၃၉
ဝဵင်းယေႇရုသလႅမ်ႇလူႉသုမ်း
၁ ၼႂ်းပီႊဢၼ်ၸေႇတၵိၶုၼ်ႁေႃၶမ်းယုတ ၸၢမ်ႇႁၢင်ႈၸၢမ်ႇႁေႃၵဝ်ႈပီႊလိူၼ်တသမ ၼၼ်ႉၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇ ဢိၵ်ႇတင်းပူဝ်ႇပႃႇၵူၼ်းသိုၵ်းမၼ်းတင်းသဵင်ႈတင်းလူင် ဢွၼ်ၵၼ်ၶီႇသိုၵ်းမႃး လႄႈလွမ်ႉဝဵင်းယေႇရုသလႅမ်ႇဝႆႉဢေႃႈ။
၂ ၼႂ်းပီႊဢၼ်ၶုၼ်လူင်ၸေႇတၵိၸၢမ်ႇႁၢင်ႈၸၢမ်ႇႁေႃ သိပ်းဢဵတ်းပီႊလိူၼ်ၸတုၵ်ႉထၵဝ်ႈဝၼ်းၼၼ်ႉ ၶဝ်ဢွၼ်ၵၼ်ၸီးမူင်ႇလမ်းဝဵင်းလႄႈ မူးမၢတ်ႈၽွင်းမိူင်းၶုၼ်ႁေႃၶမ်းပႃႇပုလုၼ်ႇ ၵႃႈမီးဢၼ်ဝႃႈၼေႇၵႃႇလႃႉသရေႇၸ၊ သၢမ်ႇ ၵႃႇၼိပုဝ်ႇ၊
၃ ၸႃႇသၶိမ်ႇ ၵေႃႉဢၼ်ဢုပ်ႉၵႃႈၼိူဝ်ၵူၼ်းထိင်းၼၢင်း၊ၼေႇရၵႃႇလသရေႇၸႃႇ ၵေႃႉဢၼ်ဢုပ်ႉၵႃႈၼိူဝ်မႃႇၵုပိင်ႇၺႃႇသိ ဢိၵ်ႇတင်းမူးမၢတ်ႈၽွင်းမိူင်းၶုၼ်ႁေႃၶမ်း ပႃႇပုလုၼ်ႇၵႃႈဢၼ်ယင်းၵိုတ်းယင်းၵျၢၼ်ႇၼၼ်ႉဢွၼ်ၵၼ်ၶဝ်ႈၵႃႈၼႂ်းဝဵင်းလႄႈ ၼင်ႈၵႃႈ ၼႂ်းႁူးၽၵ်းတူၶိုင်ႈၵၢင်ၼၼ်ႉဢေႃႈ။
၄ မိူဝ်ႈဢၼ်ၶုၼ်ႁေႃၶမ်းယုတဢိၵ်ႇတင်း ႁူဝ်ႁၢၼ်ၵူၼ်းသိုၵ်းမၼ်းတင်းသဵင်ႈတင်းလူင် ႁၼ်ၶဝ်ၸိူဝ်းၼၼ်ႉၸိုင် ၶဝ်ဢွၼ်ၵၼ်ပႆၶိင်ႇၵၢင်ၶိုၼ်းလႄႈ ၸွမ်းသဵၼ်ႈတၢင်းသူၼ်ဢူးယဵၼ်ႇၶုၼ်ႁေႃၶမ်းသေလႄႈ ဢွၵ်ႇႁူးၽၵ်းတူၶိုင်ႈၵၢင်လမ်းဝဵင်းသွင်ထၢပ်ႈသေယဝ်ႉ ၸွမ်းသဵၼ်ႈတၢင်းဢၼ် ၵႂႃႇၸူးပၢင်ႇပဵင်းဢႃႇရၽႃႇၼၼ်ႉဢေႃႈ။
၅ ႁူဝ်ႁၢၼ်ၵူၼ်းသိုၵ်းၶႃႇလတေႇ တင်းလၢႆဢွၼ်ၵၼ်လိုပ်ႈၸွမ်းလမ်းၸွမ်း ၶဝ်လႄႈၶိုတ်းၶုၼ်ၸေႇတၵိၵႃႈၼႂ်းပၢင်ႇပဵင်းယေႇရိၶုဝ်းသေလႄႈ တီႉၵမ်ဢဝ်မၼ်းသေယဝ်ႉဢွၼ်ၵၼ်ဢဝ်မၼ်းၵႂႃႇၵႃႈတီႈဝဵင်းရိပလမိူင်းႁႃႇမတ်ႉတီႈဢၼ်ၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇမီးၼၼ်ႉလႄႈ ၶုၼ်ၼၼ်ႉၸႅတ်ႈထၢမ်ၸီႇယၢင်ႇဢမူႉ မၼ်းဢေႃႈ။
