၂၀
ယေႇရမိတင်းပႃႇသုရ
၁ ၼင်ႇၼၼ်လႄႈပႃႇသုရလုၵ်ႈၸၢႆးယိတ်ႉပရေႃးႁိၵ်ႈဢိမေႇရ ဢၼ်ပဵၼ်ၶုၼ်ပိၵ်ႉမၢၼ်ႇထႃႇဝရႃႉၽြႃးၼၼ်ႉငိၼ်းယေႇရမိ ႁေႃးလၢတ်ႈၸိူဝ်ႉၼင်ႇၼၼ်လႄႈ ပႃႇသုရ ၼၼ်ႉပေႃႉထုပ်ႉပရေႃးၽိတ်ႈယေႇရမိ သေလႄႈဢဝ်သႂ်ႇထိၵ်ႈဝႆႉၵႃႈၼႂ်းႁူးၽၵ်းတူပိၼ်ႇယႃႇမိၼ် ႁၢၼ်ႉ ၼိူဝ်ၵႃႈတီႈႁိမ်းႁိူၼ်းထႃႇဝရႃႉၽြႃးၼၼ်ႉဢေႃႈ။
၃ ဝၼ်းမိူဝ်ႈၽုၵ်ႈပႃႇသုရ ပွႆႇယေႇရမိသေၵႃႈတီႈထိၵ်ႈၼၼ်ႉလႄႈယေႇရမိ လၢတ်ႈတီႈမၼ်းလႄႈဝႃႈ၊-ထႃႇဝရႃႉၽြႃးဢမ်ႇႁွင်ႉႁိၵ်ႈတၢင်ႇပၼ်ၸိုဝ်မႂ်းဝႃႈပႃႇသုရ။ မၼ်းၸဝ်ႈ ႁွင်ႉႁိၵ်ႈတၢင်ႇပၼ်ၸိုဝ်မႂ်းဝႃႈမႃႇၵေႃႇမိတ်ႉ သၽိပ်ႉၶႃႈဢေႃး ၊ဝႃႈၼင်ႇၼႆဢေႃႈ။
၄ ထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းႁႂ်ႈမႂ်းပဵၼ်လွင်ႈဢၼ်လီၵူဝ်လီႁႄတူဝ်မႂ်းဢိၵ်ႇတင်း တီႈၵေႃႉသေႈမၼ်းတင်းလၢႆဢေႃႈ။ ၶဝ်တၵ်းဢွၼ်ၵၼ်တူၵ်းသုမ်းလူၺ်ႈလၢပ်ႇလူၺ်ႈလႅဝ်းရၢၼ်ႇသူႇၶဝ်လႄႈ မၢၵ်ႇတႃမႂ်းတၵ်းလႆႈႁၼ်ဢေႃႈ။ၵဝ်တၵ်းဢဝ်မိူင်းယုတတင်းမိူင်းဢၢပ်ႈပၼ်ၵႃႈၼႂ်းမိုဝ်းၶုၼ်ႁေႃၶမ်းပႃႇပုလုၼ်ႇလႄႈ မၼ်းၼၼ်ႉတၵ်းသိမ်းဢဝ်ၶဝ်ၵႂႃႇၵႃႈတီႈ မိူင်းပႃႇပုလုၼ်ႇ သေ လႄႈဢဝ်ၶဝ်တၢႆလူၺ်ႈလၢပ်ႇလူၺ်ႈလႅဝ်းဢေႃႈ။
၅ ၵဝ်တၵ်းဢဝ်ၸေးၸိမ်ႇဝဵင်းၼႆႉၵႃႈမီး၊ ဢုၵ်ႉၸႃႇၵႃႈဢၼ်ႁဵတ်းလႄႈလႆႈ ရတ်တၼႃႇၵႃႈဢၼ်ၵဵပ်းဝႆႉႁွမ်ဝႆႉဢၼ်ဝႃႈၽၼ်ႇတႃႇၶုၼ်ႁေႃၶမ်း ၵူႈၸိူဝ်ႉၵူႈပိူင်ၼၼ်ႉဢၢပ်ႈပၼ်ၵႃႈၼႂ်းမိူင်းရၢၼ်ႇသူႇၶဝ် ဢၼ်တၵ်းႁိမ်ႁူင်ႇဢဝ်ၶဝ်လႄႈသိမ်းဢဝ်ၶဝ်ၵႂႃႇၵႃႈတီႈဝဵင်းပႃႇပုလုၼ်ႇ ၸိူဝ်း ၼၼ်ႉဢေႃႈ။
