၉
၁ လွင်ႈၼင်ႇႁိုဝ် တၵ်းလႆႈႁႆႈႁွင်ႉယူႇတင်းဝၼ်းတင်းၶိုၼ်းဢမ်ႇထၢတ်ႇ ပုၼ်ႈတူဝ်တၢႆ ဢၼ်ၸၢပ်ႈသႅင်ႇၵၼ်တင်းလုၵ်ႈယိင်းၵူၼ်းမဵဝ်းၵဝ်ၸိူဝ်းၼၼ်ႉၸိုင် ႁႂ်ႈႁူဝ်ၵဝ်ၼႆႉပဵၼ်ၼမ်ႉလွၼ်ႉလွၼ်ႉလႄႈ ႁႂ်ႈမၢၵ်ႇတႃၵဝ်ၼႆႉပဵၼ်ၼမ်ႉဢွၵ်ႇႁူး ဢၼ်ၼမ်ႉတႃဢွၵ်ႇယူႇၼၼ်ႉသေၵမ်း လူၺ်ႈ။
၂ ႁႂ်ႈၵဝ်မီးသုမ်ႉတီႈဢၼ်ၶဝ်ၸိူဝ်းဢၼ်ၵႂႃႇတၢင်းပႆတၢင်းတၵ်းလိုဝ်ႈ ၵႃႈၼႂ်းထိူၼ်ႇၼႂ်းၶိူဝ်းထၼ်ႈပေႃးၵဝ်ၸုၼ်ႉပႅတ်ႈၵူၼ်းမဵဝ်းၵဝ်တင်းလၢႆသေလႄႈ ဢွၵ်ႇသေၵႃႈတီႈၶဝ်ၵႂႃႇလႆႈၼၼ်ႉသေၵမ်းလူၺ်ႈ။ၶဝ်တင်းသဵင်ႈတင်းလူင် ဢွၼ်ၵၼ်ပဵၼ်ၵေႃႉဢၼ်ၽိတ်းပိူင်ႈမေးပိူၼ်ႈ ပဵၼ်မုၵ်ႉပဵၼ်ၸိူဝ်းဢၼ်သႅတ်ႉၸႃႇလူႉဢေႃႈ။
၃ ၶဝ်ဢွၼ်ၵၼ်ဢဝ်မူႉသႃႇဝူၼ်ႈၵၢင်ႇၶဝ် ဢၼ်ဝႃႈလိၼ်ႉၶဝ်ၼၼ်ႉယဝ်ႉ။ၶဝ်ယင်းဢမ်ႇဢိင်သႅတ်ႉၸႃႇတြႃးလႄႈ ဢွၼ်ၵၼ်ပဵၼ်ၵူၼ်းယႂ်ႇၵူၼ်းလူင်ၵႃႈၼႂ်းဝၢၼ်ႈၼႂ်းမိူင်းဢေႃႈ။ၶဝ်ဢွၼ်ၵၼ်ႁဵတ်းလွင်ႈတၢင်းဢၼ်ႁၢႆႉဢၼ်ထၢပ်ႈသႂ်ႇထႅင်ႈၵႃႈၼိူဝ်လွင်ႈတၢင်းဢၼ်ႁၢႆႉဢေႃႈ။ၶဝ်ဢမ်ႇႁူႉဢမ်ႇမၢတ်ႈၵဝ်လႃးလႃး၊ဝႃႈၼင်ႇၼႆ လႄႈထႃႇဝရႃႉၽြႃးမီးဢမိင်ႉဢေႃႈ။
၄ ၵူႈၵေႃႉၵူႈၵူၼ်းဢွၼ်ၵၼ်ႁဵတ်းသတိ လူၺ်ႈလွင်ႈၵေႃႉဢၼ်ႁူမ်ႈပွင်းလူၺ်ႈၵၼ်တင်းတူဝ်ၸဝ်ႈၵဝ်ႇၼၼ်ႉတႃႉ။ယႃႇပယေုမ်ႇပီႈၸၢႆးၼွင်ႉၸၢႆးတူဝ်ၸဝ်ႈၵဝ်ႇ။ပီႈၸၢႆးၼွင်ႉၸၢႆးၵူႈၵေႃႉၵူႈၵူၼ်းတၵ်းႁိမ်ဢဝ် ဢရႃႇပီႈၸၢႆးၼွင်ႉၸၢႆးတူဝ်ၸဝ်ႈၵဝ်ႇလႄႈ ၵေႃႉဢၼ်ႁူမ်ႈဢၼ်ပွင်းၵႃႈမီးၼၼ်ႉ တၵ်းဢွၼ်ၵၼ်ႁဵတ်း တၢင်းဢၼ်ၶႃႉၸိုဝ်ၶၢႆသဵင်ယူႇသေ လႄႈၵႂႃႇမႃးဢေႃႈ။
