၅၁
၁ ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းႁႂ်ႈလူမ်းဢၼ်ၸၢင်ႊယႃႉပႅတ်ႈၼၼ်ႉ လုၵ်ႉယူႇၽၢႆႇၼိုင်ႈတင်းဝဵင်း ပႃႇပုလုၼ်ႇ ဢိၵ်ႇတင်းၽၢႆႇၼိုင်ႈတင်းၶဝ်ၸိူဝ်းဢၼ ်ႁူမ်ႈပွင်းလူၺ်ႈၵၼ်တင်း ရၢၼ်ႇသူႇၵဝ် ၼၼ်ႉဢေႃႈ။
၂ ၵဝ်တၵ်းပွႆႇၸႂ်ႉၶဝ်ၸိူဝ်းဢၼ်ၸၢင်ႊဢဝ်လူင်ႈၽတ်းၽတ်းၼၼ်ႉ ၵႂႃႇၸူးၵႃႈတီႈဝဵင်း ပႃႇပုလုၼ်ႇ လႄႈၶဝ်ၼၼ်ႉတၵ်းဢွၼ်ၵၼ်ၽတ်းမိူင်းၼၼ်ႉတင်းမိူင်းႁႂ်ႈထၼ်ႈပေႃး ပဵၼ်ဢၼ်ပဝ်ႇမူတ်းၵႂႃႇဢေႃႈ။ၼႂ်းမိူဝ်ႉဝၼ်းဢၼ်ၽေးႁွတ်ႈထိုင်ၼၼ်ႉ ၶဝ်ၼၼ်ႉတၵ်းဢွၼ်ၵၼ်ႁဵတ်းရၢၼ်ႇသူႇယူႇ ၵႃႈတီႈႁိမ်းႁွမ်းလဵပ်ႈ ႁွပ်ႈမၼ်းဢေႃႈ။
၃ ဢွၼ်ၵၼ်ဝူတ်ႉၵၢင်ႇတၢင်ႇလႄႈယိုဝ်းၶဝ်ၸိူဝ်းဢၼ်ယိပ်းၵၢင်ႇ ၶဝ်ၸိူဝ်းဢၼ်ၼုင်ႈၶူဝ်းၼုင်ႈၶႅပ်းလဵၵ်းၸိူဝ်းၼၼ်ႉတႃႉ။ ယင်းဢမ်ႇသေလၢႆၵူၼ်းၼုမ်ႇၵူၼ်းၵမ်မၼ်း တင်းလၢႆလႄႈဢွၼ်ၵၼ်ယႃႉၽဵဝ်ႈမူႇၽုင်မုၵ်ႉၸိူဝ်းမၼ်းၵႃႈမီးၼၼ်ႉပႅတ်ႈ မူတ်းမူတ်းသဵင်ႈ သဵင်ႈတႃႉ။
၄ ၼင်ႇၼၼ်လႄႈၶဝ်ၼၼ်ႉတၵ်းလူမ်ႉတုၵ်းၵႃႈၼႂ်းမိူင်းၶႃႇလတေႇ လႄႈလႆႈၶၢမ်ႇတၢင်းဢၼ်တႅင်းသႂ်ႇၵႃႈၼႂ်း သဵၼ်ႈတၢင်းလူင်မၼ်းၸိူဝ်းၼၼ်ႉဢေႃႈ။
၅ ပိၵ်ႉသမ်ႉမိူင်းတီႈယူႇမဵဝ်းဢိသရေႇလ ဢိၵ်ႇတင်းမိူင်းတီႈယူႇမဵဝ်းယုတ ၼၼ်ႉ မီးတဵမ်ဝႆႉတင်းဢပျႅတ်ႈဢၼ်ၽိတ်းပိူင်ႈၽြႃးဢၼ်မူတ်းၸၢင်ႇ မဵဝ်းဢိသရေႇလၼၼ်ႉသေၵေႃႈ ၽြႃးပဵၼ်ၸဝ်ႈၶဝ်ၸဝ်ႈပူဝ်ႇပႃႇၵၢင် ႁၢဝ်ထႃႇဝရႃႉၽြႃးၼၼ်ႉဢမ်ႇၸုၼ်ႉပႅတ်ႈၶဝ်။
၆ ဢွၼ်ၵၼ်ဢွၵ်ႇပၢႆႈသေၵႃႈၼႂ်းဝဵင်းပႃႇပုလုၼ်ႇ လႄႈၵႄႇသႄႇၼုၵ်ႈဢဝ် ဢသၢၵ်ႈတူဝ်ၸဝ်ႈၵဝ်ႇ ႁင်းၽႂ်ႁင်းမၼ်းတႃႉ။ယႃႇပလေေႃးလေးလူၺ်ႈၵၼ်တင်းဢပျႅတ်ႈမၼ်းသေလႄႈၶၢမ်ႇတၢင်းဢၼ်သုမ်းဢၼ်ၸွမ်း။ၶိင်ႇၵႃႇ လႃႉၼႆႉၸမ်းပဵၼ်ၶိင်ႇၵႃႇလႃႉဢၼ်ထႃႇဝရႃႉၽြႃးပၼ်တၢမ်ႇ ႁႂ်ႈတၢင်းၸႂ်မႆႈၶႂ်ႈၸႃႉမၼ်းၸဝ်ႈပျေႇလႄႈမၼ်းၸဝ်ႈ တၵ်းတွပ်ႇတႅၼ်းပၼ်ၸွမ်းၼင်ႇဢၵျူဝ်း ဢပျႅတ်ႈဢေႃႈ။
၇ ဝဵင်းပႃႇပုလုၼ်ႇပဵၼ်ၵွၵ်းၶမ်းဢၼ်ထႃႇဝရႃႉၽြႃးယိပ်းၵမ်လႄႈ ႁႂ်ႈလိၼ်မိူင်းတင်းသဵင်ႈတင်းမူတ်းမဝ်းလဝ်ႈမဝ်းၵမ်ဢေႃႈ။ၵူၼ်းၵူႈၸိူဝ်ႉၵူႈမဵဝ်းဢွၼ်ၵၼ်သူတ်ႉၵိၼ်ၼမ်ႉၸပိတ်ႈ ဢၼ်ပႃးၵႃႈတီႈၵွၵ်းမၼ်းၼၼ်ႉလႄႈ ၵူၼ်းၵူႈၸိူဝ်ႉၵူႈမဵဝ်းၸိူဝ်းၼၼ်ႉ ဢွၼ်ၵၼ်ပဵၼ်ၵူၼ်းယွင်ႇၵူၼ်းမႃႈၵႂႃႇဢေႃႈ။
၈ ဝဵင်းပႃႇပုလုၼ်ႇ ၶီႉၶႃႉလူမ်ႉပင်းၵမ်းလဵဝ်လႄႈလူႉလႅဝ်ၵႂႃႇဢေႃႈ။ဢွၼ်ၵၼ်ႁႆႈႁွင်ႉပွင်ႉၶၢင်းပုၼ်ႈမၼ်းတႃႉ။ပေႃးတၢင်းၸဵပ်းမၼ်းႁၢႆလၢႆၸိုင် ဢွၼ်ၵၼ်ဢဝ်ယၢင်ပလ ၸမ်ႈသႂ်ႇပၼ်ႁႂ်ႈႁၢႆတႃႉ။