၆ ၶုၼ်ႁေႃၶမ်းပႃႇပုလုၼ်ႇၼၼ်ႉဢဝ်လုၵ်ႈၸၢႆးၸေႇတၵိ တင်းလၢႆတၢႆသိုဝ်ႈၼႃႈတႂ်ႈတႃမၼ်းၵႃႈတီႈဝဵင်းရိပလ ၼၼ်ႉလႄႈၶုၼ်ႁေႃၶမ်းပႃႇပုလုၼ်ႇဢဝ်မူးမၢတ်ႈၽွင်းမိူင်းယုတ တင်းသဵင်ႈတင်းလူင်တၢႆ ဢေႃႈ။
၇ ၶုၼ်ၼၼ်ႉၶွၵ်းဢဝ်ႁူၺ်ႇတႃၸေႇတၵိ ဢွၵ်ႇပႅတ်ႈလႄႈ ဢဝ်ၸိူၵ်ႈတွင်းလိူင်မတ်ႉၽုၵ်ႈမၼ်းႁႂ်ႈလႆႈ ဢဝ်ၵႂႃႇၵႃႈတီႈဝဵင်းပႃႇပုလုၼ်ႇဢေႃႈ။
၈ ၵူၼ်းၶႃႇလတေႇ တင်းလၢႆဢွၼ်ၵၼ်ဢဝ်ၽႆးတုတ်ႇႁေႃၶမ်းဢိၵ်ႇတင်းႁိူၼ်းၵူၼ်းဝဵင်းတင်းလၢႆလႄႈ ၵိူၼ်ႇယႃႉလမ်းဝဵင်း ယေႇရုသလႅမ်ႇပႅတ်ႈဢေႃႈ။
၉ မိူဝ်ႈၼၼ်ႉၼေႇပုၸႃႇရတၼ်ႇ ဢၼ်ပဵၼ်ၵူဝ်ႇရၢမ်ႇတေႃႇမူးၼၼ်ႉသိမ်းဢဝ်ၵူၼ်းဝဵင်းဢၼ်ယင်းၵိုတ်းယင်းၵျၢၼ်ႇဝႆႉ ၵႃႈၼႂ်းဝဵင်းဢိၵ်ႇတင်းၶဝ်ၸိူဝ်းဢၼ်ၵႂႃႇၶဝ်ႈယူႇၽၢႆႇၵူၼ်း ၶႃႇလတေႇ တင်းၵူၼ်းတင်းလၢႆဢၼ်ယင်းၵိုတ်းယင်းၵျၢၼ်ႇၵႃႈမီးၼၼ်ႉၵႂႃႇၵႃႈတီႈဝဵင်းပႃႇပုလုၼ်ႇ ဢေႃႈ။
၁၀ ၵူၺ်းၵႃႈၼေႇပုၸႃႇရတၼ်ႇ ဢဝ်ၶဝ်ၸိူဝ်းဢၼ်ယၢၵ်ႈဢၼ်ၽၢၼ် ဢၼ်ဢမ်ႇမီးဢုၵ်ႉၸႃႇလႃးလႃးၼၼ်ႉၵိုတ်းၵျၢၼ်ႇဝႆႉၵႃႈၼႂ်းမိူင်းယုတလႄႈ ပၼ်သူၼ်ဢူးယဵၼ်ႇၸပိတ်ႈ ဢိၵ်ႇတင်းႁႆႊၼႃးတီႈၶဝ်ၼၼ်ႉ မိူဝ်ႈလဵဝ်ၵမ်းလဵဝ်ၵၼ်ဢေႃႈ။
၁၁ ၼေႇပုၶတ်ႈၼေႇၸႃႇၶုၼ်ႁေႃၶမ်းပႃႇပုလုၼ်ႇၼၼ်ႉ သင်ႇလၢတ်ႈလွင်ႈယေႇရမိဝႆႉတီႈၵူဝ်ႇရၢမ်ႇတပ်ႉမူး ၼေႇပုၸႃႇရတၼ်ႇ ၼၼ်ႉၸမ်းဢဝ်မၼ်းလႄႈ လူတူၺ်းလုမ်းလႃးမၼ်းဝႆႉလီ လီငၢမ်းငၢမ်းတႃႉ။
၁၂ ယႃႇပေၼိၵ်ႈၸၢၵ်ႈငႅၼ်းသေးမၼ်း။ႁဵတ်းတီႈမၼ်းၸွမ်းၵႃႈၼင်ႇဢၼ်မၼ်းလၢတ်ႈ ၼၼ်ႉတႃႉ၊ဝႃႈၼင်ႇၼႆလႄႈ ၼေႇပုၸႃႇရတၼ်ႇၵူဝ်ႇရၢမ်ႇတေႃႇမူးၼေႇပုသႃႇၸပၼ်ႇ ၵေႃႉဢၼ်ဢုပ်ႉၵႃႈၼိူဝ် ၵူၼ်းထိင်းၼၢင်း၊ၼေႇရၵႃႇလသရေႇၸႃႇ
