၈
၁ ထႃႇဝရႃႉၽြႃးမီးဢမိင်ႉၸမ်း၊-မိူဝ်ႈၼၼ်ႉၶဝ်တၵ်းဢွၼ်ၵၼ်ဢဝ်လုပ်ႇၶုၼ်ႁေႃၶမ်းယုတ၊ လုပ်ႇမူးမၢတ်ႈၽွင်းမိူင်း၊လုပ်ႇယိတ်ႉပရေႃးႁိၵ်ႈ၊ လုပ်ႇပရေႃႈၽိတ်ႈ၊လုပ်ႇၵူၼ်းဝဵင်းယေႇရုသလႅမ်ႇ တင်းလၢႆၸိူဝ်းၼၼ်ႉဢွွၵ်ႇ သေၵႃႈၼႂ်းၶုမ်သၢင်းၶႅင်းလႄႈ
၂ တၵ်းဢဝ်ၽေးဝႆႉၵႃႈတီႈၽၢႆႇၼႃႈၵၢင်ဝၼ်း၊ လိူၼ်၊ၶိူင်ႈပိူင်ၵၢင်ႁၢဝ်တင်းလၢႆဢၼ်ပဵၼ်တီႈဢၼ်ၶဝ်ႁၵ်ႉပႅင်း၊ တီႈဢၼ်ၶဝ်ပွင်ႁဵတ်းဢမူႉ၊တီႈဢၼ်ၶဝ်ၸွမ်းၵႂႃႇ တီႈဢၼ်ၶဝ်ႁႃဢဝ်တီႈဢၼ်ၶဝ်ၵူဝ်းၵႂၢႆႇၸိူဝ်းၼၼ်ႉဢေႃႈ။ လုပ်ႈၸိူဝ်းၼၼ်ႉဢမ်ႇလႆႈၶၢမ်ႇ တၢင်းဢၼ်ဢဝ်ၸူႉဢဝ်ၵွင်၊ဢမ်ႇလႆႈၶၢမ်ႇတၢင်းဢၼ်ဢဝ်သၢင်းၵျူဝ်ႇ။တၵ်းလႆႈပဵၼ် ၸိူဝ်ႉၼင်ႇၶီႈၼင်ႇဢႃႇၵႃႈၼိူဝ်လိၼ်ဢေႃႈ။
၃ တၢင်းတၢႆတၵ်းလႆႈပဵၼ်တီႈဢၼ် ၵူၼ်းမဵဝ်းဢၼ်ႁၢႆႉဢၼ်ယုတ်ႈဢၼ်ၵိုတ်းဝႆႉၵျၢၼ်ႇဝႆႉ ဢၼ်ယင်းမီးဝႆႉယူႇၵႃႈၼႂ်းတီႈဢၼ်ၵဝ်ႁေႃႈဢွၵ်ႇပႅတ်ႈ ၵူႈတီႈၵူႈလႅၼ်ၸိူဝ်းၼၼ်ႉလႆႈလိူၵ်ႈၵဵပ်းဢဝ်လိူဝ်တွၼ်းၼႃႇသေ တၢင်းဢၼ်ဢသၢၵ်ႈလိပ်းၼၼ်ႉဢေႃႈ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
ဢပျႅတ်ႈလႄႈတၢင်းဢၼ်ၸီႇယၢင်ႇ
၄ လၢႆးသမ်ႉတၵ်းလႆႈလၢတ်ႈတီႈၶဝ်လႄႈဝႃႈ၊-ထႃႇဝရႃႉၽြႃးမီးဢမိင်ႉၸမ်း၊-ၵူၼ်းတၵ်းလူမ်ႉလႄႈ ၵမ်းလိုၼ်းဢမ်ႇလႆႈၶိုၼ်းလုၵ်ႉႁိုဝ်။ၵူၼ်းတၵ်းပိူင်ႈတၢင်းၵႂႃႇလႄႈ ၵမ်းလိုၼ်းဢမ်ႇလႆႈၶိုၼ်းလႆႈမႃးႁိုဝ်။