၅ ၵေႃႉဢၼ်ႁူမ်ႈပွင်းၵႃႈမီးၼၼ်ႉၵေႃႉၼိုင်ႈလႄႈ ၵေႃႉၼိုင်ႈတၵ်းပႅတ်ႉလႅၼ်ၵၼ်လႄႈ ယင်းဢမ်ႇလၢတ်ႈၵႂၢမ်းသႅတ်ႉၸႃႇလႄႈယူႇဢေႃႈ။ၶဝ်ဢွၼ်ၵၼ်သင်ႇသွၼ်လိၼ်ႉၶဝ်ႁႂ်ႈလႆႈလၢတ်ႈၵႂၢမ်းမူႉသႃႇလႄႈ ႁႂ်ႈတူဝ်ၸဝ်ႈၵဝ်ႇယၢပ်ႇၸႂ်ၽိုတ်ႇၸႂ်ႁႂ်ႈလႆႈႁဵတ်း လွင်ႈတၢင်းဢၼ်ဢမ်ႇတြႃးဢေႃႈ။
၆ တီႈယူႇတီႈသဝ်းမႂ်းၼၼ်ႉမီးယူႇၵႃႈၼႂ်းတီႈမူႉသႃႇဢေႃႈ။ၵွပ်ႈပိူဝ်ႈမူႉသႃႇၼၼ်ႉလႄႈၶဝ်ဢမ်ႇမီးဢလူဝ်ႇၶႆႈႁူႉၵဝ်၊ ဝႃႈၼင်ႇၼႆ ထႃႇဝရႃႉၽြႃးမီးဢမိင်ႉဢေႃႈ။
၇ ပိူဝ်ႈၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းဢွင်ႇၶဝ်ၸိုမ်းသေလႄႈၸၢမ်းတူၺ်းၶဝ်ဢေႃႈ။ပေႃးဢမ်ႇၼၼ်ၵဝ်တၵ်းလႆႈႁဵတ်းၸိူဝ်ႉၼင်ႇႁိုဝ်။ၵွပ်ႈပိူဝ်ႈလုၵ်ႈယိင်းၵူၼ်းမဵဝ်းၵဝ်ၼၼ်ႉ လိၼ်ႉၶဝ်ၼၼ်ႉပဵၼ်ပိုၼ်ၵၢင်ႇဢၼ်ၸၢင်ႊႁႂ်ႈတၢႆၼၼ်ႉလႄႈ ၸၢင်ႊလၢတ်ႈၵႂၢမ်းပရီ့ယေႇဢေႃႈ။
၈ ၵေႃႉဢၼ်ႁူမ်ႈၵၼ်ပွင်းၵၼ်ၼၼ်ႉၸၢင်ႊဢဝ်သူပ်းလၢတ်ႈၵႂၢမ်းလေႃးၵႃႉဝတ်ႈလႄႈ ဢဝ် ႁူဝ်ၸႂ်လွမ်တူၺ်းယူႇဢေႃႈ။
၉ ၵဝ်ယင်းဢမ်ႇၸႅတ်ႈထၢမ်လူၺ်ႈလွင်ႈဢပျႅတ်ႈၸိူဝ်ႉၼင်ႇၼၼ် ၸိူဝ်းၼၼ်ႉလႄႈတၵ်းလႆႈယူႇႁိုဝ်။ ယင်းဢမ်ႇပၼ်တၢမ်ႇတီႈမဵဝ်းၸိူဝ်ႉၼင်ႇၼၼ်ထၼ်ႈပေႃးႁႂ်ႈႁူဝ်ၸႂ်ၵဝ်ပျေႇလႄႈ ၵဝ်တၵ်းလႆႈယူႇႁိုဝ်ဝႃႈၼင်ႇၼႆ ထႃႇဝရႃႉၽြႃးမီးဢမိင်ႉဢေႃႈ။
