History (1861-2001) Bible Radio New Cushing Bible Medical & Dental Mission Training Culture Shan-Thailand Home

Jeremiah 50

၅၀

ၼုၵ်ႉၵပၢတ်ႈၸဝ်ႈလူၺ်ႈလွင်ႈမိူင်းပႃႇပုလုၼ်ႇ
၁ ၵႂၢမ်းဢၼ်ထႃႇဝရႃႉၽြႃးဢဝ်လွင်ႈဝဵင်း ပႃႇပုလုၼ်တင်းမိူင်းၶႃႇလတေႇ သေလႄႈ ဢဝ်ပရေႃးၽိတ်ႈယေႇရမိမီးဢမိင်ႉၸမ်း၊- ဢွၼ်ၵၼ်မွၵ်ႇလၢတ်ႈၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းတႃႉ။ဢွၼ်ၵၼ်ပၢဝ်ႇသေႃႇလႄႈ ပုၵ်းလၢမ်ႇတႃႉ။
၂ ယင်းဢမ်ႇသိူင်ႇဢမ်ႇမႅပ်းဝႆႉလႄႈဢွၼ်ၵၼ်ပၢဝ်ႇသေႃႇတႃႉ။ မွၵ်ႇလၢတ်ႈလႄႈဝႃႈဝဵင်းပႃႇပုလုၼ်ႇ လႆႈၶၢမ်ႇတၢင်းဢၼ်တိုၵ်းဢဝ်ယဝ်ႉယဝ်ႉ။ၽြႃးပေႇလ သရေႇလူႉယဝ်ႉ။ၽြႃးမေႇရေႃႇထၵ်ႉႁၵ်းပုတ်းၵႂႃႇယဝ်ႉယဝ်ႉ။ရုၵ်ႉထူႉသၢင်းထူႉမၼ်းၸိူဝ်းၼၼ်ႉသရေႇလူႉလႄႈတုမ်မႆႉမၼ်းၸိူဝ်းၼၼ်ႉႁၵ်းပုတ်းၵႂႃႇယဝ်ႉ ယဝ်ႉ။
၃ ၵူၼ်းမဵဝ်းၼိုင်ႈတၵ်းလုၵ်ႉသေၵႃႈတီႈၼႃႈ တၢင်းႁွင်ႇမႃးလႄႈ မိူင်းၼၼ်ႉ ပဵၼ်ဢၼ်ပဝ်ႇဢၼ်လၢပ်ႈၵႂႃႇဢေႃႈ။ ဢမ်ႇလႆႈမီးၵေႃႉဢၼ်ယူႇဢၼ်သဝ်း။ၵူၼ်းဢိၵ်ႇတင်းတရိၵ်ႈသၢၼ်ႇတင်းလၢႆ ဢွၼ်ၵၼ်ဢွၵ်ႇပၢႆႈသဵင်ႈသဵင်ႈမူတ်းမူတ်းယဝ်ႉ။
၄ ထႃႇဝရႃႉၽြႃးမီးဢမိင်ႉၸမ်း၊- ၼႂ်းမိူဝ်ႉဝၼ်းၼၼ်ႉၼႂ်းၶိင်ႇၵႃႇလႃႉၼၼ်ႉၵူၼ်း မဵဝ်းဢိသရေႇလ တင်းလၢႆတၵ်းႁူမ်ႈပွင်းလူၺ်ႈၵၼ်တင်း ၵူၼ်းမဵဝ်းယုတတင်းလၢႆသေလႄႈဢွၼ်ၵၼ်မႃးဢေႃႈ။ၶဝ်ၼၼ်ႉတၵ်းမီးတၢင်းဢၼ်ၼမ်ႉတႃတုၵ်းယူႇ၊ ပႆတၢင်းယူႇသေလႄႈ ႁႃဢဝ်ထႃႇဝရႃႉၽြႃးၽြႃးပဵၼ်ၸဝ်ႈၶဝ်ဢေႃႈ။
၅ ၶဝ်တၵ်းဢွၼ်ၵၼ်ဝၢႆႇၼႃႈၸူးၸဵင်ႇဝဵင်းၸိဢုၼ်ႇ လႄႈႁႃဢဝ်သဵၼ်ႈတၢင်းယူႇသေလႄႈ လၢတ်ႈဝႃႈဢွၼ်ၵၼ်မႃးလႄႈ ဢဝ်ပတိၺိၼ်ႇထႃႇဝရႃႉ ဢၼ်ဢမ်ႇလႆႈလူင်လႆႈလိုမ်းၼၼ်ႉသေလႄႈ သုတ်ႉၸပ်းသုတ်ႉၸူးႁဵတ်းမိၵ်ႈသႁႃႇယႃႉ တင်းဢၼ်ထုၵ်ႇၵၼ်တင်းထႃႇဝ ရႃႉၽြႃးတႃႉ၊ဝႃႈၼင်ႇၼႆဢေႃႈ။
၆ ၵူၼ်းၵဝ်တင်းလၢႆပဵၼ်သူဝ်းဢၼ်ႁၢႆၵႂႃႇယဝ်ႉယဝ်ႉ။ ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၶဝ်ၼၼ်ႉ ဢွၼ်ၵၼ်ႁႂ်ႈၶဝ်ၽိတ်းတၢင်းၵႂင်တၢင်းလႄႈ ၵႂႃႇၵႂႃႇမႃးမႃးယူႇၵႃႈၼိူဝ်လွႆတင်းလၢႆယဝ်ႉ။ ၶဝ်ၼၼ်ႉဢွၼ်ၵၼ်ၽိတ်းတၢင်းၵႂင်တၢင်းၵႂႃႇဢဝ်ၵႃႈတီႈလွႆလုၵ်ႈၼိုင်ႈ ၸူးၵႃႈတီႈလွႆလုၵ်ႈၼိုင်ႈယူႇလႄႈ လူင်လိုမ်း တီႈဢၼ်တဵတ်ႇလီၼိမ်လီၶဝ်ၼၼ်ႉပႅတ်ႈယဝ်ႉ။
