၂၆
ၵျၢမ်ႇႁႃဢဝ်ယေႇရမိတၢႆ
၁ မိူဝ်ႈဢၼ်ယေႃႇယၵိမ်ႇ လုၵ်ႈၸၢႆးယုဝ်ႇသိယၶုၼ်ႁေႃၶမ်းယုတ ၸႃႉၼင်ႈႁၢင်ႈၼင်ႈႁေႃၼၼ်ႉၼုၵ်ႈၵပၢတ်ႈထႃႇဝရႃႉၽြႃးႁွတ်ႈမႃးလႄႈ ထႃႇဝရႃႉၽြႃးမီးဢမိင်ႉၸမ်း၊-
၂ ၸုၵ်းယူႇၵႃႈၼႂ်းတမ်ႇတိူင်းႁိူၼ်းထႃႇဝရႃႉၽြႃးသေလႄႈ ဢဝ်ၵႂၢမ်းၵႃႈဢၼ်ၵဝ်သင်ႇလၢတ်ႈဝႆႉတီႈမႂ်း ႁႂ်ႈလႆႈသင်ႇလၢတ်ႈဝႆႉတီႈၵူၼ်းဝၢၼ်ႈၵူၼ်းဝဵင်းယုတ ဢၼ်မႃးႁွတ်ႈမႃးထိုင်ႁႂ်ႈလႆႈၵူဝ်းၵႂၢႆႇၵႃႈၼႂ်းႁိူၼ်းထႃႇဝရႃႉၽြႃးၸိူဝ်းၼၼ်ႉသေလႄႈ ၶိုၼ်းမွၵ်ႇ ၶိုၼ်းလၢတ်ႈတီႈၶဝ်တႃႉ။
၃ ယႃႇပေသိူင်ႇပမေႅပ်းဝႆႉသေၶေႃႈသေၵမ်း။ၶဝ်ၸၢင်ႊၶေးထွမ်ႇဢဝ်လႄႈဢွၼ်ၵၼ်ဝႄႈပိူင်ႈသေ ၵႃႈတီႈသဵၼ်ႈတၢင်းဢၼ်ႁၢႆႉဢၼ်ယုတ်ႈၶဝ်ၼၼ်ႉႁင်းၽႂ်ႁင်းမၼ်း ႁႂ်ႈၵဝ်ထၼ်ႈပေႃးဢမ်ႇပၼ်တၢမ်ႇဢၼ်ၵဝ်ၵျၢမ်ႇပွင်တၵ်းပၼ်တီႈၶဝ် ၵွပ်ႈပိူဝ်ႈတု ၸရိူၵ်ႈဢၼ်ၶဝ်ႁဵတ်းၼၼ်ႉ၊ဝႃႈၼင်ႇၼႆဢေႃႈ။
၄ ပိူဝ်ႈၼႆလႄႈမႂ်းတၵ်းလႆႈသင်ႇလၢတ်ႈတီႈၶဝ်လႄႈဝႃႈ၊-ထႃႇဝရႃႉၽြႃးၽြႃးမီးဢမိင်ႉၸမ်း၊-ပေႃးသူယင်းဢမ်ႇထွမ်ႇဢမ်ႇဢဝ်ၵႂၢမ်းၵဝ်၊ ဢမ်ႇၸွမ်းသဵၼ်ႈတၢင်းပိင်း ၺၢပ်ႈတြႃး
၅ ဢၼ်ၵဝ်ဝႆႉတီႈသူႁႂ်ႈသူလႆႈထွမ်ႇဢဝ်ၵႂၢမ်းၶႃႈၵဝ်ပရေႃးၽိတ်ႈ ဢၼ်ၵဝ်လုၵ်ႉၸဝ်ႉၸဝ်ႉလႄႈပွႆႇၸႂ်ႉၸူးတီႈသူၶိူဝ်းၶိူဝ်းယႂ်းယႂ်းလႄႈ ယင်းဢမ်ႇထွမ်ႇ ဢဝ်လႄႈယူႇၸိုင်
၆ ၵဝ်တၵ်းႁႂ်ႈႁိူၼ်းၼႆႉပဵၼ်ၸိူဝ်ႉၼင်ႇဝဵင်းသိလေႃႇလႄႈ တၵ်းႁႂ်ႈဝဵင်းၼႆႉပဵၼ်တၢင်းဢၼ်ၵိၼ်ႇဢၼ်ဝႃႈတီႈၵူၼ်းၵူႈၸိူဝ်ႉၵူႈမဵဝ်း ၵႃႈၼိူဝ်လိၼ်မိူင်းဢေႃႈ၊ဝႃႈၼင်ႇၼႆဢေႃႈ။
