၄၁
၁ ၼႂ်းလိူၼ်သတ်ႉတမၼၼ်ႉ ဢိသမေႇလ လုၵ်ႈၸၢႆးၼႃႇသၼိဢၼ်ပဵၼ်လုၵ်ႈၸၢႆး ဢေႇလိသမႃႇ ဢၼ်ပဵၼ်ၸိူဝ်ႉၸဝ်ႈၶိူဝ်းၸဝ်ႈဢၼ်ၶဝ်ပႃးၵႃႈၼႂ်း ၶဝ်ၸိူဝ်းဢၼ်မီးဢရႃႇ ဢၼ်ယႂ်ႇတီႈၶုၼ်ႁေႃၶမ်းၼၼ်ႉပႃးဢဝ်ၵူၼ်းသိပ်းၼိုင်ႈသေလႄႈ မႃးၸူးၵႃႈတီႈ ၵေႇတလိ လုၵ်ႈၸၢႆးဢႁိၵမ်ႇၵႃႈတီႈဝဵင်းမိၸပႃႇ ၼၼ်ႉလႄႈၵိၼ်လူၺ်ႈၵၼ်ယူႇမုၵ်ႉလဵဝ်ၸိူဝ်းလဵဝ်ၵူၺ်း ၵႃႈတီႈဝဵင်း မိၸပႃႇၼၼ်ႉဢေႃႈ။
၂ မိူဝ်ႈၼၼ်ႉဢိသမေႇလလုၵ်ႈၸၢႆးၼႃႇသၼ်ႇဢိၵ်ႇတင်း ၵူၼ်းသိပ်းၼိုင်ႈဢၼ်ပႃးလူၺ်ႈၵၼ်တင်းမၼ်းၼၼ်ႉဢွၼ်ၵၼ်လုၵ်ႉလႄႈ ဢဝ်လၢပ်ႇၽၼ်း ၵေႇတလိလုၵ်ႈၸၢႆးဢႁိၵမ်ႇဢၼ်ပဵၼ်လုၵ်ႈၸၢႆးသႃႇၽၼ်ႇ ဢၼ်ၶုၼ်ႁေႃၶမ်းပႃႇပုလုၼ်ႇ ၶၢၼ်း ဝႆႉႁႂ်ႈလႆႈဢုပ်ႉၵႃႈၼိူဝ်မိူင်းၼၼ်ႉလႄႈဢဝ်မၼ်းတၢႆဢေႃႈ။
၃ ဢိသမေႇလၼၼ်ႉဢဝ်ၵူၼ်းယုတၵႃႈမီးၵႃႈတီႈမၼ်းၼၼ်ႉၵႃႈၼႂ်းဝဵင်း မိၸပႃႇ ဢိၵ်ႇတင်းႁူဝ်ႁၢၼ်ၵူၼ်းသိုၵ်း ၶႃႇလတေႇၵႃႈဢၼ်ထူပ်းႁၼ် ၸိူဝ်းၼၼ်ႉတၢႆဢေႃႈ။
၄ လိုၼ်းသေဢၼ်ဢဝ်ၵေႇတလိတၢႆလႄႈ လႆႈသွင်ဝၼ်းယဝ်ႉလႄႈ ၽူႈ လႂ်ဢမ်ႇပႆႇႁူႉလွင်ႈဢမူႉၼၼ်ႉ။ၵူၼ်းပႅတ်ႇသိပ်းဢၼ်ဢွၵ်ႇသေၵႃႈတီႈဝဵင်းသေႇၶိမ်ႇ၊ဝဵင်းသိလေႃႇ၊ဝဵင်းသမႃႇရိ၊ဢၼ် ထႃၼူတ်ႇၵၢင်းၶဝ်၊
၅ ဢၼ်ၼုင်ႈၶူဝ်းၼုင်ႈဢၼ်ယွၵ်းဢၼ်ၶၢတ်ႇ၊ ဢၼ်တိူဝ်ႉမၢတ်ႇတူဝ်ၶိင်းၶဝ်ဢၼ်ပႃးဢဝ်ၶိူင်ႈပုၵ်ႉၸေႃႇဢိၵ်ႇတင်း ၼၢမ်ႇသႃႇႁႂ်ႈလႆႈဢဝ်မႃးၵႃႈတီႈႁိူၼ်းထႃႇဝရႃႉၽြႃးၼၼ်ႉ ၸိူဝ်းၼၼ်ႉဢွၼ်ၵၼ်ႁွတ်ႈမႃးဢေႃႈ။