၁၀ ၵဝ်တၵ်းလႆႈႁဵတ်း တၢင်းဢၼ်ႁႆႈႁွင်ႉပွင်ႉၶၢင်းပုၼ်ႈလွႆတင်းလၢႆဢိၵ်ႇတင်း တၢင်းဢၼ်ၶၢင်းၶီၶၢင်းၽၢၼ်ပုၼ်ႈထိူၼ်ႇ တီႈဢၼ်ပၢင်ႇဢၼ်ပဵင်းၵွပ်ႈပိူဝ်ႈတီႈၸိူဝ်းၼၼ်ႉမႆႈၽႆးပႅတ်ႈထၼ်ႈပေႃး ၵူၼ်းဢမ်ႇလႆႈတႆႇတၢင်းပႆတၢင်းၵႂႃႇ၊ ဢမ်ႇလႆႈငိၼ်းသဵင်ဢၼ်သူဝ်းဝူဝ်းႁွင်ႉၼူၵ်ႉၵၢင်ႁၢဝ်ဢိၵ်ႇတင်း တူဝ်ႁၢႆႉတင်းလၢႆလႆႈဢွၼ်ၵၼ်ဢွၵ်ႇပၢႆႈလႄႈ ၵႂႃႇသဵင်ႈသဵင်ႈမူတ်းမူတ်းယဝ်ႉၼၼ်ႉ ဢေႃႈ။
၁၁ ၵဝ်တၵ်းႁႂ်ႈဝဵင်းယေႇရုသလႅမ်ႇပဵၼ်ပုင်ႇပဵၼ်ၵွင်၊ႁူးတီႈဢၼ်မႃလိၼ်ယူႇဢေႃႈ။ ၵဝ်တၵ်းႁႂ်ႈဝဵင်းယုတ တင်းလၢႆပဵၼ်တီႈဢၼ်ပဝ်ႇဢၼ်လၢပ်ႈလႄႈဢမ်ႇမီးၵေႃႉဢၼ်ယူႇဢၼ်သဝ်းလႃးလႃးဢေႃႈ။
၁၂ ၵေႃႉဢၼ်မီးပိင်ႇၺႃႇ ဢၼ်ႁူႉလွင်ႈတၢင်းၼႆႉလႆႈၸမ်းပဵၼ်ၽူႈ လႂ်။ၵေႃႉဢၼ်ၶၢမ်ႇဢဝ်ၵႂၢမ်းဢၼ်ဢွၵ်ႇသူပ်းထႃႇဝရႃႉၽြႃး ႁႂ်ႈလႆႈမွၵ်ႇလၢတ်ႈလွင်ႈတၢင်းၼႆႉၼၼ်ႉၸမ်းပဵၼ်ၽူႈ လႂ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမိူင်းတင်းမိူင်းလူႉလႅဝ်လႄႈမႆႈၽႆးပႅတ်ႈမိူၼ်ၸိူဝ်ႉၼင်ႇထိူၼ်ႇၼင်ႇၶိူဝ်းၼၼ်ႉၵႂႃႇ ထၼ်ႈပေႃး ၽူႈ လႂ်သေၵေႃႉသေ ၵူၼ်းဢမ်ႇတႆႇတၢင်းပႆတၢင်းၵႂႃႇၼင်ႇႁိုဝ်။
၁၃ ထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်ၶဝ်ဢွၼ်ၵၼ်ၸုၼ်ႉပႅတ်ႈတြႃးၵဝ် ဢၼ်ၵဝ်ဝႆႉၵႃႈတီႈၽၢႆႇၼႃႈၶဝ်ၼၼ်ႉသေလႄႈယင်းဢမ်ႇထွမ်ႇဢမ်ႇဢဝ်ၵႂၢမ်းၵဝ်၊ ယင်းဢမ်ႇပႂ်ႉၵမ်ပႂ်ႉၵျၢင်ႉလႄႈ၊