၇ ၶဝ်ၵႃႈဢၼ်ထူပ်းႁၼ်ၶဝ်ၼၼ်ႉဢွၼ်ၵၼ်ၶူပ်းၵိၼ်ၶဝ်လႄႈ ရၢၼ်ႇသူႇၶဝ်တင်းလၢႆဢွၼ်ၵၼ်လၢတ်ႈလႄႈဝႃႈ၊-ႁဝ်းဢမ်ႇပူၼ်ႉဢမ်ႇလိူဝ်ၵွပ်ႈပိူဝ်ႈဢၼ်ၶဝ်ၽိတ်းပိူင်ႈထႃႇဝရႃႉၽြႃး ဢၼ်ပဵၼ်တီႈယူႇတၢင်းဢၼ်ၸွမ်းၼင်ႇတြႃး ဢၼ်ဝႃႈထႃႇဝရႃႉၽြႃးဢၼ်ပဵၼ်တီႈဢၼ်ပူႇၶဝ်မွၼ်ႇၶဝ် သွၼ်ႈပိုင်ႈၼၼ်ႉယဝ်ႉ၊ ဝႃႈၼင်ႇၼႆဢေႃႈ။
၈ ဢွၼ်ၵၼ်ဢွၵ်ႇပၢႆႈသေ ၵႃႈၼႂ်းဝဵင်းပႃႇပုလုၼ်ႇတႃႉ။ဢွၼ်ၵၼ်ဢွၵ်ႇသေ ၵႃႈၼႂ်းမိူင်းၶႃႇလတေႇၵႂႃႇတႃႉ။ဢွၼ်ၵၼ်ႁဵတ်းၸိူဝ်ႉၼင်ႇ သူဝ်းပေႃႈဢွၼ်ႁူဝ်ၽုင်သူဝ်း ၼၼ်ႉတႃႉ။
၉ လွင်ႈမၼ်းၸမ်း၊-ၵဝ်တၵ်းတိုၵ်းယူင်းလႄႈႁႂ်ႈမူႇၽုင်မုၵ်ႉၸိူဝ်းၵူၼ်းမိူင်း ဢၼ်ယႂ်ႇၼႃႇတင်းလၢႆလုၵ်ႉသေ ၵႃႈတီႈၼႃႈတၢင်းႁွင်ႇၼၼ်ႉ မႃးယူႇၽၢႆႇၼိုင်ႈတင်းဝဵင်းပႃႇပုလုၼ်ႇဢေႃႈ။ၶဝ်ၼၼ်ႉတၵ်းၶၢင်းတပ်ႉယူႇၽၢႆႇၼိုင်ႈတင်းဝဵင်းၼၼ်ႉလႄႈ မၼ်းတၵ်းလႆႈၶၢမ်ႇတၢင်းဢၼ်တိုၵ်းဢဝ်သိမ်းဢဝ်ဢေႃႈ။ပိုၼ်ဢၼ်ၶဝ်ယိုဝ်းၸိူဝ်းၼၼ်ႉ တၵ်းပဵၼ်ၸိူဝ်ႉၼင်ႇပိုၼ်ႁူဝ်ႁၢၼ်ၵူၼ်းသိုၵ်းဢၼ်လၵ်းလႅမ်ၼၼ်ႉလႄႈယင်းဢမ်ႇ ထုၵ်ႇဢမ်ႇၸပ်းလႄႈဢမ်ႇလႆႈယူႇ။
၁၀ မိူင်းၶႃႇလတေႇတၵ်းပဵၼ်တီႈဢၼ်ႁိမ်ဢဝ်ႁူင်ႇဢဝ်လႄႈ ၶဝ်ၸိူဝ်းဢၼ်ႁိမ်ဢဝ်ႁူင်ႇဢဝ်ၼၼ်ႉ တၵ်းဢိမ်ႇတဵမ်ဝႆႉဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၁ သူၸိူဝ်းဢၼ်ယႃႉဢမူၺ်ႇၵဝ်ပႅတ်ႈၶဝ်ဢိူၺ်း။သူၼႆႉဢွၼ်ၵၼ်ၸူမ်းသိူဝ်းလႄႈသႂၢင်ႇၸႂ်ယဝ်ႉ။သူဢွၼ်ၵၼ်ၵျွၵ်းဝႅၼ်ၸိူဝ်ႉၼင်ႇဝူဝ်းမေႈသိုဝ်ႇ ဢၼ်ယဵပ်ႇၶဝ်ႈယူႇၼၼ်ႉယဝ်ႉ။သူဢွၼ်ၵၼ်ႁွင်ႉယူႇႁႄႇယူႇၸိူဝ်ႉၼင်ႇမႃႉငၢၼ်ၼၼ်ႉယဝ်ႉ။
၁၂ ပိူဝ်ႈၼႆလႄႈမေႈသူၼၼ်ႉတၵ်းဢူၵ်းဢႆၼႃႇလူင်လၢင်လႄႈ ၵေႃႉဢၼ်ၵိူတ်ႇလဵင်ႉသူၼၼ်ႉတၵ်းၼႃႈမႆႈၼႃႈလႅင်ႊဢေႃႈ။တူၺ်းလူ။မၼ်းၼၼ်ႉ တၵ်းပဵၼ်မိူင်းဢၼ်ယူတ်းယွမ်းၼႃႇသေပိူၼ်ႈၵႃႈၼႂ်းမိူင်းတင်းလၢႆ တီႈဢၼ်ပဵၼ်ထိူၼ်ႇပဵၼ်ၶိူဝ်း၊တီႈဢၼ်ႁႅင်ႈဢၼ်ႁွင်၊ ပၢင်ႇပဵင်းဢၼ်ပႄႇပႅတ်ႈၸုၼ်ႉ ပႅတ်ႈဢေႃႈ။
၁၃ ၵွပ်ႈပိူဝ်ႈတၢင်းၸႂ်မႆႈၶႂ်ႈၸႃႉထႃႇဝရႃႉၽြႃးလႄႈၵမ်းလိုၼ်း ၵူၼ်းဢမ်ႇလႆႈယူႇလႆႈသဝ်းၼႂ်းမၼ်း။တၵ်းလႆႈပဵၼ် တီႈဢၼ်ပဝ်ႇဢၼ်လၢပ်ႈလွၼ်ႉလွၼ်ႉဢေႃႈ။ၵႃႈပဵၼ်ၵေႃႉဢၼ်တႆႇတၢင်းပႆတၢင်းၵႆၵႂႃႇၵႃႈတီႈႁိမ်းဝဵင်းပႃႇပုလုၼ်ႇ ၼၼ်ႉၸိူဝ်းၼၼ်ႉ တၵ်းလီဢၢမ်းလႄႈ ထွၵ်ႈလူၺ်ႈ ၽေးဢူးပၢတ်ႈၵႃႈဢၼ်မၼ်းလႆႈၶၢမ်ႇၸိူဝ်းၼၼ်ႉယူႇသေလႄႈဢွၼ်ၵၼ် ႁဵတ်းသီႉသီႉသေႃႉသေႃႉသေႉသွမ်းဢေႃႈ။