၆ ဢိသမေႇလလုၵ်ႈၸၢႆးၼႃႇသၼိၼၼ်ႉဢွၵ်ႇသေၵႃႈတီႈဝဵင်းမိၸပႃႇ ၵႂႃႇႁႂ်ႈလႆႈႁပ်ႉႁူဝ်တၢင်းၶဝ်ၼၼ်ႉလႄႈ ႁႆႈႁွင်ႉၸွမ်းတၢင်းၵႂႃႇလႄႈ ထူပ်းႁၼ်ၶဝ်ၼၼ်ႉသေယဝ်ႉ လၢတ်ႈတီႈၶဝ်ၼၼ်ႉလႄႈဝႃႈ၊-ဢွၼ်ၵၼ်မႃးၸူးၵႃႈတီႈၵေႇတလိလုၵ်ႈၸၢႆး ဢႁိၵမ်ႇ တႃႉဝႃႈၼင်ႇၼႆဢေႃႈ။
၇ ၶဝ်ၼၼ်ႉႁွတ်ႈထိုင်ၵႃႈၼႂ်းဝဵင်းသေယဝ်ႉဢိသမေႇလလုၵ်ႈၸၢႆးၼႃႇသၼိ ဢိၵ်ႇတင်းၵူၼ်းဢၼ်ပႃးတီႈမၼ်းၸိူဝ်းၼၼ်ႉ ဢွၼ်ၵၼ်ဢဝ်ၶဝ်တၢႆလႄႈ ဢဝ်ပႅတ်ႈတူၵ်းၵႃႈၼႂ်း ႁူးလိၼ်ၶုမ်လိၼ် ဢေႃႈ။
၈ ၵူၼ်းသိပ်းၼိုင်ႈဢၼ်ပႃးၵႃႈၼႂ်းၶဝ်ၼၼ်ႉလၢတ်ႈလႄႈဝႃႈ၊-ယႃႇပေဢဝ်ႁဝ်းၶႃႈတၢႆသေၵမ်း၊ႁဝ်းၶႃႈမီးဢုၵ်ႉၸႃႇ ဢၼ်ႁဝ်းၶႃႈသိမ်းဢဝ်သိူင်ႇဝႆႉၵႃႈၼႂ်းထိူၼ်ႇဢၼ်ဝႃႈၶဝ်ႈၵျုင်ႇ၊ၶဝ်ႈမူႉယေႃး၊ ၼမ်ႉမၼ်းတင်းၼမ်ႉၽိုင်ႈၶႃႈဢေႃႈ၊ဝႃႈၼင်ႇၼႆလႄႈမၼ်းယင်းဢမ်ႇဢဝ်ၶဝ်တၢႆလူၺ်ႈၵၼ်တင်းပီႈၼွင်ႉၶဝ်လႄႈယူႇဢေႃႈ။
၉ ႁူးလိၼ်ၶုမ်လိၼ်ဢၼ်ဢိသမေႇလဢဝ်တူဝ်တၢႆၵူၼ်းၵႃႈဢၼ်တၢႆလူၺ်ႈၵၼ်တင်း ၵေႇတလိ ၸိူဝ်းၼၼ်ႉပႅတ်ႈတူၵ်းသႂ်ႇၼၼ်ႉပဵၼ်ႁူးၶုမ်ဢၼ်ၶုၼ်လူင်ဢႃႇသ ၵူဝ်ႁႄပႃႇသႃႇၶုၼ်ႁေႃၶမ်းဢိသရေႇလလႄႈၶုတ်ႉၼၼ်ႉဢေႃႈ။ႁူးၶုမ်ၼၼ်ႉၸိုင်ဢိသမေႇလလုၵ်ႈၸၢႆးၼႃႇသၼိ ႁႂ်ႈတဵမ်ဝႆႉတင်းတူဝ်တၢႆတင်းလၢႆဢေႃႈ။
