၇
ၽႃႇသႃႇပွမ်ဢမ်ႇပွင်ႇလွင်သင်
၁ ၼုၵ်ႈဢပၢတ်ႈၸဝ်ႈဢွၵ်ႇသေၵႃႈတီႈထႃႇဝရႃႉၽြႃးႁွတ်ႈမႃးတီႈယေႇရမိလႄႈဝႃႈ၊-
၂ ၵႂၢမ်းဢၼ်မႂ်းတၵ်းလႆႈၸုၵ်းယူႇၵႃႈတီႈႁူး ၽၵ်းတူႁိူၼ်းထႃႇဝရႃႉၽြႃးသေလႄႈႁွင်ႉပၢဝ်ႇႁွင်ႉသေႃႇၸမ်း၊-ၵူၼ်းမဵဝ်းယုတၵႃႈဢၼ်ၶဝ်ႈၵႃႈၼႂ်းၽၵ်းတူၸိူဝ်းၼႆႉ ႁႂ်ႈလႆႈၵူဝ်းၵႂၢႆႇထႃႇဝရႃႉၽြႃးၶဝ်ဢိူၺ်း။ ဢွၼ်ၵၼ်ထွမ်ႇငိၼ်းၼုၵ်ႈၵပၢတ်ႈ ထႃႇဝရႃႉၽြႃးတႃႉ။
၃ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၸမ်းဢွၼ်ၵၼ်မႄးသဵၼ်ႈတၢင်းၽႃႇသႃႇသူ ဢိၵ်ႇတင်းတၢင်းၵမ်တၢင်းၵျၢင်ႉသူၸိူဝ်းၼၼ်ႉတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ၵဝ်တၵ်းႁႂ်ႈသူယူႇၵႃႈတီႈၼႆႉဢေႃႈ။
၄ ယႃႇပေဢွၼ်ၵၼ် ဢိင်ပိုင်ႈၵႂၢမ်းမူႉသႃႇဢၼ်ဝႃႈဢၼ်ၼႆႉၸမ်း၊-ပဵၼ်ပိၵ်ႉမၢၼ်ႇထႃႇဝရႃႉၽြႃး၊ပိၵ်ႉမၢၼ်ႇထႃႇဝရႃႉၽြႃး၊ပိၵ်ႉမၢၼ်ႇထႃႇဝရႃႉၽြႃးယဝ်ႉ ဝႃႈၼင်ႇ ၼႆၸိူဝ်းၼၼ်ႉ။
၅ ပေႃးသူမႄးႁႅၼ်းသဵၼ်ႈတၢင်းၽႃႇသႃႇသူဢိၵ်ႇတင်း တၢင်းၵမ်တၢင်းၵျၢင်ႉသူၸိူဝ်းၼၼ်ႉၸေးၸေးၸုင်ႇၸုင်ႇယဝ်ႉပေႃးသူၸီႇယၢင်ႇၸွမ်းၼင်ႇတြႃးတီႈၸဝ်ႈဢမူႉၼင်ႇၵၼ်ၵၼ်ၼၼ်ႉသေႇ သေႇၶျႃႇၶျႃႇယဝ်ႉ
၆ ပေႃးယင်းဢမ်ႇၼိၵ်ႈၸၢၵ်ႈငႅၼ်းသေးၶႅၵ်ႇဢႃႇၵၼ်ႇတု လုၵ်ႈဢွၼ်ႇဢၼ်ဢမ်ႇမီးပေႃႈမီးမေႈ၊မေႈမုၵ်ႉမေႈမၢႆႈ၊ဢမ်ႇဢဝ်လိူတ်ႈၵေႃႉဢၼ်ဢမ်ႇမီးဢပျႅတ်ႈၼၼ်ႉထွၵ်ႇပႅတ်ႈၵႃႈၼႂ်းတီႈၼႆႉ၊ ဢမ်ႇ ၸပ်းၸွမ်းၽြႃး တၢင်ႇသူႇတၢင်ႇပႃးလႄႈ
