၆
ယေႇရုသလႅမ်ႇလႆႈၶၢမ်ႇတၢင်းဢၼ်သိမ်းဢဝ်
၁ ၵူၼ်းပိၼ်ႇယႃႇမိၼ်ၶဝ်ဢိူၺ်း။ဢွၼ်ၵၼ်ဢွၵ်ႇပၢႆႈသေၵႃႈၼႂ်းဝဵင်းယေႇရုသလႅမ်ႇႁႂ်ႈလွတ်ႈတႃႉ။ ဢွၼ်ၵၼ်ပဝ်ႇၼႄးၶရႃႇၵႃႈၼႂ်းဝၢၼ်ႈတေႇၵေႃႇလႄႈ ပုၵ်းၵၢၼ်ႈၽႆးပိူင်းပၼ်ယူႇ ၵႃႈၼႂ်းဝၢၼ်ႈပေႇသၵ်ႉၵရိမ်ႇတႃႉ။လွင်ႈမၼ်းၸမ်းၽေးဢူးပၢတ်ႈဢၼ်ဝႃႈတၢင်းလူႉတၢင်းလႅဝ်ဢၼ်ယႂ်ႇၼႃႇၼၼ်ႉ ပေႃႇဢွၵ်ႇသေၵႃႈ တီႈၼႃႈတၢင်းႁွင်ႇမႃးဢေႃႈ။
၂ ၵဝ်တၵ်းယႃႉၵေႃႉဢၼ်ႁၢင်ႊလီလႄႈ ဢူၼ်ႈလီဢွၼ်ႇလီဢၼ်ဝႃႈလုၵ်ႈယိင်း ၸိဢုၼ်ႇၼၼ်ႉပႅတ်ႈဢေႃႈ။
၃ ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၼၼ်ႉ တၵ်းပႃးဢဝ်ၽုင်သူဝ်းၶဝ်သေလႄႈမႃးၸူးတီႈမၼ်းလႄႈ မုင်းသုမ်ႉထဵင်ၶဝ်ၵႃႈတီႈလဵပ်ႈႁွပ်ႈမၼ်းယူႇသေလႄႈ ဢွၼ်ၵၼ်ၵိၼ်ယူႇၵႃႈၼႂ်းတီႈယူႇၶဝ်ႁင်းၽႂ်ႁင်းမၼ်းဢေႃႈ။ ဢွၼ်ၵၼ်မႄးႁႅၼ်းႁႂ်ႈလႆႈတိုၵ်းတေႃးမၼ်းတႃႉ။
၄ လုၵ်ႉလုၵ်ႉဢိူၺ်း။ဢွၼ်ၵၼ်ၶီႇၶိုၼ်ႈၸူးၶိင်ႇၵၢင်ဝၼ်းတဵင်ႈတႃႉႁဝ်း။ပဵၼ်ဢၼ်ယၢပ်ႇၼႃႇလူင်လၢင်တီႈႁဝ်း ဢေႃႈ။
၅ ၵၢင်ဝၼ်းၸၢႆႉယဝ်ႉႁူမ်ႈၵွင်ႉငဝ်းၶိင်ႇႁူဝ်ၶမ်ႈပဵၼ်ဢၼ်ယၢဝ်းၼႃႇယဝ်ႉ။လုၵ်ႉလုၵ်ႉဢိူၺ်း။ဢွၼ်ၵၼ်ၶီႇၶိုၼ်ႈၸူးၶိင်ႇၵၢင်ၶိုၼ်းလႄႈ ယႃႉႁေႃၶမ်းမၼ်းတင်းလၢႆပႅတ်ႈတႃႉႁဝ်း။
