၼၼ်ႉပႅတ်ႈသေတႃႉ။
၁၇ သွၼ်ဢဝ်ႁႂ်ႈလႆႈၵမ်ႇၵျၢင်ႉ တၢင်းၵမ်တၢင်းၵျၢင်ႉဢၼ်ႇလီဢၼ်ႇငၢမ်းတႃႉ။ၵျၢမ်ႇႁႃႁႂ်ႈလႆႈႁဵတ်းတၢင်းဢၼ်ၸွမ်းၼင်ႇတြႃးတႃႉ။ႁႂ်ႈလွင်ႈတၢင်းဢၼ်ၵူတ်ႉၼၼ်ႉသိုဝ်ႈတႃႉ။ၸီႇယၢင်ႇၸွမ်းလူၺ်ႈတြႃးပုၼ်ႈၶဝ်ၸိူဝ်းဢၼ်ဢမ်ႇမီးပေႃႈမီးမေႈၼၼ်ႉတႃႉ။ပႂ်ႉဢမူႉမေႈမုၵ်ႉမေႈမၢႆႈတင်းလၢႆတႃႉ။
၁၈ ထႃႇဝရႃႉၽြႃးမီးဢမိင်ႉဝႆႉၸမ်း၊-မႃးတႃႉ။တိူင်ႇပၢင်ႇလၢတ်ႈၸႃၵၼ်တႃႉႁဝ်း။ပိၵ်ႉသမ်ႉဢပျႅတ်ႈသူပဵၼ်ဢၼ်လႅင်ႊၵမ်ႇဝႆႉသေၵေႃႈ သူတၵ်းၶၢဝ်ၽိူၵ်ႇၸိူဝ်ႉၼင်ႇမူၺ် ႁႃႇဢေႃႈ။
၁၉ ပိၵ်ႉသမ်ႉပဵၼ်ဢၼ်လႅင်ႊၸၢင်းႁၢင်းဝႆႉပဵင်းတၢၼ်ႇၶတ်ႉတီႇပႃႇသေၵေႃႈ သူတၵ်းပဵၼ်ၸိူဝ်ႉၼင်ႇၶူၼ်သူဝ်းဢေႃႈ။ပေႃးမီးၸေႇတၼႃႇလႄႈထွမ်ႇဢဝ်ၸိုင်သူတၵ်းလႆႈၵိၼ်မၢၵ်ႇလိၼ်ႁူင်းလိၼ်ဢေႃႈ။
၂၀ ဢမ်ႇၼၼ် ပေႃးသူတွပ်ႇထဵင်လႄႈ လုၵ်ႉၽိုၼ်ႉၸိုင်သူတၵ်းလႆႈသုမ်းလူၺ်ႈလၢပ်ႇလူၺ်ႈလႅဝ်းဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃးဢွၵ်ႇသူပ်းမီးၸိူဝ်ႉၼင်ႇၼႆဢေႃႈ။
၂၁ ဝဵင်းဢၼ်မီးသႅတ်ႈၸႃႇၼၼ်ႉ လဵၼ်ႈၽူဝ်ဢွၼ်ႇၸိူဝ်ႉၼင်ႇႁိုဝ်။မိူဝ်ႈဢွၼ်ၼႆႉၼၼ်ႉမၼ်းတဵမ်ဝႆႉတင်းတၢင်းဢၼ် ၸီႇယၢင်ႇသိုဝ်ႈသိုဝ်ႈတေႃႇတေႃႇလႄႈ တြႃးတူၵ်းတီႈတူၵ်းလႅၼ်ယူႇၵႃႈၼႂ်းမၼ်းဢေႃႈ။မိူဝ်ႈလဵဝ်ၼႆႉၸမ်းၶဝ်ၸိူဝ်းဢၼ်ဢဝ် ဢသၢၵ်ႈၵူၼ်းတၢႆၼၼ်ႉ တူၵ်းတီႈတူၵ်းလႅၼ်ယူႇယဝ်ႉ။