၇ ယႃႉဢၵျူဝ်းတူဝ်ၸဝ်ႈၵဝ်ႇၸိုင်ၵဝ်တၵ်းႁႂ်ႈသူယူႇ ၵႃႈတီႈၼႆႉၵႃႈၼႂ်းမိူင်းဢၼ်ၵဝ်ပၼ်တီႈပူႇသူမွၼ်ႇသူၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉသေႇသေႇၼႆႉဢေႃႈ။
၈ တူၺ်းလူ။ဢွၼ်ၵၼ်ဢိင်ပိုင်ႈၵႂၢမ်းမူႉသႃႇဢၼ်ဢမ်ႇမီးဢၵျူဝ်းၼၼ်ႉဢေႃႈ။
၉ သူၼႆႉတၵ်းလၵ်ႉဢဝ်လွမ်ဢဝ်ယူႇ၊တၵ်းဢဝ်ဢသၢၵ်ႈၵူၼ်းတၢႆယူႇ၊ တၵ်းၽိတ်းပိူင်ႈမေးပိူၼ်ႈယူႇ၊ တၵ်းၵိၼ်ႇဝႃႈလူၺ်ႈလွင်ႈဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉယူႇ၊ တၵ်းဢဝ်ၼၢမ်ႇသႃႇတုတ်ႇ ၽႆးတီႈၽြႃးပႃႇလယူႇ၊
၁၀ တၵ်းၸွမ်းလင်ၽြႃးတၢင်ႇသူႇတၢင်ႇပႃး ဢၼ်သူဢမ်ႇယၢမ်ႈႁူႉၸိူဝ်းၼၼ်ႉယူႇ၊တၵ်းၶဝ်ႈလႄႈ ၸုၵ်းၵႃႈတီႈၽၢႆႇၼႃႈၵဝ်ၵႃႈၼႂ်းႁိူၼ်းဢၼ်ႁွင်ႉႁိၵ်ႈလူၺ်ႈ ၼႃႇမႃႉၸိုဝ်သဵင်ၵဝ်ၼၼ်ႉသေလႄႈလဝ်ႈလၢတ်ႈဝႃႈ၊-ႁဝ်းလႆႈၶၢမ်ႇၵျေးၸူးတၢင်းဢၼ်ၵႄႇသႄႇၼုၵ်ႈၸဝ်ႈယဝ်ႉ၊ဝႃႈၼင်ႇၼႆႁႂ်ႈလႆႈႁဵတ်း လွင်ႈတၢင်းဢၼ်လီႁင်ႈဢဵတ်ႇသဵတ်ႇၵူႈၸိူဝ်ႉၵူႈ ပိူင်ၸိူဝ်းၼႆႉယူႇႁိုဝ်။
၁၁ ႁိူၼ်းၸဝ်ႈဢၼ်လႆႈၶၢမ်ႇတၢင်းဢၼ်ႁွင်ႉႁိၵ်ႈလူၺ်ႈ ၼႃႇမႃႉၸိုဝ်သဵင်ၵဝ်ၼၼ်ႉပဵၼ်ၸိူဝ်ႉၼင်ႇထမ်ႈၸူၼ်ၼၼ်ႉ သိုဝ်ႈၼႃႈတႂ်ႈတႃသူႁိုဝ်။ၵဝ်ၼႆႉယဝ်ႉ၊ ၵဝ်ၼႆႉယဝ်ႉလႆႈႁၼ်လွင်ႈတၢင်းၼႆႉဢေႃႈ၊ဝႃႈၼင်ႇၼႆလႄႈထႃႇဝရႃႉၽြႃးမီးဢမိင်ႉဢေႃႈ။