၁၄ ဢွၼ်ၵၼ်ယၼ်ႇတပ်ႉၶၢင်းတပ်ႉၵႃႈတီႈလဵပ်ႈႁွပ်ႈဝဵင်းပႃႇပုလုၼ်ႇ တႃႉ။သူ ၵႃႈဢၼ်ပဵၼ်ၸဝ်ႈၵၢင်ႇၸဝ်ႈၵူင်တင်းလၢႆၶဝ်ဢိူၺ်း။ယင်းဢမ်ႇသေလၢႆပိုၼ်ၵၢင်ႇလႄႈဢွၼ်ၵၼ် ယိုဝ်းတႃႉ။
၁၅ လွင်ႈမၼ်းၸမ်းမၼ်းၽိတ်းပိူင်ႈထႃႇဝရႃႉၽြႃးယဝ်ႉ။ဢွၼ်ၵၼ်ႁွင်ႉပၢဝ်ႇႁွင်ႉသေႃႇၵႃႈတီႈလဵပ်ႈႁွပ်ႈမၼ်းတႃႉ။မၼ်းဝၢင်းၵွမ်းၼွမ်းၸူးယဝ်ႉ။လၢင်းၸီႇမၼ်းတင်းလၢႆၵိူၼ်ႇလူမ်ႉယဝ်ႉ။ လမ်းဝဵင်းမၼ်းတင်းလၢႆပင်းတုၵ်းယဝ်ႉ။ပဵၼ်တၢင်းဢၼ်ပျေႇတၢင်းၸႂ်မႆႈၶႂ်ႈၸႃႉထႃႇဝရႃႉၽြႃးလႄႈ ဢွၼ်ၵၼ်ၸီႇယၢင်ႇမၼ်းၸွမ်းၵႃႈၼင်ႇဢၼ် ထုၵ်ႇလီတွပ်ႇတႅၼ်းပၼ်ဢပျႅတ်ႈမၼ်းၼၼ်ႉတႃႉ။ ဢွၼ်ၵၼ်ႁဵတ်းတီႈမၼ်းၸွမ်းၵႃႈ ၼင်ႇဢၼ်မၼ်းယၢမ်ႈႁဵတ်းၼၼ်ႉတႃႉ။
၁၆ ဢွၼ်ၵၼ်ပႄႇတႅပ်းၵေႃႉဢၼ်ဝၢၼ်ႇပိုၼ်ၸိူဝ်ႉၽၼ်း ဢိၵ်ႇတင်းၵေႃႉဢၼ်ပၢတ်ႇၶဝ်ႈ ၼႂ်းမိူဝ်ႈဢၼ်ပၢတ်ႇၶဝ်ႈၼၼ်ႉပႅတ်ႈသေၵႃႈတီႈဝဵင်းပႃႇပုလုၼ်ႇတႃႉ။ ၵွပ်ႈပိူဝ်ႈဢၼ်ၵူဝ်လၢပ်ႇၵူဝ်လႅဝ်းဢၼ်ၸၢင်ႊၼိၵ်ႈၸၢၵ်ႈငႅၼ်းသေးၼၼ်ႉလႄႈ ၶဝ်တၵ်းဢွၼ်ၵၼ်ၶိုၼ်းမိူဝ်းၸူးၵႃႈတီႈၵူၼ်းမဵဝ်းၶဝ်ၼၼ်ႉ ႁင်းၽႂ်ႁင်းမၼ်းလႄႈ ၶဝ်တၵ်းဢွၼ်ၵၼ်ပၢႆႈၸူး ၵႃႈတီႈမိူင်းၶဝ် ႁင်းၽႂ်ႁင်းမၼ်း ဢေႃႈ။
၁၇ မဵဝ်းဢိသရေႇလပဵၼ်သူဝ်းဢၼ်ၽၢတ်ႇၽႄၵၼ်မၢၵ်ႇမိူဝ်ၵႂႃႇလႄႈ သၢင်ႇသီႈတင်းလၢႆဢွၼ်ၵၼ်ႁေႃႈမၼ်းပႅတ်ႈယဝ်ႉ။ၶုၼ်ႁေႃၶမ်းဢႃႇသုရိၼၼ်ႉၶူပ်းၵိၼ်မၼ်းဢွၼ်တၢင်းပိူၼ်ႈယဝ်ႉ။ ၵမ်းလိုၼ်းသုတ်းပိူၼ်ႈၼၼ်ႉၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇ ၼၼ်ႉႁၵ်းႁိၵ်းလုပ်ႇမၼ်းတင်းလၢႆပႅတ်ႈယဝ်ႉ။
၁၈ ပိူဝ်ႈၼႆလႄႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉၸမ်း၊-တူၺ်းလူ။ၵဝ်တၵ်းပၼ်တၢမ်ႇတီႈၶုၼ်ႁေႃၶမ်းပႃႇပုလုၼ်ႇ ဢိၵ်ႇတင်း သိုင်ႇၸိုင်ႈဝၢၼ်ႈမိူင်းမၼ်းမိူၼ်ၸိူဝ်ႉၼင်ႇဢၼ်ၵဝ်ပၼ်တၢမ်ႇ တီႈၶုၼ်ႁေႃၶမ်းဢႃႇသုရိၼၼ်ႉဢေႃႈ။
၁၉ ၵဝ်တၵ်းဢဝ်မဵဝ်းၸိူဝ်ႉၶိူဝ်းဢိသရေႇလ ၶိုၼ်းမႃးၸူးၵႃႈတီႈဢၼ်မၼ်းယၢမ်ႈၵိၼ်ယူႇၼၼ်ႉလႄႈ မၼ်းတၵ်းၵိၼ်ယူႇၵႃႈၼိူဝ်လွႆၵရမေႇလ ဢိၵ်ႇတင်းလွႆပႃႇသၼ်ႇလႄႈဢိမ်ႇၸႂ်တဵမ်ၸႂ် ၵႃႈၼိူဝ်လွႆဢေႇၽရိမ်ႇဢိၵ်ႇ တင်းလွႆၵိလၢတ်ႉဢေႃႈ။