၉ ပိၵ်ႉသမ်ႉႁဝ်းႁဵတ်းႁႂ်ႈတၢင်းၸဵပ်းဝဵင်းပႃႇပုလုၼ်ႇ ႁၢႆသေၵေႃႈတၢင်းၸဵပ်းမၼ်းဢမ်ႇႁၢႆလႆႈ။ဢွၼ်ၵၼ်ၸုၼ်ႉပႅတ်ႈမၼ်းသေလႄႈၵႂႃႇၵႃႈတီႈမိူင်းဢၼ်ႁဝ်းယူႇႁဝ်းသဝ်းၼၼ်ႉ ႁင်းၽႂ်ႁင်းမၼ်းတႃႉႁဝ်း။ဢပျႅတ်ႈဢၼ်မၼ်းလႆႈၶၢမ်ႇၼၼ်ႉမီးတၢင်းဢၼ်ၽႅဝ် တေႃႇထိုင်ႁွတ်ႈၵၢင်ႁၢဝ်လႄႈ ၶိုၼ်ႈထိုင်ၽႃႈ ၽူၼ်ယူႇဢေႃႈ။
၁၀ ထႃႇဝရႃႉၽြႃးၽုၺ်ႇဢွၵ်ႇၼႄပျႃးတၢင်းဢၼ်ႁဝ်းသိုဝ်ႈတေႃႇၼၼ်ႉယဝ်ႉယဝ်ႉ။ မႃးမႃးဢိူၺ်း။ဢွၼ်ၵၼ်မွၵ်ႇလၢတ်ႈလွင်ႈတၢင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်း ၸီႇယၢင်ႇႁဵတ်းၼၼ်ႉ ၵႃႈၼႂ်းဝဵင်းၸိဢုၼ်ႇတႃႉႁဝ်း။
၁၁ ဢွၼ်ၵၼ်လပ်ႉသူၺ်းပိုၼ်တင်းလၢႆတႃႉ။ ဢွၼ်ၵၼ်ယိပ်းၵမ်ၶိူင်ႈႁႄႉလၢၵ်ႈၼၢၵ်ႈတင်းလၢႆတႃႉ။ထႃႇဝရႃႉၽြႃးတိုၵ်းယူင်းႁူဝ်ၸႂ်ၶုၼ်ႁေႃၶမ်းမေႇတိၸိူဝ်းၼၼ်ႉယဝ်ႉ။မၼ်းၸဝ်ႈမီးတၢင်းၵျၢမ်ႇတၢင်းပွင် ယူႇၽၢႆႇၼိုင်ႈတင်းဝဵင်း ပႃႇပုလုၼ်ႇ ႁႂ်ႈလႆႈယႃႉၽဵဝ်ႈမၼ်းပႅတ်ႈဢေႃႈ။လွင်ႈမၼ်းၸမ်း ပဵၼ်တၢင်းဢၼ်ထႃႇဝရႃႉၽြႃးႁႂ်ႈတၢင်းၸႂ်မႆႈၶႆႈၸႃႉမၼ်းၸဝ်ႈပျေႇ ဢိၵ်ႇတင်း တၢင်းဢၼ်ပၼ်တၢမ်ႇၸွမ်းၼင်ႇဢပျႅတ်ႈ ဢၼ်ယႃႉပိၵ်ႉမၢၼ်ႇၸဝ်ႈ ပႅတ်ႈၼၼ်ႉဢေႃႈ။
၁၂ ဢွၼ်ၵၼ်ပုၵ်းလၢမ်ႇၵႃႈတီႈၼိူဝ်လမ်းဝဵင်းပႃႇပုလုၼ်ႇတႃႉ။ဢွၼ်ၵၼ်ႁႂ်ႈမီးၵူၼ်းဢၼ်ပႂ်ႉၼမ်ၼမ်လႄႈ ဝႆႉၵူၼ်းဢၼ်လွမ်တူၺ်းသဵင်ႈတၢင်းတင်းလၢႆတႃႉ။ဢွၼ်ၵၼ်ႁႅၼ်းတပ်ႉသိုၵ်းမူၵ်းတင်းလၢႆတႃႉ။ထႃႇဝရႃႉၽြႃးၵျၢမ်ႇပွင်လႄႈႁဵတ်းၵႃႈၼင်ႇဢၼ်မၼ်းၸဝ်ႈဢၢင်ႈတၵ်းႁဵတ်းတီႈ ဝဵင်းပႃႇပုလုၼ်ႇၼၼ်ႉဝႆႉဢေႃႈ။
၁၃ မႂ်း ဢၼ်ယူႇၵႃႈတီႈႁိမ်းၼမ်ႉဢၼ်ၼမ်ႉၼမ်ၼႃႇလႄႈၸေးၸိမ်ႇယႂ်ႇၼႃႇၼႆႉဢိူၺ်း။ ၶိင်ႇမိူဝ်ႈဢၼ်ပဵၼ်တီႈသုတ်းတီႈၵွႆမႂ်း။ဢၼ်ဝႃႈၸူဝ်ႈတၢင်းဢၼ်တႅၵ်ႈဢၼ် ၶိုပ်ႈလေႃးၽႃႉမႂ်းၼၼ်ႉႁွတ်ႈထိုင်ယဝ်ႉ။
၁၄ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢဝ်တူဝ်ၸဝ်ႈၵဝ်ႇ တိူင်ႇဝႃႈၵိၼ်ႇဝႃႈလႄႈဝႃႈၸမ်း၊-ၵဝ်တၵ်းႁႂ်ႈမီးတဵမ်ဝႆႉတင်းၵူၼ်းၼမ်ၼႃႇမိူၼ်ၸိူဝ်ႉၼင်ႇဢၼ်ႁႂ်ႈမီးတဵမ်ဝႆႉတင်းမႅင်းၵႅင်းၼၼ်ႉလႄႈ ၶဝ်ၼၼ်ႉတၵ်းၵိဝ်ႇသဵင်ဢၼ်ပၢဝ်ႇသေႃႇ ယူႇၽၢႆႇၼိုင်ႈတင်းမႂ်းဢေႃႈ။
၁၅ မၼ်းၸဝ်ႈဢဝ်တၼ်းၶူဝ်းၸဝ်ႈႁဵတ်းပဵၼ်လိၼ်မိူင်းယဝ်ႉ။မၼ်းၸဝ်ႈဢၼ်ပိင်ႇၺႃႇၸဝ်ႈတႄႇႁဵတ်းလေႃးၵႃႉထၢတ်ႈယဝ်ႉ။မၼ်း ၸဝ်ႈဢဝ်ၺၢၼ်ႇၸဝ်ႈၶဵင်ႈမုငႃ်းႉၵၢင်ႁၢဝ်ယဝ်ႉ။
၁၆ ယၢမ်းမိူဝ်ႈဢၼ်မၼ်းၸဝ်ႈ ပွႆႇသဵင်မၼ်းၸဝ်ႈၼၼ်ႉၸိုင်ၸင်ႇပဵၼ်ၼမ်ႉၽူၼ်ၼမ်ၵိုၼ်းၼႃႇလူင်လၢင် ၵႃႈၼိူဝ်ၾႃႉၵၢင်ႁၢဝ်လႄႈ မၼ်းၸဝ်ႈႁႂ်ႈၽႃႈၽူၼ်လုၵ်ႉသေၵႃႈတီႈႁိမ်းလႅၼ်သုတ်းလိၼ်မိူင်းၶိုၼ်ႈဢေႃႈ။ မၼ်းၸဝ်ႈႁႂ်ႈၽူၼ်တူၵ်းလႄႃႈႉမႅပ်ႈဢေႃႈ။ လူမ်းၵေႃႈမၼ်းၸဝ်ႈ ဢဝ်ဢွၵ်ႇၵႃႈၼႂ်းတိူၵ်ႈၽၼ်ႇတႃႇမၼ်းၸဝ်ႈ မႃးဢေႃႈ။