၆ မႂ်းပႃႇသုရဢိၵ်ႇတင်းၵူၼ်းႁိူၼ်းၵူၼ်းယေးမႂ်းတင်းသဵင်ႈတင်းလူင်ၵေႃႈ တၵ်းလႆႈၶၢမ်ႇသိမ်းဢဝ်ၵႂႃႇဢေႃႈ။မႂ်းတၵ်းလႆႈႁွတ်ႈထိုင်ၵႃႈတီႈဝဵင်းပႃႇပုလုၼ်ႇပုၼ်ႉလႄႈ မႂ်းဢိၵ်ႇတင်းၵေႃႉသေႈမႂ်းဢၼ်မႂ်းဢဝ်ၵႂၢမ်းမူႉသႃႇ ႁေႃးလၢတ်ႈတီႈၶဝ်ၼၼ်ႉတင်းသဵင်ႈတင်းလူင်ၼၼ်ႉ တၵ်းလႆႈတၢႆၵႃႈတီႈဝဵင်းၼၼ်ႉသေလႄႈ ၶၢမ်ႇတၢင်းဢၼ်သၢင်းၵျူဝ်ႇၵႃႈတီႈၼၼ်ႉဢေႃႈ၊ဝႃႈၼင်ၼႆဢေႃႈ။
ယေႇရမိပွင်ႉမိုၼ်
၇ ထႃႇဝရႃႉၽြႃးတီႈၶႃႈ။ၸဝ်ႈႁဝ်းတိုၵ်းယူင်းၸူဝ်းဢဝ်ၶႃႈၸဝ်ႈလႄႈၶႃႈၸဝ်ႈၸွမ်းတီႈၶႃႈယဝ်ႉ။ ၸဝ်ႈႁဝ်းႁႅင်းယႂ်ႇလိူဝ်တွၼ်းၼႃႇသေၶႃႈၸဝ်ႈလႄႈ ပေႉၼႅင်ႇတီႈၶႃႈယဝ်ႉ။ၶႃႈၸဝ်ႈလႆႈၶၢမ်ႇတၢင်းဢၼ်သေႉသွမ်းယူႇတင်းဝၼ်းတင်းဝၼ်းလႄႈ ၵူႈၵေႃႉၵူႈၵူၼ်းၸင်ႇဢွၼ်ၵၼ်ႁဵတ်းတၢင်းဢၼ်ယဝ်ႉ လဵၼ်ႈယွၵ်ႇလဵၼ်ႈ ၶႃႈၸဝ်ႈတီႈၶႃႈဢေႃႈ။
၈ ၼႂ်းမိူဝ်ႈဢၼ်ၶႃႈၸဝ်ႈႁေႃးလၢတ်ႈၵူႈပွၵ်ႈၵူႈပွၵ်ႈၼၼ်ႉ ၶႃႈၸဝ်ႈသႅၼ်ႇႁွင်ႉတီႈၶႃႈဢေႃႈ။ၶႃႈၸဝ်ႈႁွင်ႉပၢဝ်ႇႁွင်ႉသေႃႇလႄႈဝႃႈပဵၼ်ဢမူႉတၢင်းဢၼ်ၼိၵ်ႈၸၢၵ်ႈငႅၼ်းသေး၊ဢမူႉတၢင်းဢၼ်ႁိမ်ဢဝ်ႁူင်ႇဢဝ်ဢေႃႈ၊ ဝႃႈၼင်ႇၼႆတီႈၶႃႈဢေႃႈ။လွင်ႈမၼ်းၸမ်း ၼုၵ်ႈၵပၢတ်ႈထႃႇဝရႃႉၽြႃးၼၼ်ႉပဵၼ်လွင်ႈဢၼ်လီသေႉသွမ်း လွင်ႈဢၼ်လီယဝ်ႉလဵၼ်ႈယွၵ်ႇလဵၼ်ႈတီႈၶႃႈၸဝ်ႈယူႇ ၵူႈဝၼ်းၵူႈဝၼ်းတီႈၶႃႈဢေႃႈ။
၉ ပိူဝ်ႈၼႆလႄႈပိၵ်ႉသမ်ႉၵဝ်ဝႆႉသၽေႃးလႄႈဝႃႈၵဝ်ယင်းဢမ်ႇမွၵ်ႇဢမ်ႇလၢတ်ႈလွင်ႈမၼ်းၸဝ်ႈ၊ ယင်းဢမ်ႇ ဢိင်ၼႃႇမႃႉၸိုဝ်သဵင်မၼ်းၸဝ်ႈသေလႄႈႁေႃးလၢတ်ႈလႄႈတၵ်းယူယဝ်ႉ ဝႃႈၼင်ႇၼႆသေၵေႃႈၵႃႈၼႂ်းႁူဝ်ၸႂ်ၵဝ်ၼႆႉ ပဵၼ်ၸိူဝ်ႉၼင်ႇၽႆးဢၼ်မႆႈယူႇလႄႈမူၵ်းဝႆႉၵႃႈၼႂ်းလုပ်ႇၵဝ်တင်းလၢႆၼၼ်ႉလႄႈ ပဵၼ်ဢၼ်ႁိူဝ်ႉၼႃႇလူင်လၢင် ၵွပ်ႈပိူဝ်ႈဢၼ်ယိူၼ်ႉၵၼ်ႈယူႇၼၼ်ႉ လႄႈဢမ်ႇၶၢမ်လႆႈ။