၁၂ ဢွၼ်ၵၼ်ၵႂႃႇၵႃႈတီႈ ထႃႇၼႃႉတီႈၵဝ်ႇဢၼ်မီးၵႃႈတီႈဝဵင်းသိလေႃႇ တီႈဢၼ်ၵဝ်ႁႂ်ႈၼႃႇမႃႉၸိုဝ်သဵင်ၵဝ်တႄႇယူႇမိူဝ်ႈဢွၼ်တၢင်းၼၼ်ႉလႄႈ လူတူၺ်းလွင်ႈဢၼ်ၵဝ်ႁဵတ်းၸိူဝ်ႉၼင်ႇႁိုဝ်ၵႃႈတီႈၼၼ်ႉ ၵွပ်ႈပိူဝ်ႈဢပျႅတ်ႈၵူၼ်းၵဝ်ၵူၼ်းဢိသရေႇလ ၸိူဝ်းၼၼ်ႉယဝ်ႉၼၼ်ႉ တႃႉ။
၁၃ မိူဝ်ႈလဵဝ်ၼႆႉထႃႇဝရႃႉၽြႃးမီးဢမိင်ႉၸမ်း၊-ၵွပ်ႈပိူဝ်ႈဢၼ်သူႁဵတ်း လွင်ႈတၢင်းၵူႈၸိူဝ်ႉၵူႈပိူင်ၸိူဝ်းၼႆႉဢိၵ်ႇတင်းၵွပ်ႈပိူဝ်ႈဢၼ်ၵဝ်လုၵ်ႉၸဝ်ႉၸဝ်ႉသေလႄႈ လၢတ်ႈပၼ်ယူႇၶိူဝ်းၶိူဝ်းယႂ်းယႂ်းသေၵေႃႈ သူဢမ်ႇထွမ်ႇဢမ်ႇ ဢဝ်၊ တင်းၵွပ်ႈပိူဝ်ႈဢၼ်ၵဝ်ႁွင်ႉလႄႈ
၁၄ သူဢမ်ႇဢိူဝ်ႈၼၼ်ႉလႄႈ ၵဝ်တၵ်းႁဵတ်းတီႈႁိူၼ်းၸဝ်ႈ ဢၼ်လႆႈၶၢမ်ႇတၢင်းဢၼ်ႁွင်ႉႁိၵ်ႈလူၺ်ႈ ၼႃႇမႃႉၸိုဝ်သဵင်ႈၵဝ်ဢၼ်သူဢိင်ပိုင်ႈ ဢၼ်ဝႃႈထႃႇၼႃႉတီႈဢၼ်ၵဝ်ပၼ်တီႈပူႇသူမွၼ်ႇသူၼၼ်ႉ မိူၼ်ၸိူဝ်ႉၼင်ႇဢၼ်ၵဝ်ႁဵတ်း တီႈဝဵင်းသိလေႃႇၼၼ်ႉဢေႃႈ။
၁၅ ၵဝ်တၵ်းႁေႃႈသူဢွၵ်ႇပႅတ်ႈသေ ၵႃႈတီႈသိုဝ်ႈၼႃႈတႂ်ႈတႃၵဝ်ၼႆႉမိူၼ်ၸိူဝ်ႉၼင်ႇဢၼ် ၵဝ်ႁေႃႈပီႈၼွင်ႉသူၵူၼ်းမဵဝ်းဢေႇၽရိမ်ႇ တင်းသဵင်ႈတင်းလူင်ၼၼ်ႉဢေႃႈ။
၁၆ ပိူဝ်ႈၼႆလႄႈမႂ်းၵေႃႈယႃႇပေႁဵတ်းပထၼႃႇပုၼ်ႈၵူၼ်းမဵဝ်းၼႆႉ။ယႃႇပေႁဵတ်းတၢင်းဢၼ်သႅၼ်ႇႁွင်ႉ တၢင်းဢၼ်သူးတွင်းပုၼ်ႈၶဝ်။ယႃႇပေတိုၵ်းယူင်းၸူဝ်းဢဝ်ၵဝ်။ၵဝ်တၵ်းဢမ်ႇထွမ်ႇဢမ်ႇဢဝ်ၵႂၢမ်းမႂ်း။မႂ်းဢမ်ႇႁၼ်လွင်ႈတၢင်းဢၼ်ၶဝ်ႁဵတ်းၵႃႈၼႂ်းဝဵင်းယုတတင်းလၢႆ ဢိၵ်ႇတင်းၵႃႈဢၼ်ၶဝ်ႁဵတ်းၵႃႈၼႂ်းဝဵင်းယေႇရုသလႅမ်ႇၸိူဝ်းၼၼ်ႉႁိုဝ်။