၁၄ ၸွမ်းၼင်ႇဢၼ်ႁူဝ်ၸႂ်ၶဝ်ၵႅၼ်ႇၶႅင်ဢိၵ်ႇတင်းၸွမ်းလင်ၽြႃး ပႃႇလတင်းလၢႆၵႃႈၼင်ႇဢၼ်ပူႇၶဝ်မွၼ်ႇၶဝ်သွၼ်ပၼ်ၼၼ်ႉလႄႈ
၁၅ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈ မဵဝ်းဢိသရေႇလမီးဢမိင်ႉၸမ်း၊-တူၺ်းလူ။ၵဝ်တၵ်းဢဝ်မၢၵ်ႇတေႃးၼႃႉ မႂ်ႊတေႃးၼႃႉ လဵင်ႉပၼ်ၶဝ်လႄႈ ဢဝ်ၼမ်ႉ ဢၼ်သႂ်ႇယႃႈၶူမ်ၼၼ်ႉတိုၵ်းပၼ်ၶဝ်ဢေႃႈ။
၁၆ ၵဝ်တၵ်းဢဝ်ၶဝ်ၸၢတ်ႇပိုၼ်ပႅတ်ႈ ၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းဢၼ်ၶဝ်ႈဢမ်ႇႁူႉ၊ ဢၼ်ပူႇၶဝ်မွၼ်ႇၶဝ်ဢမ်ႇႁူႉၼၼ်ႉလႄႈ ၵဝ်တၵ်းပွႆႇၸႂ်ႉၽေးလၢပ်ႇၽေးလႅဝ်းၸွမ်းလင်ၶဝ်ယူႇတေႃႇထိုင်ႁွတ်ႈ ယႃႉၶဝ်ပႅတ်ႈယဝ်ႉၼၼ်ႉဢေႃႈ။
၁၇ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ဢွၼ်ၵၼ်ၶႆႈၸႂ်ဝူၼ်ႉၸႂ်လႄႈ ႁွင်ႉဢဝ်မေႈယိင်းဢၼ်ၸၢင်ႈႁဵတ်းၵႂၢမ်း ဢၼ်ႁွင်ႉဢၼ်ႁႆႈၸိူဝ်းၼၼ်ႉမႃးသေ။ဢွၼ်ၵၼ်ပွႆႇၸႂ်ႉၸူးၵႃႈတီႈမေႈယိင်း ဢၼ်လၵ်းလႅမ် ၸိူဝ်းၼၼ်ႉလႄႈႁႂ်ႈမႃးသေ။
၁၈ ႁႂ်ႈၶဝ်ဢွၼ်ၵၼ်ႁဵတ်းႁိပ်ႈၼႅတ်ႈလႄႈ တၢင်းဢၼ်ႁႆႈႁွင်ႉပုၼ်ႈႁဝ်းႁႂ်ႈၼမ်ႉတႃတူၵ်းလႄႈ လွၵ်းတႃႁဝ်းလႆႈဢွၼ်ၵၼ်ဢွၵ်ႇယူႇၼႃႇ လူင်လၢင်သေ။
