၂၉
လိၵ်ႈထိုင်ၵူၼ်းယူႇမိူင်းၼွၵ်ႈ
၁ ၵႂၢမ်းလိၵ်ႈဢၼ်ပရေႃးၽိတ်ႈယေႇရမိတႅမ်ႈလႄႈပွႆႇၸႂ်ႉဢွၵ်ႇသေၵႃႈတီႈဝဵင်းယေႇရုသလႅမ်ႇ ၵႂႃႇၸူးၵႃႈတီႈၶဝ်ၸိူဝ်းဢၼ်ပဵၼ်ၵေႇပဵၼ်ႁူဝ် ဢၼ်ယင်းၵိုုတ်းယင်းၵျၢၼ်ႇတီႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉဢိ်ၵ်ႇတင်း ပရေႃးႁိၵ်ႈ လႂ်၊ပရေႃးၽိတ်ႈ လႂ် ၵူၼ်းၵႃႈဢၼ်လႆႈၶၢမ်ႇတၢင်းဢၼ် ၼေႇပုၶတ်ႉၼေႇၸႃႇသိမ်းဢဝ်ဢွၵ်ႇသေၵႃႈတီႈဝဵင်း ယေႇရုသ လႅမ်ႇၵႂႃႇၸူးၵႃႈတီႈဝဵင်းပႃႇပုလုၼ်ႇ၊-
၂ လိုၼ်းသေၶုၼ်ႁေႃၶမ်းယေႇၶေႃႇၼိ ဢိၵ်ႇတင်းၼၢင်းႁေႃၶမ်းၵူၼ်းထိင်းၼၢင်း လႂ် မူးမၢတ်ႈၽွင်းမိူင်းဝဵင်းယေႇရုသလႅမ်ႇမိူင်းယုတ လႂ် လၢၵ်ႈသမႃး လႂ် ၸၢင်ႊလဵၵ်း လႂ်ဢွၵ်ႇသေ ၵႃႈတီႈဝဵင်းယေႇရုသလႅမ်ႇၵႂႃႇၼၼ်ႉလႄႈ၊-
၃ ဢဝ်ဢၢပ်ႈပၼ်ၵႃႈၼႂ်းမိုဝ်းဢေႇလႃႇသႃႇ လုၵ်ႈၸၢႆး သႃႇၽၼ်ႇတင်းၵေႇမရိ လုၵ်ႈၸၢႆးႁိလၶိ ဢၼ်ၸေႇတၵိၶုၼ်ႁေႃၶမ်းယုတပွႆႇၸႂ်ႉၵႂႃႇၵႃႈတီႈဝဵင်းပႃႇပုလုၼ်ႇ ၸူးၵႃႈတီႈၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇ ၸိူဝ်း ၼၼ်ႉၼၼ်ႉၸမ်း၊-
၄ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉတီႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇ ဢၼ်မၼ်းၸင်ႇႁႂ်ႈသိမ်းဢဝ်ဢွၵ်ႇသေၵႃႈတီႈဝဵင်း ယေႇရုသလႅမ်ႇၵႂႃႇၵႃႈတီႈဝဵင်းပႃႇပုလုၼ်ႇၵႃႈမီးၼၼ်ႉလႄႈ ဝႃႈၸမ်းဢွၼ်ၵၼ်ႁဵတ်းႁိူၼ်းႁဵတ်းယေးသေလႄႈ
၅ ၶျႃးတီႈယူႇတႃႉ။ဢွၼ်ၵၼ်ၽုၵ်ႇသွမ်ႈသူၼ်ဢူးယဵၼ်ႇသေလႄႈ ၵိၼ်မၢၵ်ႇမၼ်းႁူင်းမၼ်းတႃႉ။-
