၃၀
ၶိုၼ်းဢဝ်ၶိုၼ်းၵူၼ်းမဵဝ်းဢိသရေလ
၁ ၼုၵ်ႈၵပၢတ်ႈထႃႇဝရႃႉၽြႃး ႁွတ်ႈမႃးတီႈယေႇရမိလႄႈ ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၸမ်း၊-
၂ တႅမ်ႈၵႂၢမ်းၵႃႈဢၼ်ၵဝ်လၢတ်ႈတီႈ
မႂ်းၸိူဝ်းၼၼ်ႉဝႆႉၵႃႈၼႂ်းလိၵ်ႈတႃႉ။ထႃႇဝရႃႉၽြႃးမီးဢ မိင်ႉၸမ်း၊-
၃ မိူဝ်ႈဝၼ်းဢၼ်ၵဝ်တၵ်းဢဝ်ၵူၼ်းၵဝ်ၵူၼ်းမဵဝ်းဢိသရေႇလ တင်းၵူၼ်းမဵဝ်းယုတ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၸိူဝ်းၼၼ်ႉ ၶိုၼ်းမႃးၼၼ်ႉတၵ်းႁွတ်ႈထိုင်ဢေႃႈ။ၵဝ်တၵ်းႁႂ်ႈၶဝ်ၶိုၼ်းမႃးၵႃႈတီႈမိူင်းဢၼ်ၵဝ်ပၼ်တီႈပူႇၶဝ်မွၼ်ႇၶဝ်ၼၼ်ႉလႄႈ ၶဝ်ၼၼ်ႉတၵ်းလႆႈဢွၼ်ၵၼ်ပိူင်ႇဢဝ်ဢေႃႈ၊ ဝႃႈၼင်ႇၼႆမၼ်းၸဝ်ႈမီးဢမိင်ႉဢေႃႈ။
၄ ၵႂၢမ်းဢၼ်ထႃႇဝရႃႉၽြႃး ဢဝ်လွင်ႈမဵဝ်းဢိသရေႇလတင်းမဵဝ်းယုတလႄႈမီးဢမိင်ႉၸမ်း၊-
၅ ထႃႇဝရႃႉၽြႃးမီးဢမိင်ႉလႄႈဝႃႈ၊- ႁဝ်းလႆႈငိၼ်းသဵင်ၵႂၢမ်းဢၼ်တူၵ်းၸႂ်ဢေႃႈ။ဢမ်ႇမီးတၢင်းဢၼ်ၼိမ်ဢၼ်လီ။မီးလွင်ႈ ဢၼ်လီၵူဝ်လီႁႄၵူၺ်းဢေႃႈ။
၆ ဢွၼ်ၵၼ်တွင်ႈထၢမ်လႄႈလူတူၺ်း လွင်ႈဢၼ်ၵူၼ်းၸၢႆးၸၢင်ႊၵိူတ်ႇလဵင်ႉလုၵ်ႈလၢင်းႁိုဝ်ၼၼ်ႉတႃႉ။ၵွွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵဝ်လႆႈႁၼ်လွင်ႈဢၼ် ၵူၼ်းၸၢႆးၵူႈၵေႃႉၵူႈၵူၼ်းဢဝ်မိုဝ်းတဝ်ႉၵႃႈတီႈဢႅဝ်တူဝ်ၸဝ်ႈၵဝ်ႇ မိူၼ်ၸိူဝ်ႉၼင်ႇမေႈယိင်းဢၼ်လႆႈၶၢမ်ႇဝူၺ်ႇတၼႃႇ တၢင်းဢၼ်ၵိူတ်ႇလဵင်ႉလုၵ်ႈလဵင်ႉလၢင်းၼၼ်ႉလႄႈ ၼႃႈၵူၼ်းတင်းသဵင်ႈတင်းလူင် မီးတၢင်းဢၼ်ႁႅင်ႈႁႅတ်ႇၵႂႃႇၼၼ်ႉၼင်ႇႁိုဝ်။