၁၀ မိူဝ်ႈၼၼ်ႉဢိသမေႇလသိမ်းဢဝ်ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇဝႆႉၵႃႈတီႈဝဵင်း မိၸပႃႇ ဢၼ်ဝႃႈလုၵ်ႈယိင်းၶုၼ်လူင်တင်းလၢႆ ဢိၵ်ႇတင်းၶဝ်ၵႃႈဢၼ်ၵိုတ်းယူႇသဝ်းယူႇၵႃႈတီႈဝဵင်းမိၸပႃႇ ဢၼ်ၵူဝ်ႇရၢမ်ႇတေႃႇမူးၼေႇပုၸႃႇရတၼ်ႇ ဢဝ်ဢၢပ်ႈဝႆႉၵႃႈတီႈၵေႇတလိလုၵ်ႈၸၢႆးဢႁိၵမ်ႇၸိူဝ်းၼၼ်ႉဢေႃႈ။ၼင်ႇၼၼ်လႄႈဢိသမေႇလလုၵ်ႈၸၢႆးၼႃႇသၼိ သိမ်းဢဝ်ၶဝ်ၵႂႃႇလႄႈ မၼ်းဢွၵ်ႇႁႂ်ႈလႆႈၵႂႃႇၸူးၵႃႈတီႈၵူၼ်းမဵဝ်း ဢမ်ႇမုၼ်ႇ တင်းလၢႆသေဢေႃႈ။
၁၁ မိူဝ်ႈဢၼ် ယေႃႇႁၼၼ်ႇ လုၵ်ႈၸၢႆးၵႃႇရႃႇ ဢိၵ်ႇတင်းတပ်ႉမူးၵႃႈဢၼ်မီးၵႃႈတီႈမၼ်းၸိူဝ်းၼၼ်ႉ ငိၼ်းလွင်ႈဢမူႉဢၼ်ႁၢႆႉယုတ်ႈၵူႈၸိူဝ်ႉၵူႈပိူင်ဢၼ်ဢိသမေႇလ လုၵ်ႈၸၢႆးၼႃႇသၼိ ႁဵတ်းၼၼ်ႉၸိုင် ၶဝ်ဢွၼ်ၵၼ်ႁွင်ႉဢဝ်ၵူၼ်း တင်းသဵင်ႈတင်းလူင်
၁၂ ဢွၵ်ႇၵႂႃႇႁႂ်ႈလႆႈတိုၵ်းတေႃး ဢိသမေႇလ လုၵ်ႈၸၢႆးၼႃႇသၼိၼၼ်ႉလႄႈႁူပ်ႉထူပ်းမၼ်းၼၼ်ႉၵႃႈတီႈႁိမ်းၼမ်ႉ ဢၼ်ယႂ်ႇၼႃႇၵႃႈၼႂ်းဝဵင်းၵိပွင်ႇၼၼ်ႉဢေႃႈ။
၁၃ မိူဝ်ႈဢၼ်ၶဝ်ၸိူဝ်းဢၼ်ပႃးလူၺ်ႈတင်း ဢိသမေႇလ ၵႃႈမီးၼၼ်ႉႁၼ် ယေႃႇႁၼၼ်ႇလုၵ်ႈၸၢႆးၵႃႇရႃႇ ဢိၵ်ႇတင်း တပ်ႉမူးၵႃႈဢၼ်ပႃးလူၺ်ႈၵၼ်တင်းမၼ်းၸိူဝ်းၼၼ်ႉၸိုင် ၶဝ်ဢွၼ်ၵၼ်မီး တၢင်းဢၼ်ၸူမ်းဢၼ်သိူဝ်းဢေႃႈ။
၁၄ မိူဝ်ႈၼၼ်ႉၵူၼ်းၵႃႈဢၼ်ဢိသမေႇလသိမ ်းဢဝ်သေၵႃႈတီႈဝဵင်းမိသပႃႇၵႂႃႇၸိူဝ်းၼၼ်ႉ ဢွၼ်ၵၼ်ဢွၵ်ႇသေၵႃႈတီႈမၼ်းၼၼ်ႉလႄႈ ဝၢႆႇၶိုၼ်းမႃးၸူးၵႃႈတီႈယေႃႇႁၼၼ်ႇလုၵ်ႈၸၢႆး ၵႃႇရႃႇဢေႃႈ။