၆ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ဢွၼ်ၵၼ်ပွမ်ႈတူၼ်ႈမႆႉလူမ်ႉလႄႈ တဵင်ၼႅမ်ႈလိၼ်ယူႇၽၢႆႇၼိုင်ႈတင်းဝဵင်းယေႇရုသလႅမ်ႇတႃႉ။ ဝဵင်းၼႆႉပဵၼ်ဝဵင်းဢၼ်လီသင်ႇသွၼ်သုင်းမႃႉလႄႈၵႃႈၼႂ်းမၼ်းၼၼ်ႉ မီးတၢင်းဢၼ်ၼိၵ်ႈၸၢၵ်ႈငႅၼ်းသေး လွၼ်ႉ လွၼ်ႉဢေႃႈ။
၇ မိူၼ်ၸိူဝ်ႉၼင်ႇဢၼ်ၼမ်ႉဢွၵ်ႇႁူးႁႂ်ႈၼမ်ႉမၼ်းလႆဢွၵ်ႇသေၵႃႈၼႂ်းမၼ်းၼၼ်ႉ ဝဵင်းၼၼ်ႉၸၢင်ႊႁႂ်ႈတုၸရိူၵ်ႈမၼ်းလႆဢွၵ်ႇဢေႃႈ။လႆႈငိၼ်းသဵင်တၢင်းဢၼ်ႁိမ်ဢဝ်ႁူင်ႇဢဝ် ဢိၵ်ႇတင်း တၢင်းဢၼ်ယႃႉပႅတ်ႈၽဵဝ်ႈပႅတ်ႈၵႃႈၼႂ်းမၼ်းလႄႈတၢင်းၶႆႈတၢင်းပဵၼ်ဢိၵ်ႇတင်း ႁွႆးၸဵပ်းႁွႆးသႅပ်ႇမၼ်းၵႃႈတီႈၽၢႆႇၼႃႈၵဝ်ယူႇသေႇသေႇဢေႃႈ။
၈ ဝဵင်းယေႇရုသလႅမ်ႇဢိူၺ်း။ၶၢမ်ႇတၢင်းဢၼ်သင်ႇသွၼ်သုင်းမႃႉတႃႉ။ပေႃးဢမ်ႇၼၼ်ႁူဝ်ၸႂ်ၵဝ်တၵ်းၶၢမ်ႇတၢင်းဢၼ်ၽၢတ်ႇယၢၼ်ၵၼ်တင်းမႂ်း ၶၢတ်ႇၶၢတ်ႇလႄႈၵဝ်တၵ်းႁႂ်ႈမႂ်းပဵၼ် တီႈဢၼ်ပဝ်ႇဢၼ်လၢပ်ႈမိူင်းဢၼ်ဢမ်ႇမီးၵေႃႉဢၼ်ယူႇလႃးလႃးဢေႃႈ။
၉ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ၶဝ်တၵ်းဢွၼ်ၵၼ်ၸွမ်းၵဵပ်းဢဝ် ဢၼ်ၵိုတ်းဢၼ်ၵျၢၼ်ႇတီႈဢိသရေႇလ သဵင်ႈသဵင်ႈမူတ်းမူတ်းမိူၼ်ၸိူဝ်ႉၼင်ႇတီႈတူၼ်ႈၶိူဝ်းမၢၵ်ႇၸပႅတ်ႉၼၼ်ႉဢေႃႈ။သမ်ႉၶိုၼ်းဢဝ်မိုဝ်းမႂ်းၸူၵ်းၶဝ်ႈၵႃႈၼႂ်းပဵတ်ႈၼႂ်းၵူၺ် မိူၼ်ၸိူဝ်ႉၼင်ႇၵေႃႉဢၼ်ပိတ်းမၢၵ်ႇၸပႅတ်ႉၼၼ်ႉ ထႅင်ႈလူးၵွၼ်ႇ တႃႉ။