၁၀ ၵဝ်လႆႈငိၼ်းတၢင်းဢၼ်ပိူၼ်ႈသေႉသွမ်းတၢင်ႇဢပျႅတ်ႈ တၢင်းဢၼ်မီးလွင်ႈဢၼ်လီၵူဝ်လီႁႄၵူႈၽၢႆႇၵူႈပႃႈဢေႃႈ။ပိူၼ်ႈဢွၼ်ၵၼ်လၢတ်ႈလႄႈဝႃႈ ဢွၼ်ၵၼ်လၢတ်ႈၵႂၢမ်းတၢင်ႇဢပျႅတ်ႈတႃႉ။ႁဝ်းတၵ်းလၢတ်ႈၵႂၢမ်း တၢင်ႇဢပျႅတ်ႈတီႈမၼ်းဢေႃႈ၊ဝႃႈၼင်ႇၼႆဢေႃႈ။ၵေႃႉသေႈၵဝ်တင်းသဵင်ႈတင်းလူင်ဢွၼ်ၵၼ်ပႂ်ႉထႃႈ လွင်ႈဢၼ်ၵဝ်တၵ်လူမ်ႉတၵ်းတူၵ်းၼၼ်ႉယူႇသေႇလႄႈဝႃႈမၼ်းၸၢင်ႈၶေးတၵ်းၶၢမ်ႇတၢင်းဢၼ်တိုၵ်းယူင်းၸူဝ်းဢဝ်လႄႈ ႁဝ်းတၵ်းပေႉၼႅင်ႇမၼ်းလႄႈ ႁႂ်ႈၸႂ်ဢၼ်ဝႆႉတၢင်းၽိတ်းႁဝ်းထၼ်ႈ ပေႃးပျေႇဢေႃႈဝႃႈၼင်ႇၼႆဢေႃႈ။
၁၁ ၼႂ်းဝႃႈၼၼ်သေၵေႃႈထႃႇဝရႃႉၽြႃး ပဵၼ်ၵူၼ်းသိုၵ်းဢၼ်ႁႅင်းယႂ်ႇၼႃႇလႄႈလီၵူဝ်လီႁႄၼၼ်ႉယူႇၽၢႆႇၵဝ်ဢေႃႈ။ပိူဝ်ႈၼႆလႄႈၶဝ်ၸိူဝ်းဢၼ် ၼိၵ်ႈၸၢၵ်ႈငႅၼ်းသေးၵဝ်ၼၼ်ႉယင်းဢမ်ႇပေႉဢမ်ႇၼႅင်ႇလႄႈ တၵ်းဢွၼ်ၵၼ်တိူဝ်ႉမႅၼ်ႈလႄႈလူမ်ႉဢေႃႈ။ၵွပ်ႈပိူဝ်ႈဢၼ်တၢင်းၵျၢမ်ႇတၢင်းပွင်ၶဝ်ဢမ်ႇထိုင်တီႈၼၼ်ႉလႄႈ ၶဝ်တၵ်းမီးတၢင်းဢၼ်ဢူၵ်းဢၼ်ဢၢႆ ထႃႇဝရႃႉဢၼ်ဢမ်ႇပျေႇဢမ်ႇႁၢႆလႆႈၼၼ်ႉလႄႈဢွၼ်ၵၼ်ဢူၵ်းဢၢႆၼႃႇလူင်လၢင်ဢေႃႈ။
၁၂ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ဢၼ်ၸၢမ်းတူၺ်း ၶဝ်ၸိူဝ်းဢၼ်သိုဝ်ႈတေႃႇၼၼ်ႉလႄႈႁူႉႁၼ်သၽေႃးမၢၵ်ႇလၼ်ႁူဝ်ၸႂ်တီႈၶႃႈ။ႁႂ်ႈၶႃႈၸဝ်ႈလႆႈႁၼ်လွင်ႈဢၼ်ၸဝ်ႈႁဝ်းၸီႇယၢင်ႇတၢမ်ႇဢပျႅတ်ႈတီႈၶဝ်ၼၼ်ႉသေၵမ်းလူၺ်ႈ။လွင်ႈမၼ်းၸမ်းၶႃႈၸဝ်ႈၽုၺ်ႇဢွၵ်ႇၼႄပျႃးဢမူႉၶႃႈၸဝ်ႈၵႃႈတီႈၽၢႆႇၼႃႈ ၸဝ်ႈႁဝ်းတီႈၶႃႈယဝ်ႉ။