၅ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵူၼ်းမဵဝ်းၼႆႉဢၼ်ဝႃႈၵူၼ်းဝဵင်းယေႇရုသလႅမ်ႇၸိူဝ်းၼၼ်ႉမီးတၢင်းဢၼ်ၽွၵ်ႈပျၢၼ်ႇၶိုၼ်း ထႃႇဝရႃႉသေလႄႈၽွၵ်ႈပျၢၼ်ႇၶိုၼ်းၼင်ႇႁိုဝ်။ၶဝ်ဢွၼ်ၵၼ်ၸပ်းၸွႆးမူႉသႃႇလႄႈ တွပ်ႇထဵင်ပႅတ်ႈတၢင်းဢၼ်တၵ်း လႆႈၶိုၼ်းလႆႈမႃးၼၼ်ႉဢေႃႈ။
၆ ၵဝ်ထွမ်ႇၶဝ်ငိၼ်းၶဝ်ယူႇလႄႈ ၶဝ်ဢမ်ႇဢွၼ်ၵၼ်လၢတ်ႈ သိုဝ်ႈသိုဝ်ႈတေႃႇတေႃႇ။ၽူႈ လႂ်ဢမ်ႇၶုၵ်းၸႂ်မႆႈၸႂ်လူၺ်ႈဢပျႅတ်ႈတူဝ်ၸဝ်ႈၵဝ်ႇလႄႈဝႃႈ ၵဝ်ႁဵတ်းမႅၼ်ႈၸိူဝ်ႉၼင်ႇႁိုဝ်ယဝ်ႉဝႃႈၼင်ႇၼႆၼၼ်ႉသေၵေႃႉသေၵူၼ်း။ ၶဝ်ၸင်ႇဢွၼ်ၵၼ်ငႅၵ်းပိူင်ႈတၢင်းၸူးသဵၼ်ႈတၢင်းၶဝ် ၵူႈၵေႃႉၵူႈၵူၼ်းမိူၼ်ၸိူဝ်ႉၼင်ႇဢၼ် မႃႉၶုၼ်ႇလႅၼ်ႈၽၢင်ႈၽိင်ႈၵႂႃႇႁႂ်ႈ လႆႈတိုၵ်းသိုၵ်းၼၼ်ႉဢေႃႈ။
၇ ၵွၼ်ႇဢၼ်ၸၢင်ႈလႄႇၵႂႃႇၵႃႈၼိူဝ်ၾႃႉၵၢင်ႁၢဝ်ၼၼ်ႉ ၸၢင်ႈႁူႉၶိင်ႁူႉမိူဝ်ႈမၼ်းလႄႈၼူၵ်ႉတူႈ၊ၼူၵ်ႉဢႅၼႃ်ႇႉ၊ ၼူၵ်ႉၵွၼ်ႇၸၢင်ႉၸိူဝ်းၼၼ်ႉၸၢင်ႊတွင်းၶိင်ႇတွင်းမိူဝ်ႈဢၼ်ၶဝ်ၶိုၼ်းမႃးၼၼ်ႉဢေႃႈ။ ၵူၼ်းၵဝ်တင်းလၢႆၸမ်းဢမ်ႇၸၢင်ႈႁူႉၸၢင်ႈၸႅင်ႈ လွင်ႈတၢင်းဢၼ်ထႃႇဝရႃႉၽြႃးၸီႇယၢင်ႇၼၼ်ႉ
၈ သူလၢတ်ႈဝႃႈ၊-ႁဝ်းပဵၼ်ၵူၼ်းဢၼ်မီးပိင်ႇၺႃႇလႄႈတြႃးထႃႇဝရႃႉၽြႃးမီးတီႈႁဝ်းဢေႃႈ၊ ဝႃႈၼင်ႇၼႆလႆႈၸိူဝ်ႉၼင်ႇႁိုဝ်။ တူၺ်းလူ။ၵွင်ႈၵမ်မူႉသႃႇၸရေးၸိူဝ်း ၼၼ်ႉႁဵတ်းတြႃးမူႉသႃႇဢမၢၼ်ႇၶၢၼ်ပဵၼ်ယဝ်ႉ။
၉ ၵူၼ်းဢၼ်မီးပိင်ႇၺႃႇၸိူဝ်းၼၼ်ႉ ဢွၼ်ၵၼ်ဢူၵ်းဢၢႆဢေႃႈ။ၶဝ်ဢွၼ်ၵၼ်တုၵ်းၸႂ်လႄႈ ၶဝ်ႈၵႃႈၼႂ်းတူင်ႇႁဵဝ်ႉယဝ်ႉ။တူၺ်းလူ။ ၶဝ်ဢွၼ်ၵၼ်ပႄႇပႅတ်ႈထဵင်ပႅတ်ႈၼုၵ်ႉၵ ပၢတ်ႈထႃႇဝရႃႉၽြႃးယဝ်ႉ။