၆ ဢွၼ်ၵၼ်ဢဝ်မေးလႄႈၵိူတ်ႇလဵင်ႉလုၵ်ႈၸၢႆးလုၵ်ႈယိင်းတႃႉ။ တီႈလုၵ်ႈၸၢႆးသူၼၼ်ႉဢဝ်မေးပၼ်လႄႈတီႈလုၵ်ႈယိင်းသူၼၼ်ႉၵေႃႈ ဢဝ်ၽူဝ်ပၼ်လႄႈသမ်ႉႁႂ်ႈၶဝ်ဢွၼ်ၵၼ် ၵိူတ်ႇလဵင်ႉလုၵ်ႈၸၢႆးလုၵ်ႈယိင်းတႃႉ။-
၇ ဢွၼ်ၵၼ်ယႂ်ႇၽႄႈတူဝ်းတွၼ်းမႃးၵႃႈတီႈၼၼ်ႉတႃႉ။ယႃႇပေႁႂ်ႈလႆႈမီးတၢင်းဢၼ်သုတ်ႈဢၼ်ယွမ်းၵႂႃႇ။ဢွၼ်ၵၼ်ႁႃဢဝ်ႁႂ်ႈတၢင်းဢၼ်ၼိမ်ဢၼ်လီ ပုၼ်ႈဝဵင်းဢၼ်ၵဝ်ႁႂ်ႈသူလႆႈၶၢမ်ႇ တၢင်းဢၼ်သိမ်းဢဝ်ၵႂႃႇၼၼ်ႉလႄႈ သူးတွင်းတီႈထႃႇဝရႃႉၽြႃးပုၼ်ႈဝဵင်းၼၼ်ႉတႃႉ။သူတၵ်းမီးတၢင်းဢၼ်ၼိမ်ႇဢၼ်လီ ၵႃႈၼႂ်းတၢင်းဢၼ်ၼိမ်ဢၼ်လီဝဵင်းၼၼ်ႉဢေႃႈ။
၈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉၸမ်း၊-ယႃႇပေႁႂ်ႈပရေႃးၽိတ်ႈဢိၵ်ႇတင်းသြႃႇဢၼႃႇၵတ်ႉ ဢၼ်မီးၵႃႈတီႈသူၸိူဝ်းၼၼ်ႉဢွၼ်ၵၼ်ပႅတ်ႈလႅၼ်သူ။ ယႃႇပေဢွၼ်ၵၼ်ထွမ်ႇဢဝ် တၢင်းဢၼ်ၼွၼ်းၽၼ်ႁၼ်သူဢၼ် သူႁႂ်ႈၽၼ်ႁၼ်ၼၼ်ႉ။
၉ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊-သြႃႇ လႂ်ၼၼ်ႉၵဝ်ယင်းဢမ်ႇပွႆႇၸႂ်ႉၶဝ်လႄႈၶဝ်ၸင်ႇဢိင်ႇၼႃႇမႃႉၸိုဝ်သဵင်ၵဝ်သေလႄႈ ႁေႃးလၢတ်ႈ ၵႂၢမ်းမူႉသႃႇဢေႃႈ။
၁၀ လၢႆးသမ်ႉမီးဢမိင်ႉၸမ်း၊-မိူဝ်ႈဢၼ်ၸေးၸဵတ်းသိပ်းပီႊၵႃႈတီႈဝဵင်းပႃႇပုလုၼ်ႇ ၼၼ်ႉယဝ်ႉၼၼ်ႉ ၵဝ်တၵ်းမႃးလူတူၺ်းလႄႈ ႁႂ်ႈၵတိဢၼ်လီဢၼ်ၵဝ်ဝႆႉတီႈသူၼၼ်ႉ တႄႇပဵၼ်ၼႂ်းတၢင်းဢၼ်ဢဝ် သူၶိုၼ်းမႃးၵႃႈတီႈမိူင်းၼႆႉၼၼ်ႉဢေႃႈ။
၁၁ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊-တၢင်းၵျၢမ်ႇတၢင်းပွင်ဢၼ်ၵဝ်ၵျၢမ်ႇပွင်ပုၼ်ႈသူဢၼ်ဝႃႈ တၢင်းၵျၢမ်ႇတၢင်းပွင်လွင်ႈတၢင်းဢၼ်ႁၢႆႉဢၼ်ယုတ်ႈဢမ်ႇၸႂ်ႈ တၢင်းၵျၢမ်ႇတၢင်းပွင်ဢၼ်ၼိမ်ဢၼ်လီၵူၺ်းၵူၺ်း ႁႂ်ႈသူလႆႈဢၵျူဝ်းတၢင်းဢၼ်မုင်ႈထႃႈမွင်ႈထႃႈ ၼႂ်းမိူဝ်ႈဢၼ်ပဵၼ် တီႈသုတ်းတီႈၵွႆသူၼၼ်ႉယူႇဢေႃႈ။