၇ ဢလူဝ်ႉ၊ဢလူဝ်ႉ၊မိူဝ်ႈဝၼ်းၼၼ်ႉၸမ်း ပဵၼ်မိူဝ်ႉဝၼ်းဢၼ်ယႂ်ႇၼႃႇထၼ်ႈပေႃး ဢမ်ႇၵပ်းဢမ်ႇတႅၵ်ႈလႆႈဢေႃႈ။ပဵၼ်မိူဝ်ႉဝၼ်းဢၼ်ၽေးႁွတ်ႈထိုင်တီႈမဵဝ်းယႃႇၵုပ်ႉဢေႃႈ။ၼႂ်းဝႃႈၼၼ်သေၵေႃႈၶဝ်တၵ်းႁွတ်ႈထိုင် တၢင်းဢၼ်ၵႄႇသႄႇၶျွတ်ႈဢဝ် ၵႃႈၼႂ်းၼၼ်ႉ ဢေႃႈ။
၈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၼႂ်းမိူဝ်ႉဝၼ်းၼၼ်ႉၵဝ်တၵ်းဢဝ်ၵၢၼ်းဢၼ်ၶဝ်လႆႈႁၢပ်ႇၼၼ်ႉ ႁၵ်းပႅတ်ႈသေ ၵႃႈတီႈၶေႃးၶဝ်လႄႈတႅပ်းၸိူၵ်ႈဢၼ်မတ်ႉၽုၵ်ႇၶဝ်ၼၼ်ႉပႅတ်ႈဢေႃႈ။ၵမ်းလိုၼ်းၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆ တၵ်းဢမ်ႇ လႆႈဢွၼ်ၵၼ်ၸႂ်ႉၵိၼ်ၶဝ်။
၉ ၶဝ်တၵ်းလႆႈဢွၼ်ၵၼ်ပွင်ႁဵတ်းဢမူႉၽြႃးပဵၼ်ၸဝ်ႈၶဝ် ဢိၵ်ႇတင်းဢမူႉၶုၼ်လူင်တႃႇဝိတ်ႉ ဢၼ်ၵဝ်တၵ်းႁႂ်ႈပေႃႇပဵၼ်မႃးပုၼ်ႈၶဝ်ၼၼ်ႉ ဢေႃႈ။
၁၀ ပိူဝ်ႈၼႆလႄႈထႃႇဝရႃႉၽြႃးမီးဢမိင်ႉၸမ်း၊-ၶႃႈၵဝ်ယႃႇၵုပ်ႉဢိူၺ်း။ယႃႇပေၵူဝ်ပေႁႄ။မဵဝ်းဢိသရေႇလဢိူၺ်း။ယႃႇပေၸႂ်လူႉ။ၵဝ်တၵ်းၼုၵ်ႈဢဝ်မႂ်းဢွၵ်ႇသေၵႃႈတီႈဢၼ်ၵႆဢိၵ်ႇတင်း မဵဝ်းၸိူဝ်ႉၶိူဝ်းမႂ်းသေၵႃႈတီႈမိူင်းဢၼ်သိမ်းဢဝ်ၶဝ်ၵႂႃႇၼၼ်ႉမႃးလႄႈ မဵဝ်းယႃႇၵုပ်ႉတၵ်းၶိုၼ်းမႃးလႄႈ ယင်းဢမ်ႇမီးၵေႃႉဢၼ်လွၵ်ႇငိူတ်ႈမၼ်းလႄႈ တၵ်းလႆႈယူႇတဵတ်ႇလီၼိမ်လီ ၵတ်းယဵၼ်ၶျၢမ်းသႃႇၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။