၁၀ ၶဝ်မီးပိင်ႇၺႃႇမဵဝ်းၸိူဝ်ႉၼင်ႇႁိုဝ်။ၵွပ်ႈပိူဝ်ႈလွင်ႈၼၼ်ႉလႄႈၵဝ်တၵ်းဢဝ်မေးၶဝ်ဢၢပ်ႈပၼ်တီႈပိူၼ်ႈလႄႈတၵ်းဢဝ်တူင်ႊႁႆႊတူင်ႊၼႃးၶဝ်ပၼ်ႁႂ်ႈပိူၼ်ႈလႆႈပိူင်ႇဢေႃႈ။ၸႃႉၸဵမ်ၶဝ်ၸိူဝ်းဢၼ်လဵၵ်ႉသေပိူၼ်ႈ တေႃႇထိုင်ႁွတ်ႈၶဝ်ၸိူဝ်းဢၼ်ယႂ်ႇသေပိူၼ်ႈၼၼ်ႉ ဢွၼ်ၵၼ်ႁႃဢဝ် တၢင်းဢၼ်ပဵၼ်တိုၼ်းပဵၼ်ႁွၼ်းဢၼ်ဢမ်ႇတြႃးဢေႃႈ။ၸႃႉၸဵမ်ပရေႃးၽိတ်ႈလႄႈ ယိတ်ႉပရေႃးႁိၵ်ႈၵႃႈမီးၼၼ်ႉ ဢွၼ် ၵၼ်သုင်းမူႉသႃႇဢေႃႈ။
၁၁ ယၢမ်းမိူဝ်ႈဢၼ်ဢမ်ႇမီးၵတ်းယဵၼ်ၶျၢမ်းသႃႇ ၼၼ်ႉၸိုင်ၶဝ်ဢွၼ်ၵၼ်ႁဵတ်းမဝ်မဝ်မၢင်မၢင်သေလႄႈ ယႃလုၵ်ႈယိင်းၵူၼ်းမဵဝ်းၵဝ်ၼၼ်ႉလႄႈ လၢတ်ႈဝႃႈၵတ်းယဵၼ်ၶျၢမ်းသႃႇ၊ၵတ်းယဵၼ် ၶျၢမ်းသႃႇဝႃႈၼင်ႇၼႆဢေႃႈ။
၁၂ ၶဝ်ၼၼ်ႉႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇသေယဝ်ႉ ဢွၼ်ၵၼ်ဢူၵ်းဢၢႆႁိုဝ်။ၶဝ်ဢမ်ႇၸၢင်ႈဢွၼ်ၵၼ်ဢူၵ်းဢၢႆလႃးလႃး။ၶဝ်ဢမ်ႇၸၢင်ႈဢွၼ်ၵၼ်ၼႃႈလူႉ။ပိူဝ်ႈၼႆလႄႈၶဝ်ၵေႃႉၼိုင်ႈလႄႈ ၵေႃႉၼိုင်ႈတၵ်းဢွၼ်ၵၼ်လူမ်ႉဢေႃႈ။ယၢမ်းမိူဝ်ႈဢၼ် ၵဝ်ၸႅတ်ႈထၢမ်ၶဝ်ၼၼ်ႉၶဝ်တၵ်းလႆႈၶၢမ်ႇတၢင်းဢၼ်ၶျႃးတၵ်းတီႈတႅမ်ႇဢေႃႈ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၃ ၵဝ်တၵ်းယႃႉၽဵဝ်ႈၶဝ်ပႅတ်ႈမူတ်းမူတ်းသဵင်ႈသဵင်ႈဢေႃႈ။မၢၵ်ႇၸပႅတ်ႉဢမ်ႇလႆႈမီးတီႈတူၼ်ႈၶိူဝ်းမၢၵ်ႇၸပႅတ်ႉ။ မၢၵ်ႇလိူဝ်ႇသၢင်းၽေႃး ဢမ်ႇလႆႈမီးတီႈတူၼ်ႈမၢၵ်ႇလိူဝ်ႇသၢင်းၽေႃး။မႂ်ႊမၼ်းတၵ်းႁဵဝ်ႇၸွပ်ႈၵႂႃႇဢေႃႈ။ ၵဝ်တၵ်းပွႆႇၸႂ်ႉၶဝ်ၸိူဝ်းဢၼ်တၵ်းႁူမ်ႇသုမ်ႇၶဝ်ၼၼ်ႉမႃးဢေႃႈ၊ ဝႃႈၼင်ၼႆထႃႇဝရႃႉၽြႃးမီးဢမိင်ႉဢေႃႈ။