၁၈ ၵေႃႉဢၼ်ပဵၼ်လုၵ်ႈပဵၼ်လၢင်းဢွၼ်ၵၼ်ဢ ဝ်ၽိုၼ်း၊ၵေႃႉဢၼ်ပဵၼ်ပေႃႈဢွၼ်ၵၼ်သႂ်ႇၽႆး၊ မေႈယိင်းတင်းလၢႆဢွၼ်ၵၼ်ၼူတ်ႈၶဝ်ႈမုၼ်းႁႂ်ႈလႆႈႁဵတ်းၶဝ်ႈမုၼ်းၶႅပ်းပုၼ်ႈၼၢင်းႁေႃၶမ်းၵၢင်ႁၢဝ်လႄႈ ဢဝ်ၶိူင်ႈပုၵ်ႉၸေႃႇဢၼ်သွၼ်းလေႃႇတင်းလၢႆ သွၼ်းလေႃႇတီႈ ၽြႃးတၢင်ႇသူႇတၢင်ႇပႃးႁႂ်ႈလႆႈယႃႉယူၵ်ႉၵဝ်ဢေႃႈ။
၁၉ ၶဝ်ဢွၼ်ၵၼ်ယႃႉယူၵ်ႉၵဝ်ႁိုဝ်။ၶဝ်ဢွၼ်ၵၼ်ယႃႉယူႉတူဝ်ၶဝ်ၵူၺ်းႁႂ်ႈၼႃႈၶဝ်လူႉၵူၺ်းဢမ်ႇၸႂ်ႈႁိုဝ်ဝႃႈၼင်ႇၼႆ ထႃႇဝရႃႉၽြႃးမီးဢမိင်ႉဢေႃႈ။
၂၀ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-ၽႆးတေႃးသႃႉတၢင်းၸႂ်မႆႈၶႆႈၸႃႉၵဝ်တၵ်းမီးတၢင်းဢၼ်သွၼ်းလေႃႇ ၵႃႈၼိူဝ်ထႃႇၼႃႉတီႈၼႆႉ၊ၵႃႈၼိူဝ်ၵူၼ်း၊ၵႃႈၼိူဝ်တရိၵ်ႈသၢၼ်ႇ၊ ၵႃႈၼိူဝ်တူၼ်ႈမႆႉ ဢၼ်မီးၵႃႈၼွၵ်ႈၵႃႈပၢင်ႇၵႃႈၼိူဝ်မၢၵ်ႇလိၼ်ႁူင်းလိၼ်တင်းလၢႆလႄႈ ၽႆးၼၼ်ႉတၵ်းမႆႈယူႇလႄႈဢမ်ႇမီးတၢင်းဢၼ်မွတ်ႇလႃးလႃးဢေႃႈ။
၂၁ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉၸမ်း ဢွၼ်ၵၼ်ဢဝ်ယိၸ်ႉဢၼ်တုတ်ႇၽႆးသူတင်းလၢႆဝႆႉ လူၺ်ႈၵၼ်တင်းယိၸ်ႉတၢင်ႇၸိူဝ်ႉတၢင်ႇ ဢၼ်သူၼၼ်ႉသေလႄႈၵိၼ်ၼိူဝ်ႉ တႃႉ။