၁၉ လႆႈငိၼ်းသဵင်ဢၼ်ႁႆႈႁွင်ႉၵၢႈၼႂ်းဝဵင်းၸိဢုၼ်ႇ ၼၼ်ႉၸမ်းႁဝ်းလႆႈၶၢမ်ႇတၢင်းဢၼ်ႁိမ်ဢဝ်ယႃႉပႅတ်ႈၵႃႈႁိုဝ်ယဝ်ႉလူင်ပေႇ။ႁဝ်းဢွၼ်ၵၼ်မီးတၢင်းဢၼ်ဢူၵ်းဢၼ်ဢၢႆယူႇ ၵွပ်ႈပိူဝ်ႈဢၼ်ႁဝ်းၸုၼ်ႉပႅတ်ႈမိူင်းၸဝ်ႈဢိၵ်ႇတင်း ၵွပ်ႈပိူဝ်ႈဢၼ်ပိူၼ်ႈၵိူၼ်ႇယႃႉတီႈ ယူႇတီႈသဝ်းႁဝ်းပႅတ်ႈၼၼ်ႉလူင်ပေႇ။
၂၀ မေႈယိင်းၶဝ်ဢိူၺ်း။ ဢွၼ်ၵၼ်ထွမ်ႇငိၼ်းၼုၵ်ႉၵပၢတ်ႈထႃႇဝရႃႉၽြႃးလႄႈ ဢဝ်ႁူသူတုင်းဢဝ်ၵႂၢမ်းဢၼ်ဢွၵ်ႇမၼ်းၸဝ်ႈတႃႉ။ ဢွၼ်ၵၼ်သင်ႇသွၼ်ပၼ်တၢင်းဢၼ်ႁႆႈႁွင်ႉၼၼ်ႉတီႈလုၵ်ႈယိင်းသူတင်းလၢႆ ဢိၵ်ႇတင်းတၢင်းဢၼ်ပွင်ႉၶၢင်းပွင်ႉမိူၼ်ႇ တီႈၵေႃႉဢၼ်ႁူမ်ႈပွင်းၵၼ်တင်းသူၸိူဝ်းၼၼ်ႉတႃႉ။
၂၁ ၶုၼ်တၢႆၶိုၼ်ႈၸူးၵႃႈတီႈႁူင်းလၢင်းလဵၼ်ႁဝ်းလႄႈ ၶဝ်ႈၵႃႈၼႂ်းၽုင်ႇပိၵ်ႉမၢၼ်ႇႁဝ်းႁႂ်ႈလႆႈပႄႇၽဵဝ်ႈ လုၵ်ႈဢွၼ်ႇတင်းလၢႆပႅတ်ႈသေၵႃႈတီႈၼွၵ်ႈႁိူၼ်းၼွၵ်ႈယေးဢိၵ်ႇတင်း ၵူၼ်းၼုမ်ႇၵူၼ်းၵမ်တင်း လၢႆသေၵႃႈၼႂ်းသဵၼ်ႈတၢင်းသၢႆတႃယဝ်ႉ။
၂၂ ဢွၼ်ၵၼ်မွၵ်ႇလၢတ်ႈလႄႈဝႃႈထႃႇဝရႃႉၽြႃးမီးဢမိင်ႉၸမ်း၊-တူဝ်တၢႆၵူၼ်းတင်းလၢႆ တၵ်းတူၵ်းဝႆႉမိူၼ်ၸိူဝ်ႉၼင်ႇၶီႈဝူဝ်းၵႃႈၼႂ်းပၢင်ႇတူင်ႈၼႃး ဢိၵ်ႇတင်းၸိူဝ်ႉၼင်ႇလိုၼ်းၶဝ်ႈဢၼ်ၵိုတ်းၵျၢၼ်ႇဝႆႉၵႃႈတီႈၽၢႆႇလင် ၵေႃႉဢၼ်ပၢတ်ႇၶဝ်ႈၼၼ်ႉလႄႈ ဢမ်ႇမီးၵေႃႉဢၼ်ၵဵပ်းဢဝ်သိမ်းဢဝ်ၼၼ်ႉဢေႃႈ၊ဝႃႈၼင်ႇၼႆတႃႉ။
၂၃ ထႃႇဝရႃႉၽြႃးမီးဢမိင်ႉၸမ်း၊- ယႃႇပေႁႂ်ႈၵေႃႉဢၼ်မီးပိင်ႇၺႃႇၼၼ်ႉ ဢုပ်ႇဝၢဝ်းယူႇၵႃႈၼႂ်းပိင်ႇၺႃႇမၼ်းၼၼ်ႉ။ယႃႇပေႁႂ်ႈၵေႃႉဢၼ်မီးႁႅင်းၼၼ်ႉဢုပ်ႇဝၢဝ်းယူႇၼႂ်းႁႅင်းမၼ်းၼၼ်ႉ။ယႃႇပေႁႂ်ႈၵေႃႉဢၼ်မၢၵ်ႈမီးဢုၵ်ႉ ၸႃႇၼၼ်ႉဢုပ်ႇဝၢဝ်းယူႇၼႂ်းဢုၵ်ႉၸႃႇမၼ်းၼၼ်ႉ။