၁၄ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ႁဝ်းဢွၼ်ၵၼ်ၼင်ႈယူႇၼင်ႇႁိုဝ်။ၸူႉၵၼ်တုမ်ၵၼ်တႃႉႁဝ်း။ဢွၼ်ၵၼ်ၶဝ်ႈၵႃႈၼႂ်းဝဵင်း ဢၼ်မၼ်ႈၶိူင်ႇတင်းလၢႆလႄႈ ယူႇတဵတ်ႇတဵတ်ႇယဵၼ်ယဵၼ်ၵႃႈတီႈၼၼ်ႉတႃႉႁဝ်း။လွင်ႈမၼ်းၸမ်း ထႃႇဝရႃႉၽြႃး ၽြႃးပဵၼ်ၸဝ်ႈႁဝ်းႁႂ်ႈႁဝ်းယူႇတဵတ်ႇတဵတ်ႇယဵၼ်ယဵၼ်လႄႈဢဝ်ၼမ်ႉဢၼ်သႂ်ႇယႃႈၶူမ်ၼၼ်ႉ တိုၵ်းပၼ်တီႈႁဝ်း ၵွပ်ႈပိူဝ်ႈဢၼ်ႁဝ်း ၽိတ်းပိူင်ႈထႃႇဝရႃႉၽြႃးၼၼ်ႉယဝ်ႉ။
၁၅ ပိၵ်ႉသမ်ႉႁဝ်းမုင်ႈမွင်းၵတ်းယဵၼ်ၶျၢမ်းသႃႇယူႇသေၵေႃႈ လွင်ႈတၢင်းဢၼ်လီဢၼ်ငၢမ်းဢမ်ႇပေႃႇဢမ်ႇမႃး။ပိၵ်ႉသမ်ႉႁဝ်းမုင်ႈမွင်းၶိင်ႇမိူဝ်ႈဢၼ် တၵ်းသၢၵ်ႈသႃႇၶႅၼ်းမႃးၼၼ်ႉ ယူႇသေၵေႃႈပဵၼ်ၽေးလွၼ်ႉလွၼ်ႉဢေႃႈ။
၁၆ လႆႈငိၼ်းသဵင်ဢၼ်သုတ်ႇၶူႈလင်မႃႉမၼ်းၸိူဝ်းၼၼ်ႉ ၸဵမ်ၵႃႈတီႈမိူင်းတၼ်ႇ ပုၼ်ႉလႄႈၵွပ်ႈပိူဝ်ႈသဵင်ဢၼ်မႃႉႁၢႆႉမၼ်းၸိူဝ်းၼၼ်ႉႁႄႇၼၼ်ႉလႄႈ မိုဝ်းသၼ်ႇၶွၼ်းဝႆၵႂႃႇတင်း မိူင်းဢေႃႈ။
၁၇ ၶဝ်ၼၼ်ႉႁွတ်ႈမႃးလႄႈဢိုၼ်ၵိၼ်မိူင်းတင်းၵႃႈဢၼ်မီးၵႃႈၼႂ်းမၼ်းၸိူဝ်းၼၼ်ႉ ဢိၵ်ႇလူၺ်ႈၵၼ်တင်းဝဵင်း တင်းၵူၼ်းၶူးၵူၼ်းဝဵင်းၸိူဝ်းၼၼ်ႉပႅတ်ႈဢေႃႈ။တူၺ်းလူ။ၵဝ်တၵ်းပွႆႇၸႂ်ႉငူးႁၢႆႉငူးဢၼ်ပဝ်ႇမုၼ်ႈလႄႈဢမ်ႇပေႉဢမ်ႇၼႅင်ႇလႆႈၸိူဝ်ႈၼၼ်ႉမႃးၸူးၵႃႈတီႈသူလႄႈ ၶဝ်တၵ်းဢွၼ်ၵၼ်ၶူပ်းသူတွတ်ႇသူဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၈ ႁႂ်ႈၵဝ်လႆႈႁႂ်ႈတူဝ်ၵဝ်လႆႈသၢၵ်ႈသႃႇၶႅၼ်းမႃးယူႇ ၽၢႆႇၼိုင်ႈတင်းတၢင်ဢၼ်မႆႈၸႂ်ၶီၸႂ်ၼၼ်ႉသေၵမ်းလူၺ်ႈ။