၁၀ ၵဝ်တၵ်းလႆႈလၢတ်ႈလႄႈပၼ်သတီႉတီႈၽူႈ လႂ်ႁႂ်ႈၶဝ်ထွမ်ႇဢဝ်။တူၺ်းလူ။ႁူၶဝ်ၼၼ်ႉပဵၼ်ႁူဢၼ်ၶၢမ်ႇတၢင်းဢၼ်ထိူဝ်ႁႅမ်လႄႈၶဝ်ဢမ်ႇထွမ်ႇဢဝ်လႆႈ။ တူၺ်းလူ။ၼုၵ်ႈၵပၢတ်ႈထႃႇဝရႃႉၽြႃးပဵၼ်တီႈဢၼ်သေႉဢၼ်သွမ်းၶဝ်လႄႈၶဝ်ဢမ်ႇထုၵ်ႇၸႂ်ၵျိူၵ်ႈၸႂ် ဢၼ်ၼၼ်ႉ။
၁၁ ပိူဝ်ႈၼႆလႄႈၵဝ်ဢိမ်ႇတဵမ်ဝႆႉတင်းတၢင်းဢၼ်ၸႂ်မႆႈၶႆႈၸႃႉထႃႇဝရႃႉၽြႃးလႄႈ ဢမ်ႇယိူၼ်ႉယူႇၵၼ်ႈယူႇလႆႈ။ၵဝ်တၵ်းဢဝ်ဢၼ်ၼၼ်ႉသွၼ်းလေႃႇသႂ်ႇၵႃႈၼိူဝ်လုၵ်ႈဢွၼ်ႇ ဢၼ်မီးၵႃႈၼႂ်းသဵၼ်ႈတၢင်းတင်းလၢႆဢိၵ်ႇတင်း ၵူၼ်းၼုမ်ႇၵူၼ်းၵမ်ဢၼ်ၸူႉၵၼ်တုမ်ၵၼ်ယူႇၸိူဝ်းၼၼ်ႉလႄႈ ပိူၼ်ႈတၵ်းသိမ်းဢဝ်ၽူဝ်မေးဢၼ်ပဵၼ်ၵူပ်းပဵၼ်ၵူႈ ဢိၵ်ႇတင်းၵူၼ်းဢၼ်ဢသၢၵ်ႈယႂ်ႇတင်းၵူၼ်းဢၼ်ထဝ်ႈဢၼ်ၵေႇၼႃႇ ၸိူဝ်းၼၼ်ႉၵႂႃႇဢေႃႈ။
၁၂ ႁိူၼ်းၶဝ်ဢိၵ်ႇလူၺ်ႈၵၼ်တင်းႁႆႊၼႃးၶဝ်တင်း မေႈယိင်းၶဝ်ၸိူဝ်းၼၼ်ႉတၵ်းႁွတ်ႈထိုင်ၵႃႈၼႂ်းမိုဝ်းပိူၼ်ႈဢေႃႈ။လွင်ႈမၼ်းၸမ်းၵဝ်တၵ်းယိုၼ်းမိုဝ်းၵဝ် ၵႃႈၼိူဝ်ၵူၼ်းဝၢၼ်ႈၵူၼ်းမိူင်းတင်းလၢႆ ဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၃ ၸႃႉၸဵမ်ၶဝ်ၸိူဝ်းဢၼ်လဵၵ်ႉသေပိူၼ်ႈ တေႃႇထိုင်ႁွတ်ႈၶဝ်ၸိူဝ်းဢၼ်ယႂ်ႇသေပိူၼ်ႈ တင်းသဵင်ႈတင်းလူင်ဢွၼ်ၵၼ်ႁႃဢဝ် တၢင်းဢၼ်ပဵၼ်တိုၼ်းပဵၼ်ႁွၼ်းဢၼ်ဢမ်ႇတြႃးလႄႈ ၸႃႉၸဵမ်ပရေႃးၽိတ်ႈတင်းလၢႆတေႃႇထိုင်ႁွတ်ႈ ယိတ်ႉပရေႃးႁိၵ်ႈတင်းသဵင်ႈတင်းလူင်ဢွၼ်ၵၼ်သုင်းတိုဝ်းမူႉသႃႇဢေႃႈ။