၁၇ ၵူၼ်းၸမ်းပဵၼ်ၸိူဝ်ႉၼင်ႇတရိၵ်ႈသၢၼ်ႇလႄႈဢမ်ႇမီးၺၢၼ်ႇလႃးလႃး။ ၸၢင်ႊၶမ်းၵူႈၵေႃႉၵူႈၵူၼ်းမီးတၢင်းဢၼ်ဢူၵ်းဢၼ်ဢၢႆၵွပ်ႈပိူဝ်ႈရူၵ်ႉထူႉဢၼ်တူဝ်ၸဝ်ႈၵဝ်ႇႁဵတ်းၼၼ်ႉဢေႃႈ။လွင်ႈမၼ်းၸမ်းရူၵ်ႉထူႉဢၼ်မၼ်းသွၼ်းလေႃႇႁဵတ်းၼၼ်ႉ ပဵၼ်မူႉသႃႇဢေႃႈ။ဢမ်ႇမီးတၢင်းဢၼ် ထူၺ်ႈၸႂ်ၶဝ်ထူၺ်ႈၸႂ် ဢွၵ်ႇၵႃႈၼႂ်းမၼ်း။
၁၈ ဢၼ်ၸိူဝ်ႉၼင်ႇၼၼ်ၸိူဝ်းၼၼ်ႉပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်ဢေႃႈ။ပဵၼ်ၶိူင်ႈပိူင် ဢၼ်ၸၢင်ႊပႅတ်ႉၸၢင်ႊလႅၼ်ၵူၺ်းၵူၺ်းဢေႃႈ။ၼႂ်းၶိင်ႇမိူဝ်ႈဢၼ် လႆႈၶၢမ်ႇတၢင်းဢၼ်ၸႅတ်ႈထၢမ် ၼၼ်ႉၶဝ်တၵ်းမီးတၢင်းဢၼ်လပ်ႉႁၢႆၵႂႃႇဢေႃႈ။
၁၉ ပုၼ်ႈတႃႇမဵဝ်းယႃႇၵုပ်ႉ ၸမ်းဢမ်ႇမိူၼ်တၢင်ႇဢၼ်ၸိူဝ်းၼၼ်ႉ။ လွင်ႈမၼ်းၸမ်းမၼ်းၸဝ်ႈပဵၼ်ၸဝ်ႈဢၼ်ႁဵတ်းပဵၼ်လွင်ႈတၢင်းၵူႈၸိူဝ်ႉၵူႈပိူင်ဢေႃႈ။မဵဝ်းဢိသရေႇလ ပဵၼ်ၶွၼ်ႉဢၼ်တႅၵ်ႈဢၼ်ၶိုပ်ႈတီႈဢၼ်မၼ်းၸဝ်ႈၼၼ်ႉၶၢမ်ႇဢမူၺ်ႇဢေႃႈ။ၼႃႇမႃႉၸိုဝ်သဵင်မၼ်းၸဝ်ႈၼၼ်ႉပဵၼ်ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးဢေႃႈ။
၂၀ မႂ်းၼႆႉပဵၼ်ၶွၼ်ႉလဵၵ်းလူင်၊လၢၵ်ႈၼၢၵ်ႈ ပုၼ်ႈဢၼ်ၵဝ်တၵ်းဢဝ်တိုၵ်းသိုၵ်းဢေႃႈ။ ၵဝ်ယိပ်းၵမ်ဢဝ်မႂ်းသေလႄႈႁၵ်းႁိၵ်းၵူၼ်းၵူႈၸိူဝ်ႉၵူႈမဵဝ်းပႅတ်ႈယဝ်ႉ။ၵဝ်ယိပ်းၵမ်ဢဝ်မႂ်းသေလႄႈ ယႃႉၽဵဝ်ႈသိုင်ႇၸိုင်ႈဝၢၼ်ႈမိူင်း တင်းလၢႆပႅတ်ႈယဝ်ႉ။
၂၁ ၵဝ်ယိပ်းၵမ်ဢဝ်မႂ်းသေလႄႈႁၵ်းႁိၵ်းမႃႉဢိၵ်ႇတင်း ၵူၼ်းသိုၵ်းၶီႇမႃႉတင်းလၢႆပႅတ်ႈယဝ်ႉ။ၵဝ်ယိပ်းၵမ်ဢဝ်မႂ်းသေလႄႈ ႁၵ်းႁိၵ်းလေႃႉရထႃးဢိၵ်ႇတင်းၵူၼ်းသိုၵ်းၶီႇလရထေႃးတင်းလၢႆပႅတ်ႈယဝ်ႉ။
၂၂ ၵဝ်ယိပ်းၵမ်ဢဝ်မႂ်းသေလႄႈ ႁၵ်းႁိၵ်းၵူၼ်းၸၢႆးဢိၵ်ႇတင်းၵူၼ်းပႅတ်ႈယဝ်ႉ။ ၵဝ်ယိပ်းၵမ်ဢဝ်မႂ်းသေလႄႈႁၵ်းႁိၵ်းပႅတ်ႈ ၵေႃႉဢၼ်ဢသၢၵ်ႈယႂ်ႇဢိၵ်ႇတင်းၵေႃႉဢၼ်ဢသၢၵ်ႈလဵၵ်ႉၼၼ်ႉယဝ်ႉ။ၵဝ်ယိပ်းၵမ်ဢဝ်မႂ်းသေလႄႈ ႁၵ်းႁိၵ်းၽူႈမၢဝ်ႇဢိၵ်ႇတင်းၽူႈသၢဝ်ပႅတ်ႈယဝ်ႉ။
၂၃ ၵဝ်ယိပ်းၵမ်ဢဝ်မႂ်းသေလႄႈ ႁၵ်းႁိၵ်းၵေႃႉဢၼ်လဵင်ႉသူဝ်းထိင်းသူဝ်းဢိၵ်ႇတင်း ၽုင်သူဝ်းမၼ်းပႅတ်ႈယဝ်ႉ။ၵဝ်ယိပ်းၵမ်ဢဝ်မႂ်းသေလႄႈ ႁၵ်းႁိၵ်းၵေႃႉဢၼ်ႁဵတ်းၼႃးဢိၵ်ႇတင်းၵူပ်းဝူဝ်းၵူႈဝူဝ်းပႅတ်ႈယဝ်ႉ။ၵဝ်ယိပ်းၵမ်ဢဝ်မႂ်းသေလႄႈ ႁၵ်းႁိၵ်းပူဝ်ႇတင်းလၢႆ ဢိၵ်ႇတင်း ၶုၼ်တင်းလၢႆပႅတ်ႈယဝ်ႉ။
