၅၂
ဝဵင်းယေႇရုသလႅမ်ႇလူႉသုမ်း
၁ ၶုၼ်ၸေႇတၵိ ၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈ သၢဝ်းပၢႆဢဵတ်းပီႊလႄႈဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်း ယေႇရုသလႅမ်ႇသိပ်းပၢႆဢဵတ်းပီႊဢေႃႈ။ၸိုဝ်သဵင်မေးၸဝ်ႈၸမ်းပဵၼ်ႁႃႇမုတလလုၵ်ႈယိင်းယေႇရမိ ၵူၼ်းဝဵင်းလိပၼဢေႃႈ။
၂ မၼ်းႁဵတ်းတုၸရိူၵ်ႈ သိုဝ်ႈၼႃႈတႂ်ႈတႃထႃႇဝရႃႉၽြႃးၸွမ်းၵႃႈၼင်ႇဢၼ်ယေႃႇယၵိမ်ႇ ႁိတ်းၵႃႈမီးၼၼ်ႉ ဢေႃႈ။
၃ ၵွပ်ႈပိူဝ်ႈတၢင်းၸႂ်မႆႈၶႆႈၸႃႉထႃႇဝရႃႉၽြႃးလႄႈဢမူႉၼၼ်ႉပဵၼ်ၵႃႈၼႂ်းဝဵင်းယေႇရုသလႅမ်ႇ တင်းမိူင်းယုတ ယူႇတေႃႇထိုင်ႁွတ်ႈမၼ်းၸဝ်ႈထၼ်ႈပေႃးႁေႃႈၶဝ်ဢွၵ်ႇသေၵႃႈတီႈ ၽၢႆႇၼႃႈမၼ်းၸဝ်ႈၼၼ်ႉလႄႈၸေႇတၵိၼၼ်ႉလုၵ်ႉၽိုၼ်ႉ ၶုၼ်ႁေႃၶမ်းပႃႇပုလုၼ်ႇ ဢေႃႈ။
၄ ၼႂ်းပီႊဢၼ်မၼ်းၸၢမ်ႇႁၢင်ႈၸၢမ်ႇႁေႃၵဝ်ပီႊလိူၼ်တသမသိပ်းဝၼ်းၼၼ်ႉ ၼေႇပုၶတ်ႉၼေႇၸႃႇၶုၼ်ႁေႃၶမ်းပႃပုလုၼ်ႇ ၼၼ်ႉပႃးဢဝ်တင်းပူဝ်ႇပႃႇမၼ်းတင်းသဵင်ႈတင်းလူင်သေလႄႈ ၶီႇသိုၵ်းၸူးၵႃႈ တီႈဝဵင်းယေႇရုသလႅမ်ႇ လႄႈ
၅ ၶျႃးတပ်ႉယူႇၽၢႆႇၼိုင်ႈတင်းဝဵင်းသေလႄႈ တႄႇႁဵတ်းလၢင်းၸီႇၵႃႈတီႈႁိမ်းႁွမ်းလဵပ်ႈႁွပ်ႈဝဵင်းဝႆႉသေယဝ်ႉ လွမ်ႉဝဵင်းဝႆႉတေႃႇထိုင်ႁွတ်ႈၸေႇတၵိ ၸၢမ်ႇႁၢင်ႈၸၢမ်ႇႁေႃလႆႈသိပ်းပၢႆဢဵတ်းပီႊ ၼၼ်ႉဢေႃႈ။
၆ ၼႂ်းလိူၼ်ၸတုၵ်ႉထၵဝ်ႈဝၼ်း၊ၵႃႈၼႂ်းဝဵင်းတၢင်းၵိၼ်တၢင်းၶူပ်း ၵႃႈပႅင်းၼႃႇလူင်လၢင်ထၼ်ႈပေႃး ဢမ်ႇမီးတၢင်းၵိၼ်တၢင်းၶူပ်းပုၼ်ႈၵူၼ်းဝဵင်းၵူၼ်း ၶူးတင်းလၢႆဢေႃႈ။