၁၄ ယၢမ်းမိူဝ်ႈဢၼ်ဢမ်ႇမီးၵတ်းယဵၼ်ၶျၢမ်းသႃႇၼၼ်ႉ ၶဝ်ဢွၼ်ၵၼ်ႁဵတ်းမဝ်မဝ်မၢင်မၢင်သေလႄႈ ယႃႉၵူၼ်းမဵဝ်းၵဝ်တင်းလၢႆလႄႈလၢတ်ႈဝႃႈ၊-ၵတ်းယဵၼ်ၶျၢမ်းသႃႇ၊ၵတ်းယဵၼ်ၶျၢမ်း သႃႇဝႃႈၼင်ႇၼႆဢေႃႈ။
၁၅ မိူဝ်ႈဢၼ်ၶဝ်ဢွၼ်ၵၼ်ႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၼၼ်ႉၸိုင် ၶဝ်ဢူၵ်းဢၢႆႁိုဝ်။ၶဝ်ဢမ်ႇဢွၼ်ၵၼ်ဢူၵ်းဢၢႆလႃးလႃး။ၶဝ်ဢမ်ႇၸၢင်ႊဢွၼ်ၵၼ်ၼႃႈလူႉ။ ပိူဝ်ႈၼႆလႄႈၵေႃႉၼိုင်ႈယဝ်ႉၵေႃႉၼိုင်ႈ တၵ်းဢွၼ်ၵၼ်လူမ်ႉလႄႈယၢမ်းမိူဝ်ႈဢၼ်ၵဝ်ၸႅတ်ႈထၢမ်ၶဝ်ၼၼ်ႉၸိုင် ၶဝ်တၵ်းဢွၼ်ၵၼ်ႁွတ်ႈထိုင်တၢင်းဢၼ် ၶျႃးတူၵ်းတီႈတႅမ်ႈဢေႃႈ၊ဝႃႈ ၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၆ ထႃႇဝရႃႉၽြႃးမီးဢမိင်ႉၸမ်း၊-ဢွၼ်ၵၼ်ၸုၵ်းယူႇၵႃႈၼႂ်းသဵၼ်ႈတၢင်းတင်းလၢႆသေလႄႈလူတူၺ်းတႃႉ။ဢွၼ်ၵၼ်လႄႇႁႃ သဵၼ်ႈတၢင်းဢၼ်ၵဝ်ႇဢၼ်မွင်မိူဝ်ႈၵၼ်ႇဢွၼ်ၼႆႉၸိူဝ်းၼၼ်ႉသေလႄႈတွင်ႈထၢမ်လႄႈဝႃႈ၊-သဵၼ်ႈတၢင်းဢၼ်လီၼၼ်ႉမီးၵႃႈ လႂ်၊ ဝႃႈၼင်ႇၼႆလႄႈၸွမ်းၼႂ်းသဵၼ်ႈတၢင်းၼၼ်ႉတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ႁူဝ်ၸႂ်သူတၵ်းမီးတၢင်းဢၼ်သၢၵ်ႈသႃႇဢေႃႈ။ၵူၺ်းၵႃႈၶဝ်ဢွၼ်ၵၼ်ၶိုၼ်းလၢတ်ႈလႄႈဝႃႈႁဝ်းဢမ်ႇၸွမ်းဢမ်ႇၵႂႃႇဝႃႈၼင် ၼႆဢေႃႈ။