၂၄ ၼႂ်းဝႃႈၼၼ်သေၵေႃႈၵဝ်တၵ်းပၼ်ဢပျႅတ်ႈတီႈဝဵင်းပႃႇပုလုၼ်ႇဢိၵ်ႇတင်းၵူၼ်းမဵဝ်းၶႃႇလတေႇ တင်းသဵင်ႈတင်းလူင်ၸွမ်းၵႃႈၼင်ႇဢၼ်တုၸရိူၵ်ႈ ၵႃႈဢၼ်ၶဝ်ႁဵတ်းတီႈဝဵင်းၸိဢုၼ်ႇၼၼ်ႉသိုဝ်ႈၼႃႈတႂ်ႈတႃသူဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၅ ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။လွႆလူင်ဢၼ်မီးသၽေႃးဢၼ်ၸၢင်ႊယႃႉပႅတ်ႈလႄႈ ၸၢင်ႊယႃႉၽဵဝ်ႈလိၼ်မိူင်းတင်းသဵင်ႈတင်းမူတ်းပႅတ်ႈၼႆႉဢိူၺ်း။ၵဝ်ယူႇၽၢႆႇၼိုင်ႈတင်းမႂ်းဢေႃႈၵဝ်တၵ်းယဵတ်ႇမိုဝ်းယိုၼ်းမိုဝ်းၵဝ် ၵႃႈၼိူဝ်မၢၵ်ႇႁိၼ်မၢၵ်ႇၽႃၸိူဝ်းၼၼ်ႉလႄႈ ဢဝ်မႂ်းၵိင်ႈတုၵ်းသေၵႃႈၼိူဝ်မၢၵ်ႇႁိၵ်မၢၵ်ႇၽႃၸိူဝ်းၼၼ်ႉလႄႈ ႁႂ်ႈပဵၼ်လွႆဢၼ်မႆႈသုတ်းလူၺ်ႈ ၽႆးဢေႃႈ။
၂၆ ၶဝ်ဢမ်ႇလႆႈၼုၵ်ႈလႆႈဢဝ်မၢၵ်ႇႁိၼ်ႁူဝ်ႉၸဵင်တိူၵ်ႈ၊ မၢၵ်ႇႁိၼ်ငဝ်ႈႁၢၵ်ႈတိူၵ်ႈသေၸိူဝ်ႉသေဢၼ်ၵႃႈတီႈမႂ်း။မႂ်းတၵ်းလူႉလႅဝ်ယူႇသေႇသေႇဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၇ ဢွၼ်ၵၼ်ပုၵ်းလၢမ်ႇၵႃႈၼႂ်းမိူင်းၼၼ်ႉတႃႉ။ ဢွၼ်ၵၼ်ပဝ်ႇၼႄးၶရႃႇ ၵႃႈၼႂ်းၵူူၼ်းၵူႈၸိူဝ်ႉၵူႈမဵဝ်းလႄႈ မႄးႁႅၼ်းၵူၼ်းၵူႈၸိူဝ်ႉၵူႈမဵဝ်းယူႇၽၢႆႇၼိုင်ႈတင်းမၼ်းတႃႉ။ဢွၼ်ၵၼ်ႁႂ်ႈမိူင်းဢႃႇရရတ်ႉ၊မိူင်းမိၼ်ႇၼိ၊မိူင်းဢႃႇသၵေႇၼတ်ႉၸိူဝ်းၼၼ်ႉ ၸူႉၵၼ်တုမ်ၵၼ်ယူႇၽၢႆႇၼိုင်ႈတင်းမၼ်းၼၼ်ႉတႃႉ။ဢွၼ်ၵၼ်ၶၢၼ်းၶုၼ်ပူဝ်ႇၶျုၵ်ႈဝႆႉၽၢႆႇၼိုင်ႈတင်းမၼ်းလႄႈ ႁႂ်ႈႁူဝ်ႁၢၼ်ၵူၼ်းသိုၵ်းၶီႇမႃႉတင်းလၢႆၶီႇသိုၵ်းမႃး မိူၼ်ၸိူဝ်ႉၼင်ႇမႅင်းၵႅင်း ဢၼ်ၶူၼ်ၵျၢမ်းၼႃႇၸိူဝ်းၼၼ်ႉတႃႉ။
၂၈ ဢွၼ်ၵၼ်မႄးႁႅၼ်းမဵဝ်းၵူၼ်းတင်းလၢႆဢိၵ်ႇတင်း ၶုၼ်ႁေႃၶမ်းမေႇတိတင်းလၢႆပူဝ်ႇမၼ်းတင်းလၢႆ ၶုၼ်မၼ်းတင်းလၢႆၵူၼ်းသိုင်ႇၵူၼ်းမိူင်းမၼ်း တင်းသဵင်ႈတင်းလူင် ယူႇၽၢႆႇ ၼိုင်ႈတင်းမၼ်းၼၼ်ႉတႃႉ။
၂၉ မိူင်းၼၼ်ႉတၵ်းသၼ်ႇဝႆလႄႈၸဵပ်းၶိုၼ်ႈဢေႃႈ။တၢင်းၵျၢမ်ႇတၢင်းပွင်ၵႃႈဢၼ်ထႃႇဝရႃႉၽြႃး ၵျၢမ်ႇပွင်ယူႇၽၢႆႇၼိုင်ႈတင်းမိူင်းပႃႇပုလုၼ် ႁႂ်ႈမိူင်းပႃႇပုလုၼ်ႇ လႆႈပဵၼ်တီႈဢၼ်ပဝ်ႇဢၼ်လၢပ်ႈ၊တီႈဢၼ်ဢမ်ႇမီးၵေႃႉဢၼ်ယူႇဢၼ်သဝ်း ၼၼ်ႉတၵ်းလႆႈတဵမ်ထူၼ်ႈဢေႃႈ။
၃၀ ႁူဝ်ႁၢၼ်းၵူၼ်းသိုၵ်းပႃႇပုလုၼ်ႇၸိူဝ်းၼၼ်ႉ ယင်းဢမ်ႇၶႄႉၶဵင်ႇသိုၵ်းလႄႈဢွၼ်ၵၼ်ယူႇၵႃႈၼႂ်း တိူၵ်ႈတီႈတိုၵ်းသိုၵ်းၶဝ်ဢေႃႈ။ႁႅင်းၶဝ်ဢူၼ်ႈၵႂႃႇယွမ်းၵႂႃႇလႄႈ ၶဝ်ပဵၼ်ၸိူဝ်ႉၼင်ႇမေႈယိင်းၵႂႃႇဢေႃႈ။ႁိူၼ်းတီႈယူႇၵူၼ်းမၼ်းတင်းလၢႆလႆႈၶၢမ်ႇတၢင်းဢၼ် ဢဝ်ၽႆးတုတ်ႇပႅတ်ႈလႄႈ ၵိူၼ်ႇၽၵ်းတူမၼ်းတင်းလၢႆ လႆႈၶၢမ်ႇတၢင်းဢၼ်ႁၵ်းႁိၵ်း ပႅတ်ႈဢေႃႈ။
၃၁ ၵူၼ်းဢွၼ်ႇၶုၼ်ၼင်ႇၵၼ်ၵၼ်ၵေႃႉၼိုင်ႈလႄႈ ၵေႃႉၼိုင်ႈႁူပ်ႉထူပ်းၵၼ်ယူႇ၊ၶဝ်ၸိူဝ်းဢၼ်ၶၢမ်ႇတၢင်းဢၼ်ပွႆႇၸႂ်ႉၼင်ႇၵၼ်ၵၼ် ၵေႃႉၼိုင်ႈလႄႈၵေႃႉၼိုင်ႈႁူပ်ႉထူပ်းၵၼ်ယူႇသေလႄႈ ဢွၼ်ၵၼ်ၶုၼ်ႇလႅၼ်ႈႁႂ်ႈလႆႈလဝ်ႈလၢတ်ႈတီႈ ၶုၼ်ႁေႃၶမ်းပႃႇပုလုၼ်ႇလူၺ်ႈလွင်ႈဢၼ် ရၢၼ်ႇသူႇတိုၵ်းတေႃးသိမ်းဢဝ်ဝဵင်းၸဝ်ႈ ၵူႈတီႈၵူႈလႅၼ်ယဝ်ႉ။