၁၁ လၢႆးသမ်ႉထႃႇဝရႃႉၽြႃးမီးဢမိင်ႉၸမ်း၊-ၵဝ်မီးယူႇလူၺ်ႈၵၼ်တင်းမႂ်း ႁႂ်ႈလႆႈၵႄႇသႄႇၶျွတ်ႈဢဝ်မႂ်းဢေႃႈ။ပိၵ်ႉသမ်ႉ ၵဝ်ႁႂ်ႈၵူၼ်းၵူႈၸိူဝ်ႉၵူႈမဵဝ်းတီႈဢၼ်ၵဝ်ၸၢတ်ႇပိုၼ်မႂ်းပႅတ်ႈၸိူဝ်းၼၼ်ႉသုမ်းၸွမ်းသေၵေႃႈ ၵဝ်တၵ်းဢမ်ႇႁႂ်ႈမႂ်းသုမ်းၸွမ်း။ၼႂ်းဝႃႈၼၼ်သေၵေႃႈၵဝ်ယင်းဢမ်ႇပွႆႇဢပျႅတ်ႈမႂ်းလွတ်ႈ မူတ်းမူတ်းသဵင်ႈသဵင်ႈလႄႈတၵ်းသင်ႇသွၼ်သုင်းမႃႉမႂ်းႁႂ်ႈမႅၼ်ႈၸွမ်းၼင်ႇတြႃး ဢေႃႈ။
၁၂ ထႃႇဝရႃႉၽြႃးမီးဢမိင်ႉၸမ်း၊-တၢင်းၸဵပ်းတၢင်းသႅပ်ႇမႂ်းၼၼ်ႉႁၢႆယၢပ်ႇၼႃႇလႄႈ ဝူၺ်ႇတၼႃႇ ဢၼ်မႂ်းလႆႈၶၢမ်ႇၼၼ်ႉႁႅင်းယႂ်ႇၼႃႇဢေႃႈ။
၁၃ ၽူႈ လႂ်သေၵေႃႉသေၵူၼ်း ဢမ်ႇပႂ်ႉဢမူႉမႂ်းႁႂ်ႈလႆႈမတ်ႉၶဵၼ်းပၼ်တၢင်းၸဵပ်းတၢင်းသႅပ်ႇမႂ်းၼၼ်ႉ။မႂ်းဢမ်ႇမီးယႃႈယႃဢၼ်ႁႂ်ႈတၢင်းၸဵပ်းတၢင်းသႅပ်ႇမႂ်းႁၢႆလႆႈၼၼ်ႉ။ၵေႃႉသေႈမႂ်းၵႃႈမီးၼၼ်ႉလူင်လိုမ်းမႂ်းလႄႈ ယင်းဢမ်ႇဢွၼ်ၵၼ်တွင်ႈ ႁႃထၢမ်ႁႃလႄႈယူႇဢေႃႈ။
၁၄ ၵွပ်ႈပိူဝ်ႈဢၼ်ဢပျႅတ်ႈမႂ်းယႂ်ႇလႄႈ တုၸရိူၵ်ႈဢၼ်မႂ်းႁဵတ်းၼၼ်ႉၼမ်ၼႃႇၼၼ်ႉလႄႈ ၵဝ်ဢဝ်တၢင်းၸဵပ်းတၢင်းသႅပ်ႇဢၼ်ရၢၼ်ႇသူႇၸၢင်ႊပၼ်ၼၼ်ႉဢိၵ်ႇတင်း တၢမ်ႇဢၼ်ၵေႃႉဢၼ်ႁၢဝ်ႈၵျၢမ်းၼႃႇၸၢင်ႊပၼ်ၼၼ်ႉ ႁႂ်ႈမႂ်းၸဵပ်းမႂ်းသႅပ်ႇ ယဝ်ႉ။
၁၅ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းႁႆႈႁွင်ႉၵွပ်ႈပိူဝ်ႈတၢင်းၸဵပ်းတၢင်းသႅပ်ႇမႂ်းၼၼ်ႉၼင်ႇႁိုဝ်။ဝူၺ်ႇတၼႃႇတၢင်းဢၼ်မႂ်းလႆႈၶၢမ်ႇၼၼ်ႉႁၢႆယၢပ်ႇၼႃႇဢေႃႈ။ၵွပ်ႈပိူဝ်ႈဢပျႅတ်ႈမႂ်းလႄႈ တုၸရိူၵ်ႈဢၼ်မႂ်းႁဵတ်းၼၼ်ႉၼမ်ၼႃႇလႄႈ ၵဝ်လႆႈသင်ႇသွၼ်သုင်းမႃႉမႂ်းၸိူဝ်ႉၼင်ႇၼႆ ယဝ်ႉ။