၇ မိူဝ်ႈၼၼ်ႉၶဝ်ၼၼ်ႉၵေႃႈၸီးမူင်ႇလမ်းဝဵင်းယူႇလႄႈ ႁူဝ်ႁၢၼ်ၵူၼ်းသိုၵ်းၵူၼ်းဝဵင်းတင်းသဵင်ႈတင်းလူင် ဢွၼ်ၵၼ်ဢွၵ်ႇပၢႆႈၶိင်ႇၵၢင်ၶိုၼ်းၸွမ်းသဵၼ်ႈတၢင်းၽၵ်းတူလမ်းဝဵင်းသွင်ထၢပ်ႇ ၵႃႈတီႈႁိမ်းသူၼ်ဢူးယဵၼ်ႇၶုၼ်ႁေႃၶမ်းလႄႈ ၵူၼ်းၶႃႇလတေႇတင်းလၢႆယူႇၽၢႆႇၼိုင်ႈတင်းဝဵင်းသေလႄႈ လွမ်ႉဝဵင်းဝႆႉယူႇလႄႈ ၶုၼ်ႁေႃၶမ်း ၸွမ်းသဵၼ်ႈတၢင်းဢၼ်ၵႂႃႇ ၸူးၵႃႈတီႈပၢင်ႇပဵင်းဢႃႇရၽႃႇဢေႃႈ။
၈ တပ်ႉၵူၼ်းၶႃႇလတေႇ ၸိူဝ်းၼၼ်ႉလိုပ်ႈၸွမ်းၶုၼ်ႁေႃၶမ်းလႄႈၶိုတ်းမၼ်းၵႃႈတီႈၼႂ်းပၢင်ႇပဵင်းယေႇရိၶုဝ်း သေယဝ်ႉႁူဝ်ႁၢၼ်ၵူၼ်းသိုၵ်းမၼ်းတင်းသဵင်ႈတင်းလူင် ၽူင်ႉပၢႆႈ ၽၢတ်ႇၽႄၵၼ်တင်းမၼ်းဢေႃႈ။
၉ ၶဝ်ဢွၼ်ၵၼ်တီႉၵမ်ဢဝ်ၶုၼ်ႁေႃၶမ်းလႄႈ ဢဝ်ၵႂႃႇၵႃႈၸူးတီႈၶုၼ်ႁေႃၶမ်းပႃႇပုလုၼ်ႇ ၵႃႈတီႈဝဵင်းရိပလမိူင်းႁႃႇမတ်ႉၼၼ်ႉသေလႄႈ မၼ်းၼၼ်ႉၸႅတ်ႈထၢမ်ၸီႇယၢင်ႇဢမူႉမၼ်း ဢေႃႈ။
၁၀ ၶဝ်ဢဝ်လုၵ်ႈၸၢႆးၸေႇတၵိတင်းလၢႆတၢႆသိုဝ်ႈၼႃႈတႂ်ႈတႃမၼ်းလႄႈ မူးမၢတ်းၽွင်းမိူင်းမိူင်းယုတ ၵႃႈမီး တၢႆၵႃႈတီႈမိူင်းရိပလၼၼ်ႉဢေႃႈ။
၁၁ မၼ်းၶွၵ်းမၢၵ်ႇတႃၸေႇတၵိပႅတ်ႈသေယဝ်ႉ ၶုၼ်ႁေႃၶမ်းပႃႇပုလုၼ်ႇ ၼၼ်ႉဢဝ်ၸိူၵ်ႈတွင်းလိူင်မတ်ႉၽုၵ်ႈမၼ်းသေလႄႈဢဝ်မၼ်းၵႂႃႇၵႃႈတီႈဝဵင်းပႃႇပုလုၼ်ႇ လႄႈဢဝ်မၼ်းၶင်ဝႆႉၵႃႈၼႂ်းထွင်ႇ တေႃႇထိုင်ႁွတ်ႈမိူဝ်ႉဝၼ်းဢၼ်မၼ်းတၢႆၼၼ်ႉဢေႃႈ။