၁၂ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊-သူတၵ်းဢွၼ်ၵၼ်ႁွင်ႉႁႃၵဝ်လႄႈၵႂႃႇသူးတွင်းတီႈၵဝ်လႄႈ ၵဝ်တၵ်းထွမ်ႇဢဝ်ၵႂၢမ်းသူ ဢေႃႈ။
၁၃ ယၢမ်းမိူဝ်ႈဢၼ်သူပႃးတင်းႁူဝ်ၸႂ်သဵင်ႈသဵင်ႈသေလႄႈႁႃဢဝ်ၵဝ်ၼၼ်ႉတၵ်းႁႃလႄႈ ထူပ်းၵဝ်ဢေႃႈ။
၁၄ ၵဝ်ၵေႃႈတၵ်းၶၢမ်ႇတၢင်းဢၼ်သူထူပ်းၵဝ်လႄႈတၵ်းပွႆႇလွတ်ႈ တၢင်းဢၼ်သူလႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉလႄႈ ၸူႉသိမ်းဢဝ်သူဢွၵ်ႇၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းဢိၵ်ႇတင်း သေၵႃႈတီႈဢၼ်ၵဝ်ႁေႃႈသူဢွၵ်ႇၸူးၵႃႈမီးၸိူဝ်းၼၼ်ႉ ၶိုၼ်းမႃးၸူးၵႃႈတီႈ မိူင်းဢဝ်ၵဝ်ႁႂ်ႈသူလႆႈၶၢမ်ႇတၢင်းဢၼ်သိမ်းဢဝ်ဢွၵ်ႇသေၵႃႈၼႂ်းမၼ်းၵႂႃႇၼၼ်ႉဢေႃႈ၊ ဝႃႈၼင်ႇၼႆ ထႃႇဝရႃႉၽြႃးၽြႃးမီးဢမိင်ႉဢေႃႈ။
၁၅ ၵူၺ်းၵႃႈသူလၢတ်ႈလႄႈဝႃႈ၊- ထႃႇဝရႃႉၽြႃးႁႂ်ႈပရေႃးၽိတ်ႈပေႃႇမႃးပုၼ်ႈႁဝ်းၵႃႈၼႂ်းဝဵင်းပႃႇပုလုၼ်ႇယဝ်ႉ၊ ဝႃႈၼင်ႇၼႆ ဢေႃႈ။
၁၆ ပိူဝ်ႈၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢဝ်လွင်ႈၶုၼ်ႁေႃၶမ်း ဢၼ်ၼင်ႈၵႃႈၼိူဝ်ရႃႇၸႃႉပလၢင်ႇတႃႇဝိတ်ႉ ဢိၵ်ႇတင်းၶဝ်ၸိူဝ်းဢၼ်ယူႇၵႃႈၼႂ်းဝဵင်းၼႆႉတင်းသဵင်ႈတင်းလူင်ဢၼ်ဝႃႈ ပီႈၼွင်ႉသူဢၼ်ဢမ်ႇလႆႈၶၢမ်ႇ တၢင်းဢၼ်သိမ်းဢဝ်ၵႂႃႇလူၺ်ႈ ၵၼ်တင်းသူၼၼ်ႉလႄႈမီးဢမိင်ႉၸမ်း၊-
၁၇ ထႃႇဝရႃႉၽြႃးမီးဢမိင်ႉလႄႈဝႃႈ၊-တူၺ်းၵဝ်တၵ်းပွႆႇၸႂ်ႉၽေးလၢပ်ႇၽေးလႅဝ်း၊ ၽေးတၢင်းဢၼ်ဢိုပ်းဢၼ်ယၢၵ်ႈ၊ၽေးၵႃႇလႃႉႁႃႇလႅင်ႉမိူင်းတင်းလႆၢၸူးတီႈၶဝ်လႄႈႁႂ်ႈၶဝ်ပဵၼ်ၸိူဝ်ႉၼင်ႇမၢၵ်ႇလိူဝ်ႇသၢင်းၽေႃး ဢၼ်ၺၢမ်ႉၼႃႇ လူင်လၢင်ထၼ်ႈပေႃးဢမ်ႇၵိၼ်လႆႈၼၼ်ႉဢေႃႈ။