၂၄ ၽူႈ လႂ်သေဢမ်ႇဝႃႈ ၵေႃႉဢၼ်ဢုပ်ႇဝၢဝ်းၼၼ်ႉၸမ်းႁႂ်ႈဢုပ်ႇဝၢဝ်းယူႇၼႂ်းဢၼ်ၼႆႉဢၼ်ဝႃႈ တၢင်းဢၼ်ႁူႉဢၼ်ၸႅင်ႈသၽေႃးၵဝ်ဢၼ်ဝႃႈ လွင်ႈဢၼ်ၵဝ်ပဵၼ်ထႃႇဝရႃႉၽြႃးဢၼ်ႁဵတ်းတၢင်းဢၼ်ႁၵ်ႉဢိတ်းလူ၊တၢင်းဢၼ်ၸီႇယၢင်ႇ ၸွမ်းၼင်ႇတြႃးတၢင်းဢၼ်သိုဝ်ႈတေႃႇ ၵႃႈၼိူဝ်လိၼ်မိူင်းၼႆႉၼၼ်ႉၵူၺ်းသေၵမ်းလူၺ်ႈ။ၵဝ်ၼႆႉမူၼ်ႈပျေႃႇယူႇၵႃႈၼႂ်းလွင်ႈတၢင်းၸိူဝ်းၼႆႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၅ ထႃႇဝရႃႉၽြႃးမီးဢမိင်ႉၸမ်း၊-မိူဝ်ႉဝၼ်းဢၼ်ၵဝ်တၵ်းလႆႈသင်ႇသွၼ်သုင်းမႃႉၶဝ် ၵႃႈဢၼ်ၶၢမ်ႇတၢင်းဢၼ်ထိူဝ်ႁိမ်းဢၼ်ပဵၼ် တၢင်းဢၼ်ဢမ်ႇၶၢမ်ႇတၢင်းဢၼ် ထိူဝ်ႁိမ်းဢၼ်ဝႃႈ၊
၂၆ ၵူၼ်းဢေႇၵႅပ်ႉတု၊ၵူၼ်းယုတ၊ၵူၼ်းဢေႇတုမ်ႇ၊ ၵူၼ်းမဵဝ်းဢမ်ႇမုၼ်ႇ၊ ၵူၼ်းမဵဝ်းမေႃႇၽဢိၵ်ႇတင်းၵူၼ်းမဵဝ်းဢၼ်ၸၢင်ႊထႃၶူၼ်ၵႅမ်ႈၶူၼ်ၵၢင်းလႄႈ ယူႇၵႃႈၼႂ်းထိူၼ်ႇၼႂ်းၶိူဝ်းၸိူဝ်းၼၼ်ႉ တၵ်းႁွတ်ႈထိုင်ဢေႃႈ။လွင်ႈမၼ်းၸမ်းၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉပဵၼ်ၵေႃႉဢၼ် ဢမ်ႇၶၢမ်ႇတၢင်းထိူဝ်ႁိမ်းလႄႈၵူၼ်းမဵဝ်းဢိသရေႇလ တင်းသဵင်ႈတင်းလူင်ၵေႃႈ ပဵၼ်ၵေႃႉဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၵႃႈၼႂ်းႁူဝ်ၸႂ်ၶဝ်ဢေႃႈ။