၁၃ ဢွၼ်ၵၼ်ႁဵတ်းၵႂၢမ်းတီႈထႃႇဝရႃႉၽြႃးတႃႉ။ဢွၼ်ၵၼ်ယွင်ႈယေႃးထႃႇဝရႃႉၽြႃးတႃႉ။ လွင်ႈမၼ်းၸမ်းမၼ်းၸဝ်ႈၵႄႇသႄႇၼုၵ်ႈဢဝ်ဝိၺိၺ်ႇၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ ဢွၵ်ႇသေၵႃႈၼႂ်းမိုဝ်းၶဝ်ၸိူဝ်းဢၼ်ႁဵတ်းဢမ်ႇတြႃး ၼၼ်ႉ ဢေႃႈ။
၁၄ ႁႂ်ႈမိူဝ်ႉဝၼ်းဢၼ်ၵဝ်ၵိူတ်ႇလဵင်ႉၵဝ်မႃးၼၼ်ႉမီးဢႃႉမင်ႇၵလႃႇသေၵမ်းလူၺ်ႈ။ယႃႇပေႁႂ်ႈမိူဝ်ႉဝၼ်းဢၼ်မေႈၵဝ်ၵိူတ်ႇလဵင်ႉၵဝ်မႃးၼၼ်ႉ မီးမင်ႇၵလႃႇသေ ၵမ်းလူၺ်ႈ။
၁၅ ႁႂ်ႈၵေႃႉဢၼ်မွၵ်ႇလၢတ်ႈသတၢင်းသဵင်ၶၢဝ်ႇတီႈပေႃႈၵဝ်လႄႈဝႃႈ၊ ၸဝ်ႈလႆႈလုၵ်ႈၸၢႆးယဝ်ႉ၊ ဝႃႈၼင်ႇၼႆသေလႄႈ ႁႂ်ႈမၼ်းၸူမ်းသိူဝ်းၼႃႇလူင်လၢင် ၼၼ်ႉမီးဢႃႉမင်ႇၵလႃႇသေၵမ်းလူၺ်ႈ။
၁၆ ႁႂ်ႈၵေႃႉၼၼ်ႉပဵၼ်ၸိူဝ်ႉၼင်ႇ ဝဵင်းဢၼ်ထႃႇဝရႃႉၽြႃးယႃႉပႅတ်ႈလႄႈဢမ်ႇၶိုၼ်းၶုၵ်းၸႂ်လႆႈမႆႈၸႂ်လူၺ်ႈၸိူဝ်းၼၼ်ႉ သေၵမ်းလူၺ်ႈ။ႁႂ်ႈမၼ်းငိၼ်းသဵင်ဢၼ်ႁွင်ႉသႅၼ်ႇႁွင်ႉသေႃႇၶိင်ႇၵၢင်ၼႂ်လႄႈ ငိၼ်းသဵင်ဢၼ်ႁွင်ႉသႅၼ်ႇႁွင်ႉၵိဝ်ၶိင်ႇၵၢင် ဝၼ်းတဵင်သေၵမ်းလူၺ်ႈ။
၁၇ လွင်ႈမၼ်းၸမ်းမၼ်းယင်းဢမ်ႇဢဝ်ၵဝ်တၢႆ ၸႃႉၸဵမ်မိူဝ်ႈဢၼ်ၵဝ်ယင်းမီးယူႇၵႃႈၼႂ်းတွင်ႉမေႈၵဝ်ၼၼ်ႉလႄး ႁႂ်ႈတွင်ႉမေႈၵဝ်ၼၼ်ႉပဵၼ်ပႃႇႁဵဝ်ႈသၢင်းၶႅင်းၵဝ်လႄႈ တွင်ႉမၼ်းၼၼ်ႉပဵၼ် ဢၼ်ယႂ်ႇယူႇၵႂ်ႈယူႇလူင်ပေႇ။
၁၈ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵဝ်လႆႈဢွၵ်ႇၵႃႈၼႂ်းတွင်ႉမႃးႁႂ်ႈလႆႈထူပ်းႁၼ်ၵၢၼ်တၢင်းႁဵတ်းတၢင်းသၢင်ႈဢၼ်ယၢပ်ႇဢၼ်ၽိုတ်ႇဢိၵ်ႇတင်းတၢင်းဢၼ်မႆႈၸႂ်ၶီၸႂ်ႁႂ်ႈထၼ်ႈပေႃး မိူဝ်ႉဝၼ်းၵဝ်ဢူၵ်းဢၢႆယူသေလႄႈပူၼ်ႉၵႂႃႇၼင်ႇႁိုဝ်။