၁၆ ၼႂ်းဝႃႈၼၼ်သေၵေႃႈၶဝ်ၸိူဝ်းဢၼ်ၶူပ်းၵိၼ်မႂ်းတင်းသဵင်ႈတင်းလူင်ၼၼ်ႉ တၵ်းလႆႈဢွၼ်ၵၼ်ၶၢမ်ႇတၢင်းဢၼ်ၶူပ်းၵိၼ်ဢေႃႈ။ ရၢၼ်ႇသူႇမႂ်းတင်းသဵင်ႈတင်းလူင်တၵ်းလႆႈဢွၼ်ၵၼ်ၶၢမ်ႇ တၢင်းဢၼ်သိမ်းဢဝ်ၵႂႃႇၵူႈၵေႃႉၵူႈၵူၼ်းဢေႃႈ။ၶဝ်းၸိူဝ်းဢၼ်ႁိမ်ဢဝ်ႁူင်ႇဢဝ်မႂ်းၼၼ်ႉ တၵ်းလႆႈဢွၼ်ၵၼ်ၶၢမ်ႇတၢင်းဢၼ်ႁိမ်ဢဝ်ႁူင်ႇဢဝ်လႄႈ ၶဝ်ၸိူဝ်းဢၼ်ယႃႉမႂ်းပႅတ်ႈတင်းသဵင်ႈတင်းလူင်ၼၼ်ႉၸိုင်ၵဝ်တၵ်းဢဝ်ဢၢပ်ႈပၼ် တီႈတၢင်းဢၼ်ယႃႉပႅတ်ႈဢေႃႈ။
၁၇ ထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းႁႂ်ႈမႂ်းယူႇလီၵိၼ်ဝၢၼ်ပဵၼ်ၸိူဝ်ႉၼင်ႇပၵ်းၵဝ်ႇပိူင်ၵဝ်ႇလႄႈ ႁႂ်ႈတၢင်းၸဵပ်းတၢင်းသႅပ်ႇမႂ်းႁၢႆ ၵွပ်ႈပိူဝ်ႈဢၼ်ပိူၼ်ႈႁွင်ႉႁိၵ်ႈၸိုဝ်မႂ်း ၵေႃႉဢၼ်လႆႈၶၢမ်ႇတၢင်းဢၼ် ၸုၼ်ႉပႅတ်ႈလႄႈ လၢတ်ႈဝႃႈမၼ်းၼႆႉပဵၼ်ဝဵင်းၸိဢုၼ်ႇ ဢၼ်ၽူႈ လႂ်ဢမ်ႇလူတူၺ်းလုမ်းလႃး၊ ဝႃႈၼင်ႇၼႆၼၼ်ႉဢေႃႈ။
၁၈ ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းဢဝ်သုမ်ႉထဵင်မဵဝ်းယႃႇၵုပ်ႉ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၸိူဝ်းၼၼ်ႉၶိုၼ်းမႃးလႄႈ ဢိတ်းလူတီႈဢၼ်ၶဝ်ယူႇၶဝ်သဝ်းၼၼ်ႉဢေႃႈ။ဝဵင်းၵေႃႈတၵ်းမီးတၢင်းဢၼ်တႄႇယူႇၵႃႈၼိူဝ်ၵုင်းတူဝ်ၸဝ်ႈၵဝ်ႇလႄႈ ႁေႃၶမ်းၵေႃႈ တၵ်းတႄႇယူႇၸွမ်းၼင်ႇထုင်းၸၢမ်ႇပၵ်းၵဝ်ႇ ပိူင်ၵဝ်ၼၼ်ႉဢေႃႈ။