၁၈ ၵဝ်တၵ်းဢဝ်ၽေးလၢပ်ႇၽေးလႅဝ်းၽေးတၢင်းဢၼ်ဢိုပ်းဢၼ်ယၢၵ်ႈ၊ ၽေးၵႃႇလႃႉႁႃႈလႅင်ႉမိူင်း ၼိၵ်ႈၸၢၵ်ႈငႅၼ်းသေးၶဝ်လႄႈ ဢဝ်ၶဝ်ဢၢပ်ႈပၼ်တီႈတၢင်းဢၼ်ဢဝ်ၶဝ်ထႅမ်ႈၵႂႃႇထႅမ်ႈၶိုၼ်းယူႇ ၵႃႈၼႂ်းသိုင်ႇၸိုင်ႈဝၢၼ်ႈမိူင်း ၵႃႈဢၼ်မီးၵႃႈၼိူဝ်လိၼ်မိူင်းပုၼ်ႈဢၼ်တၵ်းပဵၼ်တီႈဢၼ်ၵိၼ်ႇဢၼ်လႃႇ၊ တီႈဢၼ်လီဢၢမ်း၊ တီႈဢၼ်ငိၼ်းသဵင်ဢၼ်သီႉသီႉသေႃႉသေႃႉသေႉသွမ်း၊ တီႈဢၼ်ယႃႉသရေႇတူၵ်းတီႈတႅမ်ႇၵႃႈၼႂ်းၵူၼ်းၵူႈၸိူဝ်ႉၵူႈမဵဝ်း တီႈဢၼ်ၵဝ်ႁေႃႈၶဝ်ဢွၵ်ႇၸူးၸိူဝ်း ၼၼ်ႉဢေႃႈ။
၁၉ လွင်ႈမၼ်းၸမ်းၶဝ်ဢမ်ႇဢွၼ်ၵၼ်ထွမ်ႇဢဝ်ၵႂၢမ်းၵဝ် ဢၼ်ၵဝ်လုၵ်ႉၸဝ်ႉၸဝ်ႉသေလႄႈပွႆႇၸႂ်ႉၶႃႈၵဝ်ပရေႃးၽိတ်ႈၸိူဝ်းၼၼ်ႉ ၵႂႃႇၸူးၵႃႈတီႈၶဝ်ၶိူဝ်းၶိူဝ်းယႂ်းယႂ်းၼၼ်ႉ၊ ဝႃႈၼင်ၼႆ ထႃႇဝရႃႉၽြႃးမီးဢမိင်ႉ ဢေႃႈ။
၂၀ ၵူၺ်းၵႃႈသူဢမ်ႇမီးဢလူဝ်ႇၶႂ်ႈထွမ်ႇဢဝ်ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။ ပိူဝ်ႈၼႆလႄႈသူၸိူဝ်းဢၼ် လႆႈၶၢမ်ႇတၢင်းဢၼ်သိမ်းဢဝ်ၵႂႃႇလႄႈၵဝ်ပွႆႇၸႂ်ႉဢွၵ်ႇသေၵႃႈၼႂ်းဝဵင်းယေႇရုသလႅမ်ႇ ၸူးၵႃႈတီႈဝဵင်းပႃႇပုလုၼ်ႇ တင်းသဵင်ႈတင်းလူင်ၶဝ်ဢိူၺ်း။ဢွၼ်ၵၼ်ထွမ်ႇငိၼ်းၵႂၢမ်းထႃႇဝရႃႉၽြႃးတႃႉ၊ဝႃႈၼင်ႇၼႆဢေႃႈ။
၂၁ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ ဢဝ်လွင်ႈ ဢႃႇႁပ်ႉ လုၵ်ႈၸၢႆးၵေႃႇလယ ဢိၵ်ႇတင်းၸေႇတၵိ လုၵ်ႈၸၢႆးမႃႇသေႇယဢၼ်ဢိင် ၼႃႇမႃႉၸိုဝ်သဵင်မၼ်းၸဝ်ႈလႄႈ ႁေႃးလၢတ်ႈၵႂၢမ်းမုသႃႇတီႈသူၼၼ်ႉလႄႈ မီးဢမိင်ႉၸမ်း၊-တူၺ်းလူ။ၵဝ်တၵ်းဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇလႄႈၶုၼ်ၼၼ်ႉ တၵ်းဢဝ်ၶဝ်တၢႆသိုဝ်ႈၼႃႈတႂ်ႈတႃသူ ဢေႃႈ။