၂၂ ငိုၼ်းမႂ်းၵေႃႈပဵၼ်ၶီႈဝၢၵ်ႇၵႂႃႇယဝ်ႉ။ ၼမ်ႉၸပိတ်ႉမႂ်းၼၼ်ႉလေႃးၵၼ်တင်းၼမ်ႉ ယဝ်ႉ။
၂၃ ၶုၼ်ၸိူဝ်းၼၼ်ႉဢွၼ်ၵၼ်လုၵ်ႉၽိုၼ်ႉလႄႈပဵၼ်ၵေႃႉဢၼ်ႁပ်ႉတုင်းဢဝ်ၽူႈလၵ်ႉၽူႈလိူတ်ႈယဝ်ႉ။ ၶဝ်တင်းသဵင်ႈတင်းလူင်ၼၼ်ႉမီးဢလူဝ်ႇၶႂ်ႈလႆႈလၢၵ်ႈသွင်ႇလႄႈၸွမ်းၵိၼ်တၼ်းသူဝ်းပိူၼ်ၼၼ်ႉဢေႃႈ။ၶဝ်ဢမ်ႇဢွၼ်ၵၼ်ၸီႇယၢင်ႇတြႃး ပုၼ်ႈၶဝ်ၸိူဝ်းဢၼ်ဢမ်ႇမီးပေႃႈမီးမေႈၼၼ်ႉ။ မေႈမုၵ်ႉမေႈမၢႆႈတင်းလၢႆ ဢမ်ႇႁွတ်ႈထိုင်တီႈၶဝ်လႆႈ။
၂၄ ပိူဝ်ႈၼႆလႄႈထႃႇဝရႃႉၽြႃးၸဝ်ႈပူဝ်ႇပႃႇၵၢင်ႁၢဝ်၊ၽြႃး ဢၼ်တၼ်းၶူဝ်းယႂ်ႇၼႃႇတီႈမဵဝ်းဢိသရေႇလၼၼ်ႉမီးဢမိင်ႉဝႆႉၸမ်း၊-ဢိူဝ်ႈ။ၵဝ်တၵ်းပႄႇပႅတ်ႈ ၶဝ်ၸိူဝ်းဢၼ်ယူႇၽၢႆႇၼိုင်ႈတင်းၵဝ်ၼၼ်ႉလႄႈပျေႇၸႂ်ၵဝ်ဢေႃႈ။ ၵဝ်တၵ်းပႂ်ႉဢမူႉၵဝ်လႄႈၸီႇယၢင်ႇရၢၼ်ႇသူႇၵဝ်တင်းလၢႆၸွမ်းၼင်ႇဢ ပျႅတ်ႈဢေႃႈ။
၂၅ ၵဝ်တၵ်းဢဝ်မိုဝ်းၵဝ်ယိပ်းၵမ်ဢဝ်မႂ်းသေလႄႈ ႁႂ်ႈမႂ်းၵၢင်းလွတ်ႈတင်းၶီႈဝၢၵ်ႇမူတ်းမူတ်းသဵင်ႈသဵင်ႈလႄႈဢဝ်ဢၼ်ဢမ်ႇမူတ်းၸၢင်ႇၵႃႈမီးဢွၵ်ႇ ပႅတ်ႈသေၵႃႈၼႂ်းမႂ်းဢေႃႈ။
၂၆ ၵဝ်တၵ်းၶၢၼ်းၵူၼ်းလူင်ဢၼ်ၸီႇယၢင်ႇတြႃးၸိူဝ်းၼၼ်ႉဝႆႉ မိူၼ်ၸိူဝ်ႉၼင်ႇမိူဝ်ႈႁူဝ်ပိုင်းၼၼ်ႉလႄႈ ၶၢၼ်းမူးမၢတ်ႈဢၼ်တိူင်ႇပၢင်ႇလၢတ်ႈၸႃၵၼ် ၸိူဝ်းၼၼ်ႉဝႆႉမိူၼ်ၸိူဝ်ႉၼင်ႇမိူဝ်ႈၵွၼ်ႇဢွၼ်ၼႆႉၼၼ်ႉထႅင်ႈလူးၵွၼ်ႇဢေႃႈ။လိုၼ်းၼၼ်ႉၼႃႇမႃႉၸိုဝ်သဵင်မႂ်းတၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈဝဵင်းဢၼ်တြႃး၊ဝဵင်းဢၼ်ပႂ်ႉသႅတ်ႈၸႃႇဢေႃႈ။