၇ ယိတ်ႉပရေႃးႁိၵ်ႈ လႂ်၊ ပရေႃးၽိတ်ႈ လႂ်ဢိၵ်ႇတင်းၵူၼ်းတင်းသဵင်ႈတင်းလူင် ဢွၼ်ၵၼ်ငိၼ်းၵႂၢမ်းဢၼ်ယေႇရမိႁေႃး လၢတ်ႈၼၼ်ႉ ၵႃႈၼႂ်းႁိူၼ်းထႃႇဝရႃႉၽြႃး ဢေႃႈ။
၈ မၼ်းဢဝ်ၵႂၢမ်းၵႃႈဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမၼ်းႁႂ်ႈမၼ်းလၢတ်ႈတီႈၵူၼ်း တင်းသဵင်ႈတင်းလူင်ၼၼ်ႉႁေႃးလၢတ်ႈယဝ်ႉတူဝ်ႈသေယဝ်ႉ ယိတ်ႉပရေႃးႁိၵ်ႈ လႂ်၊ပရေႃးၽိတ်ႈ လႂ်၊ ဢိၵ်ႇတင်းၵူၼ်းတင်းသဵင်ႈတင်းလူင် လႂ်ၸိူဝ်းၼၼ်ႉ ဢွၼ်ၵၼ်တီႉၵမ်ဢဝ်ယေႇရမိလႄႈဝႃႈ၊-မႂ်းတၵ်းလႆႈၶၢမ်ႇတၢင်းဢၼ်ဢဝ် တၢႆဢမၢၼ်ႇၶၢၼ်ပဵၼ်ဢေႃႈ။
၉ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းဢိင်ၼႃႇမႃႉၸိုဝ်သဵင်ထႃႇဝရႃႉၽြႃးသေလႄႈႁေႃးလၢတ်ႈဝႃႈ ႁိူၼ်းၼႆႉ တၵ်းပဵၼ်ၸိူဝ်ႉၼင်ႇဝဵင်းသိလေႃႇၼၼ်ႉ။ဝဵင်းၼႆႉတၵ်းပဵၼ်တီႈဢၼ်သိတ်ႇဢၼ်ယဵၼ်လႄႈ ဢမ်ႇမီးၽူႈမီးၵူၼ်းဝႃႈၼင်ႇၼႆ၊ဝႃႈၼင်ႇၼႆသေလႄႈ ၵူၼ်းတင်းသဵင်ႈတင်းလူင်ၸူႉၵၼ်တုမ်ၵၼ်ယူႇ ၽၢႆႇၼိုင်ႈတင်းယေႇရမိ ၵႃႈၼႂ်းႁိူၼ်း ထႃႇဝရႃႉၽြႃးၼၼ်ႉဢေႃႈ။
၁၀ မိူဝ်ႈဢၼ်မူးမၢတ်ႈၽွင်းမိူင်းယုတ လႆႈငိၼ်းလွင်ႈတၢင်းၸိူဝ်းၼၼ်ႉၸိုင် ၶဝ်ဢွၼ်ၵၼ်လုၵ်ႉသေ ၵႃႈတီႈႁေႃၶမ်းမႃးၵႃႈတီႈႁိူၼ်းထႃႇဝရႃႉၽြႃးလႄႈ ၼင်ႈယူႇၵႃႈၼႂ်းႁူးၽၵ်းတူဢၼ်မႂ်ႇၵႃႈတီႈႁိူၼ်းထႃႇဝရႃႉၽြႃးၼၼ်ႉဢေႃႈ။