၂၂ လွင်ႈမၼ်းၸမ်းၼႂ်းမိူဝ်ႈဢၼ်ၵဝ်ၼုၵ်ႈဢဝ်ပူႇသူမွၼ်ႇသူဢွၵ်ႇသေ ၵႃႈၼႂ်းမိူင်းဢေႇၵႅပ်ႉတုမႃးၼၼ်ႉၵဝ်ဢမ်ႇသင်ႇလၢတ်ႈဢမ်ႇမီးဢမိင်ႉဝႆႉလူၺ်ႈလွင်ႈယိၸ်ႉဢၼ်တုတ်ႇၽႆးဢိၵ်ႇတင်းယိၸ်ႉတၢင်ႇၸိူဝ်ႉ တၢင်ႇပိူင်ၸိူဝ်းၼၼ်ႉတီႈၶဝ်ၼၼ်ႉ။
၂၃ လွင်ႈတၢင်းဢၼ်ၵဝ်သင်ႇလၢတ်ႈဝႆႉၸမ်း၊-ဢွၼ်ၵၼ်ထွမ်ႇဢဝ်ၵႂၢမ်းၵဝ်တႃႉ။ၵဝ်တၵ်းပဵၼ်ၽြႃးပဵၼ်ၸဝ်ႈသူလႄႈသူၵေႃႈတၵ်းပဵၼ်ၵူၼ်းၵဝ်ဢေႃႈ။ဢွၼ်ၵၼ်ၸွမ်းသဵၼ်ႈတၢင်းၵႃႈဢၼ်ၵဝ်ၸီႇယၢင်ႇဝႆႉတီႈသူ ႁႂ်ႈပဵၼ်ဢၼ်လီဢၼ်ငၢမ်း တီႈသူတႃႉ၊ဝႃႈၼင်ႇၼႆဢေႃႈ။
၂၄ ၵူၺ်းၵႃႈၶဝ်ယင်းဢမ်ႇထွမ်ႇဢမ်ႇငိၼ်း၊ ယင်းဢမ်ႇဝၢႆႇႁူၸူးလႄႈၵႂႃႇမႃးယူႇၵႃႈၼႂ်ႈတၢင်းၵျၢမ်ႇတၢင်းပွင်ၶဝ်ဢိၵ်ႇတင်းတၢင်းဢၼ်ႁူဝ်ၸႂ် ဢၼ်ႁၢႆႉယုတ်ႈၶဝ်ၼၼ်ႉၵႅၼ်ႇၶႅင်ၼၼ်ႉလႄႈ ယင်းဢမ်ႇၵႂႃႇသိုဝ်ႈၼႃႈတၢင်းၼႃႈလႄႈဢွၼ် ၵၼ်ဝၢႆႇၶိုၼ်းတၢင်းလင်ဢေႃႈ။
၂၅ ၸႃႉၸဵမ်မိူဝ်ႉဝၼ်းဢၼ်ပူႇသူမွၼ်ႇသူ ဢွၵ်ႇသေၵႃႈၼႂ်း မိူင်းဢေႇၵႅပ်ႉတုမႃးၼၼ်ႉ တေႃႇထိုင်ႁွတ်ႈဝၼ်းမိူဝ်ႈၼႆႉၵဝ်လုၵ်ႉၸဝ်ႉၸဝ်ႉၵူႈဝၼ်းသေလႄႈ ပွႆႇၸႂ်ႉၶႃႈၵဝ်ပရေႃးၽိတ်ႈတင်းသဵင်ႈတင်းလူင်ၸူးၵႃႈတီႈသူယူႇၶိူဝ်းၶိူဝ်းယႂ်းယႂ်းဢေႃႈ။
၂၆ ၵူၺ်းၵႃႈၶဝ်ယင်းဢမ်ႇထွမ်ႇဢမ်ႇဢဝ်ၵႂၢမ်းၵဝ်။ယင်းဢမ်ႇဝၢႆႇႁူႁႄႈႁူၸူးလႄႈႁႂ်ႈၶေႃးၶဝ်ၵႅၼ်ႇၶႅင်သေလႄႈ ဢွၼ်ၵၼ်ႁဵတ်းႁုၵ်းႁဵတ်းႁၢႆႉလိူဝ်တွၼ်းၼႃႇသေ ပူႇၶဝ်မွၼ်ႇၶဝ်ၸိူဝ်းၼၼ်ႉဢေႃႈ။
၂၇ ပိၵ်ႉသမ်ႉမႂ်းဢဝ်ၵႂၢမ်းတင်းသဵင်ႈတင်းလူင်ၸိူဝ်းၼႆႉ လၢတ်ႈတီႈၶဝ်သေၵေႃႈၶဝ်ဢမ်ႇထွမ်ႇဢမ်ႇငိၼ်း။ ပိၵ်ႉသမ်ႉမႂ်းႁွင်ႉသေၵေႃႈၶဝ် ဢမ်ႇဢိူဝ်ႈ။
၂၈ ပိူဝ်ႈၼႆၸင်ႇမႂ်းတၵ်းလႆႈလၢတ်ႈတီႈၶဝ်လႄႈဝႃႈ၊-ၵူၼ်းမဵဝ်းၼႆႉပဵၼ်မဵဝ်းဢၼ်ဢမ်ႇထွမ်ႇဢမ်ႇဢဝ်ၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈၶဝ်၊ မဵဝ်းဢၼ်ဢမ်ႇၶၢမ်ႇဢဝ်တၢင်းဢၼ်သင်ႇသွၼ်သုင်းမႃႉ၊ မဵဝ်းဢၼ်သႅတ်ႉၸႃႇလူႉလႅဝ်ႁၢႆလၢႆ၊မဵဝ်းဢၼ်သႅတ်ႉၸႃႇလႆႈၶၢမ်ႇတၢင်းဢၼ်ပႄႇပႅတ်ႈသေ ၵႃႈတီႈသူပ်းၶဝ်ဢေႃႈ၊ဝႃႈၼင်ႇၼႆဢေႃႈ။
၂၉ ထႃၶူၼ်ႁူဝ်မႂ်းသေလႄႈထႅမ်ႈပႅတ်ႈတႃႉ။ႁဵတ်းတၢင်းဢၼ်ၶၢင်းၶီၶၢင်းၽၢၼ်ယူႇၵႃႈၼိူဝ်တီႈဢၼ်သုင်တင်းလၢႆတႃႉ။ လွင်ႈမၼ်းၸမ်း ထႃႇဝရႃႉၽြႃးထဵင်ပႅတ်ႈၸုၼ်ႉပႅတ်ႈၵူၼ်းမဵဝ်းဢၼ်တၢင်းၸႂ်မႆႈၶႆႈၸႃႉမၼ်းၸဝ်ႈ တူၵ်းႁွတ်ႈၼၼ်ႉယဝ်ႉ။
ဝဵင်းဢၼ်လႆႈၶၢမ်ႇတၢႆ
၃၀ ထႃႇဝရႃႉၽြႃးမီးဢမိင်ႉၸမ်း၊-ၵူၼ်းမဵဝ်းယုတတင်းလၢႆဢွၼ်ၵၼ်ႁဵတ်းလွင်ႈတၢင်းဢၼ်ႁၢႆႉယုတ်ႈသိုဝ်ႈၼႃႈတႂ်ႈတႃၵဝ်ယဝ်ႉ။ ၶဝ်ဢွၼ်ၵၼ်ဢဝ်လွင်ႈတၢင်းဢၼ်လီႁင်ႈ ဢဵတ်ႇသဵတ်ႇၶဝ်သႂၢင်းသႂ်ႇဝႆႉၵႃႈၼႂ်းႁိူၼ်းၸဝ်ႈဢၼ်လႆႈၶၢမ်ႇတၢင်းဢၼ် ႁွင်ႉႁိၵ်ႈလူၺ်ႈၼႃႇမႃႉ ၸိုဝ်သဵင်ၵဝ်ၼၼ်ႉႁႂ်ႈၵူဝ်ႈၵိူၵ်ႇယဝ်ႉ။
၃၁ ၶဝ်ဢွၼ်ၵၼ်တႄႇႁဵတ်းထႃႇၼႃႉတီႈသုင်တေႃႇၽိတ်ႉ ဢၼ်မီးၵႃႈၼႂ်းၶူင်ႈႁူၺ်ႈလုၵ်ႈၸၢႆးႁိၼ်ႇၼုမ်ႇ ၼၼ်ႉႁႂ်ႈလႆႈဢဝ်လုၵ်ႈၸၢႆးလုၵ်ႈယိင်းၶဝ်တုတ်ႇၽႆး၊ ဢၼ်ပဵၼ်လွင်ႈတၢင်းဢၼ်ၵဝ်ဢမ်ႇသင်ႇလၢတ်ႈဝႆႉ၊ ဢၼ်ႁူဝ်ၸႂ်ၵဝ်ဢမ်ႇ ၵျၢမ်ပွင်လႃးလႃးၼၼ်ႉယဝ်ႉ။
၃၂ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-ၶိင်ႇၵႃႇလႃႉမိူဝ်ႉဝၼ်းဢၼ်ဢမ်ႇလႆႈႁွင်ႉႁိၵ်ႈၶူင်ႈႁူၺ်ႈၼၼ်ႉလႄႈ ဝႃႈၶူင်ႈႁူၺ်ႈ တေႃႇၽိတ်ႉ၊ ဢၼ်ဢမ်ႇလႆႈႁွင်ႉႁိၵ်ႈမၼ်းလႄႈဝႃႈၶူင်ႈႁူၺ်ႈလုၵ်ႈၸၢႆးႁိၼ်ႇၼုမ်ႇ၊ ဢၼ်တၵ်းလႆႈႁွင်ႉႁိၵ်ႈမၼ်းလႄႈဝႃႈ ၶူင်ႈႁူၺ်ႈဢၼ်ဢဝ်တၢႆဝႃႈၼင်ႇၼႆၼၼ်ႉတၵ်းႁွတ်ႈထိုင်ဢေႃႈ။ၶဝ်တၵ်းဢွၼ်ၵၼ်ဢဝ်သၢင်းၵျူဝ်ႇၵႃၼႂ်းတီႈတေႃႇၽိတ်ႉ ၼၼ်ႉတေႃႇထိုင်ႁွတ်ႈထၼ်ႈပေႃး ဢမ်ႇမီးလိၼ်တီႈဢၼ်လွတ်ႈဢၼ်ပဝ်ႇ ဢေႃႈ။
၃၃ တူဝ်တၢႆၵူၼ်းမဵဝ်းၼႆႉၸိူဝ်းၼၼ်ႉတၵ်းပဵၼ်တၢင်းၵိၼ်တၢင်းၶူပ်းပုၼ်ႈၼူၵ်ႉၵၢင်ႁၢဝ်တင်းလၢႆ ဢိၵ်ႇတင်းတူဝ်ထိူၼ်ႇႁၢႆႉတင်းလၢႆဢေႃႈ။ၽူႈ လႂ်သေၵေႃႉသေ ၵူၼ်းဢမ်ႇလႆႈႁေႃႈၶဝ်ပႅတ်ႈ။
၃၄ မိူဝ်ႈၼၼ်ႉၵဝ်တၵ်းႁႂ်ႈသဵင်ဢၼ်ၸူမ်းသိူဝ်း၊ သဵင်ဢၼ်သႂၢင်ႇသႂ်၊သဵင်ဢၼ်သွင်ႇမင်ႇၵလႃႇၵူၼ်းၸၢႆး၊ သဵင်ဢၼ်သွင်ႇမင်ႇၵလႃႇၵူၼ်းယိင်းၶဝ်ၸိူဝ်းၼၼ်ႉထၢတ်ႇယဵၼ်ၵႂႃႇသေ ၵႃႈတီႈဝဵင်းယုတ တင်းလၢႆဢိၵ်ႇတင်း သဵၼ်ႈတၢင်းဝဵင်းယေႇရုသလႅမ်ႇၸိူဝ်းၼၼ်ႉလႄႈ မိူင်းၸဝ်ႈတၵ်းပဵၼ်တီႈဢၼ်ပဝ်ႇဢၼ်လၢပ်ႈၵႂႃႇဢေႃႈ၊ဝႃႈၼင်ႇၼႆဢေႃႈ။