၁၇ ၵဝ်ၶၢၼ်းၵူၼ်းဢၼ်ပႂ်ႉၵၢင်တင်းလၢႆဝႆႉၵႃႈၼိူဝ်သူလႄႈလၢတ်ႈလႄႈဝႃႈ ဢွၼ်ၵၼ်ထွမ်ႇငိၼ်းသဵင်ၼႄးၶရႃႇတႃႉဝႃႈၼင်ႇၼႆဢေႃႈ။ၵူၺ်းၵႃႈၶဝ်ဢွၼ်ၵၼ်ၶိုၼ်းလၢတ်ႈလႄႈဝႃႈ ႁဝ်းဢမ်ႇထွမ်ႇဢမ်ႇဢဝ်၊ဝႃႈၼင်ႇၼႆဢေႃႈ။
၁၈ ပိူဝ်ႈဢၼ်ပဵၼ်ၸိူဝ်ႉၼင်ႇၼႆလႄႈ ၵူၼ်းၵူႈၸိူဝ်ႉၵူႈၶိူဝ်းၶဝ်ဢိူၺ်း။ဢွၼ်ၵၼ်ထွမ်ႇငိၼ်းတႃႉ။ပရိၵ်ႈသၢတ်ႈဢၼ်ၸူႉၵၼ်တုမ်ၵၼ်ၶဝ်ဢိူၺ်း။ႁူႉၸႅင်ႈလွင်ႈတၢင်းဢၼ်မီး ယူႇၵႃႈၼႂ်းၶဝ်ၸိူဝ်းၼၼ်ႉတႃႉ။
၁၉ လိၼ်မိူင်းဢိူၺ်း။ထွမ်ႇငိၼ်းတႃႉ။ၵဝ်တၵ်းႁႂ်ႈၽေးဢူးပၢတ်ႈဢၼ်ယႂ်ႇၼႃႇဢၼ်ဝႃႈ ဢၵျူဝ်းဢပျႅတ်ႈ တင်းဢၼ်ၶဝ်ၵျၢမ်ႇပွင်ၼၼ်ႉ တူၵ်းႁွတ်ႈၵႃႈၼိူဝ်ၵူၼ်းမဵဝ်းၼႆႉၵွပ်ႈပိူဝ်ႈဢၼ်ၶဝ်ဢမ်ႇထွမ်ႇဢမ်ႇဢဝ်ၵႂၢမ်းၵဝ်တြႃးၵဝ်လႄႈ ထဵင်ပႄႇ ပႅတ်ႈၼၼ်ႉဢေႃႈ။
၂၀ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်လႄႈဢဝ်လေႃႇပၢၼ်ႇသေၵႃႈတီႈမိူင်းသေႇၽ ဢိၵ်ႇတင်းဢွႆႈဢၼ်ႁွမ်ဢၼ်ႁူၺ်းသေ ၵႃႈတီႈမိူင်းဢၼ်ၵႆၼၼ်ႉမႃးတီႈၵဝ်ၼင်ႇႁိုဝ်။ ယိၸ်ႉဢၼ်တုတ်ႇၽႆးသူၸိူဝ်းၼၼ်ႉဢမ်ႇၶိုတ်းၸႂ်ပဵင်းၸႂ်ၵဝ်လႄႈ ယိၸ်ႉၵူႈၸိူဝ်ႉၵူႈပိူင်ဢၼ်သူပုၵ်ႉၸေႃႇၼၼ်ႉဢမ်ႇထုၵ်ႇၸႂ်ၵျိူၵ်ႈၸႂ်ၵဝ်။
၂၁ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းဢဝ်တီႈဢၼ်တၵ်းတိူဝ်ႉမႅၼ်ႈလႄႈ လူမ်ႉတင်းလၢႆဝႆႉၵႃႈတီႈၽၢႆႇၼႃႈၵူၼ်းမဵဝ်းၼႆႉဢေႃႈ။ပေႃႈဢိၵ်ႇတင်းလုၵ်ႈၸၢႆးတင်းလၢႆ တၵ်းဢွၼ်ၵၼ်တိူဝ်ႉမႅၼ်ႈၸိူဝ်းၼၼ်ႉလႄႈလူမ်ႉလႄႈ ၵူၼ်းႁိူၼ်းၸမ်ၵၼ်ဢိၵ်ႇတင်းၵေႃႉသေႈတင်းလၢႆ တၵ်းဢွၼ်ၵၼ်လူႉလႅဝ်လူၺ်ႈၵၼ်ဢေႃႈ။