၂၀ ၼႂ်းၶိင်ႇၵႃႇလႃႉမိူဝ်ႉဝၼ်းၼၼ်ႉၸႅတ်ႈထၢမ်ႁႃဢပျႅတ်ႈ မဵဝ်းၵူၼ်းဢိသရေႇလလႄႈဢမ်ႇမီးလႃးလႃး။ၸႅတ်ႈထၢမ်ႁႃဢဝ်တုၸရိူၵ်ႈမဵဝ်းယုတလႄႈဢမ်ႇထူပ်းဢမ်ႇႁၼ်။ ၵဝ်တၵ်းၽႄႇ ဢပျႅတ်ႈၶဝ်ဢၼ်ၵဝ်ဢဝ်ၵိုတ်းၵျၢၼ်ႇဝႆႉ ၼၼ်ႉပႅတ်ႈဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၂၁ ဢွၼ်ၵၼ်ၶီႇသိုၵ်းၶိုၼ်ႈၸူး ၵႃႈတီႈမိူင်း မေႇရိသိမ်ႇဢိၵ်ႇတင်းၵႃႈတီႈၵူၼ်းဝၢၼ်ႈၵူၼ်းမိူင်းၽိၵွတ်ႇ ၸိူဝ်းၼၼ်ႉတႃႉ။ဢွၼ်ၵၼ်ဢဝ်တၢႆလႄႈယႃႉၽဵဝ်ႈမဵဝ်းၸိူဝ်ႉၶိူဝ်းၶဝ်ပႅတ်ႈမူတ်းမူတ်းသဵင်ႈသဵင်ႈတႃႉ။ဢွၼ်ၵၼ်ႁဵတ်းၸွမ်း ၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈမႂ်းၼၼ်ႉတႃႉ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။ ၵဝ်တၵ်းလႆႈငိၼ်းသဵင်ႈတၢင်းဢၼ်တိုၵ်းသိုၵ်း၊ သဵင်တၢင်းဢၼ်ယႃႉၽဵဝ်ႈပႅတ်ႈဢၼ်ယႂ်ႇၼႃႇလူင်လၢင်ၵႃႈတီႈမိူင်းၼၼ်ႉဢေႃႈ။
၂၃ ၶွၼ်ႉလဵၵ်းဢၼ်ပေႃႉယႅၼ်ႉၼႃႈလိၼ်မိူင်းတၢင်းၼႃႈၼၼ်ႉ လႆႈၶၢမ်ႇတၢင်းဢၼ်တႅပ်းၽၼ်းလႄႈႁၵ်းႁိၵ်းလူႉလႅဝ်ယဝ်ႉလူင်ပေႇ။ ဝဵင်းပႃႇပုလုၼ်ႇ ၼၼ်ႉလႆႈပဵၼ်တီႈဢၼ်လီဢၢမ်း တီႈ ၵူၼ်းၵူႈၸိူဝ်ႉၵူႈမဵဝ်းယဝ်ႉလူင်ပေႇ။
၂၄ ဝဵင်းပႃႇပုလုၼ်ႇဢိူၺ်းၵဝ်ၵၢင်တူင်ႇႁဵဝ်ႉတူင်ႇၶိုမ်းဝႆႉပုၼ်ႈမႂ်းလႄႈ မႂ်းယင်းဢမ်ႇႁူႉလႄႈထုၵ်ႇၶဵၼ်းမႅၼ်ႈယဝ်ႉ။ ရၢၼ်ႇသူႇထူပ်းႁၼ်မႂ်းလႄႈ တိုၵ်းဢဝ်သိမ်းဢဝ်မႂ်း ၵွပ်ႈပိူဝ်ႈဢၼ်မႂ်းႁဵတ်း ၶတ်းၵၼ်တင်းထႃႇဝရႃႉၽြႃးၼၼ်ႉယဝ်ႉ။
၂၅ ထႃႇဝရႃႉၽြႃး ၽုၺ်ႇတိူၵ်ႈလၢၵ်ႈၼၢၵ်ႈၸူမ်းမၼ်းၸဝ်ႈလႄႈဢဝ်လၢၵ်ႈၼၢၵ်ႈ တၢင်းၸႂ်မႆႈၶႆႈၸႃႉမၼ်းၸဝ်ႈဢွၵ်ႇယဝ်ႉ။ လွင်ႈမၼ်းၸမ်း၊-ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးလွင်ႈဢၼ်တၵ်းလႆႈႁဵတ်းတီႈမိူင်း ၶႃႇလ တေႇ ဢေႃႈ။
၂၆ ဢွၼ်ၵၼ်လုၵ်ႉၵႃႈတီႈပၢႆလႅၼ်လိၼ်သုတ်းပုၼ်ႉမႃးတိုၵ်းတေႃးမၼ်းလႄႈ ၽုၺ်ႇပိုတ်ႇယွင်ၶဝ်ႈယွင်ယေးၶဝ်ႈမၼ်းတင်းလၢႆတႃႉ။ဢွၼ်ၵၼ်ဢဝ်မၼ်းၵွင်ဝႆႉပဵၼ်ပုမ်ႇပဵၼ်ၵွင်လႄႈ ယႃႉမၼ်းပႅတ်ႈမူတ်းမူတ်းသဵင်ႈသဵင်ႈထၼ်ႈပေႃး ဢမ်ႇၵိုတ်းဢမ်ႇၵျၢၼ်ႇ လႃးလႃးတႃႉ။
၂၇ ဢွၼ်ၵၼ်ဢဝ်ဢုၵ်ႉသၽႃႉဝူဝ်းငၢၼ်မၼ်းၵႃႈတီႈၼၼ်ႉတၢႆလႄႈ ႁႂ်ႈၶဝ်လူင်းၸူးၵႃႈတီႈဢၼ်ဢဝ်တၢႆၼၼ်ႉတႃႉ။ ၶဝ်ၼၼ်ႉမီးဢႃႉမင်ႇၵလႃႇဢေႃႈ။မိူဝ်ႉဝၼ်းၶဝ်၊ၶိင်ႇၵႃႇလႃႉဢၼ်ၶဝ်တၵ်းလႆႈၶၢမ်ႇတၢင်းဢၼ်သင်ႇသွၼ်သုင်းမႃႉၼၼ်ႉ ႁွတ်ႈထိုင်ယဝ်ႉ။