၁၂ ၼႂ်းပီႊဢၼ်ၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇၸၢမ်ႇႁၢင်ႈၸၢမ်ႇႁေႃ သိပ်းၵဝ်ႈပီႊလိူၼ်ပိၼ်ႇၸမသိပ်းဝၼ်းၼၼ်ႉ ၼေႇပုၸႃႇရတၼ်ႇၵူဝ်ႇရၢမ်ႇတေႃႇမူး၊ၵေႃႉဢၼ်ႁၢပ်ႇဢမူႉၶုၼ်ႁေႃၶမ်းပႃႇပုလုၼ်ႇ ၼၼ်ႉ
၁၃ မႃးၵႃႈတီႈဝဵင်းယေႇရုသလႅမ်ႇလႄႈ ဢဝ်ၽႆးတုတ်ႇႁိူၼ်းထႃႇဝရႃႉၽြႃး ဢိၵ်ႇတင်းႁေႃၸဝ်ႈပႅတ်ႈလႄႈႁိူၼ်းဝဵင်းယေႇရုသလႅမ်ႇၵႃႈမီး ဢၼ်ပဵၼ်ႁိူၼ်းယႂ်ႇႁိူၼ်းလူင်တင်းသဵင်ႈတင်းလူင်ၵေႃႈ ဢဝ်မႆႈၽႆးပႅတ်ႈ ဢေႃႈ။
၁၄ တပ်ႉၵူၼ်းသိုၵ်းၵူၼ်းၶႃႇလတေႇၵႃႈဢၼ်ပႃးတီႈၵူဝ်ႇရၢမ်ႇတေႃႇမူးၸိူဝ်းၼၼ်ႉ ဢွၼ်ၵၼ်ၵိူၼ်ႇယႃႉ လမ်းဝဵင်းယေႇရုသလႅမ်ႇၵႃႈမီးပႅတ်ႈဢေႃႈ။
၁၅ မိူဝ်ႈၼၼ်ႉၵူဝ်ႇရၢမ်ႇတေႃႇမူးတပ်ႉၼေႇပုၸႃႇရတၼ်ႇ ၼၼ်ႉသိမ်းဢဝ်ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၵမ်ႈၽွင်ႈ၊ ၶဝ်ၸိူဝ်းဢၼ် ယင်းၵိုတ်းယင်းၵျၢၼ်ႇယူႇၵႃႈၼႂ်းဝဵင်း၊ၶဝ်ၸိူဝ်းဢၼ်ၵႂႃႇၶဝ်ႈလႄႈ ယူႇၽၢႆႇၶုၼ်ႁေႃၶမ်းပႃႇပုလုၼ်ႇ တင်းမုၵ်ႉၵူၼ်းၸိူဝ်းၵူၼ်းၵႃႈဢၼ်ယင်းၵိုတ်း ယင်းၵျၢၼ်ႇၸိူဝ်းၼၼ်ႉၵႂႃႇဢေႃႈ။
၁၆ ၼႂ်းဝႃႈၼၼ်သေၵေႃႈၵူဝ်ႇရၢမ်ႇတေႃႇမူးၼေႇပုၸႃႇရတၼ်ႇ ၼၼ်ႉဝႆႉၵိုတ်းၵူၼ်းၽၢၼ်ၵမ်ႈၽွင်ႈ ႁႂ်ႈလႆႈပဵၼ်ၵေႃႉဢၼ်လုမ်းလႃးသူၼ်ဢူးယဵၼ်ႇၸပိတ်ႈ၊ ၵေႃႉဢၼ်ႁဵတ်းႁႆႊႁဵတ်း ၼႃးဢေႃႈ။
၁၇ ၵူၼ်းၶႃႇလတေႇၸိူဝ်းၼၼ်ႉဢွၼ်ၵၼ်ဢဝ်သဝ်တွင်းလိူင် ဢၼ်မီးၵႃႈၼႂ်းႁိူၼ်း ထႃႇဝရႃႉၽြႃး လႂ်၊ၶူင်ႇ လႂ်၊ တင်းၼမ်ႉၼွင်တွင်းလိူင် လႂ်ဢၼ်မီးၵႃႈၼႂ်းႁိူၼ်းထႃႇဝရႃႉၽြႃးၸိူဝ်းၼၼ်ႉ ႁၵ်းႁိၵ်းပႅတ်ႈလႄႈ ဢဝ်တွင်းလိူင်ၵႃႈမီးၼၼ်ႉၵႂႃႇၵႃႈတီႈဝဵင်းပႃႇပု လုၼ်ႇဢေႃႈ။