၂၂ ၵူၼ်းမဵဝ်းယုတတင်းသဵင်ႈတင်းလူင်ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈဝဵင်း ပႃႇပုလုၼ်ႇၸိူဝ်းၼၼ်ႉ တၵ်းဢွၼ်ၵၼ်ဢဝ်ၶဝ်ႁဵတ်းဢပုမ်ႇတႅၵ်ႈသေလႄႈၵိၼ်ႇဝႃႈ ႁႂ်ႈထႃႇဝရႃႉၽြႃး ႁႂ်ႈမႂ်းပဵၼ်ၸိူဝ်ႉၼင်ႇၸေႇတၵိဢိၵ်ႇတင်းဢႃႇႁပ်ႉဢၼ်ၶုၼ်ႁေႃၶမ်းပႃႇပုလုၼ်ႇ ဢဝ်တုတ်ႇၽႆးပႅတ်ႈၼၼ်ႉသေၵမ်းလူၺ်ႈ၊ဝႃႈၼင်ႇၼႆဢေႃႈ။
၂၃ လွင်ႈမၼ်းၸမ်းၶဝ်ၼၼ်ႉဢွၼ်ၵၼ်ႁဵတ်းဢမူႉဢႃႉထမ်ႇမႃႉ ၵႃႈၼႂ်းမဵဝ်းဢိသရေႇလယဝ်ႉ။ၶဝ်ဢွၼ်ၵၼ်ၽိတ်းပိူင်ႈမေးပိူၼ်ႈယဝ်ႉ။ၵဝ်ယင်းဢမ်ႇသင်ႇလၢတ်ႈဝႆႉတီႈၶဝ်လႄႈ ၶဝ်ဢွၼ်ၵၼ်ဢိင်ၼႃႇမႃႉၸိုဝ်သဵင်ၵဝ်သေလႄႈႁေႃးလၢတ်ႈမုသႃႇယဝ်ႉ။ၵဝ်ႁူႉႁၼ်လႄႈပဵၼ်သၢၵ်ႈသေႇဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
ၶေႃးၵႂၢမ်းထိုင်မေႃႇယ
၂၄ တီႈမေႃႇယ ၵူၼ်းဝၢၼ်ႈၼႁေႇလမ်ႇၵေႃႈမႂ်းတၵ်းလႆႈလၢတ်ႈလႄႈဝႃႈ၊-
၂၅ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉၸမ်း၊- မႂ်းဢိင်ၼႃႉမႃႉၸိုဝ်သဵင်မႂ်းသေလႄႈ ပၼ်လိၵ်ႈၵႂႃႇတီႈၸေႇၽၼိ လုၵ်ႈၸၢႆးယိတ်ႉပရေႃးႁိၵ်ႈ မႃႇသယေဢိၵ်ႇတင်းယိတ်ႉပရေႃးႁိၵ်ႈ တင်းသဵင်ႈတင်းလူင်တင်း ၵူၼ်းဝဵင်းယေႇရုသလႅမ်ႇ ၵႃႈမီးၼၼ်ႉလႄႈဝႃႈ၊-
၂၆ ထႃႇဝရႃႉၽြႃးၶၢၼ်းမႂ်းဝႆႉႁႂ်ႈမႂ်းပဵၼ် ယိတ်ႉပရေႃးႁိၵ်ႈပုၼ်ႈတၢင်တူဝ်ယိတ်ႉပရေႃးႁိၵ်ႈယေႃႇယတ ႁႂ်ႈသူပဵၼ်ၵူၼ်းဢၼ်ပႂ်ႉတီႈႁိူၼ်းထႃႇဝရႃႉၽြႃးလႄႈ ဢဝ်ၶဝ်ၵႃႈဢၼ်ယွင်ႇဢၼ်မႃႈလႄႈ ႁဵတ်းပရေႃးႁိၵ်ႈၸိူဝ်းၼၼ်ႉၶင် ဝႆႉၵႃႈၼႂ်းထွင်ႇလႄႈဢဝ်သႂ်ႇၵႃႈၼႂ်းထိၵ်ႈဢေႃႈ။