၂၈ လႆႈငိၼ်းသဵင် ၶဝ်ၸိူဝ်းဢၼ်ဢွၵ်ႇပၢႆႈလႄႈလွတ်ႈသေၵႃႈၼႂ်းမိူင်းပႃႇပုလုၼ်ႇ ၼၼ်ႉၸိူဝ်းၼၼ်ႉမွၵ်ႇလၢတ်ႈလူၺ်ႈလွင်ႈတၢင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်း ႁႂ်ႈတၢင်းၸႂ်မႆႈၶႂ်ႈၸႃႉမၼ်းၸဝ်ႈပျေႇဢိၵ်ႇတင်းတၢင်းဢၼ်ပၼ်တၢမ်ႇၸွမ်းၼင်ႇဢပျႅတ်ႈ ဢၼ်ယႃႉပႅတ်ႈမၼ်းၸဝ်ႈပႅတ်ႈၵႃႈၼႂ်း ဝဵင်းၸိဢုၼ်ႇဢေႃႈ။
၂၉ ဢွၼ်ၵၼ်ႁွင်ႉဢဝ် ၵူၼ်းမေႃၵၢင်ႇဢၼ်ဝႃႈ ၶဝ်ၵႃႈဢၼ်ၸၢင်ႊယိုဝ်းၵၢင်ႇၸိူဝ်းၼၼ်ႉမႃးယူႇၽၢႆႇၼိုင်ႈတင်းဝဵင်းပႃႇပုလုၼ်ႇတႃႉ။ဢွၼ်ၵၼ်ယၼ်ႇတပ်ႉၶၢင်းတပ်ႉၵႃႈတီႈလဵပ်ႈႁွပ်ႈမၼ်းလႄႈ ယႃႇပေႁႂ်ႈၵူၼ်းၶူႈၵူၼ်းဝဵင်းလႆႈလွတ်ႈသေၵေႃႉသေၵူၼ်း။ဢွၼ်ၵၼ်ပၼ်ဢပျႅတ်ႈ ၸွမ်းၼင်ႇတၢင်းႁဵတ်းတၢင်းသၢင်ႈ ဢၼ်မၼ်းႁဵတ်းသၢင်ႈၼၼ်ႉလႄႈ ႁဵတ်းတီႈမၼ်းၸွမ်းၵႃႈၼင်ႇဢၼ်မၼ်းယၢမ်ႈႁဵတ်းၼၼ်ႉတႃႉ။ မၼ်းဢုပ်ႇဢၢတ်ႇယူႇၽၢႆႇၼိုင်ႈတင်းထႃႇဝရႃႉၽြႃးၽြႃး
၃၀ ဢၼ် မူတ်းၸၢင်ႇမဵဝ်းဢိသရေႇလယဝ်ႉလူင်ပေႇ။ပိူဝ်ႈဢၼ်ပဵၼ်ၼင်ႇၼႆလႄႈ ၵူၼ်းၼုမ်ႇၵူၼ်းၵမ်မၼ်းတင်းလၢႆတၵ်းလူမ်ႉတုၵ်း ၵႃႈၼႂ်းသဵၼ်ႈတၢင်းမၼ်းတင်းလၢႆလႄႈ ၼႂ်းမိူဝ်ႉဝၼ်းၼၼ်ႉႁူဝ်ႁၢၼ်ၵူၼ်းသိုၵ်းမၼ်းတင်းသဵင်ႈတင်းလူင်တၵ်းသုမ်းတၵ်းၸွမ်းဢေႃႈ၊ ဝႃႈၼင်ႇ ၼႆထႃႇဝရႃႉၽြႃးမီးဢမိင်ႉဢေႃႈ။
၃၁ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၵေႃႉဢၼ်မႃႇၼႃႉယႂ်ႇၼႆႉဢိူၺ်းၵဝ်ယူႇၽၢႆႇၼိုင်ႈတင်းမႂ်းဢေႃႈ။မိူဝ်ႉဝၼ်းမႂ်း၊ၶိင်ႇၵႃႇလႃႉ ဢၼ်ၵဝ်တၵ်းလႆႈပၼ်တၢင်းဢၼ်သင်ႇ သွၼ်သုင်းမႃႉတီႈမႂ်းၼၼ်ႉႁွတ်ႈထိုင်ယဝ်ႉ။
၃၂ ၵေႃႉဢၼ်မႃႇၼႃႉယႂ်ႇၼၼ်ႉတၵ်းတိူဝ်ႉမႅၼ်ႈလႄႈလူမ်ႉလႄႈ ၽူႈ လႂ်ဢမ်ႇယုၵ်ႉဢမ်ႇပုၵ်းမၼ်းသေၵေႃႉသေၵူၼ်း။ၵဝ်တၵ်းဢဝ်ၽႆးတုတ်ႇဝဵင်းမၼ်းတင်းလၢႆလႄႈ မႆႈၶဝ်ၸိူဝ်းဢၼ်ယူႇႁိမ်းႁွမ်းလဵပ်ႈႁွပ်ႈမၼ်းၵႃႈမီးၼၼ်ႉဢေႃႈ၊ဝႃႈၼင်ႇၼႆဢေႃႈ။
၃၃ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ၵူၼ်းမဵဝ်းဢိသရေႇလဢိၵ်ႇတင်းၵူၼ်းမဵဝ်းယုတ တင်းလၢႆလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေး မိူဝ်ႈလဵဝ်ၵမ်းလဵဝ်ၵၼ်ယဝ်ႉ။ၶဝ်ၸိူဝ်းဢၼ်သိမ်းဢဝ်ၶဝ်ၵႂႃႇၵႃႈမီးၼၼ်ႉၶျုၵ်ႈၶဝ်ဝႆႉလႄႈ ထဵင်ပႅတ်ႈလူၺ်ႈ လွင်ႈ ဢၼ်တၵ်းပွႆႇၶဝ်လွတ်ႈၼၼ်ႉယဝ်ႉ။