၃၂ ဢိၵ်ႇတင်းလွင်ႈဢၼ်သူပ်းတၢင်းတင်းလၢႆလႆႈၶၢမ်ႇတၢင်းဢၼ်ဢိုတ်းဝႆႉလႄႈ ၵႃႈတီႈႁိမ်းၼွင် လႆႈၶၢမ်ႇတၢင်းဢၼ်ၽႆးမႆႈတင်းလွင်ႈဢၼ်ႁူဝ်ႁၢၼ်ၵိူၼ်းသိုၵ်းတင်းလၢႆ မီးတၢင်းဢၼ်တုၵ်းၸႂ်ၵူဝ် ႁႄယူႇၼၼ်ႉဢေႃႈ။
၃၃ ၸဝ်ႈပူဝ်ႇပႃႇၵၢင်ႁၢင်ထႃႇဝရႃႉၽြႃးၽြႃးမဵဝ်းဢိသရေႇလမီးဢမိင်ႉၸမ်း၊-လုၵ်ႈယိင်းပႃႇပုလုၼ်ႇ ၼၼ်ႉပဵၼ်ၸိူဝ်ႉၼင်ႇတလၢင်းယဵပ်ႇၶဝ်ႈၼႂ်းၶိင်ႇမိူဝ်ႈဢၼ်လႆႈယဵပ်ႇၼူတ်ႈၶဝ်ႈၼၼ်ႉဢေႃႈ။ထႅင်ႈၵႅပ်ႉဢွၼ်ႇၵမ်းဢွၼ်ႇၼိုင်ႈ ၶိင်ႇမိူဝ်ႈဢၼ်ပၢတ်ႇၶဝ်ႈမၼ်းၼၼ်ႉတၵ်းႁွတ်ႈထိုင်ဢေႃႈ။
၃၄ ၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇ ၼၼ်ႉၶူပ်းၵိၼ်ႁဝ်းလႄႈၶိုတ်ႈႁဝ်းလႅဝ်ပႅတ်ႈယဝ်ႉ။မၼ်းႁႂ်ႈႁဝ်းပဵၼ်မေႃႈဢၼ်ပဝ်ႇၵူင်ဝႆႉယဝ်ႉ။မၼ်းဢိုၼ်ၵိၼ်ႁဝ်းမိူၼ်ၸိူဝ်ႉၼင်ႇဢၼ် ၼၵႃးၸၢင်ႊဢိုၼ်ၼၼ်ႉလႄႈဢဝ်လွင်ႈတၢင်းဢၼ် ႁဝ်းလီမူၼ်ႈပျေႃႇၸိူဝ်းၼၼ်ႉသတ်ႉတဵမ်ၵႃႈၼႂ်းတွင်ႉတူဝ်မၼ်းဝႆႉယဝ်ႉ။မၼ်းႁေႃႈႁဝ်း ဢွၵ်ႇပႅတ်ႈယဝ်ႉ။
၃၅ လုၵ်ႈယိင်းဝဵင်းၸိဢုၼ်ႇတၵ်းလၢတ်ႈလႄႈဝႃႈ၊- ႁႂ်ႈဢမူႉဢႃႉထမ်ႇမႃႉဢၼ်ႁဵတ်းတီႈတူဝ်ၶိင်းၵဝ်ဢိၵ်ႇတင်းတီႈၼိူဝ်ႉၵဝ်ၼင်ၵဝ်ၼၼ်ႉႁွတ်ႈထိုင်ၵႃႈၼိူဝ်ဝဵင်းပႃႇပုလုၼ်ႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။ဝဵင်းယေႇရုသလႅမ်ႇၵေႃႈတၵ်းလၢတ်ႈလႄႈဝႃႈႁႂ်ႈလိူတ်ႈၵဝ်ႁွတ်ႈထိုင်ၵႃႈၼိူဝ်ၵူၼ်းမိူင်း ၶႃႇလတေႇ တင်းလၢႆသေၵမ်းလူၺ်ႈ၊ ဝႃႈၼင်ၼႆဢေႃႈ။
၃၆ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းပႂ်ႉဢမူႉမႂ်းယူႇလႄႈ တွပ်ႇတႅၼ်းၶိုၼ်းဢပျႅတ်ႈဢၼ်မႂ်းလႆႈၶၢမ်ႇၼၼ်ႉဢေႃႈ။ၵဝ်တၵ်းႁႂ်ႈပၢင်ႇလၢႆႇမၼ်းႁႅင်ႈယူတ်းလႄႈႁႂ်ႈၼမ်ႉဢွၵ်ႇႁူးမၼ်းႁႅင်ႈႁွင်ၵႂႃႇဢေႃႈ။
၃၇ ဝဵင်းပႃႇပုလုၼ်ႇ ၼၼ်ႉႉတၵ်းပဵၼ်ၵွင်ၽုၼ်ႇၵွင်လိၼ်တီႈဢၼ်မႃလိၼ်ယူႇ၊ တီႈဢၼ်လီဢၢမ်း၊တီႈဢၼ်ႁဵတ်းသဵင်သီႉသီႉသေႃႉသေႃႉသေႉသွမ်း၊ တီႈဢၼ်ဢမ်ႇမီး ၵေႃႉဢၼ်ယူႇဢၼ်သဝ်းဢေႃႈ။
၃၈ ထႃႇဝရႃႉၽြႃးမီးဢမိင်ႉၸမ်း၊-ၶဝ်ၼၼ်ႉတၵ်းၽွမ်ႉၵၼ်ႁဵတ်းသဵင်ဢၼ်ႁွင်ႉၶင်းၸိူဝ်ႉၼင်ႇသၢင်ႇသီႈ သဵင်ဢၼ်ႁွင်ႉသႅၼ်ႇၸိူဝ်ႉ ၼင်ႇသၢင်ႇသီႈဢွၼ်ႇဢေႃႈ။
၃၉ မိူဝ်ႈဢၼ်ၶဝ်မီးတၢင်းဢၼ်ႁႅင်းယႂ်ႇၼႃႇလူင်လၢင်ၼၼ်ႉ ၵဝ်တၵ်းဢဝ်တၢင်းၵိၼ်တိုၵ်းပၼ်ဢွႆႇပၼ်လႄႈ ႁႂ်ႈၶဝ်မဝ်းလဝ်ႈမဝ်းၵမ်ယူႇလွင်ႈၼင်ႇႁိုဝ်ၶဝ်တၵ်းမူၼ်ႈပျေႃႇလႄႈ ၵမ်းလိုၼ်းၶဝ်ယင်းဢမ်ႇတိုၼ်ႇလႄႈ တၵ်းၼွၼ်းလပ်းယူႇသေႇ သေႇဢေႃႈ။
၄၀ ၵဝ်တၵ်းတိုတ်ႉၸၼ်ဢဝ်ၶဝ်ၶျႃးတုၵ်းမိူၼ်ၸိူဝ်ႉသူဝ်းဢွၼ်ႇ၊သူဝ်းပေႃႈ၊ ပႄႉပေႃႈၸိူဝ်းၼၼ်ႉတီႈသူဢၼ်ဢဝ်တၢႆၼၼ်ႉဢေႃႈ။