၁၁ မိူဝ်ႈၼၼ်ႉ ယိတ်ႉပရေႃးႁိၵ်ႈ လႂ်ဢိၵ်ႇတင်းပရေႃးၽိတ်ႈ လႂ်ၸိူဝ်းၼၼ်ႉ ဢွၼ်ၵၼ်လၢတ်ႈတီႈၸႃႉၸဵမ်မူးမၢတ်ႈၽွင်းမိူင်းတင်းလၢႆဢိၵ်ႇတင်း ၵူၼ်းတင်းသဵင်ႈတင်းလူင်ၼၼ်ႉလႄႈဝႃႈ၊-ၵေႃႉၼႆႉထုၵ်ႇလီၶၢမ်ႇတၢႆဢေႃႈ။ၵႃႈၼင်ႇဢၼ် သူဢဝ်တင်းႁူၸဝ်ႈၵဝ်ႇ ငိၼ်းၼၼ်ႉမၼ်းႁဵတ်းၶတ်းၵၼ်တင်းဝဵင်းၼႆႉလႄႈ ႁေႃးလၢတ်ႈယဝ်ႉလူင်ပေႇ၊ဝႃႈၼင်ႇၼႆဢေႃႈ။
၁၂ ယေႇရမိ ၵေႃႈလၢတ်ႈတီႈမူးမၢတ်ႈၽွင်းမိူင်းၵႃႈမီးဢိၵ်ႇတင်းၵူၼ်းတင်းသဵင်ႈတင်းလူင်လႄႈဝႃႈ၊- ထႃႇဝရႃႉၽြႃး ပွႆႇၸႂ်ႉၵဝ် ႁႂ်ႈၵဝ်ႁဵတ်းၶတ်းၵၼ်တင်းႁိူၼ်းၸဝ်ႈၼႆႉဢိၵ်ႇတင်း ဝဵင်းၸဝ်ႈၼႆႉလႄႈ ႁေႃးလၢတ်ႈၵႂၢမ်းၵႃႈဢၼ်သူငိၼ်းၼႆႉယဝ်ႉ။
၁၃ မိူဝ်ႈလဵဝ်ၼႆႉၸိုင်ဢွၼ်ၵၼ်ၶၢႆႉပုတ်ႈ တၢင်းဢၼ်သူၵမ်ၵျၢင်ႉသၢင်ႈႁဵတ်းၸိူဝ်းၼၼ်ႉလႄႈ ထွမ်ႇဢဝ်ၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈသူတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ထႃႇဝရႃႉၽြႃး တၵ်းၶုၵ်းၸႂ်လႆႈမႆႈၸႂ် လူၺ်ႈၽေးဢူးပၢတ်ႈဢၼ်မၼ်းၸဝ်ႈ မီးဢမိင်ႉ ႁႂ်ႈႁွတ်ႈထိုင်ၵႃႈၼိူဝ်သူ ၼၼ်ႉဢေႃႈ။
၁၄ ၵဝ်ၸမ်းမီးယူႇၵႃႈၼႂ်းမိုဝ်းသူဢေႃႈ။ဢွၼ်ၵၼ်ႁဵတ်း တီႈၵဝ်ၸွမ်းၵႃႈၼင်ႇဢၼ်သူထၢင်ႇတၵ်းပဵၼ်ဢၼ်သိုဝ်ႈတေႃႇလႄႈ ထုၵ်ႇတႃႇသူၼၼ်ႉတႃႉ။ၼႂ်းဝႃႈၼၼ်သေၵေႃႈသူဢွၼ်ၵၼ်ႁူႉလွင်ႈဢၼ်ပေႃးသူဢဝ်ၵဝ်တၢႆၸိုင် သူတၵ်းႁႂ်ႈလိူတ်ႈၵေႃႉဢၼ်ဢမ်ႇမီးဢပျႅတ်ႈၼၼ်ႉ ႁွတ်ႈထိုင်ၵႃႈၼိူဝ်တူဝ်သူဢိၵ်ႇတင်းဝဵင်းၼႆႉတင်းၵူၼ်းဝဵင်းတင်းလၢႆၼႆႉ ဢမၢၼ်ႇၶၢၼ် ပဵၼ်ၼၼ်ႉတႃႉ။
၁၅ ထႃႇဝရႃႉၽြႃးပွႆႇၸႂ်ႉၵဝ်မႃးၸူးတီႈသူႁႂ်ႈၵဝ်လႆႈမွၵ်ႇလၢတ်ႈ ၵႂၢမ်းၵူႈၸိူဝ်ႉၵူႈပိူင်ၼႆႉတီႈသူဢမၢၼ်ႇ ၶၢၼ်ပဵၼ်ယဝ်ႉ၊ဝႃႈၼင်ႇၼႆဢေႃႈ။