၃၄ ၼႂ်းဝႃႈၼၼ်သေၵေႃႈ ၸဝ်ႈဢၼ်ထုတ်ႇၼုၵ်ႈဢဝ်ၶဝ်ၼၼ်ႉႁႅင်းယႂ်ႇၼႃႇလႄႈ မီးၼႃႇမႃႉၸိုဝ်သဵင်ဢၼ်ဝႃႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဝႃႈၼင်ႇၼႆဢေႃႈ။မၼ်းၸဝ်ႈတၵ်းပႂ်ႉဢမူႉၶဝ်ၼႃႇလူင်လၢင် ႁဵတ်းတၢင်းဢၼ်ႁႂ်ႈမိူင်းၸဝ်ႈတဵတ်ႇလီၼိမ်လီ ဢိၵ်ႇတင်း တၢင်းဢၼ်ယႃႉယူၵ်ႉ ၵူၼ်းၶူးၵူၼ်းဝဵင်းပႃႇပုလုၼ်ႇယူႇဢေႃႈ။
၃၅ ထႃႇဝရႃႉၽြႃးမီးဢမိင်ႉၸမ်း၊-ၽေးလၢပ်ႇၽေးလႅဝ်းတၵ်းႁွတ်ႈထိုင်ၵႃႈၼိူဝ်ၵူၼ်းမိူင်းၶႃႇလတေႇ၊ ၵူၼ်းဝဵင်းပႃႇပုလုၼ်ၶုၼ်မၼ်းၵႂၢၼ်းမၼ်း၊ ၵူၼ်းဢၼ်မီး ၺၢၼ်ႇပိင်ႇၺႃႇမၼ်းၼၼ်ႉၸိူဝ်းၼၼ်ႉဢေႃႈ၊
၃၆ ၽေးလၢပ်ႇၽေးလႅဝ်း တၵ်းႁွတ်ႈထိုင်ၵႃႈၼိူဝ်သြႃႇမိၵ်ႉသႃႇတင်းလၢႆလႄႈၶဝ်တၵ်းဢွၼ်ၵၼ်ပဵၼ်ၵူၼ်းယွင်ႇၵူၼ်းမႃႈဢေႃႈ။ၽေးလၢပ်ႇၽေးလႅဝ်းတၵ်းႁွတ်ႈထိုင်ၵႃႈၼိူဝ်ႁူဝ်ႁၢၼ်ၵူၼ်းသိုၵ်းမၼ်းတင်းလၢႆလႄႈ ၶဝ် တၵ်းဢွၼ်ၵၼ်ၸႂ်လူႉဢေႃႈ။
၃၇ ၽေးလၢပ်ႇၽေးလႅဝ်းတၵ်းႁွတ်ႈထိုင်ၵႃႈၼိူဝ်မႃႉမၼ်း လေႃႉရထႃးမၼ်းၵူၼ်းတၢင်ႇၸိူဝ်ႉတၢင်ႇမဵဝ်း ၵႃႈဢၼ်လေႃးလေးလူၺ်ႈၵၼ်တင်းၶဝ်ယူႇ ၵႃႈၼႂ်းဝဵင်းၼၼ်ႉၸိူဝ်းၼၼ်ႉလႄႈ ၶဝ်ၼၼ်ႉတၵ်းပဵၼ်ၸိူဝ်ႉၼင်ႇမေႈယိင်းၵႂႃႇဢေႃႈ။ ၽေးလၢပ်ႇၽေးလႅဝ်း တၵ်းႁွတ်ႈထိုင်ၵႃႈၼိူဝ်ၽၼ်ႇတႃႇဢုၵ်ႉၸႃႇမၼ်းလႄႈ ပိူၼ်ႈတၵ်းဢွၼ်ၵၼ်ႁိမ်ဢဝ်ႁူင်ႇ ဢဝ်ဢေႃႈ။
၃၈ ၽေးတၢင်းဢၼ်ႁႅင်ႈဢၼ်ႁွင်တၵ်းႁွတ်ႈထိုင်ၵႃႈၼိူဝ်မေႈၼမ်ႉမၼ်းတင်းလၢႆလႄႈ ၸိူဝ်းၼၼ်ႉတၵ်းႁႅင်ႈႁွင်ၵႂႃႇဢေႃႈ။လွင်ႈမၼ်းၸမ်းပဵၼ်မိူင်းဢၼ်မီးတဵမ်ဝႆႉတင်းရုၵ်ႉထူႉသၢင်းထူႉလႄႈ ၵူၼ်းဝၢၼ်ႈၵူၼ်းမိူင်းၸိူဝ်းၼၼ်ႉ ဢိင်ပိုင်ႈရုၵ်ႉထူႉၸိူဝ်းၼၼ်ႉသေလႄႈ ႁဵတ်းတၢင်းဢၼ်ငိူဝ်ႈဢၼ်သိူၼ်ႈယူႇဢေႃႈ။
၃၉ ပိူဝ်ႈၼႆလႄႈ တူဝ်ထိူၼ်ႇႁၢႆႉဢိၵ်ႇတင်းမႃထိူၼ်ႇတင်းလၢႆတၵ်းဢွၼ်ၵၼ်ယူႇၵႃႈတီႈၼၼ်ႉလႄႈ ၼူၵ်ႉၵလႃႈဢုၵ်ႉတင်းလၢႆတၵ်းဢွၼ်ၵၼ်ယူႇၵႃႈတီႈၼၼ်ႉဢေႃႈ။ၵမ်းလိုၼ်းၽူႈ လႂ်ဢမ်ႇလႆႈယူႇလႆႈသဝ်း ၵႃႈတီႈၼၼ်ႉသေၵေႃႉသေၵူၼ်း။ဢမ်ႇလႆႈပဵၼ်တီႈဢၼ်ၵူၼ်းယူႇၵူၼ်းသဝ်း ယူႇၵူႈၸူဝ်ႈၵူႈပၢၼ်သိုပ်ႇသိုပ်ႇတၢမ်တၢမ်။