၁၉ သဵင်တၢင်းဢၼ်ယွင်ႈယေႃးၵျေးၸူးသဵင်ၶဝ်ၸိူဝ်းဢၼ်သႂၢင်ႇသိူဝ်းၼၼ်ႉ တၵ်းဢွၵ်ႇၵႃႈၼႂ်းၶဝ်ၼၼ်ႉလႄႈ ၵဝ်တၵ်းႁႂ်ႈၶဝ်ပဵၼ်ဢၼ်ယႂ်ႇဢၼ်ၼမ်လႄႈၶဝ်တၵ်းဢမ်ႇလႆႈပဵၼ်ဢၼ်လဵၵ်ႉဢၼ်ၵေႇ။ၵဝ်တၵ်းႁႂ်ႈၶဝ်ႁွတ်ႈထိုင်တၢင်းဢၼ်ယွင်ႈယေႃးလႄႈ ၶဝ်တၵ်းဢမ်ႇလႆႈပဵၼ်ဢၼ်လဵၵ်ႉဢၼ် ဢွၼ်ႇ။
၂၀ လုၵ်ႈၶဝ်လၢၼ်ၶဝ်တၵ်းပဵၼ်ၸိူဝ်ႉၼင်ႇမိူဝ်ႈဢွၼ်ၼႆႉၼၼ်ႉလႄႈ ပရိၵ်ႈသၢတ်ႈၶဝ်တင်းလၢႆတၵ်းလႆႈတႄႇယူႇၵႃႈတီႈၽၢႆႇၼႃႈၵဝ်ဢေႃႈ။ၵဝ်တၵ်းပၼ်တၢမ်ႇဢပျႅတ်ႈ တီႈၶဝ်ၵႃႈဢၼ်ၼိၵ်ႈၸၢၵ်ႈငႅၼ်းသေး ၶဝ်ၼၼ်ႉဢေႃႈ။
၂၁ ၶုၼ်ၶဝ်ၼၼ်ႉတၵ်းပဵၼ်မဵဝ်းၶဝ်လႄႈၵေႃႉဢၼ်ဢုပ်ႉပိူင်ႇၶဝ်ၼၼ်ႉ တၵ်းပေႃႇဢွၵ်ႇပဵၼ်မႃးၵႃႈၼႂ်းၶဝ်ဢေႃႈ။ၵဝ်တၵ်းၸူဝ်းဢဝ်မၼ်းမႃးၸူးလႄႈမၼ်းတၵ်းသုတ်ႉၸပ်းသုတ်ႉၸူးတီႈၵဝ်ဢေႃႈ။ၽူႈ လႂ်မီးၸႂ်ဢၼ်ႁတ်းႁၢၼ် ႁႂ်ႈလႆႈသုတ်ႉၸပ်းသုတ်ႉၸူးတီႈ ၵဝ်။
၂၂ မိူဝ်ႈၼၼ်ႉသူတၵ်းပဵၼ်ၵူၼ်းၵဝ်လႄႈၵဝ်ၵေႃႈတၵ်းပဵၼ်ၽြႃးပဵၼ်ၸဝ်ႈသူဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၃ တူၺ်းလူ။လူမ်းၽိဝ်ႁုင်ထႃႇဝရႃႉၽြႃးဢၼ်ဝႃႈဢၢႆတၢင်းၸႂ်မႆႈၶႆႈၸႃႉမၼ်းၸဝ်ႈၼၼ်ႉဢွၵ်ႇမႃးလႄႈပဵၼ်လူမ်းၽိဝ်ႁုင် ဢၼ်ပၼ်ၵဝ်ပတ်ႉထူဝ်းၼၼ်ႉဢေႃႈ။တၵ်းပတ်ႉထူဝ်းသႂ်ႇ ၵႃႈၼိူဝ်ႁူဝ်ၶဝ်ၸိူဝ်းဢၼ်ဢမ်ႇ တြႃးၼၼ်ႉႁႅင်းယႂ်ႇၼႃႇလူင်လၢင်ဢေႃႈ။
၂၄ တၢင်းၸႂ်မႆႈၶႆႈၸႃႉထႃႇဝရႃႉၽြႃးတၵ်းဢမ်ႇဝၢႆႇဢမ်ႇၶိုၼ်းတေႃႇထိုင်ႁွတ်ႈမၼ်းၸဝ်ႈ ထၼ်ႈပေႃးၵွႆမိုဝ်းမၼ်းၸဝ်ႈလႄႈ ႁႂ်ႈတၢင်းၵျၢမ်ႇတၢင်းပွင်မၼ်းၸဝ်ႈလႆႈတဵမ်ထူၼ်ႈၼၼ်ႉဢေႃႈ။ၶိင်ႇမိူဝ်ႉဝၼ်းလိုၼ်းၼၼ်ႉသူတၵ်းႁူႉၸႅင်ႈလီလီငၢမ်းငၢမ်းဢေႃႈ။