၂၂ ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။မဵဝ်းၵူၼ်းမဵဝ်းၼိုင်ႈ တၵ်းပေႃႇဢွၵ်ႇမႃးၵႃႈတီႈၼႃႈတၢင်းႁွင်ႇမႃးဢေႃႈ။မဵဝ်းၵူၼ်းဢၼ်ယႂ်ႇၼႃႇတၵ်းလႆႈၶၢမ်ႇတၢင်းဢၼ်တိုၵ်းယူင်းၸူဝ်းဢဝ်သေ ၵႃႈတီႈလႅၼ်သုတ်း လိၼ်မိူင်းပုၼ်ႉမႃးဢေႃႈ။
၂၃ ၶဝ်ၼၼ်ႉဢွၼ်ၵၼ်ယိပ်းၵမ်ၵၢင်ႇ ဢိၵ်ႇတင်းႁွၵ်ႇယူႇဢေႃႈ။ ၶဝ်ပဵၼ်မဵဝ်းဢၼ်ႁၢဝ်ႈၵျၢမ်းၼႃႇလႄႈဢမ်ႇမီးၵရူႉၼႃႇတၢင်းဢၼ်ဢိတ်းလူ။သဵင်ၵႂၢမ်းၶဝ်ၸင်လင်မေႃးယူႇႁိုင်ႈႁိုင်ႈမိူၼ်ၸိူဝ်ႉၼင်ႇၼမ်ႉသမ်ႇမုၵ်ႉတြႃႇၼၼ်ႉလႄႈၶီႇမႃႉယူႇဢေႃႈ။လုၵ်ႈယိင်းၸိဢုၼ်ႇ ဢိူၺ်း။ၶဝ်ဢွၼ်ၵၼ်ၶၢင်းတပ်ႉၶၢင်းငႃးမိူၼ်ၸိူဝ်ႉၼင်ႇၵူၼ်းသိုၵ်း ဢၼ်တၵ်းတိုၵ်းသိုၵ်းၼၼ်ႉယူႇသေလႄႈၶီႇမႃးၸူးၵႃႈတီႈမႂ်း ဢေႃႈ။
၂၄ ႁဝ်းငိၼ်းသတၢင်းသဵင်ၶၢဝ်ႇၼၼ်ႉလႄႈႁႅင်းမိုဝ်းႁဝ်းဢူၼ်ႈၵႂႃႇဢေႃႈ။တုၵ်ႉၶႃႉတၢင်းဢၼ်ၶၢၼ်ၸႂ်ဢိၵ်ႇတင်းဝူၺ်ႇတၼႃႇ ဢၼ်ႁႅင်းယႂ်ႇၼႃႇၸိူဝ်ႉၼင်ႇဢၼ်မေႈယိင်းဢၼ်ၵိူတ်ႇလဵင်ႉလုၵ်ႈ လႆႈၶၢမ်ႇၼၼ်ႉလႆႈတီႉ ၵမ်ဢဝ်ႁဝ်းယဝ်ႉ။
၂၅ ယႃႇပေဢွၼ်ၵၼ်ဢွၵ်ႇၸူးၵႃႈတီႈထိူၼ်ႇသေၵမ်း။ယႃႇပေဢွၼ်ၵၼ်ၸွမ်းၵႃႈၼႂ်းသဵၼ်ႈတၢင်းသေၵမ်း။ မီးလၢပ်ႇလႅဝ်းရၢၼ်ႇသူႇဢိၵ်ႇတင်းၽေးၵူႈၽၢႆႇၵူႈပႃႈဢေႃႈ။