၁၈ ၸႃႉၸဵမ်မေႃႈ လႂ်၊ၸေႃႉၽႅပ်ႉ လႂ်၊ၵိမ်းၵိပ်ႈၽႆး လႂ်၊ဝၢၼ်ႇ လႂ်၊ ၸေႃႉ လႂ်ၶိူင်ႈတွင်းလိူင်ပုၼ်ႈဢၼ်တၵ်းပွင်ဢမူႉၸဝ်ႈၵႃႈမီးၼၼ်ႉၵေႃႈ ၶဝ်ဢွၼ်ၵၼ်ဢဝ် ၵႂႃႇဢေႃႈ။
၁၉ မေႃႈမႅၼ် လႂ်၊လၢင်ႇပၢၼ်း လႂ်၊ ဝၢၼ်ႇ လႂ်၊မေႃႈ လႂ်၊ၶူင်ႇ တီႈတႆႈၽႆး လႂ်၊ ၸေႃႉ လႂ်၊ၵွၵ်းဢႅင်ႇ လႂ်ဢၼ်ဝႃႈၶိူင်ႈၶမ်း၊ ၶိူင်ႈငိုၼ်းၸိဝ်းၼၼ်ႉၸိုင်ပဵၼ်ၶမ်းသေဢမ်ႇဝႃႈ၊ပဵၼ်ငိုၼ်းသေဢမ်ႇဝႃႈ ၵူဝ်ႇရၢမ်ႇတေႃႇမူးၼၼ်ႉဢဝ်ၵႂႃႇဢေႃႈ။
၂၀ တွင်းလိူင်ဢၼ်ပႃးၵႃႈတီႈသဝ်သွင်လႅမ်ႈ၊ၼမ်ႉၼွင်ဢၼ်ၼိုင်ႈ၊ ဝူဝ်းတွင်းလိူင်သိပ်းသွင်တူဝ်ဢၼ်မီးၵႃႈတႂ်ႈၶူင်ႇၼမ်ႉၼွင်ဢၼ် သေႃးလမုၼ်ႇ ႁဵတ်းပုၼ်ႈႁိူၼ်းထႃႇဝရႃႉၽြႃးၸိူဝ်းၼၼ်ႉၵေႃႈဢဝ်ၵႂႃႇဢေႃႈ။ ၶၼ်ၸင်ႈၶိူင်ႈတွင်းလိူင်ၵႃႈမီးၸိူဝ်း ၼၼ်ႉဢမ်ႇႁူႉၼမ် လႂ်လႄႈၼမ်ၼႃႇဢေႃႈ။
၂၁ တၢင်းသုင်သဝ်ၼၼ်ႉၸမ်းမီးသိပ်းပႅတ်ႇသွၵ်ႇဢေႃႈ။ ဝႅင်းမူၼ်းမၼ်း မီးၸိူၵ်ႈဢၼ်ယၢဝ်းသိပ်းသွင်သွၵ်ႇၼၼ်ႉႁွပ်ႈၼိုင်ႈဢေႃႈ။တၢင်းဢၼ်ၼႃမၼ်းမီးသီႇၼိဝ်ႉလႄႈပဵၼ် ၵူင်ဝႆႉဢေႃႈ။
၂၂ ၵႃႈၼိူဝ်မၼ်းမီးႁူဝ်သဝ်တွင်းလိူင်သေဢေႃႈ။တၢင်းသုင်ႁူဝ်သဝ်ၼၼ်ႉၸမ်းမီးႁႃႈသွၵ်ႇလႄႈၵႃႈတီႈလဵပ်ႈႁွပ်ႈႁူဝ်သဝ်ၼၼ်ႉတဵမ်ထူၼ်ႈဝႆႉတင်းတႃၶေဢိၵ်ႇတင်း မၢၵ်ႇၸင်ႈတင်းလၢႆဢၼ်ပဵၼ်တွင်းလိူင်ၵူၺ်းၵူၺ်းၼၼ်ႉသေလႄႈ သဝ်တင်းလၢႆၼၼ်ႉၵေႃႈပဵၼ်မိူၼ်ၸိူဝ်ႉၼင်ႇၼၼ်လႄႈ တဵမ်ထူၼ်ႈဝႆႉတင်း မၢၵ်ႇၸင်ႈတင်းလၢႆဢေႃႈ။