၄၁ ဝဵင်းသေႇသိၵ်ႉ လႆႈၶၢမ်ႇတၢင်းဢၼ်တိုတ်ႉဢဝ်သိမ်းဢဝ်ယဝ်ႉလူင်ပေႇ။ဝဵင်းဢၼ်ႁူင်ႁၢင်းၵႃႈၼိူဝ်ၼႃႈလိၼ်မိူင်းတင်းသဵင်ႈတင်းမူတ်းၼၼ်ႉ လႆႈၶၢမ်ႇတၢင်းဢၼ်ႁိမ်ဢဝ်ႁူင်ႇဢဝ်ယဝ်ႉလူင်ပေႇ။ဝဵင်းပႃႇပုလုၼ်ႇၼၼ်ႉ ပဵၼ်တီႈဢၼ်လီဢၢမ်းၵႃႈၼႂ်းၵူၼ်းၵူႈၸိူဝ်ႉၵူႈ မဵဝ်းယဝ်ႉလူင်ပေႇ။
၄၂ ပၢင်ႇလၢႆႇၶိုၼ်ႈၵႃႈၼိူဝ်ဝဵင်း ပႃႇပုလုၼ်ႇ လႄႈမၼ်းလႆႈၶၢမ်ႇတၢင်းဢၼ်လႅင်းၼမ်ႉပိူပ်ႇ ၼမ်ႉဢၼ်ၼမ်ၼႃႇၼၼ်ႉႁူမ်သုမ်ႇယဝ်ႉလူင်ပေႇ။
၄၃ ဝိင်းမၼ်းတင်းလၢႆပဵၼ်တီႈလီဢၢမ်း၊လိၼ်ဢၼ်ႁႅင်ႈဢၼ်ႁွင်၊ပၢင်ႇပဵင်းတီႈဢၼ်ၸုၼ်ႉပႅတ်ႈ၊ မိူင်းဢၼ်ၽူႈ လႂ်သေၵေႃႉသေၵူၼ်းဢမ်ႇယူႇဢမ်ႇသဝ်းလႄႈလုၵ်ႈၵူၼ်းသေၵေႃႉသေၵူၼ်း ဢမ်ႇတႆႇတၢင်းပႆတၢင်း ၵၢႆၵႂႃႇၵႃႈႁိမ်းမၼ်းၼၼ်ႉယဝ်ႉ။
၄၄ တၵ်းတၵ်းပၼ်တၢမ်ႇတီႈၽြႃးပေႇလ ၵႃႈၼႂ်းဝဵင်းပႃႇပုလုၼ်ႇၼၼ်ႉလႄႈၵဝ်တၵ်းႁႂ်ႈမၼ်း သမ်ႉၶိုၼ်းႁၢၵ်ႈလွင်ႈဢၼ်မၼ်းဢိုၼ်ၵိၼ်ၼၼ်ႉဢွၵ်ႇဢေႃႈ။ၵမ်းလိုၼ်းၵူၼ်းၵူႈၸိူဝ်ႉၵူႈမဵဝ်းၸိူဝ်းၼၼ်ႉ ဢမ်ႇလႆႈဢွၼ်ၵၼ်ၸူႉၵၼ်တုမ်ၵၼ်ၵႃႈတီႈမၼ်း။ လမ်းဝဵင်းပႃႇပုလုၼ်ႇၵေႃႈတၵ်းမီးတၢင်းဢၼ်လူမ်ႉပင်းဢေႃႈ။
၄၅ ၵူၼ်းၵဝ်တင်းလၢႆၶဝ်ဢိူၺ်း။ဢွၼ်ၵၼ်ဢွၵ်ႇသေၵႃႈၼႂ်းမၼ်းလႄႈ ၵႄႇသႄႇၼုၵ်ႈဢဝ်တူဝ်ၸဝ်ႈၵဝ်ႇသေၵႃႈတီႈတၢင်းၸႂ်မႆႈၶႂ်ႈၸႃႉထႃႇဝရႃႉၽြႃး ဢၼ်ႁႅင်းယႂ်ႇ ၼႃႇၼၼ်ႉႁင်းၽႂ်ႁင်းမၼ်းတႃႉ။
၄၆ ယႃႇပေဢွၼ်ၵၼ်မီးတၢင်းဢၼ်ၸႂ်လူႉ။ယႃႇပေၵူဝ်ပေႁႄၵွပ်ႈပိူဝ်ႈသတၢင်းသဵင်ၶၢဝ်ႇဢၼ်လႆႈငိၼ်းမႃးၼႂ်းပီႊၼႆႉလႄႈ သတၢင်းသဵင်ၶၢဝ်ႇတၵ်းငိၼ်းမႃးထႅင်ႈၼႂ်းပီႊၼႃႈဢေႃႈ။တၵ်းလႆႈမီးတၢင်းဢၼ် ၼိၵ်ႈၸၢၵ်ႈငႅၼ်းသေးၵႃႈတီႈမိူင်းၼၼ်ႉလႄႈ ၶုၼ်ၼင်ႇၵၼ်ၵၼ် ၵေႃႉၼိုင်ႈလႄႈၵေႃႉ ၼိုင်ႈတၵ်းလႆႈႁိမ်ဢဝ်ၵၼ်ဢေႃႈ။
၄၇ ပိူဝ်ႈၼႆလႄႈၶိင်ႇၵႃႇလႃႉမိူဝ်ႉဝၼ်း ဢၼ်ၵဝ်တၵ်းပၼ်တၢမ်ႇတီႈရုၵ်ႉထူႉသၢင်းထူႉဢၼ်တွင်ႈႁဵတ်းၵႃႈတီႈဝဵင်းပႃႇပုလုၼ်ႇ ၸိူဝ်းၼၼ်ႉလႄႈမိူင်းတင်းမိူင်းတၵ်းဢူၵ်းဢၢႆလႄႈ ႁူဝ်ႁၢၼ်ၵူၼ်းသိုၵ်းမၼ်းတင်းလၢႆ တၵ်းဢွၼ်ၵၼ်လူမ်ႉလႄႈတၢႆယူႇၵႃႈၼႂ်းမၼ်းၼၼ်ႉ တၵ်းႁွတ်ႈထိုင်ဢေႃႈ။
၄၈ မိူဝ်ႈၼၼ်ႉ ၾႃႉၵၢင်ႁၢဝ်ဢိၵ်ႇတင်းလိၼ်မိူင်းတင်းၵႃႈဢၼ်မီးၵႃႈၼႂ်းမၼ်းၼၼ်ႉ တၵ်းဢွၼ်ၵၼ်ႁဵတ်းသဵင်ဢၼ်သႂၢင်ႇသိူဝ်းလူၺ်ႈလွင်ႈဝဵင်းပႃႇပုလုၼ်ႇ ဢေႃႈ။လွင်ႈမၼ်းၸမ်း ၶဝ်ၸိူဝ်းဢၼ်ႁိမ်ဢဝ်ႁူင်ႇဢဝ်ၼၼ်ႉတၵ်းလုၵ်ႉသေၵႃႈတီႈၼႃႈတၢင်းႁွင်ႇမႃးဢေႃႈ၊ ဝႃႈ ၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၄၉ ႁူဝ်ႁၢၼ်ၵူၼ်းသိုၵ်းမဵဝ်းဢိသရေႇလ ဢၼ်လူမ်ႉလႄႈတၢႆၶဝ်ဢိူၺ်း။ဝဵင်းပႃႇပုလုၼ်တၵ်းလူမ်ႉတုၵ်းဢေႃႈ။ႁူဝ်ႁၢၼ်ၵူၼ်းသိုၵ်းၵူၼ်းဝၢၼ်ႈၵူၼ်းမိူင်းဢၼ်လူမ်ႉလႄႈတၢႆၶဝ်ဢိူၺ်း။ႁူဝ်ႁၢၼ်ၵူၼ်းသိုၵ်းဝဵင်းပႃႇပုလုၼ်ႇတင်းလၢႆ တၵ်းလႆႈတၢႆဢေႃႈ။