၁၆ မိူဝ်ႈၼၼ်ႉမူးမၢတ်ႈၽွင်းမိူင်းတင်းလၢႆဢိၵ်ႇတင်း ၵူၼ်းတင်းသဵင်ႈတင်းလူင်ဢွၼ်ၵၼ်လၢတ်ႈတီႈပရေႃးႁိၵ်ႈ ဢိၵ်ႇတင်းပရေႃးၽိတ်ႈၸိူဝ်းၼၼ်ႉလႄႈဝႃႈ၊-ၵေႃႉၼႆႉဢမ်ႇထုၵ်ႇလီၶၢမ်ႇတၢႆၵူၺ်း။မၼ်းဢိင်ၼႃႇမႃႉၸိုဝ်သဵင်ထႃႇဝရႃႉၽြႃးၽြႃးပဵၼ်ၸဝ်ႈသေလႄႈ ႁေႃးလၢတ်ႈတီႈႁဝ်းယဝ့် ဝႃႈၼင်ႇၼႆဢေႃႈ။
၁၇ မိူဝ်ႈၼၼ်ႉၵူၼ်းဢၼ်ပဵၼ်ၵေႇပဵၼ်ႁူဝ်ၵႃႈၼႂ်းမိူင်းၼၼ်ႉၵမ်ႈၽွင်ႈ ဢွၼ်ၵၼ်လုၵ်ႉလႄႈ လၢတ်ႈတီႈပရိၵ်ႈသၢတ်ႈတင်းလၢႆလႄႈဝႃႈ၊-
၁၈ ၸူဝ်ႈပၢၼ်ႁေႇၸၵိၶုၼ်ႁေႃၶမ်း ယုတ ၼၼ်ႉမီးၶႃႈၵူၼ်းဝၢၼ်ႈမေႃႇရသ ၼၼ်ႉႁဵတ်းပရေႃးၽိတ်ႈ သေလႄႈႁေႃးလၢတ်ႈတီႈၵူၼ်းမိူင်းယုတ တင်းသဵင်ႈတင်းလူင်ဝႃႈ၊- ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-လွႆၸိဢုၼ်ႇတၵ်းလႆႈၶၢမ်ႇတၢင်းဢၼ်ထႆမိူၼ်ၸိူဝ်ႉၼင်ႇထႆၼႃးလႄႈ ဝဵင်းယေႇရုသလႅမ်ႇတၵ်းပဵၼ်ၵွင်ၽုၼ်ႇၵွင်လိၼ်ဢေႃႈ။လွႆႁိူၼ်းၸဝ်ႈၵေႃႈတၵ်းပဵၼ်ၸိူဝ်ႉၼင်ႇလွႆပႃႇမႆႉပႃႇတွၵ်ႇၼၼ်ႉဢေႃႈ၊ ဝႃႈၼင်ႇၼႆဢေႃႈ။
၁၉ မိူဝ်ႈၼၼ်ႉႁေႇၸၵိၶုၼ်ႁေႃၶမ်းယုတဢိၵ်ႇတင်း ၵူၼ်းမိူင်းယုတတင်းသဵင်ႈတင်းလူင်ၼၼ်ႉဢဝ်မၼ်းတၢႆႁိုဝ်။ ၶုၼ်ၼၼ်ႉၵူဝ်ႁႄထႃႇဝရႃႉၽြႃးလႄႈတွင်းပၢၼ်ႇၵႃႈတီႈၽၢႆႇၼႃႈထႃႇဝရႃႉၽြႃး ဢမ်ႇၸႂ်ႈႁိုဝ်။ ထႃႇဝရႃႉၽြႃးၶုၵ်းၸႂ်လႆႈၶႆႈၸႂ်လူၺ်ႈၽေးဢူးပၢတ်ႈဢၼ်မၼ်းၸဝ်ႈ မီးဢမိင်ႉႁႂ်ႈႁွတ်ႈထိုင်ၵႃႈၼိူဝ်ၶဝ်ၼၼ်ႉဢမ်ႇၸႂ်ႈႁိုဝ်။ႁဝ်းၸမ်းဢွၼ်ၵၼ်ႁဵတ်းတၢင်းဢၼ်ယႃႉဢၵျူဝ်းၸႂ်ဝိၺိၺ်ႇႁဝ်းလူင်ပေႇ။