၂၃ ၵႃႈတီႈသဝ်တင်းသီႇၼႃႈမီးမၢၵ်ႇၸင်ႈၵဝ်သိပ်းပၢႆႁူၵ်းလုၵ်ႈလႄႈ ၵႃႈတီႈတႃၶေဢၼ်လဵပ်ႈႁွပ်ႈၼၼ်ႉ မၢၵ်ႇၸင်ႈပွင်းၵၼ်မီးပၢၵ်ႇၼိုင်ႈ ဢေႃႈ။
၂၄ ၵူဝ်ႇရၢမ်ႇတေႃႇမူးၼၼ်ႉတီႉၵမ်ဢဝ်ၶုၼ်ယိတ်ႉပရေႃးႁိၵ်ႈၸရႃႇယ ယိတ်ႉပရေႃးႁိၵ်ႈတုတိယၸေႇၽၼိ ဢိၵ်ႇတင်းၽၵ်းတူၸဝ်ႈသၢမ်ၵေႃႉၸိူဝ်းၼၼ်ႉ ဢေႃႈ။
၂၅ မၼ်းၼၼ်ႉႁွင်ႉဢဝ်ပူဝ်ႇဢၼ်ဢုပ်ႉၵႃႈၼိူဝ်ႁူဝ်ႁၢၼ်ၵူၼ်းသိုၵ်းတင်းလၢႆၼၼ်ႉၵေႃႉၼိုင်ႈ၊ မူးမၢတ်ႈၽွင်းမိူင်း ဢၼ်ယၢမ်ႈလႆႈႁၼ်ၼႃႈၶုၼ်ႁေႃၶမ်း ဢဝ်ၶဝ်ထူပ်းႁၼ်ၵႃႈၼႂ်းဝဵင်းၼၼ်ႉၸဵတ်းၵေႃႉ၊ ၸရေးလူင် ဢၼ်ဝႃႈ
၂၆ ပူဝ်ႇၶျုၵ်ႈ ဢၼ်လႆႈမၢတ်ႈလႆႈမၢႆၸရၢင်းၵူၼ်းဝၢၼ်ႈၵူၼ်းမိူင်းဢၼ်ထူပ်းမႅၼ်ႈ ၵႃႈၼႂ်းဝဵင်းႁူၵ်းသိပ်းၵေႃႉၸိူဝ်းၼၼ်ႉလႄႈၼေႇပုၸႃႇရတၼ်ႇ ၵူဝ်ႇရၢမ်ႇတေႃႇမူးၼၼ်ႉဢဝ်ၶဝ်ၼၼ်ႉၵႂႃႇသူင်ႇတီႈ ၶုၼ်ႁေႃၶမ်းပႃႇပုလုၼ်ႇ ၵႃႈတီႈဝဵင်းရိပလသေလႄႈ ၶုၼ်ႁေႃၶမ်း ပႃႇပုလုၼ်ႇ ၼၼ်ႉပၼ်တၢမ်ႇတီႈၶဝ်ၼၼ်ႉလႄႈဢဝ်ၶဝ်တၢႆ ၵႃႈတီႈဝဵင်းရိပလမိူင်းႁႃႇမတ်ႉၼၼ်ႉဢေႃႈ။
၂၇ ၼင်ႇၼၼ်လႄႈမဵဝ်းယုတ လႆႈၶၢမ်ႇတၢင်းဢၼ်သိမ်းဢဝ်ဢွၵ်ႇသေၵႃႈၼႂ်းမိုဝ်းၶဝ်ၵႂႃႇဢေႃႈ။
၂၈ ၶဝ်ၸိူဝ်းဢၼ် ၼေႇပုၶတ်ႉၼေႇၸႃႇ သိမ်းဢဝ်ၵႂႃႇၼၼ်ႉၸမ်း ၼႂ်းပီႊဢၼ်မၼ်းၸၢမ်ႇႁၢင်ႈၸၢမ်ႇႁေႃၸဵတ်းပီႊၼၼ်ႉမၼ်းသိမ်းဢဝ်ၵူၼ်းမဵဝ်းယုတ သၢမ် ႁဵင်ပၢႆသၢဝ်းသၢမ်ၵေႃႉၵႂႃႇဢေႃႈ။