၂၇ ပိူဝ်ႈၼႆလႄႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းဢမ်ႇသင်ႇသွၼ်သုင်းမႃႉယေႇရမိ ၵူၼ်းဝၢၼ်ႈဢႃႇၼသုတ်ႉဢၼ်ႁဵတ်း ပရေႃးၽိတ်ႈၵႃႈၼႂ်းသူၼၼ်ႉၼင်ႇႁိုဝ်။
၂၈ မၼ်းၼၼ်ႉသင်ႇလၢတ်ႈမႃးတီႈႁဝ်း ဢၼ်ယူႇၵႃႈတီႈဝဵင်းပႃႇပုလုၼ်ႇၸိူဝ်းၼႆႉလႄႈဝႃႈ၊-ဢမူႉၼႆႉတၵ်းႁိုင်ဢေႃႈ။ဢွၼ်ၵၼ်ႁဵတ်းႁိူၼ်းႁဵတ်းယေးသေလႄႈ ၶျႃးတီႈယူႇတႃႉ။ဢွၼ်ၵၼ်ၽုၵ်ႇသွမ်ႈသူၼ်ဢူးယဵၼ်ႇလႄႈၵိၼ်မၢၵ်ႇမၼ်းႁူင်းမၼ်းတႃႉ၊ဝႃႈၼင်ႇၼႆယဝ်ႉလူင်ပေႇ၊ ဝႃႈၼင်ႇၼႆဢေႃႈ။ယိတ်ႉပရေႃးႁိၵ်ႈၸေႇၽၼိဢဝ်လိၵ်ႈၼႆႉၽတ်းထိုင်ႁူပရေႃးၽိတ်ႈယေႇရမိဢေႃႈ။
၃၀ မိူဝ်ႈၼၼ်ႉ ၼုၵ်ႈၵပၢတ်ႈထႃႇဝရႃႉၽြႃးႁွတ်ႈမႃးတီႈယေႇရမိလႄႈသင်ႇလၢတ်ႈဝႆႉၸမ်း၊-
၃၁ မႂ်းပၼ်လိၵ်ႈၵႂႃႇတီႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ်သိမ်းဢဝ်ၵႂႃႇတင်းသဵင်ႈတင်းလူင်ၼၼ်ႉလႄႈဝႃႈ၊-ထႃႇဝရႃႉၽြႃးဢဝ်လွင်ႈသေႇမႃႇယၵူၼ်းဝၢၼ်ႈၼႁေႇလမ်ႇ လႄႈမီးဢမိင်ႉၸမ်း၊-ၵွပ်ႈပိူဝ်ႈဢၼ်သေႇမႃႇယဢၼ်ၵဝ်ဢမ်ႇပွႆႇၸႂ်ႉၼၼ်ႉႁဵတ်းပရေႃးၽိတ်ႈတီႈသူလႄႈ ႁႂ်ႈသူသွၼ်ႈ ပိုင်ႈမူႉသႃႇၼၼ်ႉလႄႈ၊ ထႃႇဝရႃႉၽြႃးမီးဢမိင်ႉၸမ်း၊-
၃၂ ၵဝ်တၵ်းပၼ်တၢမ်ႇတီႈသေႇမႃႇယ ဢိၵ်ႇတင်းမဵဝ်းၸိူဝ်ႉၶိူဝ်းမၼ်းဢေႃႈ။မၼ်းတၵ်းဢမ်ႇလႆႈမီးသေၵေႃႉသေၵူၼ်းဢၼ်လႆႈဢၶႂၢင်ႉ ဢၼ်လႆႈယူႇၵႃႈတီႈၼႂ်းၵူၼ်းမဵဝ်းၼႆႉ။ထႃႇဝရႃႉၽြႃးမီးဢမိင်ႉၸမ်း၊-မၼ်းဢမ်ႇလႆႈႁၼ်ၵျေးၸူး ဢၼ်ၵဝ်တၵ်းႁဵတ်းတီႈၵူၼ်းၵဝ်တင်းလၢႆၵွပ်ႈပိူဝ်ႈဢၼ် မၼ်းသင်ႇပၼ်သွၼ်ပၼ် တၢင်းဢၼ်လုၵ်ႉၽိုၼ်ႉထႃႇဝရႃႉၽြႃးၼၼ်ႉ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။