၅၀ သူၸိူဝ်းဢၼ်ၵၢင်းလွတ်ႈတင်းၽေးလၢပ်ႇၽေးလႅဝ်းၶဝ်ဢိူၺ်း။ ယႃႇပေဢွၼ်ၵၼ်ၵိုတ်းသဝ်းယူႇ၊ ၶုၵ်းၸႂ်လႆႈၶႆႈၸႂ်ထူပ်းထႃႇဝရႃႉၽြႃးၼႂ်းတီႈဢၼ်ၵႆၼၼ်ႉလႄႈ ဝဵင်းယေႇရုသလႅမ်ႇၵေႃႈမၢတ်ႈတွင်းဝႆႉတႃႉ။
၅၁ ႁဝ်းဢွၼ်ၵၼ်ဢူၵ်းဢၢႆယူႇၵွပ်ႈပိူဝ်ႈဢၼ် ႁဝ်းငိၼ်းသဵင်ဢၼ်သေႉသွမ်းၼၼ်ႉလႄႈၼႃႈႁဝ်းလူႉယူႇဢေႃႈ။ၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆ ဢွၼ်ၵၼ်ၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇ ၸဝ်ႈၵႃႈၼႂ်းႁိူၼ်းထႃႇဝရႃႉၽြႃးယဝ်ႉယဝ်ႉ။
၅၂ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊- ၶိင်ႇၵႃႇလႃႉမိူဝ်ႉဝၼ်းဢၼ်ၵဝ်တၵ်းပၼ်တၢမ်ႇ တီႈရုၵ်ႉထူႉသၢၵ်းထူႉမၼ်းၼၼ်ႉလႄႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်တိူဝ်ႉဢၼ်မၢတ်ႇ ၵႃႈၼႂ်းမိူင်းမၼ်းတင်းမိူင်းၼၼ်ႉတၵ်းဢွၼ်ၵၼ်ၶၢင်းၶီၶၢင်းၽၢၼ်ယူႇၼၼ်ႉ တၵ်းႁွတ်ႈထိုင် ဢေႃႈ။
၅၃ ပိၵ်ႉသမ်ႉဝဵင်းပႃႇပုလုၼ်ႇၶိုၼ်ႈထိုင်ၵႃႈၼိူဝ်ၾႃႉၵၢင်ႁၢဝ်လႄႈတႄႇႁဵတ်းၸိၵ်းၸွမ်လမ်းဝဵင်းဢၼ်မၼ်ႈဢၼ်ၶိူင်ႇဝႆႉသေၵေႃႈ ၶဝ်ၸိူဝ်းဢၼ်ၵဝ်ပွႆႇၸႂ်ႉလႄႈႁိမ်ဢဝ်ႁူင်ႇဢဝ်ၸိူဝ်းၼၼ်ႉ တၵ်းဢွၼ်ၵၼ်ႁွတ်ႈထိုင်ၵႃႈတီႈမၼ်းဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢ မိင်ႉဢေႃႈ။
၅၄ လႆႈငိၼ်းသဵင်ဢၼ်ႁႆႈႁွင်ႉၵႃႈတီႈဝဵင်းပႃႇပုလုၼ်ႇ ဢိၵ်ႇတင်းသဵင်တၢင်းဢၼ်လူႉလႅဝ်ဢၼ်ႁႅင်း ယႂ်ႇၼႃႇၵႃႈတီႈမိူင်းၶႃႇလတေႇဢေႃႈ။
၅၅ လွင်ႈမၼ်းၸမ်းထႃႇဝရႃႉၽြႃး ယႃႉၽဵဝ်ႈဝဵင်းပႃႇပုလုၼ်ႇပႅတ်ႈလႄႈႁႂ်ႈသဵင်ဢၼ်ယႂ်ႇဢၼ်လူင် ဢၼ်းမၼ်းၸၢင်ႊႁဵတ်းၼၼ်ႉထၢတ်ႇၵႂႃႇယဵၼ်ၵႂႃႇဢေႃႈ။လႅင်းၼမ်ႉပိူပ်ႇၼမ်ႉမၼ်းၸိူဝ်းၼၼ်ႉ လင်မေႃးယူႁိုင်းႁိုင်းမိူၼ်ၸိူဝ်ႉၼင်ႇၼမ်ႉဢၼ်ႁႅင်းယႂ်ႇၼႃႇၼၼ်ႉလႄႈ ၸင်ႇႁဵတ်း သဵင်ဢၼ်ယႂ်ႇဢၼ်လူင်ဢေႃႈ။
၅၆ ၵေႃႉဢၼ်ႁိမ်ဢဝ်ႁူင်ႇဢဝ်ၼၼ်ႉႁွတ်ႈထိုင်ၵႃႈတီႈမၼ်းဢၼ်ဝႃႈ ဝဵင်းပႃႇပုလုၼ်ႇၼၼ်ႉလႄႈ ႁူဝ်ႁၢၼ်ၵူၼ်းသိုၵ်းမၼ်းၸိူဝ်းၼၼ်ႉလႆႈၶၢမ်ႇတၢင်းဢၼ် ရၢၼ်ႇသူႇတီႉလႆႈလႄႈၵၢင်ႇဢၼ်ၶဝ်ယိပ်းၵမ်ၸိူဝ်းၼၼ်ႉ လႆႈၶၢမ်ႇတၢင်းဢၼ်ႁၵ်းႁိၵ်းပႅတ်ႈဢေႃႈ။ ထႃႇဝရႃႉၽြႃးၽြႃးဢၼ်ၸၢင်ႊပၼ်ဢၵျူဝ်းဢပျႅတ်ႈလႄႈ မၼ်းၸဝ်ႈတွပ်ႇတႅၼ်းပၼ်ဢ မၢၼ်ႇၶၢၼ်ပဵၼ်ဢေႃႈ။
၅၇ ၵဝ်တၵ်းႁႂ်ႈၶုၼ်မၼ်း၊မူးမၢတ်ႈၽွင်းမိူင်းမၼ်း၊ၶဝ်ၸိူဝ်းဢၼ်မီးပိင်ႇၺႃႇမၼ်း၊ ၶုၼ်ဢၼ်မီးဢရႃႇမၼ်း၊ ပူဝ်ႇၶျုၵ်ႈမၼ်း၊ၵူၼ်းဢၼ်ႁႅင်းယႂ်ႇၼႃႇမၼ်းၸိူဝ်းၼၼ်ႉမဝ်းလဝ်ႈမဝ်းၵမ်လႄႈၵမ်းလိုၼ်းၶဝ်ၼၼ်ႉယင်းဢမ်ႇတိုၼ်ႇလႄႈ တၵ်းလႆႈၼွၼ်းလပ်းယူႇသေႇသေႇဢေႃႈ၊ ဝႃႈၼင်ႇၼႆၶုၼ်ႁေႃၶမ်းဢၼ်မီးၼႃႇမႃႉၸိုဝ်သဵင်ဢၼ်ဝႃႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉမီးဢမိင်ႉဢေႃႈ။