၂၆ လုၵ်ႈယိင်းၵူၼ်းမဵဝ်းၵဝ်ဢိူၺ်း။ဢဝ်ၶူဝ်းၼုင်ႈၼင်ပေႃႁတ်ႉဢႅဝ်သေလႄႈၵိင်ႈၵိူၵ်ႇယူႇၵႃႈၼႂ်းတဝ်ႊတႃႉ။ ႁႆႈႁွင်ႉမိူၼ်ၸိူဝ်ႉၼင်ႇဢၼ် ႁႆႈႁွင်ႉလူၺ်ႈလွင်ႈလုၵ်ႈၸၢႆးၵေႃႉလဵဝ်ၵူၺ်းၼၼ်ႉလႄႈႁဵတ်းတၢင်းဢၼ်ၶၢင်းၶီၶၢင်းၽၢၼ်ဢၼ်ၶူမ်ၼႃႇလူင်လၢင်ၼၼ်ႉတႃႉ။ ၵေႃႉဢၼ်ႁိမ်ဢဝ်ယႃႉပႅတ်ႈၼၼ်ႉ တၵ်းၶီႉၶႃႉႁွတ်ႈထိုင်တီႈ ႁဝ်းၵမ်းလဵဝ်ႈဢေႃႈ။
၂၇ ၵဝ်ႁႂ်ႈမႂ်းပဵၼ်ၵေႃႉဢၼ်ၸႅတ်ႈထၢမ်ၵေႃႉဢၼ်ႁႃဢဝ် ၼႂ်းၵူၼ်းၵဝ်တင်းလၢႆႁႂ်ႈမႂ်းလႆႈႁူႉလႄႈ ၸႅတ်ႈထၢမ်သဵၼ်ႈတၢင်းဢၼ်ၶဝ်ၸွမ်းၼၼ်ႉဢေႃႈ။ ၶဝ်တင်းသဵင်ႈတင်းလူင်ပဵၼ်ၵေႃႉဢၼ်ၽွၵ်ႈပျၢၼ်ႇၶိုၼ်းၼႃႇလူင်လၢင် ၵေႃႉဢၼ်ၸင်းလႄႈၵႂႃႇၶႃႉ ၸိုဝ်ၶၢႆသဵင်ဢေႃႈ။
၂၈ ၶဝ်ပဵၼ်တွင်းလိူင်ဢိၵ်ႇတင်းလဵၵ်းလွၼ်ႉလွၼ်ႉလႄႈ ၶဝ်တင်းသဵင်ႈတင်းလူင် ပဵၼ်ၵေႃႉ ဢၼ်ၸၢင်ႈယႃႉလွၼ်ႉလွၼ်ႉဢေႃႈ။
၂၉ ၶဝ်လႆႈၶၢမ်ႇတၢင်းဢၼ်ၽႆးမႆႈပႅတ်ႈယဝ်ႉ။ ၸိုၼ်းၵေႃႈလႆႈၶၢမ်ႇတၢင်းဢၼ်မႆႈပႅတ်ႈမူတ်းမူတ်းသဵင်ႈသဵင်ႈယဝ်ႉ။ ၵေႃႉဢၼ်ၸႅတ်ႈဢၼ်ၶႃႈၼၼ်ႉပဝ်ႇလႄႈဢမ်ႇမီးဢၵျူဝ်း။ၶဝ်ၸိူဝ်းဢၼ်ႁုၵ်းဢၼ်ႁၢႆႉၼၼ်ႉဢမ်ႇမီးတၢင်းဢၼ် ထူၺ်ႈဢဝ်ဢွၵ်ႇပႅတ်ႈ။
၃၀ ပိူၼ်ႈတၵ်းႁွင်ႉႁိၵ်ႈၶဝ်လႄႈဝႃႈငိုၼ်းဢၼ်လႆႈၶၢမ်ႇတၢင်းဢၼ်ပႄႇပႅတ်ႈ ဝႃႈၼင်ႇၼႆၵွပ်ႈပိူဝ်ႈဢၼ်ထႃႇဝရႃႉၽြႃး ပႄႇၶဝ်ပႅတ်ႈၼၼ်ႉဢေႃႈ။