၂၀ လၢႆးသမ်ႉ မီးၵေႃႉဢၼ်ဢိင်ၼႃႇမႃႉၸိုဝ်သဵင်ထႃႇဝရႃႉၽြႃးသေလႄႈႁဵတ်းပရေႃးၽိတ်ႈဢၼ်ဝႃႈ ဢုရိယလုၵ်ႈၸၢႆးသေႇမႃႇယ ဢၼ်ယူႇၵႃႈတီႈဝဵင်းၵိရယတ်ႉယႃႇရိမ်ႇ ၼၼ်ႉၵေႃႉၼိုင်ႈလႄႈမၼ်းၼၼ်ႉၵေႃႈႁေႃးလၢတ်ႈယူႇၽၢႆႇၼိုင်ႈတင်းဝဵင်းၼႆႉ ဢိၵ်ႇတင်းမိူင်းၼႆႉမႅၼ်ၵၼ်တင်းၵႂၢမ်းၵႃႈဢၼ်ယေႇရမိ ႁေႃးလၢတ်ႈ ၼၼ်ႉဢေႃႈ။
၂၁ မိူဝ်ႈဢၼ်ၶုၼ်လူင်ယေႃႇယၵိမ်ႇဢိၵ်ႇတင်းၶုၼ်မၼ်းၵႃႈမီးတင်း မူးမၢတ်ႈၽွင်းမိူင်းမၼ်းၵႃႈမီးငိၼ်းၵႂၢမ်းမၼ်းၼၼ်ႉၸိုင် ၶုၼ်လူင်ၼၼ်ႉၵျၢမ်ႇႁႃႁႂ်ႈလႆႈဢဝ်မၼ်းတၢႆဢေႃႈ။ၵူၺ်းၵႃႈဢုရိယၼၼ်ႉငိၼ်းလွင်ႈၼၼ်ႉသေယဝ်ႉၵူဝ်ႁႄလႄႈ ဢွၵ်ႇပၢႆႈသေ လႄႈၵႂႃႇၸူးၵႃႈတီႈမိူင်းဢေႇၵႅပ်ႉတုဢေႃႈ။
၂၂ ၶုၼ်လူင်ယေႃႇယၵိမ်ႇၼၼ်ႉပွႆႇၸႂ်ႉၵူၼ်းဢၼ်ဝႃႈ ဢေႇလၼႃႇသၼ်ႇ လုၵ်ႈၸၢႆးဢႃႇၶပေႃႇ ဢိၵ်ႇတင်းၵၼ်တင်းၵူၼ်းၵမ်ႈၽွင်ႈၵႂႃႇၵႃႈတီႈမိူင်းဢေႇၵႅပ်ႉတု လႄႈ ၶဝ်ၼၼ်ႉဢွၼ်ၵၼ်ဢဝ် ဢုရိယ ဢွၵ်ႇသေၵႃႈၼႂ်းမိူင်း ဢေႇၵႅပ်ႉတု
၂၃ မႃးသူင်ႇႁွတ်ႈၵႃႈတီႈၶုၼ်လူင် ယေႃႇယၵိမ်ႇ သေယဝ်ႉ ၶုၼ်လူင်ၼၼ်ႉ ဢဝ်မၼ်းတၢႆလူၺ်ႈလၢပ်ႇလူၺ်ႈလႅဝ်းလႄႈ ဢဝ်တူဝ်မၼ်းပႅတ်ႈဝႆႉၵႃႈတီႈပႃႇႁဵဝ်ႈၵူၼ်းယၢၵ်ႈၵူၼ်းၽၢၼ်ဢေႃႈ၊ ဝႃႈၼင်ႇၼႆ ဢေႃႈ။
၂၄ ၼႂ်းဝႃႈၼၼ်သေၵေႃႈၶႅၼ်မိုဝ်းဢႁိၵမ်ႇ လုၵ်ႈၸၢႆးသႃႇၽၼ်ႇ ၼၼ်ႉၸွႆႈထႅမ်မႃႉၸႃႉယေႇရမိယူႇႁႂ်ႈမၼ်းဢမ်ႇလႆႈၶၢမ်ႇ တၢင်းဢၼ်ဢဝ်ဢၢပ်ႈပၼ်ၵႃႈၼႂ်းမိုဝ်းၵူၼ်းတင်းလၢႆႁႂ်ႈမၼ်းလႆႈၶၢမ်ႇတၢင်းတၢႆၼၼ်ႉဢေႃႈ။