၂၉ ၼႂ်းပီႊဢၼ် ၼေႇပုၶတ်ႉၼေႇၸႃႇၸၢမ်ႇႁၢင်ႈၸၢမ်ႇႁေႃသိပ်းပႅတ်ႇပီႊၼၼ်ႉ မၼ်းသိမ်းဢဝ်ၵူၼ်းပႅတ်ႇပၢၵ်ႇသၢမ်သိပ်းပၢႆသွင်ၵေႃႉဢွၵ်ႇသေၵႃႈတီႈဝဵင်းယေႇရုသလႅမ်ႇၵႂႃႇဢေႃႈ။
၃၀ ၼႂ်းပီႊဢၼ်ၼေႇပုၶတ်ႉၼေႇၸႃႇ ၸၢမ်ႇႁၢင်ႈၸၢမ်ႇႁေႃသၢဝ်းပၢႆသၢမ်ပီႊၼၼ်ႉၵူဝ်ႇရၢမ်ႇတေႃႇမူး ၼေႇပုၸႃႇမႃႉရတၼ်ႇသိမ်းဢဝ်ၵူၼ်းမဵဝ်းယုတ ၸဵတ်းပၢၵ်ႇသီႇသိပ်းပၢႆႁႃႈၵေႃႉၵႂႃႇဢေႃႈ။ ၵူၼ်းတင်းသဵင်ႈတင်းလူင်ပွင်းၵၼ်ၸမ်းမီးႁဵင်ပၢႆႁူၵ်းပၢၵ်ႇဢေႃႈ။
ဝဵင်းယေႇရိၶိူဝ်းလွတ်ႈဢွၵ်ႇ
၃၁ ၼႂ်းပီႊဢၼ်ယေႇၶေႃႇၼိၶုၼ်ႁေႃၶမ်းယုတၶၢမ်ႇတၢင်းဢၼ်ၶျုၵ်ႈဝႆႉသၢမ်သိပ်းပၢႆၸဵတ်းပီႊ လိူၼ်တႂႃႇတသမသၢဝ်းပၢႆႉႁႃႈဝၼ်းၼၼ်ႉ ဢေႇဝိလမႁေႃႇ တင်းၶုၼ်ႁေႃၶမ်းပႃႇပုလုၼ်ႇၼုၵ်ႈဢဝ်ယေႇၶေႃႇၼိ ၶုၼ်ႁေႃၶမ်းယုတ ဢွၵ်ႇသေၵႃႈၼႂ်းထွင်ႇပၼ်ၵတ်းယဵၼ်ၶျၢမ်းသႃႇၼႂ်းပီႊဢၼ် မၼ်းၸႃႉၼင်ႈႁၢင်ႈၼင်ႈႁေႃ ၼၼ်ႉလႄႈ
၃၂ တၵ်ႉလၢတ်ႈၵၼ်တင်းမၼ်းၼၼ်ႉလီလီငၢမ်းငၢမ်းသေလႄႈ ယုၵ်ႉယွင်ႈပလၢင်ႇမၼ်းဝႆႉသုင်သေပလၢင်ႇၶုၼ်လူင်တင်းလၢႆ ဢၼ်မီးၵႃႈတီႈမၼ်းၵႃႈ ၼႂ်းဝဵင်းပႃႇပုလုၼ်ႇ ၼၼ်ႉဢေႃႈ။
၃၃ မၼ်းၼၼ်ႉလႆႈပုတ်ႈလႆႈလၢႆၶူဝ်းၼုင်ႈဢၼ်မၼ်း ၼုင်ႈၵႃႈၼႂ်းထွင်ႇၼၼ်ႉသေလႄႈ လႆႈၵိၼ်လႆႈၶူပ်းၵႃႈတီႈၽၢႆႇၼႃႈၶုၼ်ၼၼ်ႉၸူဝ်ႈဢသၢၵ်ႈမၼ်းယင်းယၢဝ်းယိုၼ်းယူႇၼၼ်ႉ တဵမ် တဵမ်ဢေႃႈ။
၃၄ ပုၼ်ႈတႃႇဢၼ်မၼ်းတၵ်းၵိၼ်တၵ်းၶူပ်းၼၼ်ႉၸမ်း ၶုၼ်ႁေႃၶမ်းပႃႇပုလုၼ်ႇ ပၼ်တႃႇသေႇတီႈမၼ်းဢၼ်ဝႃႈ ပုၼ်ႈတႃႇယေႈဝၼ်းယေႈဝၼ်းတေႃႇထိုင်ႁွတ်ႈ ၸူဝ်ႈဢသၢၵ်ႈမၼ်း ယၢဝ်းယိုၼ်းတေႃႇပေႃးတၢႆၼၼ်ႉဢေႃႈ။