၁၃ ၵေႃႉဢၼ်ဢုပ်ႉၵႃႈၼိူဝ်မႃႇၵူႉပိင်ႇၺႃႇသိဢိၵ်ႇတင်းမူးမၢတ်ႈၽွင်းမိူင်းၶုၼ်ႁေႃၶမ်းပႃႇပုလုၼ်ႇ တင်းသဵင်ႈတင်းလူင်ၼၼ်ႉႁဵတ်းၸိူဝ်ႉၼင်ႇၼၼ်လႄႈ ဢွၼ်ၵၼ်ပွႆႇၸႂ်ႉ လႄႈၼုၵ်ႈဢဝ်ယေႇရမိ
၁၄ ဢွၵ်ႇသေၵႃႈၼႂ်းဝၢင်းထွင်ႇသေယဝ်ႉဢွၼ်ၵၼ်ဢဝ်မၼ်းဢၢပ်ႈပၼ်တီႈ ၵေႇတလိလုၵ်ႈၸၢႆးဢႁိၵမ်ႇ ဢၼ်ပဵၼ်လုၵ်ႈၸၢႆးသႃႇၽၼ်ႇၼၼ်ႉႁႂ်ႈလႆႈဢဝ်မၼ်းၵႂႃႇသူင်ႇၵႃႈတီႈတီႈယူႇမၼ်းၼၼ်ႉဢေႃႈ။ ပိူဝ်ႈဢၼ်ပဵၼ်ၼင်ႇၼႆလႄႈ ယေႇရမိလႆႈယူႇလူၺ်ႈၵၼ်တင်း ၵူၼ်းဝၢၼ်ႈၵူၼ်းမိူ်င်းတင်းလၢႆဢေႃႈ။
၁၅ ၼုၵ်ႈၵပၢတ်ႈထႃႇဝရႃႉၽြႃး ႁွတ်ႈမႃးတီႈ ယေႇရမိၼႂ်းမိူဝ်ႈဢၼ် မၼ်းလႆႈၶၢမ်ႇတၢင်းဢၼ်ၶျုၵ်ႈဝႆႉၵႃႈ ၼႂ်းဝၢင်းထွင်ႇၼၼ်ႉလႄႈဝႃႈ၊
၁၆ မႂ်းၵႂႃႇလႄႈသင်ႇလၢတ်ႈတီႈ ဢေႇၽတမေႇလိၵ်ႉ ၵူၼ်းမဵဝ်းၵုလၼၼ်ႉလႄႈဝႃႈၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉၸမ်း၊-တူၺ်းလူ။ၵဝ်တၵ်းႁႂ်ႈၵႂၢမ်းၵဝ်ႁွတ်ႈထိုင်ၵႃႈၼိူဝ်ဝဵင်းၼႆႉ ပုၼ်ႈဢၼ်တၵ်းပွင်ဢၵျူဝ်းမၼ်းဢမ်ႇၸႂ်ႈ၊ ပုၼ်ႈဢၼ်တၵ်းယႃႉဢၵျူဝ်းမၼ်းဢေႃႈ။ၵႂၢမ်းတၵ်းတဵမ်ထူၼ်းၵႃႈတီႈၽၢႆႇၼႃႈမႂ်း ၼႂ်းမိူဝ်ႈဢၼ်မိူဝ်ႉဝၼ်းမၼ်းႁွတ်ႈထိုင်ၼၼ်ႉ ဢေႃႈ။
၁၇ ၼႂ်းဝႃႈၼၼ်သေၵေႃႈထႃႇဝရႃႉၽြႃး မီးဢမိင်ႉၸမ်း ၼႂ်းမိူဝ်ႉဝၼ်းၼၼ်ႉၵဝ်တၵ်းၵႄႇသႄႇၼုၵ်ႈဢဝ်မႂ်းလႄႈ မႂ်းတၵ်းဢမ်ႇလႆႈႁွတ်ႈထိုင် ၵႃႈၼႂ်းၶဝ်ၸိူဝ်း ဢၼ်မႂ်းၵူဝ်ႁႄၼၼ်ႉ။
၁၈ ၵဝ်တၵ်းၵႄႇသႄႇၼုၵ်ႈဢဝ်မႂ်းဢမၢၼ်ႇၶၢၼ်ပဵၼ်လႄႈ မႂ်းတၵ်းဢမ်ႇလႆႈသုမ်းလူၺ်ႈလၢပ်ႇလူၺ်ႈလႅဝ်း။ဢသၢၵ်ႈမႂ်းတၵ်းလႆႈပဵၼ်ၸိူဝ်ႉၼင်ႇဢုၵ်ႉၸႃႇ ဢၼ်ႁိမ်ႁူင်ႇဢဝ်လႆႈၼၼ်ႉတီႈမႂ်းဢေႃႈ။လွင်ႈမၼ်းၸမ်း ပဵၼ်ၵွပ်ႈပိူဝ်ႈဢၼ်မႂ်းၸႂ်ဢိင်ပိုင်ႈၵဝ်ဢေႃႈ၊ ဝႃႈၼင်ႇၼႆ၊ထႃႇဝရႃႉၽြႃးမီးဢမိင်ႉဢေႃႈ။