၄၀ တၵ်းပဵၼ်ၸိူဝ်ႉၼင်ႇတၢင်းဢၼ်ၽြႃးပဵၼ်ၸဝ်ႈ ၵိူၼ်ႇယႃႉပႅတ်ႈဝဵင်းသေႃးတုမ်ႇဢိၵ်ႇတင်းဝဵင်းၵေႃးမေႃးရ တင်းဝဵင်းဢၼ်မီးၸပ်းမီးၸမ်ၵၼ်တင်းမၼ်းၼၼ်ႉ ၸိူဝ်းၼၼ်ႉလႄႈၽူႈ လႂ်ဢမ်ႇလႆႈယူႇလႆႈသဝ်း ၵႃႈတီႈၼၼ်ႉသေၵေႃႉသေၵူၼ်း။လုၵ်ႈၵူၼ်းသေၵေႃႉသေၵူၼ်းဢမ်ႇလႆႈတုၵ်းတီႈတုၵ်းလႅၼ်ယူႇၵႃႈၼႂ်းမၼ်းဝႃႈၼင်ႇၼႆဢေႃႈ။
၄၁ တူၺ်းလူ။ၵူၼ်းမဵဝ်းၼိုင်ႈလုၵ်ႉသေၵႃႈတီႈ ၼႃႈတၢင်းႁွင်ႇမႃးလႄႈ မဵဝ်းၵူၼ်းဢၼ်ယႂ်ႇၼႃႇဢိၵ်ႇတင်းၶုၼ်ႁေႃၶမ်း ဢၼ်ၼမ်ၼႃႇၼၼ်ႉဢွၼ်ၵၼ်လုၵ်ႉသေၵႃႈတီႈႁိမ်းၸဵင်ႇသုတ်းလိၼ်မိူင်းပုၼ်ႉပေႃႇမႃးဢေႃႈ။
၄၂ ၶဝ်ဢွၼ်ၵၼ်ယိပ်းၵမ်ၵၢင်ႇ ဢိၵ်ႇတင်းႁွၵ်ႇယူႇလႄႈပဵၼ်မဵဝ်းဢၼ်ၵျၢမ်းရိူင်းၼႃႇလႄႈ ဢမ်ႇမီးၵရူႉၼႃႇတၢင်းဢၼ်ဢိတ်းလူၼၼ်ႉဢေႃႈ။သဵင်ၵႂၢမ်းၶဝ်ၼၼ်ႉၸၢင်ႊလင်မေႃး ၸိူဝ်ႉၼင်ႇ သဵင်ၼမ်ႉသမ်ႇမုၵ်ႉတြႃႇၼၼ်ႉလႄႈၶဝ်ဢွၼ်ၵၼ်ၶီႇမႃႉသေလႄႈ ၶၢင်းတပ်ႉၶၢင်းငႃးမိူၼ်ၸိူဝ်ႉၼင်ႇႁူဝ်ႁၢၼ်ၵူၼ်းသိုၵ်းၼၼ်ႉ ႁင်းၽႂ် ႁင်းမၼ်းလႄႈၶီႇမႃးၸူးတီႈမႂ်းဢေႃႈ။
၄၃ လုၵ်ႈယိင်း
ပႃႇပုလုၼ်ႇဢိူၺ်း။ၶုၼ်ႁေႃၶမ်းပႃႇပုလုၼ်ငိၼ်းသတၢင်းသဵင်ၶၢဝ်ႇၼၼ်ႉလႄႈ ႁႅင်းမိုဝ်းဢူၼ်ႈၵႂႃႇဢေႃႈ။တုၵ်ႉၶႃႉတၢင်းၽၢၼ်ဢိၵ်ႇတင်း ဝူၺ်ႇတၼႃႇဢၼ်ႁႅင်းယႂ်ႇၼႃႇ မိူၼ်ၸိူဝ်ႉၼင်ႇမေႈယိင်းဢၼ်ၵိူတ်ႇလဵင်ႉလုၵ်ႈလဵင်ႉလၢင်းလႆႈၶၢမ်ႇၼၼ်ႉတုၵ်းႁွတ်ႈၵႃႈၼိူဝ် မၼ်းဢေႃႈ။
၄၄ တူၺ်းလူ။မၼ်းၼၼ်ႉတၵ်းၶိုၼ်ႈၸူးၵႃႈတီႈတီႈယူႇ ဢၼ်မၼ်ႈၶိူင်ႇမိူၼ်ၸိူဝ်ႉၼင်ႇဢၼ်သၢင်ႇသီႈလုၵ်ႉသေၵႃႈတီႈၵုင်ႇသရေႇ ၼမ်ႉႁွင်ႊယေႃႇတၼ်ႇၶိုၼ်းၼၼ်ႉလႄႈ ၵူၺ်းၵႃႈၵဝ်တၵ်းႁဵတ်းႁႂ်ႈမၼ်းၼၼ်ႉဢွၵ်ႇပၢႆႈဢေႃႈ။ၵေႃႉဢၼ်လိူၵ်ႈၵဵပ်းဢဝ်ဢၼ်ဝႃႈၵေႃႉဢၼ်ၵဝ်တၵ်းၶၢၼ်းဝႆႉၵႃႈၼိူဝ်မၼ်းၼၼ်ႉ ပဵၼ်ၽူႈ လႂ်။ၽူႈ လႂ်တၵ်းမိူၼ်ၵၼ်တင်းၵဝ်။ၽူႈ လႂ်တၵ်းမၵ်းၶၢၼ်းၶိင်ႇမိူဝ်ႈဝႆႉတီႈၵဝ်။ၵေႃႉဢၼ်လဵင်ႉသူဝ်းထိင်းသူဝ်းဢၼ်ၸိူဝ်ႉၼင်ႇႁိုဝ်ၼၼ်ႉ တၵ်းၸုၵ်းယူႇၵႃႈတီႈၽၢႆႇၼႃႈ ၵဝ်။
၄၅ ၵွပ်ႈပိူဝ်ႈဢၼ်ပဵၼ်ၼင်ႇၼႆလႄႈဢွၼ်ၵၼ်ထွမ်ႇငိၼ်းတၢင်းၵျၢမ်ႇတၢင်းပွင် ဢၼ်ထႃႇဝရႃႉၽြႃးၵျၢမ်ႇပွင်ယူႇၽၢႆႇၼိုင်ႈတင်း ဝဵင်းပႃႇပုလုၼ်ႇ တၢင်းၵျၢမ်ႇတၢင်းပွင်ဢၼ်မၼ်းၸဝ်ႈၵျၢမ်ႇပွင် ယူႇၽၢႆႇၼိုင်ႈတင်းၵူၼ်းမိူင်းၶႃႇလတေႇတင်းလၢႆၼၼ်ႉတႃႉ။ ၶဝ်ၼၼ်ႉတၵ်းတိုတ်ႉၸၼ်ဢ ဝ်ၶဝ်ဢၼ်ဝႃႈသူဝ်းဢၼ်ႁႅင်းလဵၵ်ႉသေပိူၼ်ႈၸိူဝ်းၼၼ်ႉၵႂႃႇဢမၢၼ်ႇၶၢၼ်ပဵၼ်ဢေႃႈ။