၁၅ ဢိသမေႇလလုၵ်ႈၸၢႆးၼႃႇသၼိ ၼၼ်ႉဢိၵ်ႇလူၺ်ႈၵၼ်တင်း ၵူၼ်းပႅတ်ႇၵေႃႉလွတ်ႈဢွၵ်ႇသေၵႃႈၼႂ်းမိုဝ်းယေႃႇႁၼၼ်ႇ လႄႈၵႂႃႇၸူးၵႃႈတီႈၵူၼ်းမဵဝ်းဢမ်ႇမုၼ်ႇဢေႃႈ။
ပၢႆၵွႃႇမိူင်းဢေႇၵႅပ်ႉတု
၁၆ မိူဝ်ႈၼၼ်ႉယေႃႇႁၼၼ်ႇ လုၵ်ႈၸၢႆးၵႃႇရႃႇဢိၵ်ႇတင်းတပ်ႉမူး ၵႃႈဢၼ်မီးလူၺ်ႈၵၼ်တင်းမၼ်းၸိူဝ်းၼၼ်ႉဢဝ်ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇ ဢၼ်မၼ်းၼူၵ်ႈဢဝ်ဢွၵ်ႇသေၵႃႈၼႂ်းမိုဝ်းဢိသမေႇလ လုၵ်ႈၸၢႆး ၼႃႇသၼိဢိၵ်ႇတင်း ၵႃႈတီႈဝဵင်းမိၸပႃႇလိုၼ်းသေဢၼ်မၼ်းၼၼ်ႉဢဝ်ၵေႇတလိ လုၵ်ႈၸၢႆးဢႁိၵမ်ႇတၢႆယဝ်ႉၼၼ်ႉၸိူဝ်းၼၼ်ႉဢၼ်ဝႃႈ ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇ လႂ်၊မေႈယိင်း လႂ်၊ လုၵ်ႈဢွၼ်ႇ လႂ်တင်းၵူၼ်းထိင်းၼၢင်းဢၼ်မၼ်းဢဝ်ၶိုၼ်းမႃးသေ ၵႃႈတီႈဝဵင်း ၵိပွင်ႇၼၼ်ႉၸိူဝ်းၼၼ်ႉလႄႈ
၁၇ ဢွၵ်ႇၵႂႃႇလႄႈဢွၼ်ၵၼ်ယူႇၵႃႈတီႈဝၢၼ်ႈၶိမႁမ်ႇ ဢၼ်ၸမ်ဝဵင်းပႅတ်ႉလိႁႅမ်ႇလႄႈ ပဵၼ်သဵၼ်ႈတၢင်းဢၼ်ၵႂႃႇၶဝ်ႈၸူးမိူင်း ဢေႇၵႅပ်ႉတုၼၼ်ႉၵွပ်ႈပိူဝ်ႈၵူၼ်း ၶႃႇလတေႇ တင်းလၢႆၼၼ်ႉ ဢေႃႈ။လွင်ႈမၼ်းၸမ်းၶဝ်ဢွၼ်ၵၼ်ၵူဝ်ႁႄၶဝ်ၼၼ်ႉၵွပ်ႈပိူဝ်ႈဢၼ်ဢိသမေႇလ လုၵ်ႈၸၢႆးၼႃႇသၼိၼၼ်ႉဢဝ်ၵေႇတလိလုၵ်ႈၸၢႆးဢႁိၵမ်ႇ ဢၼ်ၶုၼ်ႁေႃၶမ်းပႃႇပုလုၼ်ႇ ၶၢၼ်းဝႆႉႁႂ်ႈလႆႈပဵၼ်ၵေႃႉဢၼ်ဢုပ်ႉၵႃႈၼိူဝ်မိူင်းၼၼ်ႉတၢႆၼၼ်ႉဢေႃႈ။