၄၅
ၶေႃးၵႂၢမ်းထိုင်ပႃႇရုၵ်ႉ
၁ ၼုၵ်ႈၵပၢတ်ႈၸဝ်ႈဢၼ်ယေႇရမိ လႆႈသင်ႇလၢတ်ႈဝႆႉတီႈပႃႇရုၵ်ႉလုၵ်ႈၸၢႆးၼေႇရိ မိူဝ်ႈဢၼ်မၼ်းၼၼ်ႉတႅမ်ႈဢဝ်ၵႂၢမ်းၸိူဝ်းၼႆႉ ၸွမ်းၵႃႈၼင်ႇဢၼ်ယေႇရမိဝႃႈဢွၵ်ႇသူပ်းၼၼ်ႉတႅမ်ႈဝႆႉၼႂ်းၸူဝ်ႈပၢၼ် ယေႃႇယၵိမ်ႇလုၵ်ႈၸၢႆးယုဝ်ႇသိယၶုၼ်ႁေႃၶမ်းယုတ ၼၼ်ႉၸမ်း၊-ပႃႇရုၵ်ႉဢိူၺ်း။
၂ ထႃႇဝရႃႉၽြႃးၽြႃးပဵၼ်ၸဝ်ႈမဵဝ်း ဢိသရေႇလ မီးဢမိင်ႉလူၺ်ႈလွင်ႈမႂ်းလႄႈဝႃႈၸမ်း၊- မႂ်းလၢတ်ႈဝႃႈ ၵဝ်ၼႆႉမီးဢႃႉမင်ႇၵလႃႇဢေႃႈ။
၃ ထႃႇဝရႃႉၽြႃးဢဝ်လွင်ႈတၢင်းဢၼ်ၶီၸႂ်ၶူမ်ၸႂ် ထၢပ်ႈသႂ်ႇထႅင်ႈၵႃႈၼိူဝ်တၢင်းဢၼ်မႆႈၸႂ်ၵိၼ်းၸႂ်ၵဝ်လႄႈ ၵဝ်လႆႈပွင်ႉၶၢင်းပွင်ႉမိူၼ်ႇယူႇလႄႈႁိူဝ်ႉၸႂ်ဢူၼ်ႈၸႂ်ယူႇဢေႃႈ။ၵဝ်ဢမ်ႇလႆႈမီးတၢင်းဢၼ်သၢၵ်ႈသႃႇလႃးလႃး၊ ဝႃႈၼင်ႇၼႆလႄႈ မႂ်းတၵ်းလႆႈ သင်ႇလၢတ်ႈဝႆႉတီႈမၼ်းၼၼ်ႉလႄႈဝႃႈထႃႇဝရႃႉၽြႃးမီးဢမိင်ႉၸမ်း၊-
၄ ၵဝ်တၵ်းၵိူၼ်ႇယႃႉပႅတ်ႈလွင်ႈတၢင်းဢၼ်ၵဝ်တႄႇႁဵတ်းၼၼ်ႉဢေႃႈ။ၵဝ်တၵ်းထွတ်ႇထူၺ်ႈပႅတ်ႈ လွင်ႈတၢင်းဢၼ်ၵဝ်ၽုၵ်ႇသွမ်ႈ ဢၼ်ဝႃႈမိူင်းၼႆႉတင်းမိူင်းၼၼ်ႉဢေႃႈ။
၅ မႂ်းႁႃဢဝ်လွင်ႈတၢင်းဢၼ်ယႂ်ႇၼႃႇပုၼ်ႈမႂ်းႁိုဝ်။ ယႃႇပေႁႃ။လွင်ႈမၼ်းၸမ်း ၵဝ်တၵ်းႁႂ်ႈၽေးႁွတ်ႈထိုင်ၵႃႈၼိူဝ်သတ်ႉတဝႃႇတင်းသဵင်ႈတင်းလူင်ဢေႃႈ။ၼႂ်းဝႃႈၼၼ်သေၵေႃႈမႂ်းႁွတ်ႈထိုင်ၵႃႈတီႈ လႂ်ၵေႃႈ ၵဝ်တၵ်းႁႂ်ႈမႂ်းလွတ်ႈလူၺ်ႈဢသၢၵ်ႈမႂ်းဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။