၂၇ ဝဵင်းၸိဢုၼ်ႇ ၼၼ်ႉတၵ်းလႆႈၶၢမ်ႇတၢင်းဢၼ်ထုတ်ႇၼုၵ်ႈဢဝ်ၵွပ်ႈပိူဝ်ႈတြႃးလႄႈ ၵူၼ်းမၼ်းဢၼ်ၶၢႆႉပုတ်ႈၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်ထုတ်ႇၼုၵ်ႈ ဢဝ်ၵွပ်ႈပိူဝ်ႈတၢင်းဢၼ်သိုဝ်ႈတေႃႇၼၼ်ႉဢေႃႈ။
၂၈ ၶဝ်ၸိူဝ်းဢၼ်ပူၼ်ႉလိူဝ်ဢိၵ်ႇတင်း ၶဝ်ၸိူဝ်းဢၼ်ၽိတ်းပိူင်ႈၼၼ်ႉ တၵ်းဢွၼ်ၵၼ်ႁွတ်ႈထိုင်တၢင်းဢၼ်လူႉဢၼ်လႅဝ်လူၺ်ႈၵၼ်လႄႈ ၶဝ်ၸိူဝ်းဢၼ်ၸုၼ်ႉပႅတ်ႈ ထႃႇဝရႃႉၽြႃးၼၼ်ႉတၵ်းသုမ်းၸွမ်းဢေႃႈ။
၂၉ သူတၵ်းလႆႈဢူၵ်းဢၢႆ ၵွပ်ႈပိူဝ်ႈတူၼ်ႈမႆႉၼိမ်ဢၼ်သူယၢမ်ႈၸႂ်ၸပ်းၸႂ်ၸွႆးယူႇၸိူဝ်းၼၼ်ႉလႄႈ ၼႃႈသူတၵ်းလူႉၵွပ်ႈပိူဝ်ႈသူၼ်ဢူးယဵၼ်ႇဢၼ်သူယၢမ်ႈၵဵပ်းသိမ်းဢဝ် ၸိူဝ်းၼၼ်ႉဢေႃႈ။
၃၀ လွင်ႈမၼ်းၸမ်းသူတၵ်းလႆႈပဵၼ်ၸိူဝ်ႉၼင်ႇတူၼ်ႈမႆႉၼိမ် ဢၼ်မႂ်ႊႁဵဝ်ႇၼၼ်ႉဢိၵ်ႇတင်းၸိူဝ်ႉၼင်ႇသူၼ်ဢူးယဵၼ်ႇ ဢၼ်ဢမ်ႇမီးၼမ်ႉၼၼ်ႉဢေႃႈ။
၃၁ ၵေႃႉဢၼ်ႁႅင်းယႂ်ႇၼၼ်ႉပဵၼ်ပၢၼ်ႇပဵၼ်ပေႃယူႇ၊ တၢင်းႁဵတ်းတၢင်းသၢင်ႈမၼ်းပဵၼ်ၶႆႇၽႆးယူႇသေလႄႈသွင်ၸိူဝ်ႉသွင်ပိူင်ၼၼ်ႉ တၵ်းမႆႈတၵ်းသုတ်းလူၺ်ႈၵၼ်ဢေႃႈ။ ၽႆးၼၼ်ႉၸိုင်ၽူႈ လႂ်သေၵေႃႉသေၵူၼ်းဢမ်ႇလႆႈဢဝ်မွတ်ႇဢဝ်တၢႆ။