၁၉ ၵဝ်ၼႆႉလႆႈၸႂ်လူႉယူႇဢေႃႈ။တူၺ်းလူ။ငိၼ်းသဵင်ဢၼ်လုၵ်ႈယိင်းၵူၼ်းမဵဝ်းၵဝ် ႁွင်ႉသႅၼ်ႇၼၼ်ႉၵႃႈတီႈမိူင်းဢၼ်ၵႆၼႃႇလူင်လၢင်ပုၼ်ႉဢေႃႈ။ထႃႇဝရႃႉၽြႃးဢမ်ႇမီးယူႇၵႃႈၼႂ်းဝဵင်းၸိဢုၼ်ႇႁိုဝ်။ၶုၼ်ႁေႃၶမ်းမၼ်းဢမ်ႇမီးယူႇၵႃႈၼႂ်းမၼ်းႁိုဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၶဝ်လႆႈဢဝ်ရုၵ်ႉထူႉသၢင်းထူႉၶဝ် ဢိၵ်ႇတင်းလွင်ႈတၢင်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်ၸိူဝ်းၼၼ်ႉတိုၵ်းသုၼ်းတၢင်းၸႂ်မႆႈၶႆႈၸႃႉၵဝ်ယူႇၼင်ႇႁိုဝ်။
၂၀ ၶိင်ႇဢၼ်လႆႈသိမ်းဢဝ် မၢၵ်ႇဢဝ်ႁူင်းၼၼ်ႉပူၼ်ႉၵႂႃႇယဝ်ႉ။ၶိင်ႇမႆႈၶိင်ႇႁွၼ်ႉသဵင်ႈယဝ်ႉလႄႈႁဝ်းဢမ်ႇႁွတ်ႈထိုင်တၢင်းဢၼ်ၵႄႇသႄႇၶျွတ်ႈဢဝ်။
၂၁ ၵဝ်မီးတၢင်းဢၼ်ၸဵပ်းဢၼ်သႅပ်ႇ ၵွပ်ႈပိူဝ်ႈတၢင်းဢၼ်လုၵ်ႈယိင်းမဵဝ်းၵူၼ်းၵဝ်ၸဵပ်းသႅပ်ႇၼၼ်ႉဢေႃႈ။ၵဝ်လႆႈၼုင်ႈၶူဝ်းၼုင်ႈဢၼ်ၵျၢမ်းၼႃႇယူႇ၊ ၵႂင်ၸႂ်ယုင်ႈၸႂ်လိုမ်းတူဝ်လိုမ်း ႁၢင်ႊယူႇဢေႃႈ။
၂၂ ၵႃႈတီႈမိူင်းၵိလတ်ႉၼၼ်ႉဢမ်ႇမီးယၢင်တူၼ်ႈပႃႇလၸမ်ႇႁိုဝ်။ၵႃႈတီႈမိူင်းၼၼ်ႉဢမ်ႇမီးမေႃယႃႁိုဝ်။ပေႃးမီးၸိုင်၊ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈတၢင်းၸဵပ်းတၢင်းသႅပ်ႇ လုၵ်ႈယိင်းၵူၼ်းမဵဝ်းၵဝ်ၼၼ်ႉဢမ်ႇမီးတၢင်းဢၼ်သၢၵ်ႈသႃႇၶႅၼ်းမႃး။