၂
ယေႇရမိတၢင်ႇဢပျႅတ်ႈယုတ
၁ လၢႆးသမ်ႉ ၼုၵ်ႈၵပၢတ်ႈထႃႇဝရႃႉၽြႃးႁွတ်ႈမႃးတီႈၵဝ်လႄႈမီးဢမိင်ႉဝႃႈ၊-မႂ်းၵႂႃႇလႄႈႁွင်ႉပၢဝ်ႇႁွင်ႉသေႃႇတီႈ ႁူၵူၼ်းဝဵင်းယေႇရုသလႅမ်ႇတင်းလၢႆလႄႈဝႃႈ၊-ထႃႇဝရႃႉၽြႃးမီးဢမိင်ႉၸမ်း၊-
၂ ၵဝ်ၶုၵ်းၸႂ်လႆႈၶႆႈၸႂ်ထူပ်းၵျေးၸူးဢၼ်မႂ်းလႆႈၶၢမ်ႇဢဝ် ၼႂ်းမိူဝ်ႈဢၼ်ဢသၢၵ်ႈဢရွႆႇမႂ်းလဵၵ်ႉၼၼ်ႉဢၼ်ဝႃႈ တၢင်းႁၵ်ႉမႅတ်ႈတႃႇဢၼ်သဵၼ်ႈၽႃႁွမ်းလူၺ်ႈၵၼ်တင်း တၢင်းဢၼ်မႆႉၵၢၼ်ႉဝႆႉ ဢိၵ်ႇတင်းတၢင်းဢၼ်မႂ်းၸွမ်းလင်ၵဝ်ၵႃႈၼႂ်း ထိူၼ်ႇ တီႈဢၼ်ဢမ်ႇဝၢၼ်ႇၸိူဝ်ႉဝၢၼ်ႇၽၼ်းၼၼ်ႉဢေႃႈ။
၃ မိူဝ်ႈၼၼ်ႉမဵဝ်းဢိသရေႇလ ပဵၼ်ဢၼ်မူတ်းၸၢင်ႇပုၼ်ႈထႃႇဝရႃႉၽြႃးလႄႈ ပဵၼ်မၢၵ်ႇဢၼ်မၢၵ်ႇဢွၼ်တၢင်း ပုၼ်ႈတၢင်းဢၼ်ပဵၼ်တိုၼ်းပဵၼ်ႁွၼ်းၸဝ်ႈဢေႃႈ။ၶဝ်ၸိူဝ်းဢၼ်ႁိမ်ဢဝ်မၼ်းၼၼ်ႉတၵ်းမီးဢပျႅတ်ႈလႄႈ ၽေးဢူးပၢတ်ႈတၵ်းႁွတ်ႈထိုင်ၵႃႈၼိူဝ်ၶဝ်ၼၼ်ႉဢေႃႈ၊ ဝႃႈၼင်ၼႆထႃႇဝရႃႉၽြႃးမီးဢမိင်ႉဢေႃႈ။
၄ မဵဝ်းယႃႇၵုပ်ႉဢိူၺ်း။ၸိူဝ်ႉၶိူဝ်းမဵဝ်းဢိသရေႇလတင်းသဵင်ႈတင်းလူင်ၶဝ်ဢိူၺ်း။ဢွၼ်ၵၼ်ထွမ်ႇငိၼ်းၼုၵ်ႉၵပၢတ်ႈ ထႃႇဝရႃႉၽြႃးတႃႉ။
၅ ထႃႇဝရႃႉၽြႃးမီးဢမိင်ႉၸမ်း၊-သူဢွၼ်ၵၼ် ထူပ်းႁၼ်ဢပျႅတ်ႈၸိူဝ်ႉၼင်ႇႁိုဝ်တီႈၵဝ်ႁႂ်ႈၶဝ်လႆႈဢွၵ်ႇသေၵႃႈတီႈၵဝ်ၵႂႃႇၵႆၵႆလႄႈ ၸွမ်းသဵၼ်ႈတၢင်းဢၼတ်ႉတႃႉယူႇသေလႄႈ ပဵၼ်ဢၼတ်ႉတႃႉ လွၼ်ႉလွၼ်ႉၸႅတ်ႈၸဵတ်ႈၼၼ်ႉ။