၄၆ လိၼ်မိူင်းသၼ်ႇဝႆ ၵွပ်ႈပိူဝ်ႈသဵင်ဢၼ်တိုၵ်းဢဝ်ဝဵင်းပႃႇပုလုၼ်ႇၼၼ်ႉလႄႈ သဵင်ၼၼ်ႉငိၼ်းၵႂႃႇတေႃႇထိုင်ႁွတ်ႈတီႈၵူၼ်းၵူႈၸိူဝ်ႉၵူႈမဵဝ်းဢေႃႈ။

ထမ်ႇမႃႉၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ
ၵျၢမ်းဢၼ်ဢွၵ်ႇၵႂႃႇ
ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ  
ၵျၢမ်းဢၼ်ႁေႃးတြႃး
လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး
ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ
ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ
ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ
ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ
လိၵ်ႈမၢတ်ႈလွင်ႈၼေႇႁမိ
ဝုတ်ႉထုဢေးသတႃႇ
ဝုတ်ႉထုယေႃႇၽ
ၵျၢမ်းသႃႇလၢမ်ႇ
ၵျၢမ်းလိၵ်ႈသုၵ်ႉတၢမ်ႇ
ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ
ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ
တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ
ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ
ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ
ပျႃႇတိၵ်ႉယူႇပႃႇရုင်ႇဢေႃႇပတိ 
ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ
ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ
ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး
ၵျၢမ်းဢၼႃႇၵၢတ်ႈတိၸႃႇၶရိ
ၵျၢမ်းဢၼႃႇၵၢတ်ႈတိမႃႇလၶိ
ထမ်ႇမႃႉၵျၢမ်းမႂ်ႇ

ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ
ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ
လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်တုတိယ
လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ
လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ
လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ
လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ
လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ
ၵျၢမ်းပျႃႇတိၵ်ႈ