၅၈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-လမ်းဝဵင်းပႃႇပုလုၼ်ႇ ဢၼ်ၼႃၼႃႇယႂ်ႇၼႃႇၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်ၵိူၼ်ႇယႃႉပႅတ်ႈမူတ်းမူတ်းသဵင်ႈသဵင်ႈလႄႈ ၽၵ်းတူမၼ်းဢၼ်သုင်ၼႃႇလူင်လၢင်ၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်ႆးတုတ်ႇပႅတ်ႈဢေႃႈ။ မဵဝ်းၵူၼ်းတင်းလၢႆတၵ်းလႆႈဢွၼ်ၵၼ်သၢင်ႈႁဵတ်း ဢၼ်တၵ်းပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈ ၵူၼ်းၵူႈၸိူဝ်ႉၵူႈမဵဝ်းတၵ်းလႆႈဢွၼ်ၵၼ်သၢင်ႈႁဵတ်းပုၼ်ႈဢၼ်ၽႆးတၵ်းမႆႈၼၼ်ႉလႄႈ ၶဝ်တၵ်းလႆႈမီးတၢင်းဢၼ်ႁိူဝ်ႉၸႂ်ဢူၼ်ႈၸႂ်ဢေႃႈ။
၅၉ ဢၼ်ၼႆႉပဵၼ်ၵႂၢမ်းဢၼ်ပရေႃးၽိတ်ႈယေႇရမိ သင်ႇလၢတ်ႈဝႆႉတီႈၸရႃႇယ လုၵ်ႈၸၢႆးၼေႇရိ ဢၼ်ပဵၼ်လုၵ်ႈၸၢႆးမႃႇသေႇယ ၼႂ်းမိူဝ်ႈဢၼ်မၼ်းၸွမ်းလူၺ်ႈၵၼ်တင်းၸေႇတၵိ ၶုၼ်ႁေႃၶမ်းယုတၵႂႃႇၵႃႈတီႈဝဵင်းပႃႇပုလုၼ်ႇ ၼႂ်းပီႊဢၼ်ၶုၼ်ၼၼ်ႉၸၢမ်ႇႁၢင်ႈၸၢမ်ႇႁေႃသီႇပီႊၼၼ်ႉဢေႃႈ။ၸရႃႇယၸမ်းပဵၼ်ဢတႂၢင်း ဝုၼ်ႇလူင်ဢေႃႈ။
၆၀ ယေႇရမိဢဝ်လွင်ႈၽေးဢူးပၢတ်ႈၵႃႈဢၼ်တၵ်းႁွတ်ႈထိုင်ၵႃႈၼိူဝ် ပႃႇပုလုၼ်ႇဢၼ်ဝႃႈ ၵႂၢမ်းၵႃႈဢၼ်တႅမ်ႈဝႆႉလူၺ်ႈလွင်ႈဝဵင်းပႃႇပုလုၼ်ႇၼၼ်ႉသေလႄႈ ၵူးတႅမ်ႈဝႆႉ ၵႃႈၼႂ်းလိၵ်ႈၽိုၼ်ၼိုင်ႈ ဢေႃႈ။
၆၁ ယေႇရမိလၢတ်ႈတီႈၸရႃႇယလႄႈဝႃႈ၊-မိူဝ်ႈဢၼ်မႂ်းႁွတ်ႈထိုင်ၵႃႈတီႈဝဵင်းပႃႇပုလုၼ်ႇ ၼၼ်ႉၸိုင်မႂ်းတၵ်းလႆႈလူတူၺ်းလႄႈၽတ်းႁေႃးၵႂၢမ်းၵႃႈမီးၼႆႉဢေႃႈ။ မိူဝ်ႈၼၼ်ႉမႂ်းတၵ်းလႆႈလဝ်ႈလၢတ်ႈလႄႈ ဝႃႈ၊-ထႃႇဝရႃႉၽြႃးတီႈၶႃႈ။
၆၂ ၸဝ်ႈႁဝ်းမီးဢမိင်ႉလူၺ်ႈလွင်ႈဢၼ် ၸဝ်ႈႁဝ်းတၵ်းပႄႇၽဵဝ်ႈတီႈၼႆႈပႅတ်ႈလႄႈႁႂ်ႈပဵၼ်တီႈဢၼ်ၽူႈ လႂ်ဢမ်ႇယူႇဢမ်ႇသဝ်း ဢမ်ႇမီးၵူၼ်းဢမ်ႇမီးတရိၵ်ႈသၢၼ်ႇပဵၼ်တီႈဢၼ်သိတ်ႇဢၼ်ယဵၼ်ယူႇသေႇသေႇၼၼ်ႉ ဝႆႉတီႈၶႃႈယဝ်ႉ၊ ဝႃႈ ၼင်ႇၼႆဢေႃႈ။
၆၃ မႂ်းၽတ်းလိၵ်ႈၼႆႉတင်းသဵင်ႈတင်းမူတ်းသေယဝ်ႉဢဝ်မၢၵ်ႇႁိၼ်မတ်ႉၸပ်းသႂ်ႇလိၵ်ႈၼႆႉလႄႈဢဝ်ၶျႃးတုၵ်းပႅတ်ႈ ၵႃႈၼႂ်းၵၢင်ၼမ်ႉႁွင်ႊဢုရၽတ်ႉ သေလႄႈဢွၵ်ႇသူပ်းလၢတ်ႈလႄႈဝႃႈ၊-
၆၄ ဝဵင်းပႃႇပုလုၼ်ႇၼႆႉတၵ်းလႆႈၸူမ်တုၵ်းပႅတ်ႈ မိူၼ်ၸိူဝ်ႉၼင်ႇၼႆလႄႈၵမ်းလိုၼ်းဢမ်ႇလႆႈလုၵ်ႉၶိုၼ်းၵွပ်ႈပိူဝ်ႈၽေးဢူးပၢတ်ႈဢၼ်ၵဝ်တၵ်းႁႂ်ႈႁွတ်ႈထိုင်ၵႃႈၼိူဝ်မၼ်းၼၼ်ႉ။ ၶဝ်တၵ်းလႆႈမီးတၢင်းဢၼ်ႁိူဝ်ႉၸႂ်ဢူၼ်ႈၸႂ်ဢေႃႈ၊ ဝႃႈၼင်ႇၼႆဢေႃႈ။ၵႂၢမ်းဢၼ်ဝႃႈမႃးၸိူဝ်းၼႆႉၸမ်းပဵၼ်ၵႂၢမ်းယေႇရမိဢေႃႈ။