၆ ၶဝ်ၼၼ်ႉဢမ်ႇထၢမ်လႄႈဝႃႈ၊- ထႃႇဝရႃႉၽြႃးဢၼ်ၼုၵ်ႈဢဝ်ႁဝ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတုလႄႈ ဢဝ်ႁဝ်းသူင်ႇၵႃႈၼႂ်းထိူၼ်ႇဢၼ်ဝႃႈ မိူင်းဢၼ်ပဵၼ်ဢၼ်ပဝ်ႇဢၼ်လၢပ်ႈဝႆႉလႄႈ ပဵၼ်ၶုမ်လိၼ်လုၵ်းလိၼ်မိူင်းဢၼ်ႁႅင်ႈႁွင်ဝႆႉလႄႈ ႁူမ်ႈတၢင်းတၢႆႁူမ်ႇသုမ်ႇဝႆႉ၊မိူင်းဢၼ်ဢမ်ႇမီးၵေႃႉ ဢၼ်ၵႂႃႇတၢင်းပႆတၢင်းဢိၵ်ႇတင်း
၇ ၵေႃႉဢၼ်တူၵ်းတီႈတူၵ်းလႅၼ်ၼၼ်ႉမီးၵႃႈ လႂ်၊ ဝႃႈၼင်ႇၼႆၼၼ်ႉၵဝ်ဢဝ်သူ သႂၢင်းၶဝ်ႈၵႃႈၼႂ်းမိူင်းဢၼ်တဵမ်ဝႆႉတင်းၵူႈၸိူဝ်ႉၵူႈပိူင်ႁႂ်ႈသူၵိၼ်မၢၵ်ႇမၼ်းႁူင်းမၼ်း ၵွၼ်ႈၶႆၵွၼ်ႈမၼ်းဢေႃႈ။
ၵူၺ်းၵႃႈမိူဝ်ႈဢၼ်သူၶဝ်ႈၸၢမ်ႇၸႃးၼၼ်ႉၸိုင်သူႁႂ်ႈမိူင်းၵဝ်ၵူဝ်ႈၵိူၵ်ႇလႄႈ ႁႂ်ႈဢမူၺ်ႇၵဝ်ပဵၼ်တီႈလီ ႁင်ႈဢဵတ်ႇသဵတ်ႇလူင်ပေႇ။
၈ ယိတ်ႉပရေႃးႁိၵ်ႈတင်းလၢႆဢမ်ႇဢွၼ်ၵၼ်ထၢမ်ဝႃႈ၊- ထႃႇဝရႃႉၽြႃးမီးၵႃႈ လႂ်၊ဝႃႈၼင်ႇၼႆ။ၶဝ်ၸိူဝ်းဢၼ်ၸၢင်ႊမေႃတြႃးၵဝ်ၼၼ်ႉဢမ်ႇႁူႉၸၵ်းၵဝ်။ ၶဝ်ၸိူဝ်းဢၼ်လူထိင်းလုမ်းလႃးၼၼ်ႉဢွၼ်ၵၼ်ၽိတ်းပိူင်ႈၵဝ်ဢေႃႈ။ ပရေႃးၽႅတ်ႈတင်းလၢႆဢွၼ်ၵၼ်ဢိင်ပိုင်ႈၽြႃးပႃႇလ ယူႇသေလႄႈႁေႃးလၢတ်ႈလႄႈ ႁဵတ်းၸွမ်းလွင်ႈတၢင်းဢၼ်ဢမ်ႇ မီးၵျေးၸူးၸိူဝ်းၼၼ်ႉဢေႃႈ။
၉ ပိူဝ်ႈၼႆလႄႈၵဝ်တၵ်းထူပ်းတြႃးၵၼ်တင်းသူလႄႈ လုၵ်ႈသူလၢင်းသူၵေႃႈၵဝ်တၵ်းထူပ်းတြႃးၵၼ်တင်းၶဝ်ဢေႃႈ၊ ဝႃႈၼင်ႇၼႆ ထႃႇဝရႃႉၽြႃးမီးဢမိင်ႉဢေႃႈ။
၁၀ ဢွၼ်ၵၼ်ၶၢမ်ႈၵႂႃႇၸူးၵႃႈတီႈၵူၼ်းမဵဝ်းၶိတ်ႉတိမ်ႇၸိူဝ်းၼၼ်ႉလႄႈ လူတူၺ်းတႃႉ။ဢွၼ်ၵၼ်ပွႆႇၸႂ်ႉၵႂႃႇၸူးၵႃႈတီႈမိူင်းၵေႇတႃႇလႄႈၶႆႈၸႂ်ဝူၼ်ႉၸႂ်လီလီငၢမ်းငၢမ်းသေလႄႈ တူၺ်းလွင်ႈဢၼ်ယၢမ်ႈပဵၼ်ၸိူဝ်ႉၼင်ႇၼႆႁိုဝ် ဢၼ်ဝႃႈၼၼ်ႉတႃႉ။
၁၁ ၵူၼ်းတၢင်ႇၸိူဝ်ႉတၢင်ႇမဵဝ်းသေမဵဝ်းမဵဝ်း ယၢမ်ႈၶၢႆႉပုတ်ႈလႅၵ်ႈလၢႆႈပႅတ်ႈသေၽြႃးၶဝ်ဢၼ်ဢမ်ႇၸႂ်ႈၽြႃးၼၼ်ႉႁိုဝ်။
၁၂ ၵူၼ်းၵဝ်တင်းလၢႆၸမ်းဢဝ်မုၼ်ၽုင်းၶဝ်လႅၵ်ႈလၢႆႈၵၼ်တင်း တၢင်းဢၼ်ဢမ်ႇႁဵတ်းၵျေးၸူးလႆႈ ၼၼ်ႉယဝ်ႉလူင်ပေႇ။ထႃႇဝရႃႉၽြႃးမီးဢမိင်ႉဝႃႈ၊-ၾႃႉၵၢင်ႁၢဝ်ၶဝ်ဢိူၺ်း။ဢွၼ်ၵၼ်မိင်းမဝ်းလူၺ်ႈလွင်ႈတၢင်းၼႆႉတႃႉ။ဢွၼ်ၵၼ်တုမ်ႇၶူၼ်ၼိူဝ်ႉၶူၼ်ၶိင်းတႃႉ။
၁၃ ဢွၼ်ၵၼ်တူၵ်းၸႂ်ၵႂင်ၸႂ်ယုင်ႈၸႂ်တႃႉ။ ၵူၼ်းၵဝ်တင်းလၢႆဢွၼ်ၵၼ်ႁဵတ်းတုၸရိူၵ်ႈသွင်ပႃးဢၼ်ဝႃႈ တၢင်းဢၼ်ၶဝ်ၸုၼ်ႉပႅတ်ႈၵဝ် ဢၼ်ပဵၼ် ၼမ်ႉဢွၵ်ႇႁူးဢသၢၵ်ႈဢိၵ်ႇတင်း တၢင်းဢၼ်ၶဝ်ၶုတ်းဢိူင်ႇၼမ်ႉဢၼ်ၵႃႈဢိူင်ႇၼမ်ႉဢၼ်လူႉဢၼ်ပင်း ဢၼ်ၼမ်ႉဢမ်ႇလုင်ႇလီတၼ်လီၼၼ်ႉယဝ်ႉ။
၁၄ ဢိသရေႇလၼၼ်ႉပဵၼ်ၶႃႈႁိုဝ်။ပဵၼ်လုၵ်ႈၸၢႆးဢၼ်ၶႃႈၵိူတ်ႇလဵင်ႉမႃးႁိုဝ်။ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမၼ်းလႆႈၶၢမ်ႇတၢင်းဢၼ်ႁိမ်ဢဝ်ႁူင်ႇဢဝ်ၼင်ႁိုဝ်။
၁၅ သၢင်ႇသီႈၼုမ်ႇ တၵ်းလႆႈဢွၼ်ၵၼ်ႁဝ်ႇၸူးမၼ်းလႄႈႁွင်ႉၸူးၶၢင်းၸူးယဝ်ႉ။ၶဝ်ဢွၼ်ၵၼ်ႁႂ်ႈမိူင်းမၼ်းပဵၼ်ဢၼ်သိတ်ႇဢၼ်ယဵၼ်ၵႂႃႇယဝ်ႉ။ဝဵင်းမၼ်းတင်းလၢႆလႆႈၶၢမ်ႇတၢင်းဢၼ်ၽႆးမႆႈလႄႈ ၽူႈ လႂ်ဢမ်ႇယူႇသေၵေႃႉသေ ၵူၼ်း။
၁၆ ၵူၼ်းဝဵင်းၼေႃႇၽဢိၵ်ႇတင်းၵူၼ်းဝဵင်း တႃႇပၼိတ်ႉၸိူဝ်းၼၼ်ႉဢွၼ်ၵၼ်ၵိၼ်ၸိၵ်းႁူဝ်မႂ်းယဝ်ႉ။
၁၇ မႂ်းလႆႈ လွင်ႈတၢင်းၼႆႉပုၼ်ႈမႂ်း ၵွပ်ႈပိူဝ်ႈဢၼ်မႂ်းၸုၼ်ႉပႅတ်ႈထႃႇဝရႃႉၽြႃးၽြႃးပဵၼ်ၸဝ်ႈမႂ်း ဢၼ်ဢဝ်မႂ်းသူင်ႇ ၸွမ်းတႃႈၸွမ်းတၢင်းၼၼ်ႉ ဢမ်ႇၸႂ်ႈႁိုဝ်။
၁၈ မိူဝ်ႈလဵဝ်ၼႆႉၸမ်းမႂ်းႁဵၼ်းၵႃႈသင်ယူႇၵႃႈၼႂ်းသဵၼ်ႈတၢင်း ဢေႇၵႅပ်ႉတုႁႂ်ႈလႆႈၵိၼ်ၼမ်ႉႁွင်ႊႁႃႇရၼၼ်ႉ။မႂ်းႁဵတ်းၵႃႈသင်ယူႇၵႃႈၼႂ်းသဵၼ်ႈတၢင်း ဢႃႇသုရိ ႁႂ်ႈလႆႈၵိၼ်ၼမ်ႉႁွင်ႊ ဢုၽရတ်ႉၼၼ်ႉ။
၁၉ တုၸရိူၵ်ႈမႂ်းတၵ်းသင်ႇသွၼ်သုင်းမႃႉမႂ်းလႄႈ တၢင်းဢၼ်မႂ်းၽွၵ်ႈပျၢၼ်ႇၶိုၼ်းၼၼ်ႉတၵ်းပၼ်ဢပျႅတ်ႈတီႈမႂ်းဢေႃႈ။ ပိူဝ်ႈၼႆလႄႈႁူႉႁၼ်လွင်ႈဢၼ်ဢမူႉဢၼ်ၸုၼ်ႉပႅတ်ႈ ထႃႇဝရႃႉၽြႃးၽြႃးပဵၼ်ၸဝ်ႈမႂ်း၊ ဢမူႉဢၼ်ယင်းဢမ်ႇၵူဝ်ဢမ်ႇႁႄၵဝ်ၼၼ်ႉပဵၼ်ဢမူႉဢၼ်ဢမ်ႇလီ၊ဢမူႉဢၼ်ၶူမ်ၼၼ်ႉတႃႉ၊ ဝႃႈၼင်ႇၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၂၀ မိူဝ်ႈၵွၼ်ႇဢွၼ်ၼႆႉၼၼ်ႉ မႂ်းႁၵ်းၵၢၼ်းဢၼ်မႂ်းလႆႈႁၢပ်ႇၼၼ်ႉပႅတ်ႈလႄႈ ထွတ်ႇတၢင်းဢၼ်မတ်ႉဢၼ်ၽုၵ်ႇမႂ်းဝႆႉၼၼ်ႉပႅတ်ႈသေလႄႈလၢတ်ႈဝႃႈ၊- ၵဝ်ၶႃႈယင်းဢမ်ႇၽိတ်းဢမ်ႇပိူင်ႈလႄႈတၵ်းယူႇၶႃႈဢေႃႈ၊ ဝႃႈၼင်ႇၼႆယဝ်ႉသေၵေႃႈ ၶျႃးဝၢင်းတူဝ်ၸဝ်ႈၵဝ်ႇၵႃႈၼိူဝ်လွႆဢၼ်သုင်ၵႃႈမီး ဢိၵ်ႇတင်းၵႃႈတႂ်ႈတူၼ်ႈမႆႉဢၼ် ၶဵဝ်ၵႃႈမီးသေလႄႈႁဵတ်းမေႈမွၵ်ႇယႃႈဢေႃႈ။
၂၁ ပိၵ်ႉသမ်ႉၵဝ်ၽုၵ်ႇသွမ်ႈမႂ်း ဢၼ်ပဵၼ်မဵဝ်းတူၼ်ႈၶိူဝ်းမၢၵ်ႇၸပိတ်ႉဢၼ်လီၼႃႇသေပိူၼ်ႈၸႅတ်ႈၸႅတ်ႈသေၵေႃႈ မႂ်းၽွၵ်ႈပျၢၼ်ႇၶိုၼ်းလႄႈ ပဵၼ်တူၼ်ႈၶိူဝ်းမၢၵ်ႇၸပိတ်ႉဢၼ် ယုတ်ႈဢၼ်ဢမ်ႇၸႅတ်ႈၼၼ်ႉတီႈၵဝ်လူင်ပေႇ။
၂၂ ပိၵ်ႉသမ်ႉမႂ်းဢဝ်ၼမ်ႉလၢင်ႉသုၵ်ႈသီဢၢပ်ႇၼမ်ႉလႄႈ သုင်းသွင်ႇသပ်ႉပျႃႇၼမ်ၼႃႇသေၵေႃႈ ဢပျႅတ်ႈမႂ်းထၢင်ႇသႃးယူႇၵႃႈတီႈၽၢႆႇၼႃႈၵဝ်ဢေႃႈ၊ဝႃႈၼင်ႇၼႆထႃႇဝရႃႉ ၽြႃး မီးဢမိင်ႉဢေႃႈ။
၂၃ မႂ်းလၢတ်ႈလႄႈဝႃႈ၊-ၵဝ်ဢမ်ႇမီးတၢင်းဢၼ်ၵူဝ်ႈၵိူၵ်ႇ။ဢမ်ႇၸွမ်းလင်ၽြႃးပႃႇလ တင်းလၢႆဝႃႈၼင်ႇၼႆလႆႈၸိူဝ်ႉၼင်ႇႁိုဝ်။လူတူၺ်းသဵၼ်ႈတၢင်းဢၼ်မႂ်းၸွမ်းၵႂႃႇၼႂ်းၶူင်ႈႁူၺ်ႈၼၼ်ႉလႄႈ ႁပ်ႉတုင်းဢဝ်လွင်ႈတၢင်းဢၼ်မႂ်းႁဵတ်းၼၼ်ႉတႃႉ။မႂ်းပဵၼ်ၵလႃႇဢုၵ်ႉမေႈ ဢၼ်ၸၢင်ႊၶုၼ်ႇလႅၼ်ႈ ၶၼ်ၶၼ်ၽႂ်းၽႂ်း လႄႈ လႄႇလၢဝ်းၵႂႃႇမႃးယူႇၼၼ်ႉလူင်ပေႇ။
၂၄ ပဵၼ်လီႈမေႈဢၼ်ႁႄရိူင်း ဢၼ်ၸၢင်ႊယူႇၵႃႈၼႂ်းထိူၼ်ႇၼႂ်းၶိူဝ်းလႄး ပႃးတင်းၸႂ်ၵီႉလေႇသႃႇရႃႇၵႃႉသုတ်ႇၼူမ်လူမ်းယူႇၼၼ်ႉလူင်ပေႇ။ယၢမ်းမိူဝ်ႈဢၼ်မၼ်းႁွတ်ႈထိုင်ၶိင်ႇမၼ်းၶႃႇမၼ်းၼၼ်ႉ ၽူႈ လႂ်ႁၢမ်ႈတပ်ႉႁႄႉၶႅၼ်မၼ်းလႆႈ။ၶဝ်ၵႃႈဢၼ်ႁႃမၼ်းၼၼ်ႉတၵ်းဢမ်ႇႁႂ်ႈတူဝ်ၸဝ်ႈၵဝ်ႇလႆႈယၢပ်ႇၸႂ်ၽိုတ်ႇၸႂ်။မိူဝ်ႈဢၼ်ႁွတ်ႈထိုင်လိူၼ်မၼ်းယဝ်ႉၼၼ်ႉ ၶဝ်တၵ်းထူပ်းႁၼ်မၼ်းဢေႃႈ။
၂၅ ယႃႇပေႁႂ်ႈတိၼ်မႂ်းၵၢင်းလွတ်ႈတင်းသွၵ်းတိၼ်။ႁႂ်ႈၵူင်ၶေႃးမႂ်း ၵၢင်းလွတ်ႈတင်းတၢင်းဢၼ်ယၢၵ်ႇၼမ်ႉတႃႉ။ၵူၺ်းၵႃႈမႂ်းလၢတ်ႈလၢတ်ႈဝႃႈ၊-ဢမ်ႇမီးတၢင်းဢၼ်မုင်ႈထႃႈမွင်းထႃႈ။ဢမ်ႇမီးလႃးလႃး။ၵဝ်လႆႈႁၵ်ႉပိူၼ်ႈယဝ်ႉလႄႈ တၵ်းလႆႈၸွမ်းလင်ၶဝ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။
၂၆ ၸိူဝ်ႉၼင်ႇဢၼ် ၽူႈလၵ်ႉဢၼ်လႆႈၶၢမ်ႇတီႉလႆႈယဝ်ႉၼၼ်ႉလႆႈဢူၵ်းဢၢႆၼၼ်ႉ ၵူၼ်းမဵဝ်းဢိသရေႇလ တင်းလၢႆဢိၵ်ႇလူၺ်ႈၵၼ်တင်းၶုၼ်ႁေႃၶမ်းၶဝ်၊ ၶုၼ်ၶဝ်၊ယဵတ်ႉပရေႃးႁိၵ်ႈၶဝ်၊ ပရေႃးၽႅတ်ႈၶဝ်ၸိူဝ်းၼၼ်ႉဢွၼ် ၵၼ်မီးတၢင်းဢၼ်ဢူၵ်းဢၢႆဢေႃႈ။
၂၇ ၶဝ်ဢွၼ်ၵၼ်လဝ်ႈလၢတ်ႈတီႈတုမ်ႈမႆႉလႄႈဝႃႈ၊-ၸဝ်ႈႁဝ်းပဵၼ်ပေႃႈၵဝ်ၶႃႈတီႈၶႃႈဢေႃႈ၊ ဝႃႈၼင်ႇၼႆလႄႈလဝ်ႈလၢတ်ႈတီႈမၢၵ်ႇႁိၼ်ၵွၼ်ႈႁိၼ်လႄႈဝႃႈ၊-ၸဝ်ႈႁဝ်းၵိူတ်ႇလဵင်ႉၶႃႈၸဝ်ႈမႃးတီႈၶႃႈယဝ်ႉ၊ဝႃႈၼင်ႇၼႆလႄႈ ဢမ်ႇဝၢႆႇၼႃႈဝၢႆႇတႃၸူးတီႈၵဝ်။ ဢွၼ်ၵၼ်ၵွင်လင်တေႃႇၵဝ်ဢမၢၼ်ႇၶၢၼ်ပဵၼ်ဢေႃႈ။ၵူၺ်းၵႃႈမိူဝ်ႈဢၼ်ဢမူႉႁွတ်ႈထိုင်တီႈၶဝ်ၼၼ်ႉၶဝ်ၸင်ႇဢွၼ်ၵၼ်လဝ်ႈလၢတ်ႈလႄႈဝႃႈ၊- ၶႅၼ်းတေႃႈလုၵ်ႉသေၵမ်းတီႈၶႃႈ။ ၶႅၼ်းတေႃႈ ၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်သေၵမ်း တီႈၶႃႈ၊ဝႃႈၼင်ႇၼႆဢေႃႈ။
၂၈ ၽြႃးဢၼ်မႂ်းႁဵတ်းပုၼ်ႈမႂ်းၸိူဝ်းၼၼ်ႉမီးၵႃႈ လႂ်။ပေႃးၶဝ်ၼၼ်ႉတတ်ႈၼိုင်ႇႁႂ်ႈလႆႈၵႄႇသႄႇၶျွတ်ႈဢဝ်မႂ်း ၼႂ်းမိူဝ်ႈဢၼ်ဢမူႉမႂ်းႁွတ်ႈထိုင်ၼၼ်ႉၸိုင်ႁႂ်ႈၶဝ်ဢွၼ်ၵၼ်လုၵ်ႉမႃးသေၵမ်း။မိူင်းယုတဢိူၺ်း။ၸိူဝ်ႉၼင်ဢၼ်မႂ်းမီးဝဵင်းၼမ်ၼႃႇၼၼ်ႉမႂ်းမီး ၽြႃးၼမ်ၼႃႇလူင်ပေႇ။
၂၉ ထႃႇဝရႃႉၽြႃးမီးဢမိင်ႉၸမ်းသူမီးဢလူဝ်ႇၶႂ်ႈလႆႈဢၵျူဝ်းၵႃႈသင်လႄႈ ဢွၼ်ၵၼ်ထူပ်းတြႃးၵၼ်တင်းၵဝ်။သူၵႃႈမီးဢွၼ်ၵၼ်ၽိတ်းပိူင်ႈ ၵဝ်ယဝ်ႉ။
၃၀ ၵဝ်ပၼ်တၢမ်ႇတီႈလုၵ်ႈသူလၢင်းသူၸိူဝ်းၼၼ်ႉသေၵေႃႈပဵၼ်လၢႆလၢႆလွၵ်ႇလွၵ်ႇယဝ်ႉ။ၶဝ်ၼၼ်ႉဢမ်ႇဢွၼ်ၵမ်ၶၢမ်ႇတၢင်းဢၼ်သင်ႇသွၼ်သုင်းမႃႉ။လၢပ်ႇသူလႅဝ်းသူၼၼ်ႉ ၸၢင်ႊယႃႉၽဵဝ်ႈပရေႃးၽိတ်ႈသူတင်းလၢႆပႅတ်ႈမိူၼ်ၸိူဝ်ႉၼင်ႇသၢင်ႇသီႈ ဢၼ်ၸၢင်ႊႁိမ်ဢဝ်ယႃႉပႅတ်ႈယဝ်ႉၼၼ်ႉဢေႃႈ။
၃၁ သိုပ်ႇၵူၼ်းဢၼ်မီးယူႇတေႃႈလဵဝ်ႈၼႆႉၶဝ်ဢိူၺ်း။ဢွၼ်ၵၼ်ၶႆႈၸႂ်ဝူၼ်ႉၸႂ်လူၺ်ႈဢမိင်ႉထႃႇဝရႃႉၽြႃးတႃႉ။ၵဝ်ယၢမ်ႈတွၼ်ႉပဵၼ်ၸိူဝ်ႉၼင်ႇထိူၼ်ႇၼင်ႇၶိူဝ်း ဢိၵ်ႇတင်းၸိူဝ်ႉၼင်ႇ မိူင်းဢၼ်လပ်းသိင်ႇလပ်းငုမ်းၼၼ်ႉ တီႈမဵဝ်းဢိသရေႇလႁိုဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵူၼ်းၵဝ်တင်းလၢႆဢွၼ်ၵၼ်လၢတ်ႈလႄႈဝႃႈ၊-ႁဝ်းတၵ်းလႄႇၵႂႃႇၵူႈတီႈၵူႈလႅၼ်ဢေႃႈ။ ၵမ်းလိုၼ်းႁဝ်းတၵ်းဢမ်ႇသုတ်ႉၸပ်းသုတ်ႉၸူးတီႈၸဝ်ႈႁဝ်းၵူၺ်း၊ ဝႃႈၼင်ႇၼႆ ၼင်ႇႁိုဝ်။
၃၂ ၽူႈသၢဝ်လူင်လိုမ်းၶိူင်ႈဢၼ်ႁၢင်ႈသႂ်ႇတီႈတူဝ်မၼ်းလၢႆႈႁိုဝ်။ လုၵ်ႈယိင်းဢၼ်သွင်ႇမင်ႇၵလႃႇၼၼ်ႉလူင်လိုမ်းသၢႆဢႅတ်မၼ်းလႆႈႁိုဝ်။ၼႂ်းဝႃႈၼၼ်သေၵေႃႈၵူၼ်းတင်းလၢႆ ဢွၼ်ၵၼ်လူင်လိုမ်းပႅတ်ႈၵဝ်မိူဝ်ႉဝၼ်းႁိုင်ၼႃႇလူင်လၢင်ထၼ်ႈပေႃး ဢမ်ႇၼပ်ႉဢမ်ႇ ဢၢၼ်ႇလႆႈယဝ်ႉ။
၃၃ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းပွင်ႁဵတ်းပွင်မႄးၽႃႇသႃႇသဵၼ်ႈတၢင်းသူႁႂ်ႈလႆႈႁႃဢဝ်ၸူႉ ၼင်ႇႁိုဝ်။
၃၄ ပိူဝ်ႈၼႆလႄႈမႂ်းဢဝ်သဵၼ်ႈတၢင်းမႂ်းၸိူဝ်းၼၼ်ႉသင်ႇသွၼ်ပၼ် တီႈမေႈယိင်း ဢၼ်ႁၢႆႉဢၼ်ယုတ်ႈၸိူဝ်းၼၼ်ႉယဝ်ႉလူင်ပေႇ။ၼွၵ်ႈသေၼၼ်ႉလိူတ်ႈၶဝ်ၸိူဝ်းဢၼ်ယၢၵ်ႈဢၼ်ၽၢၼ် ဢၼ်ဢမ်ႇမီးဢပျႅတ်ႈ ဢၼ်လႆႈၶၢမ်ႇ တၢင်းဢၼ်ထွၵ်ႇပႅတ်ႈၼၼ်ႉထၢင်ႇသႃးယူႇၵႃႈတီႈၸဵင်ႇၶူဝ်းၼုင်ႈမႂ်းဢေႃႈ။ၵဝ်ႁႃယၢပ်ႇၽိုတ်ႇၼႃႇလူင်လၢင်လႄႈထူပ်းဢမ်ႇၸႂ်ႈ။မီးဝႆႉ ယူႇၵႃႈတီႈၶူဝ်းၼုင်ႈမႂ်းဢေႃႈ။
၃၅ ၵူၺ်းၵႃႈမႂ်းလၢတ်ႈလႄႈဝႃႈ၊-ၵဝ်ဢမ်ႇမီးဢပျႅတ်ႈလႄႈတၢင်းၸႂ်မႆႈၶႆႈၸႃႉမၼ်းၸဝ်ႈတၵ်းဝႄႈပိူင်ႈသေၵႃႈတီႈၵဝ်ၵႂႃႇဢေႃႈ၊ ဝႃႈၼင်ႇၼႆလူင်ပေႇ။ၵူၺ်းၵႃႈၵဝ်တၵ်းၸႅတ်ႈထၢမ်ၸီႇယၢင်ႇမႂ်းၵွပ်ႈပိူဝ်ႈဢၼ်မႂ်းလၢတ်ႈဝႃႈ၊-ၵဝ်ဢမ်ႇမီးဢပျႅတ်ႈဝႃႈ ၼင်ႇၼႆၼၼ်ႉဢေႃႈ။
၃၆ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းလႄႇသွတ်ႇသႅတ်ႇၵႂႃႇမႃးထၼ်ႇၼႆႉ ႁႂ်ႈလႆႈၶၢႆႉတီႈၵႂႃႇၼင်ႇႁိုဝ်။မႂ်းတၵ်းဢူၵ်းဢၢႆလူၺ်ႈမိူင်းဢေႇၵႅပ်ႉတုမိူၼ်ၸိူဝ်ႉၼင်ႇဢၼ်မႂ်းလႆႈဢူၵ်းဢၢႆလူၺ်ႈ မိူင်းဢႃႇသုရိ ယဝ်ႉၼၼ်ႉဢေႃႈ။
၃၇ မႂ်းတၵ်းလႆႈဢဝ်မိုဝ်းမႂ်းတၢင်ႇသႂ်ႇၵႃႈၼိူဝ်ႁူဝ်မႂ်းယူႇသေလႄႈ ဢွၵ်ႇသေၵႃႈတီႈမိူင်းၼၼ်ႉၵွႃႇဢမၢၼ်ႇၶၢၼ်ပဵၼ်ဢေႃႈ။လွင်ႈမၼ်းၸမ်း ထႃႇဝရႃႉၽြႃး ပႄႇလွင်ႈတၢင်းဢၼ်မႂ်းသွၼ်ႈပိုင်ႈၸိူဝ်းၼၼ်ႉပႅတ်ႈလႄႈ မႂ်းတၵ်းဢမ်ႇမီးဢၵျူဝ်းၼႂ်းလွင်ႈတၢင်းၸိူဝ